isports
BAGO PERO ‘DI PATATALO
BAGO PERO ‘DI PAPATALO!
Bagong Dance Troupe ng CHS, 5th Place sa Festiv-Aliwan 2024
John Vincent Sangullas
NAGPAKITANG GILAS ang bagong grupo ng Indak Caybigan Dance Troupe (ICDT) ng Caybiga High School (CHS), hindi nagpahuli sa pag-indak at paghataw upang makamit ang ikalimang puwesto sa 10 paaralan na sumabak sa Festiv-Aliwan 2024 sa Caloocan City, na ginanap sa South Caloocan City Hall nitong Setyembre 13, 2024.
NAGPAKITANG GILAS ang bagong grupo ng Indak Caybigan Dance Troupe (ICDT) ng Caybiga High School (CHS), hindi nagpahuli sa pag-indak at paghataw upang makamit ang Ikalimang Puwesto sa 10 paaralan na sumabak sa Festiv-Aliwan 2024 sa Caloocan City, na ginanap sa South Caloocan City Hall nitong Setyembre 13, 2024.
Nagsagawa ng audition ang MAPEH department para sa mga mag-aaral na gustong lumahok sa dance group sa simula sa mga Junior High School at Senior High School nitong Agosto 5-9.
Upang ipakita ang talento ng mga mag-aaral sa pagsasayaw, pinili ng Caloocan Culture at Tourism Office ang pagtatanghal ng sayaw mula sa mga festival sa Pilipinas.
Mahigit apat na oras ang inilalaan sa kanilang pagsasanay at nang papalapit na ang laban, ginawa na nilang buong araw ang kanilang paspasang pag-eensayo. Kahit Sabado, hindi ito pinalipas, tumagal ng tatlong linggo para maayos ang presentasyon ng ‘Palawod Festival Dance’.
Binanggit ni G. Marvin Kim Celendro, isa mga trainer, na napili nila ang Palawod Festival mula sa Cebu na tumutukoy sa mga bayaning mangingisda dahil dito naka-sentro ang ating pang-araw-araw na buhay sa mga yaman na nakukuha natin sa ating mga karagatan.
Kasama sa mga nagpaabot ng tulong at suporta ang mga mag-aaral, guro at magulang ng dancers pati na rin ang barangay LGU 165 at 166 SK at SPTA sa pamumuno ni Mrs. Rosalyn D. Luczon at maging ang alumni dance group, trainers na sina G. Celendro at G. Kim William P.
Asanza na gumabay at umalalay sa grupo.
“Nagpapasalamat kami sa suportang natanggap ng bagong dance troupe ng paaralan natin, masasabi ko na babaies step na pangarap lang namin ito na natupad at magbubunga pa sa mga susunod na competition” pahayag ni G. Asanza. Ang mga paaralan na lumahok sa patimpalak kabilang ang Caloocan HS,Bagong Baryo National HS,Camarin HS, May Pajo HS, Samaguita HS, Tala HS,Bagong Silang HS,Maria Clara HS atpb.
Ibinigay ng mga kabataang mananayaw ang kanilang galing at husay upang painitin ang entablado sa kanilang nagbabagang performance kasabay ng malakas na hiyawan at palapakan ng kanilang miyembro, kaya naman nakamit ang Ikalimang Puwesto sa Festiv-Aliwan.
“Lubos po kaming nagpapasalamat sa mga mag-aaral at guro na tumulong sa pagbibigay ng props at sponsors kahit na bago pa lamang ang dance troupe hindi nagdalawang isip na mag-abot ng suportang-pampinansiyal dahil dito ay nagpatuloy kami,” wika ni Marian Daen , isa sa mga miyembro ng ICDT. Marami pa silang mga lalahukan na sa susunod na buwan para ipakita ang natatangi talento, matinding pagsasanay pa ang kanilang pagsisikapan upang makuha ang tagumpay sa susunod na kompetisyon.
Sapat na halaga para sa mahahalaga
Hindi maikakailang hindi sapat ang nakalaang pondo para sa mga Pilipinong atleta dahil kinakailangan pang maghain sa House of Representatives ng resolution na naglalayong taasan ang suporta ng pamahalaan sa larangan ng pampalakasan. Isa na rito ang pondo para sa 22 olympians na nagrepresenta ng Pilipinas sa Paris Olympic Games 2024. Para sa kanilang hindi matatawarang pagsisikap na maiuwi ang tagumpay sa bansa, nararapat lamang bigyang-pansin ang paglalaan ng sapat na pondo para suportahan at mas magkarooon pa ng kalidad ang pag-eensayo ng mga atleta, at para na rin sa mga susunod pang atleta sa ating bansa.
