2023 Menningarmálin í Kópavogi
• Ritstjóri
Soffía Karlsdóttir, forstöðumaður menningarmála
• Ábyrgðarmaður
Pálmi Þór Másson, bæjarlögmaður
• Samantekt og samræming
Vigdís Másdóttir, markaðs- og kynningarstjóri menningarmála
• Umbrot
Sigríður Rún
Forsíða: Ljósmynd af verki eftir Martha Haywood af sýningunni Skúlptúr I Skúlptúr í Gerðarsafni.
Ljósmynd: Sigríður Marrow
Útgefið: Mars 2024
Árið 2023 var ár mikilla breytinga í menningarmálum í Kópavogi. Síðla árs 2022 var hafinn undirbúningur við gerð úttektar KPMG á starfsemi menningarhúsanna með það fyrir augum að forgangsraða fjármunum og endurmeta ýmsa þætti. Slík úttekt hafði síðast farið fram árið 2012 og því tímabært að rýna í starfsemina og leita leiða til að laga hana að nýjum tímum og mæta betur kröfum samtímans. Í úttekt KPMG voru kynntar ýmsar tillögur sem bæjarstjórn horfði til þegar hún samþykkti umtalsverðar breytingar á rekstri menningarhúsanna á fundi sínum þann 25. apríl 2023. Nánar er fjallað um þær breytingar í skýrslunni.
Þrátt fyrir breytingarnar sem voru í vændum var þess gætt í hvívetna að þær bitnuðu ekki á menningarstarfseminni sjálfri sem var með blómlegum hætti á árinu.
Árið 2023 voru starfsmenn menningarmála 58 í 31,05 stöðugildum. Viðburðir og sýningar voru á árinu 468. Heildargestafjöldi sem sótti menningarviðburði sem skipulagðir voru af starfsfólki menningarmála voru 301.080 og fjölgaði um 9% frá fyrra ári. Það er því ánægjulegt að sjá þessa aukningu en mikið bakslag varð í aðsókn þegar kórónuveirufaraldurinn gekk yfir, sem nú virðist vera að skila sér til baka.
Eins og undanfarin ár snerist stór hluti starfseminnar um menningarfræðslu fyrir leik- og grunnskólabörn í Kópavogi. Kappkostað var að bjóða upp á skapandi og örvandi verkefni fyrir börnin í öllum menningarhúsunum og með alþjóðlega verkefninu Vatnsdropanum sem hundraðir barna í Kópavogi tóku þátt í. Þetta er í sjötta sinn sem ársskýrsla menningarmála og starfsáætlun er gefin út með þessu sniði. Tilgangur hennar er að gefa ítarlegt yfirlit yfir helstu rekstrarþætti í starfsemi menningarmála í Kópavogi eins og gestaheimsóknir, viðburði, fræðslu, fjármál, mannauðsmál, auk víðtæks yfirlits yfir starfsemi hvers menningarhúss fyrir sig. Skýrslan telur 80. blaðsíður og er skrifuð af forstöðumönnum húsanna og forstöðumanni og verkefnastjórum menningarmála.
Soffía Karlsdóttir forstöðumaður menningarmála í Kópavogi
Stærstu breytingarnar fólust í því að Héraðsskjalasafn Kópavogs var lagt niður og starfsemi þess færð til Þjóðskjalasafns Íslands. Einnig var tekin ákvörðun um að stokka upp starfsemi Náttúrufræðistofu Kópavogs með því að leggja af vatnarannsóknir, sem voru snar þáttur í starfseminni, en leggja þess í stað ríkari áherslu á fræðslu, miðlun og sýningarhald. Við þessar breytingar var starfsmönnum Náttúrufræðistofu sagt upp, forstöðumaður Gerðarsafns var settur forstöðumaður Náttúrufræðistofu en fyrrum forstöðumanni stofunnar boðið starf sérfræðings, sem hann þáði ekki. Bókasafninu var gert að fækka starfsmönnum um tæp tvö stöðugildi og samþykkt var að starfshópur gerði úttekt á starfsemi Salarins. Ein viðamesta nýjungin í samþykktum bæjarstjórnar fólst í ákvörðun um endursköpun á sameiginlegu upplifunarrými bókasafns og Náttúrufræðistofu þar sem áhersla skyldi lögð á sköpun, samveru og fræðslu fyrir börn og fjölskyldur.
Innleiðing breytinganna hófst strax eftir samþykkt þeirra. Arkitektinum Theresu Himmer var falið að hanna upplifunarrýmið og þróa tillögur að hönnun útisvæðis við menningarhúsin og á Hálsatorgi, eða „menningarmiðjuna“ sbr. vinnuheiti verkefnisins. Tillögur sínar byggði Theresa meðal annars á hugarflugsfundi starfsmanna menningarhúsanna og lista- og menningarráðs, hugmyndasöfnum Kópavogsbúa á netinu og ábendingum barna og ungmenna í bænum sem safnað var með ýmsum hætti.
Verkefnið var sett á fjárhagsáætlun 2024 og er stefnt að formlegri opnun á afmælisdegi Kópavogs 11. maí 2025.
Við árslok 2023 var þeim áföngum sem stefnt var að náð ef frá er talin skipan starfshóps fyrir Salinn. Ábyrgð á niðurlagningu og flutningi Héraðsskjalasafns var færð til bæjarritara. Með breytingum á starfsemi Náttúrufræðistofu voru ráðnir inn þrír starfsmenn. Uppsögnum á bókasafninu var fylgt eftir eins og kveðið var á um. Við breytingarnar var lögð áhersla á frekara samstarf menningarhúsanna, sér í lagi á sviði viðburða, kynningar- og markaðsmála sem reynst hefur afar vel.
Eins og gefur að skilja reyndu þessar umfangsmiklu breytingar verulega á starfsfólk á sviðinu, bæði þau sem frá þurftu að hverfa og þau sem áfram störfuðu. Með aðkomu frá mannauðsdeild bæjarins var reynt að styðja við starfsfólkið af fremsta megni og leiða í gegnum breytingaferlið. Segja má að það hafi tekist vel og það er aðallega að þakka þeirri miklu ástríðu og metnaði sem starfsfólk menningarmála hefur fyrir starfi sínu. Eru þeim færðar ómældar þakkir fyrir samstarfsvilja og þrautseigju við að ná fram sameiginlegum markmiðum.
Lista- og menningarráð fer með og mótar menningarstefnu bæjarins, samkvæmt erindisbréfi. Ráðið er kosið af bæjarstjórn í upphafi kjörtímabils og veitir faglega ráðgjöf í málaflokknum. Ráðið sér jafnframt um árlega útnefningu bæjarlistamanns og heiðurslistamanns þegar það á við og úthlutar
Fráfarandi lista- og menningarráð:
D Elísabet Sveinsdóttir, formaður
C Elvar Helgason
B Helga Hauksdóttir
Y Ísabella Leifsdóttir
B Jónas Skúlason
P Margrét Ásta Arnarsdóttir, áheyrnarfulltrúi
S Margrét Tryggvadóttir, áheyrnarfulltrúi
P Eva Sjöfn Helgadóttir, varaáheyrnarfulltrúi
D Hanna Carla Jóhannsdóttir
Y Kolbeinn Reginsson
D Kristín Hermannsdóttir
B Sigrún Ingólfsdóttir
C Soumia I Georgsdóttir
S Þóra Marteinsdóttir, varaáheyrnarfulltrúi
B Framsóknarflokkurinn
C Viðreisn
D Sjálfstæðisflokkurinn
P Píratar
S Samfylkingin
Y Vinir Kópavogs
styrkjum úr lista- og menningarsjóði samkvæmt þeim reglum sem það hefur sett sér og samþykktar hafa verið í bæjarstjórn. Fundir ráðsins árið 2023 voru x talsins. Starfsmaður ráðsins er Soffía Karlsdóttir forstöðumaður menningarmála.
Núverandi lista- og menningarráð:
D Elísabet Sveinsdóttir, formaður
B Helga Hauksdóttir
B Jónas Skúlason
C Elvar Helgason
Y Ísabella Leifsdóttir
P Margrét Ásta Arnarsdóttir, áheyrnarfulltrúi (til des. 2023)
P Árni Pétur Árnason, áheyrnarfulltrúi (frá des. 2023)
S Margrét Tryggvadóttir, áheyrnarfulltrúi
TIL VARA
D Kristín Hermannsdóttir
D Hanna Carla Jóhannsdóttir
B Sigrún Ingólfsdóttir
C Soumia I. Georgsdóttir
Y Kolbeinn Reginsson
P Eva Sjöfn Helgadóttir, varaáheyrnarfulltrúi (til sept. 2023)
P Árni Pétur Árnason, varaáheyrnarfulltrúi (frá sept til des. 2023)
P Margrét Ásta Arnarsdóttir, varaáheyrnarfulltrúi (frá des. 2023)
AÐGENGI – FAGMENNSKA – SAMSTARF
Lista- og menningarráð ber ábyrgð á menningarstefnu Kópavogsbæjar sem nær til alls lista- og menningarstarfs á vegum bæjarins. Menningarstefna bæjarins var samþykkt í bæjarstjórn 5. maí 2022. Menningarstefnan tekur mið af yfirmarkmiðum bæjarins sem meðal annars lúta að öflugu mannlífi, framúrskarandi þjónustu við bæjarbúa og stuðningi við heilsu og velferð íbúa á öllum aldri. Menningarstefnan var unnin í samstarfi lista- og menningarráðs og starfsmanna menningarmála. Áður en stefnan var samþykkt fór hún í samráðsgátt fyrir íbúa sem höfðu þannig áhrif á þróun hennar. Einnig var stefnan lögð fram til umsagnar fyrir nefndir og ráð allra sviða bæjarins.
Megintilgangur menningarstefnu Kópavogs lýtur að eflingu menningar, vísinda og lista með það að markmiði að stuðla að bættum lífsgæðum og menningarupplifun Kópavogsbúa á öllum aldri. Öflugt og fjölbreytt starf í menningu, listum og vísindum styrkir bæjarbrag, eykur víðsýni, örvar samfélagið í heild og styður við efnahagslega framþróun þess. Síðast en ekki síst viðheldur það jákvæðri ímynd bæjarins og laðar að gesti og nýja íbúa.
Menningarstefnan felur í sér þrjár stefnuáherslur sem lúta í fyrsta lagi að jöfnu aðgengi allra að menningu, vísindum og listum, óháð m.a. aldri, uppruna, færni og efnahag. Í öðru lagi að sérstöðu og faglegu starfi menningarhúsa bæjarins og að endingu að víðtæku samstarfi.
Stefnuáhersla 1
Kópavogsbær leggur áherslu á að menningarstarf sé aðgengilegt öllum bæjarbúum.
Stefnuáhersla 2
Kópavogsbær stendur vörð um sérstöðu og faglegt starf menningarhúsa bæjarfélagsins.
Stefnuáhersla 3
Kópavogsbær leggur áherslu á víðtækt samstarf við bæjarbúa, svið og deildir bæjarins og lista-, fræði- og vísindamenn úr ólíkum áttum.
Rithöfundurinn Lilja Sigurðardóttir var valin bæjalistamaður Kópavogs árið 2023. Valið var tilkynnt við hátíðlega athöfn í Bókasafni Kópavogs 11. maí. Lilja Sigurðardóttir er landsmönnum góðkunn enda hafa vinsælar glæpasögur hennar verið fastur liður í jólabókaflóðinu síðastliðin ár. Hún starfaði lengst af við uppeldis- og menntamál og nytjaskrif þeim tengd en hefur verið rithöfundur að aðalatvinnu frá árinu 2015. Lilja hefur tvisvar hlotið Blóðdropann, íslensku glæpasagnaverðlaunin, og verið tilnefnd til Glerlykilsins, norrænu glæpasagnaverðlaunanna. Hlutverk bæjarlistamanns Kópavogs er að vinna með Kópavogsbæ að því að efla áhuga á list og listsköpun í bænum og taka þátt í viðburðum bæjarins með það að leiðarljósi. Meðal viðburða sem Lilja stóð fyrir voru dagskrárliðirnir Hinsegin glæpalýður, Glæpsamlega gott jólabókaflóð, KrimmaKviss í Kópavogi, Hvernig á að skrifa glæpasögu? og Kanóna íslenskra glæpasagna. Styrkupphæð sem rennur til bæjarlistamanns Kópavogs nemur 1.500.000 kr.
Ráðstöfunarsjóður lista- og menningarráðs árið 2023 nam 44.830.000 kr. og hækkaði um tæp 0,6% á milli ára.
Þann 7. desember 2023 úthlutaði lista- og menningarráð styrkjum til 40 listamanna og listhópa vegna menningarverkefna sem koma munu til framkvæmda í Kópavogi árið 2024. Ráðinu barst 71 umsókn en úthlutuð fjárhæð nam 14.200.000 kr.
Hæsta styrkinn hlaut Menningarfélagið Rebel Rebel, kr. 6.000.000 kr. fyrir hátíðina Hamraborg Festival 2024 en hún hefur verið haldin árlega frá árinu 2021. Hamraborg Festival er samblanda af hverfishátíð og alþjóðlegri listahátíð sem fagnar Hamraborg og hinni einstöku menningarflóru sem finna má í krókum og kimum hennar.
Aðrir helstu styrkþegar voru Y gallery sem hlaut 1.500.000 kr. styrk vegna sýningahalds og reksturs gallerís í Olís-stöðinni við Hamraborg, hátíðin List án landamæra hlaut 600.000 kr. styrk fyrir sýningar og viðburði í Kópavogi, Ásrún
Magnúsdóttir og Halla Þórlaug Óskarsdóttir hlutu 500.000 kr. styrk fyrir verkefnið DJ amma, og Leikfélag Kópavogs sem hlaut 500.000 kr. styrk fyrir uppfærslu á nýju leikriti.
Þessir fengu 400.000 króna styrk:
Bergþóra Linda Ægisdóttir fyrir frumflutning á Kammerleikhústónverkinu Ipsa dixit eftir Kate Soper
Halla Þórlaug Óskarsdóttir og Eva Rún
Snorradóttir fyrir bókmenntahátíð með áherslu á hinsegin málefni
Karlakór Kópavogs, Kvennakór Kópavogs, Samkór Kópavogs og Oddur Hólm Haraldsson fyrir dansog tónlistarverkefnið Undraheimur Rofafjarðar
Aðrir sem hlutu styrki voru:
Andlag með sýningar á söngleikhúsverkinu Söngur
Vesturfaranna
Anna Guðrún Tómasdóttir fyrir sýningu á verkinu Venus
Auður Finnbogadóttir, Rakel Björk Björnsdóttir og Viktoría Sigurðardóttir fyrir djass- og söngleikjatónleika
Ása Valgerður Sigurðardóttir fyrir verkefnið UNISON
Ásgeir Jón Ásgeirsson og Jósep Gíslason fyrir heimstónlistarhátíð í Salnum
Ásdís Björg Káradóttir fyrir sagnasmiðju
Ásthildur, Marta og Ólína Ákadætur fyrir tónlistarog hreyfismiðjuna Máfurinn
Edgars Rugajs fyrir tónleikaröð helgaða djassgítarnum
Eva Þyri Hilmarsdóttir og Ragnheiðar Ingunn Jóhannsdóttir fyrir tónleika
Eva Rún Snorradóttir og Ragnheiður Harpa Leifsdóttir fyrir skapandi ritsmiðju
Evrópusamband píanókennara fyrir píanókeppni Íslandsdeildar EPTA
Hanna Rós Sigurðardóttir Tobin fyrir röð sagnakvölda
Helga Margrét Clarke, Vigdís Þóra Másdóttir og Vilhjálmur Ósk Vilhjálms fyrir hinsegin jass í Salnum
Leifur Gunnarsson Myschi fyrir Jazzhrekk, Karen Ýr Sigurbjörnsdóttir fyrir vegglistaverk
Katrín Guðnadóttir og hljómsveitin Fjaðrafok
Kjalar Martinsson fyrir tónleikar fyrir eldri borgara
Magnea Tómasdóttir fyrir tónleika á hjúkrunarheimilum og sambýlum í Kópavogi
Marína Ósk, Anna Gréta Sigurðardóttir, Silva Þórðardóttir og Rebekka Blöndal fyrir jasstónleika,
menningarfélagið Tvíeind fyrir dansverkið MOLTA eftir Rósu Ómarsdóttur
Páll Sólmundur Eydal fyrir Barbershop-tónleika
Peter Maté fyrir píanó tónlistarhátíð
Sigurður Unnar Birgisson fyrir myndbandsgerð
Sögufélag Kópavogs
TDBD hópurinn fyrir stuttmyndagerð
Tinna Þorvalds Önnudóttir og Alda Rut Vestmann fyrir tónleikahald.
Við menningarmálaflokkinn starfar öflugur og hæfileikamikill hópur starfsfólks. Samtals var fjöldi starfsmanna sem störfuðu við málaflokkinn um 70 manns í tæplega 33 stöðugildum. Við breytingar sem samþykktar voru í bæjarráði 25. apríl fækkaði stöðugildum í málaflokknum og undir árslok voru stöðugildin 30 og starfsmannafjöldi 58.
Áhersla hefur verið lögð á að hlúa vel að mannauðinum og búa starfsmönnum jákvætt og hvetjandi starfs-
umhverfi, sem gerir þeim kleift að njóta sín í starfi og styrkja sig í sessi með reglubundinni símenntun og fræðslu. Veigamikil þáttur í góðri líðan starfsmanna er að byggja undir starfsanda sem einkennist af jákvæðum samskiptum, valdeflingu og viðurkenningu. Því hefur m.a. verið mætt með árvissum starfsmannasamtölum auk símenntunar- og fræðsludagskrár. Þá hefur mannauðsdeild Kópavogsbæjar stóreflt framboð á sérhæfðum námskeiðum fyrir starfsmenn sem þeim er gert að sækja eða þeim stendur til boða.
REKSTRARYFIRLIT
tekjur 2024 Áætluð laun og launatengd gjöld 2024
annar rekstrarkostnaður 2024 Áætluð
niðurstaða 2024
SKIPTING GJALDA 2024
9.5% Salurinn
2.7% Jól og áramót, 17. júní og sumarhátíðir
0% Stjórn menningarmála
30% Bókasafn Kópavogs
4.2% Lindasafn
0% Safnahús sameiginlegt
7.2% Héraðsskjalasafn
8.9% Náttúrufræðistofa
21% Gerðarsafn
6.9% Lista- og menningarráð
1% Leikfélög
9.6% Menningarmál yfirstjórn 19% Salurinn
6,5% Bókasafn Kópavogs aðalsafn
0,5% Lindasafn
60,5% Safnahús sameiginlegt
8,5% Náttúrufræðistofa
4,5% Gerðarsafn
0,5% Héraðsskjalasafn
Forstöðumenn og verkefnastjórar menningarmála funduð að jafnaði einu sinni í viku á árinu 2023. Einnig fundaði forstöðumaður menningarmála með forstöðumönnum menningarhúsanna og verkefnastjórum á hálfsmánaðar fresti. Sjö stórir starfsmannafundir voru haldnir á árinu þar sem starfsmenn nutu leiðsagnar hinna ýmsu sérfræðinga. Fundirnir voru eftirfarandi:
6. janúar
Starfsmannafundur: Farið yfir vinnustaðagreiningu með fulltrúum mannauðsdeildar. Guðrún Snorradóttir sálfræðingur fjallaði um kynslóðabilið.
10. febrúar
Heimsókn á Alþingi þar sem Helga Einarsdóttir leiddi starfsmenn um húsakynnin.
12. maí
Starfsdagur í Siglingaklúbbnum Ými sem Guðrún Högnadóttir ráðgjafi og Theresa Himmer arkitekt stýrðu vegna fyrirhugaðra breytinga á starfsemi menningarhúsanna.
22. maí
Starfsmannafundur með Gesti Pálmasyni markþjálfa.
13. október
Bleikt kaffi og spjall um starfið framundan.
15. nóvember
Kynning og undirbúningur á styrkumsóknum undir leiðsögn Maríu Kristínar Gylfadóttur.
17. desember Jólafundur með rithöfundinum Elísabetu Jökulsdóttur.
Lista- og menningarráð Kópavogsbæjar styrkir sameiginlega viðburði, hátíðir og fræðsludagskrá menningarhúsanna. Sameiginlegir viðburðir eru Menning á miðvikudögum og Fjölskyldustundir á laugardögum. Hátíðirnar eru Ljóðstafur Jóns úr Vör, Vetrarhátíð/Safnanótt, Barnamenningarhátíð,
Menning á miðvikudögum er viðburðaröð sem fram fer á miðvikudögum, milli kl. 12:15 – 13:00 frá september fram í maí, á víxl í menningarhúsunum. Viðfangsefni eru fjölbreytt; fyrirlestrar, listamannaleiðsagnir, spjall og tónleikar, stundum í samstarfi við listahátíðir og félagasamtök. Markmiðið er að fólk úr ólíkum áttum geti nært anda sinn með fjölbreyttri upplifun, menningu eða fræðslu. (eru viðburðirnir ókeypis??)
Nokkur stef einkenndu viðburðaröðina á árinu og viðfangsefni í takt við sýningar og starf menningarhúsanna. Má þar nefna að vorið 2023 var efnt til viðburðaraðar í fjórum hlutum um orkuskipti í tengslum við starf Náttúrufræðistofu þar sem þau Halla Hrund Logadóttir orkumálastjóri, Auður Önnu Magnúsdóttir framkvæmdastjóri Landverndar, Gunnar Hersveinn heimspekingur og Lovísa Árnadóttir upplýsingafulltrúi Samorku tókust á við viðfangsefnið.
Hausthátíð og Aðventuhátíð. Fræðslu- og menningardagskrá fer fram yfir árið þar sem grunnskólum er boðið á viðburði í húsunum. Ótal listaog fræðimenn koma fram innan þessarar dagskrár sem er vinsæl og fjölsótt.
Þá var einnig haldin fyrirlestraröð í fjórum hlutum um kynþáttahyggju og jaðarsetningu í Gerðarsafni í tengslum við sýninguna Að rekja brot. Á fjórum viðburðum komu fram Sólveig Ásta Sigurðardóttir bókmenntafræðingur, Kristín Loftsdóttir mannfræðingur, Chanel Björk Sturludóttir fjölmiðlaog baráttukona og Natasha S. skáld og þýðandi.
Fimm viðburðir undir hatti Menningar á miðvikudögum voru helgaðir leiðsögn um sýningar í Gerðarsafni. Ingunn Fjóla Ingþórsdóttir myndlistarkona fjallaði um liti og form á sýningunni Geómetríu og Guja Dögg Hauksdóttir arkitekt og Rósa Gísladóttir myndlistarkona ræddu saman um verk Rósu á sýningunni FORA. Sýningin Skúlptúr/Skúlptúr var svo skoðuð út frá sjónarhóli listfræðingsins Aðalheiðar Lilju Guðmundsdóttur, listamannanna Önnu Líndal og Eyglóar Harðardóttur og sýningarstjóranna Brynju Sveinsdóttur og Cecilie Cedet Gaihede.
Haustið 2023 var farið af stað með viðburðaröðina Leslyndi þar sem þjóðþekktir rithöfundar fjölluðu um bækur sem haft hafa áhrif á þau. Fjórir viðburðir voru tileinkaðir leslyndi þetta haust en þar komu fram þau Pétur Gunnarsson, Þórarinn Eldjárn, Silja Aðalsteinsdóttir og Guðrún Eva Mínervudóttir. Framtak þetta naut mikilla vinsælda og verður framhaldið árið 2024.
Í Salnum fóru fram fjölbreyttir tónleikar, meðal annars í samstarfi við Myrka músíkdaga og Óperudaga. Tónlistarhópurinn Personal Clutter kom fram á tónleikum í janúar á Myrkum músíkdögum og flutti nýja tónlist úr ólíkum áttum, meðal annars glænýtt verk eftir Berglindi Maríu Tómasdóttur. Í
október frumflutti Kammerkvartettinn nýtt verk eftir Hildigunni Rúnarsdóttur við ljóð Melkorku Ólafsdóttur á Óperudögum en auk þess verk eftir Helga R. Ingvarsson, Ásbjörgu Jónsdóttur og ýmsar íslenskar einsöngsperlur.
Þrennir sólótónleikar fóru fram á árinu; með tónlistarmanninum Benna Hemm Hemm, píanóleikaranum Ernu Völu Arnardóttur í tilefni 150 ára afmælis Rachmaninov og með fiðluleikaranum Huldu Jónsdóttur sem lék sónötur eftir Bach og Hindemith. Þær Sunna Gunnlaugsdóttir og Marína Ósk Þórólfsdóttir komu einnig fram á yndislegum tónleikum þar sem lög Sunnu við ljóð Jóns úr Vör hljómuðu en hún hafði árið áður verið fengin til að semja lag við ljóð skáldsins í tengslum við afhendingu ljóðstafsins 2022 Lögunum fjölgaði og urðu með tímanum uppistaða í heila tónleikadagskrá sem var frumflutt í Salnum.
Aðrir viðburðir í Menningu á miðvikudögum á árinu 2023 voru bókaspjall með Árna Matthíassyni um jólabókaflóðið 2022 og fyrirlestur Stefáns Pálssonar um Gísla J. Ástþórssonar teiknara og blaðamann í
tengslum við sýningu á verkum Gísla í bókasafninu vorið 2023. Á 70 ára afmæli bókasafnsins leiddi Eva María Jónsdóttir svo hádegisjóga og var með heilsufræðslu á bókasafninu.
Fjölskyldustundir fara fram á laugardögum, að öllu jöfnu milli kl. 13 og 15. Leitast er við að skapa nærandi og notalegar samverustundir fyrir börn og fjölskyldur með fjölbreytni og fjölmenningu að leiðarljósi. Fjölmargar fjölskyldustundir á árinu voru haldnar í samstarfi við listahátíðir og félagasamtök sem gáfu nýjar víddir í starfið, bæði með tilliti til inntaks og markhópa. Efnt var til samstarfs við hjálparsamtökin GETA (e. Get Together) í Hafnarfirði um fjöltyngdar listsmiðjur í Gerðarsafni á árinu. Þær leiddi Ingunn Fjóla Ingþórsdóttir í samstarfi við listamenn úr ólíkum áttum; líbönsku listakonuna Yara Zein, úkraínsku listakonuna Irinu Kamenieva, mexíkóska listamanninn Othoniel Muniz og íslensku listakonuna Írisi Höddu. Viðfangsefni hverrar smiðju var þróað í samtali við viðkomandi listamann og byggði á ólíkum handverkshefðum s.s. suður-amerískum vefnaði, úkraínsku mynstri og útsaumuðum klæðum (rushnyk) og arabískum leturtáknum. Sjálfboðaliðar úr röðum GETA voru á viðburðunum til aðstoðar en viðburðirnir fóru fram á arabísku, spænsku, úkraínsku, rússnesku, ensku og íslensku. Alls voru smiðjurnar sex á árinu, tvær arabískar letursmiðjur, tvær úkraínskar mynstursmiðjur og tvær suður-amerískar vefsmiðjur og verður þessu farsæla samstarfi framhaldið á þessu ári.
Vísindasmiðja Háskóla Íslands hélt tvær smiðjur á árinu en ávallt er mikill áhugi fyrir þeirra starfi. Hönnunarteymið ÞYKJÓ bauð upp á þrjár smiðjur, tvær þeirra tengdust verkefninu Sjónarspili sem hverfist um sjónskynjun dýra og manna og í einni var unnið með óróa úr náttúrulegum efnivið. Starf ÞYKJÓ einkennist af fagmennsku og metnaði og ávallt mikil gleði að fá hópinn til samstarfs.
Í Salnum fóru fram tvær tónsköpunarsmiðjur með Axel Inga Árnasyni tónlistarmanni og í samstarfi við Óperudaga fór fram langspilssmiðja með Eyjólfi Eyjólfssyni söngvara og langspilsunnanda með meiru. Reykjavíkurdæturnar Ragga Hólm og Steinunn Jónsdóttir buðu upp á tvær rappsmiðjur á árinu, í janúar á Dögum ljóðsins í Kópavogi og í september. Í samstarfi við hið frjóa og skemmtilega Fab Lab fóru fram þrjár smiðjur á árinu þar sem hægt var að skreyta peysur og poka með textílefni sem hitapressað var á staðnum. Bryndís Steina Friðgeirsdóttir sá um smiðjurnar.
