Mak 7 8 2016

МУЛТИМЕДИЯЛНИ КУЛТУРНО-ПОЛИТИЧНИ ЧАСОПИС ЗА МЛАДИХ ЧИСЛО 7-8 / ЮЛИЙ – АВҐУСТ 2015. / ЦЕНА: 100 ДИНАРИ

MAKCD19:

PIŠTA & REEPGUN

OPEN MIND МАК 7-8/2015 • 1

Змист

Перши шлїди реп музики

по руски

03 С.Ґркович: Рецензия 04 Б.Ройко: Историят хип хопу 05 Я.Винаї: Коментар 06 А.Живкович: EXIT 2015 08 С.Надь: Интервю Пишта и Reepgun 10 Збуло ше: Юлий-авґуст 11 А.Римар: Так и нїяк иншак 12 С.Надь: Приказ филма “I Am Legend” 13 М.Надь, Ґ.Хома: Облюбени филм и ґлумец 14 A.Лендєр: Интервю П.Медєши 16 З.Емейди: Албум “Van dometa” 17 Д.Болдиш: Grand Theft Auto V 18 М.Роман, А.Русковски: Интервю Ґ.Саянкович 19 Т.Ивков, Е.Чизмар: Студентски кухар 20 И.Киш: Еутаназия 21 Ц.Надь: Лєто, слунко и його дїйство

Хип хоп музика по руски до пред даскельома роками нє була присутна медзи нашу младежу. Кед Иґор Горняк Пишта зоз Коцура почал наступац зоз своїма авторскима писнями, достали зме першого руского репера, а тераз и перши CD на хторим єст штири реп писнї по руски и исто тельо по сербски. Компакт диск “Open mind”, хтори вишол з тим числом, Пишта реализовал вєдно з Reepgun-ом, односно Мирком Преґуном з Керестура, хтори написал музику и поробел продукцию, алє и сам одреповал два авторски писнї. Вон 2013. року видал и самостойни CD зоз нашим часописом, а тераз вєдно з Пиштом направели тот музични проєкт, цалком иншаки як зме потераз звикли. Хип хоп вшелїяк єдна окремна култура, хтора нє подрозумює лєм музику, а у тим чишлє вас детальнєйше упознаме зоз тим специфичним културним рухом.

22 Млади и лєто 24 О.Раґаї, Н.Бабич, Н.Шовш: Поезия

МАК Мултимедиялни културно-политични часопис за младих issuu.com/mak.magazine makmagazine.bandcamp.com Facebook: MAK MAGAZINE mak.magazine@gmail.com Число 7-8/2015 юлий–авґуст Директорка: Мартица Тамаш Oдвичательна редакторка: Мая Зазуляк Помоцнїци редакторки: Сенка Надь Цецилия Надь

2 • МАК 7-8/2015

Дизайн и компютерски обробок: Златко Емейди

CIP – Каталогизација у публикацији Библиотека Матице српске, Нови Сад

Язична редакторка: Блажена Хома Цветкович

008+32(=161.2) (497.113)

Насловни бок: Златко Емейди Видава НВУ “Руске слово” Булевар ошлєбодзеня 81/VII 21 000 Нови Сад Жиро рахунок: 160-923244-82 Интеза банка, Нови Сад Друкує “Maxima graf” Петроварадин

MAK : културно-политични часопис за младих / редакторка Мая Зазуляк. – Рок 1, ч. 1 (1972) - . – Нови Сад : Руске слово, 1972-. – Илустр. ; 28 cm ISSN 0350-8080 COBISS.SR-ID 15945730

СРДЯН ҐРКОВИЧ МУЗИЧНА РЕЦЕНЗИЯ – PIŠTA & REEPGUN “OPEN MIND”

ВИХОД 3ОЗ ЦМОТИ Тот албум, кельо критично настроєни ґу Руснацом, тельо є, у ствари, и поволанка шицким же би указали свою народну припадносц и вишли зоз цмоти. Попри тим, албум приноши и критични моменти, нє лєм руского, алє и дружтва вообще, през каждодньово приклади живота младих и старших. За перши руски реп албум, наисце нє подле.

Млади руски репер Иґор Горняк, под алиясом Пишта, обявює свой деби албум “Open mind” у сотруднїцтве зоз продуцентом и репером Reepgun-ом. На албуме єст дзевец писнї, половка на руским, половка на сербским язику, продукцию поробел Reepgun, а госци на тим проєкту то Rashid у писнї “Okean svesti” и Танита, хтора прикрашела рефрен у писнї “Ту”. Албум отвера инструментални “Intro”, после хторого шлїдзи писня “Лєм дзеци”, у хторей Пишта отворено поволує Руснацох, як националну

меншину, же би ше нє ганьбели за свойо походзенє, алє же би вишли зоз циню и указали хто су и цо су. У тей писнї цитира стихи хтори Микола Корпаш шпива, и з тим пробує порушац Руснацох же би ше здогадли свойого националного идентитета. Шлїдуюца писня, “Okean svesti”, на хторей попри Пишту и Rashid, уж менєй напарта и занїма ше з вичнима животнима питанями людзох хтори их трапя. Приповедки о прешлосци хтори треба забуц и обрацанє ґу будучносци. У писнї “Исти сон”, у хторей ше першираз як вокал зявює и Reepgun, дружтво ше розгранїчує на тих хтори нєчисти и пречисти єства и як тоти нєчисти треба же би були виключени з истого. Кажде треба же би провадзел свою драгу хтора цалком иншака и ориґиналнєйша од других и же би ше тримал моралних обовязкох, бо кед ше нє почитує морал, постої опасносц же останєце сами у дружтве. На самей половки албума находзи ше и Reepgunова соло писня “Моя правда”, у хторей описане за цо, односно за кого ше бори.

Потим шлїдзи писня “21 gram” у хторей ше водзи борба медзи Богом и дябликом, т. є. добрим и злим у людзох. Перша строфа то обрацанє ґу Богови и спашеню наших душох, док друга строфа обрацанє ґу дябликови, хторому ше людзе обрацаю єдино кед их Бог напущи. “Barberaj” ше надовязує на прешлу писню и занїма ше зоз улїчним животом єдного младого чловека и о його преживйованю у Сербиї. Писня “Ту” уж критично настроєна писня ґу Руснацом хтори ше наисце ганьбя за свойо походзенє и нє сцу прилапиц тот факт. Пиштови нє важне анї хто ту прави, анї хто значни Руснак, хто ту ма, а хто ту нє ма. Тото цо значне то же шицки вони єднак у истим проблему и же шицки треба же би ше здружели же би ше проблеми ришело. Албум завера писня “Ili” у хторей представени шицки животни вибори, наведзени през даскельо приклади, през методу вибераня “лєбо-лєбо”.

МАК 7-8/2015 • 3

БОРИС РОЙКО ИСТОРИЯТ ХИП ХОПУ

сПЕЦИФиЧНИ кулТурнИ рух

Хип хоп як єден жанр у шветовей музики, досцигнул свой максимум у ЗАД и даєдних европских жемох. Алє, заш лєм, нє вшадзи є ровномирно розвити, док його интензитет розвою у нашей держави ище вше досц слаби.