Sa kabilang banda, ayon sa mga mambabatas, sa iminumungkahi ng Pamahalaan na 2025 budget ay P725 milyon ang nakalaan para sa Philippine Sports Commission (PSC) , mas mababa ito kumpara sa P1.156 bilyong nakalaan dito noong 2024. Ngunit kung susumahin, kulang na kulang ito kung iisa-isahin ang mga kinakailangang ng mga atleta. At bilang isang mag-aaral na sumasali rin sa iba’t ibang patimpalak, alam kong hindi lamang talino, galing, at husay ang puhunan. Kailangan din ng sapat na pondo upang matugunan ang mga materyal na kailangan para sa mas may kalidad na pag-eensayo.
Hindi dapat sukuan ng mga atleta ang kanilang pangarap sa sarili at bansa. Kung nasa kalagitnaan man ng samu’t saring pasanin sa larangan ng isports, laging pakatatandaan ang dahilan kung bakit sila nagsimula. Ang kaligirang walang muwang sa pangangailangan ng nasasakupan ay salamin sa mababang suporta sa mga atleta. Pakinggan ang hinaing ng pampalakasan. Ito ang reyalidad ng karamihan sa mga atleta na dapat pinakikinggan, binibigyang-pansin, at pinahahalagahan. Mahalaga ang mga atleta kaya nararapat ding silang paglaanan ng pondong may sapat na halaga.
Ganado ang Bawat Laro ‘Pag Pamilya Suportado
Sinasabing isa sa susi ng pagiging matagumpay na atleta ang suportang kaniyang natatanggap mula sa komunidad lalo na sa pamilya. Sinisindihan nito ang kanilang nag- aalab na puso upang patuloy na tahakin ang mundo ng pampalakasan. Ngunit, kung titingnan ang realidad kontemporaryo, hindi lahat ng mga atleta ay suportado ng kanilang magulang. Kaya, maswerte ang mga atletang may suporta galing sa pamilya, lalo na’t dito nagsisimula ang kalakasan nila. Gaya na lang ni Jaylord Fariñas na simula elementarya, suportado na ang kaniyang mga hilig, kasama na rito ang isports na kinahiligan niya. Sa pagpapatuloy niya sa kaniyang karera bilang atleta, hindi na mapigilan ang kaniyang kagalakan mula sa isports na kinagisnan na Table Tennis, matapos magpatumba ng iba’t ibang manlalaro mula sa kaniyang karera
sa pagtungtong sa ikaapat na baitang. Hindi sapat ang angking talentong kinahiligan, kung walang suportang nanggagaling mula sa kaniyang mga magulang.
Sa katunayan, pamilya ang kaniyang unang naging pangunahing rason, upang mas pagbutihin pa sa bawat paghampas ng bola. Natagpuan ni Fariñas ang larong ito, noong sabihan siya ng kaniyang ina na sa larong Table Tennis na lang magsanay, dahil nakikitaan siya ng potensiyal nito sa pagiging maligalig niya. Hanggang sa nagustuhan niya rin ito na nadala niya hanggang ngayon, kasama ang mga medalyang nakamit sa Area Meet, Division Meet, maging sa NCR Palaro nitong nakaraang taon.
Sa paglaki niya, hindi niya kailanman itinanggi ang mga kagustuhan niya sa kaniyang mga magulang na naging daan upang magtagumpay sa kinaroroonan niya ngayon. Nakapuwesto siya kamakailan, 6th place sa
NCR Palaro, kasabay ang pag-uwi ng dalawang ginto sa Area Meet at Division Meet noong siya ay nasa ikaanim na baitang pa lamang. Simula sa pagpasok hanggang pag-uwi sa lugar ng kaniyang pinag-eensayuhan, sanay na siya sa kaway ng kaniyang magulang na may kasamang ngiti sa labi na talagang pagod ay mapapawi. Ito ang isa sa mga pinagkukunan niya ng lakas sa bawat araw, upang maging isang mas malakas, mas pinatatag, at determinadong atleta ng Caybiga High School. Nagkamit din siya ng tanso sa Division Meet 2025 nito lang January 22, Martes. Kaya kung isa ka ring atleta na nag-uumpisa pa lamang sa pagratsada, sana’y gabayan ka rin ng liwanag kung saan tutulungan ka nito sa paglakbay, para mahanap ang matagal mo nang inaasam-asam na tagumpay. Maging patas sa bawat laban upang makamit ang malinis na pagkapanalo.
ni Yurie Dilao
Hannah Mendiola
I-scan
aming website.
