Gana 8

La Usc dles Ladines

8 DOSSIER

Trekking tl Nepal cun Buddhi Maya Sherpa VITA

Viadesc

N retrat de Camilla Lunelli ZACAI ZACAN ZAOLĂ

...per n pom zenza schiufa e chiont

7/2009

8

VITA

05 Marika Favé, la pruma menacrep de nosc raion 08 N retrat de Camilla Lunelli

DOSSIER Viadesc

ZACAI ZACAN ZAOLÀ

58 ...per n pom zenza schiufa e chiont

MODA

60 Mrs. O’ Mania

ERT

62 Maria de Medici

ALIMENTAZION

8

64 Salmorejo 64 A soreie e sot l’ombrela da soreie...

LETERATURA 65 Libri

L CHESTIONAR DE GANA 66 Fiorenzo Perathoner

18

15 Encresciadum 18 Trekking tl Nepal cun Buddhi Maya Sherpa 22 N iade tl Libanon 24 Chitara, botafumeiro y Finisterre 26 Tel cher de l’Africa 29 Ciarcé per conesce l mond 31 Mi ncësa ie ulache ie mi cufer 35 Na Ëra sön le iade 39 Sinti y rom - na mendranza nia recunesciuda tla Talia 41 Londra - Momenc e conseies per na gran zità 44 La Virgin a serà sù si “Megastore” te dut el mond coi 21 de mé.

44 La cësa di autri 45 Couchsurfing 47 Hostels ora per l mond 49 Proverbies/1 50 Per nglëisc, please!

51 Mia Ozitania 54 Proverbies/2 54 Fà le poch y pié ia...

56 N viade ite te nos enstesc

27

EDITORIAL

La Usc dles Ladines

Stimeda letëures, stimei letëures, la ie inò tlo, la gana nueva! Gana 8, la gana da d’instà, ie zentreda chëst iede sun la tematica di viages: viages de uni sort, dai paejes plu defrënc sciche la Spania, l Libanon, l’Uganda o l Nepal a d’autra sort de viages, chëi tl mond dla letura, tl mond de populazions de mendranza – sciche i zigans, viages n cumpania de persunajes coche Marika Favé, Camilla Lunelli o Michelle Obama, che viv vites mpue manco cunvenziuneles de chëles dla maiuranza de nëus. Ma la va nce de manieres defrëntes de viagë: viagë da sëules, sté te hostels, baraté si cuatieres cun persones tan che nia cunesciudes (couch surfing). Y nia per ultim ulons te chësta nosta revista inò ti dé lerch a proiec soziei y a persones mpeniedes a miuré la cundizions de vita te realteies manco fertunedes dla nosta. L proiet de scola per mutans sherpa tl Nepal metù a jì da Buddhi Maya Sherpa y l Alpenverein ie zenzauter na scumenciadiva che merita de unì sustenida.

4

gana

“

L proiet gana nstës ie n viac tl mond dla scritura te nosta valedes ladines y sëura si cunfins ora

N viac ie nce l proiet gana nstës. L ie n viac tl mond dla scritura te nosta valedes ladines y sëura si cunfins ora, n viac ntan chël che on abù ucajion de ancunté uni sort de persones scrijëntes y pensëntes che nes à purtà pro a nosta revista cun si cuntribuc de scritura, fotografies, dessënies, colajes.

Sun chësc viac ons dan curt tëmp abù la legrëza de udëi nascer n - sce n po dì nsci – “pitl fra”, l Puhin, l foliet nuef dat ora da na redazion de jëuni te y per Gherdëina. Al Puhin y a si redazion ti fajons nosc miëur auguresc, che l crësce y ebe vita longia. L ie bel udëi che ativiteies cultureles generea d’autra ativiteies cultureles. A nosta letëures y a nosc letëures ti mbincions, sciche for, aurela curta pra na bona letura.

”

de Ingrid Runggaldier Magdalena Gasser Lucia Gross Olimpia Rasom Wilma Runggaldier gana.ladina@gmail.com

VITA

La pruma menacrep de nosc raion:

Marika Favé, l sport dant da dut de Anna Mazzel

Te la Tèlia su n total de 1200 menacrepes se rejona de zirca doudesc femenes, manco che l’1%.

L se trata de na profescion che domana forza, determinazion e coraje, na gran pascion per Marika che però l’à ence i piesc pojé delvers jabas canche se trata de sò lurier e sò davegnir.

Colun él pa l troi per doentèr menacrep?

Moab, Utah

Dant de dut ge vel aer jà na bona esperienza tant su per mont che coi schi, ajache amò dant de jir a la selezion ge vel se prejentèr con n curriculum de n bon numer de vìes fates, apede n tot. de rampinèdes su la giacia, sul crep e raides de schiapinism. L livel no l’é empossibol ma ge vel fèr n muie de robes delvers e l temp che te cognes ge dedichèr l’é trop. Gé son stata fortunèda ence con mie mestier ajache l me lascia n muie de temp e segur ence chel me à didà.

N’outa passà la selezion ge vel fèr i ejames: vèlch un de didatica, vèlch un de teoria, 3 ejames de ambient: crepa, auta mont e schi e dapò 3 ejames tecnics ….n dut l’é 10 ejames, vèlch un l va inant ence na setemèna. Chisc l’é i prumes ejames che ge é passà de otober del 2006 per doentèr aspiranta, dò ge vel fèr 2 egn de tirozinie e faré de etres ejames chest an: n tòch de la traversèda de Zermatt –Chamonix per chel de schialpinism, auta mont de messèl e l gana

5

cors de crepa su per Sela e Saslench de setember.

Donca senz’auter n confront empegnatif olache ge vel desmostrèr chel che se à binà sù ti egn, me sà de capir: tu can èste pa scomenzà a te dèr jù con l’ativitèdes leèdes al mestier de menacrep?

Per chel che vèrda l schi gé son avantajèda ajache siere te la squadra nazionèla B de schi alpin enscin del 1999- 2000; dapò cognosce l’ambient da mont e ence con la Forestala aee fat n bel cors de 10 dis sul meteo per chel che vèrda i perìcoi sa mont. É scomenzà a me dèr jù co l’alpinism canche é lascià ló de fèr garejèdes de schi.

Enlouta me é vegnù l’estro de jir a crepes e peissete che l’é stat n scior da Napoli che me à portà a fèr la pruma vìes sorides olache l me fajèa jir da pruma e l me dijea co fèr la sostes. L’aea 60 egn e l’era stat client de mi père che l’era ence el menacrep.

Co te él pa vegnù tel cef de proèr a fèr l’ejam da menacrep?

Canche é lascià de fèr garejèdes de schi é scomenzà a fèr vèlch rampinèda sorida sa mont enscin a canche zachei me à dit “Dai, proa a fèr l’ejam per doventèr menacrep”.

Timpruma me saea na roba massa grana, no ge pissèe, però canche à tacà più che na persona a me dir me é pissà: “Emben magari podesse proèr” dapò mingol i me à spent e ence se saee che no aesse abù assà vìes tel curriculum e me mencèa trop de rampinèda su giacia, é dit “Bon bon proe…e endèna veide coche les é chesta selezions”. En realtà la selezions no les é vedudes, ajache mi curriculum de auta 6

gana

mont no l’era assà, però aló é cognoscù n tous da Padova che tanche me no l’ea assà vìes te curriculum e coscita se on metù a una per jir adum a rampinèr n’outa sul Mont Rosa, sul Mont Bianch, Presanella e te n’istà aon empienì ite chel che ne mencèa. Donca son stata contenta de aer fat ence l prum tentatif ajache no l’é sorì troèr n compagn per rampinèr, no n’é tropes che fèsc chest ejam chiò.

E desche femena te eres da soula aló.

Co éla pa stata, co te èi pa tout sù chi de la comiscion?

I istrutores i é braviscimes, no i à abù neguna sort de preiudizie ma per me chest an de ejames l’é stat senester più dal pont de veduda psicologich. Te la proes i domana n cert livel fisich ma chel no l’é empossibol, enveze a livel psicologich ti es semper sot ejam ajache l’é dut omign che sgherza anter de ic e coscita inant. Gé cogne pa dir che me é troà delvers, ma ampò vèlch outa desche femena me é sentù desvaliva… dapò ence se i ejames é jic ben sentìe velch critica “Eh, l’é ajache ti es femena….” Vèlch outa me pesèa chisc comenc che vegnìe a i saer da autra jent soraldut ajache, descheche carenèa, el medemo che fajea i omign el fajee ence gé.

Donca dal pont de veduda psicologich l’é stat ampò pesoch ajache ti es na femena te anter 12 omign e se sà, nos femenes sion mingol desvalives e vèlch outa sion ence mingol più sensiboles.

La sensibilità pel esser ence n plus te vèlch moment, per ejempie te l’ensegnament. Co éles pa la reazions de la jent canche i chier n menacrep e

dapò te rues tu, na femena?

Segur al scomenz desche femena la jent vèrda mingol cert, ajache i domana de n menacrep e duc se enmaginea n om; canche i veit na femena i se troa mìngol perdui e en pèrt i capesce. Cree che no sarà dut sorì ma voi proèr, endèna veide che da la pruma reazions che é vedù enstessa jà scomenza a miorèr zeche…

Purampò dut muda col temp, fosc ge vel ence se fèr cognoscer e rompir vèlch preiudizie, tropes é chiche se spert e n’aesse dotrei da contèr.

Per ejempie?

Per ejempie l prum an che fajee tirozinie gé e n auter menacrep aane scrit fora noscia ativitèdes sun n placat con duc doi i numeres de telefon, canche da zeche ora valgugn me à chiamà gé é entenù sobit che ge saea cert rejonèr con na femena e,dò che adinfal l’é sutà jù la linea, l no me à più chiamà ma l’à fat l numer de l’auter menacrep…

Da l’autra man m’é sozedù ence roba beles, desche chest istà, canche n client de mie père l me à chierì apontin me per jir a fèr la Torns del Vajolet che l’aea jà fat da pìcol con mie père e l’à volù me fèr la medema foto che l’aea fat zacan con el.

N’autra outa n client che me aea passà n auter menacrep, dò l prum moment olache l’era mingol cruzià , l’é stat tant content che l’à volù fèr ence de autra vìes con me.

E l’ultima bela esperienza: la gaissa e el respet che me à desmostrà cater gregn svedeisc chest invern te la neif entrìa, segur aló me à didà trop saer jir coi schi

VITA coran e delvers ajache chisc chiò era cater che i schi li menèa delvers!

Me n’é adat che i taliegn à più poura e i stenta de più a se fidèr de na femena sa mont, segur se no l’é zachei che te prejenta, che te cognosc o che i chier apontin na femena l’é più senester lurèr.

N muie de taliegn canche ge die chel che fae i no capesc delvers, peissete che dò che ge spieghe i é amò bogn de domanèr con marevea se son bona de rampeghèr da pruma…

De menacrepes femenes fosc la pruma deldut, del 1984, l’é stat Renata Rossi, la pruma ence a livel european me sà, ades n’é de autres ti Paìes todesc, ma ence te la Tèlia, a Cortina; ede fosc contac anter de vo? Les cognosceste?

che te fès ence la maestra de schi: aló veiste vèlch desferenza coi turisć se l’é na femena o n om che fèsc scola?

Na desferenza la é segur: coi schi, soraldut per i bec, i chier n muie la maestres. L’é desvalif canche te portes n client en “conserva”: aló ge vel tegnir cont del raport anter l peis del client e chel del menacrep.

L’é na costion fisica, gé no portaré mai doi clienc de 80 Kg a fèr na cresta! Per la menacrep l’é limic, per i o la maestres de schi no, aló bèsta che te ge tegnes la pontes di schi, enveze sche menacrep l’é emportant l raport de peis. Gé cree che sie na gran desferenza, ma segur la pruma femenes maestres de schi pel aer abù stentes ajache no se era usé…più che auter se trata de azetazion.

Tu volesseste la fèr la menacrepes ?

Ei, é sentù rejonèr de Nadia Dimai ma no la cognosce, enveze en cognosce valgunes desche Ivana De Zanna da Cortina, Giovanna Mongilardi de la Val d’Aosta e Cecilia Cova da Domodossola. Contac però n’é demò con Anna Torretta ajache ence ela fajea garejèdes de rampinèda su giacia e la endreza via ence spedizions dalenc. Renata Rossi la cognosce de inom, ela à avert el troi per dutes, de gra a ela inché l’é segur più sorì ence per me. Fora da la Tèlia n’é ence valgunes : te la Svizera, l Paìsc che n’à de più, n’é zirca na trentina.

Canche siere a Chamonix a fèr el cors de auta mont l’era ence vèlch todescia e vèlch franzousa, anterite n’é ence de n muie fortes. Dijesse che aldidanché n’é stroz en pecia de menacrepes e ge vel che duc tache a se usèr ite.

E tu ti es chela che ampò averc la strèda te nosc raion, te noscia Region?

No deldut, ajache la pruma fossa stat una da Trent, Palma Baldo, che perauter la se à fermà al cors de aspiranta. Ela aea tacà l cors col Trentin ma sé che la no se à mai inscinuà te l’albo, dapò l’an passà na tousa da Bornech, Manuela Mair, é doentèda aspiranta. Enveze Silvia Summa da Verona la é menacrep jà da l’an passà e da n trat en ca la se à tramudà te la provinzia de Busan, donca scomenzon a esser de dotrei ence chiò.

Peisse che valgunes chiò, valgunes aló se scomenze a mudèr dut, zacan ence de maestres de schi l’era dut omign e ades l’é tropa femenes. Tu te ès dit

Ei, gé é estro de proèr a veder se me pièsc.

Ence canche é scomenzà a fèr la maestra de schi timpruma volee proèr a veder se me piajea l raport maester-client, se se trasmet zeche. Menèr stroz jent sche menacrep cogn esser vèlch de amò più fon, desvalif ajache te spartesces zeche de più e se va te n ambient più chiet. Nasc n raport de fiduzia e respet anter la persones. Dapò a mi me pièsc i movimenc tecnics che se à da fèr per rampinèr, me pièsc ensegnèr e é na bela sensazion canche veide e sente la marevea ti eies de zachei che é menà su la piza de n crep.

Marika, tu te ès el sport al zenter de ti vita, segur una te ti gran pascions, ma tò mestier l’é n auter, peste ne contèr vèlch de più?

Gé son Vèrdia Forestala, chel l’é mie mestier, son ence maestra de schi e da de otober del 2006 son doventèda aspiranta menacrep; dijon che n’outa me aessa sapù bel fèr demò chesta doi robes però ades tel lurier é troà na posizion che me dèsc trop temp per fèr ence la menacrep ma soraldut per poder goder enstessa del jir sa mont, tant su la giacia che rampinèr o jir a neif entrìa, no muda trop…..

Ence l’Ice climbing l’é una de tia pascions e tel ciamp de la rampinèda su la giacia la eles é peces, la taliènes amò de manco.

Che sensazions èste e co végnel pa fora l’adrenalina a rampinèr su la giacia?

Rampinèr su la giacia dèsc n sens de poder da no creer, perché no te dijesses mai de

poder te pricolèr su per la giacia….ma l’é bel, te vès sù con la cherpeles, i piches. Te chieres l’equilibrie, la stabilità, a mi me pièsc n muie, dapò chel de la garejèdes l’é scomenzà demò desche hobby, per devertiment acà vèlch an, ma chest invern é cognù lascèr aló ajache me aee fat mèl a na spala.

Veide che el sport per te l’é dut un con natura, peste ne dir en curt che che l’é la natura per te? Chest leam personasport-natura, che él pa per te?

Vegnon da la tera e cognon aer respet per l’ambient olache vivon.

•

*

Marika Favé met l sport al zenter de sia vita: dò esser stata per n trat te la squadra nazionèla B de schi alpin, dal 1997 la é maestra de schi e da de otober del 2006 la pruma ela aspiranta menacrep de noscia Region. N troi che la se à chierì fora soula, olache somea che dut sie vegnù un dò l’auter, zenza fadìa ma con gran determinazion, descheche se pel entener da si eies ferùscoi.

Marika laora a Belum tel Corp Forestal de Stat. Natura e sport é donca a 360° te sia vita e canche l’à temp la se dèsc jù ence con la rampinèda su la giacia, garejèdes de arpizèda sportiva sul parei o su la giacia.

Marika l’é na persona sorida che conta con gaissa e semplizità si momenc de vita e de sport che ela la fèsc apede e enlengia jù sò mestier.

Da de otober del 2006 la é aspiranta menacrep e chest uton la se enjigna a passèr l’ultim ejam per doentèr menacrep. Desche femena ela l’é una de la peces : te la Tèlia sun n total de 1200 menacrepes se rejona de zirca doudesc de eles, manco che l’1%.

gana

7

S

e l spumant Ferrari l ge vegn sport ai ghesć fora da la mans del president Napolitano o se se ge l veit te man a George Clooney o Sean Connery (ma fajé vo l’ator de chino che preferide, n got de Ferrari beù i l’à beù duc ) endèna la net di Oscar a Hollywood l’é ence per merit de Camilla Lunelli. L’é Camilla Lunelli, che laora per la cèsa di spumanc, sgnapes e èghes Ferrari/ Lunelli e che de fat se cruzia che chisc i vegne venui, ma soraldut beui e gusté, fora per dut l mond. L’é ela che se cruzia de la relazions per la Cèvenes Ferrari, la pèrt che vèrda i raporc coi compradores, i media, la sociazions de enologhes, la colaborazion con istituzions e la jent.

Na pèrt che a Camilla ge pièsc, e ence n muie. Ge sà bel lurèr per na firma che l’à n leam co la tera, leèda a la natura, a zeche che se veit crescer pian pian ma che no se pel comanèr, zeche che dona n ben che dapò l deventa strument de lurier e n met per viver.

La cèsa Ferrari l’à passa cent egn de vita e de chisc 50 passé co la familia de Camilla Lunelli, l giaf, sie père e si bèrbesc che à metù sù n picol imper e che l’é amò ades te la mans de familia. Amò inchencondì la Ferrari la é reta da la familia diretamenter e la se empreval de zirca 300 dipendenc.

Camilla Lunelli la conta de coche i se à spartì fora i lurieres, soraldut a partir da l’ultima spartijon del 2005. Ades l’é i trei jermegn, Camilla, Matteo e Marcello che à te man la sozietà ence se i vegn didé dai trei bèrbesc. I jermegn se à spartì su setores desferenc ma a na vida da fèr fora la gran dezijions semper duc ensema. L fat de no esser na sozietà massa grana e te la mans de massa sozi l’é n voler di Lunelli. L’é stat volù apontin coscita da la familia, ajache demò coscita te pes restèr vejin al teritorie, a la jent che laora per la dita, desche dir, n rencurèr n sistem olache i Lunelli i é na pèrt, segur economicamenter forta, ma semper na pèrt.

La costion de na economìa etica ge stèsc particolarmenter a cher a Camilla.

A rejonèr con ela de la crisa che à tocià e che tocia l mond de chest moment, Camilla la fèsc n descors de gran ferstont. Da na man l fat che persones gabolones che les é states bones de speculèr sui vadagnes di etres, portan al faliment sistemes entriesc, lurieranc e jent che aea magari sparagnà na vita, dut chest a ela ge fèsc, sessaben, aric.

Se se à te man la roba a na vida dreta, 8

gana

N retrat de

Camilla Lunelli La relazions dantdaldut, soraldut chela sćiantives de Olimpia Rasom

la disc, la responsabilità la é più grana, te ge metes tie esser, tie mus, tie inom.

No te pes gabolèr e ge vel ence stèr n muie ascorc a coche se maneja dut cant, dal picol lurier co la ua a la gestion de la cèvenes, dai conc de vigne meis al lurier de marketing. L vadagn l’é n vadagn reèl.

Se na sozietà la laora delvers, la é sana, la fèsc crescer ence l teritorie, l’economia de chel raion e duc stèsc en pé. L’é ben da veder che la responsabilitèdes per chi che rec chesta dites les é granes. Demò per dir, conta Camilla, se volon mileisemèr n spumant ge vel pissèr delvers, ajache la boces cogn stèsc cetes per vèlch an de più, ge vel slargèr fora la cèvena per loghèr la boces e aer la jent che stèsc do. Se trata de n gran risech e no l’é sorì, segur de no e de chisc tempes de gran desorientament economich. Aboncont, la Ferrari l’an passà no à padì gran che, più

che auter, via per l’uton, la ordenazions les é jites mingol più pian pian che i etres egn e ge vel ence dir - la disc - che na bona bocia de spumant per Nadèl e Cedean nesciugn se la nea, enscinamò.

Se speta a veder mìngol coche la va e ence per Camilla, seenceben che sibie na femena che vif tel mond de l’economia, nia somea segur, ma ge vel vardèr inant con mingol de otimism e no se lascèr ciapèr ite da alarmisms, che coche se à vedù no à joà a trop.

Camilla Lunelli sent dassen l privilege de esser nasciuda te n post desche Trent e te na familia desche la sia, olache la fam e la gran meseries no les é de cèsa. Coscita per dèr mingol l bel che ela l’à abù, e l’à amò enconcondì, l’à donà trei egn de sia vita a la jent manco fortunèda. Per beleche trei egn donca, dò l’università e na picola parentesa desche consulenta per na gran dita de Milan, l’à lurà desche volontèra de l’ONU, dant tel Niger olache l’à coordenà n projet postvera. Te chest raion la se cruzièa de fèr a na vida che i sudé i troe danef mingol de serenità. L’an dò la é jita en Uganda olache l’à lurà per la jent che à cognù se spostèr pervìa de la vera zivila che tocia dal 1986 la pèrt nord del paìsc. Chesta jent, soraldut fémenes e picioi, no pel più viver te si paìjes e donca i vif te sort de ciampes-profughes te condizions che no se fèsc fadìa a se enmaginèr. N particolèr ela la se cruzièa di poc de èga ma ence di sudé-bec e da chesta esperienza la gana

9

VITA é stata belebon tocèda sul vif. Per na costion de umeltà no la l disc, ma se veit che amò inchecondì la se dèsc jù per chisc paìjes e per situazions de meseria.

Na uta fat na esperienza coscita, se sà, no l’é sorì se desmentièr fora. L’é robes che tocia da ite per semper.

Me vegn sobito da ge domanèr coche la é bona de viver chesta doi realtèdes, da na man l mond rich, de la net di Oscar (ah, se la ne tolessa dò Camilla, a inom de duta la Ganes ladines, te prée, tòlene dò amancol na uta…) de la defilèdes de moda (ence chiò te preon, Camilla ) a la fam, chela vera, a la meseria, chela vera.

Camilla se grignotea. La disc che no se pel sciampèr da la vita che se à e che ge vel viver e lurèr olache se à l destin de viver e lurèr, ma ge vel semper l fèr con gran sens de responsabilità e didèr chi che stèsc manco delvers. A la veder coscita, scì, l’é ence meso viver anter i doi monds.

L lurier de Camilla l’é fat de gregn viajes, fora per l’Europa e per l mond ma trop ence Roma e Milan. Chisc ultimes dotrei egn Camilla à viajà mingol de manco, ajache l’à doi bela picola popes. Una de doi egn e l’autra nasciuda giusta l meis de mé passà. Meter dessema familia, fies, lurier e relazions con l mond no l’é sorì per nesciuna de nos, l saon ben. Ence se ti es fia de na familia che te permet de viver con maor soridanzes. Ma per Camilla chest à n valor relatif ajache i problemes i é per dutes valives. Ge vel chierir na certa armonia, lascèr endò mingol l personèl per se dedichèr de più a la fies e a la relazions con chestes. Se arsegurèr che les cresce sù te n ambient san e sinzier, apede i genitores, i giaves e i besaves, coscita che les pel se emprevaler de n bel e gran afet. Pecia televijion, n muie de jeghes a l’averta, l contat co la natura e co la picola besties. E dapò soraldut tirèr sù i fies co l’om e spartir con chest i problemes e la picolezes de duc i dis. No se pel creer de ruèr a fèr dut da soules. E se se fèsc fies, chisc se i fèsc de doi e de doi se i tira sù.

N raport de cobia chièr fin dal scomenz olache nesciugn di doi à n peis più gran o più picol. Camilla l’é na mère e na sposa amò fresćia ma l’à tout sù l mestier con gran pascion e segureza de chel che la vel e coche la vel che l sarà.

Dapò, lurèr te na dita de familia l’à si vantajes canche se vel aer ence familia ajache te pes te permeter maor ledeza.

Camilla la é amò più fortunèda ajache si jermegn, Matteo e Marcello, canche i à 10

gana

*

Camilla Lunelli la é nasciuda tel 1975 e cresciuda su a Trent.

La é fia de Mauro Lunelli, l’enologh de l spumant Ferrari e di vins Lunelli e de Marina Benazzolli. Dò l’ejam de maduranza la é jita a Milan e la se à laurà n Economia a l’Università Bocconi. Finì chesta, l’à lurà per doi egn per na sozietà de consulenza olache la podù emparèr mingol de dut chel che sozet te la gran sozietèdes. Finì la pruma esperienza de lurier la è stata bona de fèr deventèr realtà n insomech che l’ea fin dai tempes de l’università: dedichèr mingol de temp a chi che à abù manco fortuna. Con l’ONU l’à podù jir desche volontèra n Africa e chiò l’à rencurà doi projec de cooperazion, un per i exsudé n Niger e un per i becsudé de l’Uganda, extra che de poc de èga e sanità. Ruèda deretorn ge é vegnù sport n post de la sozietà de cèsa che ela à azetà con gran gaissa.

Da nlouta la se cruzia con si staff de duta la relazions de la desvaliva sozietèdes te la mans de la familia, spumanc, vins, sgnapes, éga. La vif a Trent con so om e la doi picola bezes, Lisa e Laura.

sapù che la comprèa, i se à tout sù na pèrt de si lurier. E canche l’à lurà, anter la pruma e la seconda beza, i ge à tout jù l lurier canche ela la no ruèa a l fèr, soraldut canche l’aessa cognù se n jir demez per massa temp. Coscita l leam con chi de cèsa, che amedit no l’é demò n leam de afares, ma ence de afet, l dèsc l met de tegnir sù e ge jir dò a dut, con manco prescia e maor ferstont. Coscita l fat de aer la bezes, ge à dat a Camilla - desche a duta la fémenes - n cambiament de prospetiva n cont de fins o prioritèdes.

Canche l’é ruà la pruma é scomenzà a ge dèr peis a valguna robes e a ge n tor a de autres - la conta. Sessaben che ge vel ence saer fèr n vèrech de zescul ma chest fèsc pèrt de l’esser mère. I bec i cresc n prescia e chi momenc se podarà danef se i tor.

