Góð meltingarflóra styrkir ónæmiskerfið

Heilsan er það mikilvægasta sem við eigum. Góð heilsa er forsenda þess að okkur líði vel, að við getum sinnt skyldum okkar og ræktað áhugamálin. Í raun hefur heilsufar snertifleti við nánast allt í okkar lífi.

Flest vitum við almennt hvað þarf til svo við búum við góða heilsu. Hreyfing, hollt mataræði, tenging við náttúruna, ferskt loft og góð samskipti við ástvini. Flest erum við einnig meðvituð um hvað það er sem skákar heilsu okkar. Þar má nefna streitu, langvarandi kyrrsetu, sykurneyslu, áfengi, reykingar og ruslfæði.

Ónæmiskerfið gegnir stóru hlutverki þegar kemur að almennri heilsu og í stuttu máli gegnir það lykilhlutverki þegar kemur að því að verja líkamann fyrir hvers kyns árásum, þ.e. gegn sýkingum og öðru óæskilegum áreitum, þar með talið fyrir COVID.

Það sem færri vita er að ónæmiskerfið er að mestu staðsett í meltingarveginum og besta leiðin til að styrka ónæmiskerfið er að huga að heilbrigði meltingarvegarins og þarmaflórunnar. Neysla á hreinum, ferskum og óunnum matvælum (whole foods) vega þar stórt ásamt reglubundinni líkamsrækt. Mig langar einnig að nefna hugleiðslu vegna þess að hún vinnur gegn streitu en langvarandi streita er líklega versti óvinur ónæmiskerfisins. Til viðbótar má nefna að 80-90% serótóníns, taugaboðefni sem hefur m.a. áhrif á minni og lundafar, er framleitt og geymt í þarmaflórunni svo það undirstrikar enn frekar hvað það er mikilvægt hlúa vel að henni.

Lykilatriði er að passa upp á að þarmaflóran sé í jafnvægi svo ónæmiskerfið sé sterkt og skili sínu hlutverki farsællega. Hvers kyns sýklalyf skaða flóruna því þau drepa bæði óvinveittu gerlana og góðgerlana, gera ekki greinarmun þarna á. Þeir sem taka inn sýklalyf ættu því sérstaklega að taka inn góðgerla til að ná jafnvægi í þarmaflórunni að nýju. Almennt séð til að styrkja ónæmiskerfið og bæta heilsuna mæli ég með Optibac Every Day góðgerlum.

Í hverju hylki eru 5 milljarðar góðgerla CFU (Colony-forming units) auk 88mg af FOS trefjum.

Hylkin innihalda nokkra mjög vandaða stofna þar með talið Lactobacillus rhamnosus Rosell-11 og Lactobacillus adicophilus Rosell-52. Þessir stofnar hafa m.a. sýnt fram á bætta meltingu í rannsóknum og þeir vinna gegn uppþembu.

Rannsóknir hafa sannað virkni góðgerlana en þeir eru sýruþolnir og lifa ferðalagið af í gegnum meltingarveginn. Þaðan fjölga þeir sér í þörmum, byggja upp heilbrigða þarmaflóru og styrkja þannig ónæmiskerfið.

Ekki þarf að geyma Optibac góðgerlana í kæli og hægt er að opna hylkin og setja í drykk eða graut.

Förum vel með okkur, hreyfum okkur daglega, borðum hollan mat, verum jákvæð, pössum upp á ónæmiskerfið okkar og um leið heilsufar almennt.

Víðir Þór Þrastarson Íþrótta- og heilsufræðingur