Bloemfontein Online Co. – 7 Oktober 2021

BROUGHT TO YOU BY DOTTRY MEDIA

SKOLENUUS

BLOEMFONTEIN online co.

Lemmetjiegroen velde

‘die definisie van hoop’ ná brande

Ek sal nooit die oomblik vergeet toe ons van vakansie af terugkom en ons oor die randjie van Trio-Boerdery ry nie. So ver soos wat die oog kan sien, was dit pikswart. My siel het skielik pikswart gevoel. My man was baie sterk en het gesê hierdie is net tydelik. Ons gaan hierdeur kom!

REDAKTEURSBRIEF

BRIEF VAN

DIE REDAKTEUR

Die "herstelpad" wat in ons voorblad-storie ná die brande op 'n plaas plaasgevind het, en dan ook Nadia Fourie, mamma wat ook 'n "herstelpad" moes loop ná sy haar babatjie byna nege jaar gelede op 38 weke verloor het, het my laat dink aan die gedig, "roofsonnet" van Antje Krog, wat ons dié jaar by die universiteit behandel.

Ek kon nie help om te dink aan die hoop wat steeds bly staan ten spyte van die feit dat ons soms seerkry nie. 'n Roof, net soos die lemmetjiegroen gras ná die brande, net soos 'n gesonde swangerskap ná jy 'n baba verloor het, is 'n wonderlike teken van hoop. Van 'n reënboog ná die storm.

"vel groei nooit onbepaalbaar horisontaal nie daarom bring letsels altyd kleur" Krog, A. 2000. roofsonnet. In: Kleur kom nooit alleen nie. Kaapstad: Kwela Boeke, 31 .

Só sal daar altyd weer groen gras groei, daar sal altyd geluk wees na trauma, daar sal altyd 'n roof oor jou seer vorm.

Caria

Lemmetjiegroen velde

VOORBLAD

‘die definisie van hoop’ ná brande

Bloemfontein Online Co. gesels met Alitia Koekemoer (26) boervrou van Plaas Paardekraal net buite Bloemfontein, oor die vernietigende brande wat in Julie vanjaar veroorsaak het dat hulle 65% van hulle weiding verloor het, die herstelpad wat hulle die afgelope drie maande gestap het en die dankbaarheid wat hulle in hul harte het ná soveel mense hulp aangebied het.

Alitia en Johan Koekemoer (28) woon al vir drie jaar op die plaas en het twee hondekinders, Boesman en Zoey.

Foto: Die brande op Plaas Perdekraal

Die brande het op 12 Julie vanjaar vlamgevat en Alitia vertel sy en Johan was in Mosambiek met vakansie toe die brande begin het. “Ons was in Mosambiek om vir my ouers te gaan kuier. Ek dink die Here wou nie gehad het ons moes by die huis wees nie.

Wie weet wat kon gebeur het of wie kon seergekry het in die vuur?”

Alitia en Johan het ‘n projek begin waarmee hulle granaatboompies vestig en behalwe vir die 65% van hulle diere se weiding wat vernietig is en die groot verliese wat hul bure opgedoen het,

het die helfte van hulle granaatboord ook gebrand. “Ons besproeiingspype het gesmelt en ons drade was plat.”

VOORBLAD

Alitia vertel sy glo die Here se hand was definitief oor hul diere. “Ons het geen veeskade gehad nie. Maar die boere om ons het vreeslike hartseer veeverliese gehad. Die diere is in ons sorg geplaas en jy as boer het ‘n verantwoordelikheid teenoor hulle. Jy voel of jy die diere in die steek gelaat het. Hulle is onskuldig. So ook die skilpaaie wat nie vinnig genoeg vir die vlamme kon vlug nie, die klein bokkies, Springbokke, perde wat doodgebrand het omdat die vuur hulle teen ‘n draad vasgekeer het. Dit voel soos jou eie skuld.”

Alitia vertel van die magtelose gevoel wat hulle ervaar het toe die brande uitgebreek het en hulle is 1 500 km weg van die plaas af.

“Ons hande was letterlik afgekap. My man was so helder deur alles, ek het hom bewonder! Al wat in ons mag was om te doen, was om te bid, en dit het ons gedoen sonder ophou.

