DEZENVOLVE ESTRATÉJIA APRENDIZAJEN SENTRADU IHA KANORIN IHA LISAUN SIÉNSIA SOSIÁL KLASE 2 ENSINU BÁZ

Instituto Católico para a Formação de Professores – Diocese de Baucau

DEZENVOLVE ESTRATÉJIA APRENDIZAJEN SENTRADU IHA KANORIN IHA LISAUN SIÉNSIA SOSIÁL KLASE 2 ENSINU BÁZIKU TUIR KURRÍKULU NASIONÁL

Joaquina Belo Freitas quinabelo@gmail.com

Docente Instituto Católico para a Formação de Professores Diocese de Baucau Abstratu Objetivu husi peskiza ida-ne’e atu dezenvolve Estratéjia Aprendizajen Sentradu Kanorin (EASK) iha siénsia sosiál klase 2 ensinu báziku tuir kurríkulu nasionál Timor-Leste. Ipóteze hosi peskiza ne'e mak importánsia dezenvolve estratéjia aprendizajen sentradu kanorin iha siénsia sosiais ne'ebé efetivu bele hatan nesesidade fundamentál hosi koñesimentu, atetude no kapasidade kanorin sira-nian iha siénsia sosiál. Metodolojia ne'ebé mak utilíza iha peskiza ida-ne’e mak métodu deskritivu ne'ebé ho aprosimasaun kualitativa ne'ebé inklui observasaun no forma entrevista. EASK nu'udar paradigma foun aprendizajen ne'ebé tulun kanorin sira atu deskobre no konstrui auto-koñesimentu. Ho abordajen EASK, matéria siénsia sosiál tuir planu aula kurríkulu nasionál Timor-Leste 2014 bele garante dezenvolvimentu kapasidade paradigma foun aprendizajen hanorin nian atu hatan nesesiade fundamentál aprendizajen kanorin sira-nian.

Liafuan xavi: Estratéjia aprendizajen, Aprendizajen sentradu kanorin, siénsia sosiál no kurríkulu nasionál.

Introdusaun Estratéjia aprendizajen mak tékniku ne'ebé manorin utiliza iha prosesu hanorin no aprende atu fasilíta kanorin sira, nune'e bele atinji objetivu aprendizajen. Tanba ne'e, prosesu aprendizajen atu sai efetivu manorin presiza kria atividade sira-ne’ebé mak relevante ho lisaun atu estimula kanorin sira-nia kreatividade hodi ativu iha aprendizajen. Iha sorin seluk atu dezenvolve estratéjia aprendizajen, manorin presiza iha koñesimentu kle'an kona-ba tékniku aprendizajen sira, hodi nune'e bele kapasita-an atu hatan kanorin nia nesesidade fundamentál aprendizajen (Yamin, 2005).

Kurríkulu Nasionál Timor-Leste fó importánsia ba aprendizajen sentradu iha kanorin ihane’ebé kompeténsia pedagójika manorin inklui klima aprendizajen sai nu'udar fatór 1

Instituto Católico para a Formação de Professores – Diocese de Baucau

importnate ba kanorin nia aprendizajen hodi tulun kanorin partisipa ativa dezenvolve koñesimentu no abilidade ho dalan observa rasik, esperimenta rasik, investiga rasik, rezolve rasik tantu iha grupu no indivíduu (Kurríkulu Nasionál Ensinu Báziku Siklu Dahuluk no Daruak, [KNEB I & II] 2014; Muijs & Reynolds, 2008).

Siénsia sosiál hola parte iha kurríkulu edukasaun nasionál ensinu báziku no mós nu'udar programa edukasionál empiríku sosiál prepara iha planu lisaun kompleta ho atividade sira husi introdusaun, konteúdu, avaliasaun no konkluzaun. Planu lisaun siénsia sosiál ba klase 2 aprezenta materiál didátika sira-ne’ebé mak loos no di'ak ba kada tópiku iha-ne’ebé fasilíta edukadór sira kreativu hodi domina atividade sira no kreativu utiliza materiál didátika (KNEB I & II, 2014).

Realidade aprendizajen iha Timor-Leste no nia nesesidade Relasiona ho realidade, manorin sira-nia kompeténsia pedagojia iha utilizasaun estratéjia hanorin ne'ebé hasentru iha kanorin sei sai difikuldade kultura, tanba manorin barak mak sei utiliza estratéjia ida-ne’ebé mak hanaran “talk and chalk” (Quinn, 2002 p. 240) katak manorin hakerek de’it iha kuadru no kanorin sira kopia iha kadernu no manorin sira de'it ko'alia no kanorin pasivu no la involve iha atividade sira. Tanba manorin barak fiar katak estratéjia hanorin ne'ebé tradisionál iha aprendizajen bele dezenvolve kanorin nia atetude no kapasidade. Maibé nune'e, tuir Quinn (2002) konta argumenta katak estratéjia hanorin ne'e difísil ba kanorin sira aprende ho di'ak no loos. Problema ne'e iha sorin seluk mós fó razaun katak manorin falta kompeténsia pedagójika no abilidade atu dezenvolve estratéjia aprendizajen liuhosi fasílita kanorin iha aprendizajen (World Bank, 2011-2033).

Ministériu edukasaun Timor-Leste liuhosi edukasaun munisípiu iha tinan 2015 aprezenta ona treinamentu kona-ba aprendizajen sentradu iha kanorin durante semana ida nia laran.

Treinamentu ida-ne’e ajuda manorin sira atu implementa iha prosesu aprendizajen hodi tulun kanorin sira aprende ho di'ak, maibé jeralmente identifika katak manorin implementa ladun efetivu iha prosesu hanorin no aprende iha klase laran. Ministeiru edukasaun realiza programa ne'e atu dezenvolve manorin sira-nia kapasidade no abilidade hanorin hodi tulun kanorin sira-nia prosesu aprendizajen ho efetivu.

Tuir Professional Learning Mentoring Program (PLMP) 2016-2018 katak sira halo ona programa akonpañamentu ba manorin sira-nia hanorin ba implementasaun kurríkulu nasionál 2

Instituto Católico para a Formação de Professores – Diocese de Baucau

iha dixiplina siénsia sosiál iha eskola sira iha Timor-Leste jerálmente manorin barak mak seidauk dezenvolve aprendizajen sentradu iha kanorin tuir aprendizajen kuirríkulu nasionál 2014. Sentidu ne'ebé hanesan, manorin barak mak seidauk hanorin efetivu planu lisaun siénsia sosiál nian ho di'ak iha prosesu aprendizajen tanba manorin sira menus koñesimentu no kapasidade iha utilizasaun materiál didátika bazeia ba kurríkulu nasionál (Governance for development mentoring and learning system, 2014-2017)

Objetivu hosi PLMP mak atu hasa'e kanorin sira-nia rezultadu susesu iha aprendizajen liuhosi aumenta kapasidade manorin no lideransa eskola sira-nian, atu realiza ba kurríkulu foun no iha paradigma aprendizajen foun (Projeitu PLMP, 2016-2017). Iha sorin seluk mós atu monitoriza oinsá manorin sira-nia hanorin iha dixiplina siénsia sosiál kurríkulu nasionál (2014) hodi observa manorin sira implementa aprendizajen sentradu iha kanorin sira. Ikus mak atu dezenvolve manorin sira atu sai lideransa di'ak iha futuru (GDMLS, 2014-2017).

Ho razaun sira ne'e presiza oferese oportunidade máxima ba manorin sira atu dezenvolve sira-nia kapasidade kona-ba dezenvolvimentu estratéjia aprendizajen iha siénsia sosiál kurríkulu nasionál nian, hodi nune'e bele fasilíta kanorin sira-nia prosesu aprendizajen iha koñesimentu, atetude no kapasidade sosiál nu'udar siénsia (GDMLS, 2014-2017).