ISPORTS KOLUM
Alleyson Sobreviñas
ISPORTS LATHALAIN
HATAW KUNG HATAW Pinatuyan na hindi magpapahuli pagdating sa pag-indak para makamit ang ikalimang-puwesto ng CHS sa Indak Caybigan Dance Troupe (ICDT) sa Festival-Aliwan 2024 sa Caloocan City, na ginanap sa South Caloocan City Hall, nitong Setyembre 13, 2024.
Dibuho ni Denver Galangco
TOTOO LANG
Pampalakasan sa Gitna ng Modernisadong Mundo
Sa patuloy na pag-ikot ng mundo na tila isang gulong din kung ilarawan ang bilis ng pagbabago pagdating sa usaping pampalakasan. Kung kaya’t mainit na usapin ngayon ang tungkol sa online games kung ito ba’y dapat ikonsid era bilang isang isports. Ngunit para sa akin, hindi man nito taglay ang pisikal na aspekto ng isports, nalilinang pa rin nito ang ilan sa katangian nito.
Ayon sa isang pag-aaral, mayroong iba’t ibang benepisyo ang paglalaro ng online games. Ilan sa mga ito ang paglinang sa kasanayan sa pag-aaral, kalusugan at pan lipunan ng mga manlalaro nito gayundin ang paglinang sa communication skills at teamwork nila. Talaga namang magandang tulong ito sa kaunlaran ng isang indibidwal na manlalaro.
ISPORTS EDITORYAL
Maraming nagsasabi na kulang na kulang ang paglalaro ng video games sa mga pisikal na elementong tinataglay ng isang tradisyunal na isports. Bagamat marami ang positibong epekto ng paglalaro ng video games, hindi pa rin daw maippagkakailang hindi nito nahihikayat ang karamihan maging aktibo pagdating sa usaping ito.
Sa kadahilanang ito, nararapat na bigyang-pansin at pahalagahan pa rin natin ang mga tradisyunal na isports sa gitna ng pagyakap sa modernisadong bersyon nito. Paigtingin din natin ang mga pampalakasang mayroon tayo sa pamamagitan ng pagbibigay-pugay sa kanilang dedikasyon, higit sa lalo ang mga nagrerepresenta sa ating bansa.
Pagdating sa video games, isa rin ako sa mga naglalaro nito. Sa katunayan, nagbibigay-aliw ito sa akin sa tuwing nararamdaman ko ang pagod. Isa rin ito sa mga dahilan kung bakit ngayon, mabilis at mahusay na ako sa pag-iisip ng mga estratehiya na ginagamit ko rin bilang isang batang mamamahayag.
Naniniwala ako, iba-iba man ang ipinaglalaban ng karamihan lalo na ang mga may karanasan sa isports, nararapat pa rin nating kilalanin ang iba’t ibang anyo nito. At isaisip na hindi na lamang limitado sa pisikal na usapin ang isports, kun’di sa pagsasabuhay ng diwa nito tulad ng social skills, communication skills at teamwork. Hindi humihinto ang orasan kaya’t kailangan hindi rin tayo hihinto sa pag-unlad.
