СПОРТ ПОРЯДНА РОЧНА СКУПШТИНА ЗСР „КОЛЯК”
ПОРИБЙОВАЛИ И ПОЛЄШОВАЛИ БЕҐЕЛЬ Здруженє спортских рибарох (ЗСР) „Коляк” у Руским Керестуре иснує од давного 1948. року, и воно нє лєм же пестує свою традицию, алє ше намага очувац керестурски води од заґадзованя и злєпшац цалосне природне околїско валалу
Н
а порядней Рочней скупштини ЗСР ,,Коляк� отриманей у Руским Керестуре на Лонґове прешлого тижня, винєшени звит о активносцох у прешлим року и планох за тот рок, як и финансийни звит з 2017. На Скупштини предсидатель ЗСР ,,Коляк� Михайло Пашо наглашел же Здруженє ма 105 членох − сениорох и ветеранох и 20 членох пионирох, чийо число того року звекшане, а планую и надалєй прицагнуц цо вецей младих до Здруженя. Попри числених членох, на Скупштини присуствовали Владимир Олеяр спред Месней заєднїци (МЗ), спред ЯКП ,,Руском� Иґор Фейди и числени спонзоре котри помагаю Здруженє, векшином з валалу. Од активносцох у прешлим року визначени гуманитарна роботна акция, кед окерчели часц бенту, а древо однєсли дзивчатом у потреби без родичох. Роботи на полєшованю валалского лєшику були у априлу кед посадзели коло 400 древка, у чим им помогла МЗ, ЯКП „Руском” и Добродзечне огньогасне дружтво з чию помоцу тоти древка залївали у маю. У юлию рибаре бетонирали свой простор на беґелю ткв. лєтнїковец, у септебру орґанизовали кампованє на познатим дунайским „Камаришту”, а у децембру порибели беґель з 800 кґ младей риби. Попри тих числених активносцох, ЗСР „Коляк” у прешлим року були орґанизаторе трох змаганьох – „Лапанє на дуґов” у юнию, нове змаганє „Терпешияда” у юлию и традицийней „Чукияди” у октобру з нагоди Дня ошлєбодзеня Керестура од фашизму. Були домашнї соорґанизаторе змаганю у лапаню на дуґов у рамикох спортским бависком „Яша Баков” у септембру, а наявене же и того року тото змаганє будзе отримане у Руским Керестуре. У тим року плани и надалєй унапрямени на полєшованє лєшику дзе хибя ище коло 2 000 древка за цо буду писац проєкт до Општини, та орґанизованє змаганьох по истим планє. Планую три вилєти на Дунай – у маю, юнию и юлию, а од марца розпочню роботи на завераню двох бокох лєтнїковцу за цо им Општина Кула обезпече-
38 РУСКЕ СЛОВО
ла средства. Предсидатель Здруженя Михайло Пашо визначел добре сотруднїцтво зоз шицкима здруженями у валалє, а планую знова участвовац и на манифестациї „Днї керестурскей паприґи” дзе ше представя своїма схопносцами пририхтованя єдлох з риби. Планую одход и на змаганє до Миклошевцох, кед же ше тото змаганє будзе отримане. И попри нєвельких средствох, Здруженє прешлого року дїловало позитивно – рочни приход бул 107 400 динари, потрошене 96 344 динари, а дзекуюци еко-проєкту з Општини Кула достали 30 000 динари (вимагали лєм 25 000), членарини, донацийом и другим приходом на розполаганю маю ище коло 34 000 динари. Предсидатель ЗСР „Коляк” Михайло Пашо подзековал Управному одбору на добрим сотруднїцтву и потримовки, а шицким котри допринєсли їх активносцом и котри их потримали финансийно додзелєни подзекованя, медзи нїма Општина Кула, Месна заєднїца Руски Керестур, ЯКП „Руском”, тапетариї „Комфорт” и „Тина ентерияри”, подприємство „Електромонтажа”, „Фреш маркет”, предавальня рибарскей опртеми „Тадич” з Кули, рибалови „Русин” и „Еделински”, конїцки клуб „Русин”, Добродзечне огньогасне дружтво Руски Керестур, Янко Медєши Ґари, Владо Планчак и Златимир Рамач – Йока котри роками водзел рибарску школу. Членарина у Здруженю и надалєй остала иста − 500 динари, а безплатна є за пионирох. Цени риболовних допущеньох тиж остали нєпременєни − 6 000 порядне, а 3 000 динари пензионерске. Членарину и допущенє мож уплациц кажди роботни дзень од стреди 31. януара у подприємстве „Пашопринт” и каждей нєд зелї у про сторийох Здруженя од 10 до 12 годзин. По законченю урядовей часци Скупштини, за шицких присутних була орґанизована вечера.■ М. Джуджар 2. ФЕБРУАР 2018.