ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №45 (879) Lапат хутмет (суббота), Аспотты тыlащ (ноябрь) 11-мет хатl 2017-мет таl
Дорогие друзья! От всей души поздравляю вас с профессиональным праздником – Днём сотрудника органов внутренних дел Российской Федерации! Каждый день вы несёте свою нелёгкую службу, оберегаете жизнь и покой наших граждан, обеспечиваете законность и правопорядок на территории Арктического региона. И, конечно, главной оценкой вашей ответственной работы является доверие и уважение ямальцев. Пользуясь случаем, от имени правительства автономного округа выражаю всем сотрудникам ямальской полиции, ветеранам ведомства благодарность за весомый вклад в стабильное социально-экономическое развитие региона, надёжную защиту прав и интересов наших земляков на арктических рубежах Отечества. Пусть ваши знания, высочайший профессионализм, патриотизм и мужество и впредь будут основой безопасной и комфортной жизни, укрепления Ямала и всей России. Желаю всем дальнейших успехов в службе, крепкого здоровья, счастья и благополучия в семьях!
Финно-уграт – йи рутат Аспотты тыlащан оlаhмет хатl эlты хуlмет хатl унты Пулhаватан финно-уграт ияха актащисат (встречи родственных финно-угорских народов). Воlаh тампуш щи рутат няврэмат ураhан каш версат. Оlаhмет хатаlан марий мир ёх lуматты сох вантопса пуншиlыса. Емаh хатlата лумтыlыты сохlаl, поры верты хорасlаl, кура lумтыlыты сопекlаl иса этаlтасlаl. Аспотты тыlащ кимет хатаlан садиката яhхты па санаторно-лесной ашкуlайн утаlтыты няврэмат ураhан «Музыкально-песенное творчество финно-угорских народов Ямала» открытый урок верыlыса. Няврэмат ураhан мастер-классат этаlтысайт – Овс мув рут
мир аканят ёнтты утаlтысаят; окружной Центр национальных культур хотан рупитты хоятат каш версат. Ямальский многопрофильный колледж утаlтыты хотан овс мув мир коллективат па арыты, монщты ёх концерт этаlтысат. Хуlмет хатl «Наследие предков» нэмпи концерт ус. Щита «Сыра-Сэв» ансамбль хоща якты па арыты ханты ху Валентин Вальгамов проект хуват каш верса. Программа хуват каман умащ ус: Овс мув хантэт арысат, ханты ханшеh lумтыlыты сохат, апраh якат этаlтысат, обско-угорский мохет нарсъюхат, торсапlат, ныhъюхат, томранат па пенщарат этаl-
тысайт па умащ сыйlаl хуlатсайт. «Сумат нув» нэмпи коллектив – каш верты семья, якты ансамбль «СыраСэв» каш версат. Умащ вантты ус, хоты энамты няврэмат – студентат щита ханты ясаhан потарсат, якты хот верат нумаlмисат, щикем хошатман ханты уlапса верат каш харан lарпитсэl. Анжела Вальгамова туса сэвам сак лопасlаl вантопсая поныlысlы. Окружной департамент культура эlты ёхтам айкеl хуват, щимащ уйтантапсайт 1993мет таl эlты верыlыlаят. Валентина РОХТЫМОВА ханшам айкеl па верам хор
Губернатор
Ямало-Ненецкого автономного округа Д.Н. Кобылкин
Уважаемые сотрудники и ветераны органов внутренних дел! От всей души поздравляю вас с профессиональным праздником! Во все времена вы достойно и с честью выполняете первостепенные задачи по защите жизни, здоровья, прав и свобод человека и гражданина, интересов общества и государства от преступных посягательств. Проявляя мужество и героизм, вам не раз приходилось выполнять задачи в сложных боевых условиях. Сегодня вы гарант правопорядка и стабильности в Арктическом регионе. От вас всегда требуется высокий профессионализм и полная самоотдача сил. Спасибо вам за безупречную службу и преданность избранному делу. Особая благодарность ветеранам органов внутренних дел, тем, кто бережно передаёт свой опыт и славные традиции молодому поколению. Светлая память сотрудникам, исполнившим служебный долг ценой собственной жизни. Дорогие земляки! Искренне желаю вам дальнейших профессиональных успехов, счастья, мира и добра. И пусть ваша смелость и любовь к северной земле будут и впредь способствовать укреплению законности на Ямале.
