Page 1

www.udmdunne.ru

¹ 21 (24760)

Потто Удмурт Элькунысь Кун Кенеш но Кивалтэт

âèðíóíàë 2011-òћ àð 16-òћ òóëûñïàë

№ 2 (2)

Дырмы кошке шулдыръяськонлы? Ôèí-óãîð àçüâåòëћñü¸ñëýí ñþëìàñüêîíú¸ññû. 2-òћ áàì.

..

Выльдиськон - чигнан Àíàé êûëýç äûøåòîí ïóìûñåí ìàëïàíú¸ñ. 3-òћ áàì.

..

Тодьы карандашен астэ утчан Óäìóðò äèçàéí. Âàíü-à ñî? 6-òћ áàì.

А. Старков: Иж ассэ ачиз уг яраты Пумиськимы «Кино» кафеын, шуысал, туж пиосмурт шӧмо интыын. Ваче син кенешисько аспӧртэм адямиен: Александр Старков - журналист, культурая менеджер, лулчеберет удысысь проектъёсты радъясь. Вордӥськемын Ижкарын, дышетскемын Москваысь Калык кусыпъёсъя кун институтын (МГИМО), ужъёсыз печатласькемын-чузъяськемын шоркар газетъёсын но «Интерфакс» агентствоын. Александр берытскиз Удмуртие, та вакытэ тырше Восточно-Европейской университетын (МВЕУ) но «Культпросвет» промо-группаын. Со егит, визьмо - галстукен, тӧдь-тӧдь кофтаен, ныр вылаз - очки. Вераськиськом удмурт ужрадъёс, Иж, асьме калык сярысь. Нырысь ик мон А. Старковлэсь тунсыкъяськоно кариськи: кудаз удмурт ужрадэ со вуылӥз, мае адӟиз но ас понназ мар выльзэ усьтӥз. Саша висъяз аспӧртэмлыкъёссэ - соос удмурт культуралэн туннэ нуналысь тусыз, шуыны луоз: «Сайлент ву гур» группалэн концертэз, «Ӝужась кизилиос» ӵошатскон, «Грифон» галереяысь удмурт кылбуретлы сӥзем ӝыт но «Авиатор» клубысь «Кебит возьмась party» позыръяськон-дискотека. Тунсыко луысал удмурт кылэз тодӥсьтэм муртлэсь малпанъёссэ шараяны! Маин висъясько удмурт ужрадъёс? Маин соос ӟечесь, кыӵеесь урод палъёссы? Та сярысь лыдӟе 4-тӥ бамысь.

Туспуктӥз Григорий СТЕПАНОВ

Выль кен утча пирдан Тулыспаллэн пумаз Удмуртиысь калык амалъя кырӟась Маша Корепанова калыкез паймытоз «Минута славы» передачалэн финалаз. Сцена вылэ со выль кен дӥсен потоз. Маша быдэстоз лымшор но уйпал удмуртъёслэсь, бесермянъёслэсь сюан кырӟанъёссэс, со вие ик дэремзэ куинь пол вошъялоз. Озьы, кышнолы пӧрмытскыкуз, выль кенлэн пуш дуннеез но мылкыдыз мургес усьтӥськоз, пе. Машалэсь аспӧртэм дӥсьсэ вуриз «Лудорвай» музейысь мастер-реставратор Ольга Бородина, нош чеберъяськон арбериосты дасяз тодмо удмурт суредась Зоя Лебедева. Выль дэремзэ Маша ватыса возе, финалын гинэ ваньзэсты паймытыны чакла. Соин матысь эшъёсыз гинэ но тулыспаллэсь пумзэ чидатэк возьмало ни. - Номерме дасянэ трос кибашлы муртъёс пыриськизы. Соин ик кырӟанъёсме, вань кужымме сётыса, возьматоно, калык кырӟанъёслэсь туала улонын бадӟым инты басьтэмзэс шараяно. Вормонлы осконэ юн, мылкыды бурдъяськемын, - шуэ Маша. Тодады уськытом: Машалы табере нюръяськоно луоз «Минута славы» проектлэн валтӥсь кузьымъёсыз понна - миллион манет, кило мында зарни но Леонид Костюклэн Москваысь бадӟым циркеныз ӵош ужан контракт. Оскиськомы, Машалы - такем муспотон нылашлы - амалтэк синмаськозы проектэ пыриськисьёслэсь быгатонлыксэс дунъясьёс. Нош асьмеос, Удмурт шаерын улӥсьёс, оскытӥськом: Машалы вормыны юрттом! Лукерья ШИХОВА


удмурт дунне / dart

.. .. 2011-ти ар 16-ти тулыспал

2

ЙЫРВИСЁН

ТОДМАТСКОН

24-тӥ-27-тӥ тулыспалэ Ижкарын ортчоз «Егит фин-угор азьмынӥсьёслэн школазы» дышетон семинар. Отчы дасяськись егитъёслэсь ми тунсыкъяським: выжы калыкъёсынымы герӟаськем кыӵе ужпумъёс туннэ уката сюлмаськыто соосты, мар сярысь вераськемзы потэ семинарын. Татьяна Сергеева, Ижкар: - Шуг-секытъёс тужгес трос дышетон удысын. Визьнодасьёслэн уждунзы ичи бере, соослы огдыре кӧня ке интыын ужано луэ. Таин сэрен тодон-валан сётонзылэн ӟечлыкез синэ. Жаляса верано, студентъёс но сокем уг кыстӥсько ни дышетсконэ, тросгес дырзэс быдто шулдыръяськонъёслы. Ирина Леонтьева, Ижкар: - Востэм луэмысьтызы удмуртъёс ӵемысь быдэсак усьтӥськыны уг быгато, тодон-валанъёссэс, быгатонлыкъёссэс, чеберзэс шараятэк ик возё. Елена Иванова, Йошкар-Ола: - Сэрттоно-пертчоно ужпумъёс

лачак. Но соос сярысь ичигес малпаськыны тыршисько. Али уката сюлмаськытэ элькун радиоын но телевидениын пор передачаослы дырлэн ӧжыт висъяськемез. Ужаны мылкыд вань, но техника вужмемын.

Солэн ӧвӧл отын аслаз вожъяськымон интыез, комиос уг туртто юнматыны кусыпъёссэс мукет калыкъёсын. Азинтоно вал туризмез, юнматоно пичи но шор ужбергатонэз, инвестициосты республикаямы кысконо.

Сергей Ёлкин (mr. Uri-Beri), Яр Чалы: - Семинаръёс, форумъёс, пӧртэм пумиськонъёс сярысь тросэз тодытэк но куддыр кылё. Соос сярысь ивортонъёсты вӧлмытон бордын гижысь-пиньысь ужано.

Евгения Лобанова, Сыктывкар: - Коми улосамы ӧвӧл журналистикая кафедра.

На деж д а Ермакова, А лнаш ёрос: - Удмурт луэмедлэсь возьдаськон. Асьмеос анай кылынымы данъяськыны кулэ, мукет ъёсызлы но сое дышетон мылкыд пыӵатыны мед быгатом. Одно ик лэсьтоно озьы: удмурт шӧмо арбериос , к ы лс ярысь, г орд сюйлэсь мунёос, тетрадьёс, мукетъёсызлы но тунсыко мед луозы. Анна Бунина, Сыктывкар: - Фин-угор дуннеын Коми Элькун вань луонлыкъёссэ уже уг куты.

«GARUDA» группа Мария Сакаева, Сыктывкар: - Фин-угор калыкъёс нимазгес кариськыны туртто, ӵыжы-выжыоссы сярысь туж ӧжыт тодо. Коми Элькунын гинэ фин-угоръёслы сӥзем куинь портал вань. Озьы ке но отын та калыкъёс сярысь тырмыт ивортонъёсты шедьтыны уг луы, ваньёсыз но мӧзмытэсь. Уг окмо улэп, аналитикаен, пӧртэм мылкыдъёсын тырмытэм материалъёс. Соос, кылсярысь, сӥземын мед луозы культурамес но кылмес утёнлы, улон-вылонмес умоятонлы но мукет. Вероника Ваулина, Ижкар: - Удмурт телевидениын но радиоын удмурт кылын передачаос ӧжыт.

.. ВЫЛЬ ВУЖ ШОМ

Берытскон Валлё аръёсы шуылӥзы, удмурт культура, пе, гуртын гинэ улэ, нош али югдур мукет пала берытскиз - табере карысь егитъёс удмурт шӧмез нуо гуртэ, яке шонергес вераса, отчы берен ваё. Солы шумпотоно: егитъёс ас мылкыдзыя, нокин косытэк но юрттытэк, кутскизы та уж борды, озьы асьме егитъёслэн ас куспазы огаз е я ськы н ы б ы га т о н л ы ксы усьтӥськиз.

Макмыр, визьтэм йыр Кемалась ӧвӧл Алнаш ёросысь Азамат гуртын ортчиз «Amiso Wott party! Макмыр, визьтэм йыр» шулдыръяськон ӝыт. Отын чузъяськизы ёрослэн туала удм у р т к р езьг у р ъ ёсыз, т а т ын вордӥськем кырӟасьёс асьсэды возьматӥзы. «Amiso Wott» удмурт панк-рок крезьгуръёсыныз шулдыртӥз, мистер УриБери удмурт рэп лыдӟиз, нош «ӝужась кизилиос» конкурсын вормем алнаш ныл Алина Антонова удмурт поп-крезьгурен учкисьёсты паймытӥз. Гуртын улӥсьёслэн таӵезэ адӟемзы ӧй на вал - ваньзы сак кылзӥзы. Озьыен, туала удмурт егитъёс вина юонэз но тамак пурккетонэз гинэ уг тодо, соос пӧлын вань туж мыло-кыдоез но, соос асьсэ творчествозэс бадӟым сцена вылэ но поттыны быгатот ини.

.. Кырза Эркишевлэсь умойгес! Алигес Дэбес черкогуртын «Меркурий» кафеын «Dart ӝыт» проект радъямын вал. Вераськон мынӥз удмурт егитъёслы сӥзем «Dart» газетлэн нырысетӥ номерез сярысь. Со сяна, отын ик ялэмын вал «Кырӟа Эркишевлэсь умойгес!» ӵошатскон. Нош Богдан Анфиногенов, зэмос кылбурчи выллем, уйпалась егитъёсты тодматӥз аслаз ӟучо-удмурто гожъямъёсыныз. ӝытэз шулдыртӥзы Пушкин но Эркишев диджейёс «Эктоника» но «Яратон, ой, яратон» проектъёсынызы.