Aðrar smiðjur voru origami-smiðja á þjóðhátíðardegi Japans með Guðrúnu Helgu Halldórsdóttur, páska-smiðja með Kristínu Dóru Ólafsdóttur myndlistarkonu og grafíksmiðja innblásin af sjávarlífverum með Björk Viggósdóttur myndlistarkonu. Sigrún Úa Gunnarsdóttir myndlistarkona leiddi þrjár smiðjur á árinu; luktasmiðju, kolasmiðju og óróasmiðju en Sigrún Úa er mjög reyndur og farsæll listgreinakennari. Sigurlaug Jóna Hannesdóttir og Anja Ísabella Lövenholdt buðu upp á mjög vel heppnaðar hrekkjavökuóróasmiðju og aðventusmiðju. Í samstarfi við List án landamæra bauð Hlutverkasetur, listhópur hátíðarinnar 2023, upp á fjölbreyttar smiðjur sem hverfðust um fífilinn og Anna Henrikdóttir sem leiðir Hlutverkasetur bauð upp á hrekkjavökubókamerkjasmiðju. Sunna Dís Másdóttir fjallaði í upphafi árs um nýútkomnar barnabækur og Arndís Þórarinsdóttir las úr nýútkominni skáldsögu sinni á aðventunni. Eru þá ótaldar smiðjur sem fram fóru á Barnamenningarhátíð, hausthátíðinni Heilsum hausti og Aðventuhátíð en fjallað er um þær undir liðnum hátíðir. Einnig var efnt til samstarfs við Félags kvenna frá Marokkó og haldin Eid-ul-Fitr fjölskyldugleði með henna-tattúi, kruðeríi, tei og arabískri tónlist.
Ljóðstafur Jóns úr Vör hefur fyrir löngu fest sig í sessi sem ein mikilvægasta ljóðahátíð landsins en hún hefur verið haldin ár hvert frá 2002. Frá 2012 hefur samhliða Ljóðstafnum verið efnt til Ljóðasamkeppni grunnskóla Kópavogs en verðlaun og viðurkenningar eru veitt á sömu hátíð. Það gefur viðburðinum aukna vídd að fá að heyra á einni og sömu hátíðinni ljóð frá þaulreyndum skáldum í bland við ljóð úr smiðju barna og ungmenna. Verðlaunaljóð og ljóð sem hljóta viðurkenningar í báðum flokkum hafa undanfarin ár verið gefin út í fallegu smáriti sem lesendur af öllum kynslóðum geta tekið með sér heim til eignar og dreift er ókeypis.
Verðlaunaafhending fór fram 21. janúar, á afmælisdegi Jóns úr Vör. Dómnefnd skipuðu rithöfundarnir Kristín Svava Tómasdóttir (formaður), Anton Helgi Jónsson og Þórdís Helgadóttir. Alls bárust 230 ljóð í samkeppnina um Ljóðstaf Jóns úr Vör að þessu sinni en ljóðin mega ekki hafa birst áður og skulu send inn undir dulnefni höfundar.
Ljóðstafinn hlaut Sunna Dís Másdóttir fyrir ljóðið Á eftir þegar þú ert búin að deyja. Önnur verðlaun hlaut
Solveig Thoroddsen fyrir Lok vinnudags í sláturtíð. Þriðju verðlaun hlaut Helga Ferdinandsdóttir fyrir Annað líf.
Sjö ljóð hlutu sérstaka viðurkenningu dómnefndar: Hinir dauðu eftir Stefán Snævarr, Í fyrsta sinn sem þú býrð á Íslandi eftir Karólínu Rós Ólafsdóttur,
Rabarbarapæ eftir Solveigu Thoroddsen, Skuggasveinn eftir Theódór Kr. Þórðarson, Villisveppir í Pripyat eftir Sunnu Dís Másdóttur, Vorvindar eftir Pétur Eggerz og Þú segist ekki vera sterkur og það er satt eftir Sölva Halldórsson.
Rökstuðningur dómnefndar fyrir vali á sigurljóði „Í einstaklega vel heppnuðu prósaljóði er dregin upp hárfín og áhrifarík mynd af innilegri nánd við aðstæður sem sjaldan eru í sviðsljósinu. Tónninn er sleginn strax í titli ljóðsins. Hann brýtur upp hefðbundið orðfæri og skapar þannig nýtt og óvænt sjónarhorn, nýjan skilning á dauðanum sem höfundur vinnur síðan úr á heillandi hátt. Textinn er barmafullur af áþreifanlegum kærleik og hlýju en þrátt fyrir það laus við alla væmni. Í fáum en ljóslifandi dráttum er teiknað upp viðkvæmt, ljúfsárt augnablik við dánarbeð, þar sem síðustu andartök lífsins kallast á við þau fyrstu. Frjóar og marglaga myndir af tönnum og munni ganga í gegnum ljóðið og skapa sterka jarðtengingu, sem ljær raunveruleikarofinu undir lokin aukinn áhrifamátt.
Á eftir þegar þú ert búin að deyja sýnir á undurfallegan, nýstárlegan og eftirminnilegan hátt hvernig ástvinur lifir áfram í lífi, hjörtum og jafnvel líkama eftirlifenda eftir dauðann. Flæðandi taktur ljóðsins og myndmál lokka lesandann til að koma að því aftur og aftur og lesa margsinnis á meðan tíminn „leysist upp á tungunni“, eins og segir í ljóðinu.“
Sigurljóð Ljóðstafs Jóns úr Vör 2023
Á EFTIR ÞEGAR ÞÚ ERT BÚIN AÐ DEYJA
e. Sunnu Dís Másdóttur
Á eftir þegar þú ert búin að deyja ætla ég að taka þig með mér héðan, sveipa um þig dimmrauða teppinu sem þú felur þig undir, hylja þig nepalskri jakuxaull og stinga tönnunum þínum í vasann. Vatnið drýpur úr svampinum á náttborðinu. Hann er tannholdsbleikur á hvítum pinna og þú læsir kjálkunum um hann eins og ungbarn um móðurbrjóst þegar hann strýkst við varir þínar. Fyrsta viðbragðið er það síðasta sem hverfur. Á eftir þegar þú ert búin að deyja förum við í sirkus og borðum kandíflos sem límist í góminn klístrast við tannholdið spunninn sykur á pappírsvafningi, hann leysist upp á tungunni eins og tíminn og ég rétti þér tennurnar og sé hendur þínar verða fleygar á ný.
Við sama tilefni voru veitt verðlaun í Ljóðasamkeppni grunnskóla Kópavogs.
Fyrstu verðlaun hlaut Alexander Aron Karenarson, 9. bekk í Lindaskóla, fyrir ljóðið Krónublöð. Önnur verðlaun hlaut Heiðar Þórðarson, 9. bekk í Lindaskóla, fyrir ljóðið Eitt tré og þriðju verðlaun hlaut Þorbjörn Úlfur Viðarsson, 8. bekk í Álfhólsskóla, fyrir ljóðið Óður.
Sjö ljóð hlutu sérstaka viðurkenningu dómnefndar: Lífið eftir Ólöfu Ingu Pálsdóttur, 8. bekk í Lindaskóla, Vondur tími, réttur staður eftir Alexander Aron Karenarson, Ha. Hvað sagðirðu? eftir Jóhann Emil Óðinsson og Markús Stein Ásmundsson, 9. bekk í Lindaskóla, Álfamær eftir Ragnhildi Unu Bjarnadóttur, Dagurinn eftir Þórunni Ásu Snorradóttur, Fagra skrímsli eftir Freyju Kirstine Jónasdóttur og Jól eftir Heiðu Kristínu Eiríksdóttur en allar voru þær í 5. bekk í Kársnesskóla.
Öll ljóð sem bárust í ljóðasamkeppni grunnskóla Kópavogs voru sett upp á sýningu í barnadeild bókasafnsins sem stóð yfir á dögum ljóðsins í janúar 2023.
Sigurljóð í Ljóðasamkeppni grunnskóla Kópavogs 2023
KRÓNUBLÖÐ
Alexander Aron Karenarson 9. bekk, Lindaskóla
Ég sný mér við og ligg á bakinu
Ég heyri hljóðlátt píanóspil – spila fyrir mig
Fyrir ofan fljóta blöðin í hægum sveip
Gul og björt, eins og sólin sem skilur eftir hlýja kossa á kaldri húð minni
Blað snertir húð mína mjúklega
Feimið og hrætt, eins og ég myndi brotna
Umkringdur gulum blómum, heyri ég þau hvísla að mér „Ég er hér“.
Vetrarhátíð fór fram á höfuðborgarsvæðinu 2. til 4. febrúar með Safnanótt, Sundlaugasíðdegi og ljóslistaverkum.
Einn af hápunktum hátíðarinnar í Kópavogi var vörpun listaverksins Tillit sem var sýnt á austurhlið Kópavogskirkju frá kl. 18-23, 3. og 4. febrúar. Verkið er eftir listakonuna Þórönnu Björnsdóttur, í samtali við dulspekilega myndlist Gerðar Helgadóttur og hið alsjáandi auga sem finna má í nokkrum verkum Gerðar, meðal annars í tillögum að altaristöflu fyrir Kópavogskirkju. Þóranna vann í myndbandsverki sínu úr nýjum upptökum af augum og augnatilliti tæplega hundrað Kópavogsbúa. Augun léku um útvegg kirkjunnar á Vetrarhátíð í draumkenndu og hugvíkkandi verki en inni í kirkjunni mátti hlýða á hljóðverk Þórönnu Altarishljóð fyrir Kópavogskirkju, samið að beiðni Salarins í Kópavogi og frumflutt í maí 2022.
Safnanótt fór fram föstudagskvöldið 3. febrúar með dagskrá á bókasafni og í Náttúrufræðistofu, Gerðarsafni, Salnum og Héraðsskjalasafni. Einnig fór fram viðburðir í Y-galleríi og Hljóðbókasafni Íslands auk Kópavogskirkju.
Á Bókasafni Kópavogs var hægt að kynnast undrum vísindanna í Vísindasmiðju Háskóla Íslands, hlýða á bókaspjall með Sigríði Hagalín og Jóni Kalman og taka vel valin dansspor í Silent Diskó. Splunkunýr ratleikur, blöðrudýrasmiðja með Blaðraranum og myndavélakassi tryggðu að öll gætu fundið eitthvað við sitt hæfi.
Augað lék lykilhlutverk í nýrri innsetningu hönnunarhópsins ÞYKJÓ sem var vígð á Safnanótt í Náttúrufræðistofu Kópavogs en innsetningin, sem ber heitið Sjónarspil, hverfðist um sjónskynjun dýra og manna og hvernig við upplifum heiminn út frá ólíkum sjónarhornum, litum og víddum. Verkefnið var unnið í samstarfi við Vísindasmiðju Háskóla Íslands, líffræðinga af Náttúrufræðistofu og rýnihóp, sem skipaður var börnum af leikskólanum Marbakka.
Í Gerðarsafni hafði sýningin Að rekja brot (e. Tracing Fragments) opnuð 2. febrúar en ókeypis var á sýninguna í tilefni Safnanætur. Söngkonan Hildigunnur
Einarsdóttir varpaði nýju ljósi á sýninguna í gegnum söngleiðsögn. Í Gerðarsafni var einnig boðið upp á sívinsæla fjölskyldusmiðju í sólarprenti undir leiðsögn Hjördísar Höllu Eyþórsdóttur.
Í forsal Salarins steig hljómsveitin Los Bomboneros á stokk en hana skipa Alexandra Kjeld, Daníel Helgason, Kristofer Rodriguez Svönuson og Sigrún Kristbjörg Jónsdóttir. Sveitin sækir í funheitan tónlistararf Mexíkó, Perú og Kólumbíu og breyttust tónleikarnir í fjörugan dansleik. Sérstakir gestir voru ungir spilarar úr Skólahljómsveit Kópavogs. Opið var í Salnum frá kl. 18 til 23 á Safnanótt, léttar veitingar til sölu og skífuþeytarinn Kraftgalli (Arnljótur Sigurðsson) reiddi fram suðræna salsatónlist.
Hljóðbókasafn Íslands var opið frá kl. 18 til 23. Gestum var boðið að skoða hljóðver safnsins, fylgjast með hljóðbókalesara að störfum og spreyta sig sem lesarar auk þess sem Skólahljómsveit Kópavogs lék fjöruga tóna.
Á Héraðsskjalasafni Kópavogs voru tvær kvikmyndir eftir Martein Sigurgeirsson sýndar; um bræðurna frá Kópavogsbúinu og um knattspyrnudeildir Breiðabiks.
Y-gallerí var opið á Safnanótt frá kl. 18 til 22 en galleríið er til húsa í gömlu Olísstöðinni við Hamraborg. Þar flutti myndlistarmaðurinn Örn Alexander Ámundason gjörninginn Klemmdur.
Veður var mjög vont eins og svo oft á þessum árstíma en engu að síður heppnaðist Safnanótt í Kópavogi afar vel og var fjölsótt.
Vetrarhátíð hélt áfram næsta dag. Laugardaginn 4. Febrúar var í Gerðarsafni flutt verk í vinnslu; Harmhljóð horfinna hluta Elegía delle cose perdute, fjölþjóðlegt sviðslistaverk með lifandi tónlist en þátttakendur komu meðal annars úr hópi flóttafólks og fólks í leit að alþjóðlegri vernd.
Þann dag fóru einnig fram tónleikar Svans Vilbergssonar gítarleikara í Borgum, safnaðarheimili Kópavogskirkju en þar voru meðal annars frumflutt verk eftir Hafdísi Bjarnadóttur og Gunnar Andreas Kristinsson sem bæði voru samin sérstaklega fyrir Svan.
Þá var sundlaugasíðdegi í Salalaug en þar buðu Margrét Erla og Vigdís Perla Maack, í sundballetthópnum Eilífðinni, upp á sundballetttíma og Einar Anton töframaður skemmti sundlaugagestum. Frítt var í laugina frá kl. 15 til 18.
Barnamenningarhátíð fór fram dagana 17. – 22. apríl með sýningum, tónlist, smiðjum og sirkus. Uppskeruhátíðin fór fram laugardaginn 21. apríl en dagana á undan fóru fram smiðjur og sýningaopnanir í kjölfarið.
Sýningar á Barnamenningarhátíð
ÞÚ HEFUR ORÐIÐ | GERÐARSAFN
Í fræðslurými á neðri hæð Gerðarsafns var sett upp sýning á verkum eftir 21 nemanda úr efstu bekkjum Kársnesskóla. Leiðbeinendur og sýningarstjórar voru Melanie Ubaldo og Dýrfinna Benita Basalon sem unnu með krökkunum að verkunum í tveimur smiðjum. Markmiðið var að dýpka skilning krakkanna á sjálfsmynd þeirra og listrænni tjáningu og opna þeim heim samtímamyndlistar í samtali við tvær sterkar fyrirmyndir úr íslenskri myndlistarsenu.
Melanie og Dýrfinna skipa ásamt Darren Mark listhópinn Lucky Three en öll eru þau af filippískum uppruna og hafa í verkum sínum meðal annars fjallað um kynþáttahyggju á Íslandi. Kynþáttahyggja var eitt af viðfangsefnum sýningarinnar Að rekja brot sem þá stóð yfir í Gerðarsafni en unglingarnir fengu öll leiðsögn um sýninguna áður en vinna með Melanie og Dýrfinnu hófst.
Sýningin fór fram úr björtustu vonum, litrík, sterk og kraftmikil. Hún bar heitið Þú hefur orðið, var opnuð sumardaginn fyrsta, 19. apríl og stóð yfir til 22. apríl. Þátttakendur í sýningunni voru eftirfarandi:
Aldís Lilja Hafsteinsdóttir, Bríet Helga Hjartardóttir, Elísabet Agla Nicholasdóttir, Ema Savickyte, María Kristin Elísdóttir, Sóley Sigursteinsdóttir, Alexander Gautur, Benjamín Snær Jóhannesson, Emil Aron Guðmundsson, Guðbrandur Helgi Kristinsson, Kató Guðbjörnsson, Kristófer Ísar Flosason, Krystian Jachimowicz, Milena Bogdanova Vladimirovna, Polina Borodina Vitalievna, Sara Lind Elvarsdóttir Tindur Sigurðarson, Dreki Steinarsson, Steingrímur Ragnarsson, Steinunn María Gunnarsdóttir og Sturla Einarsson.
Þátttakendur voru valdir í samráði við kennara í Kársnesskóla en markmiðið var að veita þeim sem hefðu sérstakan áhuga á listrænni sköpun tækifæri og vettvang.
SPOR Í RÉTTA ÁTT
BÓKASAFN KÓPAVOGS
Í barnadeild Bókasafns Kópavogs var opnuð sýning á þrjátíu útsaumsverkum eftir nemendur í 8. – 10. bekk í Snælandsskóla. Verkin voru gerð í frjálsum útsaumi þar sem börnin teiknuðu fyrst eigin mynd á striga
og saumuðu svo út. Útkoman var frábær, fígúrur og vörumerki úr unglingamenningu í samspili við rótgróna handverkshefð en umsjón með verkefninu höfðu Gunnlaug Hannesdóttir og Bryndís Björgvinsdóttir, textílkennarar. Sýningin bar heitið Spor í rétta átt og stóð yfir dagana 18. – 21. apríl.
ÞAR SEM SÖGUR GERAST OG ÆVINTÝR BÓKASAFN KÓPAVOGS
Þar sem sögur gerast og ævintýr var sýning á fjölbreyttum verkum 120 leikskólabarna af leikskólunum Arnarsmára, Álfaheiði, Fögrubrekku, Marbakka, Núpi og Skólatröð (Urðarhóli). Sýningin var sett upp í fjölnota rými Bókasafns á fyrstu hæð og stóð yfir frá 18. apríl – 4. maí. Litlu listamennirnir voru viðstödd opnun ásamt Ásdísi Kristjánsdóttur bæjarstjóri en opnunin markaði jafnframt upphaf Barnamenningarhátíðarviku.
LJÓÐ UNGRA KÓPAVOGSBÚA BÓKASAFN KÓPAVOGS
Ljóð barna sem tóku þátt í Ljóðasamkeppni grunnskóla Kópavogs 2023 voru sýnd á skjám Bókasafns Kópavogs á Barnamenningarhátíð, dagana 18. – 22. apríl.
Á Lindasafni voru sýndar vatnslitamyndir eftir 120 börn úr 2. – 5. bekk og 7. – 8. bekk í Lindaskóla. Verkin hverfðust um augu og það sem þau sjá en leiðbeinendur voru Sigríður Valdimarsdóttir og Birna Sísí, kennarar við Lindaskóla. Sýningin bar heitið Það sem augað sér og stóð yfir dagana 18. – 21. apríl.
Um 300 listaverk eftir um 500 nemendur úr grunnskólum Kópavogs voru til sýnis í verslunarmiðstöðinni Smáralind í tengslum við barnamenningarverkefnið Vatnsdropinn. Verkin byggðu öll á viðfangsefnum úr sögum H. C. Andersen, Tove Jansson og Astridar Lindgren en kölluðust jafnframt á við eitt af Heimsmarkmiðum Sameinuðu þjóðanna um líf á landi (nr. 15). Vatnsdropinn er alþjóðlegt verkefni þar sem myndlist, menningararfur, bókmenntir, náttúruvísindi, margmiðlun og menntunargildi fléttast saman. Það er umfangsmesta menningarverkefni síðustu ára sem Kópavogsbær hefur átt frumkvæðið að og var unnin í samvinnu við H. C. Andersen safnið í Danmörku, Múmínsafnið í Finnlandi og Ilon´s Wonderland safnið í Eistlandi. Sýningin var opnuð 18. apríl af Ásdísi Kristjánsdóttur, bæjarstjóri að viðstöddum fjölda ungra listamanna.
AUGALEIÐ
NÁTTÚRUFRÆÐISTOFA KÓPAVOGS
Á Náttúrufræðistofu var glænýtt verkefni eftir hönnunarteymið ÞYKJÓ kynnt til sögunnar. Verkefnið, Augaleið, í formi fallegs heftis með fróðleik og skapandi leikjum sem tengjast sjónskynjun, spratt upp úr innsetningunni Sjónarspil sem ÞYKJÓ vann í
samstarfi við Náttúrufræðistofu Kópavogs og hafði verið opnuð á Safnanótt 2023.
Í Barnamenningarviku fengu 110 börn úr fyrstu bekkjum Kópavogsskóla og Álfhólsskóla leiðsögn um sýningu Náttúrufræðistofu þar sem lögð var áhersla á sjónskynjun dýra. Börnin leystu verkefni ÞYKJÓ og bjuggu til sín eigin augnalistaverk sem sett voru upp í sýningu á Barnamenningarhátíð.
Uppskeruhátíð Barnamenningarhátíðar fór fram laugardaginn 22. apríl með listsmiðjum, tónleikum og sýningum.
Fjölbreytt tónlistaratriði voru í boði. Skólahljómsveit Kópavogs hélt fjöruga útitónleika fyrir framan Salinn undir stjórn Össurar Geirssonar. Tvennir vortónleikar fóru fram inni í Salnum; með kórum úr Smáraskóla undir stjórn Ástu Magnúsdóttur og 5. bekkingum úr Kárnesskóla undir stjórn Þóru Marteinsdóttur. Marimbasveit Smáraskóla lék í fordyri Salarins undir stjórn Ástu Magnúsdóttur.
Trúðafjör með Silly Suzie og Momo var sýnd í fræðslurými Gerðarsafns en sýningin hefur fjölmenningarlegan þráð sem kallaðist á við Að rekja brot. Í Gerðarsafni fór líka fram klippimyndasmiðja sem kallaðist á við verk á sýningunni. Örn Alexander Ámundason var svo með krakkaleiðsögn um sýninguna.
Í Salnum frumsýndi Sirkus Ananas Springum út, en sýningin hverfist um vináttu og tengsl. Í barnamenningarvikunni sýndi Sirkus Ananas einnig fyrir 600 nemendur úr 3. bekkjum grunnskóla Kópavogs.
Í Náttúrufræðistofu fór fram ÞYKJÓ-smiðjan Augaleið sem byggði á fyrrnefndum verkefnum hönnunarteymisins. Á Bókasafni Kópavogs var hægt að búa til pappírsfriðardúfur en leiðbeinandi var Sigrún Úa Gunnarsdóttir. Á bókasafni buðu nemendur við menntavísindasvið Háskóla Íslands upp á listasmiðjuna Friðartjaldið þar sem hægt var að skilja eftir mark sitt á tjaldinu með málningu, stenslum og nælum. Uppskeruhátíð lauk svo með 80s danspartýi sem þau Friðrik Agni og Anna Claessen leiddu með glæsibrag.
Á sumardaginn fyrsta var einnig boðið upp á krakkaleiðsögn um Að rekja brot í Gerðarsafni og smiðjuna Friðartjaldið á Bókasafni Kópavogs. Í Smáralind var boðið upp á klippimyndasmiðjur í anda H. C. Andersen, á sumardeginum fyrsta og á uppskerudegi Barnamenningarhátíðar.
Í upphafi menningarvetrar, laugardaginn 2. september var haldin hátíðin Heilsum hausti.
Hátíðin var með fjölþjóðlegu ívafi. Á milli kl. 12 og 14 fór fram fjöltyngd listsmiðja í Náttúrufræðistofu þar sem arabísk leturtákn urðu innblástur fyrir listaverk. Leiðbeinandi var Yara Zein en smiðjan var samstarfsverkefni á milli MEKÓ og hjálparsamtakanna GETA og voru sjálfboðaliðar á þeirra vegum. Boðið var upp á te, kruðerí og henna-tattú á meðan á smiðju stóð í samstarfi við Félag kvenna frá Marokkó. Tónlistarfólkið Tabit Lakh, Sigrún Kristbjörg Jónsdóttir og Birgir Baldursson léku tónlist úr smiðju líbönsku tónlistarkonunnar Fairuz og kynntu í leiðinni fyrirhugaða tónleika á Safnanótt í febrúar 2024 þar sem auglýst var eftir áhugasömum söngvurum í kórinn.
Á milli kl. 14 og 16 bauð myndlistarhópur
Hlutverkaseturs upp á fíflakast, fíflakrítar, fíflaratleik og fíflalega málun á trönum í barnadeildar bókasafnsins. Hópurinn var listhópur listahátíðarinnar Listar án landamæra 2023 og var viðburðadagskráin í leiðinni kynning á sýningu hópsins sem opnuð var um miðjan septembermánuð.
Sýningin Ævintýrastuð með Þresti Leó og Góa var sýnd tvisvar yfir daginn í Salnum. Sýningin tók rúman hálftíma í flutningi með fjörugri tónlist, leik og dansi. Félagarnir fóru á kostum og sýndu fyrir troðfullu húsi í bæði skiptin. Sýninguna vann Guðjón Davíð Karlsson sem bæjarlistamaður Kópavogsbæjar árið 2022.
Á milli kl. 14:30 og 16:30 fór fram afar vel sótt kórónusmiðja með ÞYKJÓ í Gerðarsafni og kl. 15 bauð Örn Alexander upp á krakkaleiðsögn um sýningu Rósu Gísladóttur, FORA.
Undir kynningarhattinum Jól í Kópavogi fóru fram fjölbreyttir viðburðir á aðventunni í menningarhúsunum og í Guðmundarlundi.
Jólalundur
Fjölskyldudagskrá var skipulögð fjóra sunnudaga á aðventunni, mótuð af Önnu Bergljótu Thorarensen og Sigsteini Sigurbergssyni. Þau hafa frá árinu 2020 tekið þátt í sýningunni Ævintýri í Jólaskógi í Guðmundarlundi og þekkja því þá náttúruperlu
vel. Í Jólalundi var boðið upp á jólaball Rófu, spurningakeppni Hurðaskellis, ratleiki, jólaföndur, heitt kakó og ævintýraverur á sveimi auk þess sem barnakórar í Kópavogi komu fram. Dagskráin sló í gegn og ráðgert er að hún fari aftur fram í desember 2024 en styrkur hlaust frá lista- og menningarráði Kópavogsbæjar til að bjóða upp á ókeypis dagskrá.
Aðventuhátíð
Aðventuhátíð fór fram við í menningarhúsin laugardaginn 2. desember með notalegri og ljúfri dagskrá en hápunktur hennar var tendrun jólatrésins á útisvæði menningarhúsanna.
Á milli kl. 13 og 15:45 voru smiðjur í boði. Óróasmiðja ÞYKJÓ og jólaperlusmiðja fór fram á bókasafni / Náttúrufræðistofu, úkraínsk aðventusmiðja fór fram í Gerðarsafni í samstarfi við Get Together hjálparsamtökin og jólaskúlptúrsmiðja í fordyri Salarins.
Í Bókasafni Kópavogs var boðið upp á nýjan jólaþrautaleik, gjafainnpökkunarstöð og hægt var að setja kærleiksóskir á jólatré. Arndís Þórarinsdóttir las sögu sína Jólaköttinn tvisvar yfir í daginn. Í forsal Salarins fór fram handverksmarkaður með varningi frá Hlutverkasetri, Taui frá Tógó og Ás vinnustofu. Opið var á Krónikunni sem var einnig með jólalega veitingasölu í Salnum og Möndlubásinn var á svæðinu.
Jólaörtónleikar fóru fram yfir daginn. Kórarnir Viðlag, Samkór Kópavogs og Kvennakór Kópavogs komu fram í forsal Salarins. Kór Hörðuvallaskóla kom fram í Gerðarsafni og Barnakór Smáraskóla á Bókasafni. Kjalar Martinsson Kollmar, Alexander Grybos og Hlynur Sævarsson héldu svo jólajazztónleika í forsal Salarins áður en tendrað var á trénu.
