TOMO IV / BLG III-IV / Biyernes, 30 Nobyembre 2018 email: phkule@gmail.com
EDITORIAL
Higit sa hatol Mabagsik at nararapat ang kahatulan ng kasaysayan sa sinumang taksil sa sambayanan. Ngayong buwan ng Nobyembre, ginugunita ng bansa ang kultura ng kawalang-pananagutan; inaalala ang lahat ng minasaker, dinakip at sapilitang iwinala. Sa buwan ding ito, hinatulang may sala ng Sandiganbayan sa kasong graft si Imelda Marcos, ang mukha ng kalabisan sa ilalim ng batas militar. Gamit ang pekeng pangalan na Jane Ryan, nakalikha si Imelda ng pitong account sa Swiss Bank na pinaglagakan ng malaking pera ng bayan sa loob ng dalawang dekadang diktadura ng kaniyang asawang si Ferdinand Marcos. Mabunying tagumpay ang hatol para sa mga naulila ng libu-libong buhay na kinitil ng batas militar, at sa kasalukuyang henerasyong patuloy na pumapasan sa mga utang at bagsak na ekonomiyang iniwan ng mga Marcos. Subalit gaya ng iba pang napatunayang nagnakaw sa kaban ng bayan, binigyan din si Imelda ng pagkakataong pansamantalang magpiyansa sa halagang P150,000— baryang maituturing sa mamahalin niyang mga sapatos at alahas, at sa higit P170 bilyon na ninakaw niya at ng kaniyang pamilya. Higit pa, kinonsidera rin ng hukuman ang edad ni Imelda gaya ni Juan Ponce Enrile, na siyang dating kanangkamay ng diktador. Samantala, ang mga matatanda ring katulad ni Imelda Hayahay, na ina ng isang guro ng mga Lumad, ay basta-basta na lamang dinadakip dahil sa walangbasehang paratang ng rebelyon. Hindi ito ang unang beses na nakalaya si Imelda mula sa pagkakapiit. Taong 1991 nang una siyang mapatunayang may-sala
sa parehong kaso ng graft, subalit nakapagpiyansa rin hanggang ibasura ng Korte Suprema ang kaso noong 1998. Ang pagbibigay ng labis-labis at maling konsiderasyon ay patunay ng kahinaan, kung ‘di man kabulukan, ng batas at mga tagapagpaganap nito. Bukod sa pinakahuling hatol kay Imelda, ilang beses nang napatunayan ng hukuman ang iba’t ibang uri ng kalapastanganan ng mga Marcos, ngunit walang pagkakataong nakita ng sambayanan ang ni isa sa kanila sa bilangguan. Nananatili ring mabagal ang usad ng pagbawi sa nakaw nilang yaman—repleksyon ng malalim at lalo pang pinalalawak na impluwensya ng mga Marcos sa pamahalaan higit sa ilalim ng umaasta ring diktador na si Pangulong Rodrigo Duterte. Malinaw ang ugnayan sa pagitan ng mga Marcos at ni Duterte, na buong-pagmamalaking umiidolo sa diktador na nahihimlay ngayon sa Libingan ng mga Bayani. Gayundin, dahil sa piyansa, malaya pang makatatakbo sa pagka-gobernador si Imelda sa Ilocos Norte, kapalit sa kaniyang anak na si Imee na nagnanais maging senador sa suporta ng partido ni Duterte. Samakatuwid, hindi makakamit ang tunay na hustisya hangga’t nananatili ang sistemang nagluwal at nagbibigay-laya sa mga Marcos; ang kultura ng karahasan, paglimot, at kawalang-pananagutan na pinatitindi ng kasalukuyang administrasyon. Hindi kagulat-gulat kung hindi pa rin hahantong sa selda si Imelda sa pagkakataong ito, kaya’t lalo
@phkule
NEWS /
The long fortnight: Fraternity-related violence, controversy wrack UP Diliman
KULT /
Bayang Minasaker
FEATS /
System Diagnostics: Debugging the Third Telco Selection Process
Hindi makakamit ang tunay na hustisya hangga’t nananatili ang sistemang itong dahilan upang pag-alabin nagluwal at ang pagmumulat sa lahat ng nagbibigay-laya posibleng lunsaran, pag-oorganisa sa iba’t ibang espasyo, at pagkilos sa mga Marcos: sa lansangan upang panagutin ang mga Marcos at pigilan ang ang kultura anumang bantang ibalik ang ng karahasan, diktadura sa bansa. Dahil sa huli, higit pa sa piitan ang paglimot, at sasapitin ng sinumang sumusubok kawalangsa ating pagkakapoot, sa marapat nating ‘di paglimot. pananagutan.
DIBUHO NI KIMBERLY ANNE YUTUC
I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A ! I PA S A PA G K A BA S A !
REBELKULÊ
ANG PAHAYAGAN NG MGA MAG-AARAL NG UNIBERSIDAD NG PILIPINAS DILIMAN