«Шунды сАлянка» .. жыт Нош Шаркан ёросысь Пороз гуртын ортчиз «Шунды сАлянка-2» ӝыт. Нырысьсэ кылӥськоды со сярысь? Валэктӥськомы: «Шунды сАлянка» удмурт кылын нимысьтыз дасям проект. Со нырысьсэ ортчиз Шаркан ёросысь Сосновка черкогуртын, «Шунды» огазеяськонлэн правлениеныз кивалтӥсьлэн Юлия Никитиналэн вордӥськем гуртаз. Собере та проект вамыштӥз Пороз гуртэ. Ум янгышалэ, Порозын ортчем ӝытэз концерт шуимы ке: со быдэсак радъяськиз люкаськемъёс-

Туспуктӥз Маша ИМБИРНАЯ

Дырмы кошке шулдыръяськонлы?

лэн мылкыдзыя. Татын чузъяськизы Вова Вахрушевлэн но Дима Софроновлэн такмакъёссы-маскаръяськонъёссы, Лиза Шишкиналэн но Юлия Никитиналэн шулдыр кырӟанъёссы, Валентин Римшинлэн но Никита Перевозчиковлэн гитараен крезьгурамзы, Оля Трониналэн, Надя Никитиналэн, Лена Рябиналэн кылбурет баттлзы. «Неофолк» студия возьматӥз синпӧртмась дӥсьёсты. Писатель Пётр Захаров туала поэзия сярысь малпанъёсс э шараяз. Та у ж ра д сӥземын вал удмурт кылэз утёнлы но вӧлмытонлы. Ижысь егитъёс г уртын улӥсь эшъёссылы возьматӥзы, соос ог-огзэс уг ышто, анай кылзэс уг вунэто шуыса. Жаль, мылкыд карисьёс Порозэ вуыны ӧз быгатэ.

Проект вамыштоз уйпала Азинске егит азьветлӥсен Наталья Образцоваен радъям мукетыз проект. Солэн семинарез уйпал ёросъёсысь дышетскисьёслы чакламын. Со кутсконзэ мытӥз Эгра черкогуртысь 1 номеро школын. Татын толэзьлы быдэ одӥг пол егитъёсты визьмалозы Денис Корнилов - литературая но компьютер программаосъя специалист, Елена Миннигараева - журналист но кылбурчи, озьы ик Михаил Бегишев - театр ужъёсын вырись. ТӦДЬЫ ЗОРИНА

Гаруда но Кылдысин Январь пумын Ижын ортчиз этно-фолк шулдыръяськон ӝыт. Отчы люкаськемъёсты городысь рок-коллективъёсын ӵош шулдыртӥзы Дэри ёросысь Шор Постол гуртысь «GARUDA» удмурт группа но. - Берло дыре ми пумен мыло-кыдогес кыстӥськиськом удмурт фолкметалл борды, - вера группаысь гитарист Роман Симаков. - Азьланьын чакласьком фин-угор калыкъёслэсь гуръёссэс шудыны. Али, кылсярысь, дасяськом коми кылын кырӟанэз. Крезьчиос ӝытын быдэстӥзы ас сяменызы чеберъям удмурт кырӟанъёсты. Гитара куара борды итӥськизы арган но флейта. «GARUDA» люкаськемъёсты озьы ик паймытӥз удмурт такмакъёсын. Одӥгез гинэ гурзы ӟуч кылын чузъяськиз, со Роман Симаковлэн Кылдысинлы сӥзем кырӟанэз. Группа кылдӥз ог кык ар талэсь азьло, ним бырйизы, Индиысь калыкъёслэн мифологизы вылэ пыкиськыса. Гаруда - кыйёсын нюръяськись тылобурдо. Вазен артистъёс шумпоттылӥзы Шор Постолын улӥсьёсты гинэ. Табере соос сярысь тодо ни Ижын улӥсьёс но. Но крезьчиос таин гинэ буйгатскыны уг малпало. Кызьы пусйиз гитарист, матысь дыре соос пыриськыны чаклало Пермьын ортчоно «Рок-лайн» фестивале. КИМА АННОК

ТОЛЭЗЬ ПУС

.. Зуркатиз «Кебит возьмась» Анатолий Галиханов, «Silent Woo Goore» группаысь бас-гитарист, Иж: - Эшеным ӵош кӧня ке адямиосты тодматӥ «Smile» («Дипломме ути») кырӟанэным. 25-тӥ феврале кырӟамы «Авиаторын», кельшиз. Возьмаськом Пашалэсь милемыз нош ик тусовкае ӧтемзэ. Ми быдэс ар ӧм возьматӥськылэ ни асьме аудитория азьын. Эшшо чидатэк возьмасько «Узы-Боры» удмурт киноез но «Тараканы» группалэсь концертсэ. Соослэн нимысьтыз альбомзы мед потоз вылэм. Павел Зорин, удмурт режиссёр, литератор, Иж: - Берло толэзе тужгес но паймымонэз вал «Валера» фильмлэн премьераез но татчы Театральной академиын дышетскись валтӥсь геройлэн вуылэмез, со Les Partisans труппалы мастер-класс сётӥз. Культуралы сӥзем «КиноВУЗ-2011» пумиськон ортчоз февраль пумын, Удмурт театр аслэсьтыз юбилейзэ пусйиз ни. Таяз толэзе потыны кулэ на «Италмас» журнал. Возьмасько «Silet Woo Goore» группалэсь концертъёссэ. Лариса Ускова, Эгра ёросысь «Шудо егит дыр» удмурт лагерез радъясь: - Тунсыко ужрадъёс трос вал. Нырысь ик пусйысал «Шунды» огазеяськонэн тодматскеммес. Со удмурт егитъёс понна гучык омыр шокчем кадь. Кыкетӥез: «Шудо егит дыр» лагерьлы проект дасямын. Куинетӥез: диплом уже гожтэмын. Ёросысь театр коллективъёслэн «Катанчи усьтӥське» ӵошатсконазы поттыны дасясько Шекспирлэн яратон сярысь гожъямъёсызъя сценарий. Павел Поздеев, продюсер: - Нырысь ик пусйысал «Кебит возьмась» антипремия сётонэз, «Дорвыжы» эпосэз Удмурт театрлэн сцена вылаз возьматонэз. «Удмурт кылъёс-2010» проектэнымы, оло, паймытыны быгатомы фин-угор азьветлӥсьёс понна радъям семинаре пыриськисьёсты. Со сяна, пусйытэк кельтыны уг луы «Мынам Удмуртие» телеканалын выль передачалэсь потэмзэ. Со сӥземын воргоронъёслы.


.. .. 2011-ти ар 16-ти тулыспал АНАЙ КЫЛ

удмурт дунне / dart

3

..

Выльдиськон - чигнан?

Надежда МАМОНТОВА, Россиысь Наукаосъя академилэн Этнологияя институтысьтыз аспирант, Москва

18-тӥ даурозь Востокысь тужгес но азинскем кунъёслэн Западысь калыкъёслэсь кылъёссэс, сям-йылолъёссэс дышетыны луонлыкъёссы сокем паськытэсь ӧй вал. Отысь кивалтӥсь элиталы, ожъёс нуон но вуз каронэз радъян сяна, мукет удысъёс тунсыко ӧз потылэ. Та югдурез зуркатӥз, шуыны луоз, промышленностьын бугырскем революция, со кутскон сётӥз мукетызлы - кыл удысын - революцилы. Ближний Востокысь вуылыны ӧдъязы Европаысь кылъёс ты берык тонлы дышетскыны мылкыд карисьёс. Угось шундыпуксёнысь к унъёс шӧдскымон азьпалтӥзы шундыӝужанпалъёсты, таӵе югдур берлооссэ тужгес но

сюлмаськытӥз, лэся. Востокысь кунъёс но басьтӥськизы Западысь ваем выльдӥськонъёсты улонэ пыӵатон борды. Озьы ке но та уж туж секытэн но калленэн радъяськиз: эсьмаса, соос быдэсъяськытозь, шор дауръёсы Востокысь тужгес но азьмынӥсь державаос бырыны но вуттӥзы. Улон возьматӥз: мурт ъёс лэсь малпанъёссэс улоназы паськыт кутӥсь кунъёс гинэ пыд йылазы юн возиськыны но азинскыны пӧрмытӥзы. Таӵеос пӧлы, кылсярысь, пыртыны луоз Осман империез но Иранэз. Западысь лыктэм выльдӥськонъёсын герӟаны луоз туала вакытэ Тунисын но Египетын кемалась ик ӧвӧл ортчем учыръёсты… Меӵак вераса, странаысьтымы куд-ог законъёс тодэ вайыто ӵапак со шор дауръёсты, куке ваньзы оскизы дунне пум вуонлы но урмыса быдтылӥзы сое мат эк тытӥсьёсты в е д ӥ н ъ ё с т ы . Ку н ы с ьт ы м ы куд-ог кивалтӥсьёслэн вань калыкъёсты одӥг радэ пуктыны (уравниловка ортчытон) мылкыдзы асьмемыз ву т т э 19-тӥ даурлэн к у тсконаз «самодержавие, правос лавие, народность» идеология кузёяськон вакытэ. Зэм, сое воштӥз мукетыз система, но таиз но Россилэн улоназ мур пыӵаны ӧз вормы. Парадокс герӟаськемын вал со вакытэ власте лыктэм кивалтӥсьёслэн

таӵе малпанэнызы: Россиысь пӧртэм калык культураос но кылъёс обществоез т угало. Со вие ик уждунэз толэзьёсын тырытэк возён, кранысь пӧсь вулэн ышемез но улонысь кошкисьёслэн бадӟым лыдзы - ӵапак та ужпумъёс ик, пе, со обществоез огазеяны, кужмо карыны юрт то. Школаосын англи кылэз одно ик дышетыны косо ке - та нокинэ но уг паймыты, оло, шумпоттэ гинэ. Но кыӵе ке улосын анай кыллы висъям урокъёс кылдо ке, соку ик ӵашетонъёс пото. Кыкетӥез парадокс герӟаськемын таин - анай кылэз дышетон пумысен мылкыдзэс огшоры адямиос уг шараяло, та борды басьтӥсько политикаез нуисьёс-радъясьёс. Этнолог - калыкъёсты эскерись - луисько бере, вуылӥсько Россиысь пӧртэм улосъёсы. Отын улӥсь ӟучъёс пӧлысь кӧняез ке гинэ вераз анай кылэз дышетонлы пумит мылкыдзэ. Мурт кылъёс шоры соослэн, мон шӧдэмъя, лякыт учконзы. Кыӵе кылын вераське бускелед, кыӵе со калыклэн сям-йылолъёсыз таин тунсыкъяськись муртъёс соос пӧлын ичи ӧвӧл. Жаляса верано, анай кылзэс дышетон мылкыдзы гуртын улӥсьёслэн улӥынгес, городъёсын улӥсь калыкен ӵошатыса. Кылем даурлэн шораз Западысь уноез тодосчиос пусйылӥзы кык яке солэсь но трос кылъёс-

- Нош ик удмурт кылэн «куинь»? Табере котькуд нунал, часлэсь ичигес поръятэк, корка уд пыры!

- Ну, анааай...