Foto: Alitia en Johan

Ek glo dis hoekom die Here ons vee en groot dele van ons weiding bewaar het.”

Alitia sê een van die dinge wat mense wat nié brandbestryders is of al ooit by brandbestryding betrokke was nie, is dat boere en hulle plaaswerkers nie opgelei is om brande te bestry nie.

“Maar hulle het geen keuse as om dapper te wees nie.”

Sy vertel hoe hulle dadelik oproepe gekry het van mense wat hulle in dié moeilike tyd wou bystaan.

Foto: Alitia en Johan se hondekinders, Boesman en Zoey

VOORBLAD

Familieboere van die Noordwes het vir Alitia en Johan ‘n trok vol suikerboontjiebale op hul eie onkoste gestuur en ‘n boer van Koffiefontein, wat Alitia-hulle van geen kant af geken het nie, het vir hulle weiding aangebied vir 50 van hulle beeste.

“Hierdie mense was Godgestuur. Mag die Here hulle drie keer meer seën.

Mens voel so verleë en vol trane wanneer die Here vir jou hulp stuur.

Want ons voel ons verdien dit nie.”

VOORBLAD

Foto: 'n Vragmotor vanuit die Noordwes bring voer

Verder vertel Alitia die boerevereniging en boeregemeenskap is “raakvatters”.

“Hulle het ons en die ander boere wat geaffekteer is, só mooi gehelp met voerskenkings en kospakkies vir ons werkers. Een boervrou het selfs die inisiatief geneem om ‘n sielkundige te nader om vir ons vroue berading te gee oor hoe om ons mans te ondersteun. Dit was definitief een van die waardevolste insette van die brand in my lewe.”

"Jy gaan ver gaan in die wêreld om ‘n gemeenskap soos die Jagersfonteinen Fauresmith-gemeenskappe te

vind! Dis hartsmense, Godvresende mense! Mense wat daar is vir mekaar in nood! Mense wat jy kan vertrou om jou kinders by te laat speel!”

Alitia vertel dankbaar hoe hulle gebede werklik verhoor is. “Ons harte is voller as wat dit was voor die brand.

Dankie vir elke liewe een se bydrae op alle moontlike maniere.”

“Ons as familie het definitief op ‘n pad van genesing gestap oor die afgelope drie maande. Maar ons kan nou oor daai randjie van Trio-Boerdery ry en so ver soos die oog kan sien, is dit lemmetjiegroen velde! Dit is die definisie van hoop!”

VOORBLAD

Foto: Die veld 'n maand na die brand

Foto: Die veld 'n maand na die brand

MUNISIPALITEIT

‘Een slaggat minder

in Bloemfontein!’

Quintin Colyn, ‘n Langenhovenparkinwoner, het onlangs besluit die slaggat in Blouberglaan waardeur hy en soveel ander motoriste daagliks ry, moet herstel word.

Quintin en sy vrou, Hannelie, en hulle seun (7) en dogtertjie (2) woon in Langenhovenpark en Quintin sê hulle ry daagliks ‘n paar keer die pad.

Foto: Die slaggat in Blouberglaan

Hy vertel dié slaggat was vir byna twee jaar ‘n probleem vir hulle en ander motoriste wat daar verbyry.

“Soveel bejaardes en ander motoriste met kleiner voertuie het al hulle bande of voertuie by dié slaggat seergemaak.”

Quintin sê die slaggat was ook net sigbaar sodra jy reeds om die draai is, en dat dit dan te laat is om uit te swaai.

Die slaggat het ‘n probleem geraak toe daar in 2019 nuwe huise in die omgewing gebou is en ‘n vragmotor daar was om stene af te laai.

Sedertdien was niemand nog daar om dit reg te maak nie.

Hy vertel ná hy menigmaal die slaggat gerapporteer het en niemand dit kom herstel het nie, het hy besluit genoeg is genoeg. “Ek het aanvanklik net die gat vol sand gemaak, maar soos wat dit reën, spoel die sand maar weer weg. Ek het toe besluit om dit ordentlik te herstel.”

MUNISIPALITEIT

Foto: Quintin by die herstelde slaggat

Quintin vertel ‘n groot gedeelte van Langenhovenpark is sonder padtekens en daar is op baie plekke nie meer strepe op die pad nie.

