Mak 9-10/12

МАКoff 12 МАКoff 13: ОКОНЧОВАТЕЛЬ ДЛУЖНОСЦИ

МУЛТИМЕДИЯЛНИ КУЛТУРНО-ПОЛИТИЧНИ ЧАСОПИС ЗА МЛАДИХ

ЧИСЛО 9-10 / СЕПТЕМБЕР – ОКТОБЕР 2012 / ЦЕНА: 100 ДИНАРИ 1 > MAK 7-8 2012

Cover: Дарян Гарди

ЗМИСТ

03 ПАРВАТИ: РЕЦЕНЗИЯ 04 ШУКС: ДИКЕЙН

05 ДИКЕЙН: ИНТЕРВЮ 08 САШКА: ВФ12 10 СЕНКА: КЛИП

11 РОБЕРТ: ШТРЕБЕРЕ 12 РОЙКО: ДИ-ДЖЕЇНҐ

14 АЛЕКСАНДРА: SUM 41 15 ЦЕЦИЛИЯ: ЕСЕЙ

16 АНАМАРИЯ: АКЦИЯ

18 МАЯ: ПРЕҐУН ИНТЕРВЮ 20 МИХАИЛ: ЕСЕЙ 21 ЯКИМ: ЕСЕЙ

22 ЗДЕНКО: ЕСЕЙ

23 ШОКЕЦ: ОГЛЯДНУЦЕ

УВОДНЇК Мултимедиялни часопис МАК, фактично, цали рок будзе означовац 40-рочнїцу публикованя. До конца рока нам у плану видац два кнїжки – найстаршого и наймладшого творца литератури, як мултимедиялни додатки часопису МАК. Обидвом автором то будзе перша кнїжка. У тим чишлє опубликована збирка поезиї, єдного з першимах урбанимах авторами, Мирона Джунї – "Моєй желєновласей ехо", а у децемберским чишлє провокативни роман у приповедкох "побунєней" тинейджерки Александри Живкович – "Горор за принцези". Тото число, як и предходне, ушорене з помоцу студенткох Одсеку за медийни студиї – Маї Зазуляк, Сенки Надь и Цецилиї Надь, котрих уж оправдано можеме наволац – "помоцнїки помоцнїци редактора".

_МАК Мултимедиялни културно-политични часопис за младих

Насловни бок: Дарян Гарди робота Eefje

www.makmagazine.rs Facebook: MAK MAGAZINE mak.magazine@gmail.com

Фото: Анамария Недич Мелания Станойкович (ВФ)

Число 09-10/2012 септембер – октобер

Видава НВУ "Руске слово" Булевар ошлєбодзеня 81/VII 21 000 Нови Сад

Директорка: Мартица Тамаш Одвичательни редактор: др Борис Варґа Дизайн и компютерски обробок: Иґор Орсаґ Лекторка: Блажена Хома-Цветкович

Жиро рахунок: 160-923244-82 Интеза банка, Нови Сад Редакция МАК-у преклада тексти зоз других язикох. Рукописи нє врацаме. Друкує "Maxima graf" Петроварадин

CIP – Каталогизација у пубиликацији Библиотека Матице српске, Нови Сад 008+32(=161.2) (497.113) MAK : културно-политични часопис за младих / редактор Борис Варґа. – Рок 1, ч. 1 (1972) - . – Нови Сад : Руске слово, 1972-. – Илустр. ; 28 cm ISSN 0350-8080 COBISS.SR-ID 15945730

[ ДОБРИ МИРОН И ЗЛИ ФРОЙД ]

> Лариса Оноди Парвати рецензия кнїжки о.д. Мирон Джуня Моєй желєновласей ехо

+ + + Як цо каждого уметнїка провадзи демон, котри го женє же би на тим швеце правел с... и творел уметнїцки дїла, так ше и споза доброго Мирона

И як цо кажди поета свой нукашнї нємир муши на папер 3 > MAK 7-8 2012

записац, так и Мирон свойо намаганя и обаваня озда лєгчейше прежил кед их на папер положел. Чи шицки "знаю", чи лєм тоти двоме цо по улїци коло нього преходза? Чи є християн, чи будист? Посцигнул єдинство души и розуму? Док є у Керестуре, нїґда то нє дозна, бо го валал трапи и дави, а душа шнїє Австралию, Лондон, Китай, Фиренцу, нєбо и ангели – шицко, лєм нє Керестур, органїчени, викрохмалєни и завидни... Розчаровани осемнацрочни Мирон котрого ше одрекли родичи, бо є нє дзецко котре обчековали, церпи и наздава ше же раз, єдного дня упозна самого Мистер Джизс Крайста, алє нє, мили єден, же би ши то поробел, перше ше курталовац своїх

Уранох, Лилитох и Фройда котри це на грих наводза! През поезию младого Мирона прецагує ше думка же ше до того живота пошпоцел и же ту нє припада, же би сцекнуц даґдзе дзе ше будзе дзечнє зоз посцелї ставац и же би уж раз претаргнуц самсару и до нирванаи ше зачириц. Так думал кед му осемнац роки було. Чи таки пошпоцени до живота по тераз спознал же божество вшадзи коло нього, та аж и у Керестуре, нє знам. Алє вшелїяк сконтал же векшина з нас нє дзеци яки нашо родичи жадали и хторим ше наздавали. Бо, нє виберали вони нас, алє ми їх.

Art: Дариян Гарди

+ + + Як цо каждого уметнїка провадзи демон, котри го женє же би на тим швеце правел с... и творел уметнїцки дїла, так ше и споза доброго Мирона шпота зли Фройд. И док добри Мирко у єдней хвильки уфарадловани плєє бабову заградку, Фройд задумує зруйновани и збомбардовани Керестур, зровнани зоз жему, же би нїґда нє воскрес. Исти тот Керестур у котрим є нєлюбене сеґинятко и у котрим ше родичи и други плєтки питаю же "прецо Мирон нє ма дзивку"? Престрашени Мирон вец ше скрива споза Фройда котри им грожи зоз веселу забивачку и смертельним амонияком.

[ ЗДИХИ ЧАСУ – DECAYIN’ И МИ ]]]

> Иван Медєши Огляднуце на албум "Розпяти ангели" ґрупи Decayin’

+ + + Шейсц писнї, напалєни на тим ношачу звука, би цалком могли прейсц коло даяких велїканох того жанру

квалитетни, кореньови, чежки метал котри дефинитивно може засмачичиц єдного любителя доброго, сирового, жридлового метал звука. Слухатель нє муши буц Руснак и нє муши буц родзина тим цо участвовали у тим продукту. Єдноставно, виданє може обчековац конзумиранє з боку одредзеней цильней ґрупи, а то особи котри любя добри метал звук, а так би вше и требало поставяц ствари, бо то на концу и найважнєйше. Сцело ше направиц добри метал албум – направело ше. Хто нє люби метал, годно буц нє за ньго. Алє то нє важне. Суицидне би було правиц метал виданє котри би требало прейсц при публики, поведзме, Explosive stage на Еґзиту и публики на "Ружовей заградки". Но, понеже при нас єст вецей тих других, годно буц велїх цо ше зґадза над виданьом, або похвали истого. Но, я заш лєм думам же ше исти нє буду вельо трапиц зоз тим и лєм компакт "одложа" на бок.

Кед зоз дащим руска култура може висц пред швет, то може зоз дотиканьом двацетого, або аж и двацецпершого вику. Праве тота пенетрация до обидвох ше случела зоз видаваньом у прешлим чишлє часописа МАК мултимедийного додатку, албуму геви-метал ґрупи Дикейн. Часто ше поставя питанє слабого конзумованя рускей култури, а то уж и благоретардираному ясне же то пре єй застраньованє, у чимшик цо нє ма дотик зоз реалносцу и терашньосцу. И прейґмирного повторйованя истих змистох, у тим случаю, традициї котра насправди нїкому нїч нє виновата, алє и кед би ше, поведзме, кажда манифестация верцела коло MTV и VH1 музичних гитох зоз, напариклад, 80-тих и то би допило, як и шицко цо допиє кед ше до стоєдней повторює. Албум ґрупи Дикейн на перше слуханє сом преслухал два раз и ту ше такой родзели идеї о нужносци писаня похвали о нїм. Насампредз, роби ше о вельким ошвиженю за шицко цо ше при Руснацох случує, а случує ше тото же даскельо ентузиясти и даєдна манифестация кельо4 > MAK 7-8 2012

тельо отримує у полуживоце и полу постояню якуш кельо-тельо живу, блїзшу реалносци и тому цо ше у шветових цекох случує, културу и вираз, чи то у питаню музика, подобова уметносц, або литература. Шейсц писнї, напалєни на тим ношачу звука, би цалком могли прейсц коло даяких велїканох того жанру. Шмели сом повесц же би писнї витримали поровнац ше и нє вельо заостац за класками зоз того жанру, як наприклад албуми "Chaos A.D." бенда Sepultura, "Vulgar display of power" ґрупи Pantera, а можебуц аж и албумами ґрупи Slayer и так далєй. Но, кед же то прейґмирна похвала, заш лєм думам же зоз такима композициями би цалаком могли висц на бину на єдним вечару, дзе би зоз спомнутима ґрупами винєсли цаловечарши програм и нє обачел би нїхто же там дакому нє место. Виданє ма нїтку котру покус и сам шветови метал траци остатнїх рокох. Слово о тим же метал музика вецей нїч нє нове 2012. року и нєшка обстали лєм ридки наймоцнєйши, дзекуюци квалитету, и други котрих єст гет вецей, дзекуюци медийом (нпр. спомнутим VH1 и MTV), а то койдзеяки "металчки" котри вецей маю вязи зоз Джастин Бибером як зоз Venomom, a тото виданє то праве єден прави,

Даскельо таки успишни виданя, поведзме, дас три – у музики, у литератури, подобовей уметносци, театре и у двацетим-двацец першим вику зме. Лєм, як и вше, постої єден проблем: кому най ти то приповедаш, чловече?!

