Pagina 20
Diamars 24 Juni 2014
Solo Deporte..... Playoff HEINEKEN femenino di Aruba softball Bond a continua
Aruba Bank Lady Tigers ta reacciona y ta bolter e wega pa keda na bida den e serie final
Playoff final HEINEKEN Femenino di Aruba Softball Bond dedica na baluarte Irena Balijn a continua diadomingo ultimo riba veld di SV Dragon Hitters (x-Duracell) na Barcadera. Un veld comberti completamente den un parke di softball den preparacion pa Champ of the Champs cual lo inicia dialuna 30 di Juni cu 10 equipo internacional. Aruba Bank Lady Tigers pa 11am di mainta a enfrenta Jaguars . Jaguars ta ariba 2-0 den e serie di 5 wega y ta falta solamente un victoria pa nan por celebra. Jaguars tabata ganando 6-0 pero Aruba Bank no a give up y a reaciona bon y a bolter e score ganando e wega finalmente 10-6 y asina ta haci e serie 2-1. Diarazon awor 25 di Juni cuminsando pa 715pm riba veldnan nobo na Pos Chiquito wega number 4 di e serie final lo continua.
Un victoria pa Jaguars nan lo celebra nan campeon y un victoria pa Aruba Bank Lady lo forza un wega desisivo diabierna 27 di Juni. Aruba Bank Lady Tigers 10 careda, 8 hit, 4 error. Jaguars 6 careda, 10 hit, 4 error. Mandy Angela a bay completo seyando e promer victoria di playoff riba su nomber. Kathleen Geerman a resulta pitcher perdedor ricibiendo relevo di Zagyra Jones. Mihir bateadornan pa Aruba Bank lady Tigers ta Riangela Flanegin di 2-2, Franchesca Diaz 2-2, Carienne Brete di 4-2. Pa Jaguars a destaca na plato Iliandra Figaroa di 4-3 y Jennysela Tromp di 4-2. Playoff serie final diarazon awor pa 7:15pm na Pos Chiquito y pa 9pm despues di playoff RC Cola lo enfrenta BB Pirates den categoria A-Klas. Softball fastpitch a la carga.