Tinultima ge domane a Camilla che che ge sà più bel de si lurier. (Na, no l’é chel viac a Hollywood che pissède vo ) La disc che dut ge sà bel, l’ambient, l met de viajèr, l fat de lurèr te na dita de familia dessema a sie père e si parenc, lurèr per na dita che à n prestige internazionèl ence, perche pa no? Ma desche vigne lurier ence l so à aspec negatives, la fadìa del viajèr, la fadìa tel chierir e rencurèr i contac (me peisse a dut chel che se cogn se la ciacolèr, a duta chela cenes, dut chel fèr public relation, chela scì che l’é na gran fadìa ) ma ampò la troa fora chel che ge pièsc. L fat de veder na relazion de lurier deventèr dant na relazion sćiantiva e col temp e co la cura, la veder deventèr ence na relazion de amezizia, sinziera, vera. Canche la se n’ascorc de chest, enlouta Camilla la é dassen contenta e ge sà che la vita aesse proprio na bona saor, apontin desche l vin de cèsa.

Camilla Lunelli la é amò joena ma la desmostra na gran maduranza, en cont de esperienzes vivudes e en cont de reflescions fates. L’à ja emparà che ge vel lurèr di per di, duc i dis, per fèr crescer l’ambient olache se vif, sibie che se trate de vins che de educazion. L mond de Camilla l’é n mond de relazions, cheles che ge lea adum dut sie mond, chel de la persones e chel privat. Na fémena pel esser bela per n muie de rejons, Camilla no demò l’é na bela beza defora, ma l’à n bel e n bon dut daìte. Se demò la é bona de ge l passèr ence mingol ai spumanc che la ven, de boniscimes vins da boles ne farà compagnìa amò per n grumon de egn. Vives.

S

Se cogn jir endò al 1952 per scomenzèr a contèr la storia de la familia più cognosciuda te la Tèlia en cont de spumant, la familia Lunelli.

Bruno en chel an ge aea comprà jù la cèvena a Giulio Ferrari, che l’aea metù sù na pìcola firma del 1902 e che l’aea arjont con l spumant Ferrari un grumon de pesć ja ti prumes en del Nefcent. Da enlouta i Lunelli, Franco, Gino e Mauro – i é jic inant sul troi envià via dal père, Bruno, fajan de na picola cèvena de spumant na gran azienda cognosciuda a livel internazionèl. I no se cruzia demò de spumanc, ma ence de sgnapes, vins e auta restorazion.

La Ferrari spumanc l’à nef etichetes, duta cantes lurèdes fora te la vida classica. L Giulio Ferarri Riserva l’é n cru che madura per nef egn alalongia e l’é l spumant che anter i vins taliegn l vegn maormenter

Per vijitèr la Cèvenes Ferrari, telefonèr al numer 0461 972416 Per prenotèr a l’ostaria “Locanda Margon”, telefonèr al numer 0461 349401 Se pel vijitèr la Vila Margon de mercol e de sabeda (9/12-14,30/18).

Per vijites vidèdes o didatiches telefonèr ai Servijes Educatives del Ciastel del Buonconsiglio, 0461 492811

L bel e l bon, la filosofia di frèdes Lunelli Produtores de spumanc, vins, èghes e sgnapes premià. Dapò l’é l Ferrari Perle’ e l Ferrari Perle’ Rosé, l Ferrari Maximum Brut, l Ferrari Demi-Sec, l Ferrari Maximum Demi-Sec, l Ferrari Maximum Rosé e l Ferrari Brut. Dut spumanc che vegn fora da ues del Trentin e che cogn ge jir dò a la regolamentazion de la Trentodoc. Apede chisc, la produzion de élite, l Giulio Ferrari e i mileisemé Ferrari Perle’ e Ferrari Perle’ Rosé che i vegn fora da na produzion da ues che cresc tel mèsc de cèsa Lunelli sorasù Trent, sun n col de 120 etares de vignes. La Ferrari la é cognosciuda te dut l mond, defat l’à n bel marcià extra che te l’Europa ence ti Stac Unii e tel Giapon.

Per na marevea: con l spumant de Trent vegn festejà la net di Oscar a Hollywood, ma ence i campionac del mond de balon; l ge vegn sport ai ghesć al Quirinal e a chi de la ambasciates taliènes foradecà.

Ma i Lunelli no fèsc pa demò vin da boles.

Dai egn otanta en ca i laora fora ence na sgnapa che à inom “Segnana”. Chesta l’à n bol nasciù bele del 1860 e i Lunelli i l’à comprà jù e fat deventèr n bol de gran calità. La sgnapa la vegn fata apede la cèvenes Ferrari, a Trent, e per la fèr se tol la vinaces del spumant, fresces e riches de most. Chesta sgnapa la vegn lurèda con n sistem pissà dessema a l’istitut agrarie de Sèn Micel: se trata de la lurèr fora a momenc a bagn-maria e a momenc a vamp. Chesta sgnapes à diesc etichetes: Solera Selezione, Solera di Solera e Sherry Cask te chela veies, Chardonnay, Pinot Nero, Traminer e Moscato anter i “monovitigni” e Gentile, Estrema e Cinquanta anter la sgnapes biences.

Ence l’èga “Surgiva” fèsc pèrt del grop Ferrari. Se trata de na èga che nasc dal Parch Naturèl Adamello-Brenta e la é neto zenza sèl, tant da esser conscidrèda,

aldò de n sistem de valutazion american, n’èga de n net ecezionèl. Chesta èga la no vegn venuda te la boteighes ma demò te restoranc o bar de n cert livel. De chesta n vegn venù tel mond vigne an 50 milions de boces de vierech (che somea che sibie l mior sistem per tegnir ite duta la calitèdes).

Ma spumanc, snapes e èghes amò no ge dajea sodesfazion assà ai frèdes e coscita i à ence scomenzà a fèr vins. Da la vignes de cèsa, loghèdes tel mèsc Villa Margon e tel mèsc Montalto, vegn fora l vin Chardonnay Trentino Superiore Bianco DOC e l Trentino Pinot Nero DOC, duc doi vins de gran spessor calitatif. Apede chisc, ge vel ence contèr di vins che enveze vegn fac te raions no trentins, te la Toscana e en Umbria. Chiò i Lunelli à comprà jù 130 etares de tera e i à scomenzà a lurèr descheche i laora a cèsa. Te la Tenuta Podernovo sui coi pijans vegn fat doi vins rosc de gran eleganza, Teuto e Aliotto, e ence n Sangiovese de gran calità. Te l’ Umbria l’é enveze la Tenuta Castelbuono olache l 50% de la tera la é destinèda a la produzion del Sagrantino, vin tipich de chest raion, ma ence Sangiovese, Cabernet e Merlot. Ence chiò i enologs laora ensema ai enrescidores de l’istitut agrarie de Sèn Micel per miorèr semper de più la calità de la produzion Lunelli. La cèvena de vins en Umbria la é particolèra ence dal pont de veduda architetonich, defat la é stata dessegnèda da Arnaldo Pomodoro, un di più gregn scultores taliegn. Dal beiver al magnèr l’asociazion la é asvelta. Canche se magna zeche da bon se ge vel ence zeche da beiver che passenee. Coscita i Lunelli i à fat fora n restorant apontin sul col de Ravina olache se troa l mèsc Margon. Te chesc mèsc de bosć e vignes se troa l restorant “Locanda Margon”, n ambient elegant con na veduda maraveousa su Trent e la val de l’Adesc. L restorant l’à orì bele acà pec egn ma l’à ja arjont la steila Michelin.

Chiò laora l chech Walter Miori che l sporc n menu scempie ma ambizious, n mix de piac trentins elaboré da nef e compagné semper da la pìcola boles del spumant.

Chesta l’é la endesfida de chesta ostarìa: fèr deventèr l spumant n vin che se pel beiver col magnèr. La “Locanda Margon” vel esser, coscita per piajer di patrons, un di ponc del percors “Del bel e del bon” che perveit dant la vijita a la cèvenes Ferrari, dapò la vijita a la Vila Margon, per fenir te dant a n bel piat e n bon bicer de spumant o de vin te la “Locanda Margon”. gana

11

VITA

Villa Margon, n recam antich e prezious taà fora dal bosch Taèda fora desche n recam antich e prezious, sorasù i coi e la vignes de Ravina, te mez a n bosch de pec e pré, l’é Vila Margon. Se trata de una de la più bela viles del Cinchcent fata sù per deletèr la vacanzes de l’aristocrazia del chel temp. Vila Margon l’é n scrign de èrt con si afresć che ne conta la storia de n passà rich e prestigious. Te si cambres l’é passà i cardinai che ruèa a Trent per l Conzil, jent nobola de chi tempes envièda chiò per passèr l’istà e l’uton, e scinamai Carlo V, imperator de n ream olache l soreie no passa mai, che chiò, apontin, à dormì na net. I afresć i conta de el, de si vitories che dajea l somech de aer da nef l Sènt Roman Imper. I afresć de Vila Margon i conta ence de la vignes , de l lurier de la tera, de fegures mitologiches e de chela sacres.

La storia del mèsc Margon la é veia, endò fin ai tempes di romans ajache de chest temp l’é i prumes resć. Tel Medieve l’era di Benedetins de Sèn Lorenz. Del 1149 la é chiamèda “terra de Monte Margone”. Del 1339 enveze deventa “Maso de Margono” e l’era ja passà de man ai Domenichegn. Enlouta l mèsc l’era fat de cèses, ciampes, pré, pastures e bosć dintornvìa.

Somea, ma no l’é segur che la cèsa coi merlesc la sibie stata fata sù del Catercent, chela che amò inchecondì se veit e che la vegn chiamèda “il Castelletto”. Col temp l mèsc l deventa na vila fortifichèda, amancol simbolicamenter, che recorda i ciastìe feudai. Vegn fat sù na picola torn, vegn jontà apede na capela (nominèda a partir dal 1560), fata fora del ‘700 tel stil neogotich descheche enlouta se usèa, a la vila ge vegn tacà ite n portech che deventa l’entrèda nobola. Somea che l cardinal Madruzzo l passasse chiò l’istà e l’uton e che chiò l ge aesse dat alberch a n marudel de ghesć, n particolèr somea che aesse stat chiò per n trat de temp n muie lonch l piscop de Salamanca.

12

gana

“Hast du meine Alpen gesehen?

Eine jüdische Beziehungsgeschichte”

Mostra a Hohenems dai 28 de auril ai 4 de utober La vila la era stata fata sù, descheche la vedon inchecondì, da la familia Basso e dapò entorn a fin del Cinchcent venuda a Giorgio Fugger, n rich banchier de August che l’era vegnù a stèr a Trent del 1580 e che l’aea maridà Elena Madruzzo.

Del ’600 va a stèr da la Fiandres ju Anna Claudia Rothier con si ameda Margherita e l’abat Luca de Ferrari. Anna Claudia l’aea maridà entorn l 1630 l notar Lupis de Trent e chisc à tegnù l mèsc per passa doicent egn. Ge vel recordèr apontin che i retrac che se pel veder te la vila e che i é zis cognosciui, i é stac fac da n artist che ruèa da la Fiandres ma descognosciù desche inom. Ence se na reproduzion beleche valiva di depenc la é tegnuda sù al British Museum e l’é sù la firma de Ulberto Goltzius, vivù del Cinchcent (15261583). La sala grana e l’autra cambres de la vila les é dutes depentes a fresch. Te la sala grana la pitures é dedichèdes a Carlo V e a sia storia de batalies e ventes, te la cambra dita de “l’Agnol” se pel veder afresć del Nef Testament, te la sala “Chécena” (per via del drap su la pareèdes) amò stories de la Bibia, n particolèr doudesc stories dal Veie Testament.

Via per l’800 dut l mésc l vegn comprà dai barogn Salvadori che i lo à tegnù fin a acà pech temp, canche la familia Lunelli l ge l’à comprà jù, apede i etres mèjes che fèsc pèrt de la sozietà (Villa Gentilotti, Mèsc Pianizza, Mèsc Montalto, Mèsc Le Viane). Per tradizion, ence tel Trentin, n mèsc à n grandiscim valor. L valor de la tera, del legnam, de la cèses e tel cajo de la familia Lunelli, de la ues che cresc te chisc posć a soladif e a n auteza giusta e co la dreta ventilazion.

Da chesta ua vegn fora l spumant Ferrari che, dessema al spumant franzous Dom Pérignon, i se spartesc l prum post per l mior vin da boles de dut l mond.

•

“Canche ie saré dan Chl Bel Die, me damanderà l Etiern: Es’a udù mi Elpes?” … dëssa l fundadëur dla neoortodossia judiera Samson Raphael Hirsch avëi dit dan che l ie furnà tla Svizra. Da tlo l inuem dla mostra…

“Hast du meine Alpen gesehen? Eine jüdische Beziehungsgeschichte” ie l titul dla mostra che vën tenida dai 28 de auril ai 4 de utober 2009 tl Jüdisches Museum de Hohenems tl’Austria.

La ie unida metuda a jì adum cun l Jüdisches Museum de Viena y l Alpenverein austriach. Cun chësta mostra à i urganisadëures ulù ti jì do “al amor judier” per la montes y i crëps y nfruscé la storia de ëi y ëiles judieres tl’ Elpes, la storia de arpizadëures y artisć, di pionieres dl turism de schiadëures, tuadëures y culezionisć.

Da Mosé, l “prim” arpizadëur dla storia, à Judieres sun l lim danter tiera y paravis, danter natura y spirt cris esperienzes spiritueles. Nchin ncuei ie la Elpes luegia de ancunteda de judieres credënc de dut l mond.

Ma tl vintejim secul ie l’Elpes nce states na luegia de cumbat dla politica y dla ideologies. L’Elpes ne ie “nia plu la plaza di juesc dl’Europa, ma n ciamp per la proes di saudëies, nia plu na paladina grandiosa dla natura, ma na istituzion militaristica.” Nsci scrijova Joseph Braunstein dl 1936, puec ani dan si emigrazion ti USA. Dan ai uedli ne ovel ntlëuta nia mé “l cumbat” per l parëi nord dl Eiger, ma nce “l’arisazion” dl Alpenverein, bele batuda tres ti ani vint.

La mostra ie acumpanieda da n program scialdi nteressant.

Per de plu nfurmazions cialëde sun la plata Internet: www.jm-hohenems.at o scrijëde a: office@jm-hohenems.at

Via

desc

DOSSIER

DOSSIER

C

heste parole da la cianzon “Enrosadira” pel dir n muie de che che proon noiautres nasciui te chisc monc, noi che ne sà sci bel viajar, ma che dant o dò cognon vegnir de retorn te nosce val a veder la soula roba che la era e la é segura: l’enrosadira.

Noi che dijon che amon autre culture e autres posć, ma che te ogne post dal mond sion ciapè da l’encresciadum, dal besen de noscia tera, de noscia enrosadira, ma che al valif temp l’è apontin da chel nosc encresciadum che sion mené stroz e che volon veder de più, capir.

“

N bel color de enrosadira amo depenc de rösa i monc tost cala l scur sun chesta tera amada e bel paisc de mia joventù

”

Encresciadum de Luisa Bertacco

N viac che se pel far duc e che dasc na gran cantità de emozion l’é chel ta la musega de “Encresciadum”, se sentir respieié da na musega ciantada par ladin che rejona belapontin de noscie sensazion l’é na emozion enorma e fasc dassen pissar a che che proon canche sion dalonc, canche se sention che l mond l’é bel, ma l’é ora de jir a ciasa, canche volassane “amò na contia” e chela “enrosadira” che ne “encen da int tel cör”. Fosc l’è proprio par chest che canche jon stroz par l mond cerion de rejonar più che se pel co la jent, cerion de capir se dutintorn l’é chest fort leam co la tera, co la natura.

Segur chesta relazion tera – parsona se la troa ence ta la jent dal Perù. Jent scempia, che disc fora le robe scheche le é. Chela jent che piasc parcheche la

fajessa de de dut par te didar ence se no la sà chi che t’es.

E se pel studiar, viajar, cognoscer n sach de libres, lesc, jent, ma l’é la jent scempia chela che ensegna a viver e a amar la vita.

Fredy, giusta par far n ejempie, l’é n taxist da Puno, tal Perù. Un che con pece parole l’é bon de spiegar co tor dal vers giust i contratempes. Fredy el dis “Ge vel rejonar co la jent” e con chesta sia filosofia l’é bon de ve menar ite par anter n scioper olache i bachegn, che é resté zenza tera par colpa dal govern, i ge trasc de sasc a duc i auti e no i lascia passar nesciugn.

Fredy l passa…. El l passa parcheche i li respeta, l sà che che l’é n bacan zenza tera e zenza aga, Fredy l se ferma, l ge domana de che che i à de besegn, l rejona con ic e ogne tant i li paa…. Ma Fredy l gana

15

DOSSIER

passa e se l te à emprometù che tu passaras fora par ló, tu tu passaras fora par ló, basta demo aer pazienza e rejonar co la jent. E endana che duc i auti e dute le coriere va de retorn con tòc roc par via dai sasc di bachegn, voi, se siede con Fredy, ruade olache aede da ruar, mìngol spardui fosc, ma piens de respet par chest om che l ve à emprometù de ve menar zaolà e apontin ló l ve lascia.

Siede passé ite par anter chisc bachegn che i é resté zenza tera e velo ló, l’encresciadum… velo ló che l ve fasc pissar a ciasa, a che che aessa fat vesc giaves se na bela dì el govern l se aessa pissà de ge tor aga e ciampes par far na zentrala… velo ló l’encresciadum che l sauta fora canche mancol se se l speta…

L’é na sort de encresciadum ence chel de Benita, na beza de trent egn che vif te la isola de Amantanì, na isola olache no l’é corente eletrica, se tol sù amo l’aga da la pievia te candole par cojinar e se lavar e olache no l’é auti parcheche l’é demò viai te anter ciase e orc, nia strade, nia asfalt. Benita la conta sie leam co la tera n muie fort e al valif temp sie dejiderie de aer de più, de aer n auto, de poder durar internet, de comunicar col rest del mond. Benita la conta de n encresciadum dut sò, n muie fon e al valif temp n muie embarlumà.

La conta de cheche l turism ge à fat a sia isola, da la confujion che l’à porta e dei scioldi che l’à portà. La conta di omegn che mena aló i turisć che co la vertola che i porta scioldi i se sent i patrogn da l’isola.

De na sort de encresciadum rejona ence Juan Carlos. Se ve conzentrade dalvers ruade ence a l veder, l’én bez da la pel scura che l’arà piu o manco 30 egn e l’é sentà jù sui sćialins da la catedrala de Arequipa, “la ciudad blanca”, la zità biencia, ciase bience e, a sie tempes, ence n muie de omegn bienc, zità de colonialism.

Te mez a cheste ciase bience con de pìcui balcogn el l’é ló, te sie mond, sentà jù sun chisc sćialins a studiar ingleis….el spera te zeche de più, el spera de viajar, ma el l sà, desché voiautres, che par n peruan poder jir fora de sie paìsc l’é più che senester, 16

gana

el l lo sà, ma sie dejiderie de autre tere, sie dejiderie de veder, l lo fasc lurar dut l dì par se paar n cors de ingleis e velo ló, sun chisc sćialins bienc che l studia e che mingol l spera de partir na dì e mingol l spera de no lasciar mai sia tera…. Velo endò ló….l’encresciadum….chel che mìngol aon ite duc.

“Encresciadum” fosc l’é ence chel de Daiana, n inom da “star de Holliwood” par na pìola beza, che vif ence ela su la isola de Amantanì.

Na beza che vif con sia giava e sia mare, na picola beza spavia, che no rejona con nesciugn, ma che coche tu te mete a jiar con ela la se lascia jir e la te lascia descorir che no la sà jiar, che no l’à amisc, che no l’à nia da ciantar…... encresciadum de na pìcola ciantia par popes, encresciadum de n jech e de na vita più sorida.

Chel che fosc à ence duc chi pìcui bec che vif su le Ande a passa catermile metres de auteza. Bec che no à mai vedu na scola, ma che sà jir a past e sà canche vegnarà la pievia. Bec che no sà che che l’é l’eletrich, ma che sà da che man dal mont che se croda jù e da che man enveze che se pel passar….ma chest saràl encresciadum o no? Ge menciaràl a ic na scola o no? Volarài star ic te na zità o saràl chi pìciui de zità che ge encresciarà dai monc? A chest no saon e fosc no volon nience responer. L mond de chisc bec l’é ló.

Vegnon ades a l’encresciadum de Vittoria Savio, n encresciadum aut e fon che no duc sion bogn de aer…. Sie dejiderie più gran l’é n mond mior e la fasc de de dut par veder sie dejiderie realisà.

Vittoria l’é na pìcola femena de beleche 80 egn, la fuma dut l dì e canche se rua a ciasa soa che che ciapa l’eie dant de dut l’é na gran riproduzion dal cader “Quarto Stato” de Pellizza da Volpedo e se se peissa….rivoluzion? Enlongia jù l Macchu Picchu? Olà sione? Sion tel bel mez del projet “Yanapanakusun - Le bambine invisibili” e coche sention sta pìcola femena che se fuma n zigaret dò l’auter rejonar capion ence parcheche la prejentazion dal post la é coscita…. “populara”.

“

Me é ensomeà de n temp Da temp emprometù Ló che senza rebom Né sons de corn, né de trombetes Ressorirà l Ream E ton, amor, melaur per duc sarà E pèsc zacan su la tera Per dut el mond, e mai più vera

”

Ela, taliana da Torin, l’à ensegnà ta la Talia e canche la é jita n penscion la é jita a star a Cusco, tal Perù, l’à emparà a rejonar no demò l spagnol, ma ence l quechua e l’à tacà a lurar par didar fora le beze da le Ande…chele beze che “no se veit più”.

No se le veit più parcheche dai monc le é state manade te zità e dò bon…desvanide.

N muie de familie da le Ande le spera che a manar le fie te zità da parenc o da jent con scioldi, en barat de na man te ciasa cheste pìciole le podessa studiar e far na vita desvaliva da chela che i le aessa spetade te anter sie monc. La verità l’é che beleche semper le familie olache le va a star i le desfruta par ogne vers. I le fasc lurar n sach de ore, i omegn i le violenta, dut chest dò ge aer cambià l’inom coscita l’é emposibol par sie familie de origin le troar fora.

Chest l va inant fin canche ste pìciole no le se troa te mez a na strada… e ló par grazia, da n pec de egn oramai, rua Vittoria.

Vittoria l’à fat sù na ciasa olache ste pìciole toute sù da la strada le pel star e olache le troa na familia e le pel jir a scola, emparar valch da pratich. Apede la ciasa de ste beze l’é na ciasa olache i turisć pel dormir e olache dotrei de ste beze pel restar a lurar, a netar le cambre, a tegnir i conc…

Vittoria l’é apontin una de chele parsone che con sò encresciadum tant bel e net le ne dona “n ensomech”….

Le ne fasc creser che se volon podon e che zeche se pel semper far… encresciadum de n mond mior, encresciadum de serenità.

•

Le zitazion te anter le virgolete le vegn dute dal cd Encresciadum – musega de Roberto Soggetti, parole de Fabio Chiocchetti Par saer zeche de più dal zenter CAITH de Vittoria Savio podede vardar chiò: www.caith.org gana

17

Foto Buddhi Maya Sherpa

Trekking danter i crëps plu auc dl mond Mucé dala vita da uni di di ufizies plëina de rëssa y not, demez dal trafich, dala fuera, dai emails y dal telefefonn, tò feries da dut chësc y se destaché da uni sort de duvieres y respunsablteies. For plu jënt sënt al didancuei chësc dejidere.

N “trekking” pudëssa vester la drëta resposta a chësc bujën, na maniera de desćiarië, jan a pe, tenscions y nervositëies per nes mëter inò var a var cun n passé dl tëmp plu a mesura, plu naturel. Y chi che à gën i crëps y va gën samont vëij nce gën n iede da daujin i crëps plu auc dl mond.

8 di 14 otmile ie tl Nepal: l Mount Everest, l Kanchenjunga, Lhotse, Makalu, Cho Oyu, Dhaulagiri, Manaslu, Annapurna. Ma nce duc i autri crëps ie beliscimi: da te tò l fla, mé a ti cialé.

18

gana

Ntan na jita de trekking mpèren a cunëscer n paesc y si jënt, n se splongia no mé tla natura, ma nce te si cultura.

Oradechël fejen, se muan, zeche per si sanità y n porta a cësa na sperienza che n ne desmincerà mei.

Can viagë Da setëmber a dezëmber y da merz nchin de mei ie l miëur tëmp per prugramé n trekking tl Nepal. Tl vest de Nepal sciche ti raions de Dolpo y Mustang possen nce viagë bën d’instà, iló pluevel de regula de manco che tl ost, de viers dl Khumbu.

Da d’ansciuda ie l tëmp dla flëura.

Per chi che à gën i ciofs y la plantes ie chësta la drëta sajon: dut ie curì de sienes de rododendron, na marueia!

Da d’autonn, alincontra, ie l tëmp de solit plu stabl. L ie la sajon ideala per chi che va gën a pe y per chi che à la pascion per la fotografia, ajache la ududes di crëps ie scialdi beles.

Buddhi Maya Sherpa Da plu de 20 ani urganisea Buddhi Maya Sherpa trekkings tl Nepal. Ntlëuta, canche la ova scumencià, fovela danz la sëula ëila a fé chësc lëur. Al didancuei nen iel de plu.

Ma chi ie pa Buddhi Maya Sherpa?

Maya, coche la vën n generel tlameda da si cumpanies y cunescënc, ie la muta de n mëinacrëp nepalesc, n Sherpa. La ie nasciuda a Zarok, dlongia Namche Bazar (ulache duta la spedizions che va sun l Mount Everest passa) dl 1969.

Alincontra dla stragran maiuranza de mutans de si luech à ëila abù la fertuna de pudëi jì a scola. Per ruvé tla scola elementera plu daujin, na scola fata su da Sir Edmund Hillary, messovela uni di jì n’ëura y mesa a pe y traversé n jëuf de 4000 metri, l medemo troi fova dadedò sambën inò da fé per jì de reviers a cësa.

DOSSIER

Trekking tl Nepal cun Buddhi Maya Sherpa de Ingrid Runggaldier

N alpinist austriach che ti ani setanta fova jit plu iedesc a crëp tl Himalaya y che fova nsci deventà n cumpani dl pere de Maya, ulova judé la familia. L se à cruzià de finanzië l’istruzion de Maya, che ie nsci ruveda tl 1986, cun 17 ani, per l prim iede tl’Austria, ulache la à pudù fé n curs de furmazion per mené trekkings. L fova l lëur che ëila se mbinciova deplù, n lëur che ti lecurdova l pere. De fé la nfermiera o n auter lëur plu da ëila ti nteressova scialdi de manco. Cun la furmazion per chësc si lëur à ëila crià la fundamënta per l sustenimënt de si familia y per truepa persones de si luech.

Inò te Nepal iela stata bona de fé su na sosta da mont, la “Sunshine Lodge” aldò dl model de nosta uties tl’Elpes.

Chësta sosta ie n pont de referimënt per trueps che fej trekkings. La vën meneda da si surans y da si oma.

Tres si ufize trekking a Kathmandu ti dà Maya lëur a truep mëinajites de si paesc purtan pro nsci al sustentamënt de n raion ntier. Buddhi Maya Sherpa

viv danter l’Europa, ulache la ie ntant marideda, y l Nepal, ulache la à si oma y si surans cun i pitli nepoc.