[

ГУ ГУМАНОСЦ З МЕТАЛУ ]

> Интервю зоз лидерами ґрупи Decayin’ Йоакимом и Петром Дудаш

Метал ґрупа Decayin’ у прешлим, ювилейним, чишлє часописа МАК обявела компакт диск на руским и анґлийским язику, под назву "Розпяти ангели". Дикейн то нємецка ґрупа, котру у основи творя двойнята Йоаким и Петро Дудаш, котри у Нємецкей розени, алє жили шейсц роки у Руским Керестуре и пред войнами у Югославиї, початком дзеведзешатих рокох, емиґровали назад до Нємецкей. Тинейджерски бенд ше розвил до солидней метал ґрупи котра наступала вєдно зоз познатима менами металу, як Монстросити (ЗАД), Катаклисм (Канада), Флешкравл и Акюзер (Нємецка), Вадер (Польска), а мали и свойо власни турнеї по Заходней Европи. Дикейн видали пейц демо албуми Crises (1998), Take a Lick of the Pain (2000), Battlefield Earth (2001), Silence from Within (2005), а "Розпяти ангели" им перши албум на їх мацеринским язику. Прецо назва ґрупи Decayin’? + Петро: Кед зме мали 1516 роки и почали грац на ґитари, то було коло 1994. року, вше кед зме запалєли телевизор, лєм ше видзело шмерц – у Руанди, Босней, итд. Раз на телевизиї указали єдну слику, нє паметам вецей зоз хторей 5 > MAK 7-8 2012

держави, мертви дзеци котри "гнїли" на калдермох, бо их нїхто нє могол поховац. Теди зме перше здумали назву Decayed Faces, алє после даскелїх дньох зме ришели же лєпше Decayin’, цо значи "гнїце", лєбо "розпадованє". Мотив бул тото цо зме видзели. Розпадованє людских мертвих целох на калдермох по швеце. Видзели зме на Фейсбуку (явни профил: MAK MAGAZINE) же проєкт по руски "Розпяти ангели" досц лайковали зоз Нємецкей. Як людзом у Европи звучи метал по руски? + Йоаким: Наисце? Нє обрацали зме увагу на Фейсбук. У ствари, приятелє и бувши члени Дикейн знали же робиме на новим материялу, а после знїманя зме им послали писнї и так дзепоєдни, у Нємецкей и Луксембурґу, чули нови материял. Потераз зме добили лем

Foto: Марияна Павлович позитивни реакциї. Сиґурно же то дзвига мотивацию, алє мнє найвецей хиби неґативни одгук. Лєм з добре арґументованима критичнима реакциями на будуцих проєктох мож одклонїц нєдостатки. Цо ше язика дотика, вообще славянски язики Нємцом "твардо" звуча. Алє, чи то пре руски язик, чи у комбинациї з музику, особи хтори чули албум, пачел ше им язик. Поготово же були нєсподзивани же, у їх ухох, єден славянски язик може и нїжно звучац. Алє то насампредз дзекуюци Санї Полдруги. + Петро: Послал сом албум пайташом до Румуниї и до Шпаниї же би послухали знїмки и барз були одушевени. Пайташ зоз Румуниї ше опитал же кеди будземе там грац. Други пайташ зоз Шпаниї перше гварел же нормално же ше му нє пачи метал музика кед є нє на анґлийским язику. Кед послухал бул нєсподзивани, пачел ше му язик, а вец о

Foto: Марияна Павлович

+ + + "Вихабени два-три композициї обявиме перше онлайн прейґ часописа МАК, а нови материял будземе вироятно и далєй робиц по руски..."

музики гварел – "You should be proud of yourselves". Зоз ваших текстох, котри рецензенти оценюю як квалитетни и филозофски, виходзи моцна нїтка бунту и закладаня за шлєбоду (та аж и на радикални способ) у нєшкайшим спреведлїволибералним швеце. Як ви двоме пишеце тексти? + Йоаким: Поняце "либерално" ("шлєбодно") нєшка барз деформоване. Шлєбоду маю лєм тоти котри маю пенєж, чи то поєдинци, або фамелиї, фирми, банки, мафия, вирски здруженя (церкви), або держави. Кед нє маш нїч, як поєдинєц, мушиш бавиц по правилох тих котри тоту "шлєбоду" маю и котри стваряю правила лєм за свойо интереси. По тим питаню ше правя закони котри под уплївом лобиистох и створени за їх хасен. Нормални роботнїк ридко кеди ма хасну од того. Наприклад, тото ше збува на Wall Street, або ище швижши подїї у Русиї зоз ґрупу Pussy Riot. На Волстриту себе направели правила же би ше могли коцкац, як у казину. Кед страца пенєж, вец беру од державох пожичку за барз нїзки камати, а, у ствари, од каждого жителя (чи на чарно роби, чи нє, бо кед купи дацо у предавальнї ПДВ ше вше плаци). А кед тот житель пойдзе до банки пожичиц пенєж, вец му наплаца 10-20 раз векшу камату. У Русиї тоти млади жени зоз Pussy Riot нїкого нє нападли и нїч нє погубели. Ту применєни закон хтори забранює "ванадлизем" у церквох, а вандализем ше може интерпретовац на велї способи... як у нашей писнї "Розпяти ангели".

6 > MAK 7-8 2012

Друге жридло текстох, то нєдостаток гуманосци у нас самих, цо описуєме у писньох "Human/Я, Канибал, я". Вельо раз, кед з пальцом указуєме на дакого же цо нє добре роби, у нашим самозалюбеним швеце ридко видзиме нашо власни дїла. Гоч думаме же ше бориме за прави и щири ствари, часто кед стваряме дацо нове котре би требало буц важне за дружтво, знїщуєме и тото добре цо нам на драги, о чим бешедує наша писня "Драга до моєй войни". Алє дакеди пременки муша почац, бо бизме як чловечество ище вше шедзели на конарох, а поготов у нєшкайшим чаше треба на пременкох робиц и розвивац их, цо зме описали у писнї "За нєшка досц". Зоз предходних информацийох познате нам же ґрупа Дикейн основана 1994. року у Котенгайму. Чи можеце описац як ше то случело? + Петро: Як клинци, любели зме слухац музику и пришла нам идея же бизме почнали грац. Купели зме ґитари и почали учиц. Вежбали зме после школи и пред спаньом. Пайташ Марк Шарнбах (Marc Scharnbach) купел бас ґитару и почали зме вєдно грац писнї од других ґрупох. Дзешка у новембру 1994. року у штреднєй школи сом упознал Томаса Шомиш (Thomas Schomisch), так же зме мали маїци од истей ґрупи – Содом. У бешеди сом дознал же вон грає на буґнох и, дзень пред Крачуном, 23. децембра 1994. року у пиньвици Томасового бачика зме мали нашу першу пробу. Грали сце зоз познатима менами як Вадер, Катаклисм, Монстросити, Акюзер. Кеди то було и на яких фестивалох?

+ Йоаким: То було барз давно. Тоти фестивали и концерти були медзи 1997. и 2002. роком. Алє углавном то було на турнейох тих ґрупох по Нємецкей. Теди зме у музики були найактивнєйши. После того периоду мали зме рижни нєприємносци у ґрупи. Так же ше у наших животох зявели други приоритети. Мали сце и, так повесц, медзинародни турнеї по Голандиї, Австриї, Белґиї и Луксембурґу. Як випатраю металски турнеї у Заходней Европи? + Йоаким: Кед ши мала ґрупа, та ци то вироятно випатра як кед биш грал по державох цалей бувшей Югославиї. Перше мушиш орґанизовац концерти зоз локалнима ґрупами и догвариц ше о пенєжу (або безплатне пице и єдзенє, кед нїч инше). Вец ше муши орґанизовац превоз и же би ше на концу закончело на позитивней нули. Углавним, тарґовище металскей сцени барз полне. Чи мож заробиц у ЕУ зоз такей файти музики, чи то за вас лєм гоби? + Петро: Заробиц? Як и у каждей роботи, и до музики ше муши укладац. Лєм тота робота дакус иншак випатра як цо себе задумую людзе, котри нє маю дотик зоз музичну индустрию. Кед уметнїк дацо створи, то би ше мушело одредзеней публики и пачиц. Треба и у такей файти музики вельо дисциплини у роботи и нє лєм за компонованє писньох. Кед ше роби плански и кед маце щесца – мож себе створиц проєкт зоз котрого мож и жиц. За нас то лєм гоби. Будзем щири и припознам же ми нє мали

тельо щесца же бизме тото могли робиц як ремесло, алє то завше останє красни гоби. + Йоаким: Наисце мож заробиц, кед маце щесца и потрафице смак публики. Алє понеже єст барз вельо ґрупи у тим музичним жанру, то очежує "щесцу" и менша вироятносц же би ше потафело смак маси. Як випатрало знїманє албума "Розпяти ангели" у Нємецкей и Руским Керестуре?