Хип хоп музика ше першираз Потим шлїдзи “златни период” зявела штредком ‘70. тих рокох (од 1985. по 1993. рок) у котрим у ЗАД, у Нюйорку. Настала як хип хоп музика ескалировала и єдна окремна файта музики достала масовне виражованє и култури хтора ше Термин “Хип Хоп” походзи од перше розвила у анґлийского слова “Хип” (Hipper, општинох Бруклин и Hippest) и “Хоп” (Hopped, Hopping), Бронкс, а вец ше ‘80. а то єдна окремна музична форма рокох преширела и у шветовей музики и єден цалком у нукашньосци ЗАД, окремни рух у култури котри ше, та и на ґлобалним насампредз, почал розвивац у урбаней уровню. африцко-америцкей заєднїци. На початку свойого розвиваня, тота файта музики часто була заслужна за редукцию т. є. знїжованє уровня насилства у варошских кругох при Афроамериканцох прейґ, такволаних, борбох у урбаним танцованю, писаню стихох и рисованю ґрафитох. Главна часц самого розвою хип хоп музики то “стара школа”, або ера oldschool hip hop (од 1970. по 1985. рок) односно, сам початок його виражованя до явносци.

4 • МАК 7-8/2015

хип хоп уметнїкох зоз восточней и заходней териториї ЗАД, дзе ше розвили и окремни напрями, або поджанри хип хоп музики – ґенґста реп, кросовер реп, джез реп и джи-фанк. Познєйше пришол нови период у хип хоп музики – “нова школа” (new school), а єдни з найглавнєйших творительох и представнїкох того жанру на шветовим уровню то: Run DMC, N.W.A. (Niggaz With Attitude), The Roots, 2Pac, The Notorious B.I.G., Ice Cube, Dr. Dre,

Wu-Tang Clan, Snoop Dogg, Eminem и други. Як окремни музични напрям, специфични рух и єдна подкултура, хип хоп составени зоз штирох основних елементох по котрих ше розликує од других подобних културних рухох. То праве писанє ориґиналних римох, стихох, або “репованє” (на анґлийским MC-ing скрацене од master of ceremonies), пущанє писньох без вокалох, або инструменталох, т. є. “битох”, прейґ хторих виводзаче тей файти музики виноша свойо становиско, становиско о реалносци (на анґлийским DJ-ing скрацене од disc jockey), окремни танєц, або урбано поведзено “брейкденс” (breakdancing), специфична бешеда, способ виражованя, лєбо “сленґ” и цалком окремна подобова уметносц на варошских мурох – ґрафити.

ОШТРО И ДИРЕКТ ДО ФАЦИ ЯКИМ ВИНАЇ ЦУМАЙ КОМЕНТАР О ХИПИДИ ХОПУ И БИПИДИ БОПУ

Кед поровнаме початки того масовного

социялно-музичного

руху, шлєбодно можеме повесц же пременка

през тот период огромна и упечатлїва. Досц лєм

замерковац же рушело од критики о стану чарного жительства, худоби и

борби за основни людски

права, по нєшкайше “кеш, колица и влажна п*ца”.

Хип хоп, як култура, нє подрозумює лєм музику, цо перша асоцияция на тото слово, напроцив, хип хоп култура подрозумює штири елементи, и аж кед су злучени до єдней цалосци даваю прави смисел тей мантри. Превалююци огромну драгу през историю, успишно превозиходзаци шицки препреченя, од социялних, политичних, контроверзних, заш лєм пренашол драгу, и публику, и прежил. Вшелїяк же ше форма меняла, алє корень остал исти.

Найвецей пременки мож видзиц праве тераз, у 21. вику, дзе свой вельки уплїв ма технолоґия, та и музична индустрия вообще. Тексти вецей нє нательо критични, кельо служа за рекламу и промоцию даяких других вредносцох. Мишаня зоз другима жанрами даваю цалком иншаку слику, кед маце єдного “репера” у дуету зоз старлету/стриптизету/“шпивачку”. Гласи ше меняю компютерски, визуално ше наглашує вецей як цо би требало, и ту тоти цо гваря же хип хоп то лєм “лупетанє” и “начишльованє”, глєдаю свойо арґументи. Дакеди маю и право. Медзитим, и сами уметнїки котри ше водза по тих началох, тирваю так длуго, як и їх писнї. Квалитет, прави квалитет, остава занавше. По моїм думаню, циль нїґда нє бул же би же римовало до безконєчносци, алє кратко и ясно, оштро и директ до фаци. Лєгко чловекови повесц же є глупи, алє повесц так же би то шицки похопели окрем нього, е, то уж за мнє уметносц. И прето ше у тим пренаходзим, почитуєм и любим. Прето то за мнє уметносц, як и кажда друга. И нє лєм за мнє.

Полемизовац же чи то найлєпши музични жанр на швеце то таке як розправянє о релиґиї. Точни одвит нє постої. А и прави почитователь такого жанру би ше до такей полемики анї нє упущел.

ONE LOVE !

МАК 7-8/2015 • 5

АЛЕКСАНДРА ЖИВКОВИЧ САКС НА 15. РОДЗЕНИМ ДНЮ ЕҐЗИТУ

ПОСТАВА ПОЗЕРАЙ, ЧИ ЗАШ ЛЄМ ЗАТРИМАМЕ ҐЛОРИФИКОВАНЄ?

“No place I’d rather be.” Тоти осем днї, одприлики, кед Нови Сад, Сербию, а и цaли швет трима “горучка” Eґзит фестивалу, шицки патра на руки. Точнєйше, на лїву руку. Там стої наруквица хтора на тоти даскельо днї одредзує чи ши єден з Еґзиташох, чи ши єден з нїх – хейтерох, тих цо нє можу пойсц там и тих цо им фестивал завадза. У автобусу, док рано путуєш на роботу, у городу, док шопинґуєш нови маїци, або купачи, а поготов вечар, кед ше пендраш на Петроварадинску твердиню – вшадзи. Того року, од 9. по 12. юлий и Я мала тоту чесц же би на мнє патрели як на єдну з Еґзиташох. Аж и дзень после, 13. юлия, бо сом нє мала шерца зняц тоту наруквицу, алє и шицко цо вона зоз собу ноши. Гоч и я єдна з тих за хторих живот на тоти штири днї става, и єдине цо важне то – пойсц на Еґзит, на тогорочним фестивалу сом першираз наисце дожила странцох, Британцох, Мексиканцох, Американцох...