Maya: “Canche é scumencià a urganisé y mené trekkings dan 20 ani fovi la prima y sëula ëila te dut l Nepal. Fé trekkings y jì pea pra spedizions univa ratà n lëur da ëi. L’ëiles sta a cësa, se cruzia di ciamps, dla cësa y di mutons.

I tëmps s’à mudà. Ntant iel de plu ëiles che lëura tl ciamp di trekkings.”

N paesc da cuntrasć y marueia L Nepal ie un di paejes plu pueresc dl mond. L sistem dla castes, la coruzion, n livel de analfabetism dl 54,8 % y plu che diesc ani de vieres zeviles ne à nia iust purtà pro al nrichimënt de chësc stat, che ie l plu aut dl mond cun si teritore che ie per plu che l 40% sëura y 3000 metri.

De dezëmber dl 2007 se à l Nepal detlarà Republica federela democratica. Pra la veles per l’assemblea costituzionela dl 10 d’auril dl 2008 à stravenciù i maoisć.

Da mei dl 2008 ne ie l Nepal ufizielmënter nia plu na monarchia, ma na republica cun n presidënt, n vizepresidënt y n prim minister – l revoluzioner y cë dl partit di maoisć Pushpa Kamal Dahal, tlamà Prachanda, “l teribl”. Tla Oposizion ie l partit “congress”. L rë viv mo te Nepal, ma l ne à plu deguna funzion politica y si palaz ie unì tramudà te n museum che ie da puech unì daviert al publich.

Tla frabiches ntëurvia iel unì nluegià n valgun ministeres. La mudazion storica se à ala fin purtà pro pazificamënter.

Tl paesc iel śën la pesc, do ani de cunflic nterns.

La jënt à la speranza y crëta che l guviern nuef purterà n miëur daunì per l paesc y svilup ti ciamps defrënc dla vita soziela y tl’economia. La va de crië n sistem saniter a bën dla populazion y n sistem scolastich, oradechël iel da crië y renuvé la rëies dl’ega, dla lectrisc, de stredes y truep deplù. De mpurtanza iel nce che n sibe boni de ti vester ala coruzion. Dessegur durerala mo n valgun ani nchin che chisc traverc vënie arjonc. Ma la cossa plu mpurtanta ie che l ie pesc. gana

19

I Sherpa Maya ie na Sherpa. I Sherpa ie un di truep populi dl Nepal. Ëi nstësc pronunzieia l inuem “sherva” che uel dì populazion che vën dal ost. Y defati ie i Sherpa danter 1500 y l 1600 imigrei dal Tibel tla region dl Everest, tl Khumbu. L inuem Sherpa vën al didancuei suvënz adurvà te na maniera faleda per denuminé n purtadëur, ajache truep Sherpa à tla ultima desëines d’ani laurà coche purtadëures per spedizions, ma sce ntant ie “Sherpa” l inuem de na populazion.

La cultura di Sherpa ie baseda sun n vedl budism tibetan mescedà cun nmaginazions y pratiches animistiches y sciamanistiches. La rujeneda di Sherpa ie mparenteda cun l tibetan modern, ma la cumprenscion danter Tibetans y Sherpa ne ie nia saurida, ajache la rujenedes s’à ti ultimi cënc ani, da canche i Sherpa ie emigrei dal Tibet, svilupà te direzions defrëntes. Davia che la rujeneda sherpa ne ie nia scrita y standardiseda se proa linguisć y nteletuei sherpa de adoté per la rujeneda la scritura tibetana, cossa che ne ie nia saurida da fé y che ne ie nia for azeteda. La cultura di Sherpa ie sciche truepa d’autra cultures manaceda dala desfata y chësc sambën nce pervia di cuntac for plu massifs cun l mond ozidentel – danz nce tres l turism, i media y chël che vën tlamà “aiut al svilup”. L turism, la spedizions, i trekkings ie na funtana de davani per i Sherpa, ma nce n’erma a tai dopl. Truep purtadëures Sherpa ie morc te spedizions periculëuses, ani ala longia ne àn nia udù l bujën de nunzië o lecurdé si meric. Permò ti ultimi ani vën n valguni de ëi unerei coche i se l merita, sciche l cunesciù Tenzing Norgay, l’arpizadëura Pasang Lhamu o Babu Chiri, che ie stat diesc iedesc sun l Everest.

Viver danter doi cultures Buddhi Maya Sherpa viv danter doi cultures cumpletamënter defrëntes.

Mesa na pert dl ann vivela tl Solukhumbu, ai piesc dl Mount Everest y l’autra pert dl ann vivela te Kärnten. Ëila conta: “Ie me è usà ala vita tl’Europa, ie cunësce la maniera de viver, la usanzes y tradizions che ie tlo y sambën nce chëles lavia. Te mi vita da uni di cëli de abiné na via t’amez 20

gana

ite danter la doi cultures. Cun la trieva y la calma nepaleja iesen boni de suporté plu saurì l stress dla vita tlo. Na tel streda t’amez ite vivi nce pra l maië: n di spëisa austriaca y l di do spëisa dl Nepal cun sëures che toli pea da cësa.

Tl’Austria ie la vita danz plu saurida. Njins tecnics alesirea dassënn la vita da uni di.

N ne muessa per ejëmpl nia jì a tò l’ega pra la funtana, ulache n va mes’ëura a pe.

Tlo vëniela dala spina, n à mé drë de la mené su. Tlo iel dlonch lectrisc y cundotes dal’ega, dlonch iel stredes. N ruva belau dlonch cun l auto, tl Nepal muessen datrai jì dis ala longia per jí te n ufize cumenel.

Tl’Austria y tla Talia iel na rë soziela, n sistem saniter, n sistem scolastich. Tl Nepal iesen permò tl lëur de i crië.

Tl Nepal me stimi che la jënt ie saurida y daulëibon, n cëla de se judé i uni cun i autri, tën scialdi auta l’ospitalità. L ie truepa etnies che cunviv tla pesc y che ie for de bona, scebën che i muessa fé lëures scialdi dures. N se lamënta manco che tlo. Tlo ei la puscibltà de ti trasmëter ala jënt la cultura de mi paesc, si maniera de vester y de pensé.

Trueps da tlo va tl Nepal ajache i me cunësc, nsci giata la jënt de mi luesc n aiut. Trueps lëura da mé coche mëinajita, i mpera a se cunëscer i uni cun i autri y suvënz nascel de bela amezizies. Tres mé à truepa jënt da tlo fat adozions a distanza ti dajan nsci la puscibltà ala mutans de jì a scola. La scola ie la basa per n svilup positif de nosta jënt.”

Proiet de scola per la mutans Pervia che l ne ie tl Nepal deguna ublianza de jì a scola ie l livel de analfabetism tl paesc scialdi aut. Plu dl mez dla populazion ne sà nia da liejer y da scrì.

Tl Solukhumbu, la region di Sherpa, ne iel deguna scoles stateles. La scoles che ie, ie dantaldut chëles fates su da Sir Edmund Hillary, l prim arpizadëur che ie ruvà sun la piza dl Mount Everest. Ël ie stat n gran benefatëur tl raion y si fundazion mëina al didancuei la truepa scoles, i spediei y d’autra istituzions che ël à metù su. Ti paejes iel scoles primeres y segonderes, tla majera ziteies dl Nepal iel nce scoles autes y Universiteies y n valguna scoles privates y internac. Ma la majera pert dla families ne à nia l muet de mandé si mutons y mutans a scola.

DOSSIER A Zarok, l paesc da ulache Maya vën, ne sà la majera pert dl’ëiles de si età nia da liejer y da scrì. Ëila ie una dla pueces che da pitla à abù l privilegh de pudëi jì a scola.

Dadedò àla ulù ti judé ai pitli, dantaldut ala mutans che ie de chësc viers svantajedes te si sozietà. A d’ëiles ti vëniel dit che les se marida pu mpo y che per lauré ti ciamps y a cësa ne àles nia de bujën

chësta ucajion. Dla mutans che possa jì a scola cun l sustëni dl proiet “istruzion per mutans Sherpa” mpera una iust a deventé secudienta diplomeda, la finerà chëst ann d’autonn. N’autra muta fej na furmazion d’assistënta al dutor di dënz. L mut fova l ann passà l mieur de duta la scola. Si dejidere ie chël de studië economia, y tres l proiet puderal l fé.

de na scola. Truepes de chësta mutans ie orfenes o vën da families dala stënta.

Da pitles insù muesseles judé a lauré.

De mandé chësta mutans a scola ne ëssa la families nia l muet: no mé che les mandé a scola costa, ajache l ie pu da cumpré libri, cudejiei, na tascia, la uniform de scola y nsci inant, ma ala familia ti mancëssa nce l aiut ti ciamps y a cësa cun chël che chësta pitles porta pro a mantenì la familia. La mutans ie de chësc viers mo plu svantajedes, ajache sce la familia ëssa nce l muet y la despunibltà de mandé un de si mutons a scola, pona ti dajëssi dant la puscibltà a n mut y no a na muta.

L ie da se mbincé che chësta mutans y chësc jëunn giape na bona furmazion prufesciunela, che i vënie de reviers te si paejes a lauré per purté pro a fé su zeche acioche chisc luesc posse se svilupé te na bona direzion.

A Buddhi Maya y al AVS ti va n gran gra per l aiut che i ti dà a chësta mutans che puderà n di o l auter avëi n lëur sciche toca y se deriejer miec tla vita. L proiet porta pro a miuré no mé n valguna situazions persuneles, ma l bensté de na cumenaza ntiera.

Daviadechël à Buddhi Maya Sherpa, adum cun l Alpenverein Südtirol, dl 2003 metù a jì l proiet de adozion a distanza “istruzion per mutans Sherpa” per ti dé la puscibltà a chësta mutans de giapé na istruzion y cundechël n daunì che ti debe deplù chances per la vita.

Al mumënt iel diesc mutans – a dì avisa 9 mutans y n mut – che possa se nuzé de chësc sustëni. Ëiles y si families ie scialdi cuntëntes y sënt gra de pudëi giaudië de

Dl 2005 ti ie a Buddhi Maya Sherpa unì cunferì a Trënt l Premio SAT per si meric coche alpinista tl ciamp soziel.

Sce zachei ulëssa sustenì l proiet “istruzion per mutans Sherpa” possi se nfurmé plu a visa sun la plata internet dl AVS: www. alpenverein.it

•

O paië ite na spendula sot al titul: “Schulausbildung für Sherpa-Mädchen” Cassa Raiffeisen Bulsan Filiale Rathausplatz IBAN: IT 33 G 08081 11605 000305003601 SWIFT-BIC: RZSBIT21503 gana

21

DOSSIER

N iade tl Libanon de Elsa Videsott

T

l foliet „ICO - Initiative Christlicher Orient“ (www. christlicher-orient.at) êl dan Nadè n invit a n iade de 10 dis tl Lîbanon. Al dô ester n iade de peregrinaje tla Val Santa Wadi Qadisha, bun n’ora y mesa d’auto a nordost de Beirut. Al é na val strënta, 7 km lungia, che se tira ite por les munts dl Libanon, gnüda descurida bele tl sesto secul do Gejù Crist dai cristians che messâ s’un sciampè da porsecuziuns y veres. Ti andri ti parëis di crëps da trames les perts dla val él gnü fat sö, cun le passè di secui, deplü convënć che viô cun ći che chersciô sö por les terasses da mürs por abiné sö por les tëmples ërtes n pü’ de terac da mëte blâ y sentè lëgns da orì y da ordöra. Chisc convënć, plütosc pici, che ê colià un al’ater cun sëmenes, é incö en gran pert tralascià. Mo n valgügn é ćiamò abità da patri maronić y da eremić. Por süa belëza y particolarité é la Val Santa sot a sconanza y é gnüda detlarada dal UNESCO patrimone dl’umanité.

Al n’ê stè nü (cater ladins) che s’â anunzié por chësc iade y i ân ciafè cuartier tl convënt maronit Antonios Qozhaya, gnü dortorè sö y amplié por tó sö ghesć inće da foradecà. Sön les jites ite por la Val Santa, fora por i paîsc incëria, mo inće sön iadi plü lunc sciöche a Biblos, a Tripolis, a Baalbek, gnônse acompagnà da

A man ćiampa l’eremit Pere Dario Escobar Dessura le convënt maronit “Mar Antonis Qozhaya” A man dërta tl ander dla fontana dla gran ega Adonis

22

gana

scora bele cun cin agn franzesc. Fora por les strades rôdel scialdi mercedes vedles. Do agn de vera zivila vir la jënt indô en pêsc y an spera che le turism mëtes indô man bel plan da fà pé; por le momënt mànćel ćiamò les infrastrotöres. Rodan fora por i paîsc y storjon pro te santuars y dlijies, pon osservè mituns che prëia cun les mans beles tignides sö, jogn y jones che va te dlijia, se tol l’ega santa y se sëgna y sta dailò y prëia, families cun mituns de vigni eté che va la domënia a mëssa.

Taca pa la religiun veramënter adöm cun la meseria?

La contrada à n gröm de belëzes naturales da pité, fontanes, rüs y eghes, y itissö pormez ai crëp él i ultimi resć di bosć da zedri, nominà tla bibla, che curî zacan döt le Libanon. Danter les döes morones de crëp (Libanon y Antilibanon) che va da nord a süd él la planöra de Beeka incër 120 km lungia y da 8 a 12 km leria a na altëza da 900 a 1200 m, rica de ćiamps de ordöra, verzöra y vigna, y ćina dan da püch inće de plantajes de canabis. Dër imprescionà sunse stà dan dala cité de Baalbek cun sü gragn tëmpli romans en pert ćiamò impé dai pilastri 20 m alć, fać sön fondamëntes preistoriches olach’al é gnü alzè ite ti mürs incëria a n’altëza de 6 m döes peres scadrades 20 metri lunges, 4 metri altes und 3.60 metri leries dal pëis de 1000 tonelades la öna. Tla ćiavara olache chëstes peres gnô scadrades fora, n’él restè öna a mez tru ćiamò na maiù: 21,36 metri lungia, 4,33 metri alta y 4,60 metri leria. Chësta pësa passa 1200 tonelades. Al é les maius peres scadrades al monn y al ne n’é da ciafè degöna spligaziun co che la jënt é stada buna da les trasportè por 1,5 km sön n terac desvalí y ërt y da les alzè ite tl mür.

Matthias Disch da Berlin, n apascionè dl Libanon, che conesciô bun la contrada, la storia, i convënć y la jënt dl post. I sun jüs tröp a pé da n convënt al ater ite por la Val Santa y fora por i paîsc dl altiplan a zirca 1300 m d’altëza s.m. y te d’atri convënć y santuars cristians dl Libanon. Al ê ala fin d’aurì, les plöies â lascè do y la temperatöra ê da se stè dër saurì. Döt le Libanon ê bel vërt y en flu, i lëgns da ordöra sön les terasses florî dala spona dl mer ćina itissö pormez ala nëi a 1800 m d’altëza.

I paîsc incër la Val Santa é popolà da cristians dla dlijia maronita unida cun Roma. La liturgia maronita, a chëra ch’i podôn tó pert te convënt, ê feter döta ćiantada por arab y aramaich. Inće la comunité é dër liada ite tla zelebraziun dla mëssa y ćianta demeztrù indô. I paîsc é plëgns de ćiases chersciüdes sö iregolarmënter, tröpes meses fates y dejabitades, deache na gran pert di libanesc é emigrà tl’Australia, tl’America latina, tl Canada, ti emirać dl Golf ... deache tl Libanon ne n’él püch y degun artejanat y degöna industria. Al manćia inće le sostëgn por i paurs ch’ai pois laurè cun profit les plantajes d’ordöra. Les families dl post à feter dötes n valgügn parënć emigrà o che laôra foradecà y che les sostëgn finanziariamënter. Di jogn n’él tröc che stüdia y les universitês libanejes vëgn aratades bunes, mâ che do le stüde él ri da ciafè n laûr aladô. I paiamënć é dër basc en confrunt al cost dla vita.

Bugn ê i “manusci”, fëies setides de pan cun timian, sesam y öre d’orì lassura. Les mëses pro i pasć te convënt y inće ti restoranć ê tenüdes sö cun verzöres, erbes da saù, cremes de deplü sorts (humus) y ćern de biscia y d’armënt. I ùn inće ćiarće le vin “Ksara” dla planöra de Beeka cun na ćianoa de 2 km de tonì sot tera ite ćiamò dl tëmp roman. I sun stà tles grotes monumentales Jeieta y sun spazirà danter i “Zedri dl Signur” che destënn fora sües rames por tó sö le ćialt de sorëdl.

La maiù impresciun à fat l’incuntada ch’i ùn podü avëi cun n eremit te n ander ti parëis dla Val Santa, n prou columbian da na gran esperiënza de vita, che é stè professur d’université, che à rodè le monn y che baiâ deplü lingac. Süa vocaziun a na vita dedicada a Chël Bel Dî tla surité dla natöra sintîl bele dadî. Al vir dailò dötalann da nü agn incà, lëde da döt y implì de contentëza. Podü avëi conferta impara y ciafè süa benedisciun é stè n momënt de grazia.

•

La jënt ê dër valënta y ess ion fat conferta, dantadöt i mituns che gnô pormez y damanâ da olach’i ên y co ch’i ân inom. La jënt baia arab, mo inće franzesc y inglesc y i mituns impara te gana

23

A

i 22 de merz fovela finalmënter tan inant. La terza tlas dl lizeum Marcelline a Bulsan pudova do truep mënsc lascé do sé la vita da uni di de scola sfadiëusa y se ncunferté sun doi enes liegres y da rì. Da mesa la set da duman s’ons duc adum ancuntà sun plaza dla Vitoria per tò na curiera che nes à menà a Milano-Malpensa, da ulache son julei nchin a Madrid. Ruvei iló ons mo aspità n’ëura sun nosc jol a Santiago de Compostela. Andrea, n nosc cumpani de tlas, ova tëut pea si chitara y nsci ons passà nosc tëmp tla curiera y tl aeroport ciantan cianties sciche “La canzone del sole” de Lucio Battisti o “Knocking on heavens’s door” de Bob Dylan ntan che ël nes acumpaniova. Ntëur la set da sëira sons ruvei stanc a Santiago de Compostela. Santiago ie na zità tla Galizia, tl nord-vest dla Spania y la ie dantaldut scialdi mpurtanta per pelegrins. Sambën fovel l luech perfet per nosta scola catolica, che à bonamenter nce ulù nes fé unì mpue la gola de jì n di o l auter n pelegrinasc, ënghe sce nosta tlas ne ie – ora che per n valguna ezezions – nët nia religëusa.

La families, pra chëles che stajan ntan chesta doi enes, ie unides a nes tò. Mé y mi cumpania Charlotte ie unì a tò l “pere”

Chitara, botafumeiro y Finisterre

N viac de scola a Santiago de Compostela dla Familia. L ova inuem Paco Torres y ova plu o manco 60 ani. Ël y si fëna Marina ne vivova nia tl zënter storich dla zità, ma si cuatier fova mé a diesc menuc dalonc da iló. N chëla prima sëira fans propi finedes dal viac y perchël sons do na pitla cëina debota jites a durmì. Sambën ne cunescians ntlëuta mo nia la usanzes di spanuei y ne savan perchël ënghedenó che n maia iló normalmënter permò ntëur mesa la diesc da sëira. Do na Tortilla fans po finalmënter tl liet. L di do se ons fat l gusté da sëules, ajache la familia durmiva mo. Mé la fancela portugheja, che nëus stentan a ntënder canche la rujenova, ajache la ova n azënt portughesc sterch, y Hanna, na studënta americana, à n chël prim di maià da gusté cun nëus.

Dala nuef messans vester tla scola che ova inuem “Iria Flavia”. Tlo àn partì su

24

gana

nosta tlas te doi grupes. De mi grupa se cruziova Almudena, na nsenianta galiziana scialdi daulëibon. Da mé ora ons cun ëila fat de gran prugresc n cont dla rujeneda spanuela. Dala dodesc finova l nseniamënt te scola, che ne po perdrët nia unì definì “nseniamënt”, ma plutosc na ciaculeda da rì, mpulsënta y nteressanta, y mpo istrutiva.

Da nëus tla Talia fossel tosc bele stat ëura de jì a marënda, ma no tla Spania. Marina nes à fat al savëi che assan permò maià da mesa la trëi. Chësta fova na cossa da messei se usé, ma bele do curt tëmp se ons ntendù di vantajes dl jì a maië tert. Do scola, defati, se scirmans cun prëscia tla butëighes y se dajan ala compres – àn pu dla’aurela assé.

Nce da sëira pudans sté ora giut, ajache messan pu permò vester inò a cësa per cëina. La prufessëura Valles y Padre Giorgio, i maestri che nes à acumpanià a Santiago nes lasciova datrai sté ora da sëira nchin mesanuet. N chësta sëires tulova Andrea for pea si cara chitara y nëus stajan sentei sun la sceles lerges dan una dla ntredes da les pertes dla catedrela o sun la gran plaza dan la dlieja maestëusa, ulache ciantan a usc plëina. De chisc

DOSSIER

de Alma Moroder

mumënc me lecordi l plu gën, canche pënse do a chësc beliscimo viac. L fova for sciche sce fassan stai te dut n auter mond, desmincian dut y se cunzentran mé a cianté.

Davia che chësc viac ne ova nia mé fins linguistics, ma nce culturei nes à i nsenianc de “Iria Flavia” y nosc maestri dla Talia plu iedesc menà domesdi tla catedrela cunesciuda, te museums defrënc, tl beliscim parch y nsci inant.

Chiche ulova, pudova fé, mpede na vijita scialdi superfiziela dla catedrela, na vijita plu prezisa y detalieda. Padre Giorgio, nosc maester de religion, che fova bele stat plu iedesc a Santiago, y a chël che n pudova propi ti liejer dal mus la pascion per i mic scundui dla catedrela, se ova metù a despusizion de mené na grupa nteresseda a ti cialé plu avisa. L à nce fat cun nëus n ritual religëus pra chël che n messova n iede prië per n cër dejidere, po mëter la mans sun la sciables de San Iacun y ala fin prië dan si osc che l dejidere se porte pro. Ënghe sce ne criove nia drë a dut chësc iel mpo stat na esperienza beliscima. N auter iede ons udù l “botafumeiro” dla catedrela. Chësc ie na ncenjiera de 65 kg y cundechël la majera dl mond. Pervia de si pëis iel debujën de ot patri per la fé sbinghé.

Ti museums che on vijità ons audì truep sun l troi de pelegrinasc, la populazion galiziana y la tradizions spanueles.

Tl tëmp che pudan passé da sëules y coche ulan, jans la majera pert a fé shopping o a se senté cun trieva te una dla truepa pitla bars, ulache giapan, ora dla buandes, ënghe for de boniscimi “tapas”.

Chisc “tapas” ie mpue sciche i antipasti talians.

Na esperienza particulera ie stata la vijita che ti on fat ala munighes de tlausura tl “Monasterio de las monjas descalzas”.

Padre Giorgio ti à tenì a d’ëiles y a nëus na mëssa y dadedò pudans rujené cun ëiles de si vita tres na ferieda. Se fajan dassënn marueia de si lieghertà y calma. Ntan che les rujenova cun nëus rijoveles y fajoveles matades y nsci deventans nce nëus bel plan mpue plu relassedes y la starëza dl scumenciamënt s’n fova tosc. Ala fin se àles dat pea i resć dla osties, doi sac ntieres, che se on maià su ntan jì a cësa.

Ma nëus ne son nia for mé states a Santiago. On fat doi jites, una a Finisterre y una a A Coruña. A Coruña, sun la costa atlantica, ie la capitela dla Galizia. L fova n di da stramb frëit y scialdi da vënt. Se dlacian ntan che jan a cialé la tor de Ercules y nce canche ti cialan pro ala foches ntan che les maiova tl acuarium dla zità. Perchël fans propi cuntëntes canche on pudù jì tl museum “El hombre”. Iló fovel bon ciaut y pudan se dé cun gheneda al’ativiteies nteressantes y da rì dl museum interatif.

Ma l plu bel de duta la doi enes ie per mé stat la jita a Finisterre, l luech plu a vest dl cuntinënt europeich. Son furnei cun na curiera sun la costa atlantica ntaieda da fiorc. Se on fermà pra na pitla spiagia da ulache l fova da jì n toch a pe. L tëmp fova n chel di mpue mat. Cin menuc fovel surëdl y pona fovel inò frëit y l pluova. Jan a spaz do la costa y canche fan ruvei tl proscim luech pudans dezider sce jì inant a pe o mpo furné cun la curiera. Mi cumpanies y ie fan n chël di de ueia sportiva y nia frec y nsci se ons mpensà de jì a pe do ch’l troi nia iust ërt. L fova beliscimo, se sentian sciche de drë pelegrins. Plu daujin che ruvan a Finisterre y plu debota che nosc vares deventova. Fan propi euforics y ne udan nia l’ëura de udëi finalmënter l ozean.

Canche fan ruvei sons sautei de viers dla scolieres sun chëles che se on sentà per se goder l panorama spetaculer. Fan ala fin dl mond!

L fova na sensazion grandiëusa de lidëza.

Ie ne me è mei devertì tant sciche ntan chësta doi enes a Santiago. Deguna tlas de nosta scola à mei pudù a fé n viac che à durá plu giut de n’ena, ma da mé ora fova l tëmp iust a drët lonch. Te na sëula ena ne assans mei pudù fé tant y ne se assan nce mei usà tan bën ala usanzes spanueles, coche per ëjëmpl al maië y ala partizion dl tëmp. Ne assan mei pudù se lascé tan dl’aurela pra la jites y la vijites di museums y ne fassan mei stac tan relassei. Ënghe sce ala fin fans mpo cuntënc de ruvé inò a cësa – fan pu stai demez doi enes – me nchersciovel, pernache fove tla Talia bele inò do chla bona paella, do la Praza do Toural – la plaza sun chëla che se ancuntan for domesdi – y do i mumënc canche ciantan deberieda.

L ie stat veramënter n bel viac ntan chël che on propi mparà bën la rujeneda spanuela, dantaldut ajache rujenan truep spanuel, sibe te scola che nce tla butëighes y tla familia. Canche fove inò a Bulsan me falovi pra duta la rujenedes cun l spanuel adurvan for inò paroles y esprescions spanueles sciche “que tal”, “todos juntos” o “buenas noches”.

Da mé ora ie viages de scola de gran mpurtanza y scialdi istrutives. N se lecurderà tl daunì scialdi de plu de n tel viac che de dut l rest che n à fat te scola, ajache n possa cunlië cie che n à mparà cun na ntraunida. Dantaldut per mparé o miuré na rujeneda ie de tei viages de utl, ajache la teoria mperen miec tres la pratica. Chësc viac a Santiago de Compostela ie a uni moda stat na esperienza faszinënta y de marueia, dantaldut culturelmënter y pervia dla rujeneda – y ie me è devertì n mond. Ie fajësse chësc viac debota mo n iede.

•

gana

25

DOSSIER

V

e porte con me, tel cher de l’Africa… te la forestes olache vif i gorila da mont e dapò n su, fin a la fontana del Nilo, ite te la contradizions de n paìsc che con fadìa l chier de passèr sora fora l strassomech di egn più burc de sia storia. L’Uganda.