Frá kl. 15:45 lék Skólahljómsveit Kópavogs jólalög á útisvæði. Ævintýrapersónur úr Jólaskógi voru kynnar. Kór Hörðuvallaskóla undir stjórn Ásu Valgerðar Sigurðardóttur söng og Elísabet Berglind Sveinsdóttir forseti bæjarstjórnar ávarpaði samkomuna og tendraði svo ljós á trénu. Jólasveinar mættu svo á svæðið og leiddu jólaball þar sem dansað var í kringum tréð og sungið með.
Jólahús Kópavogsbæjar
Lista- og menningarráð Kópavogs stóð í ár í annað sinn fyrir leitinni að Jólahúsi Kópavogsbæjar. Daltún 1 var valið Jólahús Kópavogs árið 2023; Múlalindin var valin Jólagata Kópavogsbæjar og Sunnusmári 22 – 28 Jólafjölbýlishús Kópavogsbæjar.
Aðrir viðburðir á aðventunni
Auk fjölmargra fastra viðburða í desember bauðst fjölskyldum að sækja nærandi aðventudagskrá í menningarhúsunum síðustu dagana fyrir jól. Þann 21. desember stigu trúðarnir Silly Suzie og Momo á svið Salarins með jólasirkusinn Piparkökutrúðar. Þann 22. desember var fjölbreytt dagskrá á bókasafninu með jógastund, hádegistónleikum með Margréti Eir, jólasögustund og jólabíói. Á Þorláksmessu var jólagjafapappírssmiðja í Gerðarsafni, konfekt og notaleg hátíðarstemning.
Vetrarfrí og haustfrí
Vetrarfrí í Kópavogi fór fram 23. – 24. febrúar. Á bókasafni var boðið upp á perlusmiðju og bíómyndina Áfram (e. Onward). Spilavinir mættu með borðspil og á Lindasafni var haldin armbandasmiðja. Í
Gerðarsafni leiddu Auður Ómarsdóttir og Kristín Karólína Helgadóttir grímugerðarsmiðju. Ókeypis var á sýningar í Gerðarsafni fyrir fullorðna í fylgd með börnum. Á Náttúrufræðistofu er hægt að skoða heiminn í gegnum innsetningu ÞYKJÓ, Sjónarspil, og kynnast fjölbreyttum dýrum og lífverum á grunnsýningu Náttúrufræðistofu Kópavogs.
Haustfrí fór fram dagana 26. – 27. október með hrekkjavökuívafi. Á bókasafninu var boðið upp á hrekkjavökuskraut, hrekkjavökuperl og hryllingssögustund en líka bókamerkjasmiðju og
fjölskyldujazz með söngdeild tónlistarskóla FÍH. Á Gerðarsafni leiddi Örn Alexander listsmiðju og leiðsögn um sýninguna Skúlptúr/Skúlptúr. Á bókasafninu var gerður nýr skrímslaratleikur fyrir haustfríið en þar var líka búningaskiptimarkaður. Ókeypis var á sýningar í Gerðarsafni fyrir fullorðin í fylgd með börn í haustfríi.
Fjölbreyttir viðburðir fóru fram yfir sumarið í Kópavogi. Þar bar einna hæst hátíðahöld á 17. júní sem og Hamraborg Festival og ýmsa metnaðarfulla viðburði á vegum Skapandi sumarstarfa.
17. júní var fagnaði í Kópavogi á Rútstúni og við Salalaug. Hátíðarhöldin hófust kl. 13.30 með skrúðgöngu frá Menntaskólanum í Kópavogi að Rútstúni með Skólahljómsveit Kópavogs og skátana í broddi fylkingar.
Landsþekktir skemmtikraftar og tónlistarfólk stigu á stokk á hátíðarsvæðunum á Rútstúni og við Salalaug. 17. júní hlaup í umsjá frjálsíþróttadeildar Breiðabliks fór fram um morguninn, ætlað börnum í fyrsta til sjötta bekk, þar sem öll fá viðurkenningarpening fyrir þátttökuna.
Dagskrá á Rútstúni kl. 14–16
Hátíðarstjórn Eva Ruza og Hjálmar Fjallkona Kópavogs 2023 Svandís Dóra Einarsdóttir Fram komu Valgerður Guðnadóttir, Gunni og Felix, Friðrik Dór, Eva Ruza og Hjálmar, Eyrdís og Halaldur úr Draumaþjófinum, Elísabet Ormslev og Sverrir Bergmann og Bríet
Dagskrá við Versali kl. 14–16
Hátíðarstjórn Saga Garðars og Snorri Helga Fram komu Bland í Poka, Eyrdís og Halaldur úr Draumaþjófinum, Elísabet Ormslev og Sverrir Bergmann, Bríet, Bland í Poka, Valgerður Guðnadóttir, Gunni og Felix og Friðrik Dór
Dagskrá við menningarhúsin kl. 14–17
Fram komu Skemmtikraftakarlar, Húlladúllan, Krakkahestar, Söngleikurinn Tjarnarbotn, Skapandi sumarstörf, Götuleikhús, Sumarsmiðjur
Skapandi sumarstörf
Nokkrir viðburðir fóru fram á vegum Skapandi sumarstarfa yfir sumarið í menningarhúsunum. Nýjar barnasögur eftir Hólmfríði Hafliðadóttur og Ragnhildi Kötlu Jónsdóttur voru kynntar til leiks, tónleikar með hljómsveitinni Slagsmál, Iðunni Einars og Tvíeykinu Hreyfingu fóru fram á bókasafninu og í Gerðarsafni og örverk eftir Melkorku Gunborgu Briansdóttur voru flutt í garðskála Gerðarsafns. Viðburðirnir fóru fram á tímabilinu 6. – 27. júlí en þá fór fram lokahátíð Skapandi sumarstarfa í Molanum.
Hamraborg Festival
Hátíðin Hamraborg festival var haldin í þriðja sinn dagana 23. – 30. ágúst. Sýningar hátíðarinnar voru opnar í vikunni 23. – 30. ágúst en formleg dagskrá hátíðarinnar hófst 25. ágúst og stóð fram á sunnudag, 27. ágúst. Allir viðburðir og sýningar hátíðarinnar voru staðsettar í Hamraborg í hjarta Kópavogs, meðal annars á Catalínu, Gerðarsafni, Euromarket, Krónunni og Bókasafni Kópavogs og ókeypis var á viðburði hátíðarinnar.
Á hátíðinni er lögð áhersla á myndlist, staðbundin verk (e. site specific), gjörningalist og þátttöku nærumhverfisins. Hátíðin spratt út frá sýningarrýminu Midpunkt sem rekið hefur verið af listamönnum í Hamraborg síðan 2018. Hátíðin er styrkt af lista- og menningarráði Kópavogs.
Viðburðir hátíðarinnar í ár voru með einstaklega fjölbreyttu sniði en í dagskránni mátti meðal annars finna myndlistarsýningar, kórverk, finnska myndasögusýningu og tónleika. Einn viðamesti viðburður hátíðarinnar í ár var samstarfsverkefni sex japanskra og íslenskra listamanna undir formerkjum Onirisme Collectif sem er næturlangur gjörningur þar sem áhorfendum er boðið í sameiginlega draumaupplifun. Samhliða hátíðinni voru einnig haldnar vinnusmiðjur sem höfða til allra aldurshópa m.a. smiðja, skynjunarleikir fyrir börn, matreiðslusmiðja þar sem hráefni úr Hamraborg eru nýtt og myndasögudagbókasmiðja. Meðal listamanna sem fram komu voru Úlfur Eldjárn, Ásrún Magnúsdóttir & Benni Hemm Hemm, Mio Hanaoka and Onirisme Collectif (Japan), Elísabet Birta Sveinsdóttir, Egill Logi Jónasson, Miukki Kekkonen (Finnland) og Fræbbblarnir.
Skerpla á Gerðarsafni
Haustið 2023 var efnt til samstarfs við Skerplu, tónlistarhóp í Listaháskóla Íslands en listrænn stjórnandi hans er Berglind María Tómasdóttir. Frá október og fram í desember fóru fram þrennir viðburðir í Gerðarsafni þar sem hópurinn skapaði gjörninga, hljóðverk og samtal við sýninguna Skúlptúr/ Skúlptúr. Skerplu skipuðu Aiden Dumitru, Baldur Snær Bachmann. Diana Burkot, Egill Ásdísarson, Eydís Egilsdóttir Kvaran, Eyrún Úa Þorbjörnsdóttir, Karolis Dabulskis, Konrad Stanislaw Groen, Konstantine Vlasis, Kristrún Steingrímsdóttir, Lidong Lin, Michael Richardt Petersen og Ólöf Sigríður Valsdóttir.
Hádegisdjass
Haustið FÍH var farið af stað með samstarf við söngdeild FÍH en síðasta fimmtudag hvers mánaðar komu framhaldsnemendur söngdeildar fram á hálftíma löngum hádegistónleikum í safninu.
Hádegistónleikarnir taka gjarnan mið af dagskrá húsanna hverju sinni og tíðaranda, í lok október fóru fram barnajazztónleikar þar sem þá var vetrarfrí í skólum; jólajazz réði ríkjum í desember og svo má áfram telja. Alls urðu hádegistónleikarnir fernir en fram komu Einar Örn Magnússon og Helga Margrét Clarke í september, Gunnur Arndís Halldórsdóttir, Ragnheiður Silja Kristjánsdóttir og Rán Ragnarsdóttir í október, Berglind Ragnarsdóttir og Vigdís Þóra Másdóttir í nóvember og Agnes Sólmundsdóttir, Jóna Svandís Þorvaldsdóttir og Þorvaldur Sigurbjörn Helgason í desember.
Samstarfið tókst vel og verður framhaldið árið 2024.
List án landamæra
Þann 16. September opnuðu sýningar á verkum listahóps Hlutverkaseturs á Bókasafni og í Gerðarsafni. Sýningarnar voru hluti af listahátíðinni
List án landamæra en Listahópur Hlutverkaseturs var valinn sérlegur listhópur hátíðarinnar árið 2023. Sýningarnar stóðu yfir út október.
Verkin á bókasafni voru unnin út frá fíflablómum og um út frá gleðinni að fíflast. Í Gerðarsafni voru settir upp skúlptúrar sem unnir eru undir áhrifum af verkum Gerðar Helgadóttur.
Sýningaropnun var glæsileg þar sem ræður, tónlist, samsöngur, gjörningar, léttar veitingar og leikir voru í boði. Fram komu Anna Henriksdóttir, Kremena Demireva, Anna Margrét Jónsdóttir, María Lovísa Sigvaldadóttir og fiðluleikarinn Helge Snorri Seljeseth. Auk þess tóku eftirfarandi þátt í dagskránni:
Alfreð Rafn Gígja, Alice Martins, Anna Henriksdóttir, Atli Þór Elísson, Berglind Sigurðardóttir, Bergljót Njóla Jakobsdóttir, Björg Anna Björgvinsdóttir, Dísa Hjartardóttir, Eiríkur Gunnþórsson, Elena Arngrímsdóttir, Elín Pálsdóttir, Frímann Jónasson, Guðrún Auður Hafþórsdóttir Byrd, Héðinn Unnsteinsson, Heiðar Guðni Heimisson, Helga Ólafsdóttir, Hrafnhildur Sif Ingólfsdóttir Haug, Karl Kristján Davíðsson, Kremena Demireva, Kristín Atladóttir, Kristinn Arinbjörn Guðmundsson Lilja Dögg Arnþórsdóttir, Lydia Ojore, Malva Valkyrja, María Gísladóttir, María Lovísa Sigvaldadóttir, Óðinn Ásbjarnarson, Óskar Ögri Birgisson, Ragnheiður Guðrún Sigþórsdóttir, Rebekka Rut Maríusdóttir, Reyna Ray Gunnarsdóttir, Rúnar B. Smárason, Sigurborg Sveinsdóttir, Steingerður Axelsdóttir, Þórdís Ósk Helgadóttir og Zinaida Melezere.
Í janúar 2023 var 9. bekkingum í grunnskólum Kópavogs boðið í heimsóknir á Bókasafn Kópavogs þar sem Reykjavíkurdæturnar Steinunn Jónsdóttir og Ragga Hólm spjölluðu við krakkana um sköpun, áræði, hæfileika og þrautseigju. Heimsóknirnar tókust frábærlega og nýjum árgangi 9. bekkinga var boðið í heimsókn í september á Bókasafnið til Steinunnar og Röggu, tveggja mikilvægra fyrirmynda úr tónlistarsenunni.
Í apríl tók Sirkus Ananas á móti 3. bekkingum í Kópavogi og sýndi glænýja sirkussýningu, Springum út, í Salnum. Sýningin var í anda hinnar klassísku sirkushefðar sem sett er saman af stuttum atriðum með loftfimleikum, trúðalátum og töfrum, boltafimi, jafnvægislistum og akróbatík. Sirkus Ananas skipa þau Urður Ýrr, Daníel og Kristinn Karlsson.
Í maí var nemendum annars bekkja í Kópavogi boðið á tónleika hljómsveitarinnar BREK. Efnisskráin var unnin fyrir Big Bang tónlistarhátíðina í Hörpu þar sem BREK hélt tónleika fyrir hundruð grunnskólabarna og hlaut frábærar viðtökur. Sveitina skipa þau Harpa Þorvaldsdóttir, söngur og píanó, Jóhann Ingi Benediktsson, söngur og gítar, Guðmundur Atli Pétursson, mandólín og bakraddir og Sigmar Þór
Matthíasson, kontrabassi og bakraddir. Belgíski leikstjórinn Wouter Van Looy, listrænn stjórnandi Big Bang Festival vann og þróaði sviðshreyfingar tónleikanna í samstarfi við hópinn.
Í ágúst var boðið upp á námskeiðið Menningarkrakkar og fór það fram í forsal Salarins. Þór Sigurþórsson og Þuríður Sigurþórsdóttir héldu utan um námskeiðið en vikunni lauk með uppskeruveislu þangað sem foreldrum var boðið. Fjöruferðir, skúlptúrgerð og önnur skapandi verkefni voru á dagskrá en 20 börn tóku þátt í námskeiðinu sem tókst frábærlega.
Í september bauðst fimmtu bekkingum að koma í Salinn á sýningu hjá Góa Karlssyni og Þresti Leó Gunnarssyni. Þar var stóra ævintýrabókin opnuð og mikið var um tónlist, leik, dans og fjör en sýningin sló í gegn hjá krökkunum. Sýninguna vann Gói Karlsson sem bæjarlistamaður hjá Kópavogsbæ árið 2022.
Í desember var börnum í fyrsta og öðrum bekk í grunnskólum Kópavogs boðið á sýninguna Ævintýri á aðventunni. Í sýningunni skarast skáldskapur, ópera, söngleikur og gamanleikhús á stórskemmtilegan hátt. Höfundur og tónskáld er Þórunn Guðmundsdóttir, en aðalsmerki hennar eru frábærlega fyndnir og hnyttnir textar með orðaleikjum auk þess sem tónlist hennar
Síðastliðið ár hefur lögð mikil áhersla á að festa vörumerki Mekó í sessi. Það efni sem birt er, hvort sem er í máli eða myndum ber einkenni þess.
Unnið hefur verið að því að auka samlegð í markaðssetningu í samstarfi við menningarstofnanir sem eru í menningarmiðjunni okkar, bókasöfnin, Gerðarsafn, Náttúrufræðistofa Kópavogs og Salinn. Vörumerkið er því í stöðugri þróun.
Fjárfestingar
Fjárfest hefur verið í áframhaldandi samstarfi við Billboard, en þau þjónusta Mekó með útiskilti sem ætluð eru keyrandi umferð. Við það bættist samningur við Skjálausnir sem eru auglýsingarskilti ætluð gangandi og eða hjólandi umferð.
Eins erum við með reglulegar birtingar á Rúv 2, Heimildinni (á vef og í prenti), Grapevine og í Kópavogspóstinum.
Við höfum haldið áfram að nýta okkur samlesnar auglýsingar á Rás1 og Rás2.
Markaðsstofa Höfuðborgarsvæðisins.
Kópavogsbær er aðili að Markaðsstofu Höfuðborgarsvæðisins og er Mekó þátttakandi í því starfi. Markmiðið er að efla ferðaþjónustu og eru kynningarmál stór hluti af því. Mekó hefur hafið vinnu að kynningarmyndbandi um menningarmiðjuna, alla þá fjölbreyttu starfsemi sem hægt er að upplifa í Kópavogi.
Stofnað var teymi markaðs- og kynningarmála Menningarmiðjunnar en því er stýrt af kynningarog markaðsstjóra og viðburðastjóra. Teymið samanstendur af öllu starfsfólki menningarhúsanna sem sinna, viðburðum, fræðslu og kynningarmálum.
Bókasafn Kópavogs er vettvangur bæjarbúa til að hittast, verja tíma með vinum og fjölskyldu og nýta sér fjölbreyttan safnkost. Meginhlutverk safnsins er fyrst og fremst að bjóða Kópavogsbúum og öðrum aðgengi að þekkingu og stuðla að fjölbreyttri, öflugri og skipulagðri menningarstarfsemi – og fræðslu fyrir samfélagið í heild.
Bókasafn Kópavogs er rekið af Kópavogsbæ og starfar samkvæmt bókasafnalögum nr. 150/2012. Það hefur yfirlýsingu frá UNESCO um almenningsbókasöfn frá árinu 1994 og menningarstefnu Kópavogsbæjar að leiðarljósi í starfi sínu. Bókasafn Kópavogs rekur tvö söfn, aðalsafn í Hamraborg 6a og útibúið Lindasafn í Núpalind 7.
Bókasafn Kópavogs hefur það að leiðarljósi að vera í fararbroddi almenningsbókasafna í landinu hvað varðar þjónustu, safnkost og búnað.
Að vera bæjarbúum „heimili að heiman“ í daglega lífinu.
• Bjóða fjölbreytta og góða þjónustu sem nær til allra hópa samfélagsins óháð staðsetningu.
• Veita aðgengi að fjölbreyttum og lifandi safnkosti og hlýlegu umhverfi.
• Bjóða fjölbreytta viðburði, námskeið og klúbba sem höfða til allra aldurshópa og allra hópa samfélagsins.
• Nýta og styrkja samstarf og nálægð við aðrar menningarstofnanir í Kópavogi í þágu gesta safnsins.
Að vera í fararbroddi almenningsbókasafna í landinu.
• Bjóða starfsmönnum sí- og endurmenntun og gott vinnuumhverfi til að auka færni, þekkingu og ánægju í starfi.
• Innleiða nýjustu tækni, búnað og miðlun í starfsemi safnsins hverju sinni.
• Styrkja samstarf við önnur söfn innanlands og erlendis.
• Fylgjast með nýjungum og nýsköpun í hlutverki bókasafna bæði innanlands og á alþjóðavísu.
Opnunartími og aðgangseyrir
Bókasafn Kópavogs er starfandi á tveimur stöðum í bæjarfélaginu. Aðalsafn er í Hamraborg 6a og útibúið Lindasafn er í Núpalind 7.
Hefðbundinn afgreiðslutími aðalsafns:
Mánudaga – föstudaga kl. 8 – 18 Laugardaga kl. 11 – 17
Hefðbundinn afgreiðslutími Lindasafns:
Mánudaga – föstudaga kl. 13 – 18 Laugardaga kl. 11 – 15 Á sumrin er lokað á laugardögum (júní-ágúst).
Enginn aðgangseyrir er inn á söfnin. Gjaldskrá safnsins breyttist örlítið milli áranna 2022 til 2023. Árgjald safnsins fyrir fullorðna hækkaði úr 2.500 kr. í 2.700 kr. til samræmis við samstarfssöfn á höfuðborgarsvæðinu. Dagsektir á safngögnum hækkuðu úr 40 kr. í 45 kr. Gjald fyrir millisafnalán hækkaði úr 1.500 kr. í 1.600 kr.
Þjónusta
Safnið er í stöðugri þróun og endurskoðun og reynir eftir fremsta megni að halda góðri þjónustu og bæta hana eins og hægt er.
Sjálfsafgreiðsla var áfram einn af áhersluþáttum þjónustunnar á báðum söfnum og var mikil aukning í notkun hennar á árinu líkt og verið hefur á undanförnum árum. Í maí hófst tilraunaverkefni á aðalsafni þar sem nú er boðin sjálfsafgreiðsla án þjónustu kl. 8 – 10 virka daga. Hefur það gengið vel og gestir að venjast því betur og betur.
Safnið var áfram með samstarfssamning um eitt lánþegaskírteini við almenningsbókasöfn á höfuðborgarsvæðinu. Var samstarfið á þá leið að hafi lánþegi gilt skírteini í einu safnanna getur hann nýtt sér þjónustu þeirra allra, m.a. fengið lánað og skilað gögnum á hverju þessara safna. Gjaldskrá miðast við það safn sem notað er hverju sinni og sektir og önnur gjöld eru greidd á viðeigandi safni. Fyrirkomulagið hefur mælst mjög vel fyrir hjá lánþegum.
Bókasendingar milli samstarfssafnanna þriggja
í Garðabæ, Hafnarfirði og Kópavogi eru farnar þrisvar sinnum í viku og sendingar milli aðalsafns og Lindasafns eru farnar tvisvar sinnum í viku.
Á aðalsafni er boðið upp á aðgang að gestatölvu þar sem aðeins er hægt að skoða internetið og með tilkomu nýrrar prentþjónustu er einnig hægt að prenta út úr þeirri tölvu.
Áfram var prentþjónustan Princh notuð með miklum ágætum. Princh er danskur hugbúnaður sem m.a. er notaður á bókasöfnum Borgarbókasafns Reykjavíkur, á Norðurlöndunum og víðar um heim. Hugbúnaðurinn gerir fólki kleift að fá aðgang að prentara safnsins úr hvaða tæki sem er, þ.e. símum, spjaldtölvum, fartölvum, gestatölvu o.s.frv. og fólk er því ekki lengur bundið við aðgang að gestatölvu eða starfsfólki.
Áfram heldur vinna í nýjum Gegni, bókasafnskerfinu Alma frá Ex Libris. Landskerfi bókasafna hf. sér um rekstur á kerfinu á Íslandi. Fyrsta árið eftir skiptin reyndi mikið á starfsfólk og lánþega en með meiri reynslu, uppfærslum og aðlögunum hefur vinna í kerfinu orðið betri og starfsfólk á hrós skilið fyrir metnað og æðruleysi í þeirri miklu vinnu.
Hringrásarsafnið hefur gengið vel frá því það opnaði í lok árs 2021, en safnið er fyrsta safn sinnar tegundar á Íslandi. Safnið virkar ekki ósvipað og bókasafn og gerir notendum sínum kleift að fá lánaða ýmsa nytsama hluti eins og til dæmis ísvélar og verkfæri. Notendur hringrásarsafnsins greiða árgjald og fara útlánin fram með sjálfsafgreiðslu. Verkefnið hefur gengið mjög vel og hafa íbúar Kópavogsbæjar sem og aðrir tekið vel í þessa nýjung á safninu. Hægt er að sjá frekari upplýsingar um safnið á vefnum www.munasafn.is.
Fjölnotasalir aðalsafns hafa verið vel nýttir á árinu og leigðir út til marga, einstaklinga og fyrirtækja og stofnana. Salirnir eru leigðir út gegn gjaldi og er alltaf að verða vinsælla og vinsælla hjá samtökum og stofnunum í Kópavogi og víðar. Mikil ánægja hefur verið meðal leigutaka á þjónustunni í kringum leiguna og á sölunum sjálfum.
Á árinu komu samtals 201.582 gestir á bókasöfn Kópavogsbæjar, þar af 165.172 gestir á aðalsafn og 36.010 gestir á Lindasafn. Er þetta tæplega 12% fjölgun frá árinu 2022.
Útlán stóðu nánast í stað á milli ára og voru samtals 152.110.
Öll töluleg gögn um safnið eru nú sett í miðlægt vöruhús gagna Kópavogsbæjar þar sem fram koma upplýsingar safnsins um heimsóknir í safnið, útlán gagna, fjölda gesta á viðburðum, fjölda skólahópa sem koma í fræðsluheimsóknir, upplýsingar um heimsóknir á samfélagsmiðla ásamt fleiri gagnlegum upplýsingum.
Safnið hlaut styrk úr Bókasafnasjóði árið 2022 fyrir verkefninu Hverfin okkar: Landkönnun um Kórahverfi. Verkefnið er samstarfsverkefni Bókasafns Kópavogs, hljóðgönguhópsins Flanerí og Hörðuvallaskóla. Verkefnið var unnið á vorönn 2023 og er um að ræða hljóðgöngu um Kórahverfið þar sem börn úr hverfinu eru leiðsögumenn og segja frá áhugaverðum og skemmtilegum stöðum í nærumhverfi sínu. Gestir og gangandi geta notið leiðsagnarinnar í sínum eigin símtækjum um leið og gengið er um svæðið, en verkefnið var frumflutt á vorhátíð Hörðuvallaskóla í maí 2023.
Í lok árs hlaut safnið jafnréttis- og mannréttindastyrk Kópavogsbæjar fyrir árið 2023 fyrir verkefninu Tala og spila. Tala og spila er samverustund sem fram fer á laugardögum á Bókasafni Kópavogs aðalsafni, í því skyni að efla skilning og leikni fólks af erlendum uppruna í íslensku og skapa jafnframt notalegan vettvang fyrir tengslamyndum. Auður Loftsdóttir mun halda utan um verkefnið og sjálfboðaliðar frá GETA samtökunum taka þátt í viðburðaröðinni, sem hefst í janúar 2024.
Árið 2023 voru að jafnaði 14 starfsmenn í 14,5 föstum stöðugildum á safninu fram til 25. apríl, þar af 12,55 stöðugildi á aðalsafni og 1,75 stöðugildi á Lindasafni. Þann 25. apríl samþykkti bæjarstjórn breytingar á starfsemi safnsins og starfsmannamálum.
Breytingarnar fólu m.a. í sér að tillaga bæjarstjóra um áherslu á aukna sjálfsafgreiðslu var samþykkt og samhliða samþykkt að fækka stöðugildum bókavarða um 1,85. Einn starfsmaður lét af störfum í maí, einn starfsmaður fór í fæðingarorlof í lok sumars og einn fór í leyfi frá nóvember og út árið. Tímavinnustarfsmenn voru að jafnaði 10 yfir árið. Sumarstarfsmenn voru í samtals fimm stöðugildum á báðum söfnum. Auk þess komu fimm ungmenni í gegnum Vinnuskóla Kópavogs í sex vikur, allir á aðalsafn og hjá menningarhúsunum. Voru verkefni þeirra tengd samfélagsmiðlum safnsins.
Bókasafn Kópavogs hélt áfram þátttöku sinni í tilraunaverkefni bæjarins sem nefnist Velferð á vinnustað, en tilgangur verkefnisins er að bæði starfsmenn og stjórnendur hafi skýra, samræmda og ákveðna verkferla til að draga úr fjarveru.
Starfsfólk var duglegt að sinna sí- og endurmenntun af ýmsum toga. Forstöðumaður og útibússtjóri Lindasafns fór m.a. til Svíþjóðar í janúar til að stofna formlega til samstarfs við Hässleholm bókasafnið og kynna sér sænsk bókasöfn. Fimm starfsmenn sóttu Norrænu bókasafnaráðstefnuna Next Library Festival í Árósum í Danmörku í maí 2023. Stór hluti starfsmannahópsins sótti tvær ráðstefnur á Íslandi á haustmánuðum. Annars vegar Landsfund Upplýsingar sem haldinn var í Hafnarfirði og hins vegar Ninja –Nordic IFLA Network ráðstefnu sem haldin var í Reykjavík. Starfsfólk sótti að auki bæði fræðslufundi og námskeið innan vinnutíma og utan. Hluti starfsfólks í hlutastarfi er í háskólanámi meðfram vinnu svo vinnustaðurinn er í góðum tengslum við skólasamfélagið sem er hverju almenningsbókasafni mikilvægt.