Dalawang Gintong Binaon Isang Isyung Hinukay
Ano ang kabayaran ng pagiging kilalang atleta o kahit pa kilalang tao sa larangang dalubhasa ka? Dalawang ginto ang nakamit ng gymnast na si Carlos Yulo nitong Paris Olympics 2024 na talaga namang bumuo ng kasaysayan sa ating bansa. Sa kabila ng lahat ng ito, tila ba napagsawalang bahala ang lahat dahil lamang sa isyu niya sa kaniyang personal na buhay at pamilya kung saan binatikos siya pati ang kaniyang ina dahil sa mga usapin tungkol sa pagkuha ng mga napanalunan ng atleta. Simula nang mangyari ito, hindi na halos makilala si Carlos bilang Isang taong nagbigay ng karangalan sa bansa ngunit bilang Isang kontrobersiyal na isyu tungkol sa relasyon ng ina at anak. Isang biyaya ang makilala ng halos lahat ng mamamayan, maging usap-usapan sa publiko, at makakamit ng papuri para sa iyong karangalan. Pawanng nagiging sumpa ang biyayang ito sa oras na madamay na ang personal na problema ng isang tao sa kaniyang pagkakakilanlan sa publiko. Nakalulungkot dahil sa halip na ipagdiwang ang karangalan ni Carlos bilang atleta, mas inuna niya ang pagpapaliwanag ng kaniyang panig sa isyu nila ng kanilang ina. Dahil dito, kinilala na siya bilang isang anak na ayaw sa kaniyang magulang at hindi bilang isang atletang nagdala ng karangalan sa bayan.
Marami ang nagsasabi na normal na sa
PINABALIK ANG BAGSIK
Viernes, muling minate ang ginto sa Area
Meet
pagiging sikat ang magkaroon ng isyu sa personal na buhay at malaman ito ng publiko. Gayunpaman, hindi dapat bigyang kahulugan ang pagkatao ng isang atleta base sa mga pangyayari sa kaniyang buhay na walang kinalaman sa kaniyang paglalakbay sa larangan ng isports. Kung gagawin ito, nawawalang ng halaga ang kaniyang mga karangalan.
Mali rin na ginamit ng pamilya ni Carlos Yulo ang pagiging sikat nito upang kumuha ng atensiyon sa publiko. Nakalulungkot din na may ilang nagbibigay pa ng mga masasamang komento sa atleta dahil sa kaniyang relasyon sa kaniyang pamilya kahit pa wala silang koneksiyon sa kanila at hindi sila naaapektuhan sa isyung ito.
Dapat na itigil na ng publiko ang pangingialam at pagbibigay komento sa buhay ng kahit sinong tao lalo na kung hindi sila isa sa nasa loob ng isyung ito at hindi alam ang buong tunay kwentong pinag-ugatan nito.
Isang kabayaran ng pagiging kilala ang iyong personal na buhay bilang isang atleta, ngunit kailangan bang singilin sila para dito kung kahit sila ay hindi ito ginusto? Dapat na hindi makialam ang publiko sa kung ano mang desisyon ng atleta at kung paano man siya magresolba ng problema kung hindi naman siya nakatatapak ng kahit sino. Hindi nakabase sa personal na isyu ng atleta ang kaniyang galing, husay, at karangalan. Huwag nating ibaon ang gintong nakamit ng atleta para lamang hukayin ang kaniyang personal na isyu.
Maglaro ay ‘Di Biro
Princess Nichole Caspe Maglaro ay ‘di biro, maghapong nag-eensayo. Hindi man lang makapagpahinga, hindi man lang makagawa ng aktibidad. Binti’y nangangalay kakatakbo at kaeehersisyo. Sa umaga paggising, pati pag-aaral iisipin, andaming ipapasa at andaming gagawin.
Ayon sa Studocu, ang buhay ng isang atleta ay hindi biro, hindi laging masaya at hindi laging panalo. May mga pagkakataon na susubukin ka ng panahon, tulad ni Carlo na nagkamit ng medalya sa World Olympics. Danas niya ang hirap sa mabilis na panahon sa gitna ng pag-aaral at pag-eensayo, na tila bang kailangang i-ayon ang tuon sa edukasyon, para ang oras na balanse ay maiahon. Maraming nagsasabing madali lamang ang pagiging isang manlalaro, dahil kinakailangan mo lamang ng tibay at tiyaga upang pagsabayin din ang pag-aaral. Subalit, naninindigan kaming hindi ito sing dali kagaya ng hinala ng iba. Laging pagod ang mga katawan ng manlalaro galing sa ensayo at napapagod din ang kanilang utak sa paghahabol ng mga gawaing pampaaralan. Samu’t saring mga aktibidad ang kailangan nilang ipasa at kailangan nilang intindihin ang maraming aralin sa maikling oras. Hindi man ako isang manlalaro, naranasan ko na ring pagsabayin ang ibang aktibidad sa paking pag-aaral. May ilang mga guro na nagbibigay ng lubos na konsiderasyon at suporta sa amin kaya naman mas naging madali ang laban. Mas nagiging madali ang pagtugon sa mga responsibilidad dahil sa kanila. Kung ganito lamang sana ang lahat ng guro, mas maraming atleta pa ang uunlad at magbibigay karangalan hindi lamang sa ating paaralan, pati na rin sa ating bansa. Naniniwala kami, sa bawat paaralan ay dapat bigyan din ng palugit ang mga estudyante sa paggawa ng mga aktibidad nang sa gayon, makasasabay sila sa mga itinuturo ng mga guro na halos lalagpas sa pitong asignatura. Dapat din na intindihin kung hindi sila makahabol sa tinuturo dahil kailangan nilang pagtuunan ng pansin ang pageensayo. Maglaro ay hindi biro, kaya’t ang suporta, huwag sanang huminto.