Басьтэмын Lego-comics.ru

ты дышетонлэсь пайда ваемзэ. Кылэз дышетӥсь адями мурт калыклэн сям-йылолъёсыныз, культураеныз тунсыкъяськыны ӧдъя, таин валче юнма солэн мукет калыкъёсын эшъяськон мылкыдыз но. Мон малпамъя, кунысьтымы улӥсьёсты кужмысь (яке законэн юнматыса) кыӵе ке кылэз дышетонлэсь алон асьмеды изоляцие вуттоз. Соин ик та ласянь адӟем кароно Европаысь кунъёслэсь - отын улӥсьёс, чик шугъяськытэк, одӥг кылысь мукетыз вылэ выжо, капчиен верасько соиныз но таиныз. Угось соосты дышетон ласянь нокыӵе алонъёс, ӝикатонъёс ӧвӧл.

Со вие ик вераны луоз: Россиысь республикаосын паськыт кутыны луэ анай кылэз. Кылсярысь, кун ёзъёсы, адямилэсь улонзэ радъясь огазеяськонъёсы вазиськись котькуд адямилэн правоез вань кулэ луись иворез анай кылын тодыны. Кыӵе кылын вазиськоз ёрос администрацие - ӟуч кивалтӥсьлы - гуртысь вуэм мурт? Ӟуч кылын гинэ. Нош гуртысь адями ӟуч кылэз урод тодэ ке? Выльдӥськон сюрес кузя Россия вамыштэ шор дауръёсысь кужмо кунъёс выллем… Дасямын юри «Дарт» газет понна.

ТУАЛА ТОДМЕТЪЁС

..

Вотэс мозме удмуртъёслэсь .. сайтъёс лэсьтонъя чектонъёс

Роман Казаковский vk.com/inmar

Удмурт кылын сайтъёс кылдытон пумысен кылпум поттӥмы вал ини «Дартлэн» нырысетӥ номераз (шедьтыны луоз http:// www.kazak-of-sky.ru/a-est-liudmurtskij-internet.html). Удмурт вебмастеръёс азьын кыӵе ужпумъёс сыло та вакытэ?

Омырты омырез Удмурт вотэс кема тырмытэмын уз лу ай: та ласянь велосипед кылдытоно уз луы, малпанъёс омырын ик уяло - кут но лэсьты. Та нуналлы ӧсъёссэс вӧлъязы ни таӵе бамъёс: • крезьгур сайтъёс http://udm-music.izhnet.ru/ но http://udmmusic.ru/ • тунсыко малпанъёсты но куараосты-гуръёсты вӧлмытӥсь

сайт http://www.yumshan.ru • видеоканалъёс http://youtube. ru/yumshan005 но http://vimeo. com/yumshantv2 • ог дасо блогъёс • афишая сайт ъёсты вошто «В контакте» сайтысь туркымъёс (группаос) • удмурт пӧраськонлы сӥзем сайт http://www.udm-kyhnya. ru/ • кылбуръёсын сайтъёс http://home.udmnet.ru/kylbur/ но http://udmstih.ru • удмурт кыллы сӥзем сайт http://home.udmnet.ru/udmurt_ kyl/ • удмурт наукая но культурая портал http://udmurt.info/ • удмурт форум http://udmurtology.ru/ • удмурт СМИ-ослэн сайтъёссы http://udmdunne.ru/, http://invozho.ru/ но http://www.zechbur.com/ • супыльтонъёсын сайт http://shuoshow.ru/ • юалляськонъя но куара сётонъя сайт http://kuara.ru • удмурт вотэсысь цитатаос http://www.udmort.ru/ • удмурт политикая сайт http://udmpolit.ru/ (ӧз усьтӥськы на) • туспуктэмъёсын но латиницаен блог http://kifot.ru В ы л ь м а л п а н ъ ё с т ы ул о н э

пыӵатыны секыт ке, вылӥын сётэм сайтъёсты йылаз-пумаз вуттыны яке пӧртэм иворъёсын узырмытыны быгатоды. Малпанэз чиньыысь сюпсьыны но со нуналэ ик вотэсын выль сайт усьтыны луэ - таӵе амалэз кутэ экс-юмшан промо - «Шуо Шоу» агентство http://shuoshow.ru

Воректозы-а сайтъёсын кизилиос? • Удмурт кылберыктӥсьлы сервис (удмурт кылэ но удмурт кылысь пӧртэм кылъёсы берыктон тӥрлыкъёс; та сервис вылэ пыкиськыса ик, удмурт кылысь но удмурт кылэ берыктыны луоз Google-ысь Переводчик пыр http://translate.google. com, Промт онлайн сервисэз http://translate.ru но Лингво словарез кутыса) • Адӟем потэ йӧназ лэсьтэм удмурт календарьлэсь сайтс э - отысь контент нуналысь нуналэ мед вошъяськоз. Адями утчаськыкуз нуналэз гинэ мед быръёз, нош сайт ачиз мед возьматоз со нуналэ тупась праздникъёсты. Тае луэ Google календарьёсын герӟаны http://calendar.google. com. Соку шаплы адӟиськозы

удмурт праздникъёслэн нуналъёссы. • Вань электрон удмурт текстъёс мед луозы ӟеч удмурт раскладкаен бичам UTF-8 кодировкаен. Таӵеесь медаз луэ http://www.zechbur.com/ но http://udmgossovet.ru/press_-_ tsentr/novosti_udm/ (та сайтъёслэн техподдержказы умойтэм радъямын). • Нылкышноослэн но пиосм у р т ъ ё с лэ н т у н сыко б л огъёссы: http://kyshnomurt.ru, http://kylchin.blogspot.com/, http://chimali.ru, http://larisarim.ru, http://uriberi.blogspot.com/. Возьмасько удмурт кизилиослэсь нимысьтыз кылдытэм ак т ивной сай т ъёсс эс /блог ъёссэс. Кылсярысь, «Silent Woo Goore», Дмитрий Загребин, «Amiso Wott». Витисько «Эктоникалэсь» сайтсэ - отын луоз на удмурт чат. Ваньмыз со аспӧртэмлыко дизайнэн но туала куронъёслы тупась интерфейсэн мед луоз.

Кудзэ меда быръёно... Мон ужасько быдэс дуннеын тодмо Joomla универсал системаен но Wordpress блогъёслы чаклам системаен. Соос дунтэк

сётӥсько, со сяна, соос капчиен шедьто дась дизайнъёсты но пӧртэм ватсэтъёсты - соос сайтлэсь функционалзэ паськытато. Joomla-ын вань на Joomfish трос кылын сайт лэсьтон ватсэт - таиныз капчиен дасяны луэ удмурт-ӟуч сайт. Wordpress-л э н и н т е р ф е йс эз к апчи ен уд м у р т к ы лэ берыктӥське. Тӥляд юанды кылдэ, дыр: та системаос пӧлысь кудзэ быръёно? Лэсьтоно тазьы: вуоно сайтты секыт но трос каталогъёсын, паськыт функционалэн ке, быръелэ Joomla системаез. Нош сайтты блог яке блоглы тупась ке - кутэ Wordpress системаез. Кыкезлэн ик ӟуч кылын трос документацизы но шаблонъёссы. Та системаосын сайт усьтыны луэ кык час куспын. Вань ке тӥляд мукет CMS системаосын ужамды, гожтэлэ, дышетэлэ милемыз! ***

Удмурт шрифт но раскладка басьтыны луэ татысь http://udmurt.info/files/, озьы ик http://marlamuter.ru/комимарийско-удмур тская-раскладка-к-3/ адресъя. Гожъялэ ӟеч удмурт гожпусъёсын. Юанъёсты кылдӥзы ке, вазиське.


удмурт дунне / dart

.. .. 2011-ти ар 16-ти тулыспал

4

КУЛЬТПРОСВЕТ

ЮМАЛ МЫЛКЫД

А. Старков: Иж ассэ ачиз уг яраты!

Алнаш калыкен тырмем поезд туж каллен интыысьтыз вырӟиз. Кин ке кутскиз эшеныз зульыны, мукетыз умме усиз, нош тросэз, пелепонъёссэс поттыса, крезьгур ӧре выйизы. Ма, соиз котькинлы тодмо ни, туала егитъёс кырӟанъёстэк улыны уг быгато. Озьы кузь сюрес но вакчиёме кадь. Ураметӥ-а вамыштод, автобусын-а ворттылод, лекциын-а пукод - котькытын но соослэн пельёсазы крезьгур шудэ. Нош кыӵе кырӟасьёсты но кырӟанъёсты, ту жгес лӧптыса, кылзо егитъёс? Та юан кызьы йыре шуак лыктӥз, озьы ик монэ вагон кузя юанъёсын ури-бери солань-талань бызьылытӥз.

Маиныз удмурт крезьгур паймытэ мускоосты Надеж да Уткина. Со сярысь кема дыр ӵоже номыр ӧй тодылы. Одӥг пол уйин телевизорез учки но уно каналъёсты вошъяй. Шуак удмурт клипъёс вылэ ӝими: огез бӧрсьы мукетыз, кӧшкемытгес но кӧшкемытгес - чылкак попса... Но тани экранын кылдӥз гитараен Уткина, сюлэм вылын капчи луиз. Уг о т аӵ е к р е з ь г у р, зэ м н о, дунне крезьгур - world music - котькытын но котькинэн валамон. Надеж да ӟеч артист: со кырӟалоз но, эктоз но, кылбур но лыдӟоз. Ог ъя вераса, «тужгес но ӟеч нылкышно роль» номинациын висъясал. Паша Поздеевез но пусйытэк кельтоно ӧвӧл. «Авиаторез» чаклано ке, солэн кичӧлтэмез улсын ортчись ужрадъёс тусбуйзэс но тунсыксэс ыштӥзы ни кадь. Ваньмыз со абсурдлы пӧрмиз. Нош со абсурд профессионально лэсьтӥське… Висъясал на дано пианисткамес Ася Корепановаез. Кутсконэз 1-тӥ бамын.