“Ek het toe sommer van die padmerkverf gekry en die strepe weer op die pad geverf.”

“Een gat minder in Bloemfontein is darem goed,” lag hy.

Foto: Quintin se kinders het gehelp om die gat te herstel

Beste kliëntediens:

SAKENUUS

Rudi Nienaber by Contour.Studio

Rudi Nienaber by Contour.Studio in Bloemfontein is genomineer as een van die haarkappers in Bloemfontein wat in die afgelope tyd ’n baie goeie diens gelewer het.

op die ouderdom van 25 besluit om my kwalifikasie in hare ook te voltooi.

Daarna was alles wat ek doen eers… hoe sal ek sê, wettig.”

Ons gesels met Rudi, wat al van ‘n baie jong ouderdom af met “mooimaakdinge doenig is”, oor hoe dit voel om as die beste haarkapper in Bloemfontein genomineer te wees, hoekom goeie kliëntediens vir hom belangrik is en hoekom hy so geniet wat hy doen.

Rudi vertel hoe hy glo al op driejarige ouderdom sy ma se hare met Legoblokkies ingedraai het. “Ek het in die jaar 2000 grimering studeer en toe

Foto: Rudi Nienaber, haarstilis by Contour.Studio

Rudi vertel hy werk saam met ‘n ongelooflike span talentvolle mense by Contour.Studio en Contour.Med wat spesialiseer in grimering, somatologie, mediese estetiese behandelings en nog baie verrassings wat in die pyplyn is.

SAKENUUS

daarvan te herstel of selfs te kyk na meer drastiese stappe om jou dos terug te bring.”

“Dit is heerlik om deel te wees van ‘n span soos Contour.Studio en Contour.Med en steeds my kreatiewe individualiteit te kan behou as die 'Main Coiff' en om die enigste 'haarkapper' daar te wees, laat my nogal belangrik voel.”

Rudi vertel hy doen mans, dames én diegene wat nie met enige geslagsrolle identifiseer nie, se hare. “Krul, reguit, blonde, donker, rooi… Solank as wat daar hare is, kan ek help! En as jy nie baie het nie, is daar wel iemand in ons span wat nou saam met my sal werk om alle opsies te bied om die groei

Foto: Een van Rudi se onlangse kliënte

Rudi is gekwalifiseer om hare en grimering te doen, maar sê as hy moes kies waarin hy spesialiseer – dit is supernaturalisme, om die kliënt so natuurlik moontlik te laat lyk, “al vat dit soms ure om die beste weergawe van jouself te wees”.

“Aangesien ek nou saam met Kryolan se talentvolle span werk, beveel ek wel soms aan dat een van die span volgens my kreatiewe voorstelle die kliënt se grimering doen. Aangesien ek die enigste haarstilis in die span is, moet ek bietjie meer daarop fokus om al die kliënte gediens te kry.”

Rudi vertel die vreemdste versoek wat hy al gekry het, was ‘n kliënt wat haar hare wou laat kleur, sny en blaas, maar dat hy haar hare deurgaans net met duur, gebottelde water moes spoel.

SAKENUUS

Om die dankbare glimlag in sy kliënte se oë te sien voor hulle die salon verlaat, is wat vir Rudi die lekkerste is van sy werk. “Dis dalk ‘n cliché, maar onmiddellike werksatisfaksie staan beslis uit as die lekkerste deel van dit wat ek doen.”

Hy sê wat vir hom nogal uitdagend is, is wanneer ‘n kliënt se keuses soms teenstrydig is met dit wat hy voel vir hulle ideaal sal wees. “Meeste kliënte luister graag na rede of moontlike aanpasssings vir persoonlike verbetering, maar daar is elke nou en dan ʼn kliënt met ‘hardnekkige behoeftes’ en dan moet ek die kliënt se behoeftes bo my beterwete, deur ervaring, toepas.”

Rudi vertel waarom goeie kliëntediens vir hom en sy span by Contour.Studio so belangrik is. “Jy kan die wêreld se beste wees in alles, maar as jy nie kliënte het nie, kan jy nie jou werk ten toon stel nie.

