Su‘esu‘e
Laufanua o Niu Sila
Savali Pupuu / Savali i le aso atoa
Fai se avanoa e evaeva ai i le laufanua ma fesoota‘i ma le Natura o Mea. E faafiafiaina oe i savaliga pupuu ma savaliga mo aso ta‘itasi aupito i manaia a Niu Sila, moni ai le upu, o mea silisili e auala mai i mea iti. E faigofie ona taunuu i ai, talafeagai mo aiga ma e faaofi gofie i totonu o le faasologa o lau savaliga – e avanoa mo soo se tagata. Mai le itu i matu i le loloto o le itu i saute, i le lauusiusi o togavao ma vaomatua, i le gaoā o tafatafa o le gataifale, e faamanuiaina ia Niu Sila i le tele o le filifiliga o auala pupuu ma auala umi e te savali ai. A o le‘i amataina le savali, ia faaaogā lenei ta‘iala e fuafua ma tapenapena ai.
Filifili le savali talafeagai Faataatia lelei ia fuafuaga o le tou savali I Niu Sila, e tele ituaiga ala ‘ese‘ese e savavali ai, ala pupuu ma isi e aso atoa – a o le tele o ala nei e lelei, ma e faaaogā ia faailoga lanu moli a o nisi ala e leai ni faailoga ma e faamoemoe i le lelei o lau fuafua ma le faauta. Ae tou te le‘i ō, filifili se auala puupuu po o se auala umi e talafeagai lelei ma le tou vaega. Mafaufau i le umi o le ala ma le taimi e ono mae‘a ai le savali, le taimi ua faaavanoaina mo le savali, pe gafatia e le malosi o tagata, po o talafeagai ‘ofu ma mea faigaluega o ‘ave. Afai e te le mautinoa, fesili i le ofisa o le Department of Conservation (Matagaluega o le Puipuiga o le Si‘osi‘omaga) po o le i-SITE (tele le latou malamalama i le lau‘ele‘ele lea) pe fesili i se isi o le faletalimalo o loo tou nonofo ai mo se fautuaga. E fiafia tagata Niu Sila e fesoasoani, e fiafia fo‘i e faasoa atu le latou malamalama ia te oe.
Vai Tuloto o Matheson, West Coast
FALEOLOA O MEA E MANA‘OMIA I SAVALIGA
FALEOLOA O MEA ‘AI
PAKA MO TAAVALE
E le faigatā ona fuafua se savaliga puupuu po o se savaliga mo le aso atoa, ma a taumafai lava, e taunuu manuia. E tāua ona manatua, o le tele o mataaga i laufanua o Niu Sila, e maua i nuu i tua. O nisi o nei ala savali atonu e tele itula e mamao mai fale pei o pamu penisini, supamaketi, Ofisa o Leoleo, fale tupe ma isi fale faapenei e te maua i totonu o taulaga. A iloa la le tulaga lea, o lona uiga, ia sauniuni fo‘i i ai. Soo se savali e fuafua, faaaogā le avanoa e tapena ai mea uma e manaomia, ma vaai pe o atoa uma a o le‘i tuua le taulaga. E te‘a loa le mea o paka ai taavale, e te le toe maua ni fale vagana tama‘i fale e ono malolo ai, o faailoga faasinoala ma ni laupapa o tusia ai ni faaaliga mo tagata savavali.
Hooker Valley, Canterbury
Ala savali i Managawhai, Northland
Fesuia‘iga faifaipea o le tau
Faamamā le laufanua ae Leai se fesoota‘iga i telefoni tou te le‘i tuua
O atumotu o Niu Sila e i totonu o se vasa tele lava, o lona uiga, e fesuisuia‘i le tau i aso uma ma e le to‘a faapei o le tau i atunuu o le konitineta o Europa, Asia, Amerika ma Ausetalia. E masani ona vaaia le la mo se itula, sosoo ai ma timuga mamafa, sosoo ai ma matagi malolosi – e fesuisuia‘i lava le tau ma o nei fesuia‘iga e faafuase‘i fo‘i. O le tele o laufanua i fafo ma ona siosiomaga, e latalata i le sami po o mauga. Sauniuni mo ni fesuia‘iga e fa o le tau i le aso e tasi.
O se si‘osi‘omaga faapitoa le tatou si‘osi‘omaga ma e tatau ona tatou faaaloalo foi iai. A e mulimuli i fautuaga nei, ua i ai lou sao le faamatagofieina o Niu Sila: faamolemole tausisi i le ala ua faailogaina; ‘ave uma au lapisi; faaaogā na o faleese faasinoina; toe tuu le siosiomaga ma ona natura i le mea na e maua atu ai (‘aua le ‘ave‘esea se mea); tuusa‘oloto manulele/meaola tou te fetaia‘i, ‘aua le fafagaina ia manulele aemaise le “kea” o le motu i Saute ona e afaina ai le ola o manu.
171220.MSC.COM.tourismsheet-dayhikes-SAM.indd 1
E le lelei le kava o telefoni feaveai i le tele o vaega i fafo i Niu Sila atoa faapea foi ma le initaneti. O le mea sa'o, e le maua se fesoota‘iga tau telefoni i se ala savali, a maua fo‘i, e mo se taimi puupuu. I le tele o nuu i tua, se‘iloga e te alu i se taulaga latalata e te maua ai se fesoota‘iga; i nisi vaega o Niu Sila, e fia itula o alu le taavale faato‘ā oo i se taulaga. ‘Ave pea lau telefoni ‘ae ‘aua le faalagolago o le a maua se fesoota‘iga i taimi uma.
4/27/2018 11:27:27 AM