Félagsstörf
Gréta Björg Ólafsdóttir, deildarstjóri barnastarfs, er fulltrúi Upplýsingar í nefnd um Gerðubergsráðstefnu. Brynhildur Jónsdóttir, deildarstjóri þjónustu, situr í stjórn Aleflis. Sigurlaug Jóna Hannesdóttir stýrir nýstofnuðum vinnuhópi um tímaritahluta rafbókasafnsins. Lísa Z. Valdimarsdóttir, forstöðumaður safnsins, situr
í fulltrúaráði Þjónustumiðstöðvar bókasafna. Lísa átti einnig sæti í undirbúningsnefnd Ninja – Nordic IFLA Network ráðstefnunnar sem haldin var á Íslandi í október 2023. Sigurlaug Jóna Hannesdóttir, útibússtjóri Lindasafns, er trúnaðarmaður starfsfólks hjá Bandalagi háskólamanna. Íris Dögg Sverrisdóttir, bókavörður, er trúnaðarmaður starfsfólks hjá Stéttarfélagi Kópavogsbæjar.
Innkaup
Í lok árs voru keyptar tvær snertiskjástölvur sem „kiosk“ eða viðbót við sjálfsafgreiðslu safnsins þar sem unnið er að því að lánþegar geti sjálfir náð í rafræn bókasafnskort, sett nýtt PIN númer á kort, greitt árgjald og sektir.
Þá voru keyptar fjórar nýjar sjálfsafgreiðsluvélar og bókabox frá Bibliotheca. Vélarnar verða þó settar upp árið 2024 með þeim viðbótum sem eru í vinnslu í sjálfsafgreiðsluvélum.
Endurbætur
Áfram var unnið að endurbótum á aðalsafni á árinu. Kortalesari var settur upp við útidyrahurð á 2. Hæð safnsins, en slíkt hafði verið sett upp á 1. hæð árið 2022.
Theresa Himmer arkitekt vann með safninu á árinu líkt og áður og voru keypt og sett upp ný ljós í setsvæðum, bæði veggljós og standlampar.
Nýjar hillur voru smíðaðar og settar upp í handavinnuhorni aðalsafns, tímaritasvæði og innanhússhönnunarsvæði. Fyrirtækið Hjól atvinnulífsins ehf. sá um smíðina.
Á Lindasafni var lokið við að endurnýja gafla á bókahillum safnsins. Með endurnýjuninni næst betri nýting á þeim hillubúnaði sem fyrir var á safninu, tækifæri til bókaútstillinga aukast og aðgengi gesta að safnkostinum batnar. Hefur þetta mælst mjög vel fyrir.
Skráður safnkostur Bókasafns Kópavogs í Gegni í árslok 2023 voru 83.158 eintök. Sérstök áhersla var lögð á að kaupa inn vinsælt og fjölbreytt efni til að koma til móts við lánþega og frátektarlista.
Innkaup og gagnaval er í höndum aðfangateymis sem hittist einu sinni í viku. Í jólabókaflóðinu hittist teymið þó að jafnaði tvisvar sinnum í viku. Við innkaup, gagnaval og grisjun er stuðst við aðfangastefnu safnsins sem gildir í eitt ár í senn en hana má finna á vefsíðu safnsins.
Á safninu fer fram skráning, flokkun og tenging innlendra og erlendra bóka, tímarita, hljóðbóka og mynddiska auk annarra gagna. Þunginn af þessari vinnu fer fram hjá deildarstjóra aðfanga á aðalsafni en útibússtjóri Lindasafns sér um innkaup og tengingu safnkosts sem er keyptur fyrir Lindasafn.
Stafræn og rafræn gögn
Sem almenningsbókasafn Kópavogsbæjar greiðir Bókasafn Kópavogs fyrir landsaðgang að rafrænum áskriftum á Hvar.is fyrir Kópavogsbæ. Síðan veitir öllum sem tengjast netinu um íslenskar netveitur aðgang að tímaritsgreinum.
Lánþegar Bókasafns Kópavogs hafa aðgang að Rafbókasafninu, sem starfrækt er í samvinnu við Landskerfi bókasafna og önnur almenningsbókasöfn á landinu. Raf- og hljóðbækur eru lánaðar út í gegnum Rafbókasafnið en safnkostur þess er eins og er mestmegnis á ensku. Vonir standa til að efni á íslensku bætist við á næstunni.
Í lok ársins fór af stað vinna við tímaritahluta Rafbókasafnsins, en í upphafi árs 2024 mun verða mögulegt að lána út fjölbreytt úrval tímarita. Bókasafn Kópavogs stýrir verkefnateyminu sem samanstendur af fulltrúum frá bókasöfnum Garðabæjar, Hafnarfjarðar, Reykjanesbæjar og Amtbókasafninu á Akureyri. Tímaritin eru kærkomin viðbót við Rafbókasafnið sem er í stöðugri þróun.
Gjafir
Bókasafn Kópavogs fær margar góðar bókagjafir á hverju ári frá velunnurum sínum og eru þeim færðar kærar þakkir fyrir hugulsemi og örlæti.
Þema og útstillingar
Allt árið er bókum og öðrum safnkosti stillt fram í tengslum við ákveðin þemu eða viðburði á safninu. Á árinu voru m.a. eftirfarandi útstillingar: „Vinsælt fyrr og nú“ dagana í kringum 70 ára afmæli safnsins í mars, „Bækur sem kveikja í þér“ í kringum aprílgabb safnsins 1. apríl, „Áfram konur“ í tengslum við kvenréttindadaginn 19. júní og hinsegin bókmenntir á Hinsegin dögum. Í september var sett upp útstilling til minningar um Guðberg Bergsson sem lést 6. september, bókum var stillt fram á Degi náttúrunnar 16. september og þann 21. september á Alþjóðlega friðardeginum var bókum um frið og stríð stillt úr og tilvitnanir úr ýmsum bókum sem tengjast stríði og friði og voru hengdar til sýnis á vegg í barnadeild aðalsafns. Í september tók safnið þátt í gulum september, samvinnuverkefni um sjálfsvígsforvarnir, þar sem bæði gulum bókum og bókum um geðheilbrigði var stillt fram. Vika bannaðra bóka var haldin alþjóðlega 1. – 7. október og þann 5. október fékk Jon Fosse Nóbelsverðlaunin og var bókum hans stillt fram af því tilefni. Safnið tók að sjálfsögðu þátt í bleikum október og var bleikum bókum stillt upp. Í lok október var safnið undirlagt af hrekkjavökunni og hrollvekjum og bókum um hin ýmsu skrímsli stillt fram. Norræna bókmenntavikan var haldin 14. – 20. nóvember og voru Norrænar bókmenntir í hávegum hafðar þessa viku. Dagur íslenskrar tungu var haldin 16. nóvember með viðeigandi bókum og í kringum þann dag var bókum stillt út eftir höfunda sem tóku þátt í Iceland Noir, þar sem glæpasögur og aðrar skuggalegar bókmenntir gegna lykilhlutverki. Í lok nóvember og fram í desember var útstillingin „Þekktu rauðu ljósin“ sett fram á aðalsafni en herferðin var sett af stað til að vekja athygli á ofbeldi í nánum samböndum.
Verk í almenningsrými og stofnunum
Á aðalsafni stendur skúlptúr eftir fyrsta bæjarlistamann Kópavogs, myndhöggvarann Wilhelm Beckmann. Verkið ber heitið„Kona“ og var gert á árunum 1950-1965. Efni skúlptúrsins er viður og var styttan gjöf til bróður Wilhelms, Georgs Beckmann. Verkið er í eigu Stofnunar Wilhelms Beckmann.
Á aðalsafni er einnig fallegt glerlistaverk eftir Bjarna Snæbjörnsson myndlistarmann en hann gaf safninu verkið stuttu eftir opnun þess í nýju húsnæði að Hamraborg 6a árið 2002.
Í fundarherberginu Holti er tvö falleg verk án titils eftir Valgerði Briem án titils úr myndaröðinni „Landlit“. Myndaröðin eru abstrakt teikningar sem unnar eru með blandaðri tækni og virðast tjá margbreytileika náttúrunnar. Valgerður skapar sterka dýptartilfinningu í verkinu og er líkt og horft sé niður í hraunbreiðu, á innviði gróðurs eða yfir bergmyndanir landsins.
Kynningarmál
Kynningarmál hafa verið í góðum farvegi undanfarin ár og samvinna við önnur menningarhús í Kópavogi aukast jafnt og þétt. Sú samvinna hefur gengið vel og er safninu til bóta.
Kynningarmálin snúast að mestu um viðburði, þjónustu og safnefni safnsins og í ár var sérstaklega miklu tjaldað til af tilefni 70 ára afmælis safnsins og gekk kynningin og dagurinn sjálfur stórvel.
Aprílgabb ársins reyndist ein besta kynning á safninu og rataði í fjölda fjölmiðla og vakti mikla athygli hjá almenningi. Gabbið snerist um það að Bókasafn Kópavogs og Blush væru komin í samstarf um útleigu á hjálpartækjum ástarlífsins. Bæði voru tækin auglýst vel og kynning á hvað lánþegar þyrftu að gera til að nálgast þau, þ.e. vera 18 ára eða eldri og eiga bókasafnskort. Einfalt og gott. Auk þess var auglýstur gervi-viðburður á aðalsafni með Gerði Arinbjarnardóttur, eiganda Blush. Gestir sem hlupu apríl fengu gjafakort hjá Blush í eins konar skaðabætur. Vel heppnað grín sem skapaði skemmtilegt umtal og auglýsingu.
Vefsíða og samfélagsmiðlar
Á vefsíðu safnsins og samfélagsmiðlum er lögð áhersla á kynningu stakra og fastra viðburða, auk þess sem ýmsum fróðleikur og skemmtun er deilt. Safnið er með virka Facebook-síðu, Instagram-aðgang og aðgang á TikTok sem allir hafa gengið mjög vel á árinu.
Ný vefsíða bókasafnsins leit dagsins ljós í lok mars, í sama mánuði og 70 ára afmæli safnsins var fagnað. Undirbúningsvinna við síðuna var töluverð og stóð lengi yfir enda gekk opnun síðunnar vel fyrir sig. Síðan er í takt við vefsíður Mekó og hinna menningarstofnana bæjarins en með áherslum og séreinkennum safnsins.
Menningarhúsin í Kópavogi, Mekó, gáfu saman út tvö blöð á árinu, í byrjun árs og byrjun haustsins. Í blaðinu er umfjöllun um starfsemi húsanna, viðtöl við listamenn og aðra sem tengjast menningarstarfsemi bæjarins auk þess sem ítarleg dagskrá menningarhúsanna er kynnt.
Fjölmiðlar
Bókasafn Kópavogs hefur lagt áherslu á að senda fréttatilkynningar til þeirra miðla sem starfa hverju sinni í Kópavogi og fréttabréf með helstu tíðindum á póstlista hálfsmánaðarlega. Markaðs- og kynningarstjóri menningarhúsanna í Kópavogi heldur að mestu utan um önnur fjölmiðlatengsl.
Samstarfssöfn Bókasafns Kópavogs eru Bókasafn Garðabæjar og Bókasafn Hafnarfjarðar og gildir eitt lánþegaskírteini á öllum þremur söfnum. Hægt er að skila safngögnum til allra safnanna þriggja. Í kjölfar upptöku nýs bókasafnskerfis í júní 2023 var bókasendingum á milli Bókasafns Garðabæjar, Hafnarfjarðar og Kópavogs fjölgað úr sendingum á tveggja vikna fresti til sendinga þrisvar sinnum í viku. Farið er með sendingar tvisvar sinnum í viku á milli aðalsafns og Lindasafns. Samstarf við önnur almenningsbókasöfn á höfuðborgarsvæðinu um eitt lánþegaskírteini sem gildir á öllum slíkum söfnum. Gjaldskrá miðast við það safn sem notað er hverju sinni og sektir og önnur gjöld eru greidd á viðeigandi safni. Ekki er hægt að skila safngögnum á öll söfn, en vonir standa til að það verði hægt á næsta ári.
Bókasafn Kópavogs hefur verið í miklu og nánu samstarfi við skólabókasöfnin í Kópavogi í mörg ár og býður safnið m.a. öllum safnstjórum skólabókasafnanna í heimsókn í spjall tvisvar sinnum á árinu.
Í kjölfar heimsóknar forstöðumanns og útibússtjóra Lindasafn til Svíþjóðar í byrjun árs hófst samstarf við almenningsbókasafnið í Hässleholm í Svíþjóð og almenningsbókasafnið í Haapsalu í Eistlandi. Samstarfsnetið nefnist LISE og er megináhersla þess að stuðla að endurmenntun og fræðslu starfsfólks milli landanna þriggja.
Fjölmargir viðburðir eru orðnir fastir liðir í starfsemi bókasafnsins og eru vel sóttir af gestum safnsins á öllum aldri.
Bókamarkaður
Bókamarkaður hefur verið fastur liður í starfsemi safnsins í mörg ár og er á aðalsafni fyrstu heilu vikuna í hverjum mánuði. Þar er fjölbreytt efni til sölu á lágu verði og er þar ýmist að finna bækur, tímarit, mynddiska og geisladiska.
Foreldramorgnar
Foreldramorgnar voru áfram fastur liður á aðalsafni og voru þeir 12 talsins á árinu. Viðburðirnir eru hugsaðir fyrir foreldra yngstu barnanna og eru börnin velkomin með á safnið.
Á vorönn kom Ólafur Ingi Grettisson slökkviliðsmaður og hélt erindi um skyndihjálp. Fræðsluerindi á vegum Foreldrafræðsla.is mæltist vel fyrir en það fjallaði um hlutverk foreldra sem fyrirmyndir barna sinna. Heilsugæslan var með fræðslu um ungbarnanudd. Þá var boðið upp á erindi um líðan á meðgöngu og Ebba Guðný Guðmundsdóttir kom á foreldramorgun og hélt erindi um holla fæðu. Að lokum kom Arna Skúladóttir hjúkrunarfræðingur og sérfræðingur í barnahjúkrun og ræddi um svefnvenjur barna.
Á haustmánuðum fékk safnið Herdísi L. Storgaard til að halda erindi um slysavarnir barna. Hjónin Hulda Tölgyes sálfræðingur og Þorstein V. Einarsson kynjafræðingur komu og fjölluðu um þriðju vaktina. Indíana Rós Ægisdóttir kynjafræðingur hélt erindi um kynlíf eftir barneignir og Skúli Bragi Geirdal fjallaði um miðlalæsi og samfélagsmiðlanotkun. Þá hélt Guðrún Birna le Sage erindi um virðingarríkt uppeldi og Sigrún Þorsteinsdóttir barnasálfræðingur og doktor í heilsueflingu hélt erindi um matvendni barna.
Bókamenntaklúbburinn Hananú
Bókmenntaklúbburinn Hananú er elsti starfrækti klúbbur safnsins. Hann er opinn öllum og hittast meðlimir klúbbsins hálfsmánaðarlega yfir vetrartímann. Umsjón með honum hafa Eyrún Ósk Jónsdóttir, verkefnastjóri fræðslu og miðlunar, sem tók við af Kolbrúnu Sveinsdóttir á haustdögum og Bjarni Ólafsson cand. mag., nýr formaður klúbbsins, en hann tók við á árinu af Sigurði Flosasyni. Á tímabilinu hélt klúbburinn m.a. ljóðaviðburð í tengslum við afmæli safnsins þar sem meðlimir klúbbsins lásu upp ljóð
eftir fyrrum bæjarbókaverði Jón úr Vör og Hrafn Andrés Harðarson. Hananú fær reglulega til sín rithöfunda í heimsókn sem jafnan vekja mikla lukku. Á árinu heimsóttu klúbbinn höfundarnir Haukur Már Helgason, Sverrir Norland og Vilborg Davíðsdóttir.
Hannyrðaklúbburinn Kaðlín
Hannyrðaklúbburinn Kaðlín er heldur samkomur vikulega allt árið um kring og er opinn öllum. Klúbburinn fær reglulega til sín góða gesti með fræðslu um prjón og aðrar hannyrðir og er almennt mikil ánægja með kynningarnar. Í mars hélt hópurinn viðburðinn „Prjónað til góðs“ þar sem meðlimir prjónuðu sokka og vettlinga og gáfu til góðs málefnis. Í maí fékk hópurinn heimsókn frá Dagnýju Hermannsdóttur sem kynnti lettneskt vettlingaprjón.
Bókaklúbburinn Lesið á milli línanna
Síðan á vetrardögum árið 2019 hefur bókaklúbburinn Lesið á milli línanna hist mánaðarlega á aðalsafni. Klúbburinn er ætlaður öllum hressum konum sem vilja hittast, lesa á milli línanna og spjalla um yndislestur á léttu nótunum. Klúbburinn hittist fyrsta fimmtudag í mánuði yfir vetrartímann.
Lesið fyrir hunda
Lesið fyrir hunda er einn vinsælasti viðburður bókasafnsins og hefur verið fastur liður í viðburðadagskrá aðalsafns í mörg ár. Verkefnið er unnið í samstarfi við góðgerðasamtökin Vigdísi, vini gæludýra á Íslandi. Fullbókað var í lestrarstundirnar á árinu en viðburðirnir voru átta talsins og komust sex börn að í hvert skipti.
Sögustundir
Sögustundir fyrir yngri börnin hafa í áraraðir verið fastur liður yfir vetrarmánuðina bæði á aðalsafni og Lindasafni. Um er að ræða sögustundir fyrir leikskólahópa og dægradvöl sem eru á dagskrá fyrri hluta dags. Ein sögustund er á aðalsafni og tvær á Lindasafni, ein fyrir leikskólahópa og ein fyrir frístund. Ein höfundaheimsókn var í sögustund í báðum útbúum á árinu en barnabókahöfundurinn Eygló Jónsdóttir kom og las fyrir börn úr nýrri bók sinni Sóley í Undurheimum.
Æfingin skapar meistarann
Æfingin skapar meistarann var samstarfsverkefni Rauða krossins og Bókasafns Kópavogs. Verkefnið snerist um að hjálpa fólki af erlendum uppruna að
æfa sig í að tala íslensku. Sjálfboðaliðar frá Rauða krossinum komu annan hvern laugardag á bókasafnið til að spjalla á íslensku. Verkefnið gekk ágætlega og var vel sótt. Það var haldið annan hvern laugardag á vorönn.
Skiptimarkaðir
Sumarið 2023 stóð Garðyrkjufélag Íslands fyrir plöntuskiptadegi og í framhaldi af því bauð safnið upp á plöntuskiptamarkað á aðalsafni dagana 5. júní – 1. júlí þar sem gestir fengu tækifæri til að gefa plöntum nýtt heimili og taka aðrar með heim í staðinn. Markaðurinn mæltist vel fyrir og fáar plöntur stöldruðu lengi við áður en þær fengu nýja eigendur.
Í tengslum við Hrekkjavökuna var haldinn búningaskiptimarkaður. Þar gátu gestir komið með gamla búninga og fengið aðra í staðinn.
Á aðventunni var á aðalsafni skiptimarkaður jólasveinsins þar sem jólasveinar gátu skilið eftir notað dót og tekið annað í staðinn. Heppnaðist skiptamarkaðurinn mjög vel og var mikið notaður.
Aðrir viðburðir
Aðrir viðburðir á árinu voru þó nokkrir og eru þeir helstu taldir upp hér að neðan.
Stærstur þeirra var 70 ára afmæli safnsins, þann 15. mars, en blásið var til afmælisdagskrár í afmælisvikunni, 13. – 18. mars. Marteinn Sigurgeir ssonkvikmyndagerðarmaður sýndi stuttmynd sína um sögu Bókasafn Kópavogs. Kvennakór Kópavogs kom og söng fyrir safngesti, ungmennakvöld var haldið þar sem bíó, borðspil og bugður voru í boði fyrir 13 – 17 ára. Arndís Þórarinsdóttir rithöfundur stýrði skemmtilegri sögustund, Eva María Jónsdóttir jógakennari bauð upp á afmælisjóga og Frímann Ingi Helgason frá Sögufélagi Kópavogs flutti erindi um sögu safnsins. Hannyrðaklúbburinn Kaðlín fór af stað með verkefnið „Prjónað til góðs“ og Bókmenntaklúbburinn Hananú(?) las ljóð eftir fyrrum bæjarbókaverði. Nemendur úr Lindaskóla komu og lásu upp ljóð eftir Jón úr Vör og Kjalar Marteinsson Kollmar, söngvari, kom og söng gamlar perlur fyrir gesti. Afmælisdeginum lauk svo með afmælisveislu fyrir boðsgesti.
Haldnir voru nokkrir viðburðir með bæjarlistamanni Kópavogs, Lilju Sigurðardóttur, rithöfundi, undir yfirskriftinni Bókaklúbbur bæjarlistamanns. Fyrsti í röðinni bar yfirskriftina „Hinsegin glæpalýður – , íslenskar og erlendar glæpasögur í hinsegin ljósi“. Lesarar með Lilju voru Íris Tanja Flygenring
leikkona og Sigursteinn Másson, rithöfundur og fjölmiðlamaður, en viðburðurinn var unninn í samstarfi við Hinsegin daga. Síðan kom „Glæpsamlega gott jólabókaflóð“ en þá fékk Lilja Yrsu Sigurðardóttur rithöfund og Óskar Guðmundsson rithöfund með sér. Splunkunýjar glæpasögur voru í brennidepli. Að lokum hélt Lilja utan um „KrimmaKviss“ á aðventunni, í jólastemningu með dularfullri spurningakeppni. Þá fékk hún með sér rithöfundana Ævar Örn Jósepsson, Evu Björgu Ægisdóttur, Sólveigu Pálsdóttur og Skúla Sigurðsson.
Jón Benedikt Björnsson sálfræðingur og rithöfundur hélt fyrirlestraröð um dreifingu mannkyns fyrir safngesti á vordögum.
Steinn Kárason garðyrkjumeistari hélt fyrirlestraröð um sáningu og ræktun auðveldra og aðgengilegra kryddjurta á vordögum.
Kristín Dóra hélt utan um notalega páskasmiðju þar sem voru föndraðir litríkir páskakransar.
Sigrún Alba Sigurðardóttir rithöfundur kom í í heimsókn og kynnti bók sína Sumarblóm og heimsins grjót.
Á haustönn fór safnið í samstarf við söngdeild FÍH og bauð upp á hádegisdjass síðasta fimmtudag í hverjum mánuði. Nemendur söngdeildar sungu fyrir gesti undir leiðsögn Margrétar Eirar Vilhjálmsdóttur.
Á vordögum hlaut safnið fjármagn frá lista- og menningarráði til að setja upp kryddjurtagarð á svölum aðalsafns og útbúa fræsafn þar sem fólk gat komið og fengið gefins fræ. Safnið fékk einnig úthlutað matjurtargarði frá Kópavogsbæ yfir sumartímann þar sem fram fór ræktun á matjurtum. Öllu starfsfólki safnsins var boðið í súpu og ýmiskonar meðlæti úr uppskerunni.
Í tengslum við krydd- og matjurtarækt safnsins hélt Guðríður Helgadóttir, garðyrkjufræðingur fræðsluerindi á Lindasafni í september, undir yfirskriftinni „Matjurtarspjall“. Í erindinu fór hún yfir hvað þarf að hafa í huga við matjurtarækt og hvernig nýta má uppskeruna.
Í október bauðst fjölskyldum að föndra gluggaskraut og bókamerki með Hlutverkasetrinu.
Í nóvember var boðið upp á sagnagöngu í samstarfi við furðusagnahátíðina IceCon þar sem þemað var fantasíur og hrollvekjur. Emil Hjörvar Petersen rithöfundur leiddi gönguna sem hófst við Víghól í Kópavogi.
Ritsmiðja fyrir skúffuskáld var haldin á haustönn og voru leiðbeinendur þær Ásdís Káradóttir og Sæunn Þórisdóttir. Tuttugu manns fengu leiðsögn í skapandi skrifum fjóra fimmtudaga í röð.
Árlegt bókaspjall bókasafnsins fór fram á aðalsafni undir stjórn Guðrúnar Sóleyjar Gestsdóttur bókmenntafræðings. Rithöfundarnir Einar Kárason, Kristín Ómarsdóttir og Vigdís Grímsdóttir lásu úr nýjustu verkum sínum og tóku þátt í líflegum umræðum.
Á aðventunni hélt Tónlistarskóli Kópavogs þrenna nemendatónleika á aðalsafni og var það kærkomin viðbót við jólastemninguna í desember. Þann 22. desember bauð safnið upp á jólakósí stund á aðalsafni sem byrjaði með fjölskyldujóga. Þá las Eyrún Ósk Jónsdóttir, verkefnastjóri, jólasöguna Þegar trölli stal jólunum og Margrét Eir Vilhjálmsdóttir kom og söng nokkur jólalög. Dagskránni lauk með jólabíói og myndinni Mikki um jólin.
Sameiginleg dagskrá Menningarhúsanna í Kópavogi
Ýmsir sameiginlegir viðburðir menningarhúsanna í Kópavogi fóru fram yfir árið. Má þar nefna fjölskyldustundir á laugardögum, Menningu á miðvikudögum, Vetrarhátíð og viðburði í tilefni af haust- og vetrarfríi í grunnskólum Kópavogs.
Fjölskyldustundir
Í Fjölskyldustundum á aðalsafni og Lindasafni var boðið upp á smiðjur af ýmsu tagi, þar á meðal hélt Sunna Dís Másdóttir skáld og rithöfundur erindi um nýútkomnar barnabækur. Reykjavíkurdætur buðu upp á rappsmiðju í tengslum við Daga ljóðsins. Origami-smiðja var í boði á þjóðhátíðardegi Japans og Vísindasmiðja Háskóla Íslands bauð upp á smiðju fyrir forvitna krakka. Fab Lab smiðjur voru í boði í báðum útibúum og páskaföndur í apríl. Í tilefni af Eid-ul-Fitr, stórhátíðardegi múslima, var börnum og fjölskyldum þeirra boðið að taka þátt í að fagna lokum Ramadan. Kökur, te, henna-tattoo fyrir börn og kennsla í arabísku letri voru í boði. Í september var aftur boðið upp á rappsmiðju með Reykjavíkurdætrum, Vísindasmiðja Háskóla Íslands kom í október og einnig var boðið upp á óróasmiðju. Jólapeysusmiðja og aðventuhjörtu voru föndruð í nóvember til undirbúnings fyrir jólin. Í desember kom Arndís Þórarinsdóttir til okkar og las úr nýútkominni bók sinni Mömmuskipti og spjallaði við gesti.
Menning á miðvikudögum
Í Menningu á miðvikudögum var boðið upp á fróðlega fyrirlestra og viðburði á aðalsafni. Árið hófst með umfjöllun um jólabókaflóðið 2022 með Árna Matthíassyni blaðamanni. Eva María Jónsdóttir jógakennari bauð upp á afmælisjóga á 70 ára afmæli safnsins þann 15. mars og Stefán Pálsson sagnfræðingur hélt erindi um Gísla J. Ástþórsson teiknara og höfund myndasagnanna um Siggu Viggu í tilefni af sýningu hans í fjölnotasal. Á degi íslenskrar tungu, 16. nóvember, hélt Jelena Ciric söngvaskáld, blaðamaður og þýðandi erindi um íslenska tungu út frá sjónarhorni þess sem er að læra hana.
Á haustdögum var boðið upp á fyrirlestraröð í Menningu á miðvikudögum sem nefndist Leslyndi þar sem rithöfundar voru fengnir til þess að segja frá uppáhaldsbókunum sínum og hvaða bækur hefðu haft áhrif á þá. Pétur Gunnarsson reið á vaðið, þá komu Þórarinn Eldjárn, Silja Aðalsteinsdóttir og Guðrún Eva Mínervudóttir og sögðu frá sýnum uppáhalds bókum. Þetta var mjög vel sóttur og gríðarlega vinsæll dagskrárliður.
Dagar ljóðsins og Ljóðstafur Jóns úr Vör
Dagar ljóðsins voru haldnir hátíðlegir dagana 21. jan. til 4. feb. en 21. janúar er fæðingardagur Jóns úr Vör, fyrsta bæjarbókavarðar Kópavogs. Árlega afhendir lista- og menningarráð Kópavogsbæjar ljóðaverðlaunin Ljóðstaf Jóns úr Vör á þeim degi.