No se sà tenc che i é i morc de la veres ziviles che à metù man del 1962 – an de la indipendenza - e che les é jites inant per egn alalongia. E no podon nience pissèr no, a tant che i à cognù padir i ugandeisc endèna la ditatura de Amin.

Amò ades, chesta jent combat vigne dì con la vita, e enceben che l’à de grieves problemes economiches, la é bona de esser de maniera e valenta, a na vida da fèr de l’Uganda n post olache l’é bel viajèr e vijitèr. Se va do strèdes de creida chécena che taa l fit de la selva, semper e praticamenter dutes metudes mèl, pienes e rèses de bujes e de jent che se mef inant e indò, te n jir e vegnir zenza fin.

Olache i à da jir, no se é bogn de entener.

Tropa la mans che se auza per l piajer de saludèr l viajador, soraldut mans de bec e tosec, regolé co la mondura da scola o ciarée de canistres empienides ti poc de èga da beiver.

L’èga: l ben prum e più prezious, ence te n paìsc che l vegn chiamà “la tera di lèghes”, un per duc, l Lèch Vitoria, olache proprio da la pèrt de l’Uganda nasc l gran ruf Nilo, che aló l met man si viac lonch 6000 km envers l Mediteran. Navighèr con l soreie sora l cef sun una de la bèrches di pesciadores, bendeché straciarièdes de jent e de pesc, che traversa via l lèch Vitoria, se à l’imprescion del gran, somea de esser te mez n mèr. L fin de chesta curta “crociera” l’é arjonjer la Ssese Island: otantacater ìsoles olache vif i Basese, n grop tribal autonom. L’é dassen bel jir a pé per i vièi de chesta ìsoles chietes, cercian l piajer de zeche che oramai no saon più fèr: jir a pé zenza n fin, se perder tel vardèr l paejage, i ucìe che se auza en sgol e vèlch bestia che te passa tedant, l dut senza l strassomech di tempes desnechité de noscia vita ozidentèla. Che bel e afascinant che l’é jir a veder i gregn parches ugandeisc: per ejempie chel di sauc de l’èga de Murchison, olache l Nilo se trèsc reboan fora per na strenta sfessa con n saut de 40 metres e olache l’é meso scontrèr elefanc, girafes, bufai, antilopes, zebres, leons e leopoarc e amò de autra besties de la fauna de l’Africa. O l Kibale National Park olache dut recorda la mitica foresta de Tarzan (e per n moment te te

26

gana

spetes che te saute fora proprio el tacà sù sun na liana!) A se n jir ite per la selva se pel osservèr, endèna che i se trèsc da n èlber a l’auter, i scimpanzé. O amò, a jir su per l canal Kazinga che taca adum l lèch George con l lèch Edward, tel Queen Elisabeth Park, se pel scontrèr schiapes de ipopotams e n marudel de cocodrii. Ma l spetacol più maraveous che l’Uganda pel sporjer al viajador l’é de segur chel de l’enconter con i gorila da mont.

L Parch Nazionèl di Bwindi l’é n grop de coi verc enlongia la foresta del Rift Valley Albertina. Chesta veia foresta da pievia l’é la cèsa de più che 350 gorila da mont, l mez de chel che resta de la popolazion mondièla de chesta sort. E dapò l Bwindi l ge dèsc alberch a almanco 90 sort de mamiferes, te chisc, 11 primac (ence scimpanzé). Apede chest, ence

da pec metres e l’é na marevea ge vardèr delvers e da coscita vejin a si postures, a si portamenc, a si mòc de cura ti confronc di si pìcioi, che somea coscita umans… l’é desche esser catapulté te na emprobàbola machina del temp, te un di prumes stadies de noscia storia de la evoluzion.

I gorilla, na richeza per la comunanza entorn l parch Ma al de là de la storia de l’Uganda e di gorila, chest che ve conte l’é n “projet global” metù a jir da Garry, un sudafrican. La pruma tapa l’é stat la

Tel cher de l’Africa I gorila desche fontech de soravivenza

346 sort de ucìe. Chel che podarede viver l lo descrif benon Dian Fossey te si liber “Gorilla nella nebbia”: “No me desmentiaré mai mi prum enconter con i gorila… L’aria te n bot la era zarèda da n seghitèr de cighes e dapodò dal ritmich pok pok di colpes batui sul piet da n gran maschie con la schena arjentèda, sconet vindò chel che somèea na pareèda de vegetazion entrabatàbola”.

No l’é sorì descriver l’emozion che se proa canche, fora de n bel nia, dò esser jic e jic per ores tel tumech del bosch, se veit da dalonc la fegura de n gorila, giusta giusta che la ciuta fora, ite per anter l vert de la vetegazion. Se pel osservèr i gorila

costruzion de n spetacolous “Lodge” a 2300 metres de aut, apede la foresta olache vif i gorila, olache la veduda la fèsc restèr zenza fià. La costruzion, ge vel dir, no l’à beleche nia deldut empat ambientèl. Dut l personal del lodge l’é del post. (I se à pissà a chest dalajà che no l’é strutures vejines e chi che osserva i gorila i lo fèsc te na giornèda – e chest vel dir turism “zaca e sciampa” - con auti che va e che vegn sun na strèda olache demò i 4x4 pel jir, crean n gran trafich e nesciun tornacont per la jent del post). L’idea pruma l’é stat chela de veder i gorila desche na richeza de la comunanza e donca che la va sfrutèda e endrezèda sul post.

de Nadette Bertolini ladin de Olimpia Rasom

gana

27

Che ge vélel pa fèr per jir a veder i gorila?

L’é valguna families de gorila, de chestes cater a Bwindi, che les é usèdes a veder i umans e se pel ge jir apede, sie persones a la outa, per no de più che n’ora. Per poder fèr chest, se cogn domanèr la “permiscion gorila” per vigne persona, che la vegn data fora da la Uganda Wildlife Authority.

Canche se se troa alò ge vel osservèr n cert comportament: no se pel se arvejinèr al gorila per de più che set metres, no se pel ge jir apede se se à la broa o vèlch malatìa che se pel ge dèr sù; no se pel ge moscèr al gorila robes da magnèr o da beiver e no se pel arbandonèr refudam te la foresta, no se pel durèr flash endèna che se tol jù co la machina fotografica o da film. No se pel fèr bordel e no se pel ge vardèr ti eies al capo del schiap, l Silverback, o maschie de familia da la schena arjentèda.

Chest l podessa vegnir enterpretà desche na endesfida. I gorila da mont l’é perauter besties pazifiches, spevies, che vif de foes e de autra sort de chegozes. La poscibilità de veder i gorila la é beleche arsegurèda al cent per cent, semper che se sibie disponìboi a fèr na fadìa da trekking (900 m de deslivel, dant en jù e dapodò en sù).

Notizies dintornvìa l’Uganda: Capitala: Kampala Superfize: 236,040 Km cadrac Superfize de èga: 36,330 Km cadrac Area de tera ceta: 199,710 Km cadrac Popolazion: 25 millions de abitanc Lengac: Ingleis (ofizièl), Luganda, idioms Bantu, Nilotiche e Swahili Religions: catoliches 30%, protestanc 30%, musulmans 16%, etres Vadagn mesan per familia: zirca $200 a l’an

28

gana

Goern: Republica Presidenzièla Dì de la indipendenza: ai 9 de otober del 1962 Industries: Bira, zucher, bombèsc e tescère, pesc, tabach, ziment, café e te, beandes e sughes, plastica, legn e mobilia Agricoltura: cafè, te, bombèsc, vanilia, mei, polam, cèrn de ciaura e vacia, fruc tropicai Minerai: ram, cobalt, sal Clima: tropical

L projet de Garry l se spartesc sù te più scomenzadives, dutes che vel jir a miorèr la calità de la vita de la jent de chest post.

La scola, se sà, l’à na gran valuta te na prospetiva de soravivenza e Garry l’é pontà via proprio da chest. A Ntugamo se ge ensegna ai bec, e donca diretamenter ence a la families, la costumanza de magnèr san te n paìsc olache no se rejona auter che de malnutrizion e/o pecia nutrizion. Se met man con l ge ensegnèr a vigne toset a rencurèr si picol ort e chel che l’arà l’ort più bel l vegnarà premià con na roda. L fin l’é chel de ge dèr, desche scola, amancol n bèst en dì a duc i bec e la bezes. Descheche disc Garry, i bec i rua a scola a jajun e no l’é sorì stèr a scutèr e emparèr se se à l venter vet (chisc bec i magna per solit demò na outa en dì). Te na clasc l’é più o manco 100/120 bec, struché ite te pec benc. Chest projet l vegnarà slarià fora te n second moment ence a la Comunità de Nkuringo olache ades l’é la Sociazion de tescères de Nkuringo. L standard calitatif de la pezes che vegn fora dai telees l’é ja belebon, ades se é dò che se laora sui colores, sui dessegnes… Vegn confezionà cestins de stram coloré, beliscimes drapes da tachèr sù, toaes…

Se é dò che se proa a vener chel che vegn fat sibie al Lodge - ai vijitadores del parch- ma ence utró. N’autra pèrt del projet tol ite l’Orfanatrofie. I bec de l’orfanatrofie endreza spetacoi de bal; de chisc se cruzia Arthur. Con chel che se vadagna vegn comprà roba per la scola.

Chi che tol pèrt i é coscita stolc che i autres bec (che no i é orfegn) i domana de poder tor pèrt al bal per didèr ence ic a comprèr ite! Apede chest Garry se cruzia de endrezèr via na Formazion per portadores e vides del post che canche les vel o les pel les condusc i vijitadores a veder i gorila. Ensoma, la persona che se met a la leta la compagna la jent e la ge porta i prosac o ence la ge dèsc demò na man a se troèr fora. Una de la bezes che ne à compagnà a veder i gorila, la dì dò la era te sia ìtena che la cojìa con na machina da cojir veia e veiora. Dapò l’é dò che nasc n projet con la piovanìa de Nteko per combater l’Aids, pianifichèr la nascites e arbassèr l numer di morc pìcoi, e dapò, apede chest, ence a curèr la malaria. N projet global, bel, enteressant, vejin a la jent e per la jent, che pel didèr la comunanza de chest beliscim post a soraviver, ic, dessema a si bìe gorila arjenté.

•

DOSSIER

M

angé accras onc ti marcés caraibics, beive such fresch de fruc tropicai tles spiages dl Noreste dl Brasil, ciarcé glacins cubans deleghés, se tré sun cous-cous marochins cujinés te viles sperdudes sun i creps, tafié bureks en Bosnia, ciaugné daters metus a secé sun l our de na streda da stuep en Egit, se delizié con pesc mariné maurizian: dutes deliziosités che pò fé plu liegra nosta vita sun l viade y dl viade en fé fora na esperienza.

Ciarcé per conesce l mond de Silvia Negrotti ladin de Nadia Chiocchetti y Vittorio Dell’Aquila

An messessa profité de dut cant cie che nes dà la poscibelté de conesce y de capì i raions che vijiton: se ficé ite ti marcés, sentì l bon tof dles saoures y dles speises cujinedes sun streda. Ciarcé dut, vaghé, zenza se sprigolé massa dant da derzedes forestes. An messessa avei la vueia y l spirit giust per conesce, prové, ence zané su la vita, zenza scluje fora deguna esperienza gustativa, cialé de curiosé te dutes les ciasesdafuech di luesc che al vegn dant de vijité, compré libri esotics y tenté de tò ju les mile rezetes con inoms

che fej marevueia che ti i se ascone ite.

Al medem temp ence nostes vedudes se slariarà fora, per cie che de zenza adum con la cujina se ruva a esploré ence i animi dles persones encontedes, an pensa do y an se confronteia con les cultures di autri. Dut chest zenza dé su les tradizions de familia, les rezetes de ciasa che te n iade ne pararà nia plu na repetizion banala dla cuotidianité, ma ales scincarà n sens de partegnì, de raisc che nes metarà en consaputa de nos enstesc y de nostes origines, daperdut olache

nos son: fora da usc de ciasa o da l’autra man dl mond.

Anter i cinch sensc da tò ite y tò empera te nosc spostamenc, gust y snesa é chi che muev l plu nostes emozions plu sotes, nost cervel retil. Valch parfum dla cujina, duc savon, é bogn de tré ca recorc che vigni un de nos va à brancé fora da sia scatola dla vita passeda, ai nes reporta a momenc prezisc, te luesc particolars, o che ai nes recorda persones stimedes y nes fé grignolé o che ai nes muev a la comozion.

Daurì l bossl dl curry compré sun i banc gana

29

DOSSIER de n marcé nes lascia jì zeruch sobito al suk y a siei colours y a sia fuera. Ma ence la boza de vin chirida fora l weekend passé sun i coi toscans y bevuda per acompagné la finocchiona pò nes dé emozions speziales y sperlongé l plajei dla descorida de posć unics.

Dessegur pò n’autra maniera de fé n viade tres la speisa ester chela de jì a mangé ti restoranc etnics, semper plu comuns ence da nos, che però, fora che per valch ezezion rera, é demé na verscion mestieda dla cujina tipica, adateda ai gusć di clienc locai. Donca canche an é sun l viade él ben miec prové i restoranc

me à conté dla emozion sentuda tl ciarcé l cha fat da Amadou, antropologh mauritan, che encantourn per l’Europa se tolova empera demé sia ola da té d’arjent ziplé y la foto de sia oma stolza con vacia da compagnia a la corda; al se tratova demé de té con saoures dal gust da nia dì, servì esclusivamenter te de pici goc te chi che al vegniva juté ite con grana abilité dal aut de sie meter y nonanta. Y ence dl castron tenfené de Redouan, kabil nomadich tla Franzia, paisc che al ti savova datrai plu desert che sia tera de origin: canche el l cujinova, ne volòvel assolutamenter nia che zachei l daidassa, ma al lasciova che

olache se abina la jent dl post, o tenté de crié da nuef a ciasa chi vapours parfumés y les sugestions di recorc de viade: al ne é nia dagnora da podei fé, ma an pò prové, a na maniera deletoula con amisc y con chi de ciasa.

N’autra opzion é chela de prové a slarié nosc orizonc, gastronomics y nia gastronomics, vivan en contat con i foresć che sta te nosc raions: con la cujina tunisina, sarda o tailandeisa. Does ciacoles, n té y an pò se cordé per na sescion de cujina a cater mans, te chela che vigni un pò spartì con l auter sies rezetes, siei secrec de ciasadafuech. An s’enten che te chesta maniera che valch outa ritualité y rezeta va adum. Chisc doi aspec costituesc datrai l unich pocaje consentì canche an é a la foresta (samben nia per turism): y l encherscedum é datrai la conciamenta plu emportanta. N’amica

puec fortunés cialassa pro al spetacul de moc y monologs te sie dialet berber, con chi che el ti damanova a la speisa de cueje. O Ismaël, senegaleis, che se ova descorì sciche balarin tla Talia, sceben che el essa na anima y na ambizion de chef: per enjigné sia sauce arachide él sté passa n’edema a chirì y prové fora conciamentes per la podei endrezé fora tla maniera plu fedela al original.

Duc chisc é stés bogn de nes porté te sia tera dl’oma, o miec, de porté chesta sia tera ite te nos, zenza che nos on messù nes mueve dal post olache fovanse y nes conferman che degun tip de turism ne porta a na conescenza veira, ma per fortuna ence zenza se sposté onse la poscibelté de jì ite tla vita de autri monds de gra a les persones che se i porta do, ence a despet de na globalisazion sbandiereda y anichilenta.

30

gana

•

Letures N viade ti USA con ”La parte più tenera” de Ruth Reichl (Ed. Ponte alle Grazie) é la simpatica autobiografia romanzeda de na critica gastromica americana cognesciuda, colaboradoura dl New York Times y diretoura dl sfuei cult ”Gourmet”, a chel che ti va do ”Consolatemi con le mele”, tramidoi de letura deletoula: dal anonimat a la zelebrité tres aventures y dejaventures gastronomiches, concedes ju con truepes rezetes.

An jola a Bahia con duc i beliscims romans de Jorge Amado: per ejempl ”Dona Flor e i suoi due mariti” (Ed. Garzanti) olache la protagonista endreza na scola de cujina de chela che ela nes pan trueps secrec; o ence ”Gabriella, garofano e cannella” (Ed. Einaudi), olache la femena embarlumenta y salvaria dl titul ”ha nella vita due sole attitudini, a cui si dedica con la medesima passione: far l’amore e cucinare”. Te tramidoi romans se tira ite te vigni plata l parfum dla cujina locala.

Te ”La maga delle spezie” di Chitra Divakaruni (Ed. Einaudi), abinareise duta la magia dles saoures dl’India do la vedla speziera che mesceida con scentiment semenzes majenedes, ciofs y bromores, te la chirida di bouquets de gusć plu deliziousc te n liber dut da mangé.

I ruvon finalmenter tla Grecia con ”Le relazioni culinarie” de Andreas Staikos (Ed. Ponte alle Grazie): n triangul de intrighes tl sos tzatziki, olache doi omegn tenta de embarlumé i sensc y l cuer dla bela Nanà, te n duel zenza fin a boc de bontés dla cujina elenica, de chela che al nes vegn ence dé les rezetes.

Mi ncësa ie ulache ie mi cufer

de Ingrid Runggaldier

Ëiles de viac zacan

D

De viac jiven zacan, canche n messova, canche l fova de bujën: rëiesc da una na pert al’autra de si reiam, saudëies per i spustamënc de si trupes, popui ntieres per si migrazions, pastri per si transumanzes, zigans te si vita da uni di, pelegrins per si pelegrinajes, marcadënc per marciadé de si marcanzia.

De uni una de chësta grupes fajova nce pert ëiles: i rëiesc y i aristocrac ova si fënans y fanceles, cun i saudëies jiva pea la marcatënderes, sambën fovel nce ëiles pra la populazions migrantes, danter sinti y rom, pastres iel ënghe for stat y nce l’ëiles de Gherdëina, che jiva a vënder zandli, stofs y roba da cujì da cësa a cësa fova cunesciudes dlonchora. Mo ntëur la metà dl dejenuefejim secul nen fovel (aldò dl curat de Urtijëi Ujep A. Vian) n setanta, dantaldut mutans jëunes, che

jiva a vënder si marcanzia te dut l raion dl Tirol y mo plu dalonc.

A viagë fajoven na drëta cania: la stredes fova stletes y da stuep, sce l nen fova.

T’ Europa ovun per secui ntieres lascià destumé aposta la rë de stredes frabichedes dai Romans per se defënder da leresc y nvasores. Per se spusté messovun dantaldut jì a pe o a ciaval, cun calesses ncompres o bastimënc seuraciariei. Nce la ustaries fova suënz mé scialdi ala bona, l maië stlet, i liec da pulesc y da ledam.

Ma chi fova per la prima ëiles che jiva de viac? Ciunes fova pa chëles che ulova viagë per si bujëns prufesciunei o persunei? Y chëles che viagiova per l plajëi de l fé? Te cin pitli chedri ulons prejenté sies ëiles defrëntes che reprejentea sortes defrëntes de pionieres dl viac.

Maria Sibylla Merian Una dla prima ëiles che se à fat n inuem dantaldut per si lëur de tuadëura y artista, ma nce per si viages ie Maria Sibylla Merian (1647-1717). La fova na entomologa uel dì na studiëusa de nsec - n’ artista y n’aventuriera tudëscia. Bele tl’età de 11 ani fovela bona de fé nzijions tl ram, che ti garatova tosc miec de chëles de si mòstri.

La zidlova giates da fol y d’autri nsec per i studië y i reprejenté graficamënter. Chësc ne fova nia na cossa da uni di, dantaldut ënghe ajache i nsec univa ntlëuta mo ratei liei al malan y ala stries.

Do che la se ova spartì da si uem iela jita a sté cun si doi mutans a Amsterdam. Cun una dla doves iela po jita tl 1699, tl’età de 52 ani, tl Suriname, tl nord-ost dl’ America gana

31

DOSSIER la sciables de nosc purtadëures te de pitli sessli de rames de salesc fissei sun stanges, ntan che nosta calesses fova unides tëutes adalerch y univa purtedes da mui. La ududa da marueia sun i crëps curìi da neveres etiernes, sun la nibles che tacova sota nosc piesc, sun i pisciadoies che tumova dai crëps cun brions sëurdënc me ëssa plajù dassënn, sce ne ësse nia tan patì l frëit…

dl Sud. Per pudëi fé l viac àla vendù gran pert de si culezions y chedri, ma la ie nce unida sustenida dal chemun, ajache la fova bele ntlëuta n’artista y tuadëura cunescida. Tl Suriname, colonia olandeja, ie la doi ëiles ruvedes sun n bastimënt da marcanzia. Les stajova n iede tla capitela Paramaribo y pona, nia dalonc, pra na cumenanza de pietisć tl nridlamënt de Providence, da ulache les jiva uni di a fé escursions tla giungla.

Per si gran mueia, à la malaria do doi ani sfurzà Maria Sibylla Merian a s’n unì inò tl’Europa. Tl 1705 iel unì ora, te na cuvierta de cuiam decureda d’or, l’opera prinzipiela de Maria Sibylla Merian Metamorphosis insectorum Surinamensium. Te si vianvieda tlarëscela: A fé chësc liber ne ei nia badà a spëises. Ie é lascià fé la nzijions dai miëur mòstri y me é nuzà dl papir plu prijà, acioche les ti feje legrëza sibe ai esperc d’ert che ai amanc di nsec, a na moda che nce ie posse avëi legrëza, sce aude che son stata bona de arjonjer mi ntenzion.

L viac de Maria Sibylla Merian fova per ëila n viac de lëur te n tëmp canche l ne fova nia na cossa da uni di che n’ëila mpere n’ert y ebe na prufescion. Sibylla Merian ne à cun si lëur nia mé mantenì si familia, ma cun si scuviertes y dessënies àla purtà pro ala scienza y al’ert che fossa plu pueres zënza si cuntribut.

Lady Monatgu y Sophie La Roche De d’autra gran viagiadëures ons cunescënza pervia di scric che ëiles nes à lascià. Una de chësta viagiadëures fova Lady Mary Wortley Montagu, aristocrata y fëna dl ambasciadëur nglëisc tla Talia, tla Franzia y a Costantinopl - na persunalità, ëila, scialdi cunesciuda tl mond nteletuel y soziel dla Nghiltiera de si tëmp. La nes à lascià si curespundënza - lëtres che ne fova sambën nia pensedes a unì publichedes, tan puech sciche si diare, che si muta à brujà pernan che l’oma fova morta ulgan a si dejidere: ajache scrì de sé nstësses, de si pensieres, sentimënc, emozions y esperienzes fova zeche che dantaldut n’ëila ne tucova nia da fé – sce no per na ndrova privata. Publiché tei tesć ëssa reprejentà n scandul, coche l fova n scandul canche Sophie La Roche, l’ava de Bettina y Clemens Brentano, ova publicà si romann “Geschichte des Fräuleins von Sternheim”. Nchinamei l’oma de Goethe ova ntlëuta detlarà che fé vel’ da de tel ne fova nia zeche “da fundamënt” per n’ëila y che fajan nsci ëssela dessegur menà tla desgrazia si mutons.

Dai lecorc de viac dla doi ëiles nëubles ntendons tan sfadieus che viagë messova vester zacan. Dantaldut te raions da mont sciche tla’ Elpes. Te na lëtra a na si cunescënta scrijova Lady Montagu ai 25 de setëmber dl 1718 de si traverseda dl Mont Cenis: L di do ons scumencià a se arpizé sun l Mont Cenis. Unian purtei sun

32

gana

Traversé la Elpes ne fova tl tëmp de Lady Montagu nia plu zeche de nuef, purempò ne fovel nia saurì, y mo manco zeche da se goder. L fat che n ruova inant scialdi plan, cossa che udon al didancuei belau mpue cun uedl nostlgich, fova perdrët na pëina che univa sentida coche desturb y che ne ova nia de idilich. Al scintinamënt purtova oradechël nce pro i stlet ciauzei.

I viagiadëures dla tlasses aristocratiches che pudova se l permëter ne jiva perchël mei a pe. N furnova te calesses o se lasciova purté – sciche Lady Montagu.

A pe jiva mé i pueresc, ai nëubli ti ëssa chël sapù true’ massa stlet, ënghe sce l fossa datrai povester stat scialdi manco ncomper.

Defati, canche Sophie La Roche, “la prima ëila tudëscia a Chamouni y pra la dlacia” se ova tl 1784 lascià purté te n s´ essl a sciabla da sies Savoyarc stersc, messovela se sentì te na situazion, a dì puech, da temei. La scrijova: Plu insù che ruan y plu che mi purtadëures se lamentova, y ie pative cun ëi, canche i audive fladan y jeman adaut. Te n iede udovi dan nëus na luegia de n cënt vares lergia, zënza n lën, zënza na siena, sciche n parëi ndrët cun n ëur lerch mé n doi mans cun sasc melfërmes. Per passé iló messova i purtadëures jì mpue juvier a na moda che dut l pëis de mi corp tumova danjù; per no taché pra i sasc messovi destré la giames; ma nsci petovi pra i piesc dl purtadëur dancà manacian de l fé tumé, y nsci me ëssel trat tl sfundron cun si cumpanies.

Chisc pensieres me tulova dut l snait, unive belau da nescia y restove mé cuscienta, ajache savove che sce fosse unida da nescia, fossi tumeda ora dl stuel zënza che zachei me ëssa judà.

Permò tl 1786, doi ani do che Sophie La Roche à udù l Mont Blanc, ie la piza de

chësc crëp plu aut dl’Elpes unì arpizà per l prim iede da Jacques Balmat y MichelGabriel Paccard.

Sibe per Lady Montagu che per Sophie La Roche ne fova chisc viages nia viages de plajëi ma viages de bujën per via di spustamënc de lëur de si uemes. Viages per plajëi àn permò scumencià a fé relativamënter tert. Mé i rics pudova per l solit se l permëter. Per i jëuni aristocrac nglejes fova n viac sun l cuntinënt, ma dantaldut tla Talia, pert de si educazion y istruzion. Cun l iluminism y plu tert tl romantizism ie l viagë deventà na moda per chi che ova dl’aurela y scioldi assé.

Dal’ëiles se aspitoven de solit che les restësse a cësa a cialé di mutons.

Ida Pfeiffer Ma l nen fova nce de teles che jiva mpo, che ne se acuntentova nia de liejer la cunties de viac scrites dai ëi, teles che fova bones de se desgatië dala ciadëines sozieles che les teniva tachedes al fudlé.

Ida Pfeiffer de Viena fova una d’ ëiles.

La fova nasciuda tl 1797 y si prim gran viac àla fat dl 1842 tla Tiera Santa. Jì de pelegrinasc fova defati ënghe per n’ëila na rejon de viac mesanmënter azeteda.