Kristoph Abanid
Muling nagbabalik ang mainit na ratsada ng Caybiga High School matapos mapasakamay ni Cyrus Jored Viernes ang unang pwesto sa kasagsagan ng CANOSA-A Area Meet Chess, mula ika-24 hanggang ika-27 ng Nobyembre, na ginanap sa paaralan ng Bagumbong High School.
Gamit ang malawak na karanasan, matagumpay na pinagharian ni Viernes ang Area Meet gamit ang Italian Opening at Sicilian Defense na naging susi para malusutan ang mga naging dikit na laban, mula sa board 2 hanggang makaabot sa final round.
Mala-tala na nagningning si Viernes, pagkatapos makamit ang unang pwesto sa Area Meet laban sa dating kampeon na si Kennan Roquero mula sa Bagumbong High School na nagwagi nakaraang taon.
“Masayang masaya ako na nakapag-1st ako, kasi ilang taon na akong nag-co-compete tapos ngayong last year ko na rito sa Caybiga, tiyaka ako nanalo” saad ni Cyrus Jored C. Viernes mula sa 12-Gas-A na kasalukuyang nag-aaral sa Caybiga High School.
“Nahirapan talaga ako kay Kennan Roquero, kasi undefeated siya no’ng regular match tapos siya rin ‘yung rank 1 sa bracket namin” dagdag pa niya. Sinubukang habulin ni Roquero ng Bagumbong High School ang nanaig na kampeon ng Caybiga High School, ngunit hindi pa rin ito sumapat upang salbahin ang kaniyang trono nakaraang taon. Walang nasayang na pawis at pagod na isinakripisyo ng matanglawing manlalaro ng Caybiga High School at nasuklian ng kumikinang na ginto na nagbigay gana para mas paghusayan pa ang kaniyang puspusang pagsasanay araw-araw sa nalalapit na Division Meet.
“ Nahirapan talaga ako kay Kennan Roquero, kasi undefeated siya no’ng regular match tapos siya rin ‘yung rank 1 sa bracket namin.
Ayessa Bataan
ISPORTS KOLUM
KAMAY SA PUSO: Pinangunahan man ng kaba, nagpasiklab naman para manguna, bumwelta ng tiwala para malusutan ang ibang atleta sa naganap na tagisan ng talino’t pagiging determinado sa CANOSA-A Area Meet Chess, nitong Nobyembre 24-27 na idinaos sa paaralan ng Bagumbong High School.
ISPORTS BALITA
Hency Acaba
Dibuho ni Emanuel Pinto
ALISTO
Block Blast sa CHS, Patok nga ba?
LUMALABAS sa datos na nakalap ng Ang Caybigan na ang larong block blast ay kilala at tinatangkilik ng mga estudyante sa Caybiga High School (CHS).
Batay sa pagsusuri, 100% ang naglalaro ng Block Blast sa mahigit na 100 estudyante sa Baitang 10, makikita rito ang pagkahilig nila sa mga online games katulad na lamang ng tampok na larong ito na naihahalintulad sa sikat na laro dati na tinatawag na Tetris.
Ayon sa isang mag-aaral mula sa 10-Rizal, naglalaro lang siya ng Block Blast kapag inaaya siya ng kaniyang mga kaklase upang makipagpataasan sa bawat isa, upang maipakita ang angking galing sa larong ito.