Sunna Dís Másdóttir var handhafi Ljóðstafsins að þessu sinni og hlaut hún viðurkenninguna fyrir ljóðið Á eftir þegar þú ert búin að deyja. Alls bárust 230 ljóð í keppnina sem var haldin í tuttugasta sinn á árinu. Í öðru sæti var Solveig Thoroddsen og Helga Ferdinandsdóttir var í því þriðja. Alexander Aron Karenarson var hlutskarpastur í ljóðasamkeppni grunnskólanna.
Vetrarhátíð
Á safnanótt bauð safnið m.a upp á danspartý Silent Disco, blöðrusmiðju og vísindasmiðju á vegum Háskóla Íslands. Endaði kvöldið á að hjónin Sigríður Hagalín Björnsdóttir og Jón Kalman Stefánsson komu í létt bókaspjall.
Þjóðhátíðardagurinn 17. júní var haldinn hátíðlegur og ýmis atriði á vegum bæði Kópavogsbæjar og menningarhúsanna voru í boði á útisvæði.
Haustkarnival
Menningarhúsin heilsuðu haustinu með Haustkarnivali í öllum húsunum laugardaginn 2. september. Á safninu bauð listhópur Hlutverkaseturs upp á skemmtilega viðburði og þátttökuverkefni sem hverfðust um fífilinn og sköpunargleðina með fíflakasti og fíflakrítum.
Haust- og vetrarfrí
Vetrarfrí í grunnskólum Kópavogs var dagana 23. og 24. febrúar. Á aðalsafni gafst krökkum kostur á að horfa á bíómyndir í fjölnotasal, taka þátt í smiðju með Spilavinum og koma í litríka perlusmiðju. Á Lindasafni voru fléttuð vinabönd og armbönd ásamt því að boðið var upp á perlusmiðju.
Haustfrí grunnskólanna var 26. og 27. október, sem var bæði á alþjóðlega bangsadaginn og rétt fyrir Hrekkjavöku. Það var því ákveðið að leigja myndavélakassa, stilla upp bangsabakgrunni og bjóða krökkum að koma og taka mynd af sér með bangsanum sínum. Þá var haldin Draugasögustund í náttúrufræðirýminu í tilefni af hrekkjavökunni. Eyrún Ósk Jónsdóttir flutti draugasögu fyrir yngri börnin og sagði þeim hvernig hægt er að kveða niður drauga samkvæmt íslensku þjóðsögunum. Skrímslaleit fór fram á fyrstu hæð þar sem börn fræddust um leið um íslensku skrímslin og fengu sleikjó í verðlaun. Þá var sett upp miðja þar sem krökkum gafst tækifæri til að teikna íslensku skrímslin og líma þau upp á vegg til sýnis. Varð því til hin flottasta sýning á íslensku skrímslunum sem fékk að hanga uppi þangað til jólaskreytingarnar tóku við. Á Lindasafni var boðið uppá perlusmiðjur með hrekkjavökuþema.
List án landamæra
Á haustdögum tók safnið þátt í hátíðinni List án landamæra. Myndlistarhópur Hlutverkaseturs var listahópur listahátíðarinnar og setti hann upp sýninguna Fíflast með fíflum í fjölnotasal og barnadeild aðalsafns. Sýningin opnaði á sérstakri opnunarhátíð 16. september. Auk sýningarinnar var hópurinn með ýmis þátttökuverkefni m.a. fíflakast, fíflakrítar og fíflaratleik. Sýningin stóð yfir 21. október og endaði með leiðsögn um sýninguna síðasta sýningardaginn.
Aðventuhátíð
Fyrsta laugardag í desember var haldin aðventuhátíð hjá menningarhúsunum í Kópavogs. Arndís Þórarinsdóttir rithöfundur kom og las sögu um jólaköttinn á aðalsafni. Boðið var upp á jólaperlusmiðju og ratleikurinn „Leitin að jólaandanum“ lá frammi fyrir
börn og fullorðna. Verðlaun í ratleiknum voru jólakort sem börn gátu skreytt sjálf og sent. Hópurinn ÞYKJÓ bauð upp á fallega óróasmiðju og krökkum gafst tækifæri til að teikna og skreyta jólaskóg með jólakúlum, dýrum og jólaverum.
Sumar
Árlegt sumarlestrarátak bókasafnsins stóð yfir frá 24. maí til 22. ágúst. Þátttaka var sem áður ókeypis og hugsuð fyrir 5 – 12 ára börn til að viðhalda þeirri lestrarleikni sem þau tileinka sér í skólanum. Á sérstakri sumarlestrargleði sem haldin var á aðalsafni í tilefni af lestrarátakinu las Gunnar Helgason rithöfundur úr bókum sínum. Skráning í sumarlesturinn fór fram með rafrænum hætti á vefnum sumarlestur.is en fengu börnin einnig afhentar sumarlestrardagbækur í skólunum sínum. Þá var hægt að nálgast dagbækur á báðum söfnum. Þátttakendur skráðu lesturinn og tóku þátt í happaleik með því að fylla út rafrænan miða eða skila miða á safnið og fá stimpil fyrir hverjar þrjár lesnar bækur. Dregið var úr happamiðum vikulega og fengu heppnir þátttakendur vinning. Þátttakendur í sumarlestri fengu þar að auki sendar rafrænar lestrarhvatningar frá bókasafninu. Árleg uppskeruhátíð var haldin hátíðlega í lok sumars við góðar undirtektir. Gunnar Helgason ræddi við krakkana um lestur og læsi og las upp úr nýjustu bók sinni fyrir börnin.
Þrjár opnar smiðjur fyrir alla á vegum Vatnsdropans voru í fjölnotasalnum yfir sumarið, ævintýraperl, ævintýrabókamerki (origami) og bókagerð. Einnig var opin smiðja, Draumaeyjan okkar, þar sem boðið var upp á að skapa sitt eigið skrímsli út frá skrímslaspili. Vatnsdropinn er þriggja ára alþjóðlegt verkefni og er samstarfsverkefni Menningarhúsanna í Kópavogi og þriggja annarra safna á Norðurlöndunum.
Eitt meginstef Vatnsdropans er að tengja saman boðskap og gildi Heimsmarkmiða Sameinuðu þjóðanna um sjálfbæra þróun við sígild skáldverk barnabókahöfundanna Tove Jansson, Astrid Lindgren og H. C. Andersen.
Í samstarfi við skapandi sumarstörf voru haldnar sögustundir á bókasafninu. Ragnhildur Katla Jónsdóttir kom og las upp úr nýrri barnabók sinni Ruslaland sem liður í sumardagskránni. Hólmfríður Hafliðadóttir kom og las upp úr nýrri barnabók sinni Eva og amma landvörður. Þá var boðið upp á hádegistónleika í samstarfi við skapandi sumarstörf, en hljómsveitinn Slagsmál kom og spilaði fyrir gesti.
Síðustu ár hefur bókasafnið ásamt menningarhúsunum í Kópavogi unnið markvisst að því að auka samstarf við grunnskóla Kópavogs og bókasafnið lagði svo sannarlega sitt af mörkum til að auka áhuga á lestri meðal yngri kynslóðarinnar.
Menning fyrir alla
Safnið bauð tveimur árgöngum 9. bekkjar í heimsókn að hlýða á erindi með Reykjavíkurdætrum um sköpun, þrautseigju og að þora að vera maður sjálfur. Fyrri árgangurinn kom í janúar og sá seinni að hausti. Heimsóknir þessar heppnuðust mjög vel og voru nemendur jafnt sem kennarar mjög ánægðir með þær.
Barnamenningarhátíð
Barnamenningarhátíð var haldin 18. apríl – 4. maí. Yfirskriftin var „Þar sem gerast sögur og ævintýr“. Opnuð var sýning á verkum 120 leikskólabarna. Sett var upp friðartjald í fjölnotasalnum og var það smiðja þar sem börn gátu komið og skilið eftir mark sitt á friðartjaldinu með málningu, stenslum og nælum. Einnig var smiðja sem hét „Friðar dúfan haldin“. Þar gátu börn búið til friðardúfur úr silkipappír og stenslum. Dagskráin endaði svo með 80‘s danspartýi.
Sumarfjör fyrir 1. bekk
Nemendur úr 1. bekkjum í Kópavogi komu í örheimsóknir á safnið við lok skólaárs í maí. Mjög góð þátttaka var hjá nemendum og gengu heimsóknirnar vel. Ánægjulegt var að bjóða nemendum upp á kynningu um safnið til þess að minna á mikilvægi þess að viðhalda lestrinum sem þeir hafa tileinkað sér yfir veturinn og einnig að lesa sér til gamans yfir sumarið.
Heimsókn grænlenskra barna
Í september tók safnið á móti skólakrökkum frá Grænlandi sem voru hér á landi til að læra sund. Þau skrifuðu póstkort þar sem þau töluðu um veru sína hér og voru póstkortin síðan hengd upp í barnadeildinni til sýnis. Þá skrifuðu þau einnig póstkort til fjölskyldna sinna sem voru síðar póstlögð og send heim til þeirra. Boðið var upp á á veitingar og kynningu á starfsemi menningarhúsanna.
Dagar ljóðsins
Á Dögum ljóðsins sem haldnir eru til heiðurs Jóni úr Vör var blásið til sýningar á þeim ljóðum sem bárust í ljóðasamkeppni grunnskóla Kópavogs. Sýningin kom vel út og vakti mikla lukku. Alexander Aron Karenarson var hlutskarpastur í ljóðasamkeppni grunnskólanna.
Gísli J. Ástþórsson, aldarminning
Sýningin Gísli J. Ástþórsson, aldarminning var opnuð í fjölnotasal aðalsafns 16. mars og stóð yfir til 11. apríl. Gísli (1923-2023) var þekktur á sinni tíð sem blaðamaður, ritstjóri, rithöfundur, pistlahöfundur og teiknari. Hann lærði blaðamennsku í háskóla í Bandaríkjunum á árunumj 1943 – 1945 og var sennilega fyrsti íslenski menntaði blaðamaðurinn. Gísli sló nýjan tón í fréttamennsku á Íslandi og lagði áherslu á fréttaflutning óháð flokkspólitík. Sýningin var sett upp í tilefni af 100 ára afmæli Gísla og varpaði sýningin ljósi á ævi og störf hans. Við opnun sýningarinnar héldu Stefán Pálsson sagnfræðingur og Úlfhildur Dagsdóttir bókmenntafræðingur og rithöfundur stutt ávörp.
Sýning á vegum Vatnsdropans var opnuð í fjölnotasalnum á aðalsafni þann 13. maí. Yfirskrift sýningarinnar var „Draumaeyjan okkar“ og á henni voru verk ungra sýningarstjóra sem þeir höfðu unnið um veturinn til sýnis. Verkin sem voru til sýnis voru: Plast í matinn, Eyjan, Skrímslaspilið. Fjársjóður Múmínsnáðans, Á ferð og flugi með Valmundi, Sjálfbærni í poka, Við erum aular, Jafnrétti, Björgum hvölunum, Plönturnar tala, Droparnir segja sína skoðun, Draumaeyjan okkar og Fjársjóðsleitin. Sýningarstjóri var Kristín Ragna Gunnarsdóttir rithöfundur og myndskreytir. Í september komu ungir sýningarstjórar frá samstarfslöndum Vatnsdropans, Danmörku og Eistlandi og var verkum þeirra bætt við sýninguna.
Menningarmiðjan
Sumarið 2023 fór fram hugmyndasöfnun á meðal íbúa Kópavogs er varðar fyrstu hæð safnsins undir heitinu Menningarmiðjan. Theresa Himmer arkitekt sem leiðir vinnuna um breytingar á 1. hæð vann úr hugmyndunum og hélt síðan kynningu á verkefninu fyrir íbúa Kópavogsbæjar í fjölskyldustund.
Hamraborg Festival
Hamraborg Festival er árleg listahátíð sem haldin er í Kópavogi í lok ágústmánaðar og voru ýmsir viðburðir á hátíðinni í boði á safninu.
Framtíðarsýn
Bókasafn Kópavogs mun festa sig enn frekar í sessi sem hjarta menningarstarfs í Kópavogi með jákvæða ímynd í samfélaginu og trausta stöðu. Einnig er mikilvægt að safnið nái að þjónusta alla íbúa bæjarins með markvissari hætti en nú er gert með útibúi eða menningarhúsi í efri byggðum. Sú vinna er á hugmyndastigi.
Þjónusta
Útlán í sjálfsafgreiðsluvélum verða áfram í brennidepli og nýjar og öflugar sjálfsafgreiðsluvélar frá fyrirtækinu Bibliotheca verða teknar í notkun á báðum söfnum, þrjár á aðalsafni og ein á Lindasafni ásamt bókaboxi (e. remote locker) frá sama fyrirtæki sem sett verður upp í efri byggðum. Boxið er eins konar póstbox þar sem lánþegar safnsins geta sótt fráteknar bækur í pósthólf.
Áfram vinnum við í nýju bókasafnskerfi, sem sífellt er verið að aðlaga og betrumbæta, til að þjónusta við lánþega verði enn betri bæði á safninu og á vef.
Þá höldum við áfram vinnu okkar við sjálfbærnivæðingu og stefnum á að veita lánþegum möguleika á að greiða árgjald og sektir ásamt því að sækja sér rafræn bókasafnskort sjálfir bæði í „kiosk-vélum“ safnsins, á vefsíðu safnsins, í íbúagátt Kópavogsbæjar og loks í nýjum sjálfsafgreiðsluvélum.
Viðburðir, fræðsla og sýningarhald
Fræðslutengdir viðburðir og kynningar á áhugaverðum viðfangsefnum verða áfram í boði. Fastir viðburðir
verða á sínum stað og með haustinu er von á ýmsum nýjungum hvað varðar staka viðburði eins og erindaraðir um málefni líðandi stundar og fleira. Áhersla verður á ungmenni, skiptimarkaði og umhverfisvæna dagskrá. Styrkur frá jafnréttisráði fékkst til að fara á stað með verkefnið Tala og spila, þar sem sérfræðingur mun halda utan um íslenskukennslu á safninu í notalegri samverustund þar sem spilamennska verður í fyrirrúmi.
Samstarf bókasafnsins við aðrar menningarstofnanir Kópavogsbæjar mun halda áfram og þar á meðal eru viðburðir sem hafa fest sig rækilega í sessi eins og Menning á miðvikudögum og fjölskyldustundir á laugardögum. Stefnt er að því að tengja saman viðburði með þemum og jafnframt tengja viðburði við þema á samfélagsmiðlum hverju sinni.
Safnfræðsla í samstarfi við aðrar menningarstofnanir í safnfræðsluröðinni Menning fyrir alla heldur áfram, meðal annars með stefnumóti við rithöfunda fyrir 4. bekk í mars þar sem árgangurinn mun hitta Bergrúnu Írisi Sævarsdóttur. Fræðsla fyrir 9. bekk verður á haustönn og einnig verður 1. bekkjar heimsókn á sínum stað að vori. Að hausti er stefnt að því að bjóða áfram upp á fasta liði á borð við leitina að jólakettinum fyrir leikskólanemendur.
Húsnæði og búnaður
Miklar framkvæmdir verða á fyrstu hæð aðalsafns fyrri hluta árs, en gerðar verða gagngerðar breytingar á allri hæðinni sem hýsir Náttúrufræðistofu Kópavogs og barnadeild Bókasafns Kópavogs. Í bæjarstjórn þann 25. apríl 2023 var samþykkt tillaga um að skapa nýtt upplifunar- og fræðslurými sem tengir saman bókmenntir, myndlist, náttúruvísindi og tónlist fyrir börn og fjölskyldur á fyrstu hæð bókasafns og Náttúrufræðistofu. Stefnt er að því að opna nýtt rými á afmæli Kópavogsbæjar þann 11. maí 2024.
Einnig verður áfram unnið að breytingum á öðrum hæðum aðalsafns, m.a. verða gerðar breytingar á húsgögnum tengdum nýjum sjálfsafgreiðsluvélum og afgreiðsluborð minnkuð.
Markaðs- og kynningarmál
Samfélagsmiðlar og vefsíða safnsins verða áfram notuð í markaðs- og kynningarstarfi og sífellt í auknum mæli. Ný vefsíða var tekin í gagnið árið 2023 ásamt vefsíðum annarra menningarstofnana Kópavogsbæjar. Samstarf milli menningarhúsanna blómstrar í markaðs- og kynningarmálum og er óspart nýtt.
Safnkostur
Gagnaval, innkaup og grisjun safnkosts verður í samræmi við aðfangastefnu safnsins og enn meiri áhersla lögð á eftirspurn lánþega. Áhersla verður lögð á að grisja safnkost sem lítið er notaður og mikilvægi þess að nýta hilluplássið með safnkosti sem er virkur. Fleiri borðspil verða keypt á safnið og skoðað að bæta við enn fleiri tegundum safnkosts.
Í ársbyrjun 2024 munu tímarit bætast við safnkost Rafbókasafnsins, en Bókasafn Kópavogs er eitt þeirra 62 almenningsbókasafna sem standa að Rafbókasafninu. Þessi nýja viðbót er kærkomin og eykur mikið flóru þess sem boðið er upp á í Rafbókasafninu. Gagnstætt því sem á við um raf- og hljóðbækur Rafbókasafnsins eru ekki takmörk á því hve margir lánþegar geta lánað og lesið hvert tímarit á sama tíma, og því enginn biðtími. Bókasafn Kópavogs fer fyrir verkefninu en auk safnsins sitja í vinnuhópnum fulltrúar frá bókasöfnum Garðabæjar, Hafnarfjarðar og Reykjanesbæjar og Amtbókasafninu á Akureyri.
Í Gerðarsafni er lögð áhersla á að efla áhuga, þekkingu og skilning á myndlist með sýningum, fræðslu og annarri miðlun. Safnið stendur fyrir öflugri og metnaðarfullri sýningardagskrá sem ætlað er að endurspegla strauma og stefnur samtímans samhliða sýningum á verkum úr safneign. Metnaður, listrænt gildi, aðgengileg og upplýsandi fræðsla og þjónusta er höfð í fyrirrúmi í tengslum við alla starfsemi safnsins.
Gerðarsafn hefur það að meginhlutverki að hafa umsjón með listaverkaeign Kópavogsbæjar, safna, miðla og varðveita. Gerðarsafn starfar samkvæmt stofnskrá og í samræmi við menningarstefnu Kópavogsbæjar, safnalög og siðareglur Alþjóðaráðs safna (ICOM).
Gerðarsafn hefur það að leiðarljósi að vera lifandi vettvangur fyrir listir. Listrænt starf Gerðarsafns miðar að því að kynna fjölbreytileika myndlistar og auka skilning á menningarlegu samhengi listaverka og listamanna. Sköpunarkraftur og tilraunastarfsemi Gerðar Helgadóttur er leiðarstefið í sýningargerð, viðburðum og fræðslustarfi. Verk hennar og arfleifð eru virkjuð í samtali við samtímalist og hugðarefni samtímans.
Gerðarsafn er vettvangur fyrir virkt samtal og öflugt samstarf. Gerðarsafn leitast við að tengjast gestum sínum á nýjan hátt; dýpka samtal, áhuga og skilning á myndlist og menningu. Gerðarsafn er staður til að doka við og njóta samverustunda, vettvangur til íhugunar og uppfyllingar og farvegur fyrir áskoranir og ögrandi hugmyndir.
Gerðarsafn leggur áherslu á að vera leiðandi safn og vettvangur samtímalistar á Íslandi. Með fjölbreyttu sýningahaldi er ekki einungis ætlunin að endurspegla og veita nýja sýn á mikilvæga þætti listasögunnar, heldur einnig að varpa ljósi á lifandi tungumál samtímalistarinnar.
Markmið safnsins er að blása krafti og forvitni í safnfræðslu með skapandi og persónulegri nálgun á viðfangsefnið hverju sinni og efla samband við nærumhverfið með fjölbreyttum viðburðum og
fræðslu í tengslum við sýningar safnsins. Jákvætt og opið viðmót gagnvart öllum gestum er eitt af grunngildum safnsins og gestir eru leiddir til samtals á eigin forsendum.
Frumkraftur og frumkvöðlastarf endurspeglast í starfsemi Gerðarsafns og er sérstaða safnsins leiðandi í allri ímynd og kynningu.
Gerðarsafn starfar í alþjóðlegu samhengi myndlistarinnar og hefur það að markmiði að efla tengsl og samvinnu við listamenn, sýningarstjóra og samstarfsaðila á alþjóðavísu.
Gerðarsafn er í eigu Kópavogsbæjar og leggja eigendur fram stærstan hluta rekstrarfjár samkvæmt fjárframlögum Kópavogsbæjar. Árið 2022 hlaut Gerðarsafn 15.300.000 kr. í heildarstyrki. Safnið hlaut Öndvegisstyrk fyrir rannsóknarverkefni á ferli Gerðar Helgadóttur að andvirði 13.500.000 kr. sem hófst í september 2021 og stendur til lok árs 2023. Öndvegisstyrkurinn er 5.8000.000 kr. fyrir árið 2023. Gerðarsafn og Náttúrufræðistofa hlutu sameiginlegan 10.000.000 kr. Öndvegisstyrk fyrir fræðsluverkefninu „Náttúran í gegnum linsu myndlistar“ sem hófst í september 2023 og stendur út árið 2025. Öndvegisstyrkurinn fyrir árið 2023 var 2.000.000 kr. Gerðarsafn hlaut 1.500.000 kr. verkefnastyrk frá Safnasjóði fyrir „Varðveislurými til framtíðar“. Auk þess hlaut Gerðarsafn tvo 300.000 kr. ferðastyrki frá Safnasjóði fyrir vistskiptum við söfn á Akureyri og til þátttöku í Farskóla safnamanna í Amsterdam í september 2023. Safnið hlaut 800.000 kr. útgáfustyrk frá Myndlistarsjóði fyrir einkasýningu Rósu Gísladóttur FORA. Safnið hlaut 1.860.000 kr. styrk frá Nordisk Kulturfond fyrir sýningunni „Að rekja brot“ og 1.400.000 kr. fyrir þátttöku í evrópska verkefninu Re-Use sem studdi við gerð tímabundins útilistaverks í Fossvogsdalnum. Safnið hlaut 730.000 kr. í styrki frá Starfsþróunarsetri háskólamanna fyrir þátttöku starfsmanna í ráðstefnum í Malmö og Amsterdam.
Á árinu hlaut Gerðarsafn 3.500.000 kr. styrk frá lista- og menningarráði Kópavogs til listaverkakaupa, viðbótarstyrk 2.000.000 kr. til kaupa á verki eftir Gerði Helgadóttur og 1.000.000 kr. til að veita Gerðarverðlaunin. Aðrir tekjuliðir voru aðgangseyrir, vörusala og útleiga.
Stjórn
Lista- og menningarráð Kópavogsbæjar fer með stjórn Gerðarsafns og skal ráðið vinna að viðgangi þess í samræmi við siðareglur Alþjóðaráðs safna (ICOM).
Ráðgjafanefnd
Ráðgjafanefnd Gerðarsafns tók til starfa árið 2016 og er eitt af meginhlutverkum nefndarinnar að veita faglega ráðgjöf um listræna starfsemi og stefnumótun safnsins í samvinnu við forstöðumann safnsins. Í nefndinni 2023 sátu Eggert Pétursson, Sindri Leifsson og Katrín Elvarsdóttir.
Húsnæði
Gerðarsafn er í jaðri Borgarholtsins í Kópavogi og var opnað árið 1994. Benjamín Magnússon arkitekt teiknaði húsið. Tveir 200 m2 sýningarsalir eru á efri hæð. Á neðri hæð safnsins er fjölnotasalur, listaverkageymsla, verkfærageymsla, fræðslurými, skrifstofuaðstaða og snyrtingar. Að sunnanverðu á neðri hæð er kaffistofa undir glerhýsi. Safnið hefur afnot af geymslurými fyrir sýningarbúnað í kjallara Safnaðarheimilis Kópavogskirkju.
Opnunartími
Á árinu 2023 var gerð breyting á opnunartíma Gerðarsafns. Áður voru opnunartímar safnsins kl. 10 til 17 alla daga en var breytt í kl. 12 til 18. Var sú breyting gerð til að auka aðgengi safnsins fyrir gesti eftir hefðbundna vinnudaga. Lokað er yfir hátíðardaga, t.a.m. páska og jól og á frídegi verslunarmanna. Hægt er að óska eftir aðgangi utan opnunartíma og er gjarnan tekið á móti nemendum og öðrum hópum á morgnana fyrir opnun safnsins.
Aðgangseyrir
Aðgangseyrir á sýningar Gerðarsafns er eftirfarandi:
1.200 kr. fyrir almenna gesti. 600 kr. fyrir námsmenn og aldraða. Ókeypis er fyrir börn og ungmenni yngri en 18 ára og öryrkja.
Félagar í SÍM, ICOM, FÍMK og FÍSOS fá ókeypis aðgang gegn framvísun skírteinis. Nemendur í Listaháskóla Íslands fá frían aðgang.
Árskort fyrir almenna gesti kostar 2.800 kr.
Árskort fyrir nema og eldri borgara kostar 1.800 kr.
Aðgangur er ókeypis á ákveðnar sýningar og viðburði, ókeypis er á sýningaropnanir, Fjölskyldustundir á laugardögum, Menningu á miðvikudögum og sérstaka viðburði sem auglýstir eru sérstaklega, t.a.m. Safnanótt og Aðventuhátíð Kópavogs. Auk þess er að sjálfsögðu ókeypis að njóta allra viðburða sem fara fram rafrænt og streymt er frá safninu eða í samstarfi við safnið.
Safnbúð
Safnbúð Gerðarsafns festi sig enn betur í sessi sem hönnunar- og gjafavöruverslun með áherslu á vörur tengdar safneigninni, íslenska hönnunarvöru, listaverkabækur og tímarit ásamt umhverfisvænum heimilisvörum og leikföngum. Mikil fjölbreytni var í vöruúrvali í safnbúðinni síðastliðið ár og mátti finna mikið úrval af keramik, leikföngum, föndurvörum og bókum.
Meiri áhersla var á notkun samfélagsmiðla til þess að auglýsa vörur í safnbúðinni og mun sú vinna halda áfram. Gerðarsafn hefur undanfarin ár látið gera eftirprent af völdum verkum úr safneign en það voru ekki útbúin ný prent þetta árið. Hins vegar voru gerð póstkort með völdum verkum úr safneign og einnig af verkum sem verða á sýningu í ársbyrjun 2024. Einnig var gerð skissubók með tveimur mismunandi kápum.
Barnabókin Heimur Gerðar sem gefin út er af Gerðarsafni kom út í lok árs og var haldin útgáfufögnuður í tilefni þess í desember.
Veitingarekstur á neðri hæð Gerðarsafns er leigður út til rekstraraðila. Nýr rekstraraðili tók við veitingarekstrinum árið 2023 en áður hafði Reykjavik Roasters rekið kaffihús í safninu. Veitingastaðurinn Krónikan opnaði í lok sumars 2023 en hann er í eigu systkinanna Sigrúnar Skaftadóttur og Braga Skaftasonar. Þau hafa bæði mikla reynslu úr veitingageiranum.
Krónikan er opin kl. 11:30 – 18:00 sunnudaga til miðvikudaga og 11:30 – 21:00 fimmtudaga til laugardaga. Krónikan er veitingastaður með áherslu á smurbrauð, létta rétti og gott úrval kaffi- og vínveitinga.
