DIAMARS 22 APRIL, 2014
5
Xander Bogaerts: un nobato trata como veterano di Liga Grandi Apesar cu el a gana un renchi di diamanta cu e titulo di World Series cu Boston Red Sox, e hoben short stop di Aruba, Xander Bogaerts, a inicia temporada di baseball di Liga Grandi 2014, como un di e candidatonan fuerte pa bay cu e titulo di Nobato di Aña. Sinembargo for di inicio di temporada por a ripara cu Xander di Aruba, ta un di e hungadonan mas consistente cu manager John Farrell tin den su ekipo di Boston, cu no a inicia temporada nobo riba bon pia. Diahuebs anochi Xander a bira noticia grandi ora cu den un wega contra di Chicago White Sox y Boston Red Sox, caminda tanto Chris Sale di Chicago como John Lester di Boston tabata tirando “no hit - no run” te den di seis entrada, e hoben di Aruba ta kibra esaki c’un descomunal home run den left field contra di Sale pa no solamente kibra e ‘no hitter,’ pero duna su ekipo bentaha di 1-0. Finalmente Boston a gana e wega 3-1 cu tremendo actuacion di e hoben Bogaerts. Den fin di siman Boston a ricibi bishita di Baltimore Orioles caminda diabierna anochi e bishitantenan ta gana cu anotacion di 8-4 den wega cu Xander a bolbe mustra consistencia logrando un hit y a ricibi dos boleto, pues a subi base na tres ocasion. Mirando e serie largo di weganan di Boston, diasabra anochi manager Farrell a dicidi di duna
e Arubiano un sosiego den wega cu Boston a bin gana finalmente cu anotacion di 4-2. Den e wega di diadomingo, Xander a inicia un reaccion di Boston ora cu el a ricibi boleto cu a conduci na un rall y di Red Sox cu ta logra di empata e wega na 5-5 pa finalmente bin gana esaki den extra inning 6-5. Den wega di ayera cu Boston ta perde cu anotacion di 7-6, un biaha mas Bogaerts a conecta un hit y ricibi un boleto y taba-
ta dos bes riba base mientras cu el a anota un careda den di ocho inning.
Pues Xander ta sigui mustra un consistencia formal y apesar di ta un hoben nobato, e hoben di
Aruba ta ser trata manera un veterano den su ekipo di Boston Red Sox.
INTERUPCION DI CORIENTE En conexion cu trabaonan necesario, coriente lo wordo interumpi: diahuebs, 24 di april 2014 for di 8:00 a.m. te cu 4:00 p.m. den vecindario di: • Bubali (un parti) • Boegoeroei (un parti)
Pa mas informacion yama 523-7100 of e-mail nos via CustomerService@elmar.aw.