Sa katunayan, tila nagmimistulang tambayan na ito ng mga estudyante rito sa Caybiga High School, kung saan inaprubahan ito bilang isang paligsahan at tinawag na “Block Blast Tournament”, idinaos ito ngayong buwan, sa araw na Huwebes, Enero 16, 2025.
“Masaya talaga at nakaka-miss kasi ‘yung sikat na laro na Tetris, hinahalintulad namin siya rito sa larong Block Blast, kung saan ginagamitan namin ito ng pag-iisip para tumaas ang score namin”
Samantalang, 100% o 1200 na estudyante naman ang hindi naglalaro ng Block Blast, sa kadahilanang hindi nila ito gustong laruin, at ang iba naman ay sinasabing wala naman itong positibong epekto sa kanila, ngunit sa karamihang naglalaro nito ay mas sumasaya sila, lalo na kapag kasama ang kanilang tropa.
ISPORTS TRIVIA
Alam mo ba na may kultura din sa laro? Sa table tennis, mayroon silang salitang sinasambit, ito ang “Cho” at “Cho-le”. Karaniwan itong pasigaw na sinasabi ng mga manlalaro na nagpapakita ng kanilang kasiyahan at pagdiriwang sa bawat puntos na kanilang nakukuha.
Madalas ang “Cho” na sambitin upang magbigay kasiyahan, pagkatapos ng isang magandang puntos sa laro. Ang “le” naman ay nangangahulugang “muli, isa pa.” Kaya ang “Cho-le” ay nangangahulugang “magandang puntos, isa pa.”
Samantalang ang “Cho-le! Cho” ay nagsasabi na “Isa pang magandang tira!” Ito ay isang paraan ng mga manlalaro ng table tennis, upang ipakita ang kanilang kasiyahan at paghikayat sa sarili o sa kalaban matapos ang isang mahusay at kalkuladong taktika, para pagharian ang isang laban.
“ Sobrang intense kasi talaga ng training namin, kaya no’ng nanalo kami, sobrang saya namin na nagbunga lahat ng pagod at hirap na inilaan namin.
SELYADONG ABANTE
CHS Table Tennis Team, humakot
muli sa CANOSA-A Area Meet
Sinigurado ng Caybiga High School Table Tennis Team ang ratsada ng pagiging kampeon nakaraang taon magpasahanggang ngayon, sa Table Tennis’ CANOSA-A Area Meet na naganap noong ika-24 hanggang ika-27 ng Nobyembre sa Cielito Zamora Junior High School.
Bumwelta ang 7th-grader na si Jaylord Fariñas ng agresibong pukpukan sa Single Bracket A Boys para selyuhan ang kampeonato, 8-0 sinigurado na walang makakahadlang sa kaniyang pagkapanalo patungong Division Meet.
Isinalba ng mauutak na forehand at isang mainit na smash ang pagkapanalo ni Thricia Sumagay sa Single Bracket A Girls, 6-1 sa kaniyang huling laban kontra sa umaasang CalNatSci na nagtala ng 3-4.
“Masasabi ko talagang mahalaga ang training, kasi dito ko nakikita ‘yung skills ng mga bata”, sa masayang tono na saad ng pursigidong na si Coach Richel Lorca nang tanungin kung paano niya kinukuha ang kaniyang mga manlalaro.
Mainit ang naging simula sa pangalawang huling laban ng Double Boys ng Caybiga High School at Caloocan City Business High School nang magkapalitan na ng puntos kasabay ang sigawan ng cho-le na tumagal hanggang matapos ang laban.
Nalusutan ng magkakasunod na pun-
tiryang smash ng CCBHS ang CHS na nagresulta ng 2-1, daan upang matiyak ang nag-aantay na puwesto para sa paparating na Division Meet.
Pinutakte ng gigil na tatlong outside smash ang entrada ng Caybiga HS sa 1st set na nagbigay-buhay para makalamang ang Camarin HS at sa kalaunan ay nagtuloy-tuloy ito hanggang sa 2nd set na nagbunga ng malinis na 2-0.
Ipinamalas ng nag-iisang Rhica Anjel Navera ng CHS ang tibay ng kaniyang loob para magbida sa nangyaring Area Meet, 3-3 sa kaniyang unang sabak dito na nagbigay karangalan sa kaniya bilang 4th place.
