APRENDE HO VONTADE HAREE HUSI OKLU ʽʽUMANIZMUʼʼ

APRENDE HO VONTADE HAREE HUSI OKLU ʽʽUMANIZMUʼʼ Joaquina Belo Freitas quinabelo@gmail.com Pergunta universal ba ida-idak atu reflete mak ne'e; ema iha poténsi no kapasidade bele halo buat ruma ba nia moris?, ema iha votande ka lae atu halo serbisu ruma? ema iha potensia ka lae kria buat ruma foun?. Pergunta ne'e ita husu ba ita reflete ba ita nia-an saida mak ita halo ba ita nia moris, ema bele fo sentidu ba nia moris liu husi esforsu -an tanba ema iha potensia.

Tanba moris ne'e rasik nu'udar grasa ida husi Nai Maromak nune'e ita kuidadu no fó atensaun másimu ba moris, kuidadu moris, hadia moris, tane-as, fó valór ba moris no dignifka moris nu'udar obra Nai Maromak nian.

Loos katak ema iha vontade atu halo mudansa, ba nia moris tanba nia kapasidade no poténsia atu aprende siénsia koñesimentu hodi fó sentidu eziténsia moris. Hanesan ema bele aprende buat hotu hodi realiza iha moris lor-loron. Ema iha posibilidade atu halo buat hotu ne'ebé posivél halo hodi hatudu katak poténsia ida ne'e nu'udar grasa ida ne'ebé ema presiza no tenke hala'o iha ema nia vida.

Iha sasulik umanizmu ema/umanu iha poténsia no kapasidade hodi umaniza vida rasik.

Nune'e ideias importante iha umanizmu ba aprendizajen mak estudante iha kapasidade atu regula nia-an rasik iha prosesu aprendizajen (self regulated learning) no estudante regula sira nia-an hodi motiva sira nia-an rasik iha aprendizajen. Ema ida-idak iha poténsia atu bele determina buat ruma ba nia-an rasik tanba ema ne'e rasik iha kapasidade no talentu. Nune'e ema uza ninia "vontade" atu aprende no motiva nia-an iha dalan oi-oin hodi buka solusaun rasik hodi bele hasa'e kualidade poténsia individuál.

Teoria umanizmu ne'e fó pontu de vista ba "ema/umanu" nu'udar kriatura úniku ne'ebé iha poténsia oi-oin ne'ebé eziste iha "ema/umanu" nia-an rasik. Ema nia poténsia no vontade atu dezenvolve ho kreativu, simu responsabilidade ho moris indepedente, no iha konsiénsia ba poténsia ne'ebé iha, iha responsabilidade fó influénsia ne'ebé pozetivu iha família, eskola, no iha sosiedade.

1

Personalidade umana iha aspeitu tolu importante mak aspeitu kognitivu afetivu no psikomotor. Aspeitu tolu ne'e halo mudansa konsientemente liu-husi ema nia esforsu, vontade no kapasidade aprende no halo buat ruma hodi dezenvolve aspeitu ne'e ho kualidade.

Iha observasaun umanizmu sira la'os haree kualidade dezenvolvimentu kognitivu maibé, observa kle'an ba individuu nia-an no involve parte sira ne'ebé iha (kognitivu, afetivu no psikomotor). Iha sorin seluk mos umanizmu haree liu-ba emosaun ka sentimentu oinsá ema ko'alia ho nia fuan no orienta fuan ko'alia ba nia.

Estudante nia ʼvontade aprendeʼ mak nu'udar fatór ida hodi determina aprendizajen nia sentidu. Estudante ida-idak iha poténsia hodi kontribui ba prosesu aprendizajen sai efetivu no atinji objetivu aprendizajen. Nune'e manorin iha inisiativa no vontade kria ambiente aprendizajen ne'ebé efesiente ba estudante nune'e bele tulun estudante sira hamosu vontade aprende iha prosesu aprendizajen.

Prosesu aprendizajen iha pontu de vista umanizmu katak manorin nia papél mak fasilitadór no hatudu persesaun ba labarik ida-idak ho pozetivu katak labarik ida-idak iha poténsia no talentu ida mak hanaran manorin umanistiku sira ne'ebé koko haree parte pozetivu no dezenvolve. Nune'e psikologu ida naran Rogers nia sujere ba manorin umanistíku katak manorin kreativu hodi kria kondisaun aprendizajen ne'ebé mak suporta hanesan empatia, dignifika no interasaun pozetivu.

Atu aplika aprosimasaun aprendizajen umanistiku manorin nia papél mak fasilitadór. karakteristíku manorin nu'udar fasilitadór mak:      

fó atensaun ba responde husi estudante utiliza ideia estudante nian atu halo interasaun iha klase laran dialogu no diskusaun kona-ba ideia husi estudante respeitu estudante halo balansu ba komportamentu pozetivu no negativu hatudu espresaun oin midar

Iha perspetiva umanizmu ba prosesu aprendizajen nia baze la'os ʽoinsáʼ manorin nia hanorin maibé oinsá ita ʽkria situasaun aprendizajenʼ ne'ebé halo estudante sira sente esperiénsia rasik. Aprosimasaun ne'e fó posibilidade ba estudante sira fó sentidu ba aprendizajen.

Papél fasilitadór tuir perpetiva umanizmu ba edukadór sira iha Timor-Leste katak manorin tenke iha vontade no kreativu hodi kria situasaun aprendizajen ne'ebé mak fó votande ba 2

labarik aprende, aprendizajen signifikante, aprendizajen la ho ameasa, aprendizajen ho inisiativa rasik (Self-initiated learning) no, aprende no muda (learning and change) bele ajuda labarik sira hodi partisipa másimu iha prosesu aprendizajen nune'e bele atinji objetivu.

Manorin konsiente katak estudante ida-idak iha poténsia no kapasidade atu aprende hodi hakonu koñesimentu rasik liu-husi estudante nia kreatividade, inisiativa, vontade no respnsabilidade ba prosesu aprendizajen ruma hodi dezenvolve aspeitu kognitivu, afetivu no psikomotor.

Reflete oituan kona-ba ideias importante umanizmu nian katak ema ida-idak iha kapasidade atu determina nia vida rasik katak ema nia potensia ne'ebé iha hodi hatudu katak ema bele realiza nia vida tuir planu ne'ebé nia determina ba nia vida rasik, tanba ema iha fiar-an hodi buka perfeitu-an.

Apresiasaun,

aseitasaun no konfiansa ema simu ne'e nu'udar prezente ne'ebé úniku no

respeitu. Ema simu prezente ne'e ho sentimentu domin husi ema seluk ne'ebé fó atensaun másimu. Buat hotu be halo la'os priense kritériu maibé oinsá hala'o ema nia moris tuir kapasidade no potensia atu hetan sentidu ba vida rasik.

Umanizmu hatudu pontu de vista ba ema/umanu ba aprendizajen mak ema/umanu nu'udar kriatura úniku ne'ebé iha poténsia no iha liberdade atu atualiza-an (self actualization) ba poténsia ne'e rasik. Ema essensiamente la sees husi edukasaun. Ema iha relasaun ho aprendizajen direita no la direta. Iha parte pedagojia ema/umanu mak alunu/estudante no ema/umanu mak kriatura ne'ebé bele eduka no eduka. Baze poténsia pedagojia husi kriatura, ida ne'e mak edukasaun diresiona prosesu kriatura halo nu'udar sentidu umana. Prátika edukasaun ne'ebé umanizmu mak sei fó oportunidade ba labarik sira atu dezenvolve-an bazeia ba talentu no poténsia ne'ebé ema ida-idak iha.

3

4

5