Föst stöðugildi í Gerðarsafni árið 2023 voru 3,75 en um mitt ár tók forstöðumaður safnsins, Brynja Sveinsdóttir, einnig forstöðu Náttúrufræðistofu Kópavogs. Með samrekstri Gerðarsafns og Náttúrufræðistofu eru heildarstöðugildin 6,75. Starfsmenn í föstu stöðugildi fyrir söfnin tvö eru Brynja Sveinsdóttir, forstöðumaður, í 100% starfi; Hallgerður Hallgrímsdóttir, verkefnastjóri sýninga, í 60% starfi; Þorgerður Þórhallsdóttir, verkefnastjóri fræðslu og viðburða, í 100%; Cecilie Gaihede, verkefnastjóri safneigna, í 100% starfi; Signý Þórhallsdóttir, verkefnastjóri safnbúðar og sértekna, í 50% starfi; Katrín Helga Guðmundsdóttir, móttaka og miðlun, í 60% starfi; Brynjólfur Guðmundsson, móttaka og miðlun, í 40% starfi. Daría Sól Andrews starfaði september 2023-apríl 2024 í afleysingum fyrir Hallgerði, sem fór í leyfi til að sinna myndlistarstörfum í þrjá mánuði, og fyrir Signýju, sem fór í fæðingarorlof í lok árs. Júlía Kristín Kristinsdóttir, var ráðin sem safnvörður í Náttúrufræðistofu sumarið 2023 og starfar í 20% starfshlutfalli. Í lok árs 2023 voru ráðnir tveir náttúrufræðingar til starfa: Sævar
Helgi Bragason, sérfræðingur, í 100% starfi og Hulda Margrét Birkisdóttir, verkefnastjóri fræðslu og viðburða, í 50% starfi.
Sí- og endurmenntun
Starfsmenn Gerðarsafns sóttu tvær ráðstefnur á árinu 2023 með tilstuðlan styrkja frá starfsþróunarsetri BHM og Safnasjóði: Brynja Sveinsdóttir og Cecilie Gaihede sóttu ráðstefnuna Art Through Nature í Moderna Museet í Malmö í júní 2022 og sóttu þær auk Þorgerðar Þórhallsdóttur einnig Farskóla Félags íslenskra safna og safnmanna í Amsterdam í september 2023. Brynja Sveinsdóttir tók þátt í evrópska samstarfsverkefninu Re-Use þar sem unnið var að gerð tímabundins útilistaverks á mörkum myndlistar og náttúru og tók þar þátt í vinnufundum og vali á vinningshöfum í Prag í apríl 2023.
Skipuleg söfnun listaverka í Kópavogi hófst á tíu ára afmæli bæjarins árið 1965 þegar samþykkt var að stofna Lista- og menningarsjóð og verja til hans fastri árlegri fjárhæð í safneign.
Safneign Gerðarsafns telur um 4.250 verk. Uppistaðan er um 1.400 verk eftir Gerði Helgadóttur, um 300 verk eftir hjónin Barböru og Magnús Á. Árnason og 1.640 verk eftir Valgerði Briem, aðallega teikningar. Önnur verk sem ýmist hafa verið keypt eða gefin til safnsins eru um 650 að tölu.
Forstöðumaður Gerðarsafns, í samráði við ráðgjafanefnd, vann að nýrri söfnunar- og innkaupastefnu safnsins árið 2016. Stefnan var lögð fyrir og samþykkt af lista- og menningarráði Kópavogsbæjar sem hefur veitt 3.500.000 kr. til listaverkakaupa frá árinu 2018.
Árið 2023 voru keypt verk eftir þrjá samtímalistamenn, sem sýndir hafa verið í Gerðarsafni. Ánægjulegt var að innkaup ársins voru m.a. eftir tvo alþjóðlega listamenn sem sýndu í safninu og styrkja kaupin þannig stöðu safneignarinnar og tengingu safnsins á alþjóðavísu. Átta skúlptúrar eftir Rósu Gísladóttur af einkasýningu hennar FORA sem stóð yfir sumarið 2023. Skúlptúrinn „Free Zwart Pietr“ eftir Söshu Huber af sýningunni Að rekja brot vorið 2023. Þrjár ljósmyndir eftir Inuuteq Storch af sýningunni Að rekja brot vorið 2023.
Auk kaupa á verkum eftir samtímalistamenn hlaut Gerðarsafn viðbótarstyrk í lok árs 2023, 2.000.000 kr. frá lista- og menningarráði Kópavogsbæjar fyrir kaup á skúlptúr eftir Gerði Helgadóttur. Verkið er skúlptúr úr svartmáluðu járni og er frá árinu 1953 og var af annarri einkasýningu Gerðar í París það ár en seljandi verksins er búsettur þar. Mikill fengur er að eignast verk eftir Gerði, þá sérstaklega verk hvers afdrif voru ekki þekkt.
Unnið er að því að mæta niðurstöðum úr matsskýrslu sem safnið fékk árið 2017 í kjölfar eftirlits safnaráðs. Heildarmat er að ástand á listaverkageymslu sé almennt mjög gott. Hafin er vinna við að skipuleggja sérrými fyrir járnskúlptúra í listaverkageymslu safnsins og hefur smiður verið fenginn til verksins. Safnið þarf að bæta sig á nokkrum sviðum sem hugað verður að.
Helstu tillögur til úrbóta eru eftirfarandi:
Huga að umhverfisþáttum (ljósamál, mælingar á hita og raka, skordýraeftirlit).
Útbúa þarf skriflegar húsreglur fyrir starfsfólk, sérstaklega um aðbúnað og aðgengi að húsi (húsverðir).
Verklagsreglur um aðgang, umgengni og frágang listaverka í geymslum.
Útbúa skriflegt verklag fyrir starfsmenn sem sjá um þrif.
Í maí 2023 var stigið mikilvægt skref í aðbúnaði listaverka í safneign með opnun grunnsýningar á skúlptúrum Gerðar Helgadóttur. Í sýningunni var útbúið rakastýrt sérrými fyrir járnverk Gerðar sem er þá jafnframt sýning og framlenging á listaverkageymslu.
Fjölmiðlar
Öflugt markaðsstarf og virk útgáfustarfsemi er Gerðarsafni nauðsynleg til að safnið nái til safngesta, listamanna, safnara, hagsmunasamtaka, skóla og stuðningsaðila. Virkni á samfélagsmiðlum og ferskt og aðgengilegt kynningarefni eru hornsteinar þess að Gerðarsafn sé lifandi vettvangur fyrir listir. Allt markaðsstarf er unnið með það í huga að það sé hvetjandi fyrir áhugasama. Gerðarsafn vinnur markvisst að því að efla samtöl við öll skólastig í Kópavogi og stofnanir í Kópavogi og nærliggjandi sveitarfélögum með því markmiði að það sé áhugavert og eftirsóknarvert að koma í Gerðarsafn.
Sýningar og viðburðir í Gerðarsafni hafa hlotið athygli fjölmiðla og má greina mikinn áhuga á því starfi sem unnið er.
Sýningar ársins fengu allar umfjöllun í Víðsjá á Rás 1, og í prent- og netmiðlum svo sem Morgunblaðinu, Fréttablaðinu og Stundinni. Einnig fengu sumar sýningar gagnrýni, til dæmis Geómetría í Fréttablaðinu, Morgunblaðinu og Heimildinni, og Að rekja brot í Morgunblaðinu.
Fréttablaðið hætti 31. mars 2024 og hafði töluverð áhrif á menningarumfjöllun þar sem þau höfðu ávallt sinnt Gerðarsafni vel.
Kynning á Gerðarsafni hélt áfram í formi auglýsinga, bæði á safnbúð Gerðarsafns og sýningum, á strætóskýlum, prentmiðlum og samlesnum auglýsingum á RÚV. Mekó keypti auglýsingaborða á vef Heimildarinnar og í prentútgáfu blaðsins fyrir öll húsin haustið 2023 fyrir viðburði og mun það halda áfram á árinu 2024.
Ný heimasíða fyrir Gerðarsafn var sett í loftið vorið 2023 og þykir hafa tekist vel til. Efni er sett inn reglulega og Safneign á sunnudegi er sett þar inn líka.
Samfélagsmiðlar
Gerðarsafn heldur úti Facebook-síðu með 5600 fylgjendum og Instagram-síðu með 2964 fylgjendum. Á miðlunum eru viðburðir á vegum safnsins auglýstir og sýningum safnsins miðlað til fylgjenda. Vinsæll liður á samfélagsmiðlum safnsins er Safneign á sunnudegi, sem farið var af stað með 2020. Á hverjum sunnudegi er sett inn færsla um valið verk úr safneign og fjallað stuttlega um verkið og listamanninn á bakvið það. Framtakið hefur vakið lukku og er liður í veita fræðslu og innsýn í safnið, á skemmtilegan og aðgengilegan hátt.
Safnbúð Gerðarsafns er með sérstaka Facebooksíðu, með 720 fylgjendum, og Instagram-síðu með 640 fylgjendum. Síðurnar eru lifandi og þar eru settar inn færslur reglulega.
Útgáfa
Sýningarskrár eru gefnar út samhliða sýningum í Gerðarsafni. Í sýningarskrám er að finna inngang sýningarstjóra og texta um listamenn og listaverk á sýningunni.
Árið 2023 gaf Gerðarsafn út sýningarskrár fyrir sýningarnar Að rekja brot, FORA og Skúlptúr/ Skúlptúr.
Að auki gaf Gerðarsafn út barnabókina Heimur Gerðar Helgadóttur síðla árs 2023. Hrafnhildur Gissurardóttir sérfræðingur í fræðslu skrifaði texta bókarinnar og Helga Páley Friðþjófsdóttir sá um myndskreytingar. Studio Studio sá um umbrot og hönnun. Útgáfan var styrkt af Safnasjóði og prentuð í Prentmet Odda. Hún er er til sölu í safnbúð Gerðarsafns, Eymundsson og í öðrum safnbúðum.
Gerðarsafn stendur fyrir öflugu og metnaðarfullu listrænu starfi sem ætlað er að endurspegla strauma og stefnur samtíma okkar. Safnið stendur fyrir metnaðarfullum sýningum á samtímalist og list fyrri tíma sem höfða til breiðs hóps gesta, öflugu viðburðahaldi og faglegu starfi í umsjón safneignar. Megináherslur sýninga Gerðarsafns eru eftirfarandi:
Margbreytileiki samtímalistar: Metnaðarfullar sýningar sem birta hugðarefni samtímans og tengja saman listamenn af ólíkum kynslóðum. Í sýningunum felst öflugt samstarf við listahátíðir, alþjóðleg samstarfsverkefni og kanna mörkin á milli myndlistar og annarra skapandi greina.
Myndlist fyrri tíma í nýju ljósi: Sýningar á verkum úr safneign sem útvíkka skilning okkar á íslenskri listasögu með nýrri nálgun og óvæntum tengingum.
Sýningar sem styrkja sérstöðu Gerðarsafns: Sýningar sem vísa í arfleifð Gerðar Helgadóttur og forystuna sem hún tók innan höggmyndalistar á við sýningarröðina Skúlptúr / Skúlptúr sem haldin var í fjórða sinn 2023 auk grunnsýningar á verkum Gerðar Helgadóttur.
Samstarf við listahátíðir
Vetrarhátíð í Kópavogi var haldin 3. – 4. febrúar 2023 með sólarprentsmiðju og söngleiðsögn í Gerðarsafni. Gerðarsafn tók þátt í Barnamenningarhátíð í Kópavogi í apríl 2023 með sýningu á neðri hæð safnsins á textaverkum eftir unglinga úr Kársnesskóla, unnin undir leiðsögn myndlistarkvennanna Melanie Ubaldo og Dýrfinnu Benitu Basalan. Safnið tók þátt í List án landamæra í annað sinn með sýningunni Hlutverkasetur á neðri hæð safnsins haustið 2023.
Rannsókn á ferli Gerðar Helgadóttur
Árið 2021 hlaut Gerðarsafn Öndvegisstyrk Safnaráðs til þriggja ára, til að ráðast í öfluga rannsókn á verkum Gerðar Helgadóttur. Cecilie Gaihede listfræðingur og verkefnastjóri leiðir rannsóknina sem mun samtvinna listfræðilega könnun á listsköpun Gerðar, ásamt skráningu á verkum hennar og miðlun í sýningu, útgáfu og viðburðadagskrá í Gerðarsafni. Rannsóknarárið 2022 fór í að kortleggja námsár Gerðar í París á tímabilinu 1951 – 1953 og setja hana í listfræðilegt samhengi við sína samtímamenn bæði hérlendis og í París. Sýningin Geómetría í Gerðarsafni haustið 2022 er hluti af þeirra rannsókn auk nýrrar grunnsýningar á verkum Gerðar Helgadóttur í sýningarsal á neðri hæð safnsins. Samhliða rannsókninni hefur verið unnið að uppfærslu á skráningum í Sarpi sem mun auka aðgengi almennings að safneign safnsins sem og að tryggja faglegri vinnubrögð í verkefninu „Hamskipti í ferli Gerðar Helgadóttur“. Áherslur rannsóknarverkefnisins árið 2023 voru í að kortleggja bréfasamskipti Gerðar við ættingja og vini. Grunngögnin voru þannig skrásett, rannsökuð og gerð aðgengileg fyrir rannsakendur. Unnið var að undirbúningi bókar og sýningar sem lokaútkomu rannsóknarverkefnisins. Í bókinni verður veitt nýtt sjónarhorn á listrænan feril Gerðar með greinum fræðimanna sem líta á ólíkar hliðar verka hennar, viðtölum við ættingja og vini hennar og frásögnum sem tengja okkur við sögu listaverkanna og arfleifð listakonunnar.
Gerðarverðlaunin
Gerðarsafn setti á fót ný myndlistarverðlaun árið 2020 til stuðnings við höggmyndalist hérlendis. Verðlaunin eru til heiðurs Gerði Helgadóttur myndhöggvara og eru veitt árlega framúrskarandi myndlistarmanni sem vinnur í skúlptúr og rýmisverk. Lista- og menningarráð Kópavogs samþykkti að stofna til verðlaunanna og nema þau einni milljón króna. Stefnt er að því að veita verðlaunin árlega.
Verðlaunahafi Gerðarverðlaunanna 2023 var Ragna Róbertsdóttir fyrir ríkulegt framlag sitt til höggmynda- og rýmislistar á Íslandi.
Dómnefnd Gerðarverðlaunanna skipuðu: Brynja Sveinsdóttir, forstöðumaður Gerðarsafns, Kristinn E. Hrafnsson myndlistarmaður, tilnefndur af Gerðarsafni og Svava Björnsdóttir myndlistarmaður, tilnefnd af SÍM.
Viðburðir Gerðarsafns árið 2023 voru 66 talsins. Má þar nefna leiðsagnir listamanna og sýningarstjóra, erindi fræðimanna, tónleika, fyrirlestra, smiðjur og fleira. Viðburðahald í Gerðarsafni tekur mið af yfirstandandi sýningum og straumum og stefnum í samtímalist.
Árið 2023 voru opnaðar 6 sýningar, haldnar 8 fjölskyldustundir, 18 leiðsagnir og 5 fyrirlestrar. Alls voru 9 smiðjur haldnar í safninu (fyrir utan fjölskyldustundir), bæði í tengslum við sýningar og sem sjálfstæðir viðburðir. Sérstakir viðburði fóru fram í tengslum við hátíðir í Kópavogi, til dæmis Barnamenningarhátíð, 17. júní hátíðarhöld, Karnival, haust- og vetrarfrí og Aðventuhátíð.
Farið var af stað með Foreldramorgna annan hvern fimmtudag í lok október og voru haldnir fjórir fræðslu-morgnar fyrir foreldra með ung börn.
Gerðarsafn hefur unnið að metnaðarfullu fræðslustarfi frá árinu 2015 þar sem lögð er áhersla á skapandi viðburði fyrir fjölskyldur, eldri borgara og innflytjendur. Á neðri hæð Gerðarsafns er Stúdíó Gerðar, rými sem helgað er fræðslustarfi. Markmið fræðslurýmisins er að skapa Gerðarsafni sérstöðu sem griðastaður fyrir fólk á öllum aldursskeiðum, til að upplifa samtímamyndlist en einnig til að skapa sjálf og mennta huga og hönd í öruggu og þægilegu umhverfi. Í Stúdíói Gerðar eru haldnar fjölbreyttar smiðjur í tengslum við sýningar safnsins og sem hluti af Fjölskyldustundum Menningarhúsanna í Kópavogi. Þar er einnig tekið á móti skólahópum í tengslum við leiðsagnir.
Stórir bláir kubbar eru í Stúdíó Gerðar og eru afskaplega vinsælir meðal yngri gesta. Árið 2021 bættist Kyrrðarrými, frá hönnunarteyminu ÞYKJÓ, við í Stúdíó Gerðar þar sem gestir geta „skriðið inn í skel“ og slakað á. Á árinu var farið í umbætur á fræðslurýminu til frambúðar, keypt voru tvö stækkanleg borð og kollar við til að geta tekið á móti stórum hópum. Nú geta börn og aðrir gestir safnsins gengið að því vísu að setjast við borðin, teikna og dunda.
Skólahópar
Boðið er upp á sérsniðnar leiðsagnir og heimsóknir í Gerðarsafn fyrir öll skólastig. Skólahópar koma í leiðsagnir um yfirstandandi sýningu safnsins þar sem lögð er áhersla á samtal og túlkun nemenda á verkunum. Fyrir áhugasama hópa, sérstaklega þá yngri, hefur einnig verið boðið upp á sérsniðnar smiðjur í Stúdíói Gerðar í tengslum við sýningarnar hverju sinni.
Mikil áhersla hefur verið lögð á fræðslu í Gerðarsafni síðastliðin ár. Börn af öllum skólastigum komu í fræðslu á safninu árið 2023 en einnig hópar fólks með fötlun.
Gerðarsafn tók á móti samtals 43 skólahópum í skipulagðar heimsóknir árið 2023. Tekið var á móti 915 nemendum á öllum skólastigum samtals. Þar af voru 191 leikskólabarn, 393 grunnskólanemar, 250 menntaskólanemar og 81 háskólanemar.
Í lok október var farið af stað með listsmiðjur fyrir fullorðna síðasta fimmtudag hvers mánaðar. Ákveðið var að hafa viðburðinn samtímis Fimmtudeginum langa í Reykjavík þegar söfn og sýningarstaðir eru með opið fram á kvöld og eru salir safnsins einnig opnir til kl. 21. Örn Alexander Ámundason leiddi tvær smiðjur fyrir jól og mun halda því áfram á næsta ári. Á fyrri smiðjuna mættu 20 gestir og á seinni 12. Smiðjan er hugsuð sem skapandi samverustund fyrir fullorðna og kvöldið fer þannig fram að gestir mæta í hús og fá stutta leiðsögn um sýninguna með Erni. Eftir það byrjar kennslan með Erni þar sem gestum gefst færi á að kynnast miðlinum skúlptúr og fá kennslu í því að nota leir og gifs. Um miðbik kvöldsins er tekið hlé og notið veitinga frá Krónikunni. Síðan er haldið áfram og gestir fá tækifæri til að skapa eigin skúlptúra með leir og gifsi.
GERÐUR grunnsýning 25.01.2023 -
Grunnsýning á verkum Gerðar Helgadóttur á neðri hæð Gerðarsafns. Sýningin stendur sem breytileg grunnsýning en kjarni sýningarinnar eru járnverk Gerðar sem verða í rakastýrðu sérrými og tengja því varðveislu við miðlun. Sýningin GERÐUR er í nánu samtali við fræðslurými Gerðarsafns, Stúdíó Gerðar, þar sem gestum gefst færi á að fræðast og skapa myndlist. Stúdíó Gerðar er einnig vettvangur fjölbreyttra viðburða sem haldnir eru í tengslum við yfirstandandi sýningar.
Listamaður Gerður Helgadóttir Sýningarstjórar Brynja Sveinsdóttir Cecilie Gaihede Sýningarhönnun Arnar Freyr Guðmundsson Hreinn Bernharðsson
Að rekja brot
03.02.2023 - 21.05.2023
Samsýning listamanna sem á ólíkan máta skoða þau hvernig þjóðerni tengist sjálfsmyndinni, að hvaðan við komum sé uppspretta persónuleikans. Verkin þeirra eiga það sameiginlegt að rannsaka flókna sögu nýlendu- og kynþáttaofbeldis, gagnrýna og endurskrifa frásagnir um kúgun og eignarnám og endurheimta hugtök eins og yfirvald og fórnarlamb með ólíka listræna miðla.
Listamenn Abdullah Qureshi Frida Orupabo Hugo Llanes
Inuuteq Storch Kathy Clark Sasha Huber
Sýningarstjóri Daría Sól Andrews
ÞYKJÓ
03.03.2023 - 19.09.2023 barnamenningarhönnuður.
Verkin á sýningunni eiga það sameiginlegt að hafa sprottið úr samtali og samstarfi hönnuða við líffræðinga, listfræðinga, handverksfólks og hópa leikskóla- og grunnskólabarna á tíma ÞYKJÓ sem staðarlistamanna í Menningarhúsum Kópavogs.
Listamenn
Sigríður Sunna Reynisdóttir
Erla Ólafsdóttir
Sigurbjörg Stefánsdóttir Ninna Þórarinsdóttir
Einkasýning Rósu Gísladóttur í Gerðarsafni eru könnun á geometríu og klassískri formgerð með vísunum í arkitektúr og rússneskan konstrúktivisma. Skúlptúrar hennar spila á mörkum þess klassíska og nútímalega jafnframt í fagurfræði og efnisnotkun. Verk í við, gifs, keramik og gler skapa samspil við umhverfi sitt hvort sem það er staðbundið verk í borgarlandslagi eða skúlptúrar sem hverfast um sýningarrýmið.
fræðast og skapa saman. Í Stúdíói Gerðar eru haldnar fjölbreyttar smiðjur í tengslum við sýningar safnsins og sem hluti af fjölskyldustundum Menningarhúsanna í Kópavogi. Þar er einnig tekið á móti skólahópum í tengslum við sýningar og boðið upp á styttri smiðjur sem miða að aldri og getu hvers hóps fyrir sig.
Valgerður Briem Gerður Helgadóttir Valtýr Pétursson Arnar Freyr Guðmundsson
SKÚLPTÚR / SKÚLPTÚR
30. 09.2023 – 30. 12 2023
Skúlptúr/Skúlptúr er samsýning er ætlað að draga fram skúlptúrinn í samtímanum þar sem listamönnum er boðið að leggja fram hugleiðingar um skúlptúrinn og ganga til samtals við miðilinn á eigin forsendum. Listamenn eru hvattir til að huga að víðri skilgreiningu hugtaksins og ólíkum birtingarmyndum skúlptúrs í samtímalist. Bæði verður litið til hefðbundinna þrívíðra verka og verka sem teygja hugtakið og miðilinn með notkun tvívíðra verka, innsetninga, gjörninga, vídeóog/eða hljóðverka.
Listamenn Andreas Brunner
Anna Líndal
Claire Paugam
Elísabet Brynhildardóttir
Eygló Harðardóttir
Geirþrúður Finnbogadóttir Hjörvar
Ingrid Ogenstedt
Ívar Glói Gunnarsson Breiðfjörð
Martha Haywood
Raimonda Sereikaitė
Sýningarstjórar Brynja Sveinsdóttir
Cecilie Gaihede
GERÐUR grunnsýning 01.01.2024 -
Grunnsýning á verkum Gerðar Helgadóttur á neðri hæð Gerðarsafns. Sýningin stendur sem breytileg grunnsýning en kjarni sýningarinnar eru járnverk Gerðar sem verða í rakastýrðu sérrými og tengja því varðveislu við miðlun. Sýningin GERÐUR er í nánu samtali við fræðslurými Gerðarsafns, Stúdíó Gerðar, þar sem gestum gefst færi á að fræðast og skapa myndlist. Stúdíó Gerðar er einnig vettvangur fjölbreyttra viðburða sem haldnir eru í tengslum við yfirstandandi sýningar.
Listamaður Gerður Helgadóttir Sýningarstjórar Brynja Sveinsdóttir Cecilie Gaihede Sýningarhönnun Arnar Freyr Guðmundsson Hreinn Bernharðsson
Venjulegir staðir 13.01.2024 - 31.03. 2024
Sýningin Venjulegir staðir birtir ljósmyndir Ívars Brynjólfssonar í samtali við verk Emmu Heiðarsdóttur, Haraldar Jónssonar, Joe Keys, Kristínar Sigurðardóttur, Lukas Kindermann, Ragnheiðar Gestsdóttur og Tine Bek. Listamenn sýningarinnar eiga það sameiginlegt að veita ákveðnum hlutum ítrustu athygli, brengla hversdaginn með því að fletja hann út eða umbreyta með öðrum hætti. Á sýningunni myndast samtal á milli myndaraða Ívars frá árunum 1991-2023 við skúlptúra, vídeóverk, ljósmyndaverk og innsetningar sem einnig spretta úr skynjun mannverunnar á umhverfi sínu. Sýningin opnar í tveimur fösum en á milli sala þróast og breytist umfjöllunarefni og nálgun listamanna sýningarinnar.
Listamenn
Ívar Brynjólfsson
Emma Heiðarsdóttir
Haraldur Jónsson Joe Keys Kristín Sigurðardóttir Lukas Kindermann
Ragnheiður Jónsdóttir
Tine Bek
Sýningarstjórar Brynja Sveinsdóttir Hallgerður Hallgrímsdóttir
MOLTA
25.01.2024 - 04.02.2024
MOLTA er alltumlykjandi og þverfagleg innsetning og lifandi danssýning. Danshöfundurinn Rósa Ómarsdóttir býr til vistkerfi þar sem náttúrulegir ferlar umbreyta rýminu. Innsetningin bráðnar, lekur, brotnar niður, vex, blandast saman og gufar upp. Molta er myndlíking. Molta er í senn jarðvegur niðurbrots og frjósemi, þar sem úrelt og úrsérgengin fyrirbæri brotna niður og ný spretta upp. Í MOLTU skoðar Rósa hvernig vistkerfið er óstöðugt og tekur sífelldum breytingum. Hún kannar mörk manns, umhverfis og tækni þar sem allt hefur áhrif hvort
á annað. Menn sameinast sveppum, plastögnum og rafeindum. Hvað sprettur upp úr moltunni?
Eftir lokun, á auglýstum kvöldum, á sér stað lifandi sýning yfir heilt kvöld. Verkið er samstarfsverkefni Rósu og Íslenska Dansflokksins og tekur fjórar klukkustundir í flutningi. Þar veltir höfundur fyrir sér tengslum á milli dans, kóreógrafíu, tónlistar, myndlistar, líkama og efna, áhorfenda og flytjenda. Áhorfendum er boðið í lautarferð innan í innsetningunni. Þar mæta þau flytjendum verksins sem birtast sem skúlptúrar, verur og dýr, náttúra eða öfl og eru hluti af vistkerfi MOLTU. Á sýningunni verður hægt að fá mat og drykk framleitt af matreiðslumeistaranum Kjartani Óla Guðmundssyni þar sem vistkerfi, umhverfi og flytjendurnir sjálfir eru hluti af því sem er á boðstólnum.
Listrænt teymi
Listrænn stjóri: Rósa Ómarsdóttir
Danshöfundur: Rósa Ómarsdóttir
Flytjendur: Saga Sigurðardóttir
Karítas Lotta Tuliníus
Erna Gunnarsdóttir
Andrean Sigurgeirsson
Gabriele Bagdonaite
Tónlist: Nicolai Johansen.
Dramatúrg: Ásrún Magnúsdóttir.
Búningar: Kristjana Reynisdóttir
Innsetningar teymi: Rósa Ómarsdóttir
Guðný Hrund Sigurðardóttir
Hákon Pálsson
Valdimar Jóhannsson
Listræn ráðgjöf
við innsetningu: Guðný Hrund Sigurðardóttir.
Ljós: Hákon Pálsson.
Tæknistjóri: Valdimar Jóhannsson.
Starfsnemar: Olivia Pyszko
Júlía Kolbrún Sigurðardóttir.
Verkefnið er styrkt af Sviðslistasjóði, Reykjavíkurborg, Nordisk Kulturfond, Landsbankanum og lista- og menningarsjóði Kópavogsbæjar.
Með-framleiðendur: Íslenski Dansflokkurinn, Reykjavík Dance Festival, Dansehallerne Kaupmannahöfn, C-takt Belgíu. Vinnustofur: WpZimmer Belgíu og Dansverkstæðið.