Sa huli, rumatsada ang Caybiga High School sa pangunguna ng kanilang Coach Richel Gimeno Lorca, matapos pumuwesto si Jaylord Fariñas sa ikatlong puwesto na nagkamit ng bronze medal, sa nagdaang Table Tennis Division Meet, nitong January 20, 2025 sa Caloocan High School.
BAGO PERO ‘DI PATATALO
Bagong Dance Troupe ng CHS, 5th Place sa Festiv-Aliwan 2024
NAGPAKITANG
GILAS ang bagong grupo ng Indak Caybigan Dance Troupe (ICDT) ng Caybiga High School (CHS), hindi nagpahuli sa pag-indak at paghataw upang makamit ang ikalimang puwesto sa 10 paaralan na sumabak sa Festiv-Aliwan 2024 sa Caloocan City, na ginanap sa South Caloocan City Hall nitong Setyembre 13, 2024.
Nagsagawa ng audition ang MAPEH department para sa mga mag-aaral na gustong lumahok sa dance group sa simula sa mga Junior High School at Senior High School nitong Agosto 5-9. Isang pagtatanghal ng sayaw na mula sa mga festival sa Pilipinas ang ginawa ng Caloocan culture affairs at Tourism Office layunin nitong ipakita ang talento ng mga mag-aaral sa pagsasayaw. Ipagpatuloy sa Pahina 18
CHS Billiards Team, muling sumargo patungong Division
Kerby Gallego
Napasakamay ng Caybiga High School Billiards Team ang 2 golds, kasama ang 2 silvers at 1 bronze para pagbidahan ang CANOSA-A Area Meet Billiards 2024, na naganap sa ika-24 hanggang ika-27 ng Nobyembre, na idinaos sa Escuela de Sofia of Caloocan Inc.
Minarkahan ni Kim Bryant Natingga ang panalo sa 8-balls at 9-balls kontra sa kaniyang umaasang katunggali gamit ang walang mintis na tira, upang angkinin ang pwesto tungo sa Division Meet, habang binulsa naman ni Albert Villanueva ang bronze sa 8-balls.
Taas noong iniwagayway ng dating kampeon, Tinyfer Nagac ng 12-Humss B ang 2 silver sa 8-balls at 9-balls kontra sa pitong atletang manlalaro, gamit ang solidong bentahe para pagbidahan din ang nasungkit na silver sa Division Meet na naganap sa Caloocan High School, Enero 13, 2025.
“Tiwala sa sarili at sa tira, be humble palagi and siyempre focus sa game”, saad ni Kim Bryan Natingga na nagkamit ng ginto sa naganap na 8-balls at 9-balls sa nagdaang Area Meet. Pinanghawakan ni Natingga ang kaniyang tiwala sa sarili sa gitna ng 7-6 kontra sa umaasang Deparo High School na pilit umaagaw sa kaniya ang trono sa unang karangalan patungon Division Meet.
”Kailangan talaga na skilled ka as a coach, dahil mahirap ipa-champion ‘yung isang palaro na wala kang knowledge eh“ pahayag ni G. Carreon na isang guro at isa rin sa mga beteranong coach sa buong Pilipinas na simula pa lang grade 5 ay naglalaro na ng Billiard. Patunay ito na ang larangan ng Billiard ay hindi lamang larong pangkalye, pangtambay at pang-pustahan, kundi Larong Pambansa na ginagamitan ng kalkuladong galaw, utak at diskarte para mangibabaw at mamayagpag.
CAYBIGA HIGH SCHOOL , Lungsod ng Caloocan, NCR TOMO XV BLG. I Hulyo 2024 - Enero 2025
Opisyal na Pahayagan
MGA NILALAMAN
Joshielle Delfinado
LABAN KUNG LABAN. Hindi nagpahuli at hinding hindi magpapahuli
‘pag dating sa labanan, yan ang nakasanayan ng Caybiga High School sa kanilang mga nagdaang laban sa Table Tennis’ CANOSA-A Area Meet at Caloocan Divison Meet.
MARKADO ANG SAYA: Muling nagpakitang gilas ang Caybiga High School Billiards Team nang makapag-uwi ng mga medalya para sa sintang paaralan sa naganap na Area Meet at Division Meet na idinaos nitong Oktubre
John Vincent Sangullas
Sean Art Rocha
PINABALIK ANG BAGSIK Viernes, muling minate ang ginto sa Area Meet
Kristoph Abanid
Ma. Sheila Ferrer
Sahra Delmiguez