Метал ґрупа Decayin’ у октобру 2011. року донирала 70 предплати часописа МАК младим, до местох дзе сучасна уметносц по руски поєдинцом нє барз доступна, а то до Ґосподїнцох, Нового Орахова, Бачкей Тополї, Суботици, Сримскей Каменїци, Бачинцох, Беркасова, Бикичу, Шиду, Сримскей Митровици, Петроварадину, Беоґраду, як и по местох у Горватскей дзе жию млади представнїки бачванско-сримских Руснацох. Спрам словох Йоакима и Петра Дудаш, тота донация представя гумани ґест и помоц сународнїком котру вони сцели додзелїц, як креативци, спрам рускей сучасней култури и дзецом котри жию по мишаних штредкох, оддалєних од векших центрох рускей култури.

7 > MAK 7-8 2012

+ Петро: Кимо на тим проєкту найвецей робел, а и ґу тому вон ма опрему за знїманє та зме ше, углавним, у ньго стретали у Нємецкей, у Андернаху. Дакеди було вельо идеї, а дакеди зме мушели глєдац инспирацию и креативносц. У Нємецкей зме знїмали, углавним, ґитари и програмовали буґни. Шицко то мож поробиц у квартелю, без знємирйованя сушедох. Сашо Палєнкаш нам барз вельо помогнул коло знїманя у Руским Керестуре. Дал нам змесценє и могли зме зняц вокали и на мире робиц. А найвецей нам помогнул у ґраматики и виражованю по руски. То ме здогадло як кед бим бул знова у рускей школи и опитал ше учительови, або наставнїкови: "Модлїм Вас панє Палєнкаш, можеце опатриц чи сом тото добре написал?". Нєшка Дикейн концертни, чи студийски бенд? + Петро: Дикейн нєшка студийски бенд, бо зме були барз завжати зоз роботу, а Кимо мал ище и факултет. И, поправдзе, чежко найсц людзох з котрима мож озбильно робиц и котри маю дисциплину, а ґу тому

каждого нового ше муши учиц з початку. То нє вредзело, бо после двох мешацох даєдни нє мали волї присц на пробу. Проба озбильна активносц, то нє зезанє. Нє твердзим же нїґда нє будземе з бендом дацо робиц, алє кед ше найдзе даяки интересантни проєкт – чом да нє. Наприклад, таки сотруднїцтва як зоз Саню Полдруги на писнї "Я, Канибал я" могло би ше предлужиц. Яки перспективи и плани? + Йоаким: Робота на албуму "Розпяти ангели" була досц напорна, бо зме нїґда по теди нє робели по руски. А приблїжовал ше термин обявйованя, мушели зме вихабиц два-три нєзакончени композициї. Док их закончиме, обявиме их перше онлайн прейґ часописа МАК, же би були "free to download", а вец и на других местох на интернету. После того, кед будземе знїмац нови материял, будземе вироятно и далєй тексти писац по руски. З єдного боку, прето же ше нам пачело як писнї на нашим мацеринским язику звуча, а з другого боку, вшелїяк, и пре позитивни одгук на наш язик. А треце – же би ше у руских писньох нашла и друга тематика и терминолоґия, а нє як по тераз "я це любим, ти мнє любиш", або, "йой як би ше я оженєл, або одала", итд. Сцем повесц, же тексти у писньох у народним духу звуча як тоти зоз 1930-тих, а тексти забавней музики одприлики як писнї 19601980-тих рокох. Алє, помали ше и ту дацо руша – Crazy Cusins, Сашо Палєнкаш, у литератури Иван Медєши. Цошка ше случує... За нєшка досц...

[ ВФ12 – КЕРЕСТУРСКИ ЕҐЗИТ ] ] [ ВФ12 – КЕРЕСТУРСКИ ЕҐЗИТ [ ВФ12 – КЕРЕСТУРСКИ ЕҐЗИТ ]

"УБЕДЛЇВО" НАЙДАГША ПОТЕРАЗ Єден з главних орґанизаторох ВФ12 Владимир Чизмар виявел же тогорочна Водова була "убедлїво" найдрагша: – ВФ того року коштала вецей як 3,5 милиони динари. Гедлайнере однєсли найвекшу часц розходох. Фестивалу помогли: локални спонзоре хтори вєдно назберали вецей як 50. 000 динари, Месна заєднїца Руски Керестур дала 80.000 динари, зоз буджета Општини Кула 150.000 динари, Завод за културу войводянских Руснацох 150.000 динари и Национални Совит Руснацох финансовал фестивал зоз скоро 500.000 динари. Остаток трошкох покрите зоз динарох котри заробени зоз предаваньомя пица, хторе того року анї нє прешло найлєпшє. Ґенерални спонзор фестивалу була пивара "Туборґ". Тиж так и од предатих картох зме достал вецей як 500.000 динари. Обецана потримовка и АП Войводини и ДОО "Яворник", и то вецей стотки тисячи динари, а на хтору ище вше чекаме – толкує Чизмар.

8 > MAK 7-8 2012

> Александра Живкович Водова Фест, Руски Керестур 2012. рок

+ + + Тогорочни Водова фест до Руского Керестура прицагнул на єдно место коло 4 000 людзох, голєм на два днї. Главна бина, моцни гедлайнере, електро, реґе и драмен-бейс стейджи на керестурским базену 19. и 20. юлия робели до ранших годзинох Прегварки зоз наймоцнєйшим бендом Hladnо pivo почали ище у новембру 2011. року. Конєчни лайн-ап ше знал аж у марцу, пейц мешаци познєйше. Теди орґанизаторе знали же, окрем тей горватскей панк ґрупи, наступя и Eyesburn и беоґрадска швижо ампутирана рука Сатрияния – S. A. R. S. Окрем нїх на главней бини наступели ище и Sopot

зоз Босни и Герцеґовини, Azra real tribute band, Nevergreen, Za dž, Lost Paris tapes. Потим, домашнї Crazy Cousins, як ище велї други бенди хтори ше сцели указац на тим "керестурским еґзице". [ НОВОСЦИ НА ВФ12 ] Окрем потераз наймоцнєйших гедлайнерох, тогорочна ВФ12 ше розликовала од дотерашнїх по он-лайн предаваню картох. Тота инвестиция помогла же би людзе зоз других местох лєгчейше дошли до картох, алє и же би ше вецей могли информовац о самим фестивалу. Понуканя ту нє преставали. Кед ше поручело карту за фестивал прейґ интернету, заинтересовани

могли резервовац место у кампу на самим базену, а тиж и парти-путованє зоз Нового Саду на "Спейс Моушн парти ладї". Так ше пияток од поладня, 19. юлия, помали почали зазберовац кампере хторих за обидва днї фестивалу було коло 70. Були два места за кампованє, єдно при главней бини и мото кампу, а друге у хладку котре Месна заєднїца покошела и дакус розкерчела. З тим же окрем базену, на хторим було забранєне купанє, (гоч ше тото правило нє так почитовало) и малого чопа котри роками стої на базену, места за ошвиженє и купанє нє було. Можеме заключиц же голєм єдна туш кабина сиґурно хибела. У

пополадньових годзинох пияток пришла и ладя, зоз хторей ше чули електро-гаус звуки и одразу вилєцели коло 75 млади души, розположени, алє и од драги вистати досц людзе. Ладя рушела на дзевец годзин рано, цо значи же ше тота екипа вєдно зоз посаду на ладї, ди-джеями, куфрами, камперску и ди-джей опрему зоз Нового Саду вожели осем годзини по найвекшей горучави. [ ВОЛОНТЕРСКИ КАМП 2012 ] Предсидатель орґанизациї Пакт Рутенорума и єден з

орґанизаторох ВФ12 Владимир Чизмар, за МАК гварел же тогорочна орґанизация ВФ була вельо лєпша як предходни: – Прешлих рокох, даскельо днї пред фестивалом велї людзе з орґанизациї ше вадзели и були барз нервозни, цо ше того року нє случело. Шицко було покончене два днї пред фестивалом, окрем малих дробнїцох. Правда же зме велї ствари "у ходу" зредзовали, алє нє було вельки проблеми – толкує Чизмар. Ушорйованє простору за фестивал почало тидзень пред отвераньом "капурох фестивалу". До того були 9 > MAK 7-8 2012

уключени Месна заєднїца, заняти зоз "Ян аудио" хтори монтировали бини, намесцали озвученє и контроловали го под час шицких наступох на главней бини. Им помагали и анґажовани технїчаре на ВФ12, хтори попри шицкого ище правели и сценоґрафию за реґе и драмен-бейс бину. Ушорйованю фестивалского простору помогнул и традицийни Волонтерски камп котри ше каждого року отримує праве пред ВФ, на котрим волонтере попри главней обовязки ушорйованя автобусних станїцох и их

орґанизатор лайн-апу за драм-ен-бейс бину хтори, як гвари, задовольни зоз Водову и нащиву людзох на тим стейджу, алє чека шлїдуюци рок же би посцигнул ище лєпши резултат.