А ми со, вот! яке «Шыпыт ву гур» Старков ваньзэ меӵак вера ке но, ӝоже уськытыны уг туртты. - «Авиаторысь» ӝытын «Амисо Вотт» йырме пуштытӥз - мон ӝоггес кошкыны дыртӥ. Зэм, кырӟасьёс кытӥ-отӥ умой мылкыд кельто кадь, но, оглом учкыса, пияшъёслэн йӧндыремзы ляб. Соос секыт но чурыт жанрез юромо уг азинто, мон малпамъя, капчи крезьг ур шудо. Эшшо ик котыразы гламурной логотипъёс, афишаос... Маиз ке но уг тырмы. Та выллем ӟуч группалы «Авиаторын» шудыны ӧй сётысалзы. Amiso Wott - «Амисо Вотт» - егит пияшъёслэн проектсы, кылдӥз 2010-тӥ арын. Шудо «хулиган» кырӟанъёс, отчы кытӥ-отӥ тышкаськон кылъёс но пырто. Асьсэос пиос оско, озьы соос удмурт кылэз, удмурт культураез азинто шуыса. Угось лулчеберетын ваньмыз радызъя но йӧно луиз ке, со егитъёсты бордаз уз кыскы. Та ласянь соос уг алдасько: пиослэн куд-ог гуръёссы тодмоесь луизы ини быдэс шаерамы. Чузъясько телефонъёсын. «С ай лен т ву г у р» г ру ппаен ӵошатоно ке, « Амисо Вот т » кадьёс трос: кутӥзы гитараос, ӧз валалэ на, кыӵе стилен шудо но дыбыр! потто ни. Эшшо куинь ар ортчыса, тодмо луоз: я та ваньмыз шудон гинэ но ас понназ ышоз-быроз, я пияшъёс амалъёссэс воштозы но у чкымон-кылзымон «емыш» вуттозы. «Silent Woo Goore» группа ма-

иныз висъяське? Со умой вала, мар ужа. Егитъёслэн вань асьсэлэн крезьг ур ӧрзы - индирок но этно. Соос ваньзэсты паймытӥзы: удмурт кылэз но удмурт сям-йылолэз исамтэ му вылэ выжтӥзы. Туннэ нуналлы та одӥгез гинэ йӧно группа дунне вылын вӧлмем, т уала модалы тупась крезьгурез удмурт кылын быдэстэ. «Сайлент ву гур» группа кылдӥз 2008-тӥ арын. Отчы пыризы крезьгуро арбериосын шудыны быгатӥсь удмурт егитъёс: Гриша Степанов, Толя Галиханов, Вова Жуйков, жингрес куараё но кырӟаны усто нылаш Света Ручкина. «Сайлент ву гур» ним, лингвистика ласянь учконо ке, цивилизацилэн вуоноез шуэмез возьматэ. Англи кылын «сайлент» - шыпыт, удмурт кылын «ву гур» - вулэн гурез - ог-огенызы герӟасько но, одӥг гуре-ӧре пӧлэстӥськыса, кылзӥсьлэн сюлмаз пыӵало. Быдэсто и н д и -р о к к ы р ӟ а н ъ ё с т ы , творчествоязы шӧдӥське удмурт калык фольк лор, пӧртэм стильёслэн сураськемзы. Гужем, «Культпросвет» ужрадъёсмес (Ижысь рок крезьгурчиослэсь концертъёссэс) дасяку, шоркарамы вуылӥз Москваысь «Грибной дож дь» группалэн азьветлӥсез Вадим Преображенский, дано кинокомпозитор. Со но, мукетъёсыз но куноос егит удмурт группаез, ымзэс усьтыса ик, кылзӥзы: «Ми таӵезэ ноку но ӧм на кылэ!»

Кизилиос ӧз ӝужалэ Нимысьтыз верано «Ӝу жась кизилиос» но «Пичи уӵыпи» ӵошатсконъёс с ярысь. Че-

бер... Пуш дуннеысьтымы тросс э шар а я т а у ж р а д ! Со удмурт калык лэсь шуг-секыт ъёссэ уг возьматы, со быд эс улослэсь ужпумъёссэ адӟытэ: кивалтӥсьёсын ӵек тэм культуралэн улэп калыкысь культ ураен т упамтэоссы син азе пуксё. Гуртын мар лэсьтӥське, гос уд арс тво, меӵак вераса, уг тоды. Культ урая юрт бича нылъёсты но пиосты, соосты кызьы но озьы дышето - мар кырӟаны но кызьы эктыны, нош таосыд номыр палзэ уг валало. Кунмы шуэ: ваньзэсты учконо но кузьым сётоно. Озьы ик пӧрме. Нош кинлы кузьым уз сюры, соизлы - данъян кагаз. Культуралэн азинскемез татын уг шӧдӥськы. Мукет ласянь, вань «Сайлент ву гур» - шаермы та группалы уг кулэяськы ке но, вань мылкыд, дарт. Нош кивалтӥсьёслэн таӵе егит коллективъёслы саклык вис ъяны луон лыксы но мылкыдзы ӧвӧл. Озьы ик луыса кошке ини: огласянь - егит но эрико крезьгурчиос, мукет ласянь - «Ӝужась кизилиос» кадь ӵошатсконъёс. Валамон ини, нокыӵе но кизили отын уг ӝужа.

Висъяськись удмуртъёс Мукетыз юан А лександр Ст а р ко в л ы : к ы ӵ е уд м у р т азьветлӥсьёсты но культураысь адямиосты со висъяны быгатысал, ма понна? Нырысь ик, «Сайлент ву гур» группае пырись егитъёс. Лёша Шкляев - удмурт пиарчи, проектъёсын вырись усточи. Со та удысъёсын т унсыкъяське но, соосты шӧдэ-вала но. Кун Кенешысь депутат но «Дано удмурт» нимын пусъем Энвиль Касимов. Со вырӟыт э котыр улосэз, воштэ Ижлэсь туссэ ачиз удмурт ӧвӧл ке но.

Кытчы ке отчы учкон Удмурт ъёс лэн ас к ульт ураенызы но сое азинтонэн сэрен асьсэлэн шуг-секытъёссы. Пал кыл ке но верам потэ Иж сярысь. Россилэн одӥг шуг-секытэз - Москва. Ваньмы ми кожаськом, ӟеч улэмед потэ ке лобӟы Муское. Отын, конечно, ваньмыз шаплыгес ортче, соин ик котьма тросгес сюре. Провинциын кичӧлтонэн потӥсьёс ӧвӧл. Соин ик Ижлэн куинь бадӟым урод палыз: 1. Культураын ышемын ортчеменыз герӟась кусыпъёс. Ваньзы дырто, ортчемзэ вунэтыса, т уннэ нуналэн улыны. Ижкарын 80-тӥ аръёслэн кутсконазы вал тунсыко вакыт: азинскиз электрон крезьгур, видео, арт. 90-тӥ аръёслэн пумазы рок-крезьг ур, этнофу т уризм. Со к усыпъёс ышемын. Малы ке Америкаын поп-крезьг ур этно но кантри г уръёсысь вордске, нош Россиын т уала крезьгур калык гуръёсысь уг вордскы... 2. Культураысь кичӧлтӥсьёс огогенызы герӟаськемын ӧвӧл, со о с к у с п а з ы у г э ш ъ я с ь ко. Котькин нимаз-нимаз ужа. Нимаз суредаськисьёс, крезьгурчиос, бизнесменъёс. Культураез азинтон понна ваньзы соос ӵош луыны кулэ. 3. Ижлы улыны тунсыко ӧвӧл. Иж ассэ ачиз уг яраты. Со котьку учке «кытчы ке отчы». Шуом, Татьяна Зыкина кырӟась татын нокинлы кулэ ӧй вал, нош али кизили шоры кадь учкыны ӧдъязы. Город асэныз ачиз уг данъяськы, аслэсьтыз нимзэ, ассэ уг лэсьты. Со понна ик ми, «Культпросвет» сайтэз дасякумы, Ижысь ужрадъёс пумысен малпанэ вуимы: пӧртэм проектъёсын карлэн сюлэмыз йыгаське. Вераськиз ДАРАЛИ ЛЕЛИ

«Ури-бери» яке джаз? Ю а н ъ ё с ы н ы м , о л о, в а н ь ег ит ъёс ты котыр тыса вуи. Озьы тодмо луиз: 60 процент па лаез ӟу ч кырӟанъёс вылын уло, нош кылемез егитъёс ӟу чен удмур тс э кы лзо. Кырӟасьёс пӧлысь висъяськизы. Д. Загребин, А. Эркишев, А . К а т к о в , Т. И ш м а т о в а , А . Ч у ш ъя лов а, М. Карпов а. Пусйыт эк ӧз ке льт э «Амисо Вот т» но «Пелепон» группаосты, «Айкай» ансамблез, УриБериез но А лина Антоноваез. Валэктӥсьёс яратоно кырӟанъёссылэсь нимъёссэс но шараязы. Кинлэн ке кельшымон г уръёсыз т уж трос, нош кинлэн ке - одӥг гинэ. Света но Люба, Кузьымгурт: - Тужгес но яра Эркишевлэн «Ми туала пияшъёс» кырӟанэз. Кылзӥськом Загребинэз, «Ӟичыпитэк» но «Тӧдьы йырсиё нылаштэк» улон мӧзмыт йӧ т э. Кы лэ м е в ань « А ми со Вот т» группалэсь «Макмыр» кырӟанзэ, со али котькуд егитлэн пелепоназ вань. Лена, Алнаш: - Яратӥсько «Айкаез». Кылэмед вань-а «Сопа л ярысь чагыр сяська» кырӟанзэс? Туж кельше! Эшшо Г. Кузнецовлэн « Даурез» сюлэмлы матын. Одно таосты кылзоно. Влад, Шайтангурт: - А ли нырысьсэ кылӥ УриБери лэсь кырӟамзэ, мыным у тыр яраз. Со удмурт рэпез ӝутэ. Зол. Аня, Азамат: - А лнашысь ны лаш А лин а А н т о н о в а с и н м а с ь к ы т э. Пӧрмытэ ук джазэз рос-прос куараен кырӟаны. Мукетъёсаз кырӟанъёсаз таӵе уг усьтӥськы кадь, куаразэ но лябгес поттэ, нош татын… Кылзонъям аслам н о б о р д а з и т ӥ с ь ке м п о т э ! Быгатӥсь нылаш, таӵезэ шер кылод. *** Тӥни сыӵе мылкыдын одӥг вагонэ Кузёбайысь, Кузьымг ур т ысь, А лнашысь, А заматысь, Шайтанг уртысь удмурт егит ъёс люкаськиллям. Шумпотымон: гуртын улӥсьёс туала удмурт кырӟасьёсты тодо. Нош мар кылзо мукет ёросъёсысь туала егитъёс?

Луша ШИХОВА lukretsia@mail.ru


2011-тӥ ар 16-тӥ тулыспал

удмурт дунне / dart

5

КЫЛБУРЕТКА

.. Туннэ музае сьолыка... Ижысь Восточно-Европейской калыккуспо университетлэн «Грифон» галереяяз люкаськылӥзы шаерысьтымы егит кылбурасьёс. Пумиськон сӥземын вал «Дарт» приложенилэн потэмезлы. Таин валче егит усточиос лыдӟизы асьсэлэсь чуръёссэс. Кылбуръёсынызы тодматӥзы Елена Панфилова, Каталинка Эмырова, Ольга Тронина, Надежда Николаева, Ирина Волкова... Озьы ик «суро-пожо» шуон чуръёссэ лыдӟиз Удмурт кун университетысь студент Богдан Анфиногенов. Егитъёсты кылзӥзы но дунъязы тодмо писательёс но журналистъёс: Сергей Матвеев, Александр Шкляев, Зинаида Рябинина, Фёдор Миннигараев, озьы ик К. Герд нимо гимназиысь дышетӥсьёс но дышетскисьёс. Та ужрад возьматӥз: шаерамы выль тулкым вуиз. Егит кылбурасьёс витё: соосты кылзозы но дунъялозы издательёс, критикъёс, продюсеръёс. Пумиськон кутскиз но йылпумъяськиз кылбурен.

