5
NA[O MESTA
13. DECEMBER 2013.
НА КОНФЕРЕНЦИЇ УНЕСКО КЛУБОХ СЕРБИЇ
СХАДЗКА ОПШТИНСКЕЙ РАДИ У ШИДЗЕ
ПОХВАЛЄНА РОБОТА ШКОЛИ “ПЕТРО КУЗМЯК”
ПРЕДЛОГ РЕБАЛАНСА И НОВОГО БУДЖЕТА
На Конференциї УНЕСКО клубох Сербиї хтора отримана 7. децембра у Беоґрадзе, участвовали и представителє Основней и штреднєй школи „Петро Кузмяк” зоз домом школярох, з Руского Керестура котра уж три роки член тей орґанизациї. Учашнїкох привитала предсидателька Европскей федерациї УНЕСКО клубох Даниєла Попеску, а Учашнїки na Конференциї медзи хторима и представительки керестурскей Школи, Нярадийова и Пєщичова потим презентовани кратЖе би представела свойо активносци им послали за прешли школски рок. ки историят клубох у Сербиї. Учашнїки Конференциї потим поин- у тих обласцох, без скорейшей наяви Так зме мали нагоди учашнїком формовани о напрямох роботи була поволана и керестурска Школа, Конференциї представиц и нашу УНЕСКО клубох презентованих у котру представяли педаґоґиня Любица школу и єй активносци котри застуновембру на 37 Ґенералней конфе- Няради и професорка Невенка Пєщич. пени у мисиї УНЕСКО клубох, а – Були зме приємно нєсподзивани тиж и о нас Руснацох, нашей исторенциї УНЕСКА, у обласцох толеранциї, чуваню националного з тоту поволанку, и обгрунтованьом риї и традициї. – гварела за „Руске идентитету, еколоґиї, намаганьох орґанизаторох кед похвалєли нашу слово” педаґоґиня Нярадийова. роботу на основи звитох котри зме М. Афич за мир и друге.
У АКЦИЇ ПОЛИЦИЇ „ГРОМ” НА ПОДРУЧУ СРИМУ
ШЕЙСЦ ОСОБИ ЗАТРИМАНИ У рамикох полицийней акциї „Гром” хтора запровадзена на подручу цалей Сербиї, припаднїки Полицийней управи Сримска Митровица вошли до квартельох 25 особох за хторих була основана подозривосц же тримаю або поштредую у предаваню наркотикох. Як пондзелок сообщела Полицийна управа у Сримскей Митровици, од шейсцох особох хтори пияток затримани у полицийней операциї „Гром” пре подозривосц же нєовласцено продуковали и кладли до обтоку моцни дроґи як и пре нєовласцене триманє оружия, после 48 годзинох виведзени су пред тужителя хтори одредзел гарешт до 30 днї пейцом особом. То Д. М. (24), П. П. (29) и И. Т. (46) зоз Сримскей Митровици, потим Б.Р (31) зоз Старих Бановцох
и Й. У. (32) зоз шидского подруча. Шеста особа, С.Ч (20) зоз Ириґу, пущена же би ше бранєла зоз шлєбоди. Тиж полиция наведла же пренайдзени 1 856 ґрами марихуани, 16 ґрами героину, 161 таблети за хтору ше предпоставя же є екстази и 20 ґрами билого праху за хтори ше предпоставя же є кокаїн. У спомнутей акциї, як ше далєй наводзи, полиция пренашла и вжала два пиштолї, пушкомитралєз и 288 кульки, два байонети, шейсц ножи и два диґитални мажи за меранє дроґи. Пре основану подозривосц же нєовласцено продуковали и кладлил до обтоку дроґу як и же нєовласцено триманя оружиє, подозриви особи буду виведзени пред судию. Вл. Дї.