A uni moda ne se à Ida Pfeiffer nia fermà pra i pelegrinajes: la ie plu tert nce jita tla

Scandinavia y à dadedò fat doi viages ntëur l mond, stajan oradechël per belau doi ani tl Madagaskar che la à esplorà da sainsom nchin japé. Ëila ne reprejentea nia la viagiadëura tipica de si tëmp: la fova marideda y ova mutons, la ne fova nia rica y dantaldut jivela ncantëur da sëula. Sambën, dan pudëi jì de viac se ovela spartì dal uem y la ova aspità che i mutons fova granc y plu o manco ndependënc. A uni moda ne aspitovela nia l’ëura de s’n jì da si uem daulëimel, che ova sparcantà l’arpejon che ëila ova purtà tl matrimone, n uem che la ova sfurzeda a jì a lauré de sucrët coche nsenianta per sfamé la familia – de sucrët, ajache n’ëila te si pusizion ne ëssa nia tucà da l fé. L ne ie perchël nia da se fé marueia sce la scrijova danter un de si viages y l auter: Che Chl Bel Die me jude a abiné adum assé mesuns da pudëi ti auté l spinel a mi cara Austria.

Si viages se finanziovela scrijan articuli sun i luesc ulache la jiva y purtan da iló de reviers culezions de cosses, tieres, plantes che fova de nteres per i museums y la istituzions scientifiches de Viena.

Te n tëmp canche l’ëiles dla tlasses autes y mesanes jiva furnides cun corsec y guanc ncompri ova Ida Pfeiffer bele scuviert la sauridanza de breies y pluses lerges, ma nce de ciauzei basc “sportifs” che ti dajova lidëza de muvimënt. Te cër luesc se furnivela nchinamei da ël per nia unì recunesciuda coche ëila: l fova plu segur. Ma zënza tenivela a si guant da viac persunel, la brëies y pluses lerges y na sort de mantel curt. De se adaté al guant di luesc te chëi che la jiva ne ulovela nia n savëi. L ti ëssa sapù sciche sce la se ëssa mascrà su y na mancianza de respet ti cunfronc dla jënt de chi luesc.

Per avëi vivù tl tëmp dl “Biedermeier” fova Ida Pfeiffer n’ëila scialdi moderna. La ie stata bona de bater tres si ulentà y de se dediché a chël che la fajova plu cuntënta tla vita: viagë.

Na luegia a pert tla storia dl viac tol zënzauter ite la viagiadëures americanes y nglejes. Tla cuncuista dl “west” fova l’ëila aventuriera y esploradëura na normalità. Les fova usedes a se muever da sëules da n luech al auter, zënza la prutezion de n uem, fra o pere. Les fova nce usedes a se deriejer da sëules, a ne messei no damandé a zachei sce les pudova bën fé chësc o chël. L’America fova perchël nce n cuntinënt te chël che ëiles esploradëures univa “azetedes”.

Isabella Bird Coche Isabella Bird. Ëila fova nasciuda tla Nghiltiera dl 1831 tla familia de n preve.

Da pitla y da jëuna fovela scialdi malaticia, ma pernanche la jiva de viac se sentivela sana y nton, ne ova plu degun mei y se n stajova sciche n peësc tl’ega. Perchël ie propi stat l pere che la à sustenida a pudëi viagë. Ël ova nce truepa cunescënzes dlonchora per l mond y nsci pudova ëila ntan si viages for ënghe se lascé sun l aiut de chisc. A chësta moda iela mo ncuei cunesciuda per avëi fat de gran viages tl’Australia, ma pona dantaldut nce sun la ijules Hawai y ti Rocky Mountains, ulache la à fat per n ann alalongia escurscions y arpizedes. Chëstes àla descrit te na lingia de lëtres a si sor, lëtres che ie bonamënter bële unides scrites per unì publichedes y che à mpulsà generazions de letëures. Al didancuei ieles na funtana mpurtanta per chi che ulëssa studië la maniera de viver dla jënt y l’atmosfiera te chëla pert dl’America tla segonda metà dl dejenuefejim secul.

Isabella Bird fova na fotografa apasciuneda y na viagiadëura davierta, zënza la ududes strëntes y arogantes de truep turisć. Cun Jim Nugent, na sort de “desperado” àla tl 1873 arpizà l Longs Peak, n crëp de 4.345 m tl Colorado.

La fova stata la segonda ëila a ruvé sun chëla piza. N generel ne ova Isabella Bird nia debujën de vester acumpanieda y la se nstajova nce gën da sëula. Suvënz

Illustrazioni entomologiche di Maria Sibylla Merian gana

33

DOSSIER fova l sesto iede che la ova purvà a ruvé su. L majer mpedimënt semiova vester si meinacrëp: o che i deventova stlec ajache i ne teniva nia l’autëza, o che i se amalova, o che i fova zonfs y plu ti piesc che de aiut la metan nchinamei te pericul, o che i fova frec. Ma ala fin ti iela mpo mo garateda de arjonjer si fin tan dejiderà.

Permò 24 ani do, dl 1932, ie na spedizion austriaca stata bona de ruvé sun la piza sud dl Huascaran, chëla mpue plu auta.

Annie Smith Peck fova nasciuda y chersciuda su a Rhode Island ti Stac Unifiei dl’America coche sëula muta te na familia de mutons. La ova studià grech y latin, materies che la à nce nsenià per ani fovela propi cuntënta de pudëi jì ncantëur per si fac y avëi si gheneda. Si minonga fova che l sulentum ie scialdi miec che na stleta cumpania y l ie biadum sce cunfruntà cun na cumpania sgricënta. Do vester stata ti Rocky Mountains iela mo jita tl Iapan, tl Tibet, tla India y te truep autri paejes dl’Asia. La à fat su n spedel a Nazareth, un tl Kashmir, n spedel per ëiles tl Punjab y mo n trëi spediei tla Cina y tla Corea. Canche la fova plu vedla se àla dat jù dassënn per la “miscions”, plu che auter, ajache la udova che la populazions nia cristianes fova sfurzedes a viver te na stënta spaventëusa. Isabella Bird fova na pioniera dl’arpizeda ti crëps di Stac Unifiei dl’America y na viagiadëura dl mond. La à scrit de plu libri che conta de si viages.

La ie morta dl 1904.

Annie Smith Peck Canche Annie Peck ie tl 1885, cun 25 ani, per l prim iede unida tl’ Elpes y à udù l Matterhorn ti àl sapù sciche sce la fossa unida tucheda dal tarlui: la se n’ova namurà y la savova che la ne fossa nia stata cuntënta dan che la fossa stata bona de l arpizé! Defati iela po stata la terza ëila a ruvé sun chësta piza – na piza che à mudà si vita. Purempò ne iel nia per l Matterhorn che la ie jita tla storia.

N inuem se àla fat pervia de si prima arpizeda dla piza nord dl Husacaran, n crëp de 6120 m tl Peru – ntlëuta n gran merit, davia che mé puecia ëiles ie states bones de fé prima arpizedes assolutes sun i crëps plu auc dl mond. Sun la piza dl Huascaran iela ruveda dl 1908, l 34

gana

tl Smith College. Ma si gran pascion fova l jì a crëp y l viagë. “Mi cësa ie ulache ie mi cufer” ovela dit n iede.

Cun 61 ani iela mo jita sun l Coropuna (6377 m), l vulcan plu aut dl Peru. Do avëi garejà cun na curdeda de ëi dl’ Università de Yale, iela ruveda saurì sun la doi pizes plu autes dl vulcan erjan su na bandiera cun la scrita “Votes for women” - l dërt de lité al’ëiles. Cun chësta azion àla ulù dé n sëni y purté pro persunalmënter al cumbat per la rejons dl’ëiles. Tres l jì a crëp ulovela oradechël nce desmustré che l’ëiles ie bones, sce les uel, de fé dut chël che n ël po fé. Annie Smith Peck ie morta dl 1935 tl’età de 85 ani.

•

Na Ëra sön le iade de Karin Pizzinini

Iö sön n pas a 4.700 metri tl Ladakh. Raiun budist, insciö portel fortüna tachè sö les bandires dles oraziuns söi pasc

I à la convinziun che viagé, jì a chirì teres dalunc, imparè da conësce cultures desfarëntes dales nostes, à inće da nen fà cun faturs genetics: bele tl 1902 é mi besaun stè tl Caucaso por fà mosoraziuns geografiches. Mi geniturs é rodà feter sura döt le monn. Y iö e sinti de avëi arpè chësta pasciun, chësc dejidêr de me slarié fora.

Döt à metü man tl 1997, canche i à fat mi pröm gran iade tl Ecuador, dassóra. La compagna che ess messü gnì cun mè à messü desdì tl ultim momënt. Dassóra me la debitâi bëgn n püch y i ê bele arjignada da mudé programs, magari essi podü fà val’ roda cun la roda. Bele dui agn denant êi piada ia da ćiasa cun la roda da strada, cun le travert dla Pulia, che i à arjunt do 6 dis y 1050 chilometri de pedalada.

Mo spo éra stada atramënter: l’ofize iadi, olache i m’â bele informè por n jore por Quito, la capitala dl Ecuador, me â ciafè fora n jore scialdi a bun marćé. Ći dôi pa fà? N paîsc tan dalunc, ći situaziun politica él mo dailò, co starâra mo cun la criminalité? Y impò: al ê ma öna na dezijiun gana

35

che i ess podü tó: pié ia. Te chël momënt se à dötes mies tëmes desfantè y i à metü man da chirì informaziuns. An â dër metü man de se colié a internet, y insciö âi tosc albü metü adöm n gröm de informaziuns por ći che reverdâ i cuartiers, i posć da vijité y tröpes d’atres informaziuns ütles. Dantadöt orôi realisé n som: podëii dè na odlada a chël che é por me tres stè n paraîsc: les Galapagos!

I à imparè na cossa importanta, che m’à tres indô daidé, na cossa tan scëmpla che an n’ô gonot nia odëi ite: la tëma vëgn dal’ignoranza! I prighi che an conësc, san co afrontè, y les informaziuns che an à nes dëida capì plü saurì co che an mëss se comportè te situaziuns desvalies.

I ne po nia dì de avëi chirì fora traverć che i à albü tl će da tröc agn incà. Por mè él le iade instëss che me deura strades nöies, canche i röii derevers da n post, nen él indô diesc d’atri che i ess vëia da vijité. Canche an roda, ne comunichëion nia ma cun la jënt dl post, mo inće cun viajadus che an incunta,

sozedô cun i edli y les odlades che an se baratâ, y ara ê cotan plü intensiva co chilò da nos, olache i nes passun por la maiù pert dlungiaìa y i ne se recordun gnanca che che i ùn odü.

Sce an ó rodè te n paîsc forest, spo mësson le fà cun na certa sensibilité, suradöt sce an röia te posć vijità da püć turisć. N ghest che à por nos n cer’ significat, podess orëi dì döt val’ d’ater te n ater post. Por ejëmpl é na aicia sön le će de n pice pópe por nos n sëgn de afeziun, deperpo che al vëgn odü sciöche na gran ofenüda tla pert budista a Bali, deache i osc dl će é ćiamò destacà tl möt.

Scialdi interessant él inće da odëi che le comportamënt dla jënt, an po feter dì le carisma de döta la contrada, é inće influenzè dala religiun. Te mi iade tl Ladakh (India dl nord) d’isté dl 2007, sunse gnüs menà cun l’auto dal convënt de Rangdum, che é budist, ćina a Tangol, nia dalunc dal Kashmir, che é indere musulman. I budisć se la rî deplü, ai salüda bele dalunc, deperpo che la jënt musulmana é cotan plü sceria, ai se ćiara feter cun malfidënza,

Yoshi (Yoshitaka Miyamoto), nosc compagn de Tokyo, dan da n taî de Soba, la jopa cun pasta de poia, scialdi tipica tl Iapann

Öna dles beliscimes portes a Shibam, Yemen

l’esperiënza personala de na porsona é feter tres na bona indicaziun de posć, cuartiers, porsones.

La comunicaziun é por mè öna dles cosses plü interessantes sön le iade. Porchël me sal bel, olache al é poscibl, da rodè dassóra y nia te n iade organisé. I sun stada te posć olache i ê la sóra porsona foresta, y a val’ moda éra tres jüda da rové olache i orô. La comunicaziun zënza savëi le lingaz dl post é valch che an po imparè. A dì la verité, él plütosc valch che i pici mituns sa da fà y che an se desmëntia spo, man man che la vita va inant. Te na certa manira comunichëion sambëgn tres, dër tröp a livel incosciënt. Sön le iade indere impàron da se fà capì cun de vigni sort de lingac. Dër imprescionant me à salpü la comunicaziun cun les ëres tl Yemen. Te chësc stat musulman dl süd dl’Arabia porta feter dötes les ëres le burka fosch y lascia ma odëi fora i edli. Ares ne po avëi degun contat cun n ël che ne sides nia de familia. Sciöche turista feminila âi indere plü saurì la poscibilité de baié impara. Mo la comunicaziun plü sota 36

gana

pormez vëgnel chilò ma i mituns, les mitans resta ascognüdes.

Al é sciöche sce al foss ćinamai i corusc che slominass deplü ia dal’atra pert. O decà da chësta. Al depënn dal punt de odüda.

Ester söl iade é pö suradöt na chestiun de punć de odüda.

Al é important ester flessibli y ester bogn da se “vistì” i edli dl ater. Cun “ater” mini iö chilò chël che i ne conesciun nia, chël che é nü por nos. Le dër viagé n’é nia chël de se fà la coleziun de timbri di paîsc olache an é stà, tl passaport. Sce i oji les plates de mi pass, spo n’él döta na ligna. Iö ti ćiari cun le cör contënt, plëgn de bi recorć, i stempli me cunta de incuntades y esperiënzes che i à fat, ai me fej capì che i n’à nia ma passè ia confins politics, mo che i à albü insciö la poscibilité de slarié fora mi confins personai y spirituai: al depënn spo ma da mé instëssa sce i ô chësta scincunda.

I à fat tröpes de beles incuntades, n valgönes à doré n momënt, trëi varesc, n dé, d’atres é restades vies ciamò por agn alalungia, y n valgönes döra tres ciamò.

DOSSIER I pënsi ala familia Quynh, che m’à invié a marëna te süa picia ćiasa te n paîsc dlungia Hanoi, tl Vietnam. Le pere de trëi pici mituns ê stè a Balsan por imparè talian y podëi traslatè les istruziuns dles mascinns che l’ospedal da Balsani â scinché al Vietnam. Bele rové dailò é stè n’aventöra. Degügn sön coriera ne baiâ inglesc, iö savô ma l’inom dl paîsc y le numer de telefonn de Quynh. Na studënta dër valënta à capì ći che i adorâ, canche i à fat le sëgn dla cornëta dl telefonn y me à condüt ala posta, olache al ê n telefonn publich.

Quynh é rové adalerch, sciöche feter düc dailò, cun le motor, dancà süa möta de 9 agn, iö à podü sentè sö iadedô. La fomena â bele arjigné la marëna tla picia ćiasa: na marëna por na prinzëssa, inće sce ai ess poester le dé do messü trà le ciol.

Por ëi êl n gran onur avëi vijites da tan dalunc. Inće le vedl nene ê rové adalerch, y canche al ê ora por mè da tó comié, él lovè sö y m’à ćiantè na ćiantia franzeja. Al me gnô les legremes: iö, che i n’à fat nia d’ater co dè mia presënza, vëgn onorada da

i ùn lavè or tl rü y odü öna dles bisches plü da tosser che an ciafa dailò. Hector â laurè sciöche acompagnadù por n ressort y laurâ śëgn dassù, iö ê süa pröma tliënta. Cun sü trëi mituns y inće chi di vijins âi tosc fat amizizia, la coriosité por döt chël patüc che i â para m’â tosc tut. Luz, la fomena de Hector, ê plü spaia, mo do trëi dis cujinânse adöm y ara me spligâ ći sort de erbes y de ortams che an ciafa dailò. Hector â lit tröp, mo al n’ê mai gnü fora da Tena, la cité plü daimprò. Y impò âl na conoscënza dl monn che me fajô morvëia, maiù co tröc chilò che é incertlà dai massmedia.

I ti â fat na fotografia a n möt che venô ortams bel metüs fora sön na peza stenüda fora sön n marciapîsc a Varanasi. Al me damanâ sce i ti la ess menada. Sambëgn, sce al me dê la misciun. Al se à rodè y à mostrè sön na gran tofla de Coca Cola. Mi cör s’à trat adöm: süa ćiasa, sciöche chëra de tröc d’atri, ê na tënda de plastica sura le će sön ur de strada.

Mo i ne messun nia jì tan dalunc por imparè da conësce jënt da

Sön chësta chilò el öna dles püces ëres che se à lascè fà jö a Bayt Bows, Yemen

Nüsc ostis Minobu y süa fomena Hizaku a Hakuba, Iapann, nia da lunc da Nagano

na porsona che nen à dessigü passè dles dötes te süa vita! I pënsi ala möta plü vedla, che arà śëgn 18 agn, na möta cun na grandiscima inteligënza, y i me damani sce ëra, sciöche tröc d’atri jogn cun de gran capazitês, à albü la poscibilité de studié y de sfruté sü talënć. Y i pënsi a cer’ jogn chilò da nos, che à tan de poscibilitês y tan püćia vëia…

Al m’é gnü dè n’atra acoliënza comovënta tratan na mëssa a Dennilton, nia dalunc da Pretoria. I ê stada a ciafè pater Josef Knapp da Falzes, che tröc conësc por i cors dl Südafrica che al à acompagné intoronn chilò te Südtirol. La mëssa vëgn ćiantada cun tan de ligrëza y intensité, che ara ne va nia da stè sentà. An lê sö, bala, bat les mans. Ala fin dla mëssa à l’ëra che menâ le cor pronunzié n salüt por mè, dijon a inom de düć cun ligrëza de avëi n ghest che vëgn da tan dalunc.

Dër na bela edema ài passè da na familia tl Ecuador tla jungla amazonica. Hector, che â plü o manco mia eté, me condujô incërch, al m’à lascè ćiarćé le früt dl cacao dër coiü jö de lëgn,

orëi bun. A La Palud tl Verdon, Franzia, n paraîsc dl’arpizada, ânse conesciü Jean Marc, n gran arpizadù y istrutur de arpizada, che vir dailò y coltivëia pomodori y salata, che al vënn spo al marćé dla sabeda. Vigni sëra do n bel dé de arpizada, s’incuntânse cun ël, döes svizeres, n australian y tres indô d’atri, vigni sëra êl valgügn che cujinâ, y la internazionalité dl grup à portè a n barat scialdi interessant de esperiënzes, conescënzes, punć de odüda. Vignun de nos se à sintì arichì y à podü se tó para valch.

Rodè le monn è por mè propi na scora de vita. Le significat de fà n iade é chël de orëi odëi, imparè valch da nü. De daurì i orizonć, imparè da capì manires de vire desfarëntes dala mia, fà esperiënzes, ćiarćé spëises y saûs nöies. Al me dëida slarié les odüdes y me insëgna che al ô ester respet y umilté. Al n’é nia portes davertes o stlütes tl post che i jun a vijité, al é nosc comportamënt che les deura o les stlüj.

•

gana

37

Sinti y Rom – na mendranza nia recunesciuda tla Talia de Eva Rizzin adatamÍnt al ladin de Ingrid Runggaldier

38

gana

DOSSIER

Situazion festidienta La situazion dla mendranzes rom y sintes1 tla Talia ie da avëi festide. Ti ultimi tëmps defati se à purtà pro na lingia de viulazions fundamenteles di dërc de chësta cumenanzes te nosc stat. Ie nstëssa son pert dla mëndranza sinta y ulësse cun chësc articul mustré su mpue la cundizions te chëles che sinti y rom ie sfurzei a viver tla Talia, y prejenté la situazion sozio-poltica a livel statel y europeich.

Ie rate che chësc ie de mpurtanza dantaldut te tëmps sciche chisc che la cumenanzes sintes y rom ie cunfruntedes cun truep fac de agrescion y n atejamënc de razism che semea crëscer da ena a ena.

De dezëmber dl 2006 iel unì giaurì na “ciacia ai Rom y Sinti” che à ravises sotes, ma che ne s’à mo mei manifestà te na maniera tan cruva: ie miene tlo la truepa razies te ciamps de Sinti y Rom zënza pité na soluzion auternativa, ai truep caji de viulënza che ne messëssa nia vester, sciche l ann passà, ai 14 de mei, canche l ti ie unit dat fuech al ciamp de Ponticelli, atacà cun stanges de fier y bombes molotov. Ie miene nce la rondes de scuadres “populeres” che cuntrolea “a dì de” la segurëza dl teritore, ie miene l tò ju la fusties digiteles y la “schedadura” de zitadins talians dla mendranza rom, coche l ie suzedù a Milan y te d’autra ziteies tla Talia.

I caji de descriminazion ie trueps. Y chësta descriminazion ie carateriseda da doi aspec: da una pert dala xenofobia che vën tizeda dai mass media y da cër reprejentanc politics, dal’autra pert da n se usé a chësc.

Mendranza nia recunesciuda Canche l vën rujenà de Sinti y Rom y de si reprejentanza te nosta sozietà fossel bon tenì cont de n valgun fac storics che ulëssi tlo prejenté n curt per mustré su cie sort de azetazion che nosta sozietà à abù y à ti cunfronc de chësta mendranzes che ie prejëntes tla Talia dal catordejejim secul incà.

I Rom y i Sinti ie la majera mendranza tl’Europa. Tla ressoluzion dl Parlamënt europeich dl 31 de jené dl 2008 sun l bujën de adoté per i Rom na strategia a

livel europeich vëniel fat referimënt a 10 milions de Rom tla UE. La ressoluzion cundanea duta la formes de razism y de descriminazion de Rom y Sinti. Chësc ie mpurtant. Defati, mé cumbatan l antiziganism – fenomenn nravisà scialdi sot tla storia - iel da speré che la situazion miurëie. Danz, ajache, i truepiscimi preiudizies ie de rëm per afrunté politiches cun fazion positiva.

A livel europeich iel truepa rejons che ne lascia nia pro che i Sinti y Rom posse avëi na nterazion “normala” cun l rest dla sozietà: -- L fat che la cumenanzes rom y sintes ne ie nia recunesciudes coche mendranza, -- L fat che l ne vën nia respetà la normes y i prinzips naziunei y nternaziunei, -- L fat che la ressoluzions y la recumandazions di organisms europeics defrënc ne vën nia aplichedes, -- L fat che la politica ne respetea nia la defrënzies cultureles y che la ne lascia perchël nia pro na partezipazion ativa di rom y di sinti a duc i livei dla vita soziela.

Al didancuei messëssa i Sinti y Rom tl’Europa avëi i medemi dërc che ti vën recunesciui a d’autra mendranzes, ma chësc ne ie nia nsci, ajache i stac defrënc ne i recunësc nia coche mendranza tl lim de si nfluenza giuridica y de teritore. Tla maiuranza di stac dla Union europeica ne god la populazions rom y sintes perchël de deguna defendura giuridica spezifica.

Ma chi ie pa i Rom y i Sinti?

Suënz canche l vën rujenà di Rom tënden a i cunscidré coche grupa uniforma, omogena cun una na identità y la medema carateristiches – carateristiches ududes o te na maniera massa romantica, o te na maniera estremamënter negativa.

Ma la populazion di Rom ie na grupa scialdi defrenzieda, eterogena, che tòl ite zitadins talians, dla cumenanza europeica y da ora dla cumenanza europeica, reguleres, ireguleres y muciadives. Coche dit, ie i Rom y i Sinti presënc tla Talia dal catordejejim secul. A chësta moda iesi pert dla storia taliana y de chëla de tan che duc i stac europeics. Trueps de ëi ie nce zitadins dl stat te chël che i viv.

*

Eva Rizzin ie na jëuna sinta de zitadinanza taliana. La ie nasciuda y chersciuda su tl Friul, la à studià scienzes politiches tla Università de Triest. La lëura tl Zënter de nrescida y azion contra la descriminazion de Rom y Sinti “OsservAzione”.

Tl articul “Susy Rainhardt - Ein Gespräch zwischen Mutter und Tochter”, tl’ Arunda n. 67 Sinti und Roma.

Eine Spurensuche4 scrij Eva Rizzin dla storia de si familia y dla situazion di Sinti tla Talia.

La conta la storia de vita de si oma, descendënta de Sinti tudësc che à messù pië via dai nazisć y che se à lascià ju tl Piemont menan n zircus y lauran iló coche artisć. L’oma laurova per n carusel. Da pitla ne n’àla nia mparà a liejer y a scrì: ntlëuta fovel mé tlasses aposta per i Sinti y Rom y i autri sculeies i cuienova y i stlujova ora. Chësta ie una dla rejons ciuldi che truep Rom y Sinti ie al didancuei mo analfabec. Per purté pro al mantenimënt dla familia fovela sciche si fredesc sfurzeda a jì a “manghel”, a petlé, o a “bikarel”, a vënder roba da cujì. Eva y si fredesc ie chersciui su te n cuatier. L dejidere de si oma che si muta posse studië y viver na vita denitëusa zënza reneghé si ravises sintes, ma alincontra se dé ju per la cumenanza di Sinti y Rom, se à realisà. L lëur de Eva Rizzin ie al didancuei de gran mpurtanza. Persones sciche ëiles, che se dà ju nteletualmënter y coche ativistes per la cuestion de chësta mendranza, porta pro a smendrì i preiudizies nravisei sot te nosta sozietà, ajache si prejënza desmostra l’assurdità dl preiudize.

gana

39

DOSSIER N sustanza ie i rom y i sinti che viv tla Talia da n tëmp dan i ani sessanta zitadins talians. La majera pert di Sinti che viv te Südtirol ie “Estraixaria”, uel di “Sinti austriacs” che se à lascià ju te nosta provinzia propi ti ani sessanta dl ultim secul. La nfluenzes austriaches ie evidëntes: inuemes coche Adelsburg o Herzemberg lecorda l tëmp dla vedla monarchia asburgica y nce te si rujeneda iel mo fusties de tudësch. Nce la majera pert di ëi ie zitadins talians.

L fat che truep Sinti y Rom à la zitadinanza dl stat te chël che i viv ne vën nia perzepì dala populazion, dut auter: tla cuscienza publica semea ëi unì cunsciderei fulestieres defin. Vel cumenanzes viv te cundizions de emarginazion soziela grieva. Ma l ie nce milesc de rom y sinti talians y europeics che ie zitadins atifs y partezipanc dla vita soziela dl stat de purtenienza o de adozion. L ie dutores, architec, ciantarins, jugadëures de palé rom y sinti che ne dij nia ciuna che ie si pruvenienza per la tëma de unì svantajei – i ie tan che sfurzei a scuender si identità de “zigans” pervia dla descriminazions che i ëssa da supurté.

La rujeneda ròmanes La rujeneda dla populazion di Rom y Sinti ie l ròmanes o “ròmani chip”, na rujeneda de pruvenienza sanscrita, parënta cun la rujenedes dl nord-vest dla India sciche l hindi, l mahrati, l guzurati, l kashniri.2 L ie na rujeneda che vën mo al didancuei adurveda da truepa cumenanzes dlonch ncantëur, ma che n valgunes à n pert bele perdù, scebën che les l’adurvova mo tl dejenuefejim secul. Sciche pra l ladin ne iel nia mé un n romanes. Per seculi ne à i Rom nia adurvà si rujeneda coche mesun de comunicazion scrita y perchël ne ài ënghedeno sentì l bujën de svilupé formes standardisedes, recunesciudes dala grupes defrëntes coche “ufizieles”.