Председатель Законодательного Собрания Ямало-Ненецкого автономного округа С.М. Ямкин
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Куртан ищи рупата уятты верытlа Куртатан уlты хоятата lавартшак рупата уятты. Щишан социальный защитайн рупитты хоятат кашh хоят пиlан атэl рупитlат. Овс мув шимlаh мир хоятат хошты рупатаеl ищи мосаl. Арпелак нэhат па ёхат туса щукщатты, ёнтасты, сэвты, юх па lов эlты нёхратты хошlат. Щишан тус ёшаh рупатайlаl емаh хатlатан тыныllаl. Мет ар хоят тащ ёх емаh хатаlан па хуl веlпасlаты ёх емаh хатаlан актащийl. Там таl сыс щёрас хутсот ветьяh пеlа вет овс мув шимlаh мир хоят рупата каншман нэпек ханшиlыйс. Щёрас хуlамсот ветьяh хоят рупата мощатас. Lапатьяh пеlа няl хоят утаlтыты китсайт. Вет хоят охан нётса па lув индивидуальный предприниматель щиран рупитты питсат. Надым воошан йи нэ «Лунтик» нэмпи ай няврэмат яhхты лот пуншас. Ныда куртан яlап lапка пуншса. Тазовский куртан ар няврэмаh ащи гостиница пуншас. Йи ху Гыдайн пормас па хоятат ох сахат тутlыйl.
«Мозаика» садик пуншса Аспотты тыlащ lапатмет хатаlан Пулhават воошан «Мозаика» нэмпи садик пуншса. Хащам таl сыс округев lоватан щит няlъяh пеlа кимет яlап садик. Lув хуlамсот няврэм lэпаlты верытаl. Хуlам ятпи садикан няврэмат ураhан арыты, якты, йиhк хуват унщиlыты, массаж верты хотат, lуhтапат lуhатты хот, планетарий, музей, сенсорный комнатайт верман уllат. Няврэмат ураhан ин туhа щира хотъятат версайт. Lув атэl хотан оllыlат, ёнтlат, lавантыlат. Ищки порайн lув ищи ким яhхты верытlат, щи ураhан кат верандаяh хот верман уllа. Яlап садик пуншаман округ губернаторэв Дмитрий Кобылкин ястас: «Ай няврэмат кеша садикат муh па еllы омасты питlув. Еllы ашкуlайт па аршак омасlув. Тамащ хорамаh па хошам хотатан муh няврэмlув туhа щира ат ханшlат, ёнтlат, амтатlыlат. Lув – муh еllы уlапсаев, муh округев нох паятты хоятат». Сергей Парсаданян ГСК «ВИС» куща lаhкар ху «Мозаика» хот эlты томан няlам Зельфия Айдакова ёша масlы. Там хатаl вуш эlты няврэмат яlап хот юшlаl утаlтаllаl.
