СРЕДБИ
По повод Св. Трифун
ЦВЕЌЕ СО ЉУБОВ ЗА ОСАМЕНИТЕ По повод христијанскиот празник Свети Трифун, познат и како празник на љубовта Свети Валентајн, градоначалникот на Општина Карпош Стевчо Јакимовски имаше заеднички ручек со 40-тина свои сограѓани, осамени лица и лица со посебни потреби. - Ова е наша трета последователна средба, би рекол посебен ден, на кој на нашите сограѓани кои се осамени или имаат потреба од повеќе дружење и внимание им даруваме особена грижа, љубов и посветеност. Целта на ваквите дружења е да им покажеме дека локалната самоуправа секогаш е најблиска до нив, дека не ги заборава во ниту еден момент, и дека водиме грижа за сите граѓани на Кар-
26
КАРПОШ УРБАН • БРОЈ 25 • ФЕВРУАРИ 2013 • ОПШТИНА КАРПОШ
пош, рече градоначалникот, обраќајки им се на своите драги гости. Грижата за осамените лица, за болните, за оние кои имаат здравствени, социјални или емоционални проблеми продолжува во текот на целата година, но во исклучителни моменти и по одредени поводи се дружиме и повеќе со нив, изјави првиот човек на Карпош, посакувајќи сите нивни проблеми да бидат од времен карактер и час поскоро да ги надминат со заеднички напори со Општината. На сите присутни гости на дружењето со Општината и на заедничкиот ручек во ресторанот „14-ка“ во Карпош, во знак на внимание, Јакимовски им подари по еден цвет. В. Ц.