– Нє мам вельки неґативни замеркованя цо ше дотика ВФ. Каждого року зме вше орґанизованши. Проблем бул же всоботу цали дзень стала ди-джей опрема без надпатраня хторе, заш лєм, требало обезпечиц. Тиж так ми ше видзи же зме могли на тим стейджу мац вецей струї прето же нам озвученє було

украшованьох зоз рускима мотивами, каждого року порая и базен. Волонтере ушорйовали базен и позберали шмеце хторе ше першого вечара знова назберало – вироятно и вецей як цо го пред тим було. Всоботу ше зберало лєм вельки одрутки, фляши, погари и папери, док други одпадки остали пре нєможлївосц анґажованя волонтерох и други дзень.

досц слабе, а и нє могли зме направиц декорацию яку зме сцели прето же зме нє мали можлївосц поукапчовац шицки шветла хтори зме плановали. Медзитим, диджейове и їх ем-си-йове презадовольни и одушевени як зоз их наступами, так и зоз атмосферу цалого фестивалу – гварел ди-джей Бозне.

[ СИҐУРНОСЦ И УПЕЧАТКИ ОРҐАНИЗАТОРОХ ] На ВФ робели коло 200 людзе, а 26 були орґанизаторе – стейджох, финансийох, промо журкох, шанку и обезпеченя. Єден з нїх и Бранимир Боянович, познати як ди-джей Бозне,

На ВФ була присутна и швидка помоц, Огньогасне дружтво зоз Руского Керестура и полиция хтори нє мали вельо роботи. Окрем даскелїх интервенцийох з боку полициї, ВФ прешла мирно.

> Сенка Надь Филм – приказ Домашнї филм "Клип" инспировани зоз сценами насилства и секса на Youtube

[ ОБЛЮБЕНИ И ОМЕРЖЕНИ ]

+ + + Од премиєри у априлу 2012. року, филм "Клип" у Сербиї виволал вельки полемики фаховцох и гражданох на интернет форумох. Реакция цалком обчекована, з оглядом же тота драма обрабя тему у хторей ше подрозумює же буду заступени сцени секса, дроґираня, опиваня и деликвенциї Шокантне и сензационалне – то прави слова зоз хторима мож охарактеровац тото домашнє витворенє у режиї дебитанткинї Маї Милош. Филм цалком мож препоручиц родичом хтори сцу закукнуц до швета тинейджерох и дознац цо млади нєшка слухаю, та як ше препровадзую на варошу, а младим кед сцу одпатриц порно филм хтори би требал буц дружтвено прилаплїви, з оглядом же го потримали и финансовали Министерство култури Републики Сербиї и город Беоґрад. Окрем констатациї же "Клип" дефинитивно нє прикладни за малолїтни особи, спорне 10 > MAK 7-8 2012

праве тото же главну улогу бави дзивка хтора под час знїманя филма (2010. року) мала лєм 15 роки, без огляду же надпомнуте же малолїтни особи нє участвовали у сценох експлицитного сексуа. Було би интересантне знац як "Клип" доживюю хлопи, прето же, поправдзе, мнє як жени було досц чежко го патриц. Филм провадзи живот єдней беоґрадскей штредньошколки Ясни (Исидора Симионович), чия фамелия преходзи през чежки период пре озбильну оцoву хороту. Же би забула на ситуацию дома, вона почина експериментовац зоз дроґу и алкоголом. Главна ґлумица ше, по правилу, залюбює до такволаного "bad boy". Вони двойо би требали представяц пар, медзитим вон ю вообще нє почитує, а под час филма скоро нє бешедую и нє комуникую нї на яки други способ, окрем же ше сексаю. Попри "наруцаних" кадрох експлицитного секса, у шицких можлївих видох и позох, филм нє ма бог-

зна-яку фабулу. З другого боку, социялна тематика филма барз интересантна и у нєшкайшим чаше окреме важна, прето же наисце порушує роздумовац о тим, цо дахто порихтани поробиц же би ше чувствовал прилапено и любено. Реалистична приповедка о живоце и одрастаню младих у жеми хтора у транзициї причина прецо "Клип" потераз мал замерковани успих на филмских фестивалох. Медзитим, окрем приказу способу живота нєшкайшей младежи, хиби поука хтору по сам конєц нє мож "превалїц". Питанє же яки пошлїдки филм вивола, чи ше адолесценти буду упатрац на беоґрадянских штредньошколцох хтори ше "шоря" по школских ве-цеох и кажди дзень "розбиваю" од алкоголу, чи ше, можебуц, опитаю по якей драги их одведзе таки способ живота? З оглядом на реакциї у Сербиї, интересантне же филм "Клип" мал замерковани успих у иножемстве: > Ротердам – награда "Златни тиґар" за найлєпши филм, > Вильнур – Исидора Симионович преглашена за найлєпшу женску улогу, > Брисел – найлєпши дебитантски филм, > Мотовун – найлєпши филм у реґиону.

[ "ШТРЕБЕРЕ" ВАС УЧА MATE ФИЗИКУ ]

> Роберт Джуджар Гумористична серия хтора популаризує науку

+ + + Як ше виглєдує? Яки проблеми маю науковци? Цо то Доплеров ефект? На тоти и велї други питаня о котрих тераз анї нє шнїєце, достанєце одвити през шмих Нєшка на телевизиї можеце наисц на вшелїяки сериї и вибрац дацо цо за вас прикладне. Предложел бим вам гумористичну серию котра пред пейцома роками пришла до вираженя и здобула вельку популарносц у швеце и достала вельке число наградох. Серия "The Big Bang Theory", хтора у нас преложена як "Штребере", на єшень будзе мац премиєру шестей сезони. Прецо вона окремна? У сериї Пени, дзивка скромного образованя, ше уселює до нового квартелю и упознава своїх сушедох. Роби ше о двох физичарох, ґениялцох, котри жию штреберски живот и маю двох пайташох хтори вєдно з нїма робя, та су там уж як домашнї. Ленард експериментални физичар котри жада мац дружтвени живот, Гауард инженєр и єдини медзи нїма хтори нє ма докторат, Раж астроном котри нє може бешедовац пред дзивками, а Шелдон теорийски физичар и цалком є асоциялна особа. Шицок гумор сериї засновани на мишаню наукового швета и науковцох зоз каждодньовим 11 > MAK 7-8 2012

"обичним" шветом. Познєйше ше до сериї уключую два дзивки: Бернадет, микробиолоґиня – мала, шумна, полна з любову и Ейми, неуробиолоґиня – котра ше по своїм справованю виєдначує зоз Шелдоном. У каждей епизоди надосц заступена наука котра обмотана зоз медзисобним нєрозуменьом, цо патрачом забавне и шмишне. Медзитим, нє шицко то таке шмишне прето же ше режисере "Штреберох" нєпреривно консултую зоз правима науковцами, так же шицка наука у сериї правдива и сучасна. То добре, прето же патраче на интересантни способ можу научиц вельо того през жартовлївосц, а тота серия представя єдно нове и моцне орудиє за популаризацию науки. Вшелїяк же вас после першей епизоди зацикави опатриц и шлїдуюцу и шлїдуюцу и готове – ви поставаце

фан. Пени полюбице пре єй єдноставносц и моцни характер; Ленард вас шармира зоз своїма експериментами сучасней физики; Гауард вам укаже як ше шармира (безуспишно) дзивки; Раж вам подароує знанє о индийскей култури и укаже на тайни Вселени. Верим же найбаржей будзеце уживац у Шелдоновим нєпохопеню того швета "звичайних" людзох, нєпохопеню сарказма, а укаже вам як то випатра жиц по правилох и у подполней орґанизованосци. З часом серия достава вше векшу популарносц, цо и заслужує (нє хвалїм ю лєм прето же сом по образованю физичар, алє знам и по реакцийох од своїх товаришох котри зоз жажду чекаю нову епизоду). Уживайце у сериї и спознайце же наисце "Smart Is The New Sexy"!

[ МУЗИКА - НЄЗАОБИХОДНА ЧАСЦ МОЙОГО ЖИВОТА ]

Америцки науковци дошли до одкрица же слуханє музики лєм єдну годзину на дзень може у велькей мири зменшац боль при хорей особи з хронїчним больом у крижох, а виглєдованя канадских науковцох гваря же мали дзеци хтори здобуваю музичне образованє, маю лєпше паметанє и лєпшу способносц ученя.