ЛИТЕРАТУРНИ ВЕЧАР У КПД „КАРПАТИ” У ВЕРБАШЕ
ПРЕДСТАВЕЛИ ШЕ “НАШО КРОЧАЇ” Всоботу, 7. децембра, у просторийох КПД „Карпати”, отримани литературни вечар на котрим члени Клуба писательох, поетох и рецитаторох „Нашо крочаї”, Микола Шанта, Серафина Макаї, Силвестер Д. Макаї, Снежана Шанта, Славица Шовш, Мелания Мишкар и наймладша членїца Марина Кухар, читали свойо дїла. „Карпати” ше намагаю ошвижиц традицию пестованя литератури и
язика през литературни вечари и стретнуца, а наздаваме ше же нарок будзе ище вецей нагоди за друженє з уметнїцкима авторами – гварела Александра Лендєр, руководителька рецитаторскей секциї КПД “Карпати”. Клуб, хтори о два роки наполнї 40 роки, представел його снователь и предсидатель, Славомир Шанта.
– Бул сом инициятор за снованє, теди лєм секциї „Нашо крочаї”. Гоч були даскельо паузи дїялносци того Клуба пре рижни причини, ми тримаме же робиме у континуитету од 1975. року. Мам план же би ше у блїзкей будучносци направело фестивал, як наприклад Фестивал поезиї младих у Вербаше, и наздавам же ше нам то и поспиши – гварел Славомир Шанта. Г. П.
МЕСТО ВЕНЦА
ЗДЕНКА ОРОС (1940–2013)
После длугей и чежкей хороти 5. децембра упокоєла ше наша позната вокална солистка, правнїца у пензиї, Зденка Оросова. Писню полюбела одмалючка, а запаметали зме ю як члена хорскей секциї Културноуметнїцкого дружтва „Максим Горки” у Новим Садзе ище у другей половки шейдзешатих рокох прешлого вику. Пошвидко постала и вокална солистка Радио Нового Саду, дзе през вецей роки на маґнетофонску пантлїку назнїмала значне число руских и сербских народних шпиванкох. Наступала як солистка и член хорскей секциї КУД „Максим Горки” вецей роки и на Фестивалу култури „Червена ружа” у Руским Керестуре и на Швету култури у Свиднїку (Словацка). После одходу до пензиї цали свой шлєбодни час пошвецела шпиваню. Попри тим же була стаємни член новосадского хору „Гармония” Руского културного центра и Грекокатолїцкей парохиї Святих апостолох Петра и Павла, вона була и стаємни член хору новосадского КУД пензионерох „Исидор Баїч”, а остатнїх рокох и словенского и єврейского хору. Єй дискретни чисти сопран при-
крашовал созвучносц у каждим хору дзе шпивала, та єй нє ридко зверйовани и соло часци у рамикох хорских аранжманох. Зденка Оросова, народзена 20. октобра 1940. року у Новим Садзе, походзи зоз мишаного малженства. Гоч одросла у руским стредку, спочатку у Коцуре, а вец у Вербаше, дзе закончела и ґимназию, вона єднак пестовала културне нашлїдство и своєй мацери, Сербкинї, и свойого оца, Руснака. Прето знала повесц же ма назнїмано вецей сербски народни шпиванки, а менєй руски, кед ше нє урахує и тоти цо зняти зоз хором, дзе шпивала и соло и у дуету зоз Меланию Павловичову. Дзекуюци знїмком руских и сербских народних писньох, котри ше чуваю у фонотеки Радио Нового Саду, памятка на уметнїцки прилог до сербскей и рускей музичней скарбнїци, котри приложела Зденка Оросова, будзе ище длуго тирвац, а єй приємни сопран зме ище длуго годни слухац прейґ габох Радио Нового Саду. Похована є 7. децембра на Новим теметове у Новим Садзе. Дю. Л.
Пондзелок отримана схадзка Општинскей ради у Шидзе на хторей утвердзени предлог ребаланса буджета за 2013 рок. По словох Николи Васича, предсидателя Општинскей ради место планованих милиярду и 33 милиони динари, з ребалансом плановани приходи од 980 милиони динари до хторих, як обгрунтоване, вошли и 30 милиони динари краткотирваюцого кредиту. Рада тиж утвердзела и предлог буджета за 2014 рок спрам хторого ше у општинскей каси планує 1,7 милиярди динари. Васич додал же и у проєкциї нового буджета за стипендованє студентох предвидзени 15,5 милиони динари. Влонї стипендия була 5 000 динари и доставали ю 335 студенти, а того року ю буду доставац 437 (од хторих 223 уписани на перши рок), а пре звекшанє числа студентох, стипендия будзе 3 500 динари. ОР тиж прилапела и предлог членох Комисиї за запровадзованє поступку явней лицитациї за даванє державней польопривредней жеми под аренду, а тиж и Комисиї за виробок Рочней програми защити, ушореня и хаснованя польопривредней жеми. О тих предлогох ше ма вияшнїц СО Шид, а потим будзе порушани поступок лицитованя .
