ГЛАСНЇК ПО РУСКИ
ОБЛЇВАЧЕ ЯК ДАКЕДИ – И НА ПАРАДНИМ КОЧУ
РОК LXXII ЧИСЛО 13 (3674) НОВИ САД, 1. AПРИЛ 2016. РОКУ
■ З ДРУГОГО БОКУ ТВОРЧОСЦИ ЦЕНА 30 ДИНАРИ
Фото: С. Надь и Лю. Дудаш
На Други и Треци дзень Велькей ноци, ходзи ше по облїваню. У Руским Керестуре, гоч було досц жимно, хлапци и леґинє ходзели облївац, та даєдни дзивчата цо нє чекали облївачох у обисцу, були обляти и на драже. Окрем на оквецених бициґлох, по облїваню ше ходзело и на парадним кочу.
ОГЛЯДНУЦЕ НА ПРЕШЛОСЦ еб редакция „Руского слова”, у сотруднїцтве зоз Заводом за културу войводянских Руснацох, Музейом Войводини и Покраїнским заводом за защиту памятнїкох, поволує читачох новинох „Руске слово” и нащивительох сайта (www.ruskeslovo.com) же би помогли препознац особи на старих фотоґрафийох. Фотоґрафиї хтори ше будзе обявйовац на сайту и у новинох диґитализовани, а пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com. Фотоґрафиї ше будзе обявйовац длугши часови период, а на сайту буду пошоровани на окремним месце, так як виходза у новинох.
В
ПОМОГНЇЦЕ, РОЗПИТАЙЦЕ ШЕ, ПРЕПОЗНАЙЦЕ!
■ ПАСХА ПО
ГРИГОРИЯНСКИМ КАЛЕНДАРЕ
Фотоґрафия: K006a_0142P