More is More 06.04.2024 - 23.06. 2024
Sóley Ragnarsdóttir vinnur á mörkum málverks og skúlptúrs, verk sem hlaðin eru skrauti og fundnum efnum, hvort sem er úr servíettusafni langömmu listakonunnar eða skeljum úr sjónum við vesturströnd Jótlands þar sem hún er búsett. Verk Sóleyjar sverja sig í ætt við hina lítt þekktu Pattern & Decoration hreyfingu sem var uppi í Bandaríkjunum á 8. áratug síðustu aldar en bera með sér feminíska og vistfræðilega nálgun ungrar listakonu í samtímanum.
Í vestursal safnsins munu gestir þannig fá að kynnast nýjum verkum Sóleyjar, sem eru ólík því sem nokkur er að vinna hér á landi, en sýningin er hugsuð sem stór innsetning þar sem málverk af ýmsum stærðum og sérhannað veggfóður, sýningarborð og skúlptúrar mynda eina heild.
Sóley Ragnarsdóttir er fædd á Íslandi en hefur búið í Danmörku frá unga aldri og stundaði nám við Städelschule í Frankfurt, Þýskalandi. Á síðustu árum hefur hún vakið verðskuldaða athygli á danska myndlistarsviðinu og hélt m.a. stóra einkasýningu á hinum virta sýningarstað Overgaden í Kaupmannahöfn árið 2021. Sýningin í Gerðarsafni er fyrsta einkasýning listakonunnar á Íslandi en hún mun í framhaldi ferðast til Danmerkur og opna í Augustiana – Kunsthal og Kunstpark, á norður Jótlandi, sumarið 2024.
Listamaður Sóley Ragnarsdóttir Sýningarstjóri Heiðar Kári Rannversson
Þór Vigfússon
06.04.2024 - 23.06. 2024
Í austursal munu gestir fá að upplifa nýja innsetningu Þórs Vigfússonar sem hann vinnur sérstaklega með rými safnsins í huga. Innsetning Þórs, sem tekur yfir allan salinn, er samsett úr ótal flötum úr lituðu, innbrenndu gleri, sem virðast við fyrstu sýn vera fullkomlega óhlutbundin geómetrísk verk. En við nánari athugun kemur í ljós hugmyndalegur ásetningur listamannsins um ljóðræna og fagurfræðilega eiginleika sem leynast í ýmsum iðnaðarefnum og möguleikar þeirra til að búa til minimalísk rýmisverk sem verka sterkt á áhorfendur.
Þór Vigfússon hlaut Gerðarverðlaunin 2021 fyrir ríkulegt framlag sitt til höggmynda- og rýmislistar á Íslandi, en hann á að baki feril sem spannar meira en fjóra áratugi. Sýningin í Gerðarsafni er fyrsta einkasýning listamannsins í Reykjavík síðan 2017.
Listamaður Þór Vigfússon Sýningarstjóri Heiðar Kári Rannversson
Hamskipti Gerðar Helgadóttir - Sumarsýning og Afmælishátíð
30.06.2024 - 29.09.2024
Afmælishátíð var haldin í Gerðarsafni í tilefni þrjátíu ára afmæli safnsins. Afmælishátíðin var margþætt og kristallaði áherslu safnsins í að sýna og miðla nútíma- og samtímalist í anda Gerðar, sem ögraði viðurkenndum hugmyndum um myndlist með tilraunakenndri nálgun sinni. Á afmælishátíð
Gerðarsafns var sögu safnsins gerð skil í gegnum afmælissýningar, annars vegar sýningar í efri sölum Gerðarsafns á verkum Gerðar Helgadóttur
í samtali við aðra listamenn; hins vegar röð styttri safneignasýninga sem gefa innsýn inn í yfirgripsmikla safneign Gerðarsafns. Afmælishátíðin teygði teygja sig út fyrir safnsins dyr með fyrstu skrefum í gerð skúlptúrgarðs við safnið. Á afmælishátíðinni var gefin út bók með greinum fræðimanna sem birta nýja sýn á feril Gerðar auk þess sem viðamikil viðburðadagskrá og kynningarstarf var unnið út frá sögu og áherslum safnsins. Sýningin á verkum Gerðar birti nýja sýn á verk hennar þar sem verður skapað samtal við verk þekktra módernískra listamanna sem hún átti í miklu samstarfi og samneyti við. Á sýningunni var einnig skapað samtal við samtímalistamenn sem unnu ný verk innblásin af verkum Gerðar. Á neðri hæð safnsins var unnin sýningarröð með smærri framsetningum á verkum úr safneign Gerðarsafns með ólíkum þemum, sem vakti athygli að fjölbreytni safneignar Gerðarsafns. Á afmælishátíð Gerðarsafns voru einnig fyrstu skrefin tekin í gerð skúlptúrgarðs fyrir sunnan Gerðarsafn.
Listamaður Gerður Helgadóttir Sýningarstjórar Brynja Sveinsdóttir Cecilie Gaihede
Óstöðugt land 05.10. 2024 – 05.01. 2025
Sýning sem sprettur úr samstarfi Þorgerðar Ólafsdóttur og Gunndísar Finnbogadóttur þar sem þær taka viðtöl við fólk sem hefur farið til Surtseyjar og fanga upplifun þeirra, túlkun og skilning. Listaverk, ljósmyndir, sögur, viðtöl og esseyjur sem fjalla um Surtsey út frá mismunandi sjónarhornum. Efni og inntak bókarinnar er að stórum hluta innblásið eftir rannsóknarleiðangur til Surtseyjar sumarið 2021 þar sem Þorgerður dvaldi í þrjá daga og skoðaði m.a. manngerð ummerki eins og fótspor greipt í móberg og safnaði saman rekaefni (sjóreknu plasti og rusli).
Listamenn Þorgerður Ólafsdóttir Gunndís Finnbogadóttir Sýningastjóri Brynja Sveinsdóttir Becky Forsythe
Finnbogi Pétursson 05.10. 2024 – 05.01.2025
Einkasýning Finnboga Péturssonar en hann var þriðji handhafi Gerðarverðlaunanna 2022. Finnbogi býr yfir einstakri sýn á heiminn og eðli hans. Í áratugi hefur hann leitast við að gefa hljóðbylgjum sjónrænt form. Til þess hefur hann notað vatn, ljós, rafmagn í alltumlykjandi innsetningum. Verk hans vekja áhorfandann til meðvitundar og fá hann til að velta
fyrir sér eigin skynjun, veru sinni í rýminu, náttúrunni og alheiminum.
Listamenn Finnbogi Pétursson Sýningarstjóri Brynja Sveinsdóttir
Gerðarsafn er lifandi áfangastaður fyrir áhugamenn um myndlist á ólíkum aldri og virkur samverustaður fyrir fjölskyldufólk og nærumhverfi safnsins. Í
Gerðarsafni er unnið markvisst að því að höfða til fjölbreyttra hópa í gegnum margbreytilegt sýningarhald og fræðslu sem miðar að því að bjóða nýja gesti velkomna á safnið. Framtíðarsýn safnsins er að halda áfram uppbyggingu sem hefur orðið til mikillar aukningar á gestum á safnið, stórra sýninga-, fræðsluverkefna og öflugs alþjóðlegs samstarfs og samvinnu við listahátíðir, mennta- og menningarstofnanir.
Framúrstefnuleg myndlist hefur verið leiðandi stef í starfsemi safnsins og eru fræðsla og viðburðir unnir í nánu samtali við yfirstandandi sýningar. Nálgun við safneign Gerðarsafns helst í hendur við þessa stefnu þar sem verk úr safneign eru notuð til að tengjast gestum á nýjan og óvæntan hátt. Unnið er út frá því að vekja forvitni og áhuga gesta safnsins á þeirri list sem er sýnd frekar en að miðla listsögulegum rannsóknum eða staðreyndum á hefðbundnari máta. Í allri starfsemi safnsins er miðað að því að kynna framúrstefnulega og alþjóðlega myndlist fyrir safngestum á opinn og aðgengilegan hátt þar sem gestir eru leiddir til samtals á eigin forsendum. Í dagskrá safnsins verður áfram lögð áhersla á framúrstefnulega myndlist, alþjóðlegt samstarf og sýningarstýrð verkefni samhliða aðgengilegu og skapandi fræðslustarfi.
Starfsemi listasafna nær ekki aðeins til sýninga og viðburða heldur til heildarupplifunar gesta. Kynning, aðkoma, safnbúð, kaffihús, útisvæði og viðmót skipta sköpum í að gera heimsókn í Gerðarsafn að skapandi áfangastað. Alúð er því lögð við að samþætta ólíkar hliðar starfsemi safnsins og styðja við stöðu þess sem vettvangur fyrir framúrstefnulegar hugmyndir, upplifanir, túlkanir og virkt samtal. Listasafn speglar samfélagið og vinnur markvisst að tengingu við gesti í gegnum viðburði, fræðslustarfi og miðlun sýninga. Listasöfn eiga að vera vettvangur fyrir alla og stuðla að því að auðga mannlífið og virkja ólíka hópa samfélagsins í starfsemi sinni.
LYKILTÖLUR
Gjöld
Náttúrufræðistofa Kópavogs er viðurkennt safn á sviði náttúruvísinda. Safnið gegnir veigamiklu hlutverki að stuðla að sýningu, varðveislu og söfnun náttúrumiðla og standa að fræðslu og miðlun á umhverfismálum og náttúruvísindum.
Samkvæmt stofnskrá Náttúrufræðistofu eru aðalhlutverk Náttúrufræðistofu Kópavogs:
• Að veita almenningi og skólaæsku fræðslu um náttúrufræði og standa að sýningum um náttúru landsins;
• Að safna náttúrufræðilegum gögnum og heimildum og skrá þau og varðveita með vísindalegum hætti;
• Að stuðla að náttúruvernd og fræðslu um umhverfismál fyrir almenning og skólaæsku;
• Að stunda rannsóknir á safneign sinni og náttúru landsins, meðal annars í samstarfi við Náttúrufræðistofnun Íslands, náttúrustofur og aðrar rannsóknarstofnanir á sviði náttúrufræði og umhverfismála.
Á Náttúrufræðistofu Kópavogs er rekið þróttmikið safnastarf með það að leiðarljósi að afla og miðla þekkingu á sem flestum sviðum náttúrufræða. Liður í þeirri viðleitni er að skapa hindrunarlaust aðgengi að náttúrugripasafni stofunnar, óháð þjóðfélagsstöðu, líkamlegri færni og efnahag. Auk hefðbundins safnastarfs er þátttaka í fjölbreyttu viðburðahaldi, þar sem leitast er við að allir finni eitthvað við sitt hæfi til fræðslu eða afþreyingar, órjúfanlegur þáttur í starfseminni.
Meginhlutverk Náttúrufræðistofunnar markast af sviði náttúrufræða og umhverfisverndar (sbr. 4. gr. stofnskrár). Það er meginmarkmið starfseminnar að safnið sé öllum opið, aðgengilegt og gagnlegt almenningi. Safngestir njóti heimsóknar á safnið sem best og upplifi það sem þeir sækjast eftir. Unnið verður að því að efla upplýsingamiðlun og fræðslu í gegnum margmiðlun og afþreyingu. Einnig verður unnið að því að rækta samstarf við öll skólastig í
Kópavogi og finna nýja samstarfsmöguleika. Síðast en ekki síst verður unnið að því að gera safnið aðgengilegra fyrir erlenda ferðamenn sem og nýbúa sem hafa annað móðurmál en íslensku.
Breytingar á starfsemi
Fram til vorsins 2023 var rannsóknastarf meginþáttur í starfsemi Náttúrufræðistofu Kópavogs einkum á sviði vatnavistfræði. Í apríl 2023 tók bæjarstjórn Kópavogs ákvörðun um að skilja rannsóknastarf frá annarri starfsemi Náttúrufræðistofu. Var starfsmönnum stofunnar sagt upp störfum og safnið samrekið með Gerðarsafni – Listasafni Kópavogs.
Endurmótun faglegs safnastarfs
Í kjölfar breytinga í starfsemi safnsins var farið í endurmótun í starfsemi safnsins samhliða kortlagningu safneignar og stöðu innra starfs safnsins. Hugsjón Árna Waage, fyrsta forstöðumanns Náttúrufræðistofu, varð leiðarljós í áherslubreytingu í safnastarfinu með stóraukinni áherslu á fræðslustarf safnsins. Árni Waage áleit að stofnunin ætti fyrst og fremst að vera vettvangur til að fræðast, öðlast skilning og væntumþykju fyrir náttúrunni. Í opnunarræðu safnsins sagði hann:
„Náttúrufræðistofu er ætlað að þjóna einu brýnasta verkefni í nútíma samfélagi, þ.e. að vekja áhuga og skilning almenning á umhverfi okkar og lífríki. Við vonumst til þess að fyrsta heimsókn einstaklings hingað örvi hann til frekari vitneskju um lífið á jörðinni, að stofunni takist að vekja forvitni hans og með nýjum heimsóknum sjái hann ávallt eitthvað nýtt á boðstólum.“
Miðlunarhlutverk Náttúrufræðistofu er þannig kjarni að starfsemi safnsins þar sem unnið verður að því að auka náttúrulæsi barna og styðja við uppgötvun þeirra á náttúrunni og umhverfi sínu.
Safneign og innra starf
Við endurmótun starfsemi Náttúrufræðistofu var unnið að kortlagningu á safneign, skráningu og frágangi safnmuna. Við kortlagninguna kom í ljós að mikil vinna er fyrir höndum í umsjón safneignar Náttúrufræðistofu, sem telur ríflega 6000 náttúruminjar. Þörf er á ítarlegri yfirferð yfir safneignina hvað varðar forvörslu, skráningu og grisjun. Ekki er til heildarskráning yfir safngripi og er stór hluti safneignarinnar óskráður. Frágangur á minjum í safneign Náttúrufræðistofu er ábótavant og þarfnast yfirferð forvarðar og umpökkun safngripa til að stuðla að varðveislu til frambúðar.
Skýr og gagnleg skráning á safneigninni og faglegur frágangur í varðveislurými er grunnforsenda fyrir faglegu innra starfi safnsins og fyrir rannsóknum á safneigninni. Fyrsta skref var tekið í faglegri umsjón með safneign Náttúrufræðistofu með því að sækja um styrk til Safnaráðs í lok árs 2023, sem hlaust í byrjun 2024, til að fá forvörð til ástandsskoðunar, hreinsunar og ráðgjafar við frágang í varðveislurými.
Ný grunnsýning
Samhliða kortlagningu á safneign og innra starfi safnsins var unnið að endurmótun grunnsýningar Náttúrufræðistofu og ytra starfs safnsins. Sýningin er unnin með það að markmiði að vera meginkjarni safnsins og uppspretta fræðslu og miðlunar á náttúrunni. Sýningin verður vettvangur fræðslu um náttúruna þar sem tekið verður á móti börnum, fjölskyldum og skólahópum til að fræða þau á lifandi hátt um líffræði, jarðfræði, efnafræði, eðlisfræði og stjörnufræði.
Sýningin mun styðja við könnun barna og fullorðinna á náttúrunni með framsetningu sem býður upp á beina þátttöku. Sýningin verður byggð upp af hillukerfi sem býður gestum að opna skúffur og skoða smærri muni
úr safneign Náttúrufræðistofu. Framsetningin mun þannig bjóða upp á að meira magn af safneigninni verði aðgengileg almenningi. Sýningin mun einnig styðja við könnun gesta á náttúrunni með rannsóknar- og tilraunarýmum þar sem gestir geta sett sig í spor náttúrufræðinga.
Grunnsýning Náttúrufræðistofu er hluti af endurhönnun grunnhæðar Hamraborgar 6A sem Náttúrufræðistofa deilir með barnadeild Bókasafns Kópavogs. Arkitektinn Theresa Himmer vinnur að endurhönnun rýmisins og endurhugsun nærumhverfi menningarhúsanna. Sýningarhönnun er í höndum Brynhildar Pálsdóttur vöruhönnuðar og er grafísk hönnun unnin af Stúdíó Stúdíó (Arnar Freyr Guðmundsson og Birna Geirfinnsdóttir).
Endurmótun starfsteymis
Í kjölfar breytinga á starfsemi Náttúrufræðistofu var ráðist í endurmótun starfsteymis safnsins. Brynja Sveinsdóttir, forstöðumaður Gerðarsafns, tók yfir rekstur Náttúrufræðistofu Kópavogs. Cecilie Gaihede verkefnastjóri safneignar Gerðarsafns tók við umsjón safneignar Náttúrufræðistofu og er því einnig starfsmaður beggja safna. Haustið 2023 var auglýst eftir tveimur starfsmönnum með sérfræðiþekkingu á sviði náttúruvísinda sem vinna að innra og ytra starfi safnsins: sérfræðingi og verkefnastjóra fræðslu og viðburða. Í lok árs 2023 var Sævar Helgi Bragason, jarðfræðingur og stjörnufræðingur, ráðinn í starf sérfræðings og Hulda Margrét Birkisdóttir, líffræðingur, ráðin í starf verkefnastjóra fræðslu og viðburða. Með samrekstri Náttúrufræðistofu og Gerðarsafns varð til grunneining sérfræðinga með ábyrgð á breiðu sviði safnanna tveggja. Sérfræðingar í náttúruvísindum starfa því með og hljóta stuðning frá starfsteymi Gerðarsafns með sérþekkingu á gerð sýninga, fræðslu, viðburða, skráningu, umsjón safneignar, rekstri safnbúðar og kynningarmálum.
Ráðgjafanefnd
Nýr forstöðumaður Náttúrufræðistofu mótaði ráðgjafanefnd safnsins til að tryggja faglegt safnastarf á sviði náttúrvísinda. Meðlimir ráðgjafanefndar Náttúrufræðistofu eru með sérþekkingu á ólíkum sviðum náttúruvísinda og búa yfir þekkingu á safnastarfi. Í nefndinni sitja Jóhannes Bjarki Urbancic Tómasson, líffræðingur hjá Umhverfisstofnun, og Snæbjörn Guðmundsson, jarðfræðingur hjá Náttúruminjasafni Íslands..
Gestir
Áætlað er að 16.175 gestir hafi heimsótt Náttúrufræðistofu á árinu 2023. Er aðsóknin áætluð út frá heildartölu gesta sem koma á jarðhæð Hamraborgar 6A sem Náttúrufræðistofa deilir með barnadeild Bókasafns Kópavogs. Hlutfall gesta er áætlað út frá stikkprufum þar sem gestir inn til Náttúrufræðistofu voru taldir sérstaklega í heilar vikur sem gáfu vogtölu til að áætla hlutfall gesta. Þessi vogtala er endurskoðuð nokkrum sinnum yfir árið.
Opnunartími og aðgangseyrir
Opnunartímar Náttúrufræðistofu fylgir ávallt Bókasafni Kópavogs og árinu 2023 voru opnunartímar eftirfarandi:
Mánudaga – föstudaga kl. 8 – 18 Laugardaga kl. 11 – 17
Aðgangur að sýningu Náttúrufræðistofu Kópavogs er gestum að kostnaðarlausu.
Sýningar
Grunnsýning Náttúrufræðistofu „Heimkynni“ stóð til desember 2023 þegar breytingar á rými safnsins hófust. Tímabundnar sýningar voru settar upp sem uppbrot við grunnsýningu Náttúrufræðistofu.
ÞYKJÓ
Sýningin Sjónarspil opnaði 3. febrúar 2023 með verkum hönnunarteymisins ÞYKJÓ sem unnið var sérstaklega fyrir Náttúrufræðistofu Kópavogs. Samstarf við ÞYKJÓ hófst árið 2021 þegar þverfaglega hönnunarteymið vann að mótun hönnunarvara fyrir börn og fjölskyldur í samstarfi við safnið samhliða öðrum menningarhúsum Kópavogs. Á sýningunni er afurð samstarfsins kynnt sem einskonar verur þar sem hönnunarteymið fjallar um mismunandi sjón dýra þar sem gestir geta séð líkt og ólíkar dýrategundir. Sýningin var unnin með tilstuðlan styrks frá Lista- og menningarráði Kópavogs og Safnaráði.
Hamraborg festival
Sýning var sett upp sem hluti af Hamraborg festival þar sem listakonan Gudrita Lape setti upp verk sín inn í grunnsýningu Náttúrufræðistofu. Sýningin stóð yfir hátíðina í lok ágúst.
Sýning á verkum Hlutverkasetursins, sem var listhópur hátíðarinnar List án landamæra árið 2023. Á sýningunni mátti sjá fuglaskúlptúra sem settir voru í grunnsýningu Náttúrufræðistofu og textílverk sem einnig voru sýnd með grunnsýningunni. Á hátíðinni fóru samhliða sýningunni fram viðburðir inni í
Móttaka skólahópa hefur alltaf verið veigamikill þáttur í starfsemi stofunnar. Heildarfjöldi barna í skólaheimsóknum á árinu 2023 voru 2149; þar af 751 leikskólabarn, 1275 grunnskólabörn og 123 framhaldsskólanemar.
Sumarið 2023 var samhliða móttöku skólahópa boðið upp á vikulegar leiðsagnir um sýningu Náttúrufræðistofu þar sem gestir voru fræddir um hinar ólíkar hliðar dýraríkis Íslands.
Myndlist og náttúra
Í upphafi ársins 2023 hlutu Náttúrufræðistofa og Gerðarsafn sameiginlegan styrk fyrir öndvegisverkefninu „Náttúran í gegnum augu myndlistar“ úr Safnasjóði. Haustið 2023 var unnið að mótun verkefnisins sem miðlar náttúrunni á skapandi hátt þar sem börn fá að verða vísindamenn og listamenn. Öndvegisverkefnið leggur grunn að fræðslustarfi Náttúrufræðistofu þar sem unnið er markvisst að því að styrkja náttúru- og menningarlæsi barna.
Verkefnið er leitt af Þorgerði Þórhallsdóttur, verkefnastjóra fræðslu og viðburða í Gerðarsafni, í samstarfi við verkefnastjóra fræðslu í Náttúrufræðistofu. Vegna ráðningar verkefnastjóra fræðslu í Náttúrufræðistofu haustið 2023 var upphafi verkefnisins frestað til janúar 2024
Miðlun
Sumarið 2023 kom Júlía Kristín Kristinsdóttir, jarðelisfræðinemi, til starfa í móttöku og miðlun á safninu. Hún vann að miðlun á sýningu safnsins í leiðsögnum og kynningarefni um grunnsýningu á samfélagsmiðlum Náttúrufræðistofu. Það kynningarefni var skref í að auka sýnileika safnsins og fræðslu utan þess með það að markmiði að gera náttúruvísindi aðgengileg og vekja forvitni og áhuga á náttúrunni.
Í endurmótaðri starfsemi Náttúrufræðistofu er lögð áhersla á að styrkja stöðu þess sem viðurkennt safn á sviði náttúruvísinda. Í því felst að efla miðlunarhlutverk safnsins og styrkja samspil innra og ytra safnastarfs. Unnið verður að því að styrkja stöðu safnsins sem vettvang til að kynnast náttúru landsins í gegnum grunnsýningu, fræðslu, viðburði og miðlun með það að markmiði að stuðla að auknu náttúrulæsi. Á safninu verður unnið í auknum mæli að könnun snertiflata náttúruvísinda við skapandi greinar og önnur fagsvið. Verður þannig leitað leiða til að opna á nálgun ólíkra fræðasviða að náttúruvísindum og leið að nýrri sýn og skilningi á umhverfi okkar.
Viðburðir á Náttúrufræðistofu
- þar af sérviðburðir Náttúrufræðistofu
- þar af sérsýningar á Náttúrufræðistofu 6
- þar af viðburðir og hátíðir MEKÓ
Safnheimsóknir hópa og þátttaka í fræðsluverkefnum
- þar af skólahópar með eða án leiðsagnar (öll skólastig)
- þar af frístunda- og leikjanámskeiðahópar án leiðsagnar
- þar af menningarfræðsla MEKÓ
þar af aðrir hópar 8
verk
Meginhlutverk Salarins er að auðga tónlistarlíf í Kópavogi og efla almennan áhuga og þekkingu á tónlist meðal annars með fjölbreyttu tónleikahaldi. Sem og að eiga sem farsælast samstarf við þá aðila sem vinna að skyldum markmiðum, einkum við höfunda og flytjendur tónlistar, einstaklinga, hópa, stofnanir og fyrirtæki.
Leiðarljós Salarins, sem eitt flaggskipa Kópavogsbæjar, er að vera miðstöð tónlistar þar sem allir samfélagshópar eru velkomnir. Þar sé hlúð að tónlistarmönnum, tónlistarflutningi og nýsköpun í tónlist þannig að börn, unglingar og fullorðnir líti á Salinn sem stað sem gaman sé að heimsækja til að upplifa góðar stundir.
Stefnan er tekin á að:
Bjóða upp á metnaðarfullar tónleikaraðir með afburða tónlistarmönnum.
Bjóða upp á tónleikahald við bestu aðstæður þar sem allur aðbúnaður er til fyrirmyndar fyrir tónlistarmenn, starfsfólk og tónleikagesti.
Efla barna- og fræðslustarf svo að húsið verði lifandi stofnun í samfélaginu um leið og aldar eru upp næstu kynslóðir tónlistarunnenda.
Stuðla að frumsköpun í tónverkagerð.
Ná til sem breiðasta hóps samfélagsins.
Opnunartími
Miðasala Salarins er opin þriðjudaga til föstudaga kl. 12:00 – 16:00 og klukkutíma fyrir viðburð. Skrifstofan er opin alla virka daga kl. 10:00 – 16:00.
Starfsmenn Salarins leitast við að veita samstarfsfólki Salarins, hvort heldur um tónlistarmenn, tónleikahaldara, ráðstefnuhaldara eða tónleikagesti er að ræða, góða og persónulega þjónustu.
Starfsmannamál
Fjögur stöðugildi eru í Salnum sem eru forstöðumaður, tæknimaður, verkefnastjóri rekstrar og viðburða og umsjónarmaður miðasölu auk þess sem tímastarfsmenn starfa í miðasölu.
Áfram var haldið með endurnýjun og úrbætur á búnaði og aðstöðu Salarins á árinu. Í byrjun árs var myndavélakerfi hússins endurnýjað sem og skjáir baksviðs sem þjóna tónlistarmönnum. Dyrapumpur á klósett fyrir hreyfihamlaða sem og dyrapumpa á neðri hurð lyftunnar voru endurnýjaðar.
Á árinu voru keypt fleiri borð og stólar í Forsalinn. Monitor baksviðs var uppfærður svo tónlistarmenn heyri betur hvað fer fram á sviði.
Áfram var unnið að hönnun á miðasölurými, færanlegum bar, borðum og stöplum fyrir svið og fordyri í samstarfi við Theresu Himmer.
Hefðbundnar kynningarleiðir voru farnar með samlesnum auglýsingum á RÚV, auglýsingum á samfélagsmiðlum og í prentmiðlum sem og markpóstar sendir á póstlista Salarins. Áfram var leitast við að fá umfjallanir í blöðum og útvarpi.
Nú rennur sitt skeið fyrsta árið í nokkurn tíma sem var ekki litað af lokunum og ýmiskonar takmörkunum. Starfsemin var því að mörgu leiti líkari því sem þekktist fyrir heimsfaraldur heldur en síðustu ár. Þó má marka nokkurn mun á kauphegðun tónleikagesta, bróðurpartur miðasölu fer nú fram með mun minni fyrirvara en áður var. Þrátt fyrir að vel hafi verið mætt á viðburði og salan hafi verið góð er ljóst að það mun taka tíma að aðlagast breyttu neyslumynstri menningarneytenda.
Tíbrá tónleikaröð Salarins
Auglýst var eftir umsóknum í Tíbrá tónleikaröðina í byrjun árs og rann umsóknarfrestur út 15. febrúar 2023. Þrjátíu og fimm umsóknir bárust frá tuttugu og níu einstaklingum. Forstöðumaður Salarins, verkefnastjóri viðburða í Salnum og verkefnastjóri menningarmála hjá Kópavogsbæ mátu og afgreiddu umsóknirnar. Sjö umsóknir voru valdar í Tíbrá tónleikaröðina fyrir veturinn 2023 – 24.