КАТАЛИНКА ЭМЫРОВА

ОЛЬГА ТРОНИНА

Акыльтӥ. Мукетъёссэ чупаса, Ӧчкарид шат? Шудмес беромытӥд… *** «Шулдыр луиз, шулдыр луиз, Мак сяська усьтӥськыса…» Шулдыр луиз, шулдыр луиз, Пыраклы люкиськыса… Кошкыса…

БОГДАН АНФИНОГЕНОВ *** Мон - берпуметӥ фараон, Чебереным паймытӥсько. Эксэйныл, Клеопатра мон, Египетэн кивалтӥсько. Ческыт зыно мугорам Зарни луо лякиське. Тӧдьы лотос сяська Котырам вӧлдӥське. Йырсиосам азвесь Пумтэм бырттылэмын. Пиосъёсын дунне Чылкак тымиськемын. Цезарьлэн эксэйлыкез Мынам киосам кутэмын, Яратонлэн зэмлыкез Кыен гадь вылам понэмын. *** Шоколад куэд гочатэ монэ, Шоколад синмыд серектэ гинэ. Шоколад сямыд сылмытэ монэ, Шоколад конфет ымдурад гинэ. *** Иземе уг луы Сиёнэ ӧвӧл, Телефон уг куты Уксёе ӧвӧл, Валеръянкалэн зыныз Коӵышез кадь урмытэ Ар-р-р!!! Ммм. …(умме усиськем) *** Туннэ Музае сьӧлыка быдэс уй валесын шуныт шобырет улын кый кадь берыкъяське, ӟыгыръямлы сётӥське. ………………. Музае сьӧлыка туннэ. *** Тон монэ эн йӧты, Пушнерен суто. Тон монэ эн ваты, Пилемлы пӧрмо. Мон сьӧры эн бызьы, Тулкымез уд сут. Мон сямен эн бӧрды, Сильтӧлэз уд кут. Тон монэ эн сьӧдма, Мон - тӧдьы лымы. Тон монэ эн буя, Мон - зарни шунды.

*** Пыдчиньыосы ӟыгыръязы пыдчиньыостэ Кыжмем валес вылын. Тараканъёс куртчыло Берпумзэ нянь юдэсэз Саптаськем ӝӧк вылын… Нош мон тонэ яратӥсько. *** Тыршиськод мукет луыны, Ватскыны зэмлыклэсь. Кемалась ни тодмо: Тон - монтэк Тӧлпуз. Мон - тонтэк Уй бубыли. *** Йӧтӥськы, Кудӟыты, Кушты… Кыӵе ческыт огинын, миндэрез ӟыгыръяса, уйёсты пыкылыны. *** Сылалтэм кияр - закуска, пе, Анаез дасям Пиезлы. Дӥсьтонтэм чупаме - курадӟон, пе, Дышетскы туннэ Уймылы. *** Яратон утчай. Шедьтӥ одӥгзэ, Кыкетсэ, куинетсэ… Яратӥ. Нош шуизы: Сьӧлыкай. *** Город сииз гуртысь нылашез. Сюлэмзэ пазяз урамъёсыз кузя. Нош мугорзэ кельтӥз Жугиськыны Аслыз шуныт инты понна. Сюлэмтэм мугорзэ… *** Ӟукыртэ лазег валес Бускель комнатаын Огъяулонниын. Яратон отын Ӝужа. *** Чупамдэ возьмаса, Акыльтӥ. Мукетъёссэ чупаса,

КИН-О КИНОЕ?

Берыктон луд паськыт Кы лем арын сӥзьы л орт чиз «Берык тон луд » пумиськон. Со сӥземын вал Кылысь кылэ берык тӥсьёс лэн нуналзылы. Соку Алексей Шкляев та ужрадэ пыриськем егитъёслы ӵектӥз удмурт кылэ пӧртэм киноосты берыктыны. Та дырлы дась ни кык кинолы субтитръёс, куинетӥез бордын али уж мынэ. «Apocalypto» но «Бӧрдӥсь бадьпу » картинаос вуизы ини адӟисьёс доры: одӥгез возьматэмын вал удмурт филология факультетысь студентъёслы, мукетыз - «Вамыш» лагерьысь удмурт егитъёслы. «Берыктон лудлэн» аспӧртэм ёзэз усьтӥськиз Можга ёросын но. О тын ег и т берык тӥсьёс али у жало быдэс дуннеез серекъятӥсь «Саус парк» мультфильм бордын. Ӝоген адӟом, быгатозы-а егитъёс та тунсыко мультфильмлэсь «узыр» кылзэ но лэчыт пуштроссэ учкисьёслы вуттыны. Нош али тодматом тӥледыз киноосын - соосты, оскиськом, ӝоген тӥ удмурт субтитръёсын адӟыны быгатоды.

Ангел-А Наташалы Кыӵе вань разница: кӧня тыныд арес? Пускай тон мынэсьтым таӵе пинал. Мон тодӥсько, нужна мне позарез Тон, школьница, Вай кузьмало тыныд пенал. Кизнер палан лыз кизили ӝуа, Машинаос ветло отцы-татцы. Ӧвӧл Ромео мон, ӧвӧл мон Дон Жуан, Всего лишь тающий, влюблённый папарацци. Надеюсь, ты не скажешь: «Вот урод...» Я тот, кто есть, и мне не стать иным, Мыным одно кулэ: тон только тод Ты очень нравишься, туж кельшиськод мыным.

Лымшор удмуртлэн монологез Кызьы, кызьы тон улӥськод? Тон сыӵе тумошо ук вал. Мар-о, мар-о тон кариськод? Тон огнад, пурышо зэрпал. Лампочка зол пиштэ мыным, Тумбочка вылын гожтӥсько. Мон котьку кадь пичи выны, Мон котьку огшорылыко. Чаль ай, чаль ай, писейка, пись-пись. Мон сюдо тонэ, сыл ай, татцы. Тон мусо но сыӵе пурысь, Тон мудрон, быжо Лао-Цзы. Утчасько тонэ, чеберай! Эграысь тон, шудӟа я выдӟа? Мон Пичи Пургалась - самурай. Мон бадӟым нюлэсысь - ниндзя. Исало: малы удмурт? Малы тон? Тон кылэз тодӥськод, Оло, мелодию небесной росы? Мон валай, Мон шедьтӥ та сярысь Туж умой валэктон: Со мынам сюбег синъёсы.

Режиссёр: Люк Бессон. Потэмын 2005-тӥ арын Франциын. Шудо: Ри Расмуссен но Жамель Деббуз.

Валтӥсь геройлэн - Андрэлэн - улонэз удалтымт э, со ассэ кулэтэм, «пичи» адями кожа. Но одӥг шудо нуналэ со, ассэ ачиз быдтыны малпаса, пумита йырез поромытӥсь чебер нылэз. Быдэс фильм ӵоже нылаш эмъя героез «висёнэзлэсь»: яраты астэ ачид, ноку но эн алдаськы, возьматы астэ - та малпанъёсты Ангела пыӵатэ Андрэлэн сюлэмаз. Сое аслыз оскись, музъем вылын йыг-йыг сылӥсь адями карыны тырше. Паймоно ка дь: Люк Б ессон кылдытӥз героез, кудаз капчиен адӟыны луоз удмуртъёслы тупась сямъёсты. Со уг оскы ас кужымезлы, ялан ассэ алда: со востэм но дӥсьтӥсьтэм. Со дыре ик Андрэ туж небыт но яратӥсь сюлэмо. Та кино - аспӧртэмлыко синучкон - со пыр котькудӥз адӟыны быгатоз аслэсьтыз пумит суредзэ. Оло, котькуд удмурт, шыпыт но востэм улыса, возьма ас лэсьт ыз А нг е лазэ - китӥз кутыса, яркыт дуннее поттӥсьсэ? Та сьӧд но тӧдьы буёло кино трос туспуктэмъёсты огазеяса к ы л ды т эмын к а дь: г ероиня али гинэ журнал бам вылысь васькемын, кожалод... Гламур, гламур, котькытын гламур... Вунонтэм но тодмотэм Париж - со шоры учкиськом Бессон суредасьлэн синъёсыныз. Бессонлэн верамезъя, киноын ньыль валтӥсь герой: Ангела, Андрэ, Париж но сьӧд-тӧдьы б у ё л ъ ё с л э н г е рӟ а с ь ке м з ынюръяськемзы. Та ньыль люкетъёс огазеяськыса кылдыто аспӧртэмлыко кылбурет. Одӥгзэ ке но люкетсэ куштод - «АнгелА» ыштоз аслэсьтыз номырлы но кельшисьтэм чеберлыксэ.


удмурт дунне / dart

.. .. 2011-ти ар 16-ти тулыспал

6

ВОРПО УЛОН

..

Тодьы карандашен астэ утчан котьку луоз. Мон ялан мае ке но утчасько. Анатолий: Мон али 9-тӥ классын дышетскисько ай. Озьыен, ваньмыз азьпалан. - Кытын ке печатласькиськоды-а? Ярослав: Вазен суредасько вал BTL журналлэсь вылзэ, но кризисэн сэрен со пытсаськиз. Берло дыре суредъёсы нокытын уг печатласько. Но оскисько, иллюстрациосы интызэс шедьтозы. Анна: Та вакытэ нокытын но уг. Вазенгес ужъёсы потыло вал Санкт-Петербургысь «Интербизнес» но Москваысь «Ок!» журналъёсын. Пичи проектъёсы вал шаерамы печатласькись изданиосын но. Анатолий: Мед гинэ вазиськозы журналъёс, мон соослы юрттыны дась!