12 > MAK 7-8 2012

+ + + Слуханє музики и, так повесц, сцеканє од реалного швета, нєшка представя єдну каждодньовосц при младих. Музика служи як даяке средство з помоцу хторого ше можеме опущиц, ублажиц стрес, боль, страх и забудз на бриґи хтори нас окружую За мнє, музика – шицко. Музика мой живот. Музика тото цо ме порушує, будзи дзеку и дава моц. Вона ме ґура напредок и виполнює. Просто поведзено – музика мой лїк за душу. Мойо интересованє, або мой гоби, то праве ди-джеїнґ. Саме слово DJ, або дискджокей означує особу хтора вибера и пуща музику за публику. Моя робота праве тота – пущац добру музику и преношиц позитивни вибрациї на других. Зоз ди-джеїнґом ше занїмам од 2010. року. З початку сом робел зоз найєдноставнєйшу форму електронскей музики, односно зоз house музику.

House представя єдну файту музики хтора ше першираз зявела у Чикаґу 80-тих рокох, зосз миксованьом диско музики 70-тих рокох. Главна характеристика тей музики то 4/4 такт, вдеренє бас буґнох на кажду штварцину (four to the floor) и вдеренє добоша на кажду другу штварцину. Темпо, односно швидкосц house музики ше углавним руша од 118 до 135 BPM (Beat per minute).

> Борис Ройко Увод до ди-джеїнґа

Зоз house музику сом ше мал нагоди представиц у рижних валалох и варошох ширцом Войводини, як цо то Кула, Липар, Вербас, Нови Сад, а вшелїяк и у своїм милим валалу, Руским Керестуре, одкаль походзим.

DRUM AND BASS Попри house музики, цикавели ме и прицаговали, так повесц, зложенши форми електронскей музики, як цо то drum and bass, dubstep, drumstep и велї други. После одредзеного часу здобул сом одредзену схопносц у тей роботи и почал сом пущац и другу файту такей музики, точнєйше drum and bass. На тоту идею перши пришол мой барз добри приятель Бане Боянович, хтори ми бул и главни учитель, ментор, у тей роботи и хтори ми од самого початку давал совити и потримовку. Drum and bass представя файту електронскей музики хтора ше на початку волала jungle и хтора ше першираз зявела початком 90-тих рокох. На початку ше, углавним, под jungle музику подрозумйовал пошвидшани breakbeat зоз семплами реґе и гип-гоп музики. Нєшка ше уж прави розлику медзи jungle и drum and bass музику. Jungle ше хаснує за стару школу, drum and bass – за новши музични виданя. То полиритмична и зложена файта електронскей музики, темпа од 160 до 190 BPM и моцни sub-bass линиї.

Характеристика такей музики то нєпреривни и упечатлїви ритем буґнох зоз добру мелодию и моцним басом. РЕПЕРТОАР Drum and bass з часом постал єден жанр, хтори по моїм думаню, досц слухани у нашей жеми, а вельо вецей у швеце. З часом ше розвили велї поджанри тей файти музики: Drumstep, Drumfunk, Liquid Funk, Neuro Funk, Minimal Funk и велї други. Кед би ше ми опитали хтори жанр особнє любим слухац и цо мож чуц на моїх наступох, мой одвит би бул кратки и ясни: шицки и то пре вецей причини. Нє правим розлику медзи жанрами и нє огранїчуєм ше лєм на єден жанр, любим послухац кажду файту електронскей музики, а на своїх наступох ше намагам пущац цо вецей жанри и так направиц єдну цалосц, микс, хтори може прилапиц векшина публики. То тото цо би по моїм скромним думаню требали робиц шицки цо ше занїмаю зоз ди-джеїнґом, бо комбинация цо вецей жанрох на журки дава рижнороднєйшу можлївосц слуханя, а як резултат того то вельо векша нащивеносц самей журки и, вшелїяк, векши профит власнїка обєкта у хторим журка. Мож заключиц же шицко тото на даяки способ твори єден заварти круг у хторим кажде ма якиш свой интерес.

13 > MAK 7-8 2012

[ ВОЛАЮ ШЕ SUM 41 ]

+ + + То мой облюбени бенд. Слухам их уж даскельо роки. Вони з Канади и граю панкрок. Бенд основани 1996. року, а три роки познєйше подписали медзинародни контракт зоз видавательну хижу Island Record. Писня ґрупи Sum 41 "Fat Lip", зоз першого албума, сцигла на перше место Билбордовей лїстини модерних нумерох. Бенд ма вецей стотки наступи рочнє. Главни шпивач Sum 41 ше вола Дерик Библи (Deryck Whibley). Дерик народзени 21. марца 1980. року. Бул оженєти зоз познату шпивачку Аврил Лавинь (Avril Lavigne). Дерик, вєдно зоз Кармен Електру, ґлумел у филму ,,Dirty Love". На ґитарох граю Том Такер (Tom Thacker) и Джейсон МекКаслин (Jason McCaslin). Том народзени 11. априла

> Александра Русковски Представяме ґрупу Distance". Том люби явно наглашиц же є веґетариянєц. Други ґитариста Джейсон МекКаслин народзени 3. септембра 1980. року у Сиверним Йорку, у Торонту. Джейсон ше до Sum 41 приключел у новембру 1998. року, дзе грає на бас ґитари. Дерик му дал назвиско ,,Cone" прето же за полудзенок стално єдол сладоляд у корнету. Джейсон грає на ґитари од 14 рокох, а грал и у ,,ґаражним" бенду хтори ше волал ,,Second Opinion" . У Sum 41 на бубньох грає Стив Джош (Steve Jocz). Вон и шпивач Дерик були перши члени бенда. Джош народзени у Аяксу, у Онтарию, а дипломовал у "Exeter" школи. Пред тим як направели бенд, вон бул капитен плївацкого тима. Джош ше оженєл зоз шпивачку Джеси Мос (Jessy Moss), а

Killer No Filler" 2002. року бул номиновани за найлєпши албум, а 2004. року були номиновани за найлєпшу ґрупу. Истого року албум ,,Does This Look Infected?" бул номиновани за найлєпши рок албум, а албум ,,Chuck" 2005. року бул номиновани за найлєпши рок албум. За Grammy награду за найлєпши гард рок/метал наступ писнї "Blood in my eyes" були номиновани 2002. року.

Sum 41 достала награду Juno Award 2003. року за найлєпшу ґрупу року и Вуди (Woodie Award) 2004. року за вельки дружтвени уплїв. Ґрупа Sum 41 видала шейсц албуми. Особнє ше ми при нїх пачи скоро шицко. Супер граю и шпиваю. Добре ше облєкаю и маю супер фризури. Споти им гумористични, алє источашнє и квалитетно зняти.

Албуми Sum 41: Half hour of power (2000. року), All killer no filler (2001. року), Does this look infected? (2002. року), Chuck (2004. року), Underclass Hero (2007. року), Screaming Bloody Murder (2011. року). Мой вибор найлєпших писньох Sum 41: 1. Fat Lip 2. In Too Deep 3. With me 4. The Jester 1977. року у Ланґлию, у Канади. Його полне мено Томас Арнолд "Toм" Такер. Вон источашнє и ґлумец, а ґлумел у филму ,,Going the 14 > MAK 7-8 2012

прешлей яри ше им народзел хлапец и дали му мено Овен. Ґрупа Sum 41 и їх виданя були номиновани и достали вецей награди. Албум ,,All

[ МОЙО ДУМКИ, А ЙОГО БЕШЕДА ]

На концу сом моцох и пре тоту професорову бешеду котра ме наводзи на депресию. Його глас паре мойо уха, док ше вон нам намага наруциц же бизме го провадзели. Тоти його попатрунки и рухи спомалшени, пре роки хтори пришли, нагадую ми же вон ту наисце сце шедзиц и же ше цеши у своїм знаню и моцни хтору ма над нами. Резаце и параюце шкрипанє крейди по табли зобудзи шицких нас цо плїваме далєко у думкох. Нїґда нє пишем дньовнїк. Нє потребни ми є. А, прецо вец тераз шкрабем по паперу и давим саму себе?

15 > MAK 7-8 2012

Сцем пойсц дому и зруциц зоз себе бруд, а вец ше розцагнуц и забудз на шицко. А, дзе ти? Потребне ми препущиц ше рухом любови. Скрито патрим на шицких, жадам, видзим шицко цо хиби, при каждому найдзем дацо погришне. И ознова чежки професорово слова круца ше ми по глави. Диґресия, револуция, капитализем. Я нїч о тим нє знам. Аж анї нє сцем знац дацо вецей. Одґуруєм знанє од себе и препущуєм ше цикавшим стваром. Ей, най ме ущипнє дахто! Пребудзим ше, то сон, а я у нїм главни актер. Пребудзим ше у твоїх рукох. Будзем облапена.

> Цецилия Надь Есей – роздумованє

И док пробуєм сцекнуц од чежкей реалносци, роздумуєм и наганям саму себе на чарни думки, ґу тому, пододавам нєпотребни чувства и вец себе загорчуєм каждодньовосц. Припознавам, нє вредзи самого себе трапиц, за тото ше постараю други. Алє, боїм ше. Кед заврем очи, цо кед ше индзей пребудзим? И вец постанєм тота цудза. Професор, престаньце, наисце вецей нє можем провадзиц вашу бешеду. Нагнали сце ме най ше страцим у морю власних думкох.