Bazeia ba problema ne'ebé relata iha leten, objetivu peskiza ne'e mak atu kompriende kle’an liután kona-ba oinsá dezenvolve estratéjia hanorin nian iha prosesu aprendizajen siénsia sosiál klase rua tuir kurríkulu nasionál, no mós atu hatene kle’an liután kona-ba oinsá implementa planu lisaun foun siénsia sosiál bazeia ba KNEB I & II.

Objetivu peskiza ida-ne’e mak atu buka solusaun prinsipál ba problema estratéjia hanorin siénsia sosiál ne'ebé seidauk di’ak ba kanorin sira. Tan ne'e, presiza halo mudansa estratéjia hanorin nian hosi klasiku ba modernu iha-ne’ebé estratéjia aprendizajen hasentru iha kanorin ho dalan dezenvolve estratéjia variedade atu estimula kanorin hodi esplora rasik koñesimetu, atetude no kapasidade sosiál nu'udar siénsia ne'ebé internaliza iha moris lor-loron liuhosi estratéjia aprendizajen kooperativa, estratéjia aprendizajen deskoberta no estratéjia aprendizajen kontestuál.

3

Instituto Católico para a Formação de Professores – Diocese de Baucau

Revizaun literatura Estratéjia mak métodu (dalan/téknika atu to'o objetivu) ne'ebé manorin sira implementa iha prosesu hanorin hodi kria aprendizajen ne'ebé efetivu. Katak, estratéjia mak "dalan ida-ne’ebé ema uza hodi la'o tuir atu to'o objetivu ho loos no di'ak" (Bertens, 2005 p. 2). Estratéjia iha kontestu edukasaun bazeia ba definisaun katak utilizasaun métodu sira iha prosesu hanorin, ho objetivu atu garanti kanorin sira-nia kompriensaun ba koñesimentu, atetude no kapasidade siénsia hodi bele to'o objetivu hanorin.

Aprosimasaun teoria aprendizajen iha prosesu hanorin Dezenvolvementu

personalidade

kanorin

sira-nian

importante

tebes

atu

konstrui

koñesimentu, atetude no kapasidade siénsia iha indivíduu refere. Tanba ne'e psikológu sira aprezenta teoria sira atu bele tulun manorin sira iha mundu edukasaun nu'udar solusaun ida, ba estratéjia aprosimasaun iha hanorin ba kanorin sira atu sira bele aprende hodi atinji autoatualizasaun.

1. Teoria konstrutivizmu Tuir An English-Indonesian Dictionary Konstruktivizmu mai hosi liafuan 'to construct' signifika katak harii ka konstrui (Echols & Shadily, 1975). Nune'e aprendizajen konstrutivizmu mak prosesu harii matenek ka koñesimentu. Konstrui kanorin iha aprendizajen mak hanorin iha jeitu jenerativu katak kria buat ruma ne'ebé iha signifikadu atu aprende (Mclnerney & Valentina, 2002). Konstruktivizmu mak paradigma aprendizajen ne'ebé ema hasoru iha moris lor-loron atu monta/kompara no dezenvolve hosi abilidade ida ba abilidade seluk. Ida-ne’e nu'udar kauza hosi kanorin ho koñesimentu ne’ebé mak dinámiku (Mclnerney, 2002; Guedes, 2015; Baharuddin & Nur Wahyuni, 2007; Pessanha et all, 2015).

Santrock (2007) aprezenta Vygotsky nia ideia katak kanorin konstrui ninia koñesimentu liuhosi serbisu hamutuk ho nia kolega sira. Katak, kanorin aprende esperiénsia sira hodi bele harii no bele ajuda nia hodi bele dezenvolve-an. Nune'e mós Piaget (sita iha Livru Santrock, 2007) mos afirma labarik ida-idak presiza esforsu nia-an atu konstrui ninia koñesimentu rasik katak labarik sira presiza partisipa ativa iha prosesu aprendizajen no ativa halo serbisu sira, nune'e bele dezenvolve sira-nia koñesimentu. Prinsípiu jerál konstrutivizmu iha aprendizajen subliña katak kanorin mak xave ba atividade aprendizajen. Signifika kanorin mak autór ba prosesu aprendizajen, iha-ne’ebé, presiza kanorin nia esforsu-an atu konstrui komprensaun no

4

Instituto Católico para a Formação de Professores – Diocese de Baucau

dezenvolve hahú hosi laran (Mclnerney & Valentina, 2002; Muij & Reynolds, 2008; Piaget, 2006; Kurríkulu Nasionál Ensinu Báziku, 2014).

Aprosimasaun konstrutivizmu bele ajuda kanorin nia aprendizajen no bele konstrui koñesimentu no kompriensaun mak tuir mai ne'e: 1. Kanorin ativu no dezenvolve koñesimentu no abilidade ne'ebé mak iha.

2. Iha kontestu aprendizajen, kanorin tenke prontu dezenvolve koñesimentu rasik.

3. Importante ba kanorin sira dezenvolve koñesimentu ho ativu, no halo prosesu influénsia hosi koñesimentu ne’ebé iha ona ba koñesimentu foun.

4. Konseitu importante iha teoria konstrutivizmu mak kanorin dezenvolve-an mesak ho ativu no kanorin mós iha jeitu atu kompara informasaun foun ba koñesimentu ne’ebé mak iha ona.

5. Kanorin konxiente katak presiza iha konxiénsia ba ideia sientífiku sira-ne’ebé mak iha.

6. Rekursu sira-ne’ebé mak fornese presiza iha relasaun ho abilidade kanorin nian, nune'e estimula atu aprende (Mclnerney & Valentina, 2002; Marques, 2006).

Tanba ne'e, mos iha kurríkulu nasionál 2014 aprezenta ona aprosimasaun teória konstrutivizmu mak liuhosi atividade sira-ne’ebé aprezenta iha laran, iha-ne’ebé, kanorin sira presiza servisu individuál no serbisu grupu, signifika kanorin sira aprende mesak hodi konstrui ninia koñesimentu rasik no serbisu atu kompriende ideia sira-ne’ebé mai hosi kolega seluk (KNEB I & II, 2014).

2. Teória aprendizajen deskoberta Aprendizajen deskoberta katak prosesu aprendizajen ne'ebé oferese oportunidade ba labarik sira partisipa ativu hodi deskobre mesak solusaun ba problema ruma, análiza ideia sira hosi ema seluk, hodi deskobre esperiénsia sira iha moris lor-loron ba konstestu aprendizajen, nune'e tuir Bruner (2000) "konstrui ema ida la signifika hakonu ninia hanoin, importante hanorin ema atu partisipa ba prosesu koñesimentu, posivelmente iha materia hotu tenke oferese objetivu ba labarik ida-idak, no ba labarik sira mós posibilidade atu aprende mesak" (p. 50). Iha-ne’e, manorin nia papél mak kria kondisaun aprendizajen ne'ebé mak efetivu nune'e kanorin sira bele aprende mesak no konstrui koñesimentu ne’ebé mak bele dezenvolve ninia aspeitu kognitivu (Bruner, 2000).

5

Instituto Católico para a Formação de Professores – Diocese de Baucau

Estratéjia aprendizajen sentradu kanorin (EASK) EASK mak estratéjia aprendizajen ne'ebé fó importánsia liu ba kanorin sira-nia partisipasaun ativa iha prosesu aprende. Iha-ne’e fó sentidu oinsá aprende serbisu hamutuk no mesak hodi deskobre sentidu siénsia ne'ebé sira aprende bazeia ba kontatu realidade moris liuhosi sira-nia atendimentu atu esplora koñesimentu no abilidade siénsia ne'e rasik hodi observa rasik, esperiementa rasik, investiga rasik, rezolve rasik tantu iha grupu ka individuál (Moreno & Castello, 2007; Johnson, 2002; Bertens, 2015; Muij & Reynolds, 2008).