6 • МАК 7-8/2015

Бокте. А кед ше озву ґу мнє, по анґлийски, я єдине цо можем виповесц: “Чао, Сакс.” Пошли до дюґа шицки кнїжки на шветовим язику хтори сом виучела и пречитала. Петнасти родзени дзень Еґзиту дочекала велька громада ентузиястох, алє и позерох хтори слухаю тото цо ма добру рекламу. А ентузиястох можеме подзелїц до двох ґрупох. Перша ґрупа то тоти цо любя тоту атмосферу, тот ґрув хтори Еґзит ма, а други то тоти, старши, хтори знаю цо Еґзит значел кед ше народзел. Ту бул и традицийни огньомет за хтори шицки души (и нє Еґзиташе) гуторя “Вааааууу, огньомет у форми шееерцооох.” Чекай, чекай. Претаргуєме Clean Bandit и їх феноменални наступ пре “пук, пук на нєбе?” Та гей, цошка горе пирщало, и то поправдзе досц длуго, алє дайце уж раз най видзе дива, хтора зоз

своїм бруталним гласом означи початок найлєпшей часци рока (окрем рочного – и то найлєпша часц у року, бо ши нє у Держави нам насущней). И вец, на досц викривеним, алє розумлївим сербским зме чули “Ћао, како сте?” Вишла на бину, по оцени критичарох, єдна з найлєпших соул дивох Emeli Sande. Гоч сом, поправдзе, була прескептична, же як єдна шпивачка зоз своїма баладочками направи добру атмосферу (а вше то так идзе – од кого нє обчекуєш тот ци найвецей да), боме тота шпивачка нам дала свашта. Перши дзень ище шицки виспани, возбудзени и розположени за чежки журки, та так була и я. Вознєсло ме. А була сом на фестивалу зоз старим пайташом, гибридом рускобританским и його автетничним пайташом Британцом. Нє же то цуґа. И стретла сом колеґиню зоз сербскей телевизиї.

– Ту сом з Британцами, а вони нє

Main stage – Бина зоз найлєпшим поглядом на бим зоз далєка, место найвекших гвиздох фестивалу и найвекших позерох хтори пришли послухац

часци писньох хтори слухали на рекламох за Еґзит.

Dance arena – Фляшочка бина. Туц, туц, киванє з главу и вельо брамушки од людзох хтори нє маю места (або моци) танцовац на лєдво полнолїтних ди-джейох.

Fusion stage – Место дзе Шепокс и Сакс шпя.

Reggae stage – Идеална бина за шминканє, бо можеш шеднуц на пняки хтори порозруцовани по простору, а нїхто це нє ґурнє, бо су мертви пияни,

або мертви виконопльовани.

Latino stage – Супер место за упознаванє страствених Шпанцох, або Мексиканцох, и ученє заводлївих крочайох.

Silent disco stage – Ха-ха-ха, яки су глупи! На слухалкох можеш слухац музику и дома, або на роботи. И вше велька гужва.

УХОД

УХОД

ДУНАЙ

преставаю пиц, нє добре ми уж.

– Мала, кед нє попиєш вецей, голєм их провадз, нє да обрукаш нашу новинарску професию. Провадзела сом, док уж нє пришли на шор полузаварти очи, цо анї нє було таке страшне, з оглядом на тото же було штири годзин рано. А Британци, свойого кову, аж ме и дому одпровадзели (було им заходно). Други дзень фестивалу бул досц популарни за екипу хтора люби култни ствари. Так, Motorhead, дали шицко од себе, алє заш лєм могло чуц коментари же “Супер су, алє су уж барз стари. Уж так, микрофон ґу устом и сце вон цошка повесц, алє нє идзе му.” А Tom Odell, наисце талантовани хлапец, хтори шицко дал од себе, аж ше и настрах презноєл – гварел свойо кед почал шпивац свою нову гит писню “I don’t know why I come to this parties.”

Соботов вечар нє лєм же зазначени як барз важни прето же го нащивели аж 52 000 Еґзиташе, або тоти цо пришли видзиц хлапчикох хтори наступали того вечара. Алє бул и нєсиґурни прето же капацитети твердинї 50 000. И прето же поєдини медиї у Держави наявйовали терористични напади джихадистох Исламскей держави на Еґзит фестивалу. Млади позер зоз специфичним гласом John Newman наполнєл Главну бину зоз младима дзивчатками хтори, углавним, слухаю тоту гвизду, бо екипа орґанизаторох Еґзиту направела добру рекламу. Manu Chao и La Ventura були спектакуларни, алє лєм з далєка, прето же таку гужву дожиц нє жадам нїкому. А Martin Garrix, дзеветнацрочни, гваря же є єден з найлєпших ди-джейох на швеце, на Денс арену пришол зоз свою малолїтну дзивку и єй оцом, на своїм приватним авиону. Лєм тельо бим сцела повесц.

Остатнї дзень фестивалу означела Денс арена на Главней бини, односно електронски вечар. Ознова огньомет, директор фестивалу спитал свою длугорочну дзивку, огньомет у форми шерцох и Faithless. Гоч вецей коментари постоя же тота ґрупа розчаровала, постоя и тоти цо ше одушевели. А фестивал заварла реґионална ґрупа Hladno Pivo зоз промовованьом нового албуму “Dani zatvorenih vrata”. Потим ше прешлo прейґ моста, попатрело на наруквицу хтора страцела свойо чаривни моци, и врацело до стварносци же заш лєм наш предсидатель шицким дзелї ордени и пише писма койкому. И нє може достац Фейсбук на телефон.

Фото: Славко Надь МАК 7-8/2015 • 7

АНДЕРҐРАУНД РЕП Албум “Open mind” представя нову файту творчосци у рускей заєднїци, а резултат є сотруднїцтва коцурского и керестурского младого уметнїка. Вони вам представяю комбинацию андерґраунда и филозофских текстох зоз хип хоп музику, дабстепом и d`n`b-ом. Як гваря, правенє того албума була “вяза на далєкосц” зоз щешлївим законченьом. Як почало сотруднїцтво зоз Пиштом? Ви ше надополнєли, понеже ти робел музику и продукцию, а вон тексти. Медзитим, и ти ше на албуму зявел як репер, значи маш прихильносци и ґу писаню?

Reepgun: Пишта предложел же бизме робели вєдно, гварел же ше му попачел мой албум хтори сом видал 2013. року, а хтори сом робел сам. Пишем тексти, мам их громаду з розличнима темами, даєдни комични, даєдни филозофски, а писани су праве за реп, понеже, кед би ше их обявело у иншакей форми, страцели би динамику и смисел, понеже то нє досц дозрети тексти же би були самостойна литература. Так же, кед их дакеди будзем обявйовац, то будзе у тим жанру. За розлику од Пишту, нє думам 8 • МАК 7-8/2015

же би автор тексту обовязно мушел буц и интерпретатор. Напроцив, кед бим надумал предлужиц зоз репом сцел бим найсц дакого хто би мал добри глас, особу котру кед чуєш – такой ше концентруєш на ню. Кеди маш найвецей креативносци и инспирациї за роботу?

Reepgun: Обачел сом же найвекшу инспирацию мам после пол ноци. И кед напишем, вельо раз го читам, сцерам, виправям... Теми каждодньово, а праве тоти два цо ше нашли на албуму то типичне филозофиранє, животни реализем, а намагам ше писац цо общейше, понеже у текстох и мойо искуства и роздумованя, алє и искуства людзох коло мнє. Зоз продукцию ше занїмаш уж даскельо роки и мал ши нагоду стретнуц ше зоз велїма жанрами. Хтори ци найбаржей одвитую?

Reepgun: Почал сом зоз андерґраунд жанром, а перше цо ми западло за ухо то нє комерцияла, алє d`n`b и дабстеп. После того ту тренс и хаус пре комерциялу и прето же ше вони досц

робя и подзековнєйши су. Щиро, шицко ми єдно хторе од того робим, прето же у ствари анї єдно з начишлєних нє моя музика, моя музика то озбильна музика, академска. На тим албуму було и вецей и менєй компликовани писнї, алє то музика хтору би я приватно слухал, та ми “лєгла” робота на нїм. Поведзме, “21 gram” була зложенша и було ю чежше поробиц, понеже є мишанїна дабстепу и репу. То нєподзековни жанр прето же є барз локално популаризовани, а ґу тому треба буц у популарнєйших водох же би ше вицагло писню. Яки твойо плани як продуцента, хтори проєкти на шоре?