МЛАДИ ВОЛОНТЕРЕ: [ 10 ДО 7 ] Ґуґлуй – 2102ajickA

Кед станєш на 7 годзин рано, точно сцигнєш на автобус. Алє кед станєш на 5 до 7, маш часу ище отвориц облак и так глїбоко удихнуц воздух, же ци ше цали плюца напню и почувствуєш же, гоч ши виспани дас 70 одсто, кажада мускула у твоїм целу ма моци, а цо нє можу мускули – вицагню твойо жили. Потим маш часу видихнуц шицок тот воздух цо ши праве удихнул, и нє лєм його, алє и ище гарсц бриґох и обаваньох. Док видихуєш шицко тото з плюцох, автоматично ци ше уста ширя до ошмиху и чувствуєш же уживаш. И маш часу ознова зрозумиц же за щесце наисце нє треба вельо. Вец биш требал мац ище часу пожадац го подзелїц з даским. Алє ти вецей нє маш часу, бо мушиш попонагляц з рихтаньом на автобус.

16 > MAK 7-8 2012

Кед повториш тот експеримент даскельо раз, одлучиш же ютре станєш на 10 до 7 годзин. Тераз, кед повториш шицки наведзени крочаї, маш часу и започац розгварку о тим з пар особами, идуци на автобус. Медзитим, забуваш же векшина става на 7 годзин 5 минути и тота розгварка з тобу нє у їх розпорядку. Е, ту ше векшина тих цо станули на 10 минути до 7 годзин розчарує и забудзе на свойо експерименти. Дзекуюци гевтим жилом цо ше можу добре напинац, нє одустанєш так швидко и пренайдзеш дакого цо тиж глєда особу з хтору би подзелєл свойо резултати. Кед ци гевто ранше уживанє сцигло по даяки уровень А, тото одкрице це сиґурно приведзе до уровня А на квадрат. У медзичаше дознаш же тота особа нє ужива у отвераню облака,

Анамария Недич Прозаична фото-репортажа акциї "Дай и ти руку свою 2012ajickA", котра отримана 6-8. юлия у Коцуре

алє станє скорей од 7 годзин же би мала часу на семафоре уживац у луксузу хтори скоро нїхто нє ма, же нє прейдзе на першим желєним шветлє хторе ше єй укаже, алє достоїнствено престої и причека друге желєне шветло. Тота розлика вас нє оддалї, алє ище и допринєше же би ше медзи вами створело єдно красне приятельство, а можебуц аж и любовна вяза. Кед вам обидвоїм одвитує уровень А2, вец супер. Кед нє, вец мушице прейсц на шлїдуюци уровень.

Тераз мушице розробиц стратеґию, бо людзе и далєй нє ставаю скорей од 7 годзин. Здумаце даяку нєзвичайну єдноставну активносц, з помоцу котрей би ше могло дожиц єдинство. Тоту активносц нє наволуєце проєкт и нє пробуєце предац идею фондацийом же бисце

МЛАДИ ВОЛОНТЕРЕ: [ 10 ДО 7 ] Ґуґлуй – 2102ajickA

обезпечели средства, алє ю представице людзом – голу, зоз шицкима єй вредносцами и хибами. Нє предаваце робу запаковану до цифрованого паперу же би ше нє видзело цо нука. Точнєйше, нїч нє предаваце, алє понукаце надїю и радосц, а то ше ценї. И громада людзох и компанийох вас потрима, бо тоти людзе або добри, або мудри, або веря до вас, або шицко з того. Потим пребудзице у младих дзеку и даце им шансу тоту активносц випробовац. Вони ше почувствую подобно як ви кед станєце на 5 до 7. Окружице их єдни з другима и понукнєце им надїю, и вони ше вец почувствую як ви кед станєце на 10 до 7, а шицки у подобним розположеню лєгко найду особу за уровень А2. Исте розположенє вас повяже и постанєце єдна велька конструктивна сила. Тоту енерґию вихаснуєце же 17 > MAK 7-8 2012

бисце ше пошвецели старшим особом, як и орґанизацийом хторим потребни волонтере. Алє кед повеце "пошвециме ше", то значи и з руку, и з шерцом, и з ухом, и з розумом. И вец ше почувствуєце ище лєпше. Окружени сце з людзми за хторих думаце же су єдни з найлєпших людзох цо сце у цалим живоце упознали. Младши у вас видза огромне войско хторе ше супер забавя, одроснути ше цеша з вами и нє криво им же вас потримали, старшим мило коло шерца и тота

сцелосц младих здогадує их на нїх самих. После шицкого, сама держава вашу идею и реализацию преглаши за найлєпшу. Теди наисце видзице же вам ше удало пренєсц тото цо сце жадали, алє тиж знаце же ту нє конєц. Ту, у ствари, початок того цо можеце ґуґловац як – 2102ajickA.

И кед ше опитаце же цо вец, вец роздумуєце як дойсц до шлїдуюцого уровня. Ми уж даскельо днї ставаме на 15 до 7.

[ OДГУК ЧАСУ И СИТУАЦИЇ ]

> Интервю зоз маґистром дириґованя Мирком Преґуном Розгварку водзела Мая Зазуляк

+ + + Талантовани музичар Мирко Преґун зоз Руского Керестура врацел ше з пейцрочних студийох зоз України дзе, того року, маґистровал оперносимфонийне дириґованє на Националней музичней академиї України "Петро Илїч Чайковски" у Києве

єдного рока препровадзеного у Новим Садзе, уписал на академию у Києве. Сцел сом праве там пойсц, прето же то єдна з найлєпших дириґентских школох – гвари Мирко и додава же школованє у Сербиї системно лєпше, док є у України педаґоґийно квалитетнєйше.

Мирко одмалючка люби музику, та перше закончел основну музичну школу у Руским Керестуре, а потим и штредню музичну школу "Исидор Баїч", теорийни напрям, у Новим Садзе. Медзитим, з оглядом же у тей школи видзели же Мирко барз талантовани, штварти рок прескочел. Закончел лєм три роки, док цали штварти рок, односно 20 предмети, без проблема положел у двох тижньох.

– Там иншаке одношенє професорох ґу студентом. Нєпреривно ши зоз нїма у контакту, провадза як ше розвиваш и даваю студентом вельо уваги. Думам же там тота робота подзековнєйша и баржей ю людзе почитую. Найволєл бим робиц у Филгармониї, лєбо у Оперним театре, алє нє таке ми значне дзе будзем робиц, важне ми висц на сцену, а нє дзе то будзе.

– После трецого року штреднєй школи, уписал сом теорийни напрям на Музичней академиї у Новим Садзе. Нє пошол сом такой до України, бо ше требало почац скорей рихтац, та сом ше аж после 18 > MAK 7-8 2012

Пейц роки, кельо жил у України, Мирко пребувал у студентским доме дзе на 15 поверхох жию лєм музичаре. Бешедовац по українски му, як гвари, було чежко перши три мешаци, а вец вше лєгчейше. Дому, до

Керестура, приходзел лєм през лєто и гвари же му на України нїч окреме нє хибело. Нє лапала го носталґия, бо ше у живоце нє вяже за окремне место. Тиж гвари же ше людзе у України досц розликую од наших. Иншаки там менталитет, живот, одношенє ґу своєй професиї, як и способ роздумованя. Мирко зна грац на клавиру и на гармоники, алє як дириґент позна принципи як ше грає на шицких инструментох у оркестру. Попри дириґованя и граня, барз крашнє шпива, алє гвари же, заш лєм найволї дириґовац. У шлєбодним чаше, Мирко у України шпивал у рижних хорох, компоновал музику, приватно преподавал вокал, та аж и анґлийски язик. Тиж, шпивал у музичней ґрупи Shopping hour зоз хтору знял и даскельо албуми.

– Под час студираня назберал сом вельо искуства и знам же ше ми то дакеди

зда. До ґрупи Shopping hour приключел сом ше цалком случайно. Граєме музику зоз цалого швета, а ґрупу твориме ми штверо, вокалисти, и штверо цо граю. Єден шпивач тиж зоз Сербиї. Ґрупа досц успишна и мали зме вельо "свирки" и на фестивалох и на концертох дзе зме наступали сами, лєбо з даякима ґрупами вєдно. Тераз ище лєпше рушело, алє сом мушел пойсц. Любел бим кед би було нагоди пойсц ище раз и шпивац з нїма на даяким концерту. Приватно Мирко слуха шицко у чим препозна даяку драгоциносц и тото цо му хаснує.