"Alhoewel mens oulike dingetjies doen vir kliënte, soos goeie koffie en koek en ʼn mooi atmosfeer, staan die bereidwilligheid om te luister na die kliënt se behoeftes en konsultasie rondom die eindresultaat vir my uit.

Tyd is deesdae geweldig kosbaar en daarom probeer ek om so aanpasbaar moontlik te bly deur na ure, per afspraak, beskikbaar te wees.”

Rudi sê dis vir hom baie vleiend om as die beste haarkapper in Bloemfontein genomineer te wees.

SAKENUUS

"Ek ken baie van die haarkappers in Bloemfontein en ek het al baie van hulle werk gesien. Bloemfontein het nie net van die beste haarkappers in die land nie, maar in die wêreld.

Dankie daarvoor, julle maak dit moeilik om nederig te bly.”

Contour.Studio is in die hartjie van Westdene. By President Steynstraat 15 vind jy vir Rudi en sy span by Contour.Studio en Contour.Med..

Historiese geboue

in Bloemfontein

Bloemfontein se ryk geskiedenis is in baie van die historiese geboue en museums in dié stad sigbaar.

Hier kyk ons na ‘n paar van die geboue in Bloemfontein wat ook ‘n groot deel uitmaak van SuidAfrika se geskiedenis.

Nasionale Afrikaanse Letterkundige Museum en Navorsingsentrum

GESKIEDENIS

Dié museum bevat ook die grootste versameling Afrikaanse letterkunde en manuskripte, sowel as artefakte wat aan bekende Afrikaanse skrywers behoort.

Ou Presidensie Dié interessante gebou wat ook uit die 1800’s kom, was vroeër die amptelike tuiste van presidente van die voormalige Republiek van die Oranje-Vrystaat.

Bram Fischer-gebou

Dié gebou het oorspronklik die regeringstrukture van die Republiek van die Oranje-Vrystaat in die 1800’s gehuisves en herinner aan die ou Kaaps-Hollandse argitektuur in die omgewing.

Dié moderne glaskonstruksie is in 1992 voltooi en is tans die hoofkwartier van die Mangaungmunisipaliteit.

Bloemfontein-biblioteek Die biblioteek huisves ‘n interessante versameling van Africana-tekste en ‘n unieke versameling dramatekste.

Foto: Bloemfontein, Tripadvisor

GESKIEDENIS

Stella se matriekafskeid

MENSE

-reëlings binne 24 uur

Darnell Kleynhans (53) vertel hoeveel dit vir haar beteken het om die 18jarige Christelle (Stella) van Tonder se matriekafskeid binne ‘n tydperk van 24 uur te kon reël ná Stella aanvanklik nie wou gaan nie.

Darnell, ‘n kankeroorwinnaar wat altyd uit haar pad gaan om ander te help, sê dis vir haar belangrik om ander te help, want “mens weet nooit wanneer jou laaste dag is nie”.

Stella is vanjaar ‘n matriekleerling aan Hoërskool Fichardtpark. Sy wou nie met ‘n duur matriekafskeidrok, foto’s, naels, grimering en ‘n motor finansiële druk op haar ouers plaas nie.

Foto: Stella

Darnell, wat die gesin al vir ‘n geruime tyd ken, sê toe sy uitvind dat Stella nie die matriekafskeid wou bywoon nie, het sy dadelik besluit om in te spring. “Ek wou graag help, want elke meisie moet haar matriekafskeid bywoon. En dis nogal ironies, want ek self het nie kinders vir wie ek dit kon doen nie en ek was 35 jaar gelede laas by ‘n matriekafskeid,” lag sy.

MENSE

‘n Gesinsvriend het gehelp met die kaartjies vir die afskeid en Darnell het gesorg vir die naels en die grimering.

Darnell het haar na Facebook gewend in ‘n poging om vir Stella ‘n rok gereël te kry, ná die rok wat Stella aanvanklik gekies het, reeds geneem was.

Blitsvinnig, in minder as 24 uur, het alles in plek begin val vir Stella se matriekafskeid. “ Die sjampanjekleurige rok het Stella gepas asof dit vir haar gemaak was.