Reepgun: Мам екипу зоз хтору робиме продукцию и то робиме прейґ интернету. Робиме углавним мейнстрим музику, тото цо ше найбаржей предава, то найбаржей поп музика, хаус, евентуално тренс, та даяки ремикси. Ище вше зме нє вишли “на шветло”, алє робиме на тим же бизме ше преґурали и рекламовали. Робиме шицко цо ше виплаци, та аж и турбо-фолк музику, без огляду же ми то нє слухаме приватно, прето же то робота.

СЕНКА НАДЬ РОЗГВАРКА ЗОЗ АВТОРАМИ АЛБУМА “OPEN MIND” ПИШТОМ И REEPGUN-OМ

НА РУСКИ Б О С О СП Кеди ши почал реповац и яки то тексти були? Дзе ши потераз наступал?

Пишта: Реповац сом почал у штреднєй школи, то були тексти “боже помож” и по тематики и по квалитету. Гваря же у Руским Керестуре дакеди давно бул якиш фестивалчок, нє знам чи то правда, чи даяки мит, алє ми гваря же сом там наступал, тераз то остала лєм приповедка. Думам же ше волал Овода, лєбо Довода, чи Водова, таке цошка було, алє ґлобалне зогриванє ю знїщело, та вона пресушела. Чкода. Кельо ши у живоце бул у музичних водох и хтору музику приватно слухаш? Пишта: Почал сом реповац кед сом похопел же ми глас у глави пребарз гласни же би остал нука сам зоз собу. Вше сом бул у музичних водох, гоч сом нє бул музичар. Любим музику, чувствуєм ю и нє можем без нєй. Нє мам одредзену файту музики хтору слухам, нє огранїчуєм ше, патрим же бим видзел цо далєй. Любим слухац шицко цо ма емоцию и енерґию – од d`n`b, дабстепу, прейґ металу, од металу по класику, та и тамбурашох,

любим вше одшпивац подаєден бетярац кед ше запиєме и розуми ше реп, а окреме балкански. Його найбаржей розумим и чувствуєм, алє то углавним даяки андерґраунд хтори ма вецей як 200 препатрунки на Ютюбу. На CD-у маш и сотруднїкох, чи ши и тексти за їх писнї сам писал? Постоя окремни ситуациї у хторих достанєш инспирацию за писанє? Пишта: Репер, кед є прави, нїґда, алє нїґда нє репує цудзи тексти, нїґда му ю нїхто нє напише же би ю реповал. Так и мойо сотруднїки на CD-у писали свойо тексти, розуми ше, лєм рефрен хтори Танита шпива написал я. Думам же инспирация то хвилька, нє мож ю найсц, глєдац, направиц, доволац. Лєбо ше случи, лєбо нє.

гварел же нїч нє розуми, алє дума же бим вецей нїґда нє требал реповац по сербски. А мнє нє бриґа цо гуторя, повем цо думам и нє ту сом же бим гварел дацо лєм прето же би ме любели, лєбо мержели. Маш тексти у хторих ше спомина руски народ, односно руске презвиско. Кельо це дотика проблематика националного идентитету?

Пишта: Нє дотика ме анї кус, хто сце буц Руснак най будзе, а хто нє сце, най нє будзе. Лєм би требал буц свидоми же ту дзе ми жиєме кед ше одрекнєш свойого, цудзе ци нє даю. И тим цо знаю же су Руснаци и сцу буц Руснаци, алє ше боя буц Руснаци вше до очох повем же су п***и.

Ти перши Руснак котри почал реповац по руски. На яки ши коментари, та и критики наиходзел? Пишта: Наиходзел сом на коментари як цо “кому репуєш по руски?”, “айой, тота писня би по сербски була...”, алє мой товариш Рашид, котри госцує на албуму, кед першираз чул тоти писнї по руски МАК 7-8/2015 • 9

ЗБУЛО ШЕ 8.7.1497. – Васко де Ґама, портуґалски моряк и виглєдовач, рушел на свойо длуге путованє коло южного кончика Африки. На тей драги, одкрил Индию.

4.7.1631. – У Паризу отворена аґенция за находзенє роботи, перша на швеце.

16.7.1861. – Основани Сербски народни театер у Новим Садзе.

ЮЛИЙ – АВҐУСТ

19.8.1883. – Народзена французка модна креаторка Ґабриєла “Коко” Шанел, и скоро шейсц децениї суверено владала на паризкей високей моди.

12.8.1887. – Пренаходзач Томас Едисон першираз знял людски глас. На своїм цилиндричним фоноґраму, знял рецитацию “Mary had a little lamb.”

5.7.1946. – На паризких модних пистох премиєрно представени нови модел костиму за купанє – бикини.

7.7.2000. – Цали тираж кнїжки “Хари Потер и огньови пехар” розпредани у предплати, пред тим як цо вишол зоз друку.

13.8.1899. – У Лондону народзени познати филмски режисер Алфред Хичкок, “майстор нєизвесносци и психолоґийних трилерох”, хтори направел вецей яй 50 филми.

29.7.1890. – Умар голандски маляр Винсент ван Ґоґ. Нєшка є єден з найвекших и найценєнших малярох, алє док жил, предал лєм єдну свою слику и нє бул познати и почитовани уметнїк. Його найлєпши дїла настали за менєй як три роки, пред конєц його живота.

5.8.1962. – Америцка ґлумица Мерилин Монро, єдна з найвекших голивудских гвиздох и секс-символох пейдзешатих рокох прешлого вику, окончела самозабойство у 36. року живота.

10 • МАК 7-8/2015

ЖРИДЛО: ИНТЕРНЕТ САЙТИ

АНА РИМАР, ДИПЛ. ФИЛОЛОҐ ЗА РУСКИ ЯЗИК И ЛИТЕРАТУРУ ТАК И НЇЯК ИНШАК

СПАДНУЛ ДО НЄСВЕСЦИ. ЗАМЛЄЛ. ПОКЛОН ЗА РОДЄНДАН. ДАРУНОК ЗА РОДЗЕНИ ДЗЕНЬ.

ЧАСЦИ

ИДЗЕМ КУПИЦ ДЕЛОВИ ЗА АВТО. ИПАК ПИТАМ ДА СОМ СИҐУРНА. ЗАШ ЛЄМ ШЕ ОПИТАМ ЖЕ БИМ БУЛА СИҐУРНА.

МОЖДА ТО МОЖЕБУЦ У ВЯЗИ СТУДИРАНЯ. У ВЯЗИ ЗОЗ СТУДИРАНЬОМ. ПОВЕМ ЦИ ДОК ШЕ СЕТИМ. ЗДОГАДНЄМ

КРАШНЄ ШЕ ПРЕВЕДЗЦЕ. ПРЕПРОВАДЗЦЕ ПОДЗЕЛЇМЕ ПАРЧЕ ПИЦИ?

