Oetgaaf januari 2018
Oetneudiging
Boerebroelof Nunûm Boerebroedspaar 2018 is bekintj! Auch dit jaor hangt de leefde weer in de loch en sjteit der ein broeloft veur de deur. Wae sjtelle uch gaer ut broedspaar van dit jaor veur:
Annemiek van Wiel van Lei van Thiesse Thei en An van Berden oet de bookend en van Maria van Toën van Doerus en Mie van Meulekuub oet de Vergelt in Baolder. Ich hub gestjudeerd aan de hoegere agrarische sjoel en jaore gewerkt tussen de kuu en geite. Ich werk now as
productiespecialist beej ut Zäödje, wao ich mich veural met roeije, gaele en greune paprika’s bezig hoij. In miene vreeje tied bin ich altied boete te vinge, aan ut knommele in de haof of met mien jonges Benno&Bob aan de wandel. Regelmaotig gaon we lekker oetweije op ut strand in Zieëland, os twiede thoes. Auk gaon ich gaer nao festivals of concerte. Um in conditie te blieve doon ich taofeltennisse en sjwumme. Daonaeve gaon ich met de oldtimer brommer regelmaotig ein stukske toere as ut goot waer is.
René van Har van Bèr van Krumme Hein en van Bertha van Frieëd vanne Bekker. In ut dageliks leave bin ich ongerhoudsmonteur van milkrobots en voerrobots. En gaon ich mit mien bus de boeren aaf veur ongerhoud te doon of sturinge te verhelpen. As ich den thoes kom bin ich altied druk mit mien dochter Sascha van 1 joar. En mit de teckel Puck kuiten en wanjele. Auch bin ich altied gaer in en om het hoes aan het knommele en klusse. En doot ich gaer aan auto’s en allerlei mesjiener sleutele. Op zunjig kiek ich noa de formule 1.
Op Zaoterdig 3 fibberwariee gaeve wae, onger toezich van de aojers en getuuge, elkaar ut onechte jao-waord! Bin der biej om 19.11 oor inne Servaoszaal in Nunûm. Aansloetend is ut groeate trouwfieëst väör alle boere oet de buurt en wieër weg!
1