Foto: Stella

"Die naeljel wat ek hier gehad het, is toe ook heel toevallig dieselfde sjampanjekleur as die rok en die skoene het ook perfek gepas.” ‘n Professionele fotograaf het aangebied om gratis vir Stella haar matriekafskeidfoto’s te neem.

“The Lord works in mysterious ways,” sê Darnell.

Darnell het haar jacuzzi vir Stella voor die afskeid beskikbaar gestel en vir Stella en haar metgesel met sjampanje en ‘n briefie by haar huis verwelkom.

MENSE

goeie daad vir sy dogter beteken het nie.”

“Mens weet nooit hoe lank jy het nie.

Ek kan môre weer met kanker gediagnoseer word! Jy doen maar sulke goed en help waar jy kan.”

‘n Goue Mercedes-Benz waarmee Stella en haar metgesel matriekafskeid toe is, het ook op presies die regte tyd oor hulle pad gekom.

Darnell sê dit het vreeslik in Bloemfontein gereën in die tydjie wat die fotograaf hulle foto’s sou neem, so sy het sommer ‘n klomp op haar selfoon geneem. In die tyd dat hulle in die ry motors voor die matriekafskeid gewag het, het dit ook gereën, maar net voor hulle sou uitklim, het dit vir ‘n paar minute opgehou reën en kon hulle hulle koppe deur die dak van die motor steek vir ‘n foto.

“Stella se pa was so emosioneel toe hy sy dogter gesien het. Hy het vir my agterna gesê hoe dankbaar hy is en hoe ek nooit sal weet wat my

Foto: Stella

Foto's van Stella se dag

MENSE

‘My baba is op 38 weke

HOOP

stilgebore’

Oktober is Infant Loss Awareness Month en ons gesels dié week met Nadia Fourie (31) byna nege jaar ná sy haar babaseun op 38 weke verloor het, oor die herstelpad wat sy as mamma stap en hoe belangrik dit vir haar is dat mense besef stilgeboorte is steeds geboorte en dat jy wel ‘n mamma is, al het jy jou babatjie verloor.

Nadia en haar man, Ruan Fourie, het nog ‘n dogtertjie van agt jaar oud.

Nadia is ‘n fotograaf en haar man ‘n IT-bestuurder.

Nadia het op die ouderdom van 19 swanger geraak. Sy en Ruan was in dié tyd verloof. Sy vertel hoe hulle aanvanklik skrikkerig was vir wat voorlê, maar dat hulle baie vinnig baie bly geraak het oor hulle babatjie.

“My enigste kommer was dat ons

Foto: Nadia en haar man, Ruan

nie aan ‘n mediese fonds behoort het nie, maar ek het soveel goeie stories gehoor van mammas wat in staatshospitale geboorte gegee het.”

Nadia vertel alles het vir die eerste 35 weke van haar swangerskap baie goed verloop. In Suid-Afrika voorsien die staat vir slegs een sonar tydens jou swangerskap. “Alles by die sonar het goed verloop en ons het uitgevind dat dit ‘n seuntjie is. Ons was natuurlik só opgewonde.”

Op 35 weke het Nadia vir die eerste maal bloeding ervaar en sy is hospitaal toe om seker te maak sy en haar baba is gesond. “Hulle het my baba se hartklop by die hospitaal gemonitor, my huis toe gestuur en gesê ek gaan binnekort begin kraam.”

HOOP

Week 36 en week 37 het ook glad verloop, Nadia vertel sy kon haar baba voel beweeg en die bloeding het opgehou.

“Vir die eerste vyf dae van week 38 was alles reg, maar die Woensdagaand om 08:00 kon ek voel hoe my maag net ‘sak’. Ek kan nie die gevoel beskryf nie, dis asof ek net geweet het my baba is leweloos.”

Hulle het met haar na die hospitaal gejaag en drie verskillende hartmonitors is gebruik om haar baba se hartklop te probeer opspoor. By die hospitaal het hulle vir Nadia gesê dat sy na die ander staatshospitaal oorgeplaas moes word en dat hulle hartmonitors nie werk nie.

Foto: Klein AJ se graffie

“Dit was ‘n vreeslike tyd om deur te gaan, om nie te weet wat aangaan nie.”