Funsaun estratéjia sentradu iha kanorin EASK nia funsaun mak atu tulun kanorin sira sai independente no kriativu iha prosesu aprendizajen hodi dezenvolve sira-nia auto-koñesimentu ba siénsia, no iha sorin seluk dezenvolve sira-nia auto kompeténsia aprendizajen nune'e Johnson (2002) esplika katak prosesu aprendizajen sentradu iha kanorin sira mak atu dezenvolve kanorin nia kompeténsia ba koñesimentu atetude no kapasidade siénsia. Funsaun estratéjia aprendizajen sentradu iha kanorin tuir KNEB I & II (2014) mak tuir mai ne'e: (1) Kria ambiénte ida ne'ebé motiva kanorin sira atu dezenvolve abilidade no koñesimentu foun no aplika ho maneira oi-oin, (2) Serbisu iha grupu wainhira bele, atu nune'e kanorin sira fahe hanoin ba malu hodi harii koñesimentu, (3) Uza atividade prátika no esperimentu atu nune'e kanorin sira partisipa ativamente iha prosesu aprendizajen, (4) Promove abilidade hirak hanesan halo predisaun, estimasaun no ipóteze atu nune'e kanorin sira envolve iha konstrusaun koñesimentu laos de'it simu no repete ideia (p. 24).

Manorin kreativu presiza utilíza estratéjia variedade iha prosesu aprendizajen. Objetivu variasaun iha estratéjia hanorin mak tulun kanorin sira dezenvolve kompreensaun ba lisaun ne'ebé aprende durante prosesu aprendizajen. Tanba ne'e, nesesita estratéjia sira-ne’ebé di'ak no efikás hodi utilíza ba hanorin siénsia sosiál hodi koresponde ba objetivu kurríkulu (Johnson, 2002).

Kurríkulu nu'udar instrusaun ba manorin sira iha prosesu aprendizajen (Mulyasa, 2007).

Nune'e kurríkulu nasionál ne'e rasik nu'udar fonte kontestuál hodi gia manorin no tulun kanorin atu aplika koñesimentu sira ba iha mundu realidade ne'ebé kanorin sira hala'o sira-nia esperiénsia. Bazeia ba ne'e Johnson (2002) afirma, manorin sira presiza halo reflesaun ba hanorin rasik hodi konsentra sira-nia koñesimentu ba iha situasaun kanorin sira, liuliu realidade iha família no sosiedade. Kurríkulu nasionál Timor-Leste sai evidénsia forte ba ideia Johnson. Tanba kurríkulu ne'e bazeia ba kontestu Timor-Leste, liuliu aprezenta iha 6

Instituto Católico para a Formação de Professores – Diocese de Baucau

dixiplina sira hanesan siénsia sosiál, siénsia natural, arte kultura, literasia tetun no portuges, matemátika, edukasaun fizíka no saude hijiene (RDTL, 2014).

Estratéjia ne'ebé aprezenta iha kurríkulu nasionál 2014 liuliu iha planu lisaun sira iha siénsia sosiál klase rua ensinu báziku mak jerálmente manorin sira demonstra kona-ba revizaun lisaun, diskusaun grupu/debate, demonstrasaun atividade, pergunta no resposta, konta istória no aprezentasaun drama sira ba tópiku relevante (RDTL, 2014).

Estratéjia efetivu hanorin sentradu ba kanorin Estratéjia efetivu no di'ak ne'ebé aprezenta iha planu lisaun ba dixiplina sira 2015 esperimenta siénsia sosiál nu'udar fatór konstrusaun ba koñesimentu, atetude no kapasidade kanorin sira-nian ba siénsia sosiál ne'ebé hakesi-an iha paradigma foun aprendizajen nian, ne'e mak EASK (Johnson, 2002).

EASK mak estratéjia sira-ne’ebé ajuda kanorin sira atu ativu iha prosesu aprendizajen tomak (Johnson, 2002). Estratéjia ne'ebé utiliza iha EASK ba matéria siénsia sosiál klase rua mak EB mak tuir mai ne'e:

1. Estratéjia aprendizajen kooperasaun Kooperasaun mai hosi lian Latin cooperari, no cooperatio, iha lian Inglés cooperation (Echols & Shadily, 1975) katak serbisu hamutuk. Sentidu kooperasaun iha kontestu aprendizajen katak kanorin sira serbisu hamutuk iha grupu hodi fahe esperiénsia sira-ne’ebé diferente hosi kada indivíduu nune'e bele dezenvolve sira-nia koñesimentu siénsia ba malu.

Estratéjia aprendizajen kooperasaun katak aprendizajen ne'ebé mak fó importánsia liu ba oinsá aprende ba malu iha grupu atu nune'e bele atinji objetivu aprende ne'e rasik (Muij & Reynolds, 2008; Arends, 2008; Baharuddin & Nur Wahyuni, 2007). Iha-ne’e estratéjia aprendizajen bazeia ba aprosimasaun konstrutivizmu, iha-ne’ebé hanorin konstrui ninia koñesimentu liuhosi interasaun sosiál ho ema seluk. Kanorin harii nia koñesimentu liuhosi kolega nia esperiénsia nune'e bele dezenvolve nia-an (Muij & Reynolds, 2008; Baharuddin & Nur Wahyuni, 2007).

2. Estratéjia aprendizajen kontestuál Aprendizajen kontestuál katak konseitu aprendizajen ne'ebé tulun manorin sira atu halo relasaun entre matéria be aprende ho realidade situasaun mundu nian ne'ebé kanorin 7

Instituto Católico para a Formação de Professores – Diocese de Baucau

esperiénsia. Estratéjia aprendizajen kontestuál bele ajuda kanorin sira atu aplika sira-nia koñesimentu kona-ba realidade rasik ne'ebé sira enfrenta iha família no iha sosiedade (Johnson, 2002; Baharuddin & Nur Wahyuni, 2007).

3. Estratéjia aprendizajen inquiry/deskoberta Estratéjia aprendizajen ne'e bazeia ba teoria konstrutivizmu. Teoria ne'e fó hanoin ba manorin katak prosesu aprendizajen tenke liuhosi reflete ba kanorin sira-nia esperiénsia. Iha prosesu ne'e kanorin buka atu deskobre iha nia-an no iha mundu kona-ba kompriensaun ba nia-an rasik no ba siénsia ne'ebé nia aprende. Kada kanorin rezulta mesak 'regulamentu' no 'modelu mental' atu uza hodi dezenvolve ninia esperiénsia no hetan koñesimentu, tanba aprende nu'udar prosesu interasaun sosiál (Johnson, 2002; Baharuddin & Nur Wahyuni, 2007).

4. Estratéjia aprendizajen bazeia ba problema Modelu aprendizajen ne'e fó importánsia ba fo solusaun ba problema sira-ne’ebé aprezenta iha aprendizajen laran. Oportunidade ida-ne’e aprezenta ideia sira no demonstra abilidade iha kontestu rezolve problema sentrada iha kanorin sira. Karakterístiku métodu aprendizajen ne'e tulun kanorin sira aprende atu hanoin kritíku no iha abilidade atu rezolve problema. Hodi nune'e sira bele aprezenta razaun nu'udar solusaun sólidu atu rezolve problema iha moris. Iha estratéjia ne'e, manorin kria problema ruma ne'ebé ejiji labarik sira atu rezolve liuhosi deskobre kazu hosi problema no fó solusaun ka rekomendasaun ne'ebé normalmente hanaran halo peskiza (Arends, 2008; Muij & Reynolds, 2008).

Objetivu hosi estratéjia aprendizajen bazeia ba problema mak: 1. Atu kanorin dezenvolve abilidade investigasaun no abilidade rezolve problema sira aprendizajen nian; 2. Demonstra abilidade nu'udar ema maduru no iha auto-konfiansa kona-ba kapasidade sira-ne’ebé mak sira iha; no 3. Dezenvolve kanorin sira sai auto-regulasaun (Arends, 2008).

