JANUARY - JUNE 2013
P EACE AND ORDER
5
PAPAG-TF nailungalong a mapagbalin a konseho Kalpasan ti pannakatiliw ti 25 nga Most Wanted Criminals ditoy Ilocos Norte iti umuna a panagtakem ni Gobernador Imee R. Marcos, nailungalong ti naan-anay a panagbalin ti Provincial Anti-Private Armed Group Task Force (PAPAG-TF) a kas maysa nga Council. Ti lungalong ket naidatag kabayatan ti pannakaisayangkat ti taripnong dagiti kameng ti Peace and Order Council iti kapitolio probinsial idi Hulyo 16, 2013. Insigida met a nasangal ti maysa nga 'draft resolution' nga indatag ti pangulo ti nasao a konseho, Atty. Windell D. Chua, iti Hunta probinsial. Ti draft ket addan iti saklang ti Sangguniang Panlalawigan tapno daytoy ket
mapagbalin a naan-anay a linteg. Naisaguday iti draft resolution ti pannakaipalawa ti sakup ti PAPAG-TF tapno awan ti agbalin a lapped iti pannakaanup ken pannakatiliw dagiti saan pay a nakemmeg ken aglemlemmeng a kriminal. Nailanad iti 'draft' ti nayon a pundo tapno awan ti parikut dagiti kameng ti konseho a mangnganup kadagiti nabatbati pay a kriminal. Maaramat pay daytoy a gatad kas insentibo kadagiti gagangay nga umili a tumulong para iti pannakaukkon kadagiti nasisita nga impormasion kontra kadagitoy a managdak-dakes. Malaksid iti pannakaanup dagiti kriminal, patien pay ni Atty. Chua a dakkel a kabada-
ngan ti konseho iti programa ti gobierno probinsial kontra iti “loose firearms” “Kasapulan ti natibtibker a bileg tapno mapugipog dagitoy a napeklan a kriminal” kinuna ni Atty. Windell D. Chua Ti PAPAG-TF ket nabuangay kalpasan a nagtakem ni gobernador Imee R. Marcos idi Hulyo, 2010 kalpasan a nadlawanna nga adu dagiti napeklan a kriminal ditoy Ilocos Norte ngem nawaya nga agdakdakiwas. Adda pay dagiti sumagmamano nga ar-aramaten dagiti politiko a kas “goons”.¢
FOR INQUIRIES CONTACT: Philippine National Police-Ilocos Norte
09175009600
Pormal a rinugian ni Gobernador Imee ti Provincial Peace and Order Council meeting idi July 16. Ditoy a nailungalong a mapagbalin a konseho ti PAPAG-TF.
Ca
pt
ur
ed
ILOCOS NORTE MOST WANTED PERSONS
ANY INFORMATION LEADING TO THEIR CAPTURE, CALL OR TEXT ILOCOS NORTE POLICE PROVINCIAL OFFICE;
(077) 771 - 41 33 • 0928 368 9625/0929 897 2000