– Кажди звук ма свою природу. Я уж аналитично думам о музики и так ю и слухам. Кед уживам у музики то уживанє у єй ориґиналносци звука, як є направена. Найбаржей ме опущує джез музика, прето же вона чежка за анализованє, та вец нє барз роздумуєм о тим. Шицким гуторим же муша виберац музику, а чежко дакеди патриц кед музика вибере чловека. Пре музику ше людзе знаю и повадзиц, же яки стил, хтори композитор лєпши. Нєт лєпшого, єст лєм одгук часу и ситуациї. Єст людзох хтори ше "заглобели" у єдней музики и лєм тото слухаю и почитую, алє им тот єден стил сиґурно раз допиє. Нє поента у квалитетнєйшей музики, алє у порученю яке з нєй виходзи. Зато я гварим же – глєдайце свою музику. То нє лєм ношиц ше у тим стилу лєбо дацо подобне, алє розумиц о чим людзе гуторя – поручує Мирко и додава же популаризация, 19 > MAK 7-8 2012

маркетинґ нєшка ма барз вельки уплїв на музику и же ше од нього треба чувац, а свою филозофию треба надбудовйовац.

– Нєшка маркетинґ ма векши уплїв на младих як музика. Кед чловек престанє виглєдовац препущи ше єдней музики и будзе ше чувствовац добре, алє то конмформизем, од того чловек нє рошнє. Чловек рошнє од слуханя и розуменя музики. Препоручел бим най людзе нє одуставаю од шицкого того нового, алє тиж и од старого. Най го нє забуваю, най вше глєдаю дацо. Ґарантуєм же у каждим стилу музики єст дацо окремне цо чловек може одкриц. Я то знам прето же сом одкрил дацо за себе. През музику ше шицко идентификовало и шицко ше у музики виявело. Шицко ноши даяку поруку, прето и настало. Мирко гвари же українска музична сцена розширює поп културу ориєнтовану на русийски романсиєри, а ма и дїйство заходней култури, док у нас мейн стрим то "Ґранд шоу".

– Там музична сцена иншакого квалитету. Квалитет думаня и формат на українскей телевизиї лєпши. Вони нє зарабяю лєм на маркетинґу, вони го мудро хасную, а поведзме телевизия "Пинк" жиє лєм зоз маркетинґу. У нас програма исто интересантна, людзе вше дацо пробую, алє то нє таке живе, нєт рижнородносци, нє идзе ше на предок – гвари вон. Цо ше дотика нашей рускей музики, Преґун гвари же єй музичаре ризикую же би

постали лєм чуваре єдней традициї.

– Музика у народним духу треба же би ношела даяку поруку, же би була одгук даякей епохи. Обично Зоз ґрупу Shopping hour Мирко бул на аудициї на українским музичним змаганю "Українска зирка", хторе подобне як змаганє "Ја имам таленат" у Сербиї. Вони акапела одшпивали писню Оливера Драґоєвича "Цесарица" и одушевели жири. Медзитим, глєдало ше поєдинєчних виводзачох, а з оглядом же вони пришли як ґрупа, нє сцели ше видвойовац, та нє участвовали у змаганю. народни писнї прерастаю до чуваня традициї, а нє дїйствую на дружтво. На нїх дїйствує тото цо тераз актуалне, модерне. Скорей то мало вецей вредносци за даяку реалносц и тота актуалносц остала лєм у прешлосци. Алє думам же у народним духу и тераз мож вельо поробиц. Опатьме лєм у України, у Русиї. Феноменално як ше їх народни танєц розширює и розвива. Лєм ше то шицко помали роби. Мирко нє остал у України, гоч му понукали роботу, прето же, як гвари, нє бул сиґурни чи ше му виплаци и чи там будзе мац условия за живот. Прето, затераз, планує остац у Сербиї, глєдац роботу и найсц стабилносц.

[ МУЗИКА, КНЇЖОВНОСЦ И СИСТЕМА ВРЕДНОСЦОХ ]

> Михаил Рамач Есей – студия случаю

Хторишик дзень, бул сом на родзеним дню у мойого доброго товариша, алє и доброго сотруднїка у обласци музики. Там сом мал нагоду присуствовац и обачиц дзепоєдни ствари нашей нє найприємнєйшей каждодньовосци. Стереотипи и предубедзеня...

и даскелїх обявених писньох на мацеринским язику. Цо ше дотика мойого мена, коло моїх обявених писньох нашли ше розлични верзиї. Писали же сом Михайло, Михаило, Михал, Михаел и так далєй. Гоц як най пише, я Михаил як и велї други Михаилове, як цо то Михаил Кутузов, Михаил Ґорбачов, Михаил Шолохов, Михаил Булґаков, Михаил Калашнїков, та и Михаил Дудаш. Зоз психолоґийного боку патрено, я особа котра уходзи до одроснутого периоду живота, дзе цалком нормална фаза кризи идентитету. Заш лєм, волац дакого з правим меном, то часц основней култури.

На преслави родзеного дня, случело ше ми цошка, цо анї сам нє знам як наволац. Конфликт, розгварка, дискусия, лєбо оштре спроцивйованє думаньох. Роби ше о тим же ме єдна особа ословела зоз меном – Мижо. Теди сом ше опитал у франти: "Як, як?". Мой школски на тото одвитовал: "Пардон, Михаил"... Теди ше на тоти слова озвала персона руского походзеня. "Михаил, дай, од кеди це знам нїґда ши нє бул..." Уж мам одвит, алє го нє сцигуєм виповесц од галайку на преслави. "Михаил, то вообще нє швечи твоєй "особеносци" – гварела друга особа, тиж руского походзеня зоз котру уходзим до диялоґу. Проблем у тим же слабо познам особу котра бешедує о моєй особеносци. Диялоґ ше водзиме по сербски, понеже Дюрдьов мишани штредок, а у тей хвильки преовладує сербски язик. "Михаил ми цалком нєзвучне и нє одвитує ми твоєй "особеносци" – гвари и вона... "Ти випатра нє читала росийску кнїжовносц, кед ци мойо мено нє звучне" – гварим ровнодушно и нє сцигуєм повесц тото же мою особеносц лєпше най нє спомина, кед ю анї нє позна.

20 > MAK 7-8 2012

"А ти, нїби, даяки писатель?" – пита ше вона скептично. "Га, могло би ше повесц же сом голєм дацо з того, бо пишем и компонуєм, а дацо ми и обявене у часопису МАК и "Литературним слове" – гварим, а вона патри на мнє як целє на нову капуру. "Га, вишло и мнє" – наводзи ми вона назву нашого часопису за наймладших, уж ми ясне же "Руске слово" до рукох нє вжала, а питанє же чи и зна цо то МАК. "Ти нє можеш повесц же сом нє читала росийску кнїжовносц, бо нє знаш!"

– гвари вона зоз повишеним тоном. Думам у себе: "А ти мою особеносц познаш, та можеш?!". "Кед биш читала, та би ци мойо мено було звучне" – одвитуєм. "Я кед чуєм мено Михаил, подумам на нашого паноца" – гвари вона. Най будзе єй остатня, думам себе, и розгварку предлужуєм з товаришами з котрима шедзим. Бешедовац о дачиєй особеносци котру нє познаце, то як бешедовац о кнїжки чийо сце рамики мали нагоду лєм видзиц, алє нє и читац. Цо сом єй требал повесц, а нє повед сом? Нє знам цо би єй помогло... През думки ми преходзи виреченє "Нисмо сви свему дорасли". Правда, нє судзел сом по випатрунку особи з котру сом, най повем, дискутовал, гоч вона у каждим смислу типични представнїк "ґранд култури". Роздумуєм о себе, о своєй, за тераз, скромней, алє цалком солидней творчосци двох наступох котри сом мал

Нє виходзим барз часто, нєт дзе. У найблїзшим варошу огень бере судьби младим людзом котри жадни ноцного живота. Чарней хронїки єст превельо. Кед даґдзе и видзем, то даяки концерт, або наступ рок-бендох по клубох. Рихтам ше на концерт Балашевича, слухал сом на живо Parni valjak, Crvenu jabuku, Забрањeно пушење, Кербер, Рибљу чорбу, Пилоти, Фит, YU групу, Гарави сокак як и велї нєафирмовани бенди котри ше зоз шицкима моцами намагаю пребиц до явносци. То моя система вредносцох. Читац кнїжки, слухац добру музику, нащивйовац вистави, музеї, литературни друженя, робиц роботу котру любиш, твориц автентичне, мац гоби и шлєбодни час унапрямиц на дацо вредне. А то нє може кажде.

ЕСЕЙ-СТАНОВИСКО: [ "ГОМОФОБ И Я" ]

> Яким Винаї Релативносц поняцох и зявеньох

+ + + Мержиме Марка, бо му тато купел нови авто, а ми гонїме стоядин. Мержиме Славка, бо закончел два факултети, а ми гребеме за услов. Мержиме Марчу, бо ше залюбела до Ганчи. А кед зме були мали, учительки у оводи нас учели же любов то прекрасна ствар

од фрустрацийох котри ше заш формую пре даяки други причини. Питанє чи ше лєгчейше и швидше фрустрациї лїча од насилства, або, нє дай боже, од дачого ище горшого.

