Umhverfis Þingvallavatn
Raðganga haustsins 2021 verður umhverfis Þingvallavatn, stærsta náttúrulega stöðuvatn Íslands. Vatnið er talið um 12000 ára gamalt, 83,7 km² að meðtöldum eyjunum, sem eru 0,5 km² að stærð. Þær eru þrjár og heita Sandey, Nesjaey og Heiðarbæjarhólmi. Þar sem vatnið er notað sem miðlunarlón fyrir raforkustöðvar er vatnsyfirborðið örlítið mismunandi, en um 101 m y.s. að meðaltali. Mesta dýpi er um 114 m en meðaldýpi er um 34 m. Saga og náttúrufegurð gerir Þingvallavatn einstakt meðal vatna landsins. Gengið verður umhverfis vatnið í 5 áföngum. Hér er um að ræða léttar láglendisgöngur sem merktar eru sem einn skór.
6