IES Pedras Rubias (Salceda de Caselas) - Transcricións (2)

ÍNDICE Contido

Páx

Datos sobre a gravación……………………………….…..1 Clasificación……………………………………………....1 Documentación gráfica……………………………………1 Transcrición………………………………………………. 2 Datos sobre os informantes……………………………...…3 Contido do CD………………………………………...……7 Audio………………………………………………………CD

DATOS SOBRE A GRAVACIÓN Alumnas que fan a gravación: Selene González Luis e Alexandra Pérez Rodríguez Curso: 2ºC Informantes: María Elvira Tabeada Pousa, Josefina Caballero Fernández e Preciosa Martínez Pérez.

Relación coas alumnas: Veciñas Soporte no que se entrega: CD e traballo escrito.

Minutos: 15:32 m.

Clasificación: Denominación/ título: Xenero, subxénero, tipo: Cantigas, refráns, coplas, cantigas de berce…

Lugar e data de gravación: Parderrubias, sábado día 7 de abril de 2007.

Documentación gráfica: Lugar: na súa antiga casa Identificación das persoas: Preciosa Martínez, enriba do cabalo cando era nova.

Lugar: festa de Santa Marta Identificación das personas: á dereita o esposo de Preciosa Martínez e á esquerda uns veciños.

Transcrición: Autoras da transcrición: Selene González e Alexandra Pérez.

Data da transcrición: 06-04-07 Número de folios: 8

DATOS SOBRE O INFORMANTE I Nome e apelidos: María Elvira Tabeada Pousa Data e lugar de nacemento: 03-09-49 no Irixo, Ourense.

Está xubilada: Non Estudos: primarios Lugar de residencia actual: Parderrubias, Piñeiro.

Lugar de residencia no momento de aprender a mostra oral: En Ourense Onde pasou a súa infancia e adolescencia: No Irixo, Ourense Sabe ler e escribir? Si Foi a escola? Canto tempo? Onde? Si, ata os 14 anos no Irixo A que se dedicaba a súa familia cando era nena? O seu pai era garda civil e a súa nai ama de casa e agricultora Como describíria a familia na que naceu: De nivel medio Profesión actual: ama de casa Profesión pasada: ama de casa Estivo na emigración? Onde? Si, moi pouco tempo en Suiza En que lengua se expresa habitualmente? En galego

Fala castelán? Si Pertenceu ou pertence a algún tipo de asociación cultural? Cal? Si, agrupación cultural Xunco Pertenceu ou pertence a algún tipo de agrupación musical? Cal? Si, agrupación cultural Xunco COMO E ONDE APRENDEU O QUE CONTA. Ensinoullo o seu pai, tamén ao ir coas súas compañeiras a xogar DATOS SOBRE O INFORMANTE II Nome e apelidos: Preciosa Martínez Pérez Data e lugar de nacemento: 2-3-34; Parderrubias Está xubilada? Si. Estudos: Primarios.

Lugar de residencia actual: Portela, Parderrubias.

Lugar de residencia no momento da aprendizaxe: Parderrubias.

Onde pasou a súa infancia e adolescencia? En Parderrubias.

Sabe ler e escribir? Si. Foi á escola? Canto tempo? Onde? Si, ata os 14 anos, en Parderrubias.

A que se adicaba a súa familia cando era nena? Eran feirantes e gandeiros.

Como describiría a familia na que naceu? Nivel medio-alto.

Profesión actual: ama de casa.

Profesións anteriores: Camareira e tendeira aínda que tamén traballaba no campo.

Estivo na emigración? Non En que lengua se expresa habitualmente? En galego.

Fala castelán? Si Pertenceu ou pertence a algún tipo de asociación cultural? Cal? Agrupación Cultural Xunco.

Pertenceu ou pertence a algún tipo de agrupación musical? Non pero acode a clases de pandeireta.

ONDE APRENDEU O QUE CONTA: Ao estar todas as compañeiras, unhas cantábanlles ás outras e tamén ao traballar no campo coa familia.

DATOS SOBRE O INFORMANTE III Nome e apelidos: Josefina Caballero Fernández Data e lugar de nacemento: 16-10-49; Parderrubias Está xubilada? Non. Lugar de residencia actual: Revolta, Parderrubias.

Lugar de residencia no momento da aprendizaxe: Parderrubias.

Onde pasou a súa infancia e adolescencia? En Parderrubias.

Sabe ler e escribir? Si. Foi á escola? Canto tempo? Onde? Si, ata os 12 anos nunha casa preto da igrexa á que ían mestras e alumnos.

A que se adicaba a súa familia cando era nena? Á agricultura.

Como describiría a familia na que naceu? Nivel medio.

Profesión actual: ama de casa.

Profesións anteriores: Aos 13 anos comezou a traballar nunha fábrica de peixe. Unha vez casada, foi ama de casa e agricultora.

Estivo na emigración? Non En que lengua se expresa habitualmente? En galego.

Fala castelán? Si Pertenceu ou pertence a algún tipo de asociación cultural? Cal? Agrupación Cultural Xunco.