Ho objetivu sira ne'e manorin presiza utiliza estratéjia variedade iha prosesu aprendizajen hodi nune'e, bele tulun kanorin iha aprendizajen oinsá rezolve problema. Métodu sira-ne’ebé di'ak no efetivu hodi implementa iha prosesu aprendizajen bazeia ba problema iha siénsia sosiál iha klase rua tuir Yamin (2005) mak:

8

Instituto Católico para a Formação de Professores – Diocese de Baucau

a) Métodu demonstrasaun no esperimentu Métodu ne'e manorin demonstra uza materiál sira hodi esplika kle'an ba atividade ruma iha prosesu aprendizajen. Tuir mai manorin sira koko atu demostra mesak hodi kompriende saida mak aprende ona. Métodu ne'e efetivu liu atu ajuda sira atu buka resposta sira 'oinsá prosesu', nune'e kanorin sira bele esperimenta rasik hodi hetan resposta rasik ba atividade refere. Implementasaun ba métodu ne'e iha prosesu aprendizajen, kanorin presiza ativa no iha abilidade prátika no dezenvolve liután autokonfiansa.

b) Métodu pergunta no resposta Métodu ne'e fó oportunidade ba kanorin sira atu hato'o pre-konseitu kona-ba siénsia. No oportunidade atu kanorin sira fó esplikasaun kona-ba saida mak sira aprende no kompriende. Métodu ida-ne’e, implementa atu tulun kanorin sira hanoin kritíku hodi observa no kompriende ho sira-nia hanoin rasik ne'ebé mak lójiku ba siénsia ne'ebé aprende.

c) Métodu diskusaun Métodu diskusaun nu'udar tékniku aprendizajen ida-ne’ebé tulun kanorin sira atu diskute kona-ba tópiku interesante ruma liuhosi diálogu no mós bele debate. Métodu ne'e importante atu fasilíta kanorin sira oinsá atu kompriende konteúdu siénsia ne'ebé sira aprende no fahe ba malu iha grupu laran. Kanorin sira iha grupu buka atu analiza hodi fó solusaun ka rezolve problema ne'ebé diskute. Métodu ida-ne’e tulun kanorin sira atu konstrui auto-koñesimentu iha grupu laran.

Siénsia sosiál no kurríkulu nasionál Siénsia sosiál mak grupu dixiplina akadémika ida-ne’ebé aprende kona-ba aspeitu realidade sosiál no interasaun indivíduu no ninia ambiénte lokal ne'ebé inklui rai no ema, iha-ne’ebé, nia objetivu atu fó oportunidade ba labarik no foinsa'e sira atu haree no observa hodi bele responde nesesidade sosiál atu nune'e bele kontribui paz no koezaun sosiedade (Dias Bravo, 1986; KNEB I & II, 2014). Tanba ne'e fatór sosiál sira no komportamentu ema nian iha ambiénte ne’ebé ema ida-idak hela sai tópiku jerál iha matéria ne'e. Siénsia sosiál hasentru iha sosiedade nia moris lor-loron hodi atualiza-an iha kontestu aprendizajen nian. Ho razaun ne'e, siénsia sosiál ba klase rua EB nu'udar matéria ida-ne’ebé introdus ba kanorin sira kona-

9

Instituto Católico para a Formação de Professores – Diocese de Baucau

ba papél, akordu, regra moris hamutuk no konseitu tempu uluk no agora, no fatin/ambiénte ne'ebé foka liu ba família (KNEB I & II, 2014).

Objetivu siénsia sosiál klase rua nu'udar lisaun iha kurríkulu tanba atu tulun kanorin sira bele identifika no hatene naran família, knaar no responsabilidade ema ida-idak nian iha família laran no kanorin sira mós bele iha koñesimentu di'ak kona-ba sira-nia knaar no responsabilidade. Siénsia sosiál ne'e hanorin kanorin sira atu valoriza sira-nia knaar nu'udar oan iha família, iha parte seluk tulun sira atu iha sensu fiar-an hodi aprezenta sira-nia matenek no esplora sira-nia serbisu ka atividade ne'ebé mak halo iha família no sosiedade, hodi nune'e kanorin bele kompriende no aplika iha sosiedade sentidu hosi valór ema nia dignidade, identidade nu'udar Timor oan. Iha sorin seluk kompriende prosesu demokratíku no harii paz, no hatene atu taumatan no kuidadu ba rai (KNEB I & II, 2014).

Tanba ne'e, siénsia sosiál sai nu'udar lisaun kurríkuler hodi dezenvolve kanorin sira-nia moris sosiál liuhosi EASK, iha-ne’ebé manorin kria kondisaun aprendizajen ne'ebé mak iha konduzivu hodi envolve kanorin sira ho másimu iha grupu sosiál hodi halo interasaun aprendizajen. Nune'e kanorin aprende oinsá simu ema seluk iha nia grupu no iha ninia esperiénsia moris sosiál hodi konstrui no dezenvolve ninia sentimentu sosiál iha família no sosiedade (Muij & Reynolds, 2008).

Métodu peskiza Iha peskiza ida-ne’e bazeia ba observasaun no entrevista ba manorin kona-ba kanorin sira-nia aprendizajen iha eskola no haree liu ba manorin nia estratéjia hanorin lisaun siénsia sosiál iha klase rua tuir kurríkulu nasionál 2014. Observasaun nu'udar parte ida hosi métodu kualitativu katak observa hodi hatene akontesiementu ka buat ruma nia kauza no ninia konsekuénsia nu'udar rezultadu hodi foti dadus ida-ne’ebé loos. Tanba ne'e iha peskiza ida-ne’e uza observasaun nu'udar tékniku ida atu observa manorin ninia estratéjia sira hanorin nian no ninia influénsia ba kanorin nia aprendizajen durante prosesu hanorin. Iha peskiza ida-ne’e mós uza métodu entrevista ho kanorin sira no manorin sira kona-ba manorin nia preparasaun estratéjia hanorin nian no preparasaun hanorin lisaun siénsia sosiál iha prosesu aprendizajen nia laran.

Iha peskiza ida-ne’e utiliza tékniku "purposive sampling" (Palys, 2008 p. 697). Signifika katak tékniku ida-ne’ebé foti reprezentativu nu'udar partisipante ba peskiza ne'ebé determina 10

Instituto Católico para a Formação de Professores – Diocese de Baucau

ho intensaun no objetivu ida ho forma intensionalidade katak peskiza bazeia ba kritériu no objetivu ida de'it no loos, nune'e iha purposive sampling hili ema balun nu'udar reprezentante hodi partisipa ba peskiza ida-ne’e. Estratéjia ida-ne’e involve sé, iha-ne’ebé no oinsá hala'o peskiza. Objetivu tékniku sampel ida-ne’e mak foti pontu prinsipál ruma hodi indika ba problema refere ne'ebé mak loos no apropriadu hodi rezolve problema ho loos no iha objetivu di'ak (Palys, 2008; Tongco, 2007; Creswell, 2014).

Abordajen peskiza iha tékniku purposive sampling utiliza tékniku entrevista no tékniku observasaun personal, ne’e mak dahuluk halao observasaun ba maneira hanorin manorin dixiplina siénsia sosiál nian, no ikus mak halo entrevista ho manorin nain rua (2) ba dixiplina siénsia sosiál klase 2. Manorin ida hosi eskola Ensinu Báziku Filiál Númeru 1 (EBF Nú. 1) Teulale no ida seluk hosi eskola Ensinu Báziku Filiál Katólika São Domingos Sávio (EBFKSDS) Baucau. Tuir mai mak halo mós entrevista mós ho kanorin Ensinu Báziku (EB) klase 2 nain sanolu (10) hosi kada eskola (EBF Nú. 1 & EBFKSDS).

DADUS PESKIZA Dadus peskiza foti hosi fonte informasaun hosi eskola rua ne’ebé lokaliza iha Baucau Vila, ne’e mak EBF Nú. 1 Teulale no EBFKSDS Vila-Antiga. Peskiza dahuluk halibur dadus halo iha EBF Nú. 1 no daruak iha EBFKSDS.