Аллина ТОЯРОВА lэщатам айкеlhан
2
№45 (879) Lапат хутмет (суббота), Аспотты тыlащ 11-мет хатl 2017-мет таl
Симась емаh хатl муhева мосаl унтат омасты хоятат эlты, Москва воош эlты уllув ки. Мувев мосаl шавиты. Тамхатаl, хасям, еllы уlты уlапсайl эlты нумты. Си ураhан си емаh хатlэв постаlэв». Аспотты тыlасян няlмет хатаlан Пулhават воошн хоятат хатаl шупан «Геолог» хося митинг сирн актасисат. Кашh рупитты, ант рупитты хоят, утаl-
Аспотты тыlасян няlмет хатаlан Хоон мувевн уlты хоятат емаh хатlэl. Си хатаl постыман, хоятат яха актасьман альсэl, хоты уlты мувеl сама тайlэl. Катра порайн (1612 таlан) си хатаlан муh мувеван уlты хоятат яха пиlтасьман, lув юрэl альман, па Хоон мув хоятат эlты (польско-литовских интервентов) Москва воошев нох паятты верытсэl. Муh катра уlты хоятат хорпи: юрhат, хун мосаl, верытlув яха актасьты па мувева нётты. Пумасипа муh еlпеван уlам хоятата,
тыты няврэмат вотвойт, арсыр плакатат пиlн ияха lойсат. «Муh ар – мувев ит», «Россия Хоон мувевн яха акатlаюв», «Хун муh яха – нэмоlты санкцияйт муh ант паllув» па па отат усат. Ай няврэмат еhта поталэт пиlн. Нарас сый сясяс. Каш верты хоятат яксат па арысат. Воошев куся хоятэв Иван Кононенко ёхтам
хой мувев шависэl. Ин муh йи муван ар хорпи хоятат яха, туhа сира уllув. Си емаh хатlэв постаlэв. Форум «Сообщество» хося Хоон мувев куся хоятэв Владимир Владимирович Путин ястас: «Lаварт па ар хорпи муh мувева, симась емаh хатаl мосаl. Муя си хатаl муhев утаlтыllы? Хоятата ант мосаl lув сирэlан уlты. Уlапсаев яма верты утсиlув ки, мувев па юраhшака па тасяhа верты, ияха уlты мосаl. Кашh хоятэв хося муh мувев уlапсайl уl: ван-хув,
«Земля Надежды» хар верса Пулhават воошан Санаторно-лесной ашкуlа хося няврэмат сютсяты хатlатан «Земля Надежды» хар верыlыса. Lув аспотты тыlась оlаhмет хатl эlты ветмет хатl унты маныlыйс. Шоши мир няврэмат пиlн энамты няврэмат Овс мув Содружество эlты рупитсат. Lув кутэlан няврэмат усат, хой похат па эвет пиlн lув рут ясhеlан потарсат. Хоты Дмитрий Кельчин ястас: «Си пуншам проект хося ма оlаhмет таl эlты рупитlам. Кимет таl Санаторно-лесной ашкулайн утаlтыты няврэмат пиlн уйтантыlув. Си еlпийн проект Анна Павловна Неркаги
факторий хося верыlысэв. Сита 2012, 2013, 2015 таlан рупитсам. Там таl экология таlа постыман уl. Оlаhмет хатаlан няврэмат пиlан ванашак уйтантысув, каш версув. Ашкуlаеlа там таlа экология пос lэсятсув. Lыптат омассув. Овс мувевн уlты воойт, хуlат, lыптат эlты потрат тусув, ёнтапса версув». Кашh хатаl яlап потар. Йиhк, тут, мув па lыl шув эlты потарсат. Сяlта кашh классан няврэмат пиlн ёнтапсайт, конкурсат, экспериментат, мастер классат версат. Кашh етн няврэмат верам рупатайlаl эlты потарсат: муй яма тыяс, муяl атом. Хасям хатlэlан
верам пормасат вантопсайн этаlтысат. Мет юраh, каркам, хорамаh, ошаh няврэмат мойlапсайн масайт. Няврэмат каш версат, караоке хуват арысат па як хот версат.
Альбина ТЫРЛИНА lэсятам лопас па верам хорат
хоятат, Овс муван уlты хоятат мойlапса ясаhан китсаllы: «Муh кашh порайн яха усув, хун мувев шависэв. Муй арат уlты ар хорпи хоятат Ун ляль порайн ляляссат. Си ураhан Хоон мувев уl, па еllы мет воlаhа питаl!» Си хатаl елпийн па емаh хатlэlан хоятат мечеть па храм хося яhхсат. Сита пойкащсат.
