ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
ОЗНАЧЕНИ ДЗЕНЬ ЖЕНОХ Зєдинєни нациї 1975. року 8. марец урядово преглашели за Дзень женох. У Сербиї ше тот дзень означує од 1914. року, а з тей нагоди ше орґанизує рижни трибини, гуманитарни акциї и програми з хторима ше обраца увагу и на положенє женох у дружтве, и на претаргованє їх дискриминованя. Но, заш лєм, остал и обичай того дня женом подаровац скромнєйши дарунок, лєбо квеце. У Руским Керестуре пре актуалну епидемиолоґийну ситуацию того року Дзень женох означени скромнo, а окрем у образовних установох и колективох, у центру валала могло купиц рижни файти квеца, прикраски, сувенири, а штанд мало и НВУ „Руске слово” на хторим ше предавало виданя по знїженей цени за 30 одсто. И у Дюрдьове, традицийно, у центру валала при пияцу предавало ше рижне квеце и ручни роботи, прикраски и инше. Туристична орґанизация Општини Вербас 7. и 8. марца орґанизовала „Базар красних стварох” на Площи Николи Пашича у Вербаше, на хторим було виложене квеце, лакотки и рижни дарунки за жени. В. В.
РОК LXXVII ЧИСЛО 11 (3932) НОВИ САД, 12. МАРЕЦ 2021.
■ МОЗАЇК: АЛЕКСАНДРА ШАНТА ИНСТРУКТОРКА У АВТО-ШКОЛИ
ОГЛЯДНУЦЕ НА ПРЕШЛОСЦ
Фотоґрафия: 0482P-B236
Фотоґрафия: 0275P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на слиП кох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.
Даєдни фотоґрафиї обявюємє вецей раз, понеже за нїх дотераз нєт нїяки податки.
Завод за културу войводянских Руснацох ма нове число телефона 021/654-65-34
Фото: Мария Афич
Фото: A. Meдєши
ЦЕНА 30 ДИНАРИ
■ РОБОТНА АКЦИЯ У КЕРЕСТУРСКИМ ХОТАРЕ