ФАЛАТОК

МАМЕ ПРИПРЕМИ ЗА ТАКМИЧЕНЄ. ПРИРИХТОВАНЯ ЗА ЗМАГАНЄ

МАК 7-8/2015 • 11

ЗОЗ МАК-ОВЕЙ НОВИНАРСКЕЙ РОБОТНЇ СЕБАСТИЯН НАДЬ ПРИКАЗ ФИЛМА “I AM LEGEND”

ЄДЕН ОД ШИЦКИХ Вироятнє сце и сами дакеди почувствовали же як то буц осамени. То нє муши значиц же лєм коло вас нєт нїкого, алє же бисце ше и з тима хторих познаце нє пошли прешейтац як, наприклад, зоз зомбиями зараженима зоз хороту на хтору Роберт, главна подоба у науковофантастичним филму “I Am Legend”, имуни. Гоч тот филм нє єден з новших, бо є знати ище 2007. року, мнє є єден з лєпших хтори сом потераз патрел. Препоручел бим го шицким хтори любя акцию, фантастику и горор. Филм барз интересантни, з напартима сценами, а зняти є на основи кнїжки Ричарда Метисона, хтору

12 • МАК 7-8/2015

вон написал ище 1954. року. Роберт Невил, хторого у филму ґлуми Вил Смит, науковец хтори нє могол застановиц страшни вирус хтори направели людзе. Медзитим, вон имуни на ньго и остатнї є чловек хтори прежил у зруйнованим Нюйорку, а можебуц и у цалим швеце. Роберт уж три роки посила радио поруки наздаваюци ше же ше му ище дахто живи яви. Алє, вон, заш лєм, нє сам. Зли жвири хтори заражени з вирусом патра на ньго каждей секунди и чекаю же би направел даяки погришни крочай. Невил можебуц єдина надїя за спашенє чловечества. През цали филм, його мисия же би з помоцу своєй имуней креви

пренашол способ за знїщованє вируса. Єдини хто бул з нїм то його нємецки овчар Сем. Раз, кед ше уж змеркло, заражени пси нападли Сема и Роберта. Роберт вошол до авта, алє, нажаль, заражени пси уж забили Сема. После длугшого часу жалованя, Роберт ше пробує забиц. На авту ше збил до найблїзшого будинку. Прежил, алє го жвири почали нападац. У єдней хвильки на горизонту видзел шветлосц хтора одплашела жвири. То була жена хтора чула його поруки. Медзитим, ту ше случела и найвекша гришка...

ЗОЗ МАК-ОВЕЙ НОВИНАРСКЕЙ РОБОТНЇ МАРТИНА НАДЬ И ҐАБРИЄЛА ХОМА ЄДЕН З НАШИХ ОБЛЮБЕНИХ ФИЛМОХ И ҐЛУМЦОХ

ЗДОБУЛ ПОПУЛАРНОСЦ ПРЕ ГЛАВНОГО ҐЛУМЦ А “Tres metros sobre el cielo” (“Три метери над нєбом”) барз актуални филм ище и нєшка, гоч вишол 2010. року. Популарни є при тинейджерох, прето же главну улогу ма познати ґлумец Марио Касас, хторому у филму було мено Уґо (Аче). Тиж так, главну улогу ма и Мария Велварде, хтора ґлумела Баби, гоч на дзивчата найвекши упечаток охабел Марио, за хторим шицки дзивки “пошалєли”. Цитати зоз того филма часто можеме видзиц на Фейсбуку, дзе их млади обявюю и препознаваю ше у нїх. Тот шпански филм, як би хлапци поведли, женски, алє ше у нїм кажде може препознац, та и хлапцом може буц интересантни. Тоту романтичну, алє и драматичну приповедку препоручуєме, бо ю вредзи одпатриц, як и єй другу часц. Филм зняти по кнїжки италиянского писателя Федерика Мочи з исту назву, хтора друкована ище 1992. року. То тиж так и римейк италиянского филма, хтори

мал вельо меншу патреносц од шпанскей верзиї, хтора о кратки час здобула популарносц, найбаржей при тинейджерох ширцом швета, а после филма и кнїжку ше почало баржей предавац. Филм зняти лєм за осем тижнї. Баби и Уґо (Аче) були цалком розлични, мали цалком иншаки попатрунок на швет. У филму, вони мали 17 роки, припадали розличним шветом, жили у истим городзе, дзе пренаходза и любов, и церпенє. Вон бул леґинь хтори барз любел моторки, хтори бул стално зоз дружтвом и часто ше бил. Бул зоз проблематичнєйшей фамелиї... Баби була красна, поцагнута, мамова и татова дзивка, зоз углядней фамелиї. Гоч вони двойо зоз двох розличних шветох, процивносци ше прицагую, та ше и вони двойо залюбели. Баби ше меня, як и єй справованє, и родичи ше починаю бриґовац за ню, а Уґо (Аче) нє може змириц свой хлопски еґо опасного хлопа. Гоч су розлични, як чарне и биле, залюбюю ше и боря за

свою праву и щиру любов. Баби ше спроцивює родичом, а Аче ше бори процив свойого еґа. Анї нє були свидоми цо шицко жертвовали пре їх любов. Мож почувствовац їх блїзкосц, смуток и повязаносц. После їх першей звади Аче на єдним мосце написал – “Ти и я, три метери над нєбом.” Велї млади ше препознавали у їх ситуациї и любови, зато же филм барз реалистични и чувствительни. Тот надпис можеме видзиц и по мурох рижних городох. У филму єст сцени хтори нїхто нє обчекує и после хторих нїч нє остава исте. И закончує ше компликовано, з нєришенима проблемами. У другей часци филма, “Tengo ganas de ti” (“Жадам це”), їх любов достава нову нагоду.

МАК 7-8/2015 • 13

АЛЕКСАНДРА ЛЕНДЄР ИНТЕРВЮ З МЛАДИМ УМЕТНЇКОМ ПЕТРОМ МЕДЄШОМ З ВЕРБАСУ

“EAT, DROW, SLEEP – ПЕТРО МЕДЄШИ З ВЕРБАСУ ЄДЕН З НАЙАКТИВНЄЙШИХ ЧЛЕНОХ КУЛТУРНО - ПРОСВИТНОГО ДРУЖТВА “КАРПАТИ”, А ЗА СОБУ МА УЖ ВЕЛЇ НАСТУПИ, ГОЧ НЄОДЛУГА НАПОЛНЇ ЛЄМ 15 РОКИ. ЙОГО ПОТЕРАШНЇ УСПИХИ ВЯЗАНИ ЗА ШКОЛУ, СПОРТ, РЕЦИТОВАНЄ, ҐЛУМУ, ФОЛКЛОР, А ТОТО ЦО МУ ТОГО РОКУ ОДРЕДЗЕЛО И НАПРЯМ ШКОЛОВАНЯ, А МОЖЕБУЦ И ПОТЕНЦИЯЛНИ ЖИВОТНИ ЦЕК, ТО РИСОВАНЄ. ПОСЛЕ ОСНОВНЕЙ ШКОЛИ УПИСАЛ ШЕ ДО ШТРЕДНЄЙ ШКОЛИ ЗА ДИЗАЙН “БОҐДАН ШУПУТ” У НОВИМ САДЗЕ, НА НАПРЯМ – ҐРАФИЧНИ ДИЗАЙН, ДЗЕ ОД 119 ПРИЯВЕНИХ КАНДИДАТОХ БУЛ 32, А ЙОГО РОБОТА У МАЛЬОВАНЮ БУЛА ДРУГА ОД 119.