Tíbrá tónleikaröð Salarins leitast við að bjóða upp á lifandi tónlistarflutning þar sem hefðbundnum klassískum tónleikum er teflt saman við tilraunir, nýja nálgun og jafnvel ögrun við tónleikaformið. Tíbrá er vettvangur fyrir unga tónlistarmenn sem eru að stíga sín fyrstu skref í tónlistarheiminum jafnt sem reynda tónlistarmenn sem hafa gert garðinn frægan innan sem utan landsteinanna.
Tíbrá tónleikaröðin veturinn 2023 – 2024 býður upp á litríka, fjölbreytta og heillandi efnisskrá í meðförum framúrskarandi tónlistarfólks.
Sjö tónleikar með tuttugu og tveim tónlistarmönnum fóru fram í Tíbrá tónleikaröðinni árið 2023. Áfram var boðið upp á 50% afslátt af miðaverði ef tónleikaröðin var valin í áskrift.
Haustið 2023 var tónleikatíma Tíbrá tónleika færð frá þriðjudagskvöldum yfir á sunnudagseftirmiðdag kl. 13:30. Tónleikakynningar voru endurvaktar og samstarf hafið við nýjan rekstraraðila veitinga , Krónikuna, sem seldi danskt smurbrauð sem fólk gat gætt sér á og hlustað á kynningarnar.
17.01 Ögrandi rómantík
Sólveig Steinþórsdóttir, fiðla, Anna Elísabet Sigurðardóttir, víóla, Hrafnhildur
Marta Guðmundsdóttir, selló og Þóra Kristín Gunnarsdóttir, píanó.
07.02 Öskubuska og Hnotubrjóturinn
Erna Vala Arnardóttir, píanó og Romain Þór Denuit, píanó
07.03 Barrokk óperu jazz Ingibjörg Guðjónsdóttir, sópran, Nathalía Druzin Halldórsdóttir, mezzósópran, Kjartan Valdemarsson, píanó, Magnús Tryggvason Eliassen, slagverk og Óskar
22.03
Guðjónsson, saxófónn.
Ethereality
Berglind María Tómasdóttir, flauta og Bergþóra Linda Ægisdóttir, söngur.
08.10 Lífið og lækurinn - Die schöne Müllerin Benedikt Kristjánsson, tenór og Mathias Halvorsen, píanó.
22.10 Taktur og tónfjöður
Helga Kristbjörg Guðmundsdóttir, harmónikka, Jón Þorsteinn Reynisson, harmónikka og Jónas Ásgeir Ásgeirsson, harmónikka.
19.11 Barrokk og ballöður
Sigríður Ósk Kristjándóttir, mezzósópran, Guðbjörg Hlín Guðmundsdóttir, fiðla, Steinunn Arnbjörg Stefánsdóttir, selló og
Lára Bryndís Eggertsdóttir, píanó.
Sumarjazz í Salnum í júní
Fernir sumarjazz-tónleikar voru haldnir í Forsalnum í júní. Tólf tónlistarmenn komu fram á þessum klukkustundarlöngu tónleikum.
Markmiðið var sem fyrr að bjóða upp á gæða jazztónleika og að skapa jazzklúbba stemningu í Forsalnum þar sem fólk getur notið tónlistar í fallegu umhverfi í lok vinnudags. Við val á tónleikum var litið til þess að bjóða upp á tónleika með tónlistarmönnum sem ekki hefðu komið fram nýlega og myndu ekki vera með sömu tónleika í boði annars staðar yfir sumarið. Eins var óskað eftir nýju efni í bland við gamalt. Kontrabassaleikarinn Jón Rafnsson var forstöðumanni Salarins til ráðgjafar við val á dagskrá jazztónleikanna í Forsalnum.
Sumarjazz í Salnum var í boði lista- og menningarráðs Kópavogsbæjar.
01.06 Unnur Birna og Björn Thoroddsen
Unnur Birna Björnsdóttir, söngur og fiðla, Björn Thoroddsen, gítar og Sigurgeir Skafti
Flosason, bassi.
08.06 Rebekka Blöndal
Rebekka Blöndal, söngur, Daði Birgisson, píanó/hljómborð og Sigmar Þór Matthíasson, kontrabassi.
15.06 Marína Ósk
Marína Ósk, söngur, Steingrímur Teague, píanó og Andri Ólafsson, kontrabassi.
22.06 Tríó Jóns Árnasonar
Jón Ómar Árnason, rafgítar, Nico Moreaux, kontrabassi og Magnús Trygvasen Eliassen, trommur.
Af fingrum fram
Þrettán tónlistarmenn heimsóttu Jón Ólafsson í Salinn á fjórtán tónleikum í tónleikaröð hans Af fingrum fram. Átta tónleikar voru að vori og sex að hausti. Forsala tónleikanna í haust var slakari en oft áður en vel seldist á lokametrum, sem er í takt við breytta kauphegðun eftir heimsfaraldur. Tónleikarnir voru almennt vel sóttir.
02.02 Katrín Halldóra
11.02 Katrín Halldóra - aukatónleikar
16.02 Friðrik Dór og Jón Jónsson
23.02 Sóli Hólm
24.02 Sóli Hólm - aukatónleikar
02.03 Daníel Ágúst
06.03 Þorsteinn Einarsson
19.04 Ragnhildur Gísladóttir
28.09 Tvíhöfði 05.10 Magnús og Jóhann 19.10 Jón Ólafsson
26.10 Tvíhöfði - aukatónleikar
02.11 Sigríður Thorlacius
16.11 Guðrún Gunnarsdóttir
Fernir tónleikar voru á dagskrá í tónleikaröðinni Syngjandi í Salnum þar sem nokkrir af okkar fremstu klassísku söngvurum komu fram og fluttu efnisskrá að eigin vali. Hverjir tónleikar voru nokkurs konar portrett tónleikar sem gáfu mynd a listamanninum. Á blandaðri efnisskrá hverra tónleika var undirstöðuefnið oft íslenskur og erlendur ljóðasöngur ásamt óperuaríum. Listrænn stjórnandi raðarinnar var Guðrún Jóhanna Ólafsdóttir söngkona.
Tónleikaröðin var styrkt af lista- og menningarráði Kópavogs.
01.02 Vetrarferðin
Benedikt Kristjánsson, tenór og Mathias
Halvorsen, píanó.
01.03 Viðkomustaðir
Hanna Dóra Sturludóttir, mezzósópran og Snorri Sigfús Birgisson, píanó.
29.03 Draumar sem sökkva í sálina
Hallveig Rúnarsdóttir, sópran og Hrönn Þráinsdóttir, píanó.
23.05 Ástir skáldsins – Dichterliebe
Oddur Arnþór Jónsson, barítón og Eva Þyri Hilmarsdóttir, píanó.
Söngvaskáld
Ný tónleikaröð leit dagsins ljós á árinu. Röð innilegra tónleika þar sem söngvaskáld spila lög sín og segja frá tilurð laganna. Á Íslandi er fjöldi hæfileikaríkra tónlistarmanna sem semja og spila sín eigin lög, í öllum tónlistarstefnum. Röðin beinir athyglinni að þessum listamönnum, varpaði ljósi á margvíslegar aðferðir listamanna við lagasmíðar sem gefur þjóðþekktum lögum meiri dýpt. Tvennir tónleikar af fimm voru að hausti en röðin heldur áfram á nýju ári auk þess sem aukatónleikar Unu Torfa verða á dagskrá í febrúar.
29.09 Una Torfa 14.10 Unnsteinn Manuel
Klassík í Salnum
Í júní 2023 undirrituðu Aino Freyja Jarvela, þáverandi forstöðumaður Salarins, og Margrét Hrafnsdóttir, formaður FÍT, samstarfssamning um klassíska kammertónleikaröð FÍT í Salnum. Klassík í Salnum er tónleikaröð Félags íslenskra tónlistarmanna í samvinnu við Salinn í Kópavogi. Tónleikaröðin hefur verið virk í fimmtán ár og hét síðast Klassík í Vatnsmýrinni. Í tónleikaröðinni er sérstök áhersla lögð á frumflutning nýrra íslenskra tónverka. Alls verða tónleikarnir fimm í Salnum í þessari röð en fyrstu tveir voru fluttir á árinu.
24.09 Tímaferðalag um tónsmíðar Wagners Anna Jónsdóttir, söngur og Ástríður Alda, píanó.
05.11 Rómantísk ljóð
María Konráðsdóttir, söngur og Guðrún Dalía Salómonsdóttir, píanó
Tónskáldið, píanóleikarinn og þúsundþjalasmiðurinn Davíð Þór Jónsson var valinn staðarlistamaður Salarins árið 2023 sem hluti af nýsköpunarverkefni Salarins. Davíð Þór bauð upp á þrenna spunatónleika sem teygðu sig yfir hálft árið. Allir tónleikarnir fóru fram á sunnudegi þegar sólin var hæst á lofti og þegar mánuðir voru við það að renna saman. Fyrsti viðburðurinn átti sér stað á Alþjóðlega jazzdeginum 30. apríl.
Allir tónleikarnir einkenndust af ævintýrum, forvitni og opnum huga þar sem tónlistarmaðurinn brást við hljómi Salarins, andrúmslofti gesta, veðrabrigðum og árstíðarbundnum sveiflum en Davíð sótti í tónlistararfleifð og uppsprettur, sneri út úr, fléttaði áfram, tvinnaði saman stefjum, hljómum og takti, splunkunýjum og eldgömlum. Báðir flyglar Salarins voru nýttir í óvissuferðinni en Davíð lék á þá til skiptis og í einu til að galdra fram töfrandi hljóma.
Davíð Þór er meðal fjölhæfustu tónlistarmanna landsins, jafnvígur á píanóleik, spuna, tónsmíðar og hljómsveitarstjórn auk þess sem hann leikur á ógrynni hljóðfæra. Hann hefur leikið með flestum tónlistarmönnum landsins og spilað á tónlistarhátíðum um allan heim.
Davíð Þór hefur gert tónlist og hljóðmyndir fyrir fjölda leiksýninga. Hann hefur einnig tónsett útvarpsleikrit og sjónvarpsverk af ýmsu tagi auk þess að semja tónlista fyrir dansverk. Hann hefur einnig unnið náið með sviðlistafólki og myndlistarmönnum og mætti þar helst nefna Ragnar Kjartansson en saman hafa þeir skapað þrjú tónlistar- og myndbandsverk: Guð (Sorgin sigrar hamingjuna) frá 2007; The End, framlag Íslands á Feneyjartvíæringnum í myndlist árið 2009 og Visitors frá 2012. Davíð Þór samdi tónlist við kvikmyndir Benedikts Erlingssonar, Hross í oss og Kona fer í stríð en fyrir þá tónlist hefur hann hlotið fjölda verðlauna, má þar nefna Norrænu kvikmyndatónlistarverðlaunin og Aubagne-verðlaunin.
30.04 Spunatónleikar í Gaukmánuði | 1/3
27.08 Spunatónleikar í Tvímánuði | 2/3
29.10 Spunatónleikar í Gormánuði | 3/3
Ár
Haustið 2022 hófst röð átta tónleika þar sem íslenska einsöngslaginu voru gerð góð skil. Fyrstu fjórir tónleikar raðarinnar fóru fram árið 2022 en seinni fjórir á fyrstu mánuðum ársins 2023. Sextán einsöngvarar komu fram í tónleikaröðinni á árinu ásamt átta píanóleikurum.
Ár íslenska einsöngslagsins var styrkt af Lista- og menningarráði Kópavogsbæjar.
22.01 Draumalandið
Ingibjörg Guðnadóttir, sópran, Karin Björg Torbjörnsdóttir, mezzósópran, Dagur Þorgrímsson, tenór, Gunnlaugur Bjarnason, baritón, Eva Þyri Hilmarsdóttir, píanó og Guðríður St. Sigurðardóttir, píanó.
19.02 Mitt er þitt
Harpa Ósk Björnsdóttir, sópran, Hanna Dóra Sturludóttir, mezzósópran, Egill Árni Pálsson, tenór, Unnsteinn Árnason, bassi, Hrönn Þráinsdóttir, píanó og Matthildur Anna Gísladóttir, píanó.
16.04 Hvíslar mér hlynur
Herdís Anna Jónasdóttir, sópran, Guðrún Jóhanna Ólafsdóttir, mezzósópran, Eggert Reginn Kjartansson, tenór, Áslákur
Ingvarsson, baritón, Edda Erlendsdóttir, píanó og Helga Bryndís Magnúsdóttir, píanó.
23.04 Ferðalok
Jóna G. Kolbrúnardóttir, sópran, Þórgunnur Anna Örnólfsdóttir, mezzósópran, Gunnar Björn Jónsson, tenór, Jón Svavar Jósefsson, barítón, Guðrún Dalía Salómonsdóttir, píanó, og Þóra Kristín Gunnarsdóttir, píanó.
Almennir tónleikar
Á árinu fóru 99 viðburður í sölu á miðasöluvef Salarins.
Tónleikar með hljóðkerfi voru 68 talsins, 24 tónleikar án hljóðkerfis og sjö viðburðir aðrir en tónleikar. Alls seldust 17.861 miði.
Auk ofangreindra tónleikaraða og samstarfsverkefna voru jafnframt eftirfarandi tónleikar í Salnum.
06.01
Amor og asninn
Lög Sigfúsar Halldórssonar
13.01 Bjarni Hafþór | Hristur ekki hrærður
14.01 Sendið inn dívurnar
Stórleikkonur syngja söngleikjalög
19.01 Ef ég væri ríkur!
25 ára söngafmæli
20.01 Söngkeppni Skólafélagsins
26.01
19.02
26.02
JÁSÖSK.is
Nóttin og þú | Gísli Magna & band Síðbúnir útgáfutónleikar
Jazz í Salnum
Lars Duppler & Stefan Karl Schmid
Amor & Asninn
Lög Sigfúsar Halldórssonar
04.03 Halli, Jón og Gói
05.03
Söngur, sögur og almennt rugl!
Jazz í Salnum
11.03
25.03
26.03
14.04
22.04
Larry Goldings, Peter Bernstein & Bill Stewart
Með blik í auga
Dægurlagaperlur Hauks Morthens
Söngkvöld í Salnum
Geirmundur og hljómsveit
Á þessum kyrru dægrum
Sunnanvindur
Eftirlætislög Íslendinga
Ella Fitzgerald í Salnum
Jazzsöngkonur heiðra Ellu Fitzgerald 25/27.04
28.04
04/06.05
05.05
13.05
14.05
20.05
24.05
25.05
17.08
02.09
06.09
08.09
10.09
14/15/16.09
27.09
Gleði, gæði, galdur
Spectrum
KK og Þrestir í Salnum
Vor í Dal
Vortónleikar Karlakórs Kópavogs
Karl Olgeirsson
Stillur
Kórahátíð Kársness 2023
Nú er fagrir söngvar óma!
Jazz í Salnum
Francesca Tandoi Trio
Valdimar & Örn Eldjárn
Vortónleikar -
Adventurous Music Plateaux
Kvintett Rebekku Blöndal [IS/PL]
Adventurous Music Plateaux
Kvartett Kasia Pietrzko [PL/IS]
Uppskeruhátíð skapandi sumarstarfa
í Kópavogi
Heilsum hausti
Ævintýrastuð með Þresti Leó og Góa
Strategíudagurinn
Hetjusögur úr atvinnulífinu
Við eigum samleið
Sigga Beinteins, Jogvan og
Guðrún Gunnars
Þegar sópran hittir tenór | þá taka töfrar völdin
KLASSÍSKT POPP
Páll Óskar og Kristín
Eyjapistlarnir ógleymanlegu
Gísli Helgason og Eyjalögin
30.09 Söngkvöld í Salnum
Geirmundur og hljómsveit
07.10
Stúlkan með Lævirkjaröddina 13.10. Teldu upp að tíu
Uppistand með Ebbu Sig. 22.10 Kafka Fragments
27.10
Sunnanvindur
Eftirlætislög Íslendinga 04.11
Eyjakvöld
Blítt og létt hópurinn úr Eyjum 09.11
Joni Mitchell 80
Heiðurstónleikar 11.11
Mandólín
Útgáfutónleikar
24.11 Upp hátt Útgáfutónleikar
29/30.11 Jól og næs 01/02.12 Jóla Ella í Salnum 03.12 Teiknimyndajól
Jólatónleikar Viðlags 07/08.12 Litlu jólin með Tvíhöfða10.12 Songs of Longing and Greed 10.12 Jóladraumur í Salnum 14/15/16/17.12 Litlu jólin með Tvíhöfða 22.12 Jól og næs
Adventurous music plateaux – pólskt íslenskt jazzsamstarf
Salurinn var vettvangur fyrir tónlistarstefnumót í lok maí þegar íslenskir og pólskir jazztónlistarmenn tóku saman höndum á tónleikum og í jazzsmiðjum. Verkefninu var meðal annars ætlað að efla samtal og samstarf á milli pólskra og íslenskra listamanna en því var síðan haldið áfram um haustið með tónleikum og vinnusmiðjum í Varsjá í Póllandi.
Frá Póllandi komu jazzpíanóleikarinn og lagahöfundurinn Kasia Pietrzko og saxófónleikarinn Maciej Kadziela en frá Íslandi þau Agnar Már Magnússon píanóleikari, Birgir Steinn Theodórsson kontrabassaleikari, Rebekka Blöndal söngkona og Matthías M.D. Hemstock. Hópurinn leiddi ókeypis jazz- og spunasmiðjur fyrir tónlistarnema og tónlistarfólk og bauð jafnframt upp á tvenna tónleika.
Verkefnið var styrkt af Menningarsjóði EES og Norwegian Financial Mechanism.
Úthlutað var úr styrktarsjóði Önnu K. Nordal eftir nokkurt hlé þann 12. maí í Salnum. Herdís Mjöll Guðmundsdóttir, fiðlunemi, hlaut einnar milljón kr. styrk úr sjóðnum og var hann afhentur við formlega athöfn í forsalnum.
Dómnefnd sjóðsins var skipuð Magnúsi Ragnarssyni, Gyðu Stephensen, Hildigunni Halldórsdóttur og Páli Palomares. Herdís hefur hlotið margvíslegar viðurkenningar og verðlaun þrátt fyrir ungan aldur, meðal annars vann hún konsertkeppni Oberlin Conservatory 2020 og Kaufmannverð-launin fyrir framúrskarandi fiðlunema við útskrift úr Oberlin Conservatory 2021. Herdís lauk meistaranámi frá Yale School of Music vorið 2023. Styrktarsjóðurinn var stofnaður af vestur-íslenskri konu, Önnu Karólínu Nordal, sem fæddist í Kanada árið 1902 og lést árið 1998. Markmið sjóðsins er að styrkja efnilega söngog fiðlunema. Ann bjó alla tíð í Kanada og kom aldrei til Íslands en hafði sterkar taugar til landsins og sýndi Íslendingum mikla ræktarsemi. Hún nam tónlist í St. Mary‘s Academy, kaþólskum nunnuskóla í Winnipeg auk þess sem hún lagði stund á píanó- og orgelleik í Saskatoon, en hún var um tíma organleikari í báðum íslensku kirkjunum í Gimli.
Sjóðurinn hefur átt heimili í Salnum en í stjórn sjóðsins eru Magnús Ragnarsson, Hans Júlíus Þórðarson og Aino Freyja Järvelä.
Sameiginleg dagskrá Mekó í Salnum
Fjöldi hátíða og viðburða fara fram í Salnum sem heyrir undir sameiginlega dagskrá menningar í Kópavogi - MEKÓ. Fjölskyldustundir á laugardögum eru hluti af þeirri dagskrá en þá er leitast við að bjóða fjölskyldum á tónleika eða tónleikatengdar stundir í Salnum. Ein fjölskyldustund var á vormánuðum en þá var boðið upp á skemmtilega takt- og tónsmíðasmiðju með Axel Inga Árnasyni. Hann endurtók leikinn svo í nóvember og var vel mætt. Í október var Eyjólfur Eyjólfsson með langspilssmiðju í forsal Salarins í samstarfi við Óperudaga.
Menning fyrir alla er annar þáttur í starfi Salarins sem snýr að tónlistaruppeldi barna en þá fá leik- og grunnskólabörn tækifæri til að sækja Salinn heim á skólatíma og upplifa margvíslega tónleika og viðburði í húsinu. Í apríl var 3. bekkingum í Kópavogi boðið á sirkussýninguna Springum út með Sirkus Ananas.
Sýningin hverfðist um vináttu og tengsl og svifu listamennirnir um sviðið í hrífandi loftfimleikum, trúðalátum og töfrum en hópurinn er skipaður þeim Daníel, Urði Ýrr og Kristni Karlssyni. Nemendur annars bekkjar í Kópavogi heimsóttu Salinn í maí til að hlýða á hljómsveitina Brek flytja tónleikana Bernsku-brek.
Á Menningu á miðvikudögum var boðið upp á sex hádegistónleika á árinu. Á Myrkum músíkdögum í janúar steig breski tónlistarhópurinn Personal Clutter á svið en hann er skipaður þeim Jenni Hogan, Helen Witaker, Katherine Tinker og Rosie Middleton. Hópurinn er þekktur fyrir að skapa og flytja nýstárleg verk sem eru gáskafull á sviði en þó sköpuð eftir ströngum reglum. Píanóleikarinn Erna Vala Arnardóttir fagnaði Rakhmanínov í 150 ár með því að flytja píanósónötu nr. 2, op. 36 í maí. Í september fluttu Marína Ósk Þórólfsdóttir jazzsöngkona og Sunna Gunnlaugsdóttir píanóleikari ný sönglög Sunnu við ljóð Jóns úr Vör á tónleikum sem báru titilinn „Ástin, bjartsýnin og andskotans blaðrið í fólkinu“. Á tónleikunum Söngkvartett og sveppaljóð flutti kammerkvartettinn, skipaður Jónu G. Kolbrúnardóttur, Kristínu Sveinsdóttur, Eggert Regin Kjartanssyni og Unnsteini Árnasyni, glæný Sveppaljóð eftir Hildigunni Rúnarsdóttur við ljóð Melkorku Ólafsdóttur. Í nóvember voru að endingu tvennir glæsilegir, en ólíkir, sólótónleikar í þessari skemmtilegu röð. Hulda Jónsdóttir flutti einleiksverk fyrir fiðlu eftir Bach og Hindemith. Svo steig Benni Hemm Hemm á sviðið með gullfallega og einlæga tónleika þar sem hann flutti nokkur af lögum sínum og lék ýmist undir á gítar og Steinway flygil Salarins.
Dagar ljóðsins voru haldnir hátíðlegir í Salnum sem og víðar í Kópavogi. Sem fyrr voru sigurvegarar í ljóðasamkeppni Jóns úr Vör tilkynntir í Salnum en að auki bauð Blekfjelagið, nemendafélag ritlistarnema við Háskóla Íslands, upp á „OPEN MIC“ viðburð í forsalnum þar sem gestum og gangandi, áhugasömum og forvitnum var boði að hlýða á ljóðalestur.
Á Vetrarhátíð steig hljómsveitin Los Bomboneros á svið en hana skipa Alexandra Kjeld, Daníel Helgason, Kristofer Rodrigeuez Svönuson og Sigrún Kristbjörg Jónsdóttir. Funheitir tónar úr tónlistararfi Mexíkó, Perú og Kólumbíu drifu tónleikagesti út á dansgólfið í forsalnum. Skífuþeytarinn Kraftgalli reiddi jafnframt fram suðræna salsatónlist fyrir gesti og gangandi fram eftir kvöldi.
Mikil gleði ríkti í Salnum á Barnamenningarhátíð þegar börn og fjölskyldur þeirra fjölmenntu í Salinn á fjölbreytta og skemmtilega hátíðardagskrá. Barnakór og Skólakór Smáraskóla fluttu hugljúfar ballöður í bland við hressa smelli sem sótt voru í Söngvakeppni evrópskra sjónvarpsstöðva og söngleiki. Björt lög um um vor og sumar í flutningi barna í 5. bekk Kársnesskóla hljómuðu um Salinn en Pata Pata, marimbasveit Smáraskóla flutti kraftmikla, margbreytilega og fjöruga slagverkstónlist í forsalnum. Auk þessa heillaði Sirkus Ananas börn og fjölskyldur þeirra með sýningunni sinni Springum út.
Á glæsilegri aðventuhátíð MEKÓ var boðið upp á lifandi tónlist í forsal Salarins en þar komu fram Samkór Kópavogs, Kvennakór Kópavogs, söngleikjakórinn Viðlag og jazztríó skipað Kjalari
Martinssyni Kollmar, Alexander Grybos og Hlyni Sævarssyni flutti ljúfa jólatóna. Veitingar frá Krónikunni, glögg og kakó voru til sölu, jólaskúlptúrsmiðja og lítill jólamarkaður fullkomnuðu jólastemninguna.
Salurinn hefur frá upphafi verið heimili Tónlistarskóla Kópavogs. TK hefur fasta æfingatíma í Salnum alla mánudaga frá kl. 15 auk þess sem nemendur skólans fá reynslu af því að koma fram á tónfundum.
Nýting TK á Salnum miðast við að eiga sér stað þá daga og kvöld sem minna er um að vera í Salnum og er víkjandi fyrir starfsemi Salarins.
Ráðstefnur, fundir & aðrir viðburðir
Talsvert var um fundi og ráðstefnur á árinu 2023 en að vanda voru veitt verðlaun í ljóðasamkeppni Jóns úr Vör í Salnum 21. janúar auk þess að 25 ára starfsafmælisviðurkenningar Kópavogsbæjar voru afhentar í sama mánuði. Söngvakeppni félagsmiðstöðva í Kópavogi fór fram í Salnum í janúar. Vatnsdropinn hélt málþing fyrir börn í forsalnum í febrúar. Í sama mánuði var opnun á Orðalykli í forsalnum en í mars hélt Íslandsbanki teiti fyrir árshátíð fyrirtækisins. Stjórnendafundur Kópavogsbæjar var haldinn í mars og árleg skólaskemmtun Waldorfskóla átti sér stað í sama mánuði auk jólaskemmtunar í desember. Undirritun vegna stofnunar Markaðsstofu höfuðborgarsvæðisins á vegum Samtaka sveitarfélaga á höfuðborgarsvæðisins fór fram í forsalnum í apríl. Stóra upplestrarkeppnin fór fram í sama mánuði auk þess sem forsætisráðherra hélt opinn fund í forsalnum. Kópurinn, viðurkenningar Menntasviðs Kópavogsbæjar, var afhentur við hátíðlega dagskrá í maí. Eins hélt leikskólinn Aðalþing útskrift sína í Salnum að vanda. Lokahátíð skapandi sumarstarfa fór fram í ágúst. Í september stóð Strategía fyrir ráðstefnu með yfirskriftina Hetjusögur úr atvinnulífinu og mennta- og barnamálaráðuneytið stóð fyrir kynningu á breytingum á aðalnámskrá leikskóla. Í október héldu Reykjavíkurborg og innviðaráðuneytið sameiginlegan fund um grænar samgöngur, Kvennakvöld KVAN var haldið að vanda og Samtök ungra bænda héldu ráðstefnu um stöðu mála í landbúnaði. Í nóvember hélt Tónlistarskóli Kópavogs upp á 60 ára afmæli sitt í Salnum, aðalfundur Samtaka sveitafélaga á höfuðborgarsvæðinu fór fram og hin árlega stuttmyndahátíð FÉLKÓ.
- þar af tónfundir Tónlistarskóla
- þar af List fyrir
- þar af æfingar Tónlistarskóla Kópavogs
Stjórn menningarmála
Soffía Karlsdóttir forstöðumaðurmenningarmála Skrifstofa stjórnsýslusviðs
Verkefna- & viðburðastjóri menningarmála
Elísabet Indra Ragnarsdóttir
Bókasafn Kópavogs Aðalsafn & Lindasafn
Lísa Zachrison Valdimarsdóttir forstöðumaður
GerðarsafnListasafn Kópavogs & Náttúrufræðistofa Kópavogs
Brynja Sveinsdóttir forstöðumaður
Kynningar- & markaðsstjóri menningarmála
Íris María Stefánsdóttir/ Vigdís Másdóttir
Salurinn
Axel Ingi Árnason forstöðumaður