HOOP

By die tweede hospitaal is daar vir Nadia gesê dat haar baba se hartklop nie opgespoor kon word nie. “Ek onthou vaagweg hoe ek na Ruan gekyk en gehuil het. My eerste woorde was: ‘Ons sal weer ‘n baba hê, nè?’ Ek onthou hoe die trane oor sy wange gestroom het soos wat ek nog nooit gesien het nie. Hy het gesê ja, maar as so iets ooit weer gebeur, is hy klaar.”

Nadia is deur hel toe sy na 10 minute na die kraamsaal geneem is om geboorte te gee. Sy moes baklei om Ruan by haar te hou, tot die hospitaal ingestem het dat hy elke uur vir vyf minute mag ingaan om haar te sien.

Die volgende oggend om 09:00 is Nadia na ‘n ander kamer geskuif waar Ruan by haar kon wees. Die susters het skofte geruil en die nuwe suster is nie van Nadia se situasie in kennis gestel nie.

Foto: Nadia en haar man, Ruan

“Die nuwe suster het met die grootste glimlag na my toe gekom en gesê ek moet deurdruk, binnekort gaan my babatjie huil en ek gaan hom in my arms hê en dan kan ek hom huis toe neem. Ek het haar vir ‘n sekonde geglo. Ek wou haar so graag glo. Maar om 10:15 is AJ ‘slapend’ gebore met die naelstring om sy nek gebind. Ek onthou hoe hulle hom op ‘n koue skaal neergesit het. Sy armpie het van die skaal afgehang en hy het nie gelyk of hy in enige pyn is nie.”

Nadia het meer as 34 steke gekry.

Sy was in die volgende twee dae in ‘n kamer saam met ma’s en hulle babas geplaas en sy vertel watter hel dit vir haar was. “Ek het nooit eers die kans gehad om my seun vas te hou of by hom te wees nie. Na twee dae het ek gevra of ek nie maar asseblief kan huis toe gaan nie, want ek kon dit nie verdra om tussen die ander ma’s en hulle babas te wees nie.”

Ruan en Nadia se pa het klein AJ se begrafnis gereël.

HOOP

“Vandag gaan ons min na sy graffie toe, want as ons gaan, huil ons net. Dis vandag byna nege jaar later en dit is steeds so seer asof dit gister gebeur het.”

Nadia vertel sy en haar man het mekaar deur die moeilike tyd gedra.

“Ek het myself belowe dat ek ‘n ordentlike werk en ‘n mediese fonds sou kry om dinge beter te hê om weer vir ‘n babatjie te kan probeer.”

Volgens Nadia word een uit elke 150 babas stilgebore en sy voel dis belangrik dat mense bewus is van stilgeboortes.

Haar raad aan ander mammas wat deur dieselfde gaan, is: “Wees daar vir jou man. Dis belangrik om te verstaan dat jou ander helfte ook rou. Vat tyd om te huil. Praat met iemand wat net sal luister en soms saam huil. Kry iets anders om op te fokus. Pak alle babagoed weg en moenie elke dag daarna kyk nie. En weet dat jy daarna weer ‘n gesonde swangerskap kan hê.”

RESEP

Grenadellakoek –

Marlene Schoeman Hier is ’n heerlike resep vir grenadellakoek wat Marlene Schoeman, kookboekskrywer in die Vrystaat, met ons deel.

Bestanddele: 4 ekstragroot eiers, geskei 250 mℓ (1 k) strooisuiker 125 mℓ (½ k) olie 125 mℓ (½ k) warm water 230 g (2 blikkies) grenadellapulp 2 ½ mℓ (½ t) grenadellageursel 560 mℓ (2 ¼ k) koekmeel 15 mℓ (1 e) bakpoeier Knippie sout Metode: Voorverhit die oond tot 180‫ﹾ‬C. Klits die eiergele en strooisuiker saam tot liggeel.

Meng die olie, water, grenadellapulp en geursel saam. Sif die koekmeel, bakpoeier en sout saam.

Voeg dit by die eiergeelmengsel en roer tot goed gemeng.

Voeg die vloeistofmengsel by en meng deur.

Klits die eierwitte styf en vou dit in.

Skep die beslag in gesmeerde koekpanne.