14 • МАК 7-8/2015

ОД КЕДИ ЦЕ ИНТЕРЕСУЄ РИСОВАНЄ И КЕДИ ШИ ОДЛУЧЕЛ ЖЕ БИ ШИ ШЕ ШКОЛОВАЛ У ТИМ НАПРЯМЕ? ПЕТРО МЕДЄШИ: РИСУЄМ ОД ПЕЙЦОХ РОКОХ. ПЕРШЕ ЦО СОМ РИСОВАЛ БУЛИ АВТОЧКА У ОВОДИ. ДАКЕДИ СОМ ДОМА ЗОЗ ПЛАСТЕЛИНУ ПРАВЕЛ ЛЕҐО, А ВЕЦ ЗОЗ НЬОГО ПРАВЕЛ ДАЯКИ ПРЕДМЕТИ, НАПРАВЕЛ СОМ И “ЕНҐРИБРДС” ЗОЗ ПЛАСТЕЛИНУ. ПОЗНЄЙШЕ СОМ ПОЧАЛ ОЗБИЛЬНЄЙШЕ РИСОВАЦ, И ТО ЛЄМ ЖИВОТИНЇ – ПСИ, МАЧКИ, ВЕЦ ПОДОБИ ЗОЗ СТРИПОХ, А ПОТИМ СОМ ПОЧАЛ РИСОВАЦ “ЗОЗ ГЛАВИ” – ЖВИРИ, ЧУДОВИСКА, И ТАК НАСТАЛИ МОЙО ПЕРШИ ОРИҐИНАЛНИ РОБОТИ. РАЗ, КЕД СОМ ЛЄЖАЛ НА ПОСЦЕЛЇ И ПАТРЕЛ НА ПОВАЛУ, ЗАДУМОВАЛ СОМ РУКУ КОТРА ПОЧАЛА ОДДЗЕРАЦ ТОТУ ПОВАЛУ И ПОМАЛИ ОДКРИВАЛА НЄБО... ДЗЕШКА У ТОТ ЧАС ШЕ МИ ПОПАЧЕЛИ И ТАКИ СЛИКИ ЗОЗ МРИЇ, ЄДНА ФАЙТА ОПТИЧНИХ СПРЕВОДЗКОХ И ТРОДИМЕНЗИЙНИ СЛИКИ. ТЕДИ СОМ ЗАКОНЧОВАЛ ОСНОВНУ ШКОЛУ И ХТОШКА МИ ГВАРЕЛ ЗА ТОТУ УМЕТНЇЦКУ ШКОЛУ. ЗА МНЄ ТО БУЛО, ЯК БИ ШЕ ПОВЕДЛО, ЕУРЕКА! ОД ТЕДИ СОМ ШЕ ПОЧАЛ РИХТАЦ ЗА ПРИМАЦИ.

КЕЛЬО И ЯК ШИ ШЕ ПРИРИХТОВАЛ ЗА ПРИМАЦИ ИСПИТ ЗА ШКОЛУ? ПМ: ЧУЛ СОМ ЖЕ ВЛАДИМИР НЯРАДИ РИХТА ШКОЛЯРОХ ЗА ПРИМАЦИ, ТА СОМ У ЯНУАРУ ПОЧАЛ ХОДЗИЦ ДО НЬГО НА ГОДЗИНИ. ПОТЕДИ СОМ НЇҐДА НЄ ХАСНОВАЛ ТЕМПЕРИ. ДУМАЛ СОМ ЖЕ ТО ЛЄМ ФАРБА И ЖЕ ЗОЗ НЇМА НЄ МОЖ ЦИНЬОВАЦ. МЕРТВА ПРИРОДА МЕ ТИЖ ТАК НЇҐДА НЄ ИНТЕРЕСОВАЛА, АЛЄ ТЕРАЗ, КЕД СОМ ПОЧАЛ РИСОВАЦ, ПОПАЧЕЛО ШЕ МИ. НА САМИМ ПОЧАТКУ СОМ УЧЕЛ О ЛИНИЙОХ, КРУГОХ, ПРОПОРЦИЙОХ, ВЕЛЬКОСЦОХ, ЦИНЬОХ... ПЕРШИРАЗ СОМ МЕРАЛ ПРЕДМЕТИ ЗОЗ ПАЛЬЦОМ, ЛЄБО КЛАЙБАСОМ. Я И ПОТЕДИ ХАСНОВАЛ ДАЯКИ ТЕХНЇКИ, АЛЄ СОМ НЄ ЗНАЛ ЖЕ ЯК ШЕ ТО ВОЛА, ТЕХНЇКА СУХЕЙ ЩЕТОЧКИ, ПОВЕДЗМЕ. ПРЕД ТИМ СОМ НЄ МАЛ НЇҐДА ИСКУСТВА АНЇ ЗОЗ СКУЛПТОРСТВОМ, А И ТОТО ШЕ МИ ПАЧИ. ХТОРИ ЙОГО СОВИТИ И КОМЕНТАРИ ЦИ НАЙБАРЖЕЙ ХАСНОВАЛИ? ПМ: ВОН МИ СОВИТОВАЛ ЖЕ ЦО МАМ ПЕРШЕ ПОРОБИЦ НА ПРИМАЦИМ. НАЙХАСНОВИТШИ СОВИТ МИ БУЛ ЖЕ НАЙ НЄ ТРАЦИМ ЧАС НА ДЕТАЛЇ, ЦО СОМ ПОТЕДИ ЧАСТО РОБЕЛ. МАЦ МИ РАЗ

–

RepEAT!” ВИВОЛАЛА ЖЕ ЄЙ ГВАРЕЛ ЖЕ СОМ ДОБРИ И ЖЕ ПРЕЙДЗЕМ, АЛЄ ПРЕДО МНУ НЄ ГУТОРЕЛ ВЕЛЬО. ТЕРАЗ ПОХОПЮЄМ ЖЕ НЄ СЦЕЛ ЖЕ БИМ ШЕ ОПУЩЕЛ И ДЗЕКУЄМ МУ ПРЕ ТОТО. ДЗЕ НАХОДЗИШ ИНСПИРАЦИЮ? ПМ: ПРОВАДЗИМ НА ИНСТАҐРАМУ РИЖНИХ СТРАНСКИХ АВТОРОХ, А НА ЮТЮБУ ПАТРИМ ЯК ОБДУМУЮ ПОДОБИ У РИСОВАНИХ ФИЛМОХ, ЯК ИХ РИСУЮ НА ПАПЕР И УНОША ДО КОМПЮТЕРА. НА ФЕЙСБУКУ СОМ НАПРАВЕЛ И БОК “ПЕТ-АРТ” НА КОТРИМ КВАЧИМ МОЙО РОБОТИ. МАМ “АКАУНТ” И НА ДРУЖТВЕНЕЙ МРЕЖИ ТАЛЕНТХАУС, НА КОТРЕЙ ОБЯВЮЄМЕ ШИЦКО ЦО ВЯЗАНЕ ЗА УМЕТНОСЦ. КОТРИ СТИЛ ЦЕ НАЙБАРЖЕЙ ИНСПИРУЄ И ЦИКАВИ? ПМ: НАЙВОЛЇМ 3D СЛИКИ И СЛИКИ НА КОТРИХ ЄСТ ДАЯКИ ОПТИЧНИ СПРЕВОДЗКИ. ИНТЕРЕСУЄ МЕ ДИЗАЙНОВАНЄ БАВИСКОХ И АНИМИРАНИХ ФИЛМОХ. И ТО ФАЙТА УМЕТНОСЦИ. И ТУ ШЕ ПОЧИНА ОД КЛАЙБАСА И ПАПЕРУ. ИЛУСТРАЦИЇ КНЇЖКОХ, ОБДУМОВАНЄ КОСТИМОХ, ШМАТОХ, МЕБЛЮ, ШИЦКО