Анялэн суредэз «Удмурт дуннеын» уг тырмо дизайнеръёс, компьютерен суредасьёс, иллюстраторъёс. Тросэз «Шундыкарысь» но лулчеберетъя дышетсконниосысь пиналъёс чиптэм-чаптэм ышо: дышетсконзэс йылпумъяло но удмурт дизайнэ уг берытско ни. Озьы ке но вэб-дизайн усточиос ласянь Ижкар лыдъяське дун ошмесэн. Мар быгатысалзы вераны асьсэос Ижысь иллюстраторъёс? Малы соослэсь дышетскыны луэ? - Кӧня арескысен суредаськиськоды? Ярослав: Кӧня асме тодӥсько, сомында ик суредаськисько. Атае котьку но мылкыдме ӝуткалляз, вынылэн но мынам ужъёсынымы дорын адӟытонъёс радъялляз - квартираысьтымы вань борддоръёс чебертэмын вал пластилинлэсь лэсьтэм мунёосынымы. Жаляса верано, фотоаппаратмы соку ӧй вал на. Анатолий: Пичи дырысен ик. Анна: 1 но ӝыны арескам мынам анай-атае киям сётӥзы краскаос. Кызьы тодӥсько, шунды суредай. - Кыӵе образованиды? Ярослав: Суредаськонлы ни-

Ярославлэн суредэз

мысьтыз дышетскеме ӧвӧл. Анна: Ижысь искусствоосъя 9 номеро школаез горд дипломен йылпумъяй. Вылӥ тодон-валан басьтӥ Удмурт кун университетысь дизайн факультетын, али со Искусствоосъя но дизайнъя институт нимаське. Но со сокем уг дунъяськы вылэм. Паймымон дизайнер яке иллюстратор кариськыны али луэ дипломтэк но. Адямилэн целез гинэ мед луоз но ужзэ туж мед яратоз. Бен, мон уг вераськы, дышетскыны воксё кулэ ӧвӧл шуыса. Дышетсконо! Быдэс улон ӵоже тодон-валан люкано. Бен, ас уждэ укыр яратон но куддыр мултэс, оло. Астэ пӧртэм удысъёсын эскерыны кулэ. Ӧз ке пӧрмы, дугдыны

- Мар малпаськоды Ижысь иллюстрация ӧрлэн азинскемез сярысь? Ярослав: Ижын иллюстраторъёс ӧвӧл - нокытысь соослы кылдыны. Вань нимаз художникъёс, но со чылкак мукет. Соос суредасько, нокыӵе куронъёсты чаклатэк, ужъёссэс дунъяны туж секыт. Вань дизайнеръёс, таосыз пӧртэм стильёсын ужало, но ӵемысь туж урод - ужъёссы воксё дунтэмесь. Вань творчествоен тунсыкъяськись огшоры нылъёс но пиос, асьсэды шедьтыны быгатӥзы ке, маке но, оло, пӧрмытозы. Нош ӟеч, дуно иллюстрация лэсьтӥсьёс - ӧвӧл. - Кыӵе трендъёс пумиськыло туала иллюстрациосын? Ярослав: - Иллюстрацилэн трендэз одӥг луыны кулэ - астэ шедьтоно, тонэн мед тунсыкъяськозы мукетъёсыз. Та понна тыныд туж огшоры яке вань чыры-пырыосты санэ басьтӥсь луоно, графика шоры аспӧртэм синмын учкыны быгатоно, вылды. Анатолий: Малпасько, политикаен герӟаськем тема туала вакытэ туж кужмо тренд луэ. Анна: Мон малпасько, улэп ма-

териалъёсын ужаны быгатоно. Усто луозы акварель, акрил, вӧё буёлъёс, дизайнер бумага, тушь, фломастеръёс, пластилин! - Кыӵе сюжетъёс ужъёсады? Анна: Кинлэн ке куремезъя уг суредаськы ке, соку кыре-буре пот тӥсько пуш малпанъёсме. Оген кылён тема тунсыко. Туж яратӥсько индеецъёслэсь пужыоссэс. Анатолий: Ӵемгес - огшоры улонысь суредъёс. Но эшшо тросгес - воксё сюжеттэм ужъёс.

Ярослав Ложкин

- Ужан амалъёсты кыӵеесь? Анна: Ӵемысь мон кагаз вылэ нырысь суредасько карандашен яке ручкаен. Собере сое сканировать карисько но тупатъясько ни компьютерысь фотошопен. Вань аслам планшетэ. Со мынам кыкетӥез ни - берлозэ басьтӥ 5-6 ар талэсь азьло. Куд д ы р ъ я с у р е д э л ы и н ъ е т лэсьтӥсько планшет вылын ик, собере буясько. Яратӥсько акварелез, эгырез но сепия буёлэз. Яке курень кагаз вылын сьӧд гель ручкаен ужасько, бӧрысь тӧдьы карандашен чебертӥсько на. Анатолий: Компьютер графика, огшоры графика но ӧжытак живопись.

Анна Кондратьева

- Кытысь адӟыны луоз тӥлесьтыд ужъёстэс? Ярослав: Сайтэ мынам пытсамын - иллюстрациосме, графикаме возьматонлэсь кулэлыксэ уг адӟиськы, дыры но солы али ӧвӧл. Вань вуж ужъёсы, но соосын дан поттыны мон сокем уг яратӥськы. free-lance.ru/ compgraf - пыраны быгатӥськоды татчы. Анна: Пыраллялэ таӵе адресъёсы: http//yanika-ru/blogsport. com, ht tp //cof fe-korizza. livejournal.com. Анатолий: Ужъёсме учкыны быгатоды www.shabalin.com яке www.cargocollective.com/sabalin сайтъёсысь. - Иллюстрация чотын коньдон поттӥськоды-а? Анна: Умой ук, яратон ужед пон-

Анатолийлэн суредэз

Анатолий Шабалин на коньдон басьтӥськод на ке. Тросэз, дыр, тазьы ик малпасько. Котькуд ужелэн дуныз потэ ужпумез макем секытэн быдэстэм но дыр быдтэм бордысь. Анатолий: Иллюстрациосме вузасько, 500 манетысен кутскыса, ӵемгес 1 сюрс 500 манетэн. Ярослав: Али мынам иллюстрацие ӧвӧл, соин ик со нокӧня но уг сылы. - Пусъе иллюстрациосын тужгес кельшымон сайтъёсты. - http//peopletoo.livejornal.com http//www.albertocerriteno.com http//camellia.com http//sergemaksimov.com http//jarovich.livejournal.com Дасяз Алексей ШКЛЯЕВ


.. .. 2011-ти ар 16-ти тулыспал

удмурт дунне / dart

7

ДАРАЛИ КУАРА

Удмурт бармен: кызьы сектано узыръёсты? Дарали Лели http://daralileli.blogspot.com Мынам Настя эше - бармен. Нырысь со вал огшоры официантка, нош табере Ижкарысь тужгес но тузӥяз кунокуаын ужа. Кунгожсьӧр куноослы кофе пӧзьтылэ, коктейльёс сура, соосын улон сярысь лабыртэ. Огшоры удмурт нылаш, Кез палась пичи гуртысь, йылпумъяз Удмурт кун университетысь англи кылъя ёзэтэз. Но улонзэ филологиен ӧз герӟа… - Малы школае ужаны ӧд мыны? М а л ы б а р м е н л э с ь уд ы сс э бырйид? - Та юанэз ӵем сёто, - вера эше. - Вань сыӵе стереотип: барменъёс - дышетскымтэ адямиос, тыро-пыдо уж шедьтыны быгатымтэос. Соос йырынызы ужаны уг валало. Сыӵе дыръя пумит вазёнэ вань: вераськыны быгатӥсьтэм адями доры калык лэн сиыны-юыны лык т эмез потоз шат?! Баре лыктӥсь мурт т унсыко адямиез у тча. Угось куно бампӧетсэ куштэ, статуссэ вунэтэ. Соку коньдон ужпумъёсын кивалтӥсь но Киркоровлэн эктӥсез одӥг кадь луо. Соин ик вань со адямиос лы ӟеч психолог, куддыръя психиатр но кариськоно.

Умой бармен луон понна туж трос тодыны кулэ. Нырысь ик, адями сям сярысь. Кудӟытӥсь юонъёс сярысь. Огшоры водка гинэ - мӧзмыт. Куно куд дыр лыктэ но меӵак вера: «Мар сётод? Кулэ сыӵеез юон - али ик изьыны мед погралом!» Нош, шуом, нылэн пиен вуо ке, соослы кулэ маке но гочатӥсьсэ, ш у к ы я с ь к и с ь с э, ӟ ы р д ы т с э, йырпоромытӥсьсэ. Огшоры гинэ уг быдэстӥськы ай кунолэн куронэз: верасамадьыса, малы тазэ юонэз мукетыныз сурано, кызьы дасяське мукетыз кок тейль но кызьы ярат э вал юыны Эрнес т Хемингуэй. Яке тӥледлы мартини драй - Джеймс Бондлы сямен? Шейкерын (суран посудаын) шуккыса-пожалтыса, оло нош суратэк, пильылэм йӧ поныса? Кудӟытӥсь юонъёс улонын туж бадӟым инты басьто. Огласянь, со а д ямиос ты быдтӥсь чер. Но со вие ик аспӧртэм ритуал - выльысь но выльысь ортчись юон йылол. Уд но малпа, макем лӧптэ клиент «Тӥледлы котьку сямен ик?» юанлэсь. - Нош кытысь куноосыд вуыло? - Москваысь, Питерысь. Луыло кунгож сьӧрысь вуэмъёсыз но. - Пӧртэм калыкъёсын пӧртэм сямен кусып тупатоно луэ, дыр? - Кыӵе выжыысь мурт ми доры шу тэтскыны лык тэ - та бордын у жпум ӧвӧл. Ваньмыз герӟаськемын адямиен, солэн

сямъёсыныз-мылкыдъёсыныз. Вань чылкак ӝушъяськись итальянецъёс: соиз уг кельшы, таиз уг яра. Но ӵем дыръя Италиысь в у э м ъ ё с с и н м а с ь к ы м о н э с ь: духияськемын, ӵукна одно ик кофе дасяны курозы. Уг ке но быг а т о, вераськ ыны т ыршо ӟуч кылын. Немецъёс лякисько. Соку ик визитказэс сёто но вазё: «Тӥ ӧй вал на ук Германиын - лыктэлэ.» Китаецъёсяпонецъёс котьку ветло быдэс делегациен. Юон но ӵош басьто - абсолютной коллективизм. Ӵукна кызь адямилэсь ичиен кофе юыны уз ваське… Одӥг пол таӵе учыр кемдӥз. Кав к а з ы с ь В а с я б ар е к ыӵ е ке т узӥ блондинкаез вайиз. Нылаш ёртыны к у тске: вай, пе, бриллиант колье. Ваньзэ тае амалт эк кылзоно луиськод, угось ваньмыз та бар ӝӧк сьӧрын ортче. Соос кутско керетыны, одӥг-ог мыжгаськыны но вутто, эсьмаса. Тон соослэсь буйгамзэс витьыса сылӥськод. Кыз ь ы к у н о о с т ы ул л я л о д?! Конь дон тырыны быгат э на, ваньбурез уг изъянты... - Нош чаевой трос-а кельто? - Чайлы сё-таки ӟучъёс келляло. Туж ичи на зэмос узыр интеллигенция. Трос «пурысь» адямиос. Таосызлэн уксёзы вань, нош асьсэды воземзы уг луы. Сыӵеосын вераськыны гинэ но секыт. Лек куараен гинэ вазьыло, куремзыя юон дасяськод но, соослы одно ик маиз ке уз

Умой бармен - психолог! Бармен тодыны кулэ, мае юо вал Эрнест Хемингуэй но Джеймс Бонд. Малы люкс номерын доширак зын лӧсъяське... кельшы. Но озьы ке но баре ветлӥсьёс пӧлын умой мылкыдо адямиос тросгес. Соос дуннеез адӟемын, гань-гань верасько, ӵапак соос бордысь лыктэ кужым но астэ гажан. Конечно, таӵе у жын оломае но адӟиськод. Огпол отелямы улӥз Москваысь Паша - Гуччи модельерлэсь дӥсьсэ нуллӥсь. Улӥз люкс номерын, но одӥгаз уе с триптиз-барын уксёзэ шуак бы дтӥз но берпуме т ӥ нуналъёссэ сиылӥз ни китай лапша. Люкс номерын камам-