1. Dadus observasaun no entrevista iha EBF Nú. 1 Teulale 1.1. Informasaun rezultadu observasaun iha EBF Nú. 1 Teulale Jerálmente tuir observasaun ne'ebé halo iha EBF Nú. 1 Teulale Baucau deskobre katak manorin hatudu ninia preparasaun hanorin nian ho di'ak. Nia organiza atividade, materiál, no fasilidade seluk, organiza kanorin sira iha grupu no indivíduu. Iha parte seluk mós manorin fó korajen ba kanorin sira atu aprende no tulun sira iha prosesu aprendizajen. Kanorin sira hatudu sira-nia entuziasmu aprende no manorin sira hatudu espíritu hanorin ne’ebé di'ak.

Tópiku ne’ebé manorin hanorin mak liña kronolojia ba fulan moris ba klase 2 (Planu Lisaun ba Dixiplina sira Klase 2 [PLDK.2] Periúdu 3, 2014). Bazeia ba observasaun pesoál katak estratéjia ne'ebé manorin utiliza la sentraliza kanorin sira iha aprendizajen, tanba manorin la utiliza pergunta hodi ke’e kanorin sira-nia hanoin ba buat ne'ebé sira haree hosi figura maski preparasaun materiál didátika di'ak ona. Manorin esforsu-an hodi esplika iha tempu naruk ba konteudu lisaun refere maibé rezultadu serbisu hamutuk entre kanorin sira la demostra ba 11

Instituto Católico para a Formação de Professores – Diocese de Baucau

manorin katak sira aprende ho di’ak konteúdu materiál ne’e, tanba la iha oportunidade ba kanorin sira atu iha pergunta ba, no klarifikasaun hosi manorin.

(Figura 1. Planu Lisaun ba Dixiplina sira Klase 2[PLDK.2] Periúdu 3, 2014, pp. 552-553)

Maski difikuldade ne’ebé manorin hetan atu konvida kanorin sira halo interasaun aprendizajen iha husu no hatán maibé manorin iha abilidade hanorin tuir planu lisaun iha kurríkulu nasionál ho razoavel. Tanba, planu lisaun ne'e kompleta ho estratéjia sira no preparasaun materiál didátika sira ho klaru atu implementa. Iha difikuldade ne’ebé mosu mak manorin la organiza fasilidade seluk hanesan livru referénsia atu tulun labarik sira atu aprende ho di'ak, manorin foka liu ba planu lisaun (Haree figura 1).

1.2. Informasaun entrevista iha EBF Nú. 1 Teulale.

1.2.1. Informasaun rezultadu entrevista ho Manorin siénsia sosiál klase 2 Manorin aprezenta nia sentimentu no razaun kona-ba preparasaun hanorin, estratéjia hanorin, kurríkulu tuan no foun (komparasaun) no utilizasaun kurríkulu foun, no ikus liu mak 12

Instituto Católico para a Formação de Professores – Diocese de Baucau

rezultadu aprendizajen hosi kanorin sira klase 2 kona-ba matéria siénsia sosiál. Jerálmente manorin haksolok iha nia atividade ne'ebe nia hala'o iha prosesu hanorin no aprendizajen ho kanorin sira. Nia esplika katak: Preparasaun hanorin di'ak tanba kurríkulu nasionál 2014 aprezenta planu lisaun kompleta ho ninia atividade sira, no sorin seluk iha planu lisaun kurríkulu nasionál foun demonstra estratéjia variedade, nia la hanesan kurríkulu Tuan. Importante iha-ne’e, mak husu kreatividade hosi manorin rasik oinsá hanorin bazeia ba planu lisaun ne'ebé preparadu ona, atu ajuda kanorin sira kompriende no pratika teória ho loos. Realidade hatudu katak kanorin barak kompriende di'ak konteúdu lisaun no barak liu mak seidauk kompriende ho di'ak, tanba sira lakohi atu esforsu-an aprende, signifika sira fó tempu atu halimar mak barak (Silva, 2016).

Manorin hatutan tan katak “Ida-ne’e mak realidade ne'ebé klase ne'e enfrenta la'os di'ak liu maibé tanba depende ba eforsu sira-ne’ebé manorin no kanorin sira halo iha prosesu ensinu aprendizajen iha klase laran”. (Silva, 2016)

Liga ba kontestu real Timor-Leste, jerálmente, iha eskola barak, observasaun jerál hatudu klaru no iha responde hanesan ho manorin nia sentimentu no resposta bazeia ba esperiénsia ne'ebé aprezenta liuhosi entrevista no observasaun. Maibé importante mak, manorin iha hanoin no idea kreativu hodi tulun kanorin sira ho vontade atu dezenvolve koñesimentu siénsia. Kurríkulu nasionál ne’ebé prepara ho planu lisaun sira ne'e nu'udar matadalan ba manorin sira, no iha ezijénsia ba manoris sira mak presiza dezenvolve abilidade manorin (jeitu hanorin) hodi utiliza referénsia seluk tantu rekursu umanu (ezemplu, oradór intelektuál/família) no rekursu materiál (infrastrutura aprendizajen ezemplu livru manual sira no materiál didátika) atu suporta prosesu ensinu aprendizajen kanorin nian ne’ebé fó importánsia liu iha eduka no treina kanorin sira atu sai kreativu, krítiku, ativu (Moreno & Castello, 2007; Johnson, 2002; Bertens, 2015; Muij & Reynolds, 2008).

1.2.2. Informasaun rezultadu entrevista ho kanorin sira klase 2 Entrevista ho kanorin nain sanolu (10) iha EBF Nú. 1 Teulale Baucau ne’ebé ho inisiál A to’o J (A – J) hodi fahe sira-nia esperiénsia bazeia ba pergunta sira-ne’ebé liga ba sira-nia prosesu aprendizajen tomak. Konteúdu entrevista ne’e foka liu asuntu tolu (3) ne’e mak: (a) kapasidade atu kompriende konteúdu matéria (pergunta 1); (b) sentimentu kontente ho konteúdu matéria (pergunta 1); no (3) kapasidade aprende bazeia ba abilidade hanorin manorin nian (pergunta 1).

13

Instituto Católico para a Formação de Professores – Diocese de Baucau

Nú.

Pergunta sira ba kanorin (Entrevista) O kompriende lisaun ne’e?

O kontente bainhira aprende lisaun ne’e?

Estratéjia ne’ebé manorin uza iha hanorin ajuda o atu aprende ho di’ak?

(Tabela 1: Pergunta ba kanorin sira kona-ba sira-nia observasaun ba lisaun no manorin nia jeitu hanorin ne’ebé afeita ba sira-nia aprendizajen)

Kanorin A

Resposta ba pergunta 1, 2 & 3 (Haree tabela 1) Ha'u kompriende lisaun ne'e tanba, hau bele hatene tinan, fulan no loron moris nian, manorin nia hanorin ne'e di'ak tanba nia hatudu figura hodi esplika no husu pergunta kona ba tinan moris nian Ha'u la kontente tanba oras to'o lalais de'it Manorin ajuda duni ha’u iha prosesu aprendizajen

B

Ha’u kompriende lisaun ho di’ak tanba manorin ajuda ha’u aprende ho di’ak Ha’u la kontente tanba la bele hakerek lisaun maibé rona no halo de’it atividade sira Manorin ajuda ha’u tanba prepara ha’u halo atividade ho di’ak

C

Ha’u la kompriende lisaun tanba manorin la ajuda ha’u aprende ho di’ak Ha’u la kontente tanba manorin sira latroka ninia atividade sira Ha’u aprende duni oinsá manorin hanorin ha’u pinta liña kronolojia moris nian

D

Ha’u seidauk kompriende tanba manorin de’it mak ko’alia Ha’u la kontente tanba oras barak liu Ha’u aprende duni oinsá manorin hanorin ha’u pinta liña kronolójia moris nian

E

Ha’u la kompriende tanba ha’u la bele halo mesak liña kronolójia Ha’u la kontente tanba atividade barak liu Ha’u aprende duni oinsá manorin hanorin ha’u pinta liña kronolojia moris nian

F

Ha’u la kompriende tanba ha’u baruk tuir dixiplina ne’e Ha’u kontente tanba manorin halo animasaun atu fanu ha’u aprende di’ak liután Manorin la ajuda ami tanba tempu oituan ba dixiplina siénsia sosiál