ТОТО МЕ ЦИКАВИ. НЄШКА ШЕ РИСУНОК ХАСНУЄ И У ФИЛМСКЕЙ ИНДУСТРИЇ, ТА ЛЮБИМ И ТАКИ ФИЛМИ. ЛЮБИМ КАЖДУ ФАЙТУ УМЕТНОСЦИ КОТРА ШЕ ОПЕРА НА РИСУНОК, А Я РИСУНОК ВИДЗИМ ВШАДЗИ.

СВОЙО МЕНО. ҐЕНЕРАЛНО, ВШЕ ДАЦО РОБИМ, ЛЄБО ПРАВИМ.

КОТРИ ГОБИЇ МАШ И ЗОЗ ЧИМ ШЕ ИЩЕ ЗАНЇМАШ?

ПМ: ТО ШЛЇДУЮЦИ КРОЧАЙ У МОЄЙ УМЕТНЇЦКЕЙ КАРИЄРИ. СКОРЕЙ СОМ НЇҐДА О ТИМ НЄ РОЗДУМОВАЛ, АЛЄ ТЕРАЗ КЕД СОМ ШЕ УНАПРЯМЕЛ, СЦЕМ ЗАКОНЧИЦ ТОТУ ШКОЛУ, ВЕЦ ШЕ УПИСАЦ НА ФАКУЛТЕТ, НА НАПРЯМ ҐРАФИЧНИ ДИЗАЙН, ЛЄБО АНИМИРАНИ ФИЛМИ, А ПОТИМ БИМ СЦЕЛ ПОЙСЦ ДО БАЧИКА,

ПМ: ИНТЕРЕСУЄ МЕ КОЙЦО, ЛЮБИМ ШЕ ОПРОБОВАЦ У РИЖНИХ СПОРТОХ, ПОВЕДЗМЕ, СТОЛНИ ТЕНИС НАЙВОЛЇМ, АЛЄ ЛЮБИМ И ФОЛКЛОР, ҐЛУМУ, РЕЦИТОВАНЄ... У “КАРПАТОХ” ВШЕ СУПЕР

ЦО ЗА ЦЕ ЗНАЧИ УПИС ДО ТЕЙ ШКОЛИ И ЯКИ ЦИ ПЛАНИ У БУДУЧНОСЦИ?

ПЕТРОВО РОБОТИ ОПАТЬЦЕ НА ЙОГО ФЕЙСБУК БОКУ “ПЕТ-АРТ” ДОЖИЦА, ОКРЕМЕ НА ПУТОВАНЬОХ И НАСТУПОХ. У ШЛЄБОДНИМ ЧАШЕ ЛЮБИМ ПАТРИЦ КОМЕДИЇ, ЛЮБИМ ЧИТАЦ КНЇЖКИ АВАНТУРИСТИЧНОГО ЖАНРУ, ПОВЕДЗМЕ КНЇЖКИ О ШЕРЛОКОВИ ХОЛМСОВИ И ХАРИЙОВИ ПОТЕРОВИ. ЛЮБИМ БЕШЕДОВАЦ ПО АНҐЛИЙСКИ, ТА ДАКЕДИ ЗОЗ ПАЙТАШАМИ КОТРИ ЗНАЮ, ТАК, БЕЗ ВЯЗИ, БЕШЕДУЄМЕ ПО АНҐЛИЙСКИ. ДАКЕДИ ПОМАГАМ ШЕСТРИ ЖЕ БИ НАПРАВЕЛА СВОЙО КРЕАЦИЇ МАЇЦОХ, ШМАТОХ... КЕД МИ НЄДАВНО БУЛО ДОПИТО, ТА СОМ ЗОЗ ПУЗЛОХ НАПРАВЕЛ

ДО АБУ ДАБИЯ. ТАМ БИМ СОМ ЛЮБЕЛ ПРАВИЦ РИСОВАНИ ФИЛМИ И БАВИСКА.

МАК 7-8/2015 • 15

ЗЛАТКО ЕМЕЙДИ АЛБУМ “VAN DOMETA“

ВредЗи ПОслУхАЦ Концом прешлого року случел ше прави БУМ на сербскей реп сцени. Млади репер Милан Сисоєвич, познатши як Кенди (скорей Cantwait), видал свой перши студийски албум под назву “Van dometa” за видавательну хижу “Bassivity digital”. Кенди ше 2006. року почал занїмац зоз реп музику. З часом розвил свой препознатлїви стил полни харизми и духовитих линийох. У його стилу перше сом обачел рижнородни flow. Зна преходзиц з єдного на други у цеку єдней писнї. Зоз писню “Jam” пoчина його сотруднїцтво зоз нашу найпознатшу хип хоп видавательну хижу “Bassivity digital”. Мож повесц же му тота писня отворела дзвери ґу вельким бавячом, хтори маю вельо вецей роки стажу у тим жанру. Потераз видал штири проєкти, и то два mixtape-и зоз 3man-ом под назву “Sex & Nasilje”, соло ЕP “Lak na obaraču”, и албум “Van dometa”. “Van dometa” му озбильнєйше виданє од прешлих, алє то нє значи же

16 • МАК 7-8/2015

нєт гумору и зезаня. На албуму госцуюци вокали Eeva, Sky Wikluh, Reksona, Plema, Marčelo, Who See, Timbe, Majki P и Bogosav X, док за музику були задлужени Luxonee, Stoka Beatz, Coby, Mystee, Lucid, Kruks, 3man, Timbe, Marvel и S-kicka. Хто кус попровадзел балканску сцену, може видзиц же ше озбильна екипа зишла на тим виданю. Микс и мастеринґ робел, тераз уж искусни, Jan Zoo. Албум нє цалком тематски. Од 15 писньох, шейсц тематски и повязани су зоз тему “Van dometa”. “Van dometa” представя сцеканє, лєбо путованє. Сцека од людзох, допитосци, лєбо и од самого себе. Путує по швеце, еґзотичних и луксузних местох, а писню “Posejdon” би могло толмачиц як путованє на гевтот швет. Най вас нє збунїм, албум нє чарна хронїка, як цо зме звикли у реп музики. На початку сом написал же бул БУМ, бо розбил чарно-шиву монотонию реп музики, зоз веселима ритмами, вишпиванима рефренами и духовитима текстами. Потераз обявени два споти, хтори препоручуєм одпатриц,

и то за писнї “Ne diraj to” i “Alhemičar”. Наявени ище два у цеку рока. Даєдни писнї сце могли видзиц на локалним MTV-ю, як и на MTV топ-лїстини “Domaćica”. Пред тим як вишол албум, наявене же будзе безплатни, алє тоти цо сцу випочитовац авторох годни купиц физичне виданє. Медзитим, физичне виданє нє обявене. Албум можеце преслухац на Deezer-у, ютюбу, лєбо зняц зоз сайту: http://bassivitydigital.com/blog/ kendi-van-dometa/. Тот албум ма шветлу будучносц. То нє сезонске виданє. Ище длуго ше будзе обрацац у наших плеєрох. Зоз тим, Кенди пошол “van dometa” другим репером.