Bak dit in die voorverhitte oond – ongeveer 25 tot 27 minute vir die 20 cm-lae en 23 tot 25 minute vir die 15 cm-lae.

Toets met ’n toetspen vir gaarheid.

As dit gaar is, sal die toetspen skoon uitkom.

Laat dit effens afkoel in die panne.

Keer dit dan op draadrakkies uit om heeltemal af te koel voordat dit versier word.

Foto: Marlene Schoeman

RESEP

SPORT

Sterkte vir

SA-stoeikompetisie!

MJ Hatting, leerling van Hoërskool Fichardtpark, het ‘n brons medalje by ‘n onlangse Vrystaat-stoeikompetisie behaal.

Foto: MJ Hatting

MJ sal volgende aan die SuidAfrikaanse stoeikompetisie in Pretoria deelneem, wat van 6 - 9 Oktober plaasvind. Baie geluk en sterkte met SA’s, MJ!

MOTORS

Toyota Rav4:

EXPECT INCREDIBLE The newest evolution of this compact crossover SUV is here.

And you can expect nothing less than incredible. The time has come to live a life less ordinary and more EXTRAordinary, a life where incredible comes standard.

three incredible models: the dynamic assertive GX (including a 2.5 Hybrid model derivative), the boldly adventurous GX-R and range-topping high-spec VX grade.

THE RANGE

The Dynamic Force 2.0 and 2.5-litre inline-four cylinder engines, both fitted with intelligent variable valve timing, deliver improved performance and a more responsive and fuel-efficient drive.

Six models make up the range, offering Manual, Automatic and CVT drivetrains. Drivers can choose from

DRIVE INCREDIBLE

The 2.0 litre engine delivers maximum power of 127 kW @ 6600 r/min and peak torque of 203 Nm between 4400 and 4800 r/min, while also offering a fuel consumption of between 6.5 – 6.8 ℓ/100km and CO2 emissions as low as 147 g/km* INCREDIBLE FROM EVERY ANGLE The RAV4’s dynamic new design boasts assertive and angular features with a bold bumper, grille, LED headlights and tail lights creating a broad, athletic build that tapers towards the back to provide an allround muscular appearance.

MOTORS

This strong build isn’t just for show; with its increased ground clearance and shorter front and rear overhangs, the all-new RAV4 can take on tough terrain with ease.

PLAY ANYWHERE A new and exciting feature in the GX-R and also VX AWD models is the Multi-Terrain Select (MTS) function. This allows for maximum traction when engaged and gives drivers different terrain modes for various weather conditions, such as Rock & Dirt or Mud & Sand modes.

INCREDIBLE HYBRID SYSTEM Our newly developed Hybrid system gives you fuel economy and drive power performance like never before.

A 2.5ℓ engine with 131 kW of power at 5700 r/min and maximum torque of 221 Nm at 3600-5200 r/min. This, combined with an electric motor torque of 202 Nm, fuel consumption of 4.7ℓ and CO2 emissions of 107 g/km, makes the RAV4 Hybrid incredible economical and efficient.

MOTORS

VERBRUIKERS

So presteer jou besigheid!

Bloemfontein Online Co. het ‘n peiling gedoen om die beste besighede in Bloemfontein te identifiseer. Van naeltegnikusse tot haarkappers, hierdie is die top besighede wat ons lesers gekies het.

Bloemfontein Online Co. besef die ondankbare werk wat elke entrepreneur soms moet ervaar. Ons glo ook dit is nodig om goeie diens te beloon. Hierdie is jou platform om ’n

Beste skool: All My Children ECD Beste salon: Salon Liasion Beste naeltegnikus: Anica van Zyl Beste dokter: Dr. Tienie Bouwer Beste haarkapper: Rudi Nienaber

verskil te maak. Ons gaan voortaan elke week kleinsakeondernemings erken vir goeie diens gelewer. Jy as verbruiker en leser het die invloed om daardie besigheid te erken. Hier is die week se toppresteerders.

NUUSOORSIG:

NUUSOORSIG

Indien jy dit gemis het...