Perchel ne iel ënghedeno una na rujeneda “romanes”, ma truepiscima varieteies che se à svilupà sun na fundamënta sanscrita.

Sciche tl ladin se proa vel linguisć de lauré ora na rujeneda standard che pudëssa avëi la funzion de rujeneda per duc, ma l ie n pruzes scialdi rie y lonch, ajache la varieteies ie scialdi defrëntes aldò dl stat te chël che la cumenanzes viv: l ròmanes rujenà tla Talia ie nfluenzà dal talian, chël ti paejes tudësc dal tudësch, chël dla 40

gana

cumenanzes sun l Balcan dala rujenedes slaves, y chësc se spiedla pona nce tla grafia, cossa che ne sauridea nia l svilup de na grafia unificheda.

A uni moda iel da fé marueia che l “ròmani chip” se à cunservà mpò drët bën ora per i seculi seuravivan uni sort de represcions y deficulteies.

De viers de n recunescimënt La descuscion parlamentera lieda ala lege n. 482 dl 1999 n cont dla “Normes per la defendura dla mendranzes linguistiches storiches” à stlut ora la mendranza rom y sinta da chëles defendudes cun la mutivazion che l ti mancëssa n nravisamënt al teritore. Na lege che tënie cont dla particularità de chësta mendranza ne ie nsci mo nia unida ora y la cumenanzes rom y sintes ie perchël nchin a ncuei zënza defendura spezifica coche mendranza storich-linguistica.

Chësc ie n fat scialdi grief che ie da una pert n sintom dla descriminazion, ma che porta dal’autra pert nce pro a na mo majera descriminazion y al ndeblimënt dla cultura y dla rujeneda di Sinti y Rom. L prim var de viers dl recunescimënt dla mendranza tla Talia fossa la jita n forza, tan tosc che la va, dla pruposta de lege n.

2858 prejenteda ala Camera di Deputac dl 2007 per l slargiamënt dla despusizions de defendura dla medranzes linguistiches y storiches (lege n. 482/99) ai Sinti y Rom. Nsci unissi almanco n pert purtei a n livel che ti semiessa mpue a chël dla mendranzes rom y sintes tla Ungheria, tl’Austria, ti Paejes Tudësc, tl’Olanda, tla Svezia y tla Slovachia.

Tizé l sënn La politica y i media tiza l sënn y l razism dla populazion contra i “zigans”. L ti vën trat dant che i roba, che i viv na vita deslausa, che i cumët d’uni sort de reac criminei. I ruva tla zaites pervia che n ti dà la gauja de rubé mutons, ntussië l’eghes, malterjé mutons y nsci inant – cossa che ie unida fata per seculi. I vën adurvei coche bëch piciadëur per duc i mei de nosta sozietà.

L fat dla prejënza di Rom y di Sinti ie ti ultimi mënsc unì cunscidrà y tratà dala politica coche “desgrazia naturela” y coche “emergënza” che muessa unì

“resolta cun mesuns straurdeneres y cun l’adurvanza de forzes militeres y de pulizai. Ma rujené de “emergënza” y de “alarm soziel” tl cajo di Rom y di Sinti ne ie auter che zinism canche si melvester y la degradazion soziela te chëla che i ie suvënz sfurzei a viver ie struturela. La schedadures y la razies di ultimi mënsc ti à custà al stat talian 3 milions de euro y à nteressà 12.346 persones, danter chisc 5436 mëndri, uel dì mutons y mutans d’età sota i dejedot ani.

Cie porta pa l daunì?

L presënt ne mpermët nia de bon. Zënza recunescimënt culturel y giuridich y avan de contra pertes dla minonga publica ie Sinti y Rom te na pusizion de deblëza. Da fé stome iel che puliticheri coche Giancarlo Gentilini, vizeambolt de Treviso, possa svaië al publich, sciche sce l fossa cioch, frases razistes contra “zigans”, contra fulestieres, contra ëiles, y jënt de religion mussulmana zënza che l ne suzede velch, zenza che l vënie sfurzà a dé ju si demiscions, no, al cuntrer, unian aplaudì.3 La sëula cossa che possa avëi na fazion contra chësta esternazions y contra chësta atmosfiera xenofoba fossa na politica de ntegrazion y recunescimeënt de duta chësta mendranzes y cumenanzes defrëntes che fej ora la richeza dl patrimone culturel dl cuntinënt europeich. Tres la defujion dla cunescënza de chësta cultures, tres nfurmazions nia tendenziëuses pon ti tenì permez ai preiudizies y stereotips misogenns y razisć. Per la mendranza sinta y rom fossa l prim var de viers de na situazion plu denitëusa l recunescimënt giuridich coche mendranza storich-linguistica.

•

1) Rom y Sinti ie i inuemes de chëi che tla rujeneda da uni dì vën tlamei “zigaineri” o “zigains”, che ie perdrët paroles desprijëntes per na mendranza linguistica y culturela cun tradizions vedliscimes.

2) L ie stat l studiëus tudësch Johann Christian Rüdiger a studië coche un di prims l ròmanes y a mustré su la parentela cun l sanscrit.

3) Festa dei popoli, Gentilini. www.youtube. com/watch?v=_WCZNQJkV3E 4) Da: Eva Rizzin “Susy Rainhardt – Ein Gespräch zwischen Mutter und Tochter”, te Sinti und Roma. Eine Spurensuche, dat ora da Elisabeth Tauber, Arunda 67, Löwenzahn.

Che vita él pa a Londra zenza n pub? L Lamb & Flag l’é un di più veies de la zità. Con na bira te man, chi che é rué da doman e chi che spera amò te n doman.

Londra No ruà pa a Londra da les nef da doman e da les cinch da sera da disdalaor se no volede vegnir schicé ite e spentoné con autra mile persones, su e ju per scèles a motor, ite e fora per coridores che no fenesc più, metres e metres sot tera, tant sot da no ge pissèr nience, che se no vegn l mèl del serà ite. Miec fossa ben jir a pè ma Londra la é grana, tant grana e longia che majenède chilometres per jir da n chèrt de n spiz a n chèrt de n auter cianton. A la fin sentirede mèl a vigne pìcol muscol dal jeneie n ju, e per l rest, doous daperdut.

Lascià perder, se no volede sofoèr, la sabeda domesdì e da sera entornvia Piccadilly Circus-Leicester Square e la National Gallery, l cher che bat de chesta gran zità.

Momenc e conseies per na gran zità de Olimpia Rasom

gana

41

Marlene Dumas Marlene Dumas la é nasciuda del 1953 n Sudafrica olache la cresc sù e la studia èrt. Sobito la se n’adèsc del problem de la iustizia sozièla te si paìsc e chest l la segna per duta sia vita personèla e de artista. Dal 1976 la vif e la laora a Amsterdam semper ativa te la politica e tel sozièl. L’èrt de Marlene Dumas la roda dintornvìa la fegura umana, en particolèr chela feminila. L vis o l corp, entrìech o a tòc, semper gran che l te vèrda da tedant. Ben de spes l met n sogezion chi che lo vèrda.

La fegures feminiles de si chèdres les vegn da fotografìes che ela fèsc o che la tol ju da revistes e dapò la les laora fora. Si depenc moscia de spes l’ambivalenza de la persona e chi che vèrda no é bogn de entener i estremes. Donca, chi él la vitima, chi él l sassin?

Chi él zenza colpa, chi él che à la colpa? De chi podone se fidèr, fosc nience de nos enstesses?

A la Tate Modern scomenzà da sunsom: l’é dut n fenestron con na beliscima veduda su la City, endèna beéve n bon espresso talian. E dapodò ju, partiment per partiment, chèdres e instalazions modernes, scultures e videos, mostres del moment e e colezions che muda post vigne cotant. La Tate Modern la é proprio fresćia e viva. E ence se no se troa chel e chel auter che la guida disc che no podede ve perder (ve càpitel ence a vo?), se troa semper zeche da bel da veder.

Doi inomes da se recordèr se ruède chiò: Marlene Dumas e Cornelia Parker.

Cornelia Parker Cornelia Parker la è nasciuda a Cheshire en Inghiltera tel 1956 e la vif e la laora a Londra. L’é na artista che fèsc operes monumentèles con ogec inanimé e desleé anter de ic, ossidé o brujé, desche tòc de legn o de ciauc, per solit taché sù con fii de metal fin che chisc forma compojizions con vita neva. Cornelia Parker se dèsc jù con vigne forma de èrt sperimentèla desche chela dal vif con l’atora Tilda Swinton olache chesta la é restèda per ot ore en dì, per na setemèna, te n còcol de vierech te la vedrina de la Serpentine Gallery a Londra, desche se la dormisse, o desche l film curt olache la intervistea te na forma zis originèla l cognosciù linguist Noam Chomsky.

42

gana

Chi che à de besen ciapa n scagn per spetèr sorì dant che i aure l porton del British Museum. Dapò se va ite per se veder vèlch da bel o ence demò per scutèr mingol de musega e poejìes. Vigne jebia vegn endrezà zeche da spezièl ma no duta la sales del museo les é orides, se ence che l’é assà per jir endò de secoi e secolorum de noscia storia. Files de omegn che va a la vèra (nesciuna neva) e files de fémenes con lumins e incensc (valguna neva). La recostruzion del Partenon de Atene, la pel de l’om de Lindow de passa doimile egn, la péra de Rossella, la sala de la mumies egiziènes paa ben la speisa les veder .

No ge vardà pa massa ai vascìe de la mumies che se no, do mingol, desche a mi, ve vegn pensieres mingol cerc e ruède enscinamai a pissèr coche volassède chel vosc. E se l’é na mostra del moment vardàge, me sà che chiò i sibie feré en fat de storia.

DOSSIER L’University College l’é per Londra, e no demò, na istituzion. Se podesse jir deretorn vegnisse chiò a studièr demò per l gust de veder duc i dis duc chisc colores de la pel e sentir l’odor del mond entriech te n post demò. Da marena se pel magnèr desché i studenc , mingol de couda per n bèst vegetarian che vegn dat fora da n ciaredel che fèsc servije complet, ence la musega tel priesc, ensema al ris e a na bosema che no se capesc. Ma dut fèsc atmosfera, sessaben.

La jent fèsc marindel e marena olache mai, ence en pè, ma soraldut senté ju te pra di giardins, che a Londra i n’à n marudel, te vigne cianton. Che sibie freit o ciaut, i londineisc no abada. Col guant de ofize o en mania curtes. N carnier te man e via con n bèst da pech ma che encontenta. Pojé su per n èlber o via per prà te Russel o Soho Square. Te dant la Tate Modern o te cort de la British Library.

Chest l break a l’ingleisa. Fajélo.

Artisć de strèda, soraldut al Covent Garden olache se troa ence de bela boteighes, ence se oramai troèr zeche de originèl da comprèr l’é na vera fadìa.

L’Europa la deventa semper più valiva n cont de chest. La medema ciadenes de boteighes chiò desche daperdut. Originèi enveze i artisć de strèda, la jent se ferma a schiapes e bat la mans e la moneida no i ge la nea nisciugn. Bel l Covent Garden da doman, zenza jent e con de bela vedrines da se veder en pèsc. Canche rua massa jent bèsta se n sciampèr vindò la gejia de St. Paul te n bel vidor (a la dir duta se trata de na cortina) e senza ac. N bel spiz per se sentèr ju e se pussèr.

•

gana

43

La Virgin a serà sù si “Megastore” te dut el mond coi 21 de mé.

La jent no compra più piates e CD de musega desche zacan. Desćiarièr da internet no costa nia.

Da Pèsca la gran boteiga de la Virgin te Times Square, l cher comerzièl de New York, la era jà sereda. Da ite l’era i lurieranc, ence se de fora jia amò duta la lumenaries. Alicontra l’era avert el megastore te la Union Square. Indèna noscia curta vacanza a New York sion jic laìte dotrei outes, inant da dut per curiosèr, no trop per comprèr piates, CD o DVD. De chisc n’é scafes e scafes spartii sù per stil de musega, inant da dut de ciantarins americhegn che nos no on mai sentù su la pives.

Te sta gran boteighes l’é dut a l’americhèna.

Dintornvìa n inom, na firma, lavìa i usa ge fer de ogne sort de gadget dal lapisc, a la maieta, da la ombrela al portachieves a la voies e auter.

La maieta de la Virgin l’é un de chi souvenir che ades no se podarà più se portèr a cèsa da neguna de la boteighes che ea avert la cèsa discografica ingleisa

nasciuda del 1972 e venuda a la EMI del 1992.

Canche sion jic a la cassa a paèr i ne à dit che ai 21 de mé duta la boteighes de la Virgin essa serà. Cauja: no vegn venù CD, piates e DVD assà. La jent desćèria tras internet da piates web desche I-tunes a paament o da autra piates e programes pirates debant. Vegn desćiarià demò una o doi cianties o ence dut l CD. E coscita la roda de afares la é jita jù debel e no l’é stat auter che dezider de serèr sù la gran boteighes te duta la capitales del mond. Chesta tendenza la no é amò tel Japon, ló che la jent compra amò i CD e la piates.

Aldidanché dut passa tras internet, coscita i ne à dit tel Virgin Megastore de la Union Square de New York, che à fat gran svenudes da de mèrz inant.

A veder cotanta de jent che se n’à emprevalù no s’essa dit che fosse crisa tel ciamp de la musega. Ma la tendenza oramai l’é chela de desćiarièr la musega da internet, miec debant, per la meter dreta te l’i-pod.

Ades l megastore l’é restà te internet con musega, films, libres e auter. La cèses editores fèsc de dut per combater la concorenza de internet, ma se pissèr fora zeche da nef e bonmarcià no l’é segur sorì.

•

La cësa di autri de Wilma Runggaldier Viagë uel nce dì cunëscer: d’autri luesc, d’autra manieres de viver, d’autra cultures.

Y pudëi sentì, coche jënt de n luech viv pudan sté te si cësa ntan che i patrons nstësc ie de viac ie una maniera per pudëi viagë y se fé n cheder plu tler dl post, ulache n ie. N possa tré ìte l spirt de chiche normalmënter viv te chël ambiënt.

Te vel luesc iel na cossa bëndebo normala che n lascia ìte zachei te si cësa, canche n se n va n feries. Nia propi chichemei, ma sce l ie cunescënc de cunescënc, pona possel bele vester assé. N ti dà la crëta y la tleves, y n lascia scialdi dut cieche ie te cësa. L priesc ie do la rata cunveniënt. L ie na mesa via danter afité cuatieres coche nëus son usei a l fé ai fulestieres, y l partì nosta cësa cun amisc.

Me damande: dajëssi pa ie ca mi cuatier o cësa cun duta la cosses persuneles laìte a chiche uel fé feries tlo da nëus ? Co cunscidrei pa ie mi cësa ? Co la vëij pa autri o autres ?

Giaté na majon te n hotel o ostel l’ena dan Pasca a Sevilla tla Spania per ejëmpl ne fossa nia stat mesum. Pudëi giapé pea duta la tradizions ntan l’ena santa, vivudes a na maniera tan sota dala populazionie stata na speriënza unica, bela y sota.

L ie jënt che vëija si cësa sciche luech da pudëi nce partì cun d’autri. Y chësc ie bel y nteressant. L gëura puscibelteies n plu de pudëi se muever, l vën tëut demez sëides te n mond che tënd a deventé for plu y plu daviert y global.

•

44

gana

DOSSIER

Couchsurfing

de Manuela Lafogler ladin de Ivan Lezuo ilustrazion de Francisco Torrecillas Viejas

J

ì nten paisc foresto, cugnësce nuove culture e nuos lengac, se confronté con autre mentalité e nconté l „way of life“ tipich de chël luoch, ci bel che l fossa!

Purmassa despëss no s’à l muot per podei l fè, i cosć i é massa auc e troc no pò sel vaghé.

Polito spò se da nvalgugn agn nca l é la poscibilité de rodé saurì ntourn al mond, de sté souranot debann e de vadagné nfinamèi de de bogn amisc - l „Couchsurfing“. „Couchsurfing International“ l é na organisazion de publica utilité zenza fins de vadagn, che la lieia auna jent da dut l mond.

L’ é stada metuda a jì dal american Casey Fenton, nloutache l à volù passé nvalgugn dis n Islanda e l no n eva bon de ciapé n Hotel a nen priesc che ié jiva ben. Ntánt che l cheriva l é rué prò l scito de l Université islandeje, ulache l eva publiché na lista dei studenc. Nte puoch temp l ava auna 1500 inom e miscion e-mail. Spò l à scrit na lëtra plajëola, ulache l contëva de volei vignì n Islanda e che l cheriva na luoga per podei sté souranot. Nte 24 ore i’à responù da 50 a 100 persone che ava dé sua desponibilté de ié dé albièrch. L s’à cherì fòra na ofièrta e ilò l à passé nvalgugn dis. I parons de cèsa i l à visé ntourn, i’é à fat vedei l paisc e l é nasciuda na bela amizizia.

Ntánt che l sgolëva ndavò a cèsa l i’à pensé soura e l s’à gana

45

DOSSIER

Ence ntel Südtirol troc i doura l Couchsurfing.

Anne e Rudi da Maran i é nánter chisc e i conta: „Davánt n pèr de agn onva dezedù de rodé l mond. N conoscent l n’à fat a savei pur massa tert che l é chëst sistem de sté souranot, coscita no on nia plu podù programé dut l viade co l Couchsurfing.

A Oahu, nte na ijola damprò Hawai, son stèi souranot prò na còpia che la laoráva via per el di e che, pernánche l eva ruada, la ne lasciáva jì nte sua cèsa a dormì. I parons de cèsa i eva dassënn cortejëoi e davòprò i on nvièi a na bona cëna.

On spò fat tapa a Big Island. Nte Internet onve ciapé na còpia, che n’ava perferì na luoga per dormì. Ence se la descrizion che l om l ava fat de dël nstëss la nsonáva dërt aventurousa on mpò dezedù de cugnësce chësta jent. Son restèi de marevoia e ié son ruèi soura de avei troc nteresc deberiada. Coscita on podù se la conté per mpez. Nte sua cèsa l eva ence na fameia co nen pico tosat, ence dëla ruada ilò co l Couchsurfing.

Ntánt che sonve ntel Giapon na studentëssa moscovita la n’à damané via e-mail se la podëva vignì a sté da nos a Maran. La no n é nia juda, ajache sonve demez.

Dëla la n’à mpò nvié nte sua cèsa a Mosca, dapò che onve dezedù de tò la ferata transsiberiana per rué nte la capital ruscia. A Mosca la n’à speté sua mëda che la no n eva nia bona de capì ingleje o todësch.

On comuniché con senns e co le mán tolan ca ence n vocabolar. Ndavò a cèsa a Maran l é vignuda Anja, la studentëssa da la Ruscia, a ne ciaté ntel Südtirol. Ié on fat vedei nosta tièra e ié on dé per dut l temp le cle de nost apartamement, ajache de dëla on podù delongo se lascé su.

Co l Couchsurfing on bu demè de bone esperienze e podon l consié delbon ence ai autri. A chësta mòda on podù tò su contat strent co la jent del luoch, e chëst nten Hotel no l onsepa mèi ciapé. L é ence la poscibilité de contaté n Couchsurfer per passé n puoch de temp nten nuof ambient zenza mossei sté souranot, giusta per n barat cuturèl. Ence chi che perferisc na luoga a de foresti i no n é nia oblighèi a tò su vigniun. Se pò ence refudé n aventor se chëst l dà puocia fiduzia.“ Chi che à ciapé voia e l chier autre nformazion soura l Couchsurfing, l pò giourì la plata Internet www. couchsurfing.com e ié dé na oglada. Poester che se ciapon a passé le vacánze su na couch a Singapur, n Argentina, Canada, Groenlandia...

nentenù che chësta mòda de viagé la podëssa ester na bela pensada per rué nte vigni paisc dalonc e dalèrch, coscita l é nasciù l „Couchsurfing“.

L scito internet l é atif dal 2004 e l à bele plu de n milion de sòzi, che perferisc o chier na „Couch“ per la souranot, e vigni dì n é plu de 2000 che rua laprò.

Sun chëst scito duc chi che vòl pò se cherì valgugn, che nte suo paisc mët a disposizion na „Couch“ per la not e che souravia poester i abe ence estro e temp de fè vedei a suo aventor l paisc con sua jent.

L vit l é debann, l scior pò daidé a fè via i scuf (p.ej. sperfone, cujiné...), coscita i pò se rete un co l’auter.

Chi che se dezide a douré l „Couchsurfing“ l mossa conšideré che l va a sté nte na cèsa foresta o l tòl su jent deldut nia conosciuda, per chëst l é debujen de se nrescì coche l toca davánt de se cherì fòra n albièrch o n aventor.

Per ciapé dute le nformazion che se doura e avei la segurëza che l se trata de na persona fidenta, perferisc „Couchsurfing“ n sistem de control con de plu liviei.

1. „Controlé“: L member l mana ite suoi dac personai (miscion, identité) e l paia ite co na chèrta de credito na picola ofièrta a la organisazion. Chësta la pò controlé dute le nformazion che la ciapa.

2. „Racomané“ N sòzio pò racomané a de autri n auter sòzio.

3. „Fè da garánt“: Sòzi fèsc da garánt per autri sòzi cugniscius per ester jent de fiduzia. Pò fè da garánt sòzi che ven recugniscius coche persone fidente da almánco autri trei sòzi.

Per vigni livel de segurëza, che l member arjonc, ciapa sua plata n simbol de referiment. Per l prum scialin de segurëza „Controlé“ l é nfinamèi trei liviei, ladavò de le nformazion personai che l sòzio l dà ju e che le pò vignì controlade da la organisazion (dac, miscion, e-mail...).

L member l pò dezide cotánte de nformazion su dël nstëss che l vòl mané ite e l no n é tignù a rué prò vigni livel de segurëza.

Nte la cherida de na ofièrta o de n scior chisc simboi i pò daspëss ester de gran valuta, conforme la mportánza che la segurëza l à per l sòzio.

•

46

gana

Hostels ora per l mond

de Martina Goller

N viac: ulà vedi pa? Cun chi vedi pa?

Ce mesuns toli pa? Y dantaldut ulà dormi pa?

A chësta ultima dumanda iel saurì respuender sce n va te cër posć tl mond ajache l ie tler: te n hostel. Te n hostel ne iel nia cër, me sënte segura, posse me cujiné velch, ma dantaldut ne sons nia da sëula. Mi esperienza persunela tl’ Australia ti hostels ie stata dassënn positiva ajache ne ove mei abù l’ucajion tla Talia de mparé a cunëscer na tel strutura. Tlo da nëus iesen usei a durmì te n hotel, n garni o na pension y n ne se aspieta nia de giaté n linzuel da liet drucà tla man pra la reception. L ie gran pert jënt jëuna o ulenteres che lëura te n hostel, che te juda inant canche n ie n dificultà ma che te dà ënghe nfurmazions sun l post da vijité y sun duc i autri hostels de chëi che n possa se nuzé. Cossa primera ie chëla de messëi se tenì ala regules dla cësa per l respet de viers dl proscimo y nsci scumëncel canche n

va te majon, n se chir ora l liet, l castl y n se saluda cun la cumpanies te majon cun la dumandes plu scëmples sciche: co es’a inuem, da ulà vënies’a y ulà ves’a? N se leva ju tla dusces spartides per ëi y ëiles, che, tenides nëtes, ie suvënz plu beles che cërtes ti hotiei te ziteies. Chiche à fam va a cumpré ite y se cujina velch te cësadafuech, ulache uni un se cujina chël che l ie usà a maië . Sce n se nmagina che n se anconta danter Australians, Europei, Americans o Cinesc, po possen uni sëira maië autramënter; cun na bona pasta taliana fejun paruda, ajache i spaghetti plej dassën a duc! Daldò vala de lavé ju la fanes y uni un a na tascia ulache l se tën su si roba per l di do. Te na cësadafuech de n hostel iel i alimënc primeres sciche sel, pever, zucher y n.i. da tò ca y l ie for na persona che juda a rumé su y che cëla che l sibe dut al orden. Dut l di ie davierta la bar o datrai ënghe l local cun mujiga ulache n se bev velch

n cumpania. I priejes per durmì na nuet ie mesanmënter danter 15 y 25 Euro y la buandes ie a bon marcià y n possa nce les tò pea nstësc. Gran pert ne stan te n hostel nia de plu nuetes ajache sce n va de viac po cëlun de udëi l post y po van inant tl proscimo luech. L hostel vën nuzà da persones jëunes che va de viac da sëules, ma nce da families, che ne po nia spënder massa o da persones che viagia per lëur y chir cumpania tl tëmp liede. N hostel ie n post ulache la comunicazion ne vën mei a mancë y n à la puscibltà de cunëscer persones defrëntes cun si manieres de pensé, si ideies y si cultura. Hostels gëura l marcià dl turism a jënt jëuna, i «backpackers», y chësc purtëssa n vënt de aria frëscia per chël che reverda la cunescënza de nosta jënt per n’autra maniera de viver, cultura defrënta y forma de ti jì ancontra ala vita cun n pensier de lidëza y pusciblteies sun ciuna streda to.

•

gana

47

der Anneliese Knapp Weintraubengasse 23 a Via Grappoli - 39100 Bulsan Tel. 0471 973353 - email: anneliese.knapp@tin.it

1

Proverbs y aforisms

Chi che pieia via mona vegn de outa mona Chi che vuel s’en sté ben stae a ciasa Proverbe talian Cie che te ne veides tl jì da ciasa a la stazion ne veideste nience a jì doi iadesc entourn al mond L significat dl viagé sta tl valivé fora la imaginazion con la realté, y empede pensé coche les cosses podessa ester, les vedei enscì coche les é (Samuel Johnson) Valch persona va a fé feries dantaldut per compré chertes da mané, sceben che al fossa plu da fondament se fé mané les chertes (Robert Musil) Les persones che se sent dlonch a ciasa olache ales va de viade ne se merita ence zenza nia gran creta (George Bernard Shaw) Viagé é mortal per i pregiudizes.

Mark Twain (1835 - 1910) Sce te vas sun i creps spo veideste ence dalonc (Proverb asiatich) Ciala de avei gen dut cie che te porta demez, per ejempl camiei y ciavai.

Al é plu emportant coche te vegnes che olache te vas, perchel ne dassessanse nia lié nost cuer a n luech. Al messessa ester n prinzip de nosta vita che an ne é nia nascius per n soul cianton, ma che dut l mond é nost daciasa Seneca Viagé educheia dassen, al dejusa da duc i pregiudizes de n popul, dl crëidum, dla familia, dla educazion. Al empartesc n sens uman y pazient.

Chi che ne à alincontra mai vedù auter che chel che é tla sfera te chela che al viv, miena tost che dut chel é unich al mond y toca da ester enscì, ajache da el a ciasa él enscì y vegn raté dret Immanuel Kant (1724-1804) La vita é sciche n viade y chi che é demé puech de viade, liej demé puech de chest liber!