G

Ha’u la kompriende tanba la gosta aprende ho manorin ida-ne’e Ha’u kontente tanba ha’u bele servisu hamutuk ho kolega sira hodi pinta liña kronolojia moris Manorin la bele ajuda ha’u tanba atividade barak liu

H

Ha’u sidauk kompriende lisaun ida-ne’e tanba manorin la fó tempu atu husu pergunta Ha’u kontente tanba ha’u bele fahe esperiénsia kona-ba selebrasaun tinan ba kolega sira Manorin la bele ajuda ha’u tanba atividade barak liu

I

Ha’u la kompriende lisaun ne’e tanba manorin la envolve ami hotu iha atividade sira Ha’u kontente tanba iha atividade sira-ne’ebé halo ami servisu hamutuk Manorin la bele ajuda ha’u tanba atividade barak liu

J

Manorin nia esplikasaun ne’e halo ha’u la kompriende Ha’u la kontente tanba tempu uituan de’it Manorin la tulun ha’u tanba nia prekupa pinta iha kuadru

(Tabela 2: Kanorin sira-nia resposta ba pergunta sira iha entrevista [haree iha tabela 1])

14

Instituto Católico para a Formação de Professores – Diocese de Baucau

Konteúdu matéria ne’ebé sai sampel ba entrevista ho kanorin sira mak liña kronolojia ba fulan moris nian ne’ebé hola parte iha unidade selebrasaun serimoniál, dixiplina siénsia sosiál klase 2 Periúdu III (Haree figura 1). Objetivu hosi konteúdu ne’e mak atu tulun kanorin sira bele identifika selebrasaun ba sira-nia aniversáriu; konta sira-nia esperiénsia halo tinan; hodi bele hatene sira-nia moris loron-loron ne’ebé iha mudansa tantu fiziku, mentál no espirituál (bazeia ba PLDK.2 Periúdu 3, 2014). Atividade ne’ebé apoiu hodi atinji objetivu ne’e mak diskusaun, halo komparasaun no halo liña kronolojia ba fulan moris nian (PLDK.2 Periúdu 3, 2014).

Rezultadu resposta hosi kanorin

Pergunta sira A + O kompriende

B _

1

+

C _

+

D _

+

E _

F

+

_

+

G _

+

_

+

I _

+

J _

+

/Pii

2 1

1

1

1

O kontente

1

1 1

Ttl.R-

i

_

1

lisaun ne’e?

bainhira aprende

H

Ttl.R+/P

1

1

1

1

1

1

1

1

1

1

8

4

1

1

6

lisaun ne’e?

Estratéjia ne’ebé

1

1

1

1

1

5

manorin uza iha

1

1

1

1

1

5

hanorin ajuda o atu aprende ho di’ak?

Totál

11

19

persentasaun

36.67%

63,33%

Observasaun (+)

: R Resposta Pozitivu (+)

Resposta Negativu (-) (Tabela 3: Rezultadu persentasaun hosi resposta kanorin sira ba pergunta [haree tabela 1 & 2])

i ii

Totál resposta pozitivu hosi kanorin ba kada pergunta Totál resposta negativu hosi kanorin ba kada pergunta

15

Instituto Católico para a Formação de Professores – Diocese de Baucau

(Gráfiku 1: Rezultadu totál resposta hosi kanorin sira klase 2 EBF Nú. 1 Teulale bazeia ba observasaun tabela 1 & 3)

Rezultadu resposta negativu 63.33% deskreve katak kapasidade kanorin klase 2 atu kompriende konteúdu matéria menus liu ne’ebé atinji to’o 26.67% hosi sira-ne’ebé iha kapasidade atu kompriende ne’ebé atinji to’o de’it 6.67%, nune’e mós sentimentu la kontente atu aprede to’o 20% hosi sira-ne’ebé kontente 13.33%. Persentasaun ida-ne’e hatudu katak kanorin sira barak liu mak la kompriende nune’e mós lahaksolok ho lisaun ida-ne’e no jeitu ka abilidade hanorin manorin nian ne’ebé laenvolve ativamente kanorin sira iha prosesu aprendizajen, tanba ne’e hatudu rezultadu metade (16. 67%) hosi kanorin la aprende ho di’ak ho manorin nia estratéjia ne’ebé nia utiliza durante hanorin (Haree tabela 2 no gráfiku 1 resposta ba pergunta 3)

2. Dadus entrevista no observasaun hosi EBFKSDS Vila Antiga Baucau klase 2 2.1 Rezultadu dadus observasaun iha EBFKSDS Vila Antiga Baucau klase 2 Observasaun pesoál ne'ebé halo iha EBFKSDS Baucau dekobre katak manorin prepara di'ak atividade aprendizajen, materiál didátika, organiza kanorin sira iha grupu no individuál, organiza kanorin sira iha pares atu halo serbisu. Manorin realiza atividade ne'e ho vontade di'ak tanba volume kanorin sira iha klase tuir estandar (20 kanorin).

16

Instituto Católico para a Formação de Professores – Diocese de Baucau

Tópiku ne'ebé manorin hanorin mak identifika balada saida de'it mak hela iha ambiénte ba klase 2 (Planu Lisaun Dixiplina Klase 2 [PLDK.2], periudu 2, 2014). Bazeia ba observasaun pesoál katak manorin halo revizaun ba lisaun anteriór, nia fó oportunidade ba kanorin identifika balada sira-ne’ebé kanorin sira haree iha ambiénte, organiza kanorin sira halo observasaun iha ambiénte.

Observasaun ba atividade aprendizajen ne’e la bele realiza másimu ho di’ak no fó influénsia ba sentimentu kanorin sira, iha-ne’ebé barak hosi sira mak la kontente ho atividade ne'e.

Tanba kanorin barak mak la kompriende esplikasaun manorin nian repete dala barak liu kona-ba lista balada iha planu lisaun. Ida-ne’e signfika katak manorin foka liu ba planu lisaun iha prosesu hanorin.

Haree fila-fali ba observasaun kona-ba manorin nia utilizasaun ba planu lisaun, jeralmente razoavel. Instrusaun sira iha planu lisaun organizadu no sistemátiku, maibé manorin la simplifika instrusaun sira hodi afeita ba kanorin sira difísil realiza atividade sira ho di'ak iha prosesu aprendizajen (Haree Figura 2: PLDK.2).

(Figura 2. Planu Lisaun ba Dixiplina sira Klase 2[PLDK.2] periúdu 2, 2014, pp. 671-672)

17

Instituto Católico para a Formação de Professores – Diocese de Baucau

2.2 Dadus entrevista iha EBFKSDS Vila Antiga Baucau 2.2.1. Informasaun rezultadu entrevista ho manorin siénsia sosiál klase 2 Manorin hato'o nia sentimentu no razaun kona-ba preparasaun hanorin, estratéjia hanorin bazeia ba kurríkulu nasionál no rezultadu aprendizajen kanorin sira-nian iha dixiplina siénsia sosiál.

Jeralmente, manorin kontente ho ninia prosesu ensinu ba kanorin sira. Nia esplika katak: Ha’u-nia preparasaun hanorin di'ak, tanba molok hanorin ha’u halo konsultasaun ba kurríkulu nasionál hodi haree númeru lisaun no atividade aprendizajen nian, prepara materiál didátika bazeia ba konteúdu ne'e rasik, domina didi'ak instrusaun atividade sira no mós perara rekursu seluk (os loricos) hodi suporta prosesu ensinu no aprende.

Estratéjia aprendizajen iha kurríkulu nasionál ne'e efetivu tebes no bele tulun kanorin sira aprende, kanorin sira bele serbisu iha grupu, observasaun direita no esperimentu rasik ba konteúdu sira. Realidade hatudu katak kanorin barak mak kompriende no barak liu mak la kompriende ho di 'ak tanba sira lakohi esforsu-an aprende (Freitas, 2016).

