Published by
Soul of Africa Box 1115
Ladanna 0704
Tel: (015) 295 4684
Fax: (015) 291 4244
Email address: soulofafrica@telkomsa.net
Cell: 082 734 8886
First edition 2022
ISBN
Copyright 2022
No part of this book may be reproduced or transmitted in any form or by any electronic or mechanical means, including photocopying and recording, or by any information storage and retrieval system, without written permission from the publisher.
a u o i e ou ie oo
ei swa swe eu zwa bvu bva bve
lwa lwe nga ngi thu tha ra kwa
bvumela zwavhuḓi vivho kanuka kwana
muhulwane vhumbiwa ṱongela hoku sola
swaswa swesa swiswi sweswe swiswa
muṅwe ṅwana neta miṅwaha lwawe
Vuledzani ndi ṅwana Vho-Maita. U na miṅwaha ya rathi. Ene o vhumbiwaho zwavhuḓi. Lunako lwawe lu kanukiwa nga muthu muṅwe na muṅwe muhulwane na muṱuku.
Bono u thivhela Vuledzani nḓilani tshifhinga tshoṱhe. U vha a tshi nga sa muthu ane a khou swaswa nae a tshi ri u ḓo vha mufumakadzi wawe, ngeno a tshi khou zwi amba nga u mu tama.
Vuledzani a tshi gidima a ḓi vhuyela hayani. Bono u na miṅwaha ya fumimalo.
Kha zwoṱhe zwe a vha a tshi ṱangana nazwo o vha a tshi swika a tshi vhudza mme awe, Vho-Maita. Fhedzi zwinzhi zwo vha zwi tshi vha dina.
Ḽiṅwe ḓuvha vho no ḽa zwiliwa zwa nga madekwana, Vho-Maita vha vhidzela Vuledzani hu ne vha eḓela hone. Vho mu vhudza uri a songo ṱanganedza tshelede ya muthu musi muthu a tshi ri o naka. Vha ri a songo tenda na u farafariwa nga muthu muṅwe na muṅwe.
O no livhuwa mme awe kha zwoṱhe zwe vha mu laya, vha rabela vha tshi ita na u lila vho mu kuvhatedza.
Muḓini wa ha Vuledzani wo vha u siho kule na tshiphaza tsha VhoGodi. Mukalaha vha thoma u tama kusidzanyana. Vha vho humbula uri vha ḓo ku kunga nga maḽegere. Vha ḓiita muthu ane a nga u na miswaswo na vhana.
Vuledzani ovha o ya u renga vhurotho. Vho-Godi vha mbo ḓihumbula u mu kunga nga maḽegere.
Vha tshi mu ṋekedza maḽegere a mifudafuda, a thoma u humbula zwe mme awe vha mu laya. A vha vhudza u ri ha a funi maḽegere avho. Mukalaha vha mu kwengweledza, ene a mbo ḓi hana a bva a ṱuwa.
A swika a vhudza mme awe zwoṱhe. Mme awe vha humbula uri ndi khwine vha tshi dovha hafhu vha mu ruma matshelo na khaladzi awe, Zwoluga. Uri a vhe ṱhanzi arali vha nga dovha.
Musi Vuledzani na Zwoluga vho no vha tsini na u swika tshiphazani, vha langana uri u tea u renga vhurotho fhedzi, a vhone uri vha ḓo dovha na u mu kunga nga mḽegere Musi Vuledzani a tshi dzhena tshipazani, mbilu ya Vho-Godi yo mbo ḓi rwela nṱha. Vho mbo ḓi mu vhudza u ri vha tou mu takalela, ṋamusi a songo shavha u dzhia maḽegere avho.
Musi Vho-Godi vha tshi tou thoma u ṋekedza Vuledzani maḽegere Zwoluga o vha a tshi khou zwi vhona zwoṱhe zwavhudi. Ene Vuledzani o mbo ḓi thoma u ambela nṱha a tshi ri ha a funi maḽegere avho. O zwi amba a dovha a tshi itela uri na khaladzi a zwi pfe. O mbo ḓi vha a tshi khou bva nga u gidima a tshi ya kha khaladzi.
Vho-Maita zwo vha dina lwe vha mbo ḓi rwela luṱingo kha khotsi awe tshikhuwani, Piṱori. Vho ita izwo nga u ḓivha uri mukalaha wavho na Vho-Godi vho ḓowelana. Khotsi awe vha sinyuwa vhukuma. Vhudza mufumakadzi, Vho-Maita u ri vha ḓo foinela Vho- Godi. Mbudziso
1. Mme a Vuledzani ndi vhonnyi?
2. Mukalaha wa tshipazani ndi vhonnyi?
Nga Mauda TL