Jean Paul (1763 - 1825) Trueps s’enten massa tert de cie che ai se à arjumé: compagns, les belezes dla natura, la sanité, l viagé y la cultura, perchel persona, sies coscienta!

Viagé nobiliteia l spirit y desconjureia duc i pregiudizes.

Oscar Wilde (1900 - 1956) Viagé é la maniera plu incompra y cera de emparé - perchel se à i ingleis spezialisé lassù.

Va plan acioche ruvon dant a ciasa

(Proverb di beduins)

gana

49

DOSSIER

Test y foto de Wilma Runggaldier ladin de Tone Gasser

P

aula Schanung dl Hotel Gran Ćiasa da Calfosch à rové la sajun da d’invern te so hotel da 90 leć. Ara orô bele da n pez incà imparè inglesc. Insciö àra frecuentè n curs gnü tignì tla Val Badia.

Mo śëgn ti gnôl imënt de messëi ćiamò fà n vare: s’un jì da sora te n post forest a l’imparè damì y a vire n valgönes edemes danter jënt che baia mâ chël lingaz.

Le post olâ jì ti ê gnü aconsié, mo döt le rest s’àra instëssa chirì fora dla rëi virtuala dl internet. Ara à tut la dezijiun de stè demez n mëis, zënza amisc y parënć, y de se sciuré ite deplëgn tl inglesc.

Süa familia, l’om y dui mituns do la rata bele gragn, l’à dër sostignida te chësc proponimënt. Dantadöt fa ćizé por sè instëssa ti sa important. Imparè inglesc ê n so pice som che se lasciâ realisé. I mituns l’impara te scora bele da pici insö, y ëra sciöche fomena y uma jona y dinamica ô tignì vare cun i tëmps y nia ester da manco. An adora i lingac tres deplü inće tla comunicaziun da vigni dé che sozed incö tres deplü tla rëi mondiala virtuala.

Inglesc é n lingaz che Paula adora inće te so laûr ch’ara fej cun gran profescionalité y dediziun, don n bun ejëmpl.

Paula s’à tut dant de jì a stè te chëstes edemes pro na familia a Galway. Sc’an ô, él la scora che chir fora na sistemaziun aladô.

50

gana

Per nglëisc, please!

A d’ëra ti àra dër buté: ara é rovada tl zënter dla cité che à incër 70.000 abitanć, te dër na bela ćiasa. So “host mother”, la patrona che ti dà alberch, é na estetista che se tol dlaurela por ëra. Ara ti arjigna da gustè, ti dà les informaziuns ch’ara à debojëgn y la dëida can y olach’ara po; döt por inglesc sambëgn. Insciö pora odëi te na manira plü sota coche la vita da vigni dé é te na familia tl’Irlanda, y l’esperiënza devënta plü sota y rica.

Les fins dl’edema s’organisëia Paula datrai deboriada cun i compagns de scora, por jì a ti ćiaré ala beliscima contrada incër Galway amesa l’Irlanda. Al é parcs naturai demorvëia: Connemara, Cliffs of Moher, les ijoles Aran …

La scora vëgn frecuentada da porsones de vigni eté y che vëgn da vigni pert dl monn: Iapann, Tenerife, St. Gallen, Marseille,

Zaragoza … Les motivaziuns dles porsones che é dailò é dër desvalies; dala studënta jona che ô avëi deplü poscibilitês de ciafè n laûr, dal ël de mesa eté che à pordü so laûr por la crisa economica, a porsones plü de tëmp che ô rodè por le monn, y che adora inglesc por se fà plü saurì. Düć y dötes é a Galway por le medemo fin: chël de imparè deboriada. Na bela esperiënza intergenerazionala.

I à tut l’ocajiun de intervisté Paula, deache iö ê inće tl laûr da fà le medemo sciöche ëra.

I ne se conesciôn nia y canch’al ê da se presenté un cun l’ater te scora, l’ài damanada: “Where are you from ?” (Da olâ vëgneste pa?) Ara m’à respognü: “From the north of Italy, exactly Alta Badia “. “Bëgn chël?” Ti ài respognü cun na bela riüda.

•

Mia Ozitania

di Elisa Nicoli ladin de Magdalena Gasser I à conesciü Riccardo Carnovalini, n fotograf y n apascioné por iadi a pé, pro na festa dl’assoziaziun La Boscaglia ala fin dl 2007. Al presentâ les fotografies de so ultimo iade a pé, 80 dis sön la costa incër la Sardegna. Na belëza naturala che vëgn rovinada dal petun de frabicać ćina pormez al mer. Al é ste na fotografia de n ciüf, chersciü sön n col de saurun danter le ciomënt, che m’à sburlé a imparè da conësce damì Riccardo. “Y sc’i t’acompagnass cun la telecamera sön le proscimo iade?”, l’ài damanè. Al scutâ y me ćiarâ, y spo al azetè mia proposta. Te chël momënt à mia vita mudé direziun.

Cun Riccardo sunsi jüda de messè dl 2008 sön la costa dla Liguria, da est

a ovest, da Marina di Carrara ai Balzi Rossi de Ventimiglia: 19 dis de iade, 390 chilometri. La pert daíte dla regiun é rica de cultura y de storia deperpo che la pert sön le mer é gnüda desdrüta inće chilò da frabicać de zemënt. La proprieté é tles mans de püć che à indere la maiù pert dla richëza economica. I à realisé n documentar, cun le material ch’i à tut sö tratan mi iade.

Tappa Rieussec-Menerba

N dé m’à Riccardo cuntè de so proscimo proiet, chël de pié ia cun süa compagna y na familia dl’ozitans cuntra l’Ozitania.

Al m’à damanè sc’i â vëia da jì impara y zënza ponsè sura dui iadi, ài dit de scê.

Le tru é n elemënt fondamental te mia vita. Jì chilometri y chilometri tla natöra gana

51

DOSSIER

Tappa S. Cecile-Pont Saint Esprit

salvaria, ti jì do al mudamënt pëigher dl teritore zënza avëi val’ de mecanich che despartësc mi corp dala tera. Trà ite tofs, ti jì do a löms, ciafè la sostanza reala. Sc’i va a pé, spo sunsi buna da superè la destanza che i mürs, l’asfalt y la tecnologia mët danter mé y mia essënza, la medema che é tles plantes, ti tiers, ti minerai che me cercenëia.

I ê entusiasmada da podëi imparè da conësce teritors nüs, i sun atira jüda a me chirì l’Ozitania sön la cherta geografica. I minâ ch’ara foss tl Piemont. Mo i ne l’à nia ciafada. Canch’i à descurì ch’al é n teritore enorm de 13 miliuns de porsones, slarié fora te 12 valades dal Piemont, ala Val d’Aran tla Catalugna, Spagna, êl oramai massa tert da desdì. Le iade dorâ 63 dis, ê 1300 chilometri lunch y jô por la costa dla Francia meridionala. I dô pié ia ai pröms d’agost y rové derevers ai pröms de novëmber.

I atri sis compagns de iade ài conesciü püch denanche pié ia. La compagna

52

gana

scioda y chîta de Riccardo, la copia de dui da sessant’agn che é protagonisć dl film “Il vento fa il suo giro”: ël fej le pros ombolt y ëra la ria postina. Ël à momënć olach’al se stlüj te sè instës y momënć olach’al ascuta sö cun gran coriosité les porsones ch’al incunta sön le iade por podëi cuntè cun gran pasciun les stories ch’al à aldì. Ëra é la regista de döt ći che sozed, ara mantëgn l’ecuiliber tl grup de set porsones che é nasciü por caje. Cun so fisich debl ne s’ess degügn imaginé ch’ara ess surpassè la pröma edema, mo ara ne n’à gnanca lascè fora un n dé, inće cun mè tl col y ales iames. Al ê ćiamò na copia: ël 25 agn, ëra 34. Ël é le möt dla copia de dui ozitans y baia perfetamënter dui lingać, al é dër lié a süa uma y socodësc dant y do süa cherstiana, che à na gran sensibilité y che é dër daverta cun i atri. Chisc ê mi compagns de iade, düć atramënter. Por fortüna ne n’unse nia albü tröc momënć de conflić y de crisa. Sön le tru nen gnôl

Tappa Vinadio-Pietraporzio

Elisa Nicoli

tres indô pormez, datrai ênse plü de cënt.

L’ozitan é n lingaz reconesciü ofizialmënter mâ tla Val d’Aran, tla Catalugna, tla Spagna.

Tla Francia vëgn chësc lingaz conscidré sciöche n patois, n lingaz ch’an adora da baié cun i tiers. Le govern à orü slarié fora le franzesc, ti tolon ai lingac regionai (le basch, le bretonn, l’alsazian, le francoprovenzal, le piccare, le catalan, le cors,…) süa importanza y ti don le medemo valur de n dialet. Te scora êl proibì da baié ozitan inće ćiamò do la secunda vera mondiala.

I scolars che se falâ, gnô castià. “I me dodâ, canche mi pere baiâ cun le diretur dla scora, deach’al ne savô nia da baié bun franzesc. Pormò cun i agn ài capì che te mia familia gnôl baié n dër lingaz y i à metü man da ester brau de mi pere”. Tratan le iade unse aldì tröpes cunties dla popolaziun ozitana. Dötaurela él la jënt sura i 50 agn che se doda da baié so lingaz dla uma. Al é ste Dante Alighieri tla Divina Commedia che ti à dè n inom y n status ofizial al lingaz y ala cultura ozitana. Al desfarenziâ danter le lingaz d’oil che é deventè le franzesc y le lingaz d’oc, che ê l’ozitan. Mo pormò tl 1800 èl gnü cherié n lingaz comunn dl ozitan dales Alpes ai Pirenei. La maiù pert dla popolaziun, che baia ozitan, reconësc al dédaincö l’ozitan standard.

Vinado, la val de Stura, Piemont. Zirca 50 porsones, y an pëia ia. Mâ dui dis

tratan döt le iade él sorëdl che ne se lascia nia odëi. Munts y coi tan desvalis dala contrada de Südtirol olach’i sun nasciüda: plü salvari, manco abità, da na vegetaziun dër desvalia. Al é plü chît. Les Alpes. I sasc scürs, i bosc, i rüs, les ćiases fates de pera, i lersc, le guant tenü alaleria, le profil de d’atres pizes tl orizont. Le bel parch nazional dl Mercantour. Spo röion tla Provënza, cun sü ćiampoprà y sü bosc da fëia. I bugn tofs dles erbes aromatiches, dla lavanda, dl mesaronn, dl rosmarinn.

Tröpes müies da fićiuns. Y spo les vignes apé dl Mont Ventoux. I passun ia le Rodan cun so zënter nuclear y i rovun tla Languedoc. Tres indô rovunse pro de pici paîsc de pera, abità da jënt atempada o da ricuns da foradecà che à cumprè na ćiasa öta la trasforman te n pice palaz. Do la zona dles Cevenne cun sües pastöres y sü lüsc isolà rovunse sön na planöra alalt olach’i ciafi la sensaziun de liberté. Tl Larzac à i paurs ti agn 70 combatü pazificamënter cun le partì dla man ćiampa y le movimënt ozitan por mantignì sües teres cuntra l’espropriaziun militara.

Tl Minvervois, tera dl vin, y a Carcassonne él da odëi tröc ćiastì olach’al é gnü combatü cuntra la sotmisciun dla Franzia dl Nord che dominâ dal 1200 inant la politica y le lingaz. Lajö, les

prömes pizes da nëi di Pirenei. Spagna.

Les ultimes döes tapes danter munts altes. Tratan le iade s’àl formè n grup che baia l’ozitan, catalan, castilian, franzesc, talian y cinamai fascian. Na delegaziun dla val de Fascia é gnüda pormez tl’ultima pert.

I à tut sö döt le iade cun mia telecamera.

Al é sté dui mëisc interessanć mo inće sfadiusc. Le documentar vëgn presentè le pröm iade tl festival dl cinema bilingual (catalan y ozitan) “Llanterna digital” a Lleida, tla Catalugna, Spagna. Chësc movimënt à metü man cun na picia assoziaziun de ozitans piemontesc che à inom Chambra D’Oc. Le fin prinzipal é chël de scrì ite le lingaz y la cultura ozitana sön la lista dl UNESCO, che é gnü metüda sö dan da püch y che scona i bëgns imateriai dl’umanité.

Y en chësc ann pëion indô ia. Te gnanca n mëis junse a ti ćiarè ales 12 valades ozitanes dl Piemont, dal 14 de jügn ćina ai 12 de messè.

N iade nü, d’atres incuntades, esploraziuns nöies y n documentar nü.

•

Por informaziuns plü detaiades contatede l’assoziaziun Chambra d’Oc www. chambradoc.it, chambradoc@chambradoc.it. gana

53

Proverbs y aforisms

2 de Magdalena Gasser

Chi che à n iade fat l meinaturisć à bele passé via l purgatore Emilio Tacchini La majera pert dla jent va demé de viade per podei endò jì a ciasa (Michel Eyquem de Montaigne) Degugn ne vegn de outa a ciasa da n viade coche al fova pié via (Graham Greene) Demé viagé é vive, coche vive é viagé (Jean Paul) Dl viagé desturba demé i cosć (Michel Eyquem de Montaigne) Pro l viagé toca pazienza, coraje, n bon umor, desmentianza di festidesc a ciasa, y che an ne se lascia nia bate ju da caji desfortunés, dificoltés, burt temp, sclet mangé y enscì inant Adolf Freiherr v. Knigge (1752 - 1796) Viagé gauja dantaldut empifamenc sun les autostredes (Michael Schiff) Esperienza de viade: vigni viade é dla ultima ora massa lonch (Alfred Polgar) Mana de viade l fi che t’as plu gen (Proverb dla India) An ne viagia nia plu debota y plu a n miour priesc che con i pensiers (Georg Weerth)

54

gana

M

ia vita movimentada, la vëia da jì y la sensaziun de n’avëi nia ćiamò odü assà à metü man cun n iade organisé por imparé inglesc. I me recordi avisa ch’i ne n’â degöna vëia da pié ia, deach’i ne conesciô degügn y le pinsier de messëi stè trëi edemes zënza mama y tata me pesâ tröp.

Cun mi geniturs ne sunsi mai dër rodada, diesc dis al ann al mer y val’ jita la fin dl’edema, mo i ne me recordi nia ch’i fóssun pià ia insciö, cun na tënda o por caje zënza avëi n plann programè. Te chi agn ne savôi nia ciamò, tan interessant y demorvëia che le monn é y i m’acontentâ da rodé anter i confins de mia contrada ladina.

Chësc pröm iade à basté por ćiarcé la saù dl ester sön tru, chë saú da ciamò.

Al é passè plü co diesc agn da chël isté, olach’i sun jorada le pröm iade, olach’i sun stada en compagnìa cun jogn y jones de döt le monn. Y tratan ài podü odëi tröpes de beles perts dl monn. Da ćiasa infora ài ciafè tröp sotëgn y liberté. Mi geniturs â tröpa confidënza y crëta te mè, forsc ćiodiche i ti cuntâ scialdi ma dles beles perts de mi iadi y manco di prighi. I à l’impresciun ch’ai me capësc tres deplü.

Cun le tëmp é deventé l’ester sön tru na carateristica de mia vita. Chirì fora destinaziuns nöies y savëi ch’i po tosc indô pié ia, àlda n pü’ pro mia porsona.

Mia só me dij tres indô che ëra ne foss mai buna da fà na vita tan movimentada.

Do ch’an é rovà a ćiasa, defata fà le poch y indô pié ia…

I à bele porvé fora deplü formes de iadi: iadi de stüde, iadi lià a inćiaries de laûr, iadi de volontariat, iadi da sora, iadi cun compagns ...

Tl pröm me stentâi da fà le poch, i me tolô do trö’ massa patüc, ch’i n’adorâ spo nia. Śëgn cun l’esperiënza, ài tosc fat, y plü ion me toli do n ruchsach, che é manco compliché. Al

DOSSIER

Fà le poch y pié ia...

Ester sön tru ô dì por mè: fà conferta cun d‘atri, se tó dlaurela da ćiaré incërch, ćiarćé les spezialitês dl post, se senté jö tla plaza dl paîsc y conscidré la jënt che passa, ester sora cun mè instëssa, se fà demorvëia tan daverta y acoliënta che jënt po ester, se tó para impresciuns, imajes, corusc, idees y d’atres manires da odëi le monn podëi ester se instësc, zënza messëi mëte sö val’ mascora, baié te tröc lingac, ascuté sö i atri, cunté de mia cultura, de mi lingaz ladin.

Ester sön tru da sora, cun d’atri, por d’atri.

ne po nia manćé n pice sföi, olach’i me scrii sö incuntades interessantes, posć y localitês y sambëgn na lista de misciuns de porsones dl post, ch’i conësci bele o ch’i impararà da conësce. Cun la tecnologia moderna dla comunicaziun él saurì da mantignì contać tres internet, facebook, couchsurfing y d’atres poscibilitês.

Ester sön tru te dà la poscibilité de fà conferta, de incuntè jënt y de rové te situaziuns interessantes, sciöche les situaziuns de familia olach’i à laurè au-pair a Paris y söl’ijola de Wight tl’Inghiltera. Les plü beles esperiënzes ài fat te paîsc olach’i capësci y sa da baié so lingaz. I me recordi ch’i stô dî a baié cun i abitanć de de pici paîsc arbandonà tla Galizia, sön le tru de Santiago. I â l’impresciun ch’ai â debojëgn de cunté de süa vita, de sü agn da jogn, dla storia de süa patria, dla situaziun atuala. Ion éssi albü pro mé n aparat da tó sö chëstes testimonianzes. Interessant êl inće da rodè fora por i paisc dl nord dl Portugal olach’al ne n’é nia tröp turism. La scëmpelté y l’acoliënza di abitanć, che se tolô sö sciöche amisc, ne ciàfon apëna chilò da nos. Te chisc momënć sënti la belëza y l’importanza dl partì, dl sté adöm y dla conferta danter jënt de deplü nazionalitês.

Sc’i pënsi ala Provence tla Francia me sal de odëi y tofè les largöres di ćiamps bröms de lavanda. Odëi les situaziuns en realté che nes vëgn portades dant döt atramënter dai massmedia, sciöche la vita di palestinesc te sü entlafs tla Tera Santa. Inće le tëmp de volontariat tl Perù, les vijites a families sö por les munts, che vir cun chël püch che la tera ti dà, y le contat cun chë jënt ala buna à lascè te mè impresciuns dër sotes. I ne me desmënti nia les mamitas sön i marćià dl’America latina te sües goneles infizades sot a sü ćiapì cun na schira de mituns incëria che prô da vëne chël püch ch’ares à laurè decà.

•

gana

55

DOSSIER

N viade ite te nos enstesc: te nost mond, te nosta cultura

de Daria Valentin

56

gana

Rodé l mond ne vuel nia demé dì vedei teres y contredes folestieres, rodé l mond é cotant deplù. An empara da conesce persones, jent, sclates entieres che é autramenter che nos enstesc, che se desfrenzieia per sie colour dla pel, per sia cultura, per sie lengaz.

Dut chest desceida coriosité ite te nos: i volon imparé da l conesce, i volon se confronté empera. O al pò ence sozede l contrar: al pò ence ester che i s’architonse dant da chest, che i se bloconse y che i se sclujonse te nost pice mond.

Y te dut chest prozes sozédel n tel pice strinec - spo él pa unfat sce i ti jon permez a cie che nes é folestier o se i nes rodon sun nos enstesc: tl moment che i ti jon permez a n paisc nuef, a na contreda folestiera se gnonse a nos enstesc n vare plu daimprò.

Can che i vegnon en contat con valch de folestier toconse n termen de nosta natura, de nosta personalité. Y enscila emparonse da nes conesce enstesc n puech plu a fonz, i vedon pertes de nos che i ne conescioven povester nia ciamò. I enconton ciantons de nost carater o de nosta identité che i ne savoven nia de avei.

Canche i jive a scola ài abù personalmenter la poscibelté - sciche perauter truepa jent te nostes valedes - de ruvé en contat con n valgugn lengac foresc’. Bele can che i m’à chirì fora la scola fovi coriousa da emparé da conesce chestes realtés, da emparé les

paroles che m’essa permetù da viagé fora per contredes folestieres y da entene la jent che essa vivù ti posc’ che i ess vijité.

Dlongia i lengac foresc’ damanova la scola ence che an emparassa n auter lengaz, n lengaz che ne vegn aldidancuei plu rejoné te degun stat te sia forma originara: l latin. I me recorde ciamò avisa l prum di de scola, canche al fova ruvé te clas l diretour con l orar. Entant la paussa me végnel permez na compagna da scola y me dij: tan bel che t’as tu, tu n’as nia bria de emparè latin, ajache te l rejones a ciasa. Ie ti é cialé y ti é dit: pu no no! Ie ne rejone mine latin no!

Chel che ie rejone é ladin, che à tant da en fé con l latin sciche l todesch o l talian. Ite te me m’éi pensé che chela joena ne fossa mei ciamò steda te mia valeda. Ala savova che al vegniva rejoné n auter lengaz respet al sie, ma ala ne savova nia cie lengaz che al fova. Oramei él passé passa vint agn da chela esperienza, al é vegnù fat truep per che nosc joegn ne ruve nia plu te de tel situazions, ma empò réstel n puech chela sensazion che an ne conesce nia assé cie che an à dlongia. La jent d’aldedancuei roda tant lonc, al nen é che va tl’Africa, t’America, tl’Asia. Te n grum de biei posc’ esotics. Mo tant ròden pa te chel che an à dlongia? Tant conéscen pa l paisc dl vejin?

Ruveda la scola auta sonsi arsida ju per la Talia, indò a studié. Y indò ovi da splieghé da olache i vegnive. En chest iade se

Foto: Wilma Runggldier

complicova l descurs ciamò deplù, ajache dut cant fova plu gran. Les chestions nia conesciudes ciamò deplù. N di sonsi tacheda pro na parola: ie vive te Südtirol, tl Land Südtirol. Co podovi pa fé da ti traslaté chest conzet a mi compagns? Co ti splieghi pa cieche l Land Südtirol é? Samben, i pò ben me daidé fora con Provinzia de Bulsan.

Mo é pa chest ben la medema cossa?

Viadedò l Land Südtirol él duta na mentalité, na cultura, na maniera de vive, che ne corespuend nia a chel che an capesc sot a Provinzia de Bulsan. Doi monds culturai y linguistics daldut autramenter. Does realtés de n vers tant dalonc y empò tant dlongia.

Da chel moment inant ài metù man de ti cialé con d’autri uedli ai viadesc che i fajove fora per i lengac y les cultures che i encontove. L todesch y l talian é i prums doi lingac con chi che i vegnon en contat.

Al é saurì da s’enconté te chestes does realtés, dantaldut nos ladins messon se confronté belau di per di. Mie laour me permet de me dé ju dret tl menù con i doi monds y de confronté, de rodé la parola te vigni sia pert. Y tres indò sauten te dificoltés sce an vuel lié adum les does realtés. Datrai vàla da porté la parola da na spona a l’autra, datrai s’archìten amesa troi, datrai dàn enchinamei outa, ajache ala ne va nia da tré l saut.

Y l ladin? Co ciàlela pa fora con i viadesc te nost lengaz dla oma? Chel é n mond dut da descurì. Al é jent che se tol a dì che i viadesc culturai y linguistics te nosc mond é plutost curc, che ala va demé da dì fora certes cosses te una na maniera, che dut l rest é talianism o costruzions che ne sta nia empé.

La domanda che me vegn te chestes

situazions é chesta: chi che dij valch da de tel, tant de outes s’ài pa metù sun l viade fora per les semenes de nosta cultura?

Tant de viadesc ài pa esploré l monn dl vejin? Y tant conesci pa sia realté?

I é giaurì chest articul con la osservazion che vigni viade che i ti jon permez a n paisc nuef, a na contreda folestiera se vegnonse a nos enstesc n vare plu daimprò. Chest vel dantaldut per i viadesc che i fajon con les paroles. Spo él pa unfat sce ala nen va de ladin, de talian, de todesch o de ingleis.

Tl moment che i messon nes confronté con la parola de n’autra persona onse n spiedl dant da nos che nes mostra co che nos comunicon, cie paroles che nos adoron y sciche i reagion a les paroles dla persona che i on dant da nos.

Chesta é na gran scola de vita, nia demé a livel linguistich, ma dantaldut a livel personal. Ajache i on la poscibelté de vedei tant flessibli, tant toleranc, tan daverc che i son. I podon vedei sciche i tolon su l’autra persona, chela che i on dant da nos. I podon fé la esperienza de nes confronté con valch che i ne conescion nia ciamò, ma che pò deventé pert de nos, sce i ti l permeton. Al sta dagnora a nos valuté te cie paisc che i volon nes mueve: jonse via dal vejin a vedei sce sia parola à la medema saour che la nosta? Jonse plu dalonc per audì sce la raisc de nosta parola y chela de paisc esotics é la medema? Tant lonc lascionse pa che l viade de nosta vita, de nosta cultura nes porte? Plu lonc che i jon y plu rich che nost viade vegnirà! Y plu gran che nost poz personal podarà ester.

•

gana

57

ZACAI ZACAN ZAOLà

G

é son nasciuda te l’an de la criji en America e sessaben che ence chiò chi che aea da che fèr con lurieres gregn, chi che aea scioldi e roba i se n’à ressentù. L’é desché na cedena e dant o dò, la é ruèda ence per i pìcoi.

Chiò te Fascia, gé siere beza e no entenee nia, ma canche é scomenzà a jir a scola me n’é adat che l’era egn zompes per duc. La families con n muie de bec (e enlouta l’era la gran pèrt) stentèa a se parèr.

A scola vigni lapisc e vigni codejel l vegnìa comprà con fadìa e per grazia che enlouta i maestres i ne fajea tegnir cont. Per scriver n burta, i ne dijea de se fèr fèr n “straccetto” da noscia mère che la cojìa dessema con fil e voia, na carantina de sfoes fac col revers de veia piates de calandèr taèdes fora co la forfesc e i ne fajea scomenzèr a scriver sunsom a vigni piata del codejel, no se lascèa fora nience na riga e enceben che se fenìa l componiment o la poejìa beleche junsom la piata, cognaane scomenzèr chel auter sobito sotìte, e no scomenzèr te na piata neva, coche se fèsc aldidanché.

Anchecondì, stente a creer a dut chel che vegn trat demez a scola; l’é la maestres enstesses che les ge fèsc scomenzèr ai scolees vigni ejercizie te na piata neva, ence canche te chela dant l’é stat scrit demò na riga.

Sessaben che enlouta ence l gramièl l vegnìa jontà man man che se vegnìa gregn.

I ciuzé i cognea durèr n bel pez e i vegnìa compré gregn e granenc e dò i ge vegnìa passé ai frèdes più pìcoi, arsolé con curam veie o, vèlch outa, ence con soles veies o adertura con tòc de copertons de la rodes (e, se con dir che chi che aea na roda, i era pa jà anter i fortuné).