Далибор Болдиш

бависко рока Конєчно и хаснователє персоналних рахункарох дочекали хвильку же би и сами випробовали шветове “чудо од бависка” GTA V (Grand Theft Auto V) и же би годзини препровадзени у препатраню Ютюб каналох “загриженей америцкей бавяцкей колониї на конзолох” конєчно заменєли зоз пребераньом криминалней инициятиви у прекрасним варошу котрого волаю “Лос Сантос”. Руса би нїґда нє лапели як краднє по улїчки. Вон би дискретно вошол до хижи зоз торбу, кияком и з двома пайташами, препатраюци кажди куцик, терасу, фрижидери, тоалети, глєдаюци даяки забути децилитер водки. Цо, поведзме, нє так при америцких толвайох. Зоз прешвечлїву озбильносцу на твари, хтору мож поровнац зоз прешвечлївосцу китайских продуковательох Ададас и Найка продуктох, америцки толвай вам да позауха, вицагнє вас зоз авта, потим вас витреше зоз ґачох и на концу охаби же бисце збунєти лєжали на штред улїчки з празнима кишенками

и без авта. Ґенерално, бависко GTA V нам оможлївело же бизме дожили америцки живот зоз шицких аспектох живота, та и зоз того. Як зме уж и звикли, продукователь бависка GTA “Rockstar Games” нас вше приємно нєсподзива зоз своїм знаньом и схопносцу кед у питаню оживйованє виртуалного живота хтори диха зоз полнима плюцами. Мнє найвекше нєсподзиванє була велькосц вароша, односно самей мапи. Спомнул сом уж же ше варош у самим бависку вола Лос Сантос, а робени є по углядзе на америцки варош Лос Андєлес. Цала мапа ше пресцера на 100 квадратни милї, односно 25 900 гектари, цо барз возбудзуюце, прето же цалу мапу нє мож так лєгко прейсц, та аж анї зоз МИҐ авионом, украднутим зоз воєного аеродрому. Погляд з висоти на город, поготов вноци, обчаровює. Мисиї крашнє розпоредзени и кажда з нїх ма супер задуману приповедку. У бависку єст даскельо розлични карактерни подоби зоз хторима можеце бавиц и хтори маю заєднїцки, або одвоєни мисиї.

Руку на шерцо, векшина мисийох указує на криминал, проституцию, вимсценє и бес, алє думам же то нїяк иншак анї нє мож розумиц, лєм як нашу каждодньовосц приказану у виртуалним швеце. Алє, єст и красни ствари – маце можлївосц пойсц до карчми зоз пайташами на добре опиванє, можеце пойсц до лунапарку, на лови на єленї, ходзиц на йоґу, скакац з авиона зоз падобраном... Єдноставно, бетяре зоз “Rockstar”-у ше наисце намагали ожиц милиярди дробнїци зоз хторих ше состої єден обични варош. Кед бизме заджмурели на вельке число “баґох” у бависку (яґод цо то звук дзе у даєдних хвилькох маце упечаток як кед би звуки були знїмани у дньовей хижи, а предати за два долари), на нагли виходи зоз бависка без обгрунтованя и громаду нєприкладного справованя и оштрого язика, вец GTA V наисце прекрасне бависко. Нєможлїве у єдним тексту облапиц шицки можлївосци того бависка, алє кед сце ше нєшка, поведзме, ище нї зоз ким нє побили, шеднїце за компютер, та уживайце у шицких чародїйносцох бависка рока! МАК 7-8/2015 • 17

Зоз МАК-овей новинарскей роботнї Марина Роман и Александра Русковски Интервю зоз хореоґрафку Ґабриєлу Саянкович

ПРОБА ДОБРА КЕ Д ОБЛАКИ ЗАМОЛГАВЕНИ

Руснаци свою традицию чуваю на рижни способи. Єден з нїх то и през фолклор – файту танцу хтора заступена у рижних културох и народох. Фолклорни секциї робя у велїх наших КУД-ох у местох дзе жию Руснаци, и велї людзе ше намагаю очувац тоту нашу културу. Єдна з нїх и Ґабриєла Саянкович, хореоґрафка у Доме култури у Руским Керестуре, хтора и сама почала танцовац у другей класи основней школи, а и тераз танцує з ветеранами. Як треба младих заинтересовац за фолклор? Ґабриєла Саянкович: Дац им вецей нагоди за друженє зоз танцошами, упознац их зоз тим же кельо танєц и фолклор можу буц опущуюци и интересантни, а исто так и поучни. Яки треба мац квалитети за фолклор? ҐС: Ритем, ритем и ритем. Исто так и слух и добру дзеку, алє насампредз – любов ґу музики. Задовольна ши зоз своїма танцошами? ҐС: Вшелїяк! З їх трудом и порядносцу на пробох, а понеже я и сама любим научиц 18 • МАК 7-8/2015

дацо нове, та ме окреме одушеви їх жажда за ученьом и здобуваньом нових знаньох и схопносцох. Кеди наступи и проби успишни? ҐС: Танцоше би през франту поведли же успишна проба теди, кед ше облаки у сали замолгавею. Обдумуєм пробу котра будзе мац часц кед ше увежбує научене, кед ше учи цошка нове и часц котра будзе унапрямена за здобуванє добрей кондициї, правилного триманя, здобуваня єдного заєднїцтва танцошох. Резултат успишних пробох то успишни наступ. Даєдни гваря же танєц менєй вредзи як спорт. Цо ти думаш о тим? ҐС: Дома мам трох хлопох хтори ше занїмаю зоз спортом, и котри сами гварели же добра проба исте, цо и добри тренинґ. И танєц и спорт вимагаю добру физичну кондицию. А тим цо скептични, поручела бим най приду на нашу пробу, одтанцую з нами даскельо годзини и вец най судза. Добре кед ше млади опредзеля за гоч яку файту рекреациї, чи то танєц, чи спорт, завиши од прихильносцох каждей особи поєдинєчно.

Хтори ци найкрасши памятки за тоти роки кельо танцуєш? ҐС: Нє можем окреме видвоїц даяке збуванє, бо и у дзецинских ґрупох, и у виводзацкей, и тераз у ветеранох за мнє окремни хвильки, препровадзени лєм у веселей атмосфери. Як би танцоше поведли, шицки турнеї приповедка за себе и цошка цо ше нїґда нє забува. У цалей своєй кариєри, зоз чим ше найбаржей цешиш? ҐС: У шицких наступох ґрупох