Haugesund, Røvær, Gitterøy ■■ Kartblad: 1113 I Haugesund ■■ UTM: KL 796-803, 945-953 ■■ Kommune: Haugesund ■■ Inventør: Anders Lundberg ■■ Dato: 25.07.2000. Sjekka mot ortofoto frå 2002 i februar 2009 ■■ Naturtype: D Kulturlandskap, E Ferskvatn, G Havstrand/kyst ■■ Utformingar: D07 Kystlynghei, A08 Kystmyr, G strandberg ■■ Verdi: A ■■ Vegetasjonssone: Boreonemoral ■■ Vegetasjonsseksjon: O3 Sterkt oseanisk
Figur 55. Flyfoto over Gitterøy. Ein ser tydeleg at øya
er dominert av kystlynghei, med langstrekte dalmyrar i søkka. Langs sjøen er det velutvikla strandberg.
Lokalitetsomtale Beliggenhet/avgrensing/naturgrunnlag: Øya har i lengde på 825 m i nordvest-søraustleg retning og ei breidde på 250-450 m. Samla strandlinje er om lag 3,5 km og arealet er 280 dekar. Naturtypar og utformingar: Kystlynghei er den dominerande vegetasjonstypen. Tørre typar er mest utbreidde, men det finst også fuktige variantar. I små dalsøkk finst fattigmyr (kystmyr). Her og der finst små vatn med litt kantvegetasjon. Strandberga er velutvikla og dei har spreidde innslag av karplanter. Truleg er desse vegetasjonstypane representerte, men det er sannsynleg at lista ikkje er komplett: H1a Tørr lynghei. Røsslyng-utforming H1c Tørr lynghei. Røsslyng-slåttestarr-torvull-utforming H2a Tørr gras-urterik hei. Fattig utforming H3 Fuktig lynghei K3 Fattig fastmattemyr Vassvegetasjon X1a Strandberg. Fattig utforming +++
40
Artsmangfald: Under besøk i juli 2000 registrerte eg 94 artar karplanter. Den mest sjeldsynte av desse er klengjelerkespore, som veks to stader på øya. Arten står på den norske raudlista og blir rekna som nær trua (NT). Arten er talrik på Gitterøy og den største førekomsten dekte eit felt på 0,3 x 3,5 m, tett i tett. Det er mogeleg dette er den største førekomsten i Noreg. Her i landet er han berre kjent frå Vest-Agder og Rogaland. Ein annan interessant art er skjoldblad, som står på den norske raudlista. Hei- og kystartar er det mange av, likeeins strandplanter og nokre vassplanter. Påverknad/bruk: Sauer på beite. Det er skilt ut ein tomt midt på øya og på flybiletet ser det ut som om det er laga til ein mur eller grunnmur her (kan vere gammal). Øya er elles fri for inngrep. Tilstand: Heiane er beita og lyngen er i god stand. God hevd. Skjøtsel og omsyn: Sauebeitet bør halde fram. Verdivurdering: Velutvikla kystlynghei, kystmyr og raudlisteartane klengjelerkespore og skjoldblad gjer Gitterøy til eit A-område. Kjelder: Lundberg (2002, 2004, upubl. b). Stedkvalitet: Nøyaktigare enn 5 m.