I ciampes i era duc luré, semené a bièva, sièla, òrc, capusc, pomes de tera e coscita inant. Ti orc no l’era pa tenc de fiores desche aldidanché ma, enveze, salata, ravasales, cigoles, carates, teghes, etz; dut roba da poder dant o dò meter te fana o se la magnèr cruva. E canche l’era d’aisciuda se manèa i bec a megol o a barùgoles fora per chisc pré e d’istà se jia fora per chisc bosć a coer ampieries, ampomoles, garnetes e cialveises per chejer ite conserves, da magnèr coi amelec o ence apede la polenta.

Chiò entorn, per grazia, la jent, per la gran pèrt aea na majon e amancol se se sparagnèa l fit , ma la meseria la era, ampò, zis grana, (desché utró, perauter).

E coscita l’é passà i egn e del ’40 l’é scomenzà la vera con gran cruziament de duc, ajache nesc veies se recordèa ence

58

gana

massa delvers la gran fam padida te la gran vera del 14-18.

Per fortuna, la maor pèrt de la families les aea na vacia o doi (o ence trei o cater), cater o cinch gialines per i eves e vèlch outa na feida per la lèna, ajache la femenes enlouta les era bones de la filèr per n fèr, dò, fianìe e scufons.

L fegn l vegnìa fat beleche demò sa mont; te val l’era dut ciampes.

Noetres bec jiane a scola, no se se cruzièa de nia ence se te n muie de families l’era vèlch père o vèlch fra sot l melitare e no se saea pa nience olache i podessa esser o coche la ge jia. Chiò entorn se cogn dir che amancol bombardamenc no n’aon abù.

L’era demò vèlch outa “Pippo” (i ge dijea coscita) che l sgolèa sorafora la val duta la nets e che se l vedea na lum che se moea l ge petèa jù na pìcola bomba. Chi da la caerìa o chi che cognea jir col camion de net i lo saea e i se n vardèa.

Coscita passèa la sajons; d’invern pech regolé, co la neif, e d’istà se se mateèa con nia e siane contenc con pech. A scola per mezmesdì se tolaane dò n raf o n patat; chi che podea n tòch de pan de sièla, ajache enlouta n’era amò n muie che i se fajea pan

...per n pom zenza schiufa e chiont de Maria Lorenz Detomas

te cèsa. E che bon che l’era! Se ence che l’era dur, da bec se aea i denz bie forc e canche ciapaane i pomes da Sèn Nicolò, i no curaane e se magnaane ence l chiont, che l ne fajea ben tant che na medejina.

Mariota l’aea doi sores e doi frèdes e la stajea te na cèsa bela neta e rencurèda, ma i no aea né vaces, né ciampes. Coscita, per se enjignèr da magnèr l’era n gran problem.

La mère de Mariota la jia a didèr jerjenèr, seslèr e bater la manes pur de ciapèr na pegnata de bièva o de sièla. Canche la tesseres anonaries, dò trei egn de vera, à scomenzà a no dèr più fora nia e la fam e la meseria les é doentèdes amò maores, à scomenzà a fiorir l “marcià neigher”. Ma per comprèr ite tel “marcià neigher” ge volea aer roba da baratèr, ajache ence na sportola de zedoles la no valea più nia.

Zezilia, la vejina de banch de Mariota, la era fortunèda; da la ricreazion la se magnèa duc i dis n bel pom śal e ros. La ge fajea gola a duc i etres bec ma, che volede fèr, ela la podea, la era de cèsa bona; i sie i aea n pìcol alberch/ostarìa e i aea l met de se comprèr mingol dededut. Chesta Zezilia, dò che l’aea fenì de se magnèr sie pom, la ge dajea l chiont a una o l’autra de sia compagnes, chela che ge comedèa o che ge fajea più a scusa te chel moment.

Sessaben che Mariota la no era mai anter chela bezes “fortunèdes”.

Mariota perauter l’aea sia sodesfazions enceben che la era pureta e n muie famèda, ma la era bona te scola. Ela la lezion la la saea semper belimpont e la era bona sibie de conc che de dut l rest.

Coscita no ge mencèa mai i complimenc del maester. Na dì che che i cognea fèr la proa de conc, Zezilia la era grama ajache la no saea nia, la era zis zompa te scola e la podea se la blaghèr demò de sò bel pom chécen. Coscita Zezilia la ge à dit a Mariota che se i l’aessa lascèda decopièr la proa de conc, ela la ge aessa dat l chiont del pom. Mariota la se sentìa jà l saor douc del pom te bocia. Embendapò, Mariota l’à mantegnù la parola e la ge à lascià decopièr la proa, zenza che l maester se n adae.

Mariota da la ricreazion la spetèa che Zezilia la fenisse de se magnèr l pom ma, che delujion, l chiont l’é rua endodanef te man (e sot i denz) de la peconta de semper.

En chela dì Mariota à vaà, la se n’à abù permèl e amò anchecondì, dò passa 70 egn, vèlch outa ge vegn tel cef chesta delujion.

Ela perauter te la vita la é stata fortunèda, la se à fat na bela familia, la stèsc delvers e aldidanché la pel se magnèr duc i pomes che la vel, ence zenza schiufa e zenza chiont.

•

gana

59

M

ichelle Obama, la neva First Lady di Stac Unii, dò n valgugn meisc de presidenza, la é jà ruèda ti cheres di americhegn e soraldut de la americhènes e sie nonzech e sia popolarità cresc de dì en di.

Michelle, per sia storia personèla, la é ejempie del somech american che doventa realtà, béleche più che sie om Barack Obama, 44eisem president di Stac Unii. Barack e Michelle é la pruma cobia presidenzièla de color de la istoria che met pé te la Cèsa Biencia.

Fosc ence per chesta rejon la nazion la é en delirie per chesta fémena, forta, inteligenta, bela, segura de se entessa e de chel che la fèsc, na ela che ensema a sie om l’à emprometù cambiaments radicai te l’America de chisc egn che vegn. Belapontin la parola chief che à vidà sia campagna litèla l’era: CHANGEmudament.

Barack e Michelle à podù scomenzèr a ge fèr entener al mond che ti Stac Unii venta n’aria frescia en ocajion de sie viac te l’Europa, olache en particolèr Michelle con sie fèr scempie e de cher la é stata bona de encatesimèr duc chenc e ence i media é encanté - ti Stac Unii, stolc, i à dit de sia First Lady che l’à portà “a little global warming” “mìngol de ciaut” te sie viac european.

Enterdèna ti Stac Unii l’é crepà fora la Mrs. O’ Mania: “Mrs” stèsc per signora, “O’” stèsc per sie inom da maridèda (Obama) e “Mania”, l’é la voa béleche maniacala di Americhegn de voler la veder daperdut.

Enceben che l’aesse fissà per ela demò 3 scontrèdes ofizièles en setemèna, se à l’imprescion de la veder daperdut; finamai VOGUE ge à dedicà, descheche perauter ence a Hillary Clinton, ence la soracuerta de sia ùltima edizion!

Sie style ti Stac Unii l vegn copià, e a dir di esperc l’à n fèr joen e fresch e per chest l’é ela che ge dèsc spirit e vita ai guants e no i guants a ela! La porta ence guants 60

gana

Mrs. O’

MODA

Mania

*

Chi él pa Michelle Obama? de Claudia Conta

de stilisć USA, joegn e descognosciui, apede a n gran gust per i guants de Narciso Rodriguez, stilist zis cognosciù te New York, per sie guants “easy” e tel medemo temp de moda.

A la setemèna de la moda a New York no se l’à spièda ajache a Michelle la moda no ge enteressa più che tant - “ge vel se sentir sorii e esser sé enstesc ti guants che se porta”. La first Lady é ecletica, la stèsc ben con dut e la l sà, ge sa bel donca jièr e la no met guant demò de un stilist, valif ge sà fèr n saut da H&M o comprèr sie guants via internet.

Michelle l’é na ela che no à poura de risièr, ge pièsc i colores forc che perauter ge stèsc zis ben e l fat de esser grana ge dèsc n flair de eleganza enceben che la no abie na mesura da tousa arnescèda.

Ence la Cèsa Biencia l’à debesegn de na man de color, de n’aria neva e Michelle à fat vegnir Michael Smith, l’arredator de la stars de Hollywood, ajache ence la Cèsa Biencia cogn mudèr.

La Cèsa Biencia doventarà aldò de Michelle, na cèsa algegra e joena, ence percheche no podon se l desmentièr…l’é da n gran pezon che chesta majon no veit più bec scì pìcui desche sia doi fies Malia e Natashia.

Michelle LaVaughn Robinson Obama la é nasciuda ai 17 de jené del 1964 a Chicago, Illinois desche fia del machinist Frasier Robinson († 1990) e de la canzelista Marian Robinson tel raion Sud de Chicago. De gra a sia gran inteligenza l’à podù venjer n stipendium per Princeton, una de la l’universitèdes d’élite ti USA; aló l’à studià soziologìa e studies afroamerichegn; dò aer fenì si studies a Princeton, la é passèda a Harvard a fèr giurisprudenza e l’à scontrà sie om Barack te l’ofize legal olache la lurèa. De otober del 1992 i se á maridà.

Sie studies e sie lurier Dò aer fenì sie studies de soziologìa te la cognosciuda Università de Princeton, finanzié da n stipendium, l’à fat studies de lege a Harvard, n’autra Università d’élite te l’America. Fenì sie studies Michelle la é jita a lurèr desche avocat te n studie privat, Sidley & Austin, olache la se à spezialisà te la tematiches del derit privat e del marketing. L’à lascià l studie legal canche l’ombolt de Chicago l ge à domanà de ge fèr da consulenta e de se cruzièr de la pianificazion e del svilup urban de sia zità.

Valerie Jarett, che anché la é consulenta del president Obama, l’era la sorastanta de Michelle; tel medemo moment Michelle la era doventèda Executive director di ofizies de Chicago de la NGO “Public Allies”N auter vèrech emportant de Michelle l’é stat canche la é doventèda n pont de referiment te l’aministrazion de l’università de Chicago; timpruma la era responsàbola de l’aministrazion

e del svilup del “University Comunity Center”, dapodò l’à fat ence aló na cariera te l’aministrazion de l’universitá fin a doventèr Vize Presidenta per “Community e External affairs”. Trei meisc dò che Barack aea anunzià sia candidatura a President di Stac Unii ela per la pruma outa l’à lascià sù sia cariera per ge jir dò a chela de sie om.

L’influenza politica de Michelle Enceben che Michelle abie fin ades refudà n post te l’aministrazion de sie om per se cruzièr de sia bezes, Michelle jà ades la vegn stimèda desche una de la fémenes con maor influenza politica al mond!

Donca enceben che la laore a l’ombrìa de sie om Barack, la ge dèsc e la ge darà lum ence a sia aministrazion.

Na classifica de Harvard la la met a livel 9 di laureé de Harvard con più influenza al mond.

Te n sie viac per l G20 a Londra e na sia vijita a na scola de mendranzes etniches, na reporter conta coche Michelle sibie n model per duta la fémenes del mond, duta cheles che peissa de no ge la fèr te la vita, percheche no les é nasciudes te lesc e families privilegèdes. Michelle ge dèsc n consei a la eles del mond - la disc: “La rejon percheche gé ades posse esser chiò a ve rejonèr l’é la formazion che é podù aer - l’é l met che é abù de ciapèr mia vita te man“.

Donca eles del mond, paa la speisa saer, studièr, e chel che no se sà e se sent de poder l’emparèr, percheche l passenea con nosc medemo troi de vita, podon l’emparèr!

•

*L’è nascìu ence n sit internet per duc i fans de Mrs O’ e che vel veder foti de ela e lejer neves de chel che la fèsc, di progec che la cura..chiò la direzion: www.mrs-o.org gana

61

Maria de Medici C

hilò endò da nuef l portrait de na ela dla familia De Medici che, avisa sciche al ti fova suzedù a Caterina, lascia sie paisc per deventé regina de Franzia.

Maria, nasciuda dl 1573, à sies agn canche sia oma, Giovana d’Austria, muer con trent’agn do avei metù al mond set mutons.

Sie pere, l duca Francesch, è enscì lede de se maridé con sia amanta Bianca Cappello, na ela che el frecuenteia da n bel pez. Maria ne à mai podù avei Bianca che à porté agn alalongia dolour tla vita de sia oma, e che é sen tres damprò sciche femena de sie pere.

Maria viv donca na infanzia cis scura y tl 1587, con catordesc agn, pérdela ence sie pere, bonamenter entossié da sie fre Ferdinand che volessa deventé signour dl Granducat. Pueces ores do dal pere él ence sia madrigna tant melvoluda che muer, per la medema gauja.

A Maria ti sàl scialdi bel la mujiga, ala son l liut y la chitara y se enteresseia de scienzes; ala à na compagna dret bona, Leonora Dori, la fia de sia baila, che giatarà dal Granduca la lizenza de mudé sie cognom te Galigai, de na sclata nobla da Florenza, y che i giataron plu inant tla court de Franzia. I Medici fajova te chel temp dl dut acioche Maria podessa se maridé con Enrich de Navarra, deventé re de Franzia, y ova “investì” sun chel ream n milion de ducac.

Baudi fòvel impedimenc, l fat che el fossa maridé con Margot, la fia de Caterina, y che al fossa ugonot; Medici fova aboncont l papa, Clemente VII, y con chesta chance podova truepes dificoltés vegnì valivedes via: defat de auril dl 1600 végnel sotescrit la cordanza.

62

gana

de Sandra Fiumi ladin de Nadia Chiocchetti

ERT

La dota de Maria é fora dal ordinar: 350.000 scudi de or ti vegnirà paiés a la corona de Franzia l di do les nozes y 250.000 diretamenter a Enrich, depierpul che Maria renunzia ai bens de familia tla Toscana.

L matrimone vegn fat per procura a Florenza ai 5 de otober tla gliejia de Santa Maria del Fiore y do che Maria sarà ruveda tla Franzia vegniràl zelebré les nozes tla catedrala de Lion ai 17 de dezember.

L re bendebot burt, pice y sech, vest n guant de seida blancia listé de or y sun l cef na cazina fornida de diamanc.

Maria, che vegn descrita sciche na ela dret bela enceben che, per sie temp, con sie 27 agn nia plu joena, vest n guant blanch cis bel fat con l miour veluch de seida y n mantel lerch dal colour dl’iris de Florenza: sie colour viola scur vegn sclarì da les lilies de Franzia tiesciudes de or y decoredes de peres preziouses.

Maria ne sarà nia benvoluda dai franzeisc, che desćiaria ju per ela l ressentiment che ai ova da dagnora sentù per Caterina; spo él ence l’amica Leonora Galigai y sie om, tres a chirì scioldi, onorifizenzes y privilejes, che ne se fej nia benvolei.

Maria ne sarà nia contenta te sie matrimone, che darà sies fis, de chisc cinch che vegnirà gragn.

Enrico muer dl 1910 y l prumnasciù, che deventarà re Luigi XIII, à demé nuef agn: Maria sarà donca regenta enchin dl 1617.

Entant à Leonora y sie om Concino Concini renforzé ciamò deplù sie podei, al à enchinamai compré l marchesat d’Ancre con i scioldi di franzeisc, scioldi destinés a d’autres chestions: per chest ne pò la jent nia i avei y con ei ence Maria che i segureia.

Canche l Delfin deventa re métel les cosses a post, al fej saré via sia mere tl ciastel de Blois, controleda da saudés armés che messessa la stravardé da mel, perdret enciariés de cialé che ela ne s’en sciampe nia. Ence i doi intriganc arà n destin cruf: el vegnirà copé en chel medem ann sun enciaria, ela vegnirà cuseda de strionec e vegnirà sareda via tla Bastilia olache ala morirà mata, co la regina che ne podarà fé nia per la daidé.

Maria sarà en ultima bona de s’en sciampé.

Florenza fossa enjigneda a la daidé ma ela ne vuel nia jì de outa tla Toscana da regina refudeda da sie popul, y zenza mesi finanziars vivaràla a Anverse con cie che ti passa si fis.

Chesta femena, che ova condut adalerch somes da marevueia sciche dota y belije fora dal ordinar, se tramudarà spo a Köln daideda da Rubens, ”sie pitour” y morirà te na puera ciasa ai 3 de messel dl 1642.

Maria é donca sté na Medici nia fortuneda, al ti manciova perdret la forza de volonté, la ostinazion, l rigour y la costanza che ova caraterisé Caterina, ma sciche Caterina àla abù mutons che à abù n rodul primar tla storia. N fi é deventé re de Franzia, Luigi XII, y l auter om é sté Gaston d’Orleans, una de sies mutans se à maridé con Filip IV de Spagna y n’autra ciamò con Carl I de Inghiltera: la descendenza di Medici se à donca sparpagné tles courtes de duta l’Europa.

Ma empò ne à nience da morta giaté l onour che ti fossa per dert pervegnù y demé do da la mort de sie potent aversar, l cardinal Richelieu, él sté poscibel de sepolì si resc’ tl post che fova sie per dert: anter les fosses reales tla gliejia de Saint Denis dlongia sie om Enrich IV.

•

gana

63

ALIMENTAZION

Salmorejo Tl’Andalusia giaten na jopa frëida, che ie drët bona canche dedora iel dis scialdi ciauc. Na jopa de tomates y pan. Sëuravia vëniel metù l “jamón”, na sort de jambon cruf y uef cuet.

La rezeta tlassica y plu scëmpla ie chësta: - 1 kilo de tomates madures - 200 gr de pan dl dí dant - 250 ml de uele de ulif - sel y ajëi - N dënt de ai (sce n uel) Preparazion tradiziunela: N mët dut adum: uele de ulif, pan blandà su, tomates zënza stlofa, sel, ajëi y ai te n mixer y lascia jì nchin che l devënta na jopa spëssa y fina. Daldò mëten sëuravia jambon cruf, uef cuet y n pue’ de uel de ulif.

Foto: Wilma Runggldier

A soreie e sot l’ombrela da soreie….

de Claudia Conta

Soraldut al mer i esperc ne disc de fèr condemanco de la cèrn, de scialames e liènies e prodoc dal lat-dut magnères che sion usé a portèr sora desch via per d’invern-per ge fèr lèrga soraldut a fruc, ortames e pesc;

I fruc… curious l’é che ge volessa se lavèr con èga (no chela de mèr, no èga salèda) mans e bócia, percheche i zuchres met la pel te na condizion de esser più delicata sot a soreie.

Se magnède canche siede sot a soreie sun n saolon fers, fajé condemanco de panec e cròfegn o semles da persciut, scialam, formai: i é bensegur sorii da se tor dò e magnèr, ma pesoches e bendeché i ve empetresc per n bon trat, dapodò i ge tol èga a l’organism e saon che ence per nos l’èga la é importanta- Che podone pa magnèr, emben?

Beiver bolentiera e dò e dò, zenza spetèr che se abie seit; miec che dut l’é èga bona, èga frescia. Chela con gas no fèsc “mèl”, alincontro la deida la digestion de la proteìnes, ma i esperc disc che l gas endromenza via i sentores de la seit e donca se beif demanco…

Idees sora desch?

Na salata de ris, per ejempie, se con n condiment de ortames fresc o de chi sot-ajei, e sessaben pesc…

Conservà la speisa te na tascia termica e vardà ben che i fruc e ortames i no sibie diretamenter metui sot a soreie, senó restède zenza vitamina C. 64

gana

A cena va benon l pesc, desche secont piat o tel condiment de la pasta. Se enveze che magnèr a bèst volassane se tor n giacin, chest no fossa n gran pecià, se no doventa n’usanza… recordave però che l giacin l’é n douc-! No l ciapà pa per zeche de lijier!!!

Libri

de Ingrid Runggaldier

Non è per cattiveria.

Confessioni di un viaggiatore pigro.

Antonio Pascale

Sun la cuvierta dovia dl liber scrij l autor: “ie son n ël de paussa, nia de ruveda. L ie te chël mumënt che ntënde a fonz l senificat dl viagë: jì ntëur al travert, se lascé tré da n istint dedite, sozialisé cun persones che te posses mé ancunté tla pausses, mudé mira, sentì l teritore sota ti piesc.” Chësta paroles toca avisa l’atmosfiera dl liber y l amor per na manieria de viagë delà dla trasses ciautinedes ju dai turisć.

Cun chësc si liber nes mëina Pascale tl Molise, una dla regions dla Talia manco cunesciudes y plu sotvalutedes, ma ulache n ulëssa jì debota - cun chësc liber tla man.

Bittersüße Heimat.

Bericht aus dem Inneren der Türkei.

Necla Kelek

Chësc liber nes mëina tla Turchia de nosc tëmps y mpo te tëmps che ne semea nia vester i nosc. Necla Kelek, autora turch-tudëscia scrij de si raport cun si „vedl ncësa“, de cosses da iló che ie per ëila scialdi cunesciudes y che ti sciauda l cuer, ma nce d‘autres - coche per ëjëmpl la situazions dl‘ëiles di raions a ost dl paesc - che ie per Kelek ries da ntënder o da azeté. Co sarà pa l svilup de chësc paesc?

Ciunes i epa si pruspetives te o dedora dla Union europeica? Necla Kelek nes dà na ududa nteressanta de n paesc politicamënter zarà.

Sehnsucht nach den Bergen.

Schriftstellerinnen im Gebirge.

Florence Hervé

Ie n‘abineda de poejies, stories, cunties, essays, lëtres y pec dramaturgics de scritëures - ëiles - sun la tematica dla montes y di crëps. Da Annette von Droste-Hülshoff a Elfriede Jellinek, da Bettina von Arnim a Johanna Spyri y da Mary Shelley a Vita Sackville-West iel da liejer operes „da mont“ dla autores plu cunesciudes di doicënt ani passei. Na letura per l‘aurela curta, da liejer nce scumencian da dovia, che nes mostra montes y crëps da ududes y ciantons defrënc.

Blot.

gana

65

L CHESTIONAR DE GANA Biografia

Fiorenzo Perathoner

L trat prinzipèl de Vosc carater?

Son n muie teston. Chel che me mete dant vèrde semper de l’arjonjer.

La calitèdes de n om che Ve pièsc de più?

La lealtà.

E de na fémena?

La cogn esser jentila e entener l’om.

Vosc maor defet?

No é nesciuna pazienza.

De che pa ve n’aede recor de aer fat e de no aer fat?

Dut chel che é fat te mia vita l’é vegnù ence da sceltes casuales e da circostanzes che segur me à portà ben, alicontra chel che più me n’é recor l’é che no é podù portèr a compiment i studies e chest à pesà sun mia vita.

La scontrèda che à mudà Voscia vita?

La scelta che é fat canche aee 25 egn de no fèr l hotelier.

L dì più bel de Voscia vita?

Canche l’é nasciù mia fia.

Na persona che aede cognosciù e che chiamassède danef en vita?

Mia sor Franca.

Che él pa per Vo legreza?

La legreza l’é n sentiment che cognosce pech dalajà che duc me disc che son massa serio.

Che fóssel pa per Vo la maor desgrazia?

Perder zachei de familia.

La materia preferida a scola?

La matematica.

La zità che ve pièsc de più?

Londra.

L color preferì?

Brun.

Che pa beéde più bolentiera?

Dut chel olache no l’é ite alcol.

Che pa magnède più bolentiera?

Formai.

66

gana

Vosc prum recort?

Chel da bez. I tempes de la vèra. Enceben che l’era la vèra me sa amò ades bel recordèr cotant che se mateaane nos frèdes co la neif sun Pordoi. Eraane soi e l’era tant bel ensema da pìcui.

L liber preferì?

I libres de Giampaolo Pansa che l scrif sun la storia, de la seconda vèra e ence di tempes che é vegnui do.

La musega preferida?

Chela da mont, chela folk per se entener.

L film preferì?

L’é na vita che no vae più al chino, no saesse che dir.

L ator e l’atora che preferide?

Julia Roberts e Richard Gere.

Che ciantède pa sot la docia?

No é mai ciantà sot la docia.

Colun él pa l personaje storich più amirà?

Giulio Cesare.

Colun él pa el personaje storich che enveze no podede spièr?

Charles De Gaulle.

Che él pa che più Ve dèsc sui nerves?

Canche la jent no la é de parola e la rua tardiva.

Se nasciassède n’autra outa te chi pa volessède renascer?

Volesse esser n gran politich.

Che lurier fajassède se no fajassède chel che fajede?

Se aesse studià de più en vita mia fosse doventà n bon comerzialist.

Colun don de la natura volessède pa aer?

La contemplazion de noscia monts.

Vosc moto?

Che a la fin “L’é dut nia” descheche dijea mia giava.

Fiorenzo Perathoner l’é nasciù ai 6 de november 1936 a Cianacei. L’é nez de la “Mare del Pordoi”, Maria Piaz da Pera.

Maridà con Iris Detone, l’à doi fies: Daniela e Diego. Da joen maester e alenador de schi l’à tout pèrt ti egn ’60 e ’70 a tropes Congresc mondièi de desmostrazion de ensegnament del schi - enlouta chiamé Interski, viajan da l’America al Giapon e cognoscian coscita l mond. L’à portà inant la pascion per la politica te comun de Cianacei per passa trent’egn e per passa trent’egn l’à lurà per l svilup economich de la valèdes ladines, en particolèr tras la SITC (Sozietà de Increment Turistich Cianacei). De chesta sozietà l’é stat member fin dal scomenz e president dal 1993 al 2008. Ades l’é President onorar e l seghita a meter a la leta si esperienza, e na gran pascion, ence te autra sozietèdes tel raion fascian (Ciampedie e Ciareja).

Apede chest l’é member del Dolomiti Superski ja dal 1974 e Vizepresident dal 1990.

Impressum Gana – La Usc dles Ladines Enjonta a La Usc di Ladins Diretour Iaco Rigo Comité de Redazion: Magdalena Gasser, Lucia Gross, Olimpia Rasom, Ingrid Runggaldier, Wilma Runggaldier Revijion tesc’: Magdalena Gasser, Ingrid Runggaldier, Luciana Detomas con l contribut dla Region Trentin-Südtirol y dla Provinzia Autonoma de Bulsan

Grafica: Stefano Eccher graphic design / advertising Caldaro (BZ) - www.stefanoeccher.it Stamparia: Fotolito Varesco, Ora (BZ) numer 8 - ann 2009 LA USC DI LADINS Poste Italiane s.p.a. – Spedizione in Abbonamento Postale – D.L. 353/2003 (conv. in L. 27/02/2004 n° 46) art.1, comma 1, CNS Trento - Taxe Percue - contiene supplemento n. 1 del 28-3-2009, n. 12

“Se te ves didèr l mond a stèr ben, scomenza da tia cèsa.”

o-zone.it - ph Corrado Piccoli

Mahatma Gandhi

Te vives te n ambient san Te sparagnes energìa Te respetes l’ambient

Sistema CasaFiemme Ufizies e Showroom Streda | Via Monte Mulat 38037 Pardac | Predazzo TN T. +39 0462 764483 F. +39 0462 763735 info@rasom.it

Sistema TettoFassa FABRICAC DE LEGN CON GRAN SPARAGN DE ENERGÌA www.rasom.it

Feries à la carte. Viagé saurì y zenza pensier con la cherta de credit.

www.bancapopolare.it