Novena han Mahal nga
Virgen han Anunciacion
PHILIPPINES
Novena Han Mahal nga Virgen han Anunciacion All rights reserved. No part of this book may be reproduced, stored in a retrieval system or transmitted without the written permission from the publisher. Published and distributed by Paulines Publishing House Daughters of St. Paul 2650 F. B. Harrison Street 1302 Pasay City, Philippines E-mail: edpph@paulines.ph Website: www.paulines.ph Cover design: Ann Marie Nemenzo, fsp 1st Printing 2020 ISBN 978-971-590-905-1
at the service of the Gospel and culture
4
PAG-AMPO HAN IKA-UPAT KA ADLAW
Harangdon ug makatarambong nga Birhen Maria! Katam-isan han mga kasingkasing han imo debotos. Ikaw, O Birhen nga higugmaon, an nag-alagad hin ungod, han kaburuton nga diosnon. Ikaw an nagsunod han Ginoo han iya bug-os nga labi hin kasantos nga kinabuhi. Ikaw an nagsubad hin maupay han iya diosnon nga mga buhat. Ikaw la an nahigugma han Manunubos hin usa nga gugma nga hingpit. Ug ikaw la an inabat han mga kasakitan nga gin-abat han Anak han Dios. Naangay gud ha imo an ngaran nga Reyna han mga Apostoles, tungod kay imo man ginlabawan hiran nga tanan kay an Dios nakada 15
ha imo, sugad han mga pulong ni San Gabriel Arkanghel ha pagsering niya; “An Ginoo nga Dios aada ha imo.” Buligi kami. O takus nga Iroy han Dios, agud mahigugma kami han imo Anak nga hi Hesus – hin usa nga gugma nga totoo ug hingpit dinhi ha tuna ug didto man ha langit. Matuman kunta. Mamalandong kita hin usa kadali, ngan mag-ampo an tagsa-tagsa han mahal nga Birhen Maria. . . .Katapos hin halipot nga kalugaringon nga pag-ampo ug pangamuyo, pangadi hin pito (7) nga “ Maghimaya ka Maria”
16