бер дуно сыр интые доширак зын лӧсъяськиз... Ужын трос калык ке, со ымныръёс нуналлы быдэ вошъясько ке - мыным туж кельше. Соос - улонын ась с эды шедьтэмъёс, соослы котькытын удалтэ: кызь яке витьтон аресъем адямиос, соисьтыз яке таисьтыз кунысь вуэмъёс, пӧртэм удыс ъ ёсын у ксё ду рись ёс… Таӵеосын кенешыны тунсыко. Сыӵе адямиослэсь тон но малы ке н о д ы ш е т с к и с ь ко д . Б а р сьӧрысен ке но…

ТУЗӤ KUBISTA

Кильтро-мильтро! Полина Кубиста polina.kubista@gmail.com Таяз радэ аслам сэрегам саклык висъяме потэ ымныр тусэз, йырсиез чеберъян но синме йӧтымон карымон амалъёслы. Та сярысь малпан чилектӥз - уд оске - воргоронъёслэсь кышномуртъёс сярысь вераськемзэс кылыса! Соос куспазы машина, техника но спорт сярысь гинэ уг поттыло вылэм, визьмо тусын лабырто котырысьтызы нылашъёслэн йырсизы, макем быгатыса буяськемзы сярысь. Юнме уг шуо ук: пиосмурт, пе, нылэз дунъя синъёсыныз. Озьыен, ойдолэ дышетском тусбуймес эшшо но тузӥ карыны. Одӥг пияш но вӧзтӥды тӥледыз синйылтытэк медаз ортчы! Юанъёстэс яке ӵектонъёстэс ыстэлэ мыным.

Тазалыклэн пусэз вольыт ку Куэз арняяз кык пол векчи пырыё суретэн (скрабен) зыралляно. Со кулэсь вылзэ сузяны юрттоз, сое пиштӥсь но вольыт кароз. Сузям ку вылэ макияж но капчиен пуксёз.

Кезьыт тӧл, корка пушкез шунтӥсь тӥрлыкъёс - ваньмыз та ку вылын шӧдӥськытэк уг кыльы - со эшшо но золгес куасьме, паласькыны кутске. Мар кароно таӵе дыръя? Ӵектӥсько нылпиослы чаклам кремез кутыны, со кулэсь куалмаськем интыоссэ ӝог эмъялоз. Та сяна, эн вунэтэ нуналаз 2 литр пала ву юыны - кулы со пайда гинэ ваёз. Тональной кремез нуналлы быдэ зыраськыны чакламеныз сураны быгатоды - озьы со ымныр вылэ умойгес вӧлдӥськоз. Толалтэ куазен йырси но утялтэмез кулэ каре. Сое изьы улысьтыды поттыны эн дыртэ - кезьыт куазен со тӥяськись луоз. Чакласькыса кутэ йырси куасьтон но бабыльтон арбериосты. Миськем йырсидылы ас понназ куасьмыны луонлык сётэ. Сое пӧртэм маскаосын лӧпкытъялэ.

Ныл дыр сярысь… Туала вакытэ, зэмзэ вераса, макияжлы мода быремын. Шуом, 50-тӥ аръёсын ӵошатыса, 80-тӥ аръёсы чылкак мукет сямен буяськизы ни. Макияжъя нимысьтыз куронъёс кылдытэмын вал - соосты санэ басьтылӥз котькуд нылаш. Туа ла вакыт э кин буяськон амалъёсты вӧлмытэ? Тодмо модельеръёслэн адӟытонъёсазы пыриськись манекенщицаосты буясь визажистъёс. Берло вакытэ соос тӧдьы буёлэз гажаны ӧдъязы. Со, пе, возьматэ чылкытлыкез, ныл

дырез. Соин ик шунды улын пыжем куо чеберайёс туала макияжлэн куронъёсызлы уг тупало ини.

Син

Ымдур

Помадаен маялляськыны яратӥсьёс «ура!» кеськыны быгатозы. Угось дӥсьтыса буяськыны быгатоды тужгес яркыт буёлоосыныз. Макем синэз кыскись помадаед, сокем куэд тӧдьыгескӧсытгес адӟиськоз. Озьы макияжед туалалы тупалоз. Модалы сӥзем блогъёсты лыдӟыса, тодмо луиз: матэктӥсь тулыс модае пырозы ӵужкушман буёло яркыт помадаос. Бере уз кыльы мукетыз - слива тусо - буёл но. Таиз тустэс эшшо но кӧдэктытоз - асьмелы та ик кулэ!

ӝытлань кыӵе ке ужрадэ я куное мыныны дасяськиськоды ке, кутыны быгатоды яркытгес буёлъёсты.

Йырси

Ымдурды яркыт-горд буямын ке, озьыен, синъёстэс укыр адскымон карыны эн тырше. Синкабактэс пиштӥсь теньёсын зыраны эн дыртэ, кутэ небыт но бездыт буёлъёсты. Синдылэн дураз сьӧд карандашен пичи гож лэзьыны быгатоды - синлыс выллем. Та амал синъёстэс эшшо но усьтоз. Тенен вырыны мылды уг поты ке, номыр кышкытэз ӧвӧл, угось модае пыриз синлысъёсты гинэ буян. Эн вунэтэ, тенен зыраськон азьын син котырез пудраен шобыртоно. Подводка сярысь ке верано, санэ басьтоно йырсилэсь буёлзэ. Тӧдьы йырсиё нылашъёслы сьӧд карандаш уз тупа. Со сяна, пичи синмо нылъёс медаз дыртэ син улзэс карандашен буяны - чимыоссы эшшо но пичигес адскозы. Вань та куронъёсты чаклано, нуналлы быдэ буяськыку. Но

Те л е в и з о р , И н т е р н е т п ы р адӟиськоды, луоз: туала нылъёс йырсиоссэс пуныса ветлыны кутскизы. Кин ке йыр котыртӥз пунэт лэсьтэ, мукетыз - урдэсъёсаз. Со сяна, модаын йырсиез быж выллем кутон. Кузь но кисьтӥськись йырсиез, йыр шортӥ ик люкыса нуллыны луоз. Кутыны быгатоды пӧртэм заколкаосты, но туала модалы тужгес тупало бант выллем тэчетъёс. Соосты дэмӟытыны луоз йырси пунэт борды - котырысьтыды адямиослэсь синъёссэс амалтэк ас бордады кыскоды! Ойдолэ, котьку чебер луыны тыршомы! Туспуктиз Григорий СТЕПАНОВ


.. .. 2011-ти ар 16-ти тулыспал КЫТЫНКУМАР

.. 18-ти тулыспал, «Авиатор» клуб, Иж

.. 25-ти тулыспал, «Авиатор» клуб, Иж

Ижысь «KARENIN» группалэн выль дискеныз тодматскон. Россиысь тодмо крезьгур критикъёс Артемий Троицкий но Олег Нестеров пусъё: «KARENIN» туннэ Ижысь тужгес но тунсыко группа. Кинематография шӧмо крезьгурзы ӵошатонтэм, аспӧртэмлыко.

Label «Indie Love» нимаськись ӝыт сӥземын луоз инди-рок крезьгурлы. «Silent Woo Goore» группа 2011-тӥ ар понна нырысетӥ концертсэ сётоз - кузь сюрес вылэ вырӟон азяз.

.. 20-ти тулыспал, «Авиатор» клуб, Иж «Тараканы!» панк-рок группалэн ӝытэз. Группа кылдэмын 20 ар талэсь азьло, соин ик ужрадзы «20 лет угара» («20 ар - шулдыръяськыса») нимаське. «Тараканъёс» юн оско, Инмарез соос, тушетӥз кутыса, возё шуыса. Концертъёсынызы Ижез трос пол зуркатылӥзы ини. Ӟеч крезьгурез шӧдӥсь калык арысь аре шумпотыса пумита ӵашетыны яратӥсь пияшъёсты.

«Дружба» кинотеатр, .. котькуд вордиськонэ (понедельнике) Ижысь киноклуб котькуд вордӥськонэ (понедельнике) «Дружба» кинотеатрын возьматэ дуннеысь тужгес но тодмо-дано кинематографистъёслэсь ужъёссэс. Фильмъёслэсь нимъёссэс но мынон дырзэс http:// horosheekino.ru сайт пыр тододы.

.. 21-ти тулыспал, «Дружба» кинотеатр, Иж Учкисьёсты люкалоз «Серебряно-желатиновая любовь» фильм. Сое аспӧртэмлыко киберпанк шуыса дунъяны луоз, но кибернетикатэк но панктэк. Режиссёр усьтэ нео-нуар стильлэсь (вашкала фильмъёсты выль сямен пуктон) ӧрзэ.

.. 24-ти тулыспал, «Авиатор» клуб, Иж Шаерысьтымы Нимкылъёсъя но шонер гожъяськонъя комиссия, Удмурт кун университетысь удмурт филологияя факультет, «Вордскем кыл» журналлэн редакциез кичӧлтэмъя ортчоз «Удмурт кылъёс-2010» ужрад. Отын пусъемын луозы тужгес но усто, туала улонлы тупась кылъёс. Нялтас вераса, соос понна куаразэс сётӥзы Интернетэн эшъяськись удмуртъёс.

удмурт дунне / dart

8 ДЭМЛАН ПУЛ

1915-òћ àðûñåí

1917-òћ àðûñåí

.. 27-ти тулыспал, Удмурт .. Йоскалык театр, Иж Ӧсъёссэ вӧлъялоз но учкисьёссэ люкалоз «Шулдыртэ!» этно-шоу. Со быдэсак сӥземын луоз эктонлы-тапыртонлы. Ужрадэ пыриськозы Удмуртиысь но Карелиысь эктонъя коллективъёс: калык эктонъя «Чебеляй» студия, «Марӟан» ансамбль но карел культурая KRUUGA ансамбль.

«Фэшн» клуб, Иж

Светлана ЕДЫГАРОВА, филология тодосъя доктор, Хельсинки

Азинскон узырмон

Арнялы быдэ котькуд пуксёнэ (вторник) удмурт егитъёсты шулдыръяськон ӝытэ ӧтча «Фэшн» клуб. Люкаськемъёслы капчи мылкыд кузьмало удмурт эстрадаысь артистъёс: Дмитрий Загребин, Алексей Ложкин, Чушъялова сузэръёс но мукетъёсыз. Пырон дун 100 манет пала усёз. «Фэшн» клуб интыяськемын Ижысь Петров ульчаысь вуз каронъя «Петровский» юртын.