Bazeia ba manorin nia prosesu hanorin hatudu katak manorin iha ideia kreativu no ho votande atu ajuda kanorin sira hodi dezenvolve koñesimentu siénsia. Planu lisaun iha kurríkulu nasionál ne'e nu'udar gia ba manorin sira, maibe buat ne'ebé manorin presiza utiliza referénsia seluk hodi dezenvolve manorin nia dominasaun konteúdu no jeitu hanorin nian.

Hodi nune’e bele kria klase aprendizajen ne’ebé atria kanorin sira atu aprende ho di’ak no ho haksolok ne’ebé presiza mós manorin halo koneksaun. Katak “manorin bele halo uniaun ho mundu ne’ebé kompleksu liuhosi halo koneksaun ho sira-nia an, sira-nia lisaun no sira-nia kanorin sira atu nune’e kanorin sira bele kontaktu ho mundu aprendizajen.” (Palmer sita hosi Patrick, 2011, p.8).

2.2.2. Informasaun rezultadu entrevista ho kanorin sira kalse 2 Entrevista ho kanorin nain sanulu (10) iha EBFKSDS Baucau ho inisiál A to'o J (A-J) hodi fahe sira-nia esperiénsia bazeia ba pergunta sira-ne’ebé liga ba sira-nia prosesu aprendizajen tomak (Haree tabela 1).

Kanorin A

Resposta ba pergunta 1, 2 & 3 (Haree tabela 1) Ha'u kompriende lisaun ne'e tanba, manorin tulun ha'u no bele hatene balada sira iha ambiénte Ha'u kontente tanba oras manorin halo animasaun atu ha'u bele aprende ho di'ak Manorin ajuda ha'u aprende tanba, manorin esplika di'ak ba ami no haruka ami dezeñu balada sira

B

Ha’u kompriende lisaun ho di’ak tanba manorin ajuda ha’u pinta Ha’u kontente tanba halo animasaun bazeia ba lisaun ne'e Manorin ajuda ha’u pinta balada sira

18

Instituto Católico para a Formação de Professores – Diocese de Baucau

C

Ha’u kompriende lisaun tanba ami aprende pinta balada Ha’u la kontente tanba ha'u pinta seidauk hotu oras to'o ona Manorin la ajuda ha'u tanba manorin uza tempu ne'e halo esplikasaun

D

Ha’u sidauk kompriende tanba manorin hanorin oras oituan de'it Ha’u la kontente ha'u baruk Ha’u aprende duni tanba ha'u bele temi ha’u-nia balada sira iha uma

E

Ha’u kompriende tanba manorin esplika kona ba balada ne'ebe ha'u hakiak iha uma Ha’u lakontete tanba ha'u pinta balada ne'ebé ha'u lakoñese Ha’u aprende duni tanba manorin haruka ami temi balada ne'ebe ami haree iha ambiénte

F

Ha’u la kompriende tanba atividade barak liu Ha’u kontente tanba manorin haruka ami pinta balada Manorin ajuda ami pinta balada

G

Ha’u la kompriende tanba la gosta aprende ho manorin Ha’u kontente tanba ami pinta balada Manorin la bele ajuda ha’u tanba atividade barak liu

H

Ha’u la kompriende lisaun ida-ne’e tanba manorin la fó tempu atu husu pergunta Ha’u la kontente tanba manorin koalia la hotu-hotu Manorin la bele ajuda ha’u tanba tempu oituan de'it

I

Ha’u la kompriende tanba ha'u pinta balada barak Ha’u la kontente tanba manorin ha'u baruk atu aprende Manorin la bele ajuda ha’u tanba tempu oituan de'it

J

Manorin nia esplikasaun barak no hau la kompriende Ha’u la kontente tanba hau baruk Manorin la ajuda ha’u tanba atividade barak (Tabela 4: Kanorin sira-nia resposta ba pergunta sira iha entrevista [haree iha tabela 1])

Konteúdu matéria ne'ebé sai sampel ba entrevista ho kanorin sira mak identifika balada sirane’ebé hela iha ema nia ambiénte nian, ne’ebé hola parte iha unidade ha’u-nia ambiénte, dixiplina siénsia sosiál klase 2 periudu II (haree figura 2). Objetivu hosi konteúdu ne'e mak atu tulun kanorin sira bele identifika balada sira-ne’ebé hela iha ema nia ambiénte no balada sira ho sira-nia hela fatin (bazeia ba PLDK.2 periudu 2, 2014).

19

Instituto Católico para a Formação de Professores – Diocese de Baucau

Rezultadu resposta hosi kanorin

Pergunta sira A + O kompriende

B _

1

+ 1

C _

+

D _

+

E _

1

F

+

_

+

+

1

1

bainhiraprende

_

H _

+

I _

+

Piii

J _

+

1 1

1

Ttl.R-/Piv

_ 4

1

1

G

1

lisaun ne’e?

O kontente

Ttl.R+/

1

1

1

1

1

6

4

1

1

1

1

6

lisaun ne’e?

Estratéjia ne’ebé

1

manorin uza iha

1

1

1

1

1

5 1

1

1

1

5

hanorin ajuda o atu aprende ho di’ak?

Totál

13

17

Persentasaun

43,33%

56,67%

Observasaun Resposta Pozitivu (+) Resposta Negativu (-) (Tabela 5: Rezultadu persentasaun hosi resposta kanorin sira ba pergunta [haree tabela 1 & 4])

(Gráfiku 2: Rezultadu totál resposta hosi kanorin sira klase 2 EBFKSDS bazeia ba observasaun tabela 1 & 5)

iii iv

Totál resposta pozitivu hosi kanorin ba kada pergunta Totál resposta negativu hosi kanorin ba kada pergunta

20

Instituto Católico para a Formação de Professores – Diocese de Baucau

Rezultadu resposta negativu ho totál 56.67% deskreve katak kapasidade kanorin klase 2 atu kompriende konteúdu matéria menus ne’ebé atinji to’o 20% hosi sira-ne’ebé iha kapasidade atu kompriende 13.33% nune’e mós sentimentu la kontente atu aprende. Persentasaun idane’e hatudu katak kanorin sira barak mak la kompriende nune’e mós lahaksolok ho lisaun ida-ne’e no jeitu ka abilidade hanorin manorin nian ne’ebé la involve ativamente kanorin sira hotu iha prosesu aprendizajen, tanba ne’e hatudu rezultadu metade (16, 67%) hosi kanorin la aprende ho di’ak ho manorin nia estratéjia ne’ebé nia utiliza durante hanorin (Haree tabela 4 no gráfiku 2).

Rezultadu peskiza Tuir rezultadu ne'ebé iha bazeia ba peskiza ne'ebé halo iha eskola rua katak manorin sira utiliza minímu tebes EASK iha prosesu ensinu no aprende. Relasiona ho rezultadu ne'e, katak manorin sira la fó importánsia ba preparasaun máximu hodi kria koneksaun atu nune’e kanorin sira bele konekta nia-an ba nia mundu aprendizajen tomak (Patrick, 2011).

Dezenvolve EASK presiza manorin nia abilidade atu maneja klase tomak tantu nia-an, konteúdu matéria no partisipasaun ativa kanorin sira-nian liuhosi halo koneksaun. Tanba kanorin sira ativu depende ba manorin nia kriatividade ba atividade aprendizajen nian. Tanba ne'e seidauk bele deskobre katak EASK implementa ho di’ak iha prosesu ensinu no aprendizajen ba dixiplina siénsia sosiál klase 2 iha eskola rua refere.

Difikuldade ne'e akontese tanba manorin seidauk prepara didi'ak rekursu aprendizajen, hanesan livru referénsia sira hodi suporta hanorin, seidauk utiliza tékniku sira aprendizajen nian no seidauk domina planu lisaun foun ne'ebé mak distribui husi Ministeriu edukasaun nian. Ikus liu mak seidauk domina oinsá prosesa apendizajen ne’ebé bele konekta ho kanorin sira atu aprende no ajuda sira atu kontente ho matéria ne’e liuhosi abilidade manorin nian.