ВЕЦЕЙ СТИПЕНДИСТОХ, МЕНШИ СТИПЕНДИЇ Општинска рада Шид ше склада же би стипендия студентом у школским 2013/14. школским року була 3 500 динари. Таку стипендию достаню 437 студенти, з котрих 223-ойо першираз уписали академски рок. Влонї стипендию од Општини Шид, 5 000 динари мешачно, доставали 335 студенти. Предсидатель ОР Никола Васич наглашел же за тоту намену у буджету за 2014. рок опредзелєни 15 и пол милиони динари, кельо було и у буджету за тот рок.
Предсидатель Васич визначує же у тим року локална самоуправа од лицитованя жеми достала 37 милиони динари и же ше планує основац окремни Фонд за потримовку польопривреднїком хтори би доставали одредзени субвенциї. По законских предписаньох, ОР предложела и состав општинского Совиту за здравство, цела хторе ше будзе старац о правох пациєнтох. Вл. Дї.
У РУСКИМ КУЛТУРНИМ ЦЕНТРЕ У НОВИМ САДЗЕ
ПРЕДСТАВЕНИ КНЇЖКИ И ПОДЗЕЛЄНИ УЧЕБНЇКИ
У Руским културним центру прешлого тижня отримана промоция двох кнїжкох за дзеци, єдна хтору написала Мелания Римар, „Жвирки у азбуки” и єдна хтору прешпивала „Чи ми верице”, у хторей 50 сербски писателє прешпивани по руски, алє писньочки обявени и у ориґиналу на сербским язику. Одвичательна редакторка дзецинского часопису, Римарова, дзецом представела и найновше число „Заградки” . Кнїжки представела сама авторка, хтора з дзецми витворела одличну комуникацию, та научели велї руски назви за рижни животинї. Римарова визначела же мала и бриґи, бо по руски нєт животинька на букву ю, та дзеци, як и илустратор кнїжки Любомир Сопка, видумали як випатра така животинька. На тим вечаре були уручени школски учебнїки за ученє руского язика, школяром з Нового Саду хтори ходза на пестованє руского язика, а хтори обезпечує Национални совит Руснацох. О. П-С.
ОКВЕЦЕНИ ЦЕНТЕР У КЕРЕСТУРЕ
БОНИ ЗА НОВОРОЧНИ ПАКЕЦИКИ
У Руским Керестуре од прешлого викенду мож почувствовац крачунску и новорочну атмосферу, з оглядом же керестурски майстрове-електричаре всоботу оквецели центер валала. Шветлосни украси и модели исти як и прешлого року, а у квеценю найвецей участвовали роботнїки з Подприємства „Електромонтажа”, як и други, а машини за роботу обезпечел каменяр Владимир Малацко. Тото традицийне квеценє, хторе орґанизує Месна заєднїца, у Керестуре почало з новим милениюмом, 2000. року. Як и прешли, и того року Керестурци годни вєдно дочекац Нови рок у центру, валала дзе будзе орґанизовани огньомет, а Дїдо Мраз до Керестура сцигнє дзень скорей, 30. децембра. Того дня, на 13 годзин, у сали Дома култури будзе отримана програма хтору орґанизує школа „Петро Кузмяк”, „Цицибан”, Дом култури и Основна музична школа, a там дзецом буду подзелєни и пакецики. Як догварене на схадзки Одбору за преслави Месней заєднїци, цена пакецика 500 динари, а бони за ньго мож купиц на блаґайни комуналного подприємства „Руском”. Ма. З.