Удмурт ужбергатӥсьёслэн лыдзы будысал ке, соос удмурт шӧмо политика лэсьтысалзы. Огласянь, экономика удысэз азьланьтысалзы, мукет ласянь, сое удмурт шӧмо карысалзы. Шуом, Диснейлэнд яке Аквапарк - Вумуртпарк, Такси-Пукси но мукет.

.. 7-ти южтолэзь, «Авиатор» клуб, Иж

Одӥг ужрад гинэ удмурт кылэз «продвинуть» уз кары. Отын быдэс стратегия луыны кулэ. Со понна, нырысь ик, туала улонлэсь бергамзэ умой валаны кулэ. Тодэм-валамед вылэ пыкъяськыса, ужрадъёс ортчытоно. Шуом, выль кылъёс малпан сярысь вераськоно ке, учконо, кинлэн кыӵе опытэз вань ини. Нош улонысь учыръёс возьмато: выль кылъёсты терминъёсъя но орфографияя комиссия кылдытэ ке, соос калыке уг вӧлмо, солэсь пумит мылкыдзэ гинэ ӝуто. Нош со кылъёс мукет группаосын кылдо ке, соку соос капчиенгес вӧлмо. Собере соосты малпан гинэ - быдэс уж ӧвӧл на. Одӥг валатонлы кӧня вариант малпаны луэ, нош улон ачиз быръёз - кудӥз вераськонэ пыӵалоз. Собере со кылъёсты калык мед кылоз 10 пол но, 100 пол но. Собере кыӵе ке но мотивация яке прикол луыны кулэ. Тазьы соос вераськонэ ӝоггес пыӵалозы. Шуом, пелепон - тунсыко кылӥське. Соин, малпасько, тросэзлы сое вераны, чузъяськытыны туж кельше. Нош эмъяськонни шуыса мон ноку но уг вераськиськы. Та кыл удмурт кыллэн куронъёсызъя туж шонер малпам кыл луэ ке но...

Сарапулысь «BoSSa Nova» группа пусъёз 1 ар тырмонзэ. Аспӧртэмлыко группалэн кичӧлтӥсез но кивалтӥсез - удмурт нылаш Диана Шутова.

.. 17-ти южтолэзь, «Дружба» кинотеатр, Иж XXI даурын пуктэм «Узы-боры» удмурт-поляк фильмез возьматон. Отын адӟытэмын удмурт егитъёслэн улон-вылонзы, яратонзы.

.. 19-ти южтолэзь, клуб QWERTY, Иж Туала искусстволы сӥзем «Солнцестояние» фестиваль ортчон улсын возьматэмын луоз 20-тӥ даурлэн кутсконаз куаратэк пуктэм «Соперницы» нырысетӥез удмурт фильм. Сое чузъяськытозы «Тылобурдо» группаысь артистъёс. Кытын, ку, мар ортче - иворъёстэс келялэ udmdunne@udmnet.ru адресъя.

ПАЛЭНЫСЕН УЧКОН

«Дарт» .. сьод квадрат?

Кунгож сьӧрысь егит тодосчиосын кусып ӵемгес возёно, ӵошен проектъёсын ужано, но ОДНО ИК англи кылэз тодоно! Соосты уже кутыны луонлыкъёс утчано.

Браво… Мон «Дарт» газеттэс пыр-поч лыдӟи. Шумпотӥ выль удмурт кылъёслы. Мон, кылем даурысь адями, соосты троссэ уг но тодӥськы вылэм. Шумпотӥ егитъёслэн мылкыдъёссэс но малпанъёссэс шара, кышкатэк вераны дӥсьтонзылы, ас туспуктэмъёссэс возьматэмзылы, соосты, адскымон карыны турттыса, интыямзылы, пӧртэм темаосты усьтыны тыршемзылы, бугыртымтэ выльвылэ сэзь вамышсылы. Ваньмыз сямен гожтэмъёс яразы ке но, ваменэс дыдылэн малпанъёсыз юнгес кельшизы, тужгес удмурт элита кылдытон сярысь сюлмаськемез. Сыӵе мылкыд вань бере, со одно ик быдэсмоз, соку удмурт егит нылъёслы Интернет пыр туган утчано уз луы ни, малы ке шуоно ас котырад будэмъёсыз ӟечесьгес но визьмоесьгес потозы. М. ГАВРИЛОВА, Удмуртиысь дано журналист

Àäðåñ ðåäàêöèè-èçäàòåëÿ: 426008, ã. Èæåâñê, óëèöà Ê. Ìàðêñà, 274.

Ó×ÐÅÄÈÒÅËÈ: Ãîñóäàðñòâåííûé Ñîâåò Óäìóðòñêîé Ðåñïóáëèêè

Ãëàâíûé ðåäàêòîð Ç. Ê. ÂÀÕÐÓØÅÂÀ.

Ïðàâèòåëüñòâî Óäìóðòñêîé Ðåñïóáëèêè

Îáú¸ì 2 ï. ë. Èíäåêñû: 54400, 11598 Òèðàæ íîìåðà 3170. Îáúåäèí¸ííûé òèðàæ 11590. Öåíà: 3 ðóá.

1918-òћ àðûñåí

1930-òћ àðûñåí

.. Кызьы волме кыл

Трос тодод кусып шедьтод

Мон шумпотӥсько, егитъёслы нимысьтыз номер кылдӥз шуыса. Соос пӧлын будо ук вуоно политикъёс, кивалтӥсьёс, пӧртэм проектъёсын ужасьёс, грант утылӥсьёс. Соослэн улон шоры учконзы но асьсэлэн, дӥсьтӥсесьгес но, котькытчы вуттӥськыны тыршисесь но. Озьыен, «Дартэз» лыдӟисьёс витёзы лычсузьымонэсь материалъёсты. Нимыз пумысен малпанъёсмы пӧртэмесь: «Кыӵе ке небыт ӧвӧл со, бордаз уг кыскы», «Тросэз та кыллэсь пуштроссэ, словаре учкытэк, уз тодэ». Нимызлы наӵ-наӵ удмурт кыл куриське. Кулэез вань-а нимзэ сьӧд квадратэ пыртыны?», «Ярам, «дарт» кыллэн валэктонэз удмурт. Нош малы англи букваосын гожтонэз?» Н. ЛОПАТИНА, «Ӟечбур!» газетлэн валтӥсь редакторез

1918-òћ àðûñåí

.. Зуч кылын эшъяськон

Фин-угор дуннеын берган, кинэн ке эшъяськон но кусып возён, мон малпамъя, кыӵе ке практичной яке конкретной проектъёсъя гинэ умой пӧрме. Шуом, пӧртэм кылъёсын кырӟанъёс гожтон, кылэз дышетон, наукая проектъёс но мукет. «Калык эшъяськон» амал татын уг тупа, м.к.ш. дышетэм кылъёсмы таӵе дыръя кулэ уг луо ни - ваньмыз ӟуч кылын кошке.

1943-òћ àðûñåí

1992-òћ àðûñåí

ÏÎÒÒЋÑܨÑ: Óäìóðò Ýëüêóíûñü Êóí Êåíåø Óäìóðò Ýëüêóíûñü Êèâàëòýò Âàëòћñü ðåäàêòîð Ç. Ê. ÂÀÕÐÓØÅÂÀ. «Äàðò» ïðîåêòëýí êèâàëòћñåç À. À. ØÊËßÅÂ. Íîìåðúÿ ðåäàêòîð Ë. ß. ÌÀËÛÕ.

¹ 21 (24760) íîìåð 2011-òћ àð 16-òћ òóëûñïàë (ôåâðàëü) Ðåäàêöèëýí-èçäàòåëüëýí àäðåñýç: 426008, Èæ ãîðîä, Ê. Ìàðêñ óëü÷à, 274-òћ þðò, «Óäìóðò äóííå» ãàçåòëýí ðåäàêöèåç. ÐÅÄÀÊÖÈÅ ÂÓÒÒÝ ÒÀЏÅ ÒÐÀÍÑÏÎÐÒ: Ïóøêèí óëü÷àåòћ: àâòîáóñ - 19-òћ, òðîëëåéáóñ 1-òћ, 4-òћ, 7-òћ - «Ôèëàðìîíèÿ» äóãäîí. Êàðë Ìàðêñ óëü÷àåòћ: òðàìâàé - 1-òћ, 2-òћ, 4-òћ, 9-òћ - «Ïåðåóëîê Øèðîêèé» äóãäîí.

E-mail: udmdunne@udmnet.ru Ñàéò: www.udmdunne.ru ÒÅËÅÔÎÍÚ¨Ñ:

«Дарт» газетэз басьтыны мылкыд карисьёс вазиськыны быгатозы 8-912-747-69-77 пелепонъя. Газетлэсь ватсаса тиражзэ поттыны юрттӥзы:

Âàëòћñü ðåäàêòîð - 733-344 Âàëòћñü ðåäàêòîðåç âîøòћñü - 733-342 Þàíú¸ñúÿ - 733-342 (ôàêñ). ËÞÊÅÒÚ¨Ñ:

www.deko-stil.ru

¹ 21 (24760) 16 ôåâðàëÿ 2011 ãîäà Ïîäïèñàíî ê ïå÷àòè: 18.00 Ïî ãðàôèêó: 18.30 Ãàçåòà îòïå÷àòàíà íà ÃÓÏ «Èæåâñêèé ïîëèãðàôè÷åñêèé êîìáèíàò» (426039, ã. Èæåâñê, óë. Âîòêèíñêîå øîññå, 180). Çàêàç ¹ 208.

www.kaminski.ru

Ãàçåòà çàðåãèñòðèðîâàíà Óäìóðòñêîé ðåñïóáëèêàíñêîé èíñïåêöèåé ïî çàùèòå ñâîáîäû ïå÷àòè è ìàññîâîé èíôîðìàöèè Ðåãèñòðàöèîííûé íîìåð Ó-0084 Ãàçåòà ðàñïðîñòðàíÿåòñÿ ïî ãîðîäàì è ðàéîíàì Óäìóðòèè, Áàøêîðòîñòàíó, Òàòàðñòàíó. Çà ñîäåðæàíèå ðåêëàìíûõ ìàòåðèàëîâ ðåäàêöèÿ îòâåòñòâåííîñòè íå íåñ¸ò.

Ïîëèòèêàÿ - 733-338 Èâîðú¸ñúÿ - 733-343 ßëîíú¸ñúÿ (îòäåë ðåêëàìû) 733-347 Ãîæòýòú¸ñúÿ, áóõãàëòåðèÿ 733-341 Ãàçåò ðàäúÿñü¸ñ - 733-346 Ðåäàêöèëýí íî àâòîðú¸ñëýí ìàëïàíçû êóä-îã äûðúÿ óã òóïà. Д

Äóíûí ïå÷àòëàñüêèñü ìàòåðèàëýç âîçüìàòћñü ïóñ.

Ðåêëàìàëýí ïóøòðîñýç ïîííà ðåäàêöèÿ êûë óã êóòû.

DART №2  

DART №2 удмурт егитёслэн газетсы

Advertisement