У чаше кед людске дружтво треба же би було на найвисшим интелектуалним уровню, зоз искуством виправяня шицких гришкох потераз направених, шведкове зме цалком процивного. Алє, як гвари бачи Айнштайн – людска глупосц безконєчна. Та будзе же наисце так... Заплюсла нас габа новей моди, дзе сексуалносц оформює статусни младей особи у дружтве. У нєшкайшим швеце можеш успец кед знаш буц ориґинални у нєориґиналним. Та так нєшка хлапци ходза до солариюму, чупкаю оберва, шминкаю ше и ноша узки фармерки, а "нем сабат" им повесц же су ґей, бо вони метросексуалци. Ту сом ци! За шицко нєшка єст назва, або вигварка, кому як баржей одвитує. А назви кельо сцеш! Тото нашо "homophobia" преложене зоз греческого буквално значи "страх од истого". Страх на першим 21 > MAK 7-8 2012

месце. А там му нє место. Зоз страхом управяю людзе котрим одвитує же би широки маси були з дащим нєзадовольни, прето же страх преходзи до гнїву, а гнїв мож похасновац за рижни цилї, котри углавним нє барз добри и продуктивни. И прецо би мнє дахто гуторел же кого мам мержиц, а кого нє. Кого биц, а кому плациц пиво у карчми?! През историю велї людзе явно указовали мержню спрам других и то тото о чим ми нєшка учиме, же би ше нє забуло, а анї нє повторело. А ефект – контра. Мержиме Марка, бо му тато купел нови авто, а ми гонїме стоядин. Мержиме Славка, бо закончел два факултети, а ми гребеме за услов. Мержиме Марчу, бо ше залюбела до Ганчи. А кед зме були мали, учительки у оводи нас учели же любов то прекрасна ствар. Будзе же ше часи меняю швидше як цо их ми можеме прилапиц. Алє часи и роздумованя ше вше меняли, то нє може буц вигварка, розлика лєм у тим же ше скорей ишло ґу тому же би шицки исто роздумовали, а нєшка кажде "цага" на свой бок. По моїм, розличносц добра, алє лєм кед нє чкодзи другому. Шицко тото ґенерализованє и виєдначованє приходзи

Скорей як цо почнє рубац по другому, кажде би перше требал попатриц на себе, прето же кед чловек задовольни зоз собу – нє ма прецо буц нагнївани на дакого, лєбо го мержиц. На концу, жиєме у XXI вику – демократия на найвисшим уровню (голєм так гваря), та себе виберайце. Живот лєм єден, алє є тиж так лєм Ваш!

[ КРАДОШ ЧАСУ ]

> Зденко Лазор Филозофски есей

Початком XXI вику, кед уж компютери завжали значне место у животу, нас, обичних людзох, теди настала єдна, наволайме ю з простим меном "потреба", або щиро з єдним словом – "терха". Kрадош шлєбодного часу, слуга добри, учитель – нїяки.

одвит, єдноставни и прости: "Так пише у наставним плану и програми". Нє похопюєм цо зоз Веселиновичом, Буковским, або Томичом? Малуфа най и нє споминам, за ньго знаю лєм гевти занєшени и залюбени до историї. Чежки питаня и пребарз чежки одвити.

Нє думайце же тото будзе даяка казань, нє, тото слово о существу хторе жиє и диха зоз полнима плюцами, нови думки цо подцагує зоз червену фарбу, а потим нас учи дацо нове, гоч старе вик, тисяч роки, або мешацдва.

Читаме гевто цо нам гварели же мушиме читац, а гевто цо нє мушиме, най збера прах ище дакус. Останю тисячи нє отворени кнїжки, тисяч думки, тисяч идеї, останю нє висловени слова, алє записани на паперу, а папер церпи. Шицко.

Слово просто о слову, писаним, або висловеним. Нє лєм о слову, алє и о шицких тих цо тото слово висловели и написали, на першим месце о людзох цо тото слово пречитали, або нє пречитали. Опатрим нєшка на полїчки прах, а под прахом лєжи жридло мудросци и знаня, лєжи кажда терашня и будуца мрия. Берем чисту кнїжку, нову, праве вишла зоз друкарнї, а нє гевту брудну, стару, таку – нїяку. Берем Толстоя, Андрича, Кочиша, алє нїч друге. Прецо? Даскельо хвильки цихосци и одразу

Зменюю ше литературни дїла рижних народох – и америцка, и греческа, и латинска, и сербска, потим арабска, китайска, дакеди и турска, та руска и велї други дїла зоз язиком, або без. Лєжа сами писнї, есеї, романи, приповедки, чекаю жиму, або диждж, або шнїг, а може и слунко, ище єдну яр, лєто, потим ознова жиму, ознова циклус и початок конца, конєц початку, початок и конєц.

22 > MAK 7-8 2012

Проблем анї нє час, анї шнїг, анї жима. Проблем "нєприятелє" у єдней хвильки прави, а у другей имаґинарни, вец ту и моль цо начина папер у моїм тиж имаґинарним швеце. Важни "Статус", важни "Приятелє", як охранєбни "Мури" коло твердиинї цо ище нє спадла под налєтом войска. Нє думайце же мам дацо процив технїки, кед би єй нє було, нє було би анї тих шорикох, алє як час помали преходзи зоз новима стварами приходза и нови кнїжки у PDF формату, ту и нови кратки вистки, нови змисти, нови гранїци хтори лєм сами себе можеме одредзиц.

[ МИРОН ]

+ + + Мирон Джуня нє лєм же найстарши активни актер и критичар сучасней рускей литератури, алє и камень-медяш зоз котрим почина руска урбана литература зоз елементами масовней култури З нагоди 40. рочнїци часописа МАК, Джуня обявел свою першу литературну збирку. То поезия котра писана медзи 1987. и 1992. роком и представя Мирона кед бул млади бунтовнїк и писал поезию. Нєшка Джуню, углавним, знаме по ориґиналних рецензийох, огляднуцох и приказох литератури на руским язику. Тота збирка поезиї обявена барз позно, алє вона важна каричка у формованю руского литературного "урбаного гумна", котре на одредзени способ заокружене зоз истомену Антолоґию Юлияна Тамаша. Спатраюци ситуацию котра настала коло тей Антолоґиї, Мирон нє лєм же найстарши активни актер и

23 > MAK 7-8 2012

> Борис Варґа Коментар з нагоди виходзеня кнїжки "Моєй желєновласей ехо"

критичар сучасней рускей литератури, алє, повед бим, вон тот каменьмедяш зоз котрим почина руска урбана литература зоз елементами масовней култури. То култура и литература котра, як би то повед Ваня Дула, заглобена медзи валалом и варошом, урбанизована, алє заш лєм безпомоцно обрацена спрам руского гумна. Литература котра дзешка праве од Джуню почина буц оцудзена од традициї, од елитох, од институцийох. Мирон, котри себе у тей кнїжки наволує иронично зоз здуману титулу о.д, односно "окончователь длужносци", остатнї вецей як два децениї (од кеди настали вельки пременки у заєднїци, алє и у швеце), вше бул ту, зявююци ше, з часу на час, зоз ориґиналнима текстами. Медзитим, Мирон зоз своїма либералнима становисками и думками нїґда нє бул кандидат за перспективни роботни места, партийски анґажмани, даяки функциї у управних одборох, нєвладових орґанизацийох (Матка або Союз), без

родзинских вязох и безконєчних националних анґа конченьох. Нє прето же вон то нє знал, або нє могол, алє прето же Мирон бул иншаки "Руснак". Паметам Джуню, теди такволаного Фройда, котрого концом осемдзешатих рокох прешлого вику тедишнї образовни кадри медзи першима сцели вируциц зоз керестурскей школи, пре офарбени на жовто власи и мендюшу у уху. Случай Мирона, "окончователя длужносци", то парадиґма за каждого у нашей заєднїци, хто нє дума на руски традицийни способ и дружтвено нє дїйствує зоз балканскима средствами.

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>> : >>>>>>>>>>>>>>>>> >>>>>>>>>>>>>>>>> >>>>>>>>>>>>>>>>>>>>>>>>>>>>>

>>>>>>>>>>>>>>

>>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>> МАК11-12/2012 >>>>> >>>>>>>>>>>>>>>>>>>>>>>>>>>>>>>>>> >>>>>>>>>>>> MAKoff14: >>>>>>>>>>>>>>>>> >>>>>>>>>>>>>>>>>

>>>>>>>>>>>>>>>>>>>>>>>>>>>>>

>>>>>>>>>>>>>>

>>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>> Горор за принцези >>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>> >>>>>>>>>> >>>>>>>>>>>>>>>>> >>>>>>>>>>>>>>>>>>>>>>>>>>>> >>>>>>>>>>>>>> >>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>> >>>>>>>>>>>>>>> >>>>>>>>>>>>> >>>>>>>>>>>>>>>>> >>>>>>>>>>>>>> >>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>> >>>>>>>>> >>>>>>>>>>>>>>> >>>>>>>>>>>>>>>>>>>>>>>>>>>>>> >>>>> >>>>>>>>> >>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>> >>>>>>>>> >>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>>>>> >>>>>>>>>>>>>>> >>>>>>>>>>> > >>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>> >>>>>>>>>>>>>>>>>>>>>>>>>> >>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>> >>>>>>>>> >>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>>>>>>>> >>>>>>>>>>>>>>> >>>>>>>>>>> > >>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>> >>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>