Problema espesífiku iha halo koneksaun mak iha prosesu aprendizajen oportunidade ba kanorin sira menus halo pergunta, menus iha aprezentasaun no fahe ideia ba kolega sira. No iha parte manorin nian mak la utiliza di’ak tékniku sira-ne’ebé bele atrai kanorin sira aprende konteúdu lisaun nian no haksolok ho nia iha prosesu aprende.

21

Instituto Católico para a Formação de Professores – Diocese de Baucau

Konkluzaun EASK mak prosesu aprendizajen ne’ebé fó oportunidade másima ba kanorin sira aprende ativa, kreativa hodi dezenvolve auto-koñesimentu, atetude no psikomotor. Realiza EASK bele tulun kanorin sira hodi aplika siénsia koñesimentu ne'ebé aprende iha família no iha sosiedade.

Rezultadu implementasaun EASK ba lisaun siénsia sosiál hatudu katak manorin kreativu liután atu utiliza estratéjia aprendizajen ne'ebé sentradu iha kanorin hodi dezenvolve kanorin sira-nia koñesimentu, atetude no psikomotor.

EASK ne'e importante liu ba manorin iha eskola ensinu bázika atu ajuda kanorin sira hodi dezenvolve koñesimentu, kapasidade no atetude siénsia. Estratéjia ne'e tulun kanorin "aprende mesak no hamutuk" katak atividade aprendizajen ne'ebé aprezenta iha lisaun siénsia sosiál kanorin sira dezenvolve mesak no hatene servisu hamutuk. Nune'e kanorin ida-idak bele iha auto-konfiansa hodi dezenvolve sira-nia kognitivu, afetivu no psikomotor.

Rekomendasaun 1. Manorin sira Timor-Leste liuliu manorin sira ensinu báziku presiza fó atensaun máximu ba kanorin sira-ne’ebé mak presiza siénsia liuhosi ita-nia abilidade hanorin ne’ebé mak di’ak no kualidade. Ezemplu mak manorin sira-nia abilidade iha estratéjia hanorin nian ne'ebé mak bele dezenvolve labarik nia koñesimentu atetude no kapasidade siénsia.

Manorin sira la bele hein fatin atu hetan esperiénsia sira, maibé koko buka esperiénsia aprende estratéjia variedade iha hanorin, nune'e bele aumenta abilidade hanorin nian hodi implementa iha prosesu aprendizajen. Uza maneira sira-ne’ebé bele involve ativu kanorin sira iha atividade sira hotu atu nune'e labarik sira esperimenta rasik no bele kompriende hodi aplika iha sira-nia moris.

2. Manorin sira Timor-Leste presiza konsulta no aprende kle’an liután konteúdu kurríkulu nasionál ne’ebé nu'udar fonte importante ba manorin nia hanorin iha-ne’ebé kurríkulu ne’e fó importánsia EASK iha prosesu aprendizajen.

3. Manorin sira uza kreatividade hodi prepara material didatika sira ne'ebe relevante ho konteudu lisaun iha planu lisaun kurrikulu nasional nune'e bele tulun kanorin sira hodi konkretiza lisaun fasil no assesu ho loos.

22

Instituto Católico para a Formação de Professores – Diocese de Baucau

4. Ministeiru edukasaun liuhosi edukasaun rejiaun sira kria oportunidade ba manorin sira atu dezenvolve di'ak liután profesionalizmu hanorin nian, nune'e tulun kanorin sira-nia aprendizajen sai efetivu no atinji objetivu aprendizajen. Iha sorin seluk ajuda manorin hodi kapasita manorin nia koñesimentu kona-ba utilizasaun media, utilizasaun tempu ne'ebé efetivu ba kanorin nia prosesu aprendizajen.

5. Institusaun edukasaun sira (Instituto Católika para a Formasaun de Professores (ICFP) Baucau, UNTL, INFORDEPE) no organizasaun govermentál sira-ne’ebé afilia iha edukasaun (Fundasaun Alola, Care International) ezerse nafatin oportunidade ba manorin sira nune'e bele dezenvolve koñesmentu kona-ba siénsia estratéjia hanorin ne’ebé sentradu iha kanorin sira.

Referénsia Arends, R. (2008). Learning to teach. Yogyakarta: Penerbit Pustaka Belajar.

Baharuddin & Nur Wahyuni, E. (2007). Teori Belajar dan Pembelajaran. Jogjakarta: ArRuzz Media.

Bertens, K. (2005). Metode belajar untuk mahasiswa. Jakarta: Gramedia Pustaka Utama.

Bruner, J. (2000), Cultura da Educação. New York: Havard University Press.

Creswell, W., J. (2014). Planning Conducting and Evaluating Quantitative and Qualitative Research. England: Research Pearson Education Limited.

Dias Bravo, O. (1986). Sociologia. Lisboa: Porto Editora.

Echols, J. & Shadily, H. (1975). An English-Indonesian Dictionary. Jakarta: PT Gramedia.

DFAT

(2014-2017).

Retrieved 2018/02/05/: http://dfat.gov.au/aboutus/publications/Pages/timor-leste-governance-for-development-monitoring-andlearning-system.aspx

Guedes, A. (2015). Teoria da educação: Lisboa: Porto Editores.

Johnson, E. (2002), Contextual Teaching and Learning. California : Corwin Press.

Marques, R. (1999), Modelos Pedagógicos Actuais. Braga: Platano Edição Técnicas.

Mclnerney, D,. & Valentina (2002). Education Psychology Constructivism Learning.

London: Prentice Hall.

23

Instituto Católico para a Formação de Professores – Diocese de Baucau

Mulyasa, E. (2007). Kurríkulum Tingkat Satuan Pendidikan. Bandung: Rosdakarya.

Muijs, D., & Reynolds, D. (2008). Efective Teaching Teori dan Aplikasi. (Cet. II).

Yogyakarta: Pustaka Belajar.

Monereo Font, C. (2007). Estrategias de Ensino e Aprendizagem. Lisboa: Edicões ASA Coleção Prática pedagógicas.

RDTL. (2014), Kurríkulu Nasionál Ensinu Báziku Siklu Dahuluk Daruak. Centro De Impressão e Artes Gráficas de Educação.

Pessanha, M., Barros, S., Sampaio, R., Serrão, C., Veiga, Sofia, & Araújo, Sergio. (2015).

Psikologia da Educação. Lisboa: Plural Editores Palys, T. (2008). Purposive Sampling. In. L. M. Given (Ed.) The Sage Encyclopedia of Quality Research Methods. (Vol.2). Los Angeles : Sage:, pp.697-8.

Patrick, M. (2011). Getting to the heart of my teacher identity. Exploring your teacher identity. Issue 4. pp. 7-9. New Zeland: The University of Waikato.

Piaget, J. (2006), Psicologia e Pedagogia. Rio de Janeiro: Forense Universitária.

Quinn, M. (2002). Using talk in classrooms: Constructing meaning. Foti iha 2017/06/08: https://www.google.com/search?site=&source=hp&q=Marie+quinn+using+talk+class oom%3A+constructing+meaning&oq=Marie+quinn+using+talk+classroom%3A+con structing+meaning&gs_l=hp.3..33i160k1.1170263.1211922.0.1213496.66.57.6.0.0.0.

212.6854.1j52j1.54.0....0...1.1.64.hp..6.49.5650.6..0j35i39k1j0i131k1j0i20k1j0i131i4 6k1j46i131k1j0i20i46k1j46i20k1j33i21k1.-Dbag0CtFpA Santrock, J. W. (2007). Psikologi pendidikan (Edisi Kedua). Dallas: University of Texas.

World Bank, (2011-2033). Timor-Leste Strategic development plan.

Tongco, D. (2007). Purposive sampling as a tool for informant selection. Manoa of Botany, University of Hawai'i.

Yamin, H. M. (2005). Profesionalisasi guru & implementasi (Cet.II ). Jakarta: Gaun Persada Press.

24