Top stories die afgelope week: My man is dood, twee weke na Covid-19-inenting 'Jesus was langs my bed', Hanna vertel van geboorte toe sy amper sterf Skermgrepe: 17-jarige deur boer doodgeskiet George-tienerseun se liggaam in ouerhuis gevind Positief na ek altwee bene verloor

LESERS DEEL FOTO'S

FOTO'S

'My driejarige bruinoog seuntjie.'

- Christelle Smith

'Lieflike kwekery by Tuinpark in Langenhovenpark.' - Joline Scheepers

FOTO'S

'By Brandkop afgeneem!' Monica Behr 'By die Krugersdriftdam saam met van my kinders en kleinkinders.'

- Annamarie Smith

'By die Drakensberge geneem.' - Frans-Rossanda van Zyl

FOTO'S

'Foto wat my pa, Jan Jordaan, op 20 September geneem het.' Odette Schoonwinkel

'My hondekind.'

- Natascha Badenhorst

'My meisiekind saam met my tannie se vierpotige kind.'

- Mariska Johnson

Save the Rocket HEMS number on your phone for emergencies: 0860 354 448

Oranje-tennisspelers

SKOLE

vir Vrystaat-span gekies

Ses tennisspelers van Hoër Meisieskool Oranje in Bloemfontein is vir die Vrystaatspan gekies.

Die span sou verlede naweek by ’n interprovinsiale toernooi in Potchefstroom gaan speel het, maar die Vrystaat moes onttrek.

Elke ouderdomsgroep (o/13, o/15 en o/19) se span bestaan uit vier spanlede.

Van links is Mia Schimper, Donna le Roux, Nina Schimper (almal o/15), Cayline le Grange, Liné Greyling en Anzél van Zyl (almal o/19).

Die Schimpers se ouer broer, Jason, was vir die o.19seunspan gekies en Cayline se jonger sussie, Cara, vir die o.13’s.

Primêre Skool President Brand

SKOLE

vier Vories se 90ste bestaansjaar

Die Voortrekkers vier vanjaar sy 90ste bestaansjaar.

Danie Langner, hoof van die Voortrekkers, het op die organisasie se verjaardag op 30 September ‘n plasing op Facebook gedeel: “Die Voortrekkers verjaar vandag. Negentig jaar gelede is die beweging in Bloemfontein gestig met ‘n handjievol mense teenwoordig. Vandag is die Voortrekkers die grootste Afrikaanse jeugbeweging, het ‘n dinamiese voetspoor van Otjiwarongo tot Kaapstad en van Richardsbaai tot Upington.

Oor nege dekades is Die Voortrekkers se spore diep getrap in ons taal, kultuur en erfenis. Ons dien die Here en is diensbaar in ons omgewing.

Ons eer ons voorgangers se dienswerk en bou vorentoe op hulle skouers. Ons vier feeste en bewaar ons monumente. Ons maak ‘n positiewe verskil. Kampvure is steeds ons gunstelingkuierplek.

Ons beleef steeds KANavonture in die natuur. Die fakkel op ons Voortrekkerwapen brand helder. Die afgelope twee jaar was moeilik met baie hartseer.

Ons byt vas en Hou Koers.

Ons is lief vir ons kinders en ons land.”

Primêre Skool President Brand het foto’s van die skool se Voortrekkerlede se viering van die dag op Facebook gedeel.

SKOLE

MATRIEKAFSKEID

Chanté Steyn Hoërskool Fichardtpark in Bloemfontein

As jy wil hê jou, jou kind of jou kleinkind se matriekafskeidfoto’s moet óók hier verskyn, stuur ‘n e-pos na bloem@onlinecosa.co.za met ‘n foto, die matrikulante se name en die skool waar die matriekafskeid was.

Follow us on Facebook

Follow us on Instagram

Join our Telegram group

Join our WhatsApp group

Send us an email

Visit our website

REDAKTEUR

ADVERTENSIES

Caria van der Merwe

071 86 7200 of 076 163 3746

REDAKSIESPAN

KONTAKBESONDERHEDE

Tania Coetzee Elbeth Marais Meryke Bekker Lelanie Swanepoel

bloem@onlinecosa.co.za

SUBREDAKTEUR Una Engelbrecht

GEPUBLISEER DEUR Dottry Media (Pty) Ltd

DIE SPAN

084 828 0319