Page 1

(Lérez, Pontevedra, 1898 – Vigo, 1987) Currículo: Estuda Dereito en Santiago e, ao rematar, dirixe o diario 'Galicia' no que tamén colaboran Castelao, Risco, Maside e Villar Ponte. En 1924 é condenado a un mes de cárcere polo carácter dos seus artigos. Despois do alzamento militar contra a República é desterrado a Verín e á Serra de Queixa. Posteriormente é confinado a Villanueva de la Serena (Extremadura). En 1942 empezou a dirixir a revista Industrias Pesqueiras e en 1950 viaxou a Bos Aires invitado polo Centro Galego.

Obra: publicou numerosos artigos e como xurista mostrou tamén a súa preocupación pola realidade socioeconómica de Galicia en obras como Pranto matricial, Galicia como tarea, Sementeira do vento, La marginación de Galicia… A súa personalidade polifacética levouno tamén a publicar algunhas obras de poesía como Pranto matricial (1954), Sementeira do vento (1968), Cen chaves na sombra (1979) e ensaios como La Anunciación de Valle Inclán (1967), Transferencias etnológicas de Galicia en el Brasil Ulterior (1976), e A galecidade na obra de Guimaraes Rosa (1978).

En 1964 foi nomeado membro da Real Academia Galega co discurso titulado A Galecidade na obra de Guimaraes Rosa.

Paz Andrade mostra tamén a súa preocupación política en obras como O modelo federal para a constitución do Estado galego e Testimuñas e prespectivas de homenaxe ao Seminario de Estudos Galegos (1978).

Despois da morte de Franco, formou parte da 'Comisión dos 10' da oposición democrática (con Cañellas, Felipe González, Tierno Galván, etc).

Ademais publicou a biografía máis importante que existe sobre Castelao titulada Castelao na luz e na sombra (1982).

En 1977 foi elixido Senador por Pontevedra, dentro da Candidatura Democrática Galega.

CPI da Cañiza (Secundaria)

Guía de lectura, BIBLIOTECA ESCOLAR

VALENTÍN PAZ ANDRADE

Letras Galegas 2012

Valentín Paz Andrade


Sierra i Fabra: Ocultos. Dous irmáns, Elisabet e Eduardo, afrontan o reto das súas vidas: encontrar o primeiro libro da historia, o mítico Libro de Thot. Na aventura coñecen a Enzo, un ser incriblemente fermoso e sobrenatural, o único que ten unha razón poderosísima para buscar o libro: liberarse Paco Roca: Engurras. Emilio, un antigo empregado de banca, é internado pola súa familia nunha residencia de anciáns. Pouco a pouco, a súa memoria empeza a borrarse a pesar dos seus intentos de contrarrestar ou ocultar os efectos da enfermidade. F. Díaz Valladares: La hija del tuareg. Meryem vivía nun oasis do Sahara e era feliz. Cando deixaron de pasar as caravanas, o seu pai Yunan o tuareg tivo que emigrar a España en busca de traballo. Ao pouco tempo, Yunan deixa de enviar noticias e Meryem decide ir na súa busca... Fernández Paz: Fantasmas de luz Despois de trinta e cinco anos traballando no cinema Soñadores, Damián é despedido do seu traballo. Será o inicio dun profundo cambio na súa vida. Con angustia, irase decatando de que pouco a pouco se vai volvendo invisible.

Pepe Carreiro: Historia de Galicia. Da vida das covas ás acampadas nas prazas. Percorrido humorístico polos principais feitos da historia do noso país: Quen foi o primeiro rei de Galicia? De onde lle vén o nome aos Séculos Escuros? De onde viñeron o millo e as patacas? Ten Galicia goberno propio?... Marliese Arold: Miriam es anoréxica. Este libro é unha novela e os personaxes que aparecen son ficticios. Pero podería ser unha crónica real, porque moitas mozas están vivindo hoxe en día os problemas de Miriam. É unha historia arrepiante, en moitos aspectos e, non obstante, tan normal, ... Esther Prieto: Avó Ismail Retrato de varias xeracións de palestinos que choran a terra perdida. Tamén é un canto á beleza dunha terra e das xentes que a habitan, simbolizada no deserto do Neguev. O vello Ismail e o seu neto Nader, representan o pasado e a esperanza dos palestinos actuais. GorkaCalzada: Edison, el mago de los inventos. De pequeno ríanse de Edison porque tiña a cabeza grande como un melón. Normal, necesitaba un montón de espazo para que non se lle perdesen todas as ideas xeniais que se lle ocorrían ao desenvolver mil e un inventos.

Esther Sanz: El bosque de los corazones dormidos. Tras a morte da súa avoa, o mundo de Clara esborrállase e vese obrigada a reunirse cun tío que reside nun pequeno pobo de Soria. Pronto cruzarase no seu camiño un rapaz misterioso e solitario que, como ela, foxe dun pasado atormentado Silvestre Gómez Xurxo: Ti non xogas. Despois dunha semana enteira sen parar de chover, os rapaces están a xogar ao fútbol. Todos menos Suso, que está sentado no patio da escola. Está aburrido e amolado; porque cando quería xogar Róber chimpoulle: Ti non xogas! e el non soubo que facer. Maite Carranza: Palabras envelenadas. ¿Que pasou con Bárbara Molina? Nunca se encontrou o seu corpo nin se detivo a ningún culpable. Unha chamada pon patas arriba o destino de moitas persoas: o dun policía a piques de se xubilar, o dunha nai que perdeu a esperanza, o dunha rapaza que traizoou a súa mellor amiga. Jordi Cervera: Muerte a doscientos diez. Os cadáveres de dúas estudantes de policía, irmás xemelgas, aparecen no medio do que aparenta ser unha serie de crimes rituais ou satánicos. Non hai probas nin pistas, ata que Carla Pons se infiltra e dá un xiro á trama...

Guía lectura Semana Santa  

guía lectura

Read more
Read more
Similar to
Popular now
Just for you