Pertenceu ou pertence a algún tipo de agrupación musical? Si. Agrupación Cultural Xunco.

COMO E ONDE APRENDEU O QUE CONTA O seu pai era o mestre de moita da xente que sabe tocar a gaita en Parderrubias e agora mesmo o seu irmán é o mestre da agrupación cultural Xunco. Ten familia que baila baile tradicional galego.

CONTIDO DO CD DE AUDIO PISTA Nº1: Cantigas cantadas por Josefina Caballero Aparta loureiro verde Deixa clarea-la lúa Que estou no medio do monte Non vexo casa ningunha.

Mira, Maruxiña, non vaias á herba Que vén o vento e toda cha leva E lévacha toda e toda cha leva Mira, Maruxiña, non vaias a ela.

PISTA Nº2: Historia dos turcos (coruñeses) e portugueses (pontevedreses) relatada por Josefina Caballero.

PISTA Nº3: Coplas, recitadas por Preciosa Martínez.

Piñeiro, dame unha piña Piñeiro, dame un piñón.

Piñiña, dame unha fala Da raíz do corazón.

PISTA Nº4: Cantiga, interpretada por Preciosa Martínez Amores ó lonxe ó lonxe Ó cerca calquera os ten.

Amores ó pé da porta Son a perdición (d)laguen.

Lerolerolero Lerolerolerole (bis) PISTA Nº5: Cantiga, interpretada por Preciosa Martínez ESTRIBILLO Ai mandilín, ai mandilón Vente conmigo a bailar(e) ó salón. Ó salón si, ó salón non Ai mandilín, mandilín, mandilón.

Axudaime, compañeiras, Axudaime que non canto Que me fixo enrouquecere Un vaso de viño blanco.

ESTRIBILLO Para tocar non hai quen toque Para cantar non hai quen cante Para sacudir o cue Todos se achegan adiante.

Lerolerolero Lerolerolerole (bis)

ESTRIBILLO Sei tocar a pandeireta Tocar sei o violine Tamén sei facer a burla De quen a faga de minhe.

Lerolerolero Lerolerolerole (bis) ESTRIBILLO Vouvos dare a despedida aí vos vai o remate non é por causa ningunha é por descansare a manhe.

Lerolerolero Lerolerolerole (bis) ESTRIBILLO PISTA Nº6: Cantiga, interpretada por Preciosa Martínez ESTRIBILLO Este é o son da sega Este é o son de segare.

Así dicen as meniñas Segando no meu lugare.

Este é o son da sega, Este é o son de segare.

Sega Maruxiña Sega mulleriña Que despois de ver segare Imos bailar na cociña.

ESTRIBILLO Esta noite hei de ir á rúa Coa miña bata branca E o que gaste en zapatos Heino de aforrar en mantas.

ESTRIBILLO Vamos cantando e rogando A maior desta madriña Vamos cantando e rogando Que así gañámo-la vida.

ESTRIBILLO PISTA Nº7: Canción de berce, interpretada por Preciosa Martínez O meniño ten soniño O sono non lle quere vire

Nosa señora llo mande Para o meniño durmire.

PISTA Nº8: Refrán recitado por Preciosa Martínez O cura cando marchou Deixoulle dito á criada: Veña cedo, veña tarde, Déitate na miña cama.

PISTA Nº9: Copla, interpretada por Preciosa Martínez O gaiteiro do Xunco Hai que ver que gaita ten Ela toca polo día E pola noite tamén.

PISTA Nº10: Canción de berce, interpretada por Elvira A runrún, miña meniña, Quen che vai a da-la teta.

Túa nai vai no muíño, E teu pai na herba seca.

PISTA Nº11: adiviñas, interpretadas por Elvira Catro corremontes, Catro chicafantes, Dous turulurús E un dalle que dalle (A vaca) Pelo por fóra, Pelo por dentro, Levanta a perna, E métea dentro (a media) Alta me vexo, Color ouro teño Por unha risada, Perdín o que teño (a castaña) PISTA Nº12: Cantiga de nadal, interpretada por Elvira Se souperades meus amiguitos O que naceu en Belén (bis). Éravos un meniño tan bonitiño Aínda máis que un caraveliño.

Vinde rapaces, vamos tamén, Ó nacemento do neno en Belén.

Ai, que neno, ai que neniño Que ganiñas me dan,

De comerlle a cara a bicos, Co gordo e Branco que está (bis) Que está espidiño e acurrucadito Ó pé dos seus pais E máncano as pallas Nas que está deitado, E o noso pecado Aínda o manca máis.

PISTA Nº13: Cantiga de magosto, interpretada por Elvira ESTRIBILLO Non chas quero, non chas quero Castañas do teu magosto.

Non chas quero, non chas quero, Que me cheiran a chamusco.

Acabáronse as vendimas E veñen as escolladas Para comeren coas rapazas Catro castañas asadas.

ESTRIBILLO As castañas no ourizo Quixeron rir e rabeouhe Caen do castaño abaixo Mira que pau levouhe.