3
№45 (879) Lапат хутмет (суббота), Аспотты тыlащ 11-мет хатl 2017-мет таl
«Гознакан» рупитты ханты Муh там йисан кашh хатl ох ёшан катlыlув. Щелох муй па соlкувайт lапкая туllув lэтот па пормас lутты ураhан. Куш рупата охlув карточкая китыlыlайт па щиlта ищипа вуйlыllув. Туп, ма нумастэман, арпелак хоят ёшан катаlты охаl туhа щира ант вантыlыllы, ант нумасыйl муй щиран щи охат верlайт.
Дворец «Ласточкино гнездо» скульптурайl ищи lув ёшаlна верман уса
Ма вутщиlам йи ханты хоят эlты ханшты. Туп lув, муh ханты мирэв эlты, Московский монетный двор АО «Гознак» нэмпи тахайн рупитаl. Щит Эдуард Алексеевич Тользин. Lув нэмаl Реестр Профессиональных Художников «Российской империи, СССР, «русского зарубежья», Российской Федерации и республик бывшего Советского Союза (XVIII–XXI вв.)» нэпека lоhаlман уllа. Унтlор тыlащ катхощьяhмет хатаlан 1970-мет таlан Горки воошан Эдуард сэма питас. Аратаlан семьяеlан няl няврэм усат: ху апщеl – Владислав Алексеевич Тользин, каматса таl сайн антома йис; нэ апщеhаlаl – Виктория Алексеевна Енова (Тользина) па Альбина Алексеевна Тользина. Аhкеl-ащеl пиlан Lопхары куртан усат. Аhкеl Нина Алексеевна Тользина (Муратова), ащеl Алексей Кузьмич уlман хуват хуl веlпасlаман усhан. Эдуард хуlмет класс унты Lопхары ашкуlайн утаlтыйс, щи юпийн Горки ашкуlайн. Ашкуlа етшаптамаl юпийн Пулhавт воошан уlты Л.В. Лапцуй нэмпи училищайн утаlтыйс «Мастерство Художественной обработки материалов» специальность щиран. 1992мет таlн «Художник – мастер по дереву, кости, меху» дипломан маса. 1992-мет таl эlты 1998-мет таl унты – С.Г. Строганов нэмпи Московский Государственный Художественно-Промышленный Университетан утаlтыйс. Утаlтыты етшамаl юпийн диплом Художник декоративно-прикладного искусст-
ва ёша павтас «Художественный металл» специализация щиран. 1998-мет таlн Москва воошан уlты Гознак рупата лота вохса, хота lув скульптор-медальер щиран рупитты питас. 2012-мет таlн оlаhмет категория щиран художника рупитты питас Москва воошан Дизайнерский центр ФГУП «Гознак» территориальный художественный студияйн. Щаlта, ищи таlн, 2012метн Московский союз художников «Секция скульптуры» lоhаlман уса. Каматса ясаh Эдуард эlты ястас lув кущайl – Владимир Борисович Ананьин: «Аратаlан, муh, lапат хоят рупитlув. Тата рупитты хоятат хоl ун лотан утаlтымеl юпийн там рупатая ёхатсат. Там рупатайн мосаl сам lаhхаман рупиттыя: аl ванты щиты рупитты lаварт питаl, хоят веккеша рупатайl верты туhа щира ант верытlаllы. Муh хощаев Эдуард Алексеевич Тользин рупитаl. Lув верты рупатайlаl ханштаl тумпийн, щаlта гипсовый хората верlаllы. Яh таl сыс, 2005-2015метhан, аратаlан эсlам щелох ки вантты: Эдуард ханшам хорат хуват хуlам эlты кимет шупаl (две трети) верман уllа. Lув рупатайl шеhк яма верlаllы, шеhк туса. Тампуш ма С.Г. Строганов нэмпи Московский Государственный Художественно-Промышленный Университета яhхсам, мосаh матты медальер, рупатая вуты хоят, уятlам – туп йи хоят антом. Там рупата lавартшак аl хор ханшты вер эlты артаlаман». Эдуард каматса ясаh lув рупатайl эlты ястас: – Муh антом туп Россия lоватан ох картэт верlув, щи тумпийн па хоон муват соlкувайт ищи верыlыlув. Тами бона – щелох эlты верман уl. Мет оlаhан художник эскиз вераl, щи юпийн скульптор хор туhа щира lэщатlаllы. Щишан Банк России эсаl-
Щёрас соlкува бона скульптура Эдуард версаllы
ты каталогатан ханшман уllа кат нэм: художник па скульптор. Ма верты рупатайlаман иса ханшман уllа «Т.Э.», щелохатан па соlкуваятан ма ант верытlам щимащ посат понтыя.
Эдуард Алексеевич Тользин ох верты тахайн рупитты ханты Ма рупатайlам рахаl ЦБ Российской Федерации эсаlты нэпекан щита уlты ятан «Памятные монеты России» хоща ванттыя. Рущ ясаhан ки ястаты ма трёхмерный пространство щиран рупитlам – щит скульптор, ювелир, керамист, фарфорист, инсталляций ищи верlам. Щи ураhан ма рупатайlам рахаl вантты пластилинан, картыйн, тынаhкеван, lован. Хащам ят ма хорат тонты эlты ищи щурытты питсам. Манэм умащ турамсот пормас пиlан рупиттыя. Кашh пуш ма моlты яlап ятат ма урhеман уятlам. – Кашh пуш кум шитыlытэнан наh энмам мувена яhхиlыlан? – Кум шиттэман ма мир вантман яhхlам, муh хоон мувев тумпийн па муватан ищи усам. Туп кашh пуш ма энмам, сэма питам мувема яhхlам. Ма воой веlпасlаты, хуl мощатты харщи. Щишан тамащ умащ ят ма нэмоlты порайн ант эсlыlэм. – Муй lуlан наh lаhхасаян ханты мир хоятlана ястаты? – Ма вутщиlам ястатыя, lуlан, кашh хоят lувеlа сама рахты рупата уйтас. Сама рахты вератты-щукщатты пищ мощатас. Ванты, хоят lувеl там уlапсаяlан ант ки уятlаllы – lув аl ушаl. Няврэм тайты хоятата: няврэмат моlты вер хоща самеl ки lаhхаl – ат верlат: щурытlат, lуhатlат, арыlат, якlат… Аhкета-ащета lувиlаl ишакты мосаl – щи порайн, мосаh, няврэм ун хоята йиl. Щи тумпийн ханты мир уlапса ищи альты мосаl. Патан воой-хуl веlпасlаты тутlыты, юх эватты хара тутlыты, торан хара тутlыты. Щаlта муh ханты куртыиlув алиlыты, щита уlты хоятат пиlан потрэмиты. Щи порайн муh няврэмlув эlты туhа щир хоятат энамlат. Аллина ЯКОВЛЕВА lэщатам потар Эдуард ТОЛЬЗИН мийм хорат
Сусан хуl веlты ёх ураhан Овс мув ёхlув таlан иса каш тайман хуl веllат. Щи веlпас ищки порайн, еhк эlты уlлияl. Щи порайн мосаl вантты, хоят ищкиян ант ат потса, еhк ант ат шукаlас па хоят потам йиhка ант ат питас. Еhк lоhlа хатl новиян яhхты рахаl, аяlта пурамты мосаl, атамшак тахайт lарытман манты мосаl. Ар
хоятан мантыян, хоятат кутан 5-6 метра хуват хул хайты мосаl. Сора па ияха актащман манты ант мосаl. Еhк халыlаl ки, ищи юш хуват кур иlта таlман, еhк эlты нох ант аlамман, шушты мосаl. ГПС №1 ФКУ «Центр ГИМСС МЧС России по ЯНАО» хоща рупитты ху Михаил ИЛЬИН ханшам потар, Валентина РОХТЫМОВА толмащсаllы
Хуl веlты ху ураhан инструктаж верlа
4
№45 (879) Lапат хутмет (суббота), Аспотты тыlащ 11-мет хатl 2017-мет таl
Ими хиlы (Оlаh шупаl №44 (878) газетайн понман уllа) Кимет хатl lув юкан нэhаl ураhан еllы манс. Хув-ван шушас па курта ёхтас. Хоятат пиlан потартас, нэhаl нох каншсаllы. Потар кашн шай йинщсат. Ими хиlы нэ ураhан ёхтам вераl эlты ястас. Нэ антеlан, ащеlан пормасатан lэщатса. Lоован кирсайтан. Ёхlы пеlа манты питсатан. Мантсатан, Емаh кев пертыкку юкан нэ курта ёхатсатан. Нэ манты lэщатымаl. Шай йинщсат, актащсат. Щита па lоован кирсайт. Еllы мантсат. Ёхм пай хаткку нэ курта ёхатсат. Щи нэhаl па lоован кирса. Lэlтассат па мув усэl унты мантсат. Мув уса ёхатсат. Ими хиlы лаккеl таllыты питсаllы. Оlhа пормасlаl нох таlсаllаl, (ёрн хирlаl, вайlаl, сахlаl). Щи юпийн уншак нэhаl нох таlса, кимет нэhаl нох таlса, щаlта ёхи хащам нэhаl таlса. Ай нэ шияlаманан, катhан яха питсатан, итl ястаl: – Там хоты ма нэhем. Кимет отаl ястаl: – Анта, там ма нэhем. Ими хиlы иlта хуlатаl, катhаllаl яха питман, иlта уваl: – Муй нэ аратыlтан? Манэм нох таlаlан. Катhаllаl Ими хиlы нох таlты питсаllын. Еша таlсаllын па итl ястаl: – Муй lувеl нох таllыты? Уllын па лаккеl шоппи эватмаllын. Ими хиlы иlн щиты щи хащас. «Муй верты?» – Нумасl, нумасl. Хоты лэhки нэрыйl, курта ёхlы щи шушас. Оlаh курта ёхтас, уншак нэ уlам хота lоhас. Пиращ отhан пеlа ястаl: – Щиты, щиты… Катhаllаман лаккеl шоппи эватмаса, иlта муван хащсам. Муйн нохlы ёхатlам? Пиращ ики ястаl: – Тата, хоlща карты ворш уl. Карты воршан нох туlайн ки щи. Lоовн кирса, карты ворш уlты таха
альса. Ими хиlы щи ёхтас, вантаl: карты ворш – щит пиращ ики. Щи ики карэмаl па карты ворша тыйl. Карты ворш ястаl: – Туты хоты туlэм, туп ма щах пирщемисайм, мосаh, щёмем ант ёхатаl. Нёхи lэщата. Нохlы пурlаман манlаман, муйкем манlаман, щикем манэм нёхийн lапатты мосаl. Мув ус унты ёхатсатан. Ими хиlыя пиращ ики ястаl: – Ин манты питlаман, охем и пелак карэмиlэм, уhlэм нёхийн хойlты, кимет пелак карэмиlэм па уhlэм нёхийн хойlты. Муйкем манlаман, щикем манэм lапты. Нох ёхатты питlаман, аl нумасыя: «Нох щи ёхатсаман». Щиты ки нумаlмиlан, мохты иl раканlаман. Катра хоты ма еl-ёхи яhхсам, ин щёмlы питсам. Ин икеl карэмас, карты ворша йис. Ими хиlы нёхи хирlаl кат пелка ярсаllы па карты ворш шаншура нох lэlас. Щи нохlы манты питсатан. Карты ворш и пелак охаl карэмаl – Ими хиlыйн уhаl хуват нёхийн лукемаlа, кимет пелак охаl карэмаl – нёхийн хойlтlа. Нох щи ёхатты питсатан, нум пелак турам ныты питса. Ими хиlы нумасl: «Я, щи ям, куш кепа ёхатсаман». Щи пуляh иl туты питсайтан. Иl ракатсатан. Ворш ики ястаl: – Ма ин мунты щи ястасам, нох ёхаттэман аl нумасыя «Нох щи ёхатсаман». Па мантэманан щиты аl нумаса. Хаlэват манlаман. Кимет хатl па нёхи эвтас, хирата понтсаllы. Пурlыстан. Карты ворш и пелак охаl карэмаl – Ими хиlыйн уhаl хуват нёхийн лукемаlа, кимет пелак охаl карэмаl – нёхийн хойlтlа. Имоlтыйн Ими хиlы аhкармаl – нёхиlаl хоlамеl. Карты ворш и пелка аhкармаl – нёхийн ант маlа, кимет пелка аhкармаl – нёхийн ант маlа. Ими хиlы кешеl лакемас, пещl эlты нёхи эватмас. Щи нёхийн ворш икеl lапатты питсаllы. Нёхеl хоlас, ки-
мет пещ нёхеl па эватмасlы. Па воршаlа lапатсаllы. Щиты урайн, урайн нох ёхатсатан. Карты ворш ястаl: – Щи охlа, ёхатсаман. Ими хиlы ёхlы нюхмаl: – Хоlща иl охаllам, пещ нёхиlам хоlт эватсаllам. Аяlта иl ваhкас, оlаl. Нумасl: «Ёшlам, курlам яха щуhкартlаlам, щиты оllам, хаlэват муй питаl, щит питаl». Щиты щуhкарlас, иl вояпса. Оlас, оlас. Нох верэмимаlн пещlаl таlаhат, каши хоlна антом. Нэ мощатам отhан, нэlын пиlан манман. Манам юшн туп хащмаl. Щи юш хуват манаl. Имоlтыйн хота ёхатаl. Каман lойl, ёхlы хуlантыйl. Катhаllаl хоlна нэ аратыlтан. Кашh ху айшак нэ туты lаhхаlа. Ими хиlы ёхи lоhаl па ястаl: – Муй верlатан? Муй нэ аратыlтан? Муя манэм иl эватсаllын? Нын патанан ма щи арат вера питыlысам… Нын туп нэ аратыты кеша уllатан. (Хуйhаllаl иса машьяйhан). Ёхм пай хаткку, тата щи наh юкан нэhен. Емаh кев пертыкку, там наh юкан хоятэн. Там па ма юкан нэhем питаl. Я щи. Щитэlан ёхи манты питсат. Емаh кев пертыкку курта ёхатсат, lув нэhаl пиlан хащас. Па мантсат, мантсат. Ёхм пай хаткку курта ёхатсат, Ёхм пай хаткку хоятl пиlан хащас. Ими хиlы нэhаl пиlан еllы манlатан. Куртаlа ёхатсатан. Имеl ими хоlна lыl полhаl уl. – Хиlые, ёхатсан? – Ястаl. – Ёхатсам, ёхатсам, – Ими хиlы ястаl. – Нэ тусан? – Тусам, тусам. Имеl ими, таhха, парыlыйс. Ими хиlы ийимеl пиlан, мосаh, ин хоlна уllатан. Щи. Эрнст КУРТЯМОВ монщам монщ, Валентина РОХТЫМОВА нэпека lэщатсаllы
•Хорат потарlат
Тонты пормасат Овс мувеван шеhк хорам сумтат энамlат. Куl нови вошlаl эlты тонты хорты рахаl. Хан-
Тонты эlты сэвам сак лопас
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
ты мохиlув товийн тонты хорсат па lуhан камн умащ пормас версат. Анатан, йиhlатан,
хув анатан, ханшеh онтпатан, камн саклакатан, хорасаh сунатан хотlаl хорапсаllаl.
Тонты сун Йиhаl
Учредитель Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Анhан
Онтап
Валентина РОХТЫМОВА ханшам потар шупие па верам хорат
Тираж 700 Заказ 1138 Подписные индексы: на год - 29925, на полугодие - 84611
Газета вышла в свет 11 ноября 2017г. Подписано в печать 9 ноября 2017г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9)
Зам. главного редактора
Отпечатано в ГУ «Северное издательство» (629008, г.Салехард ул. Ямальская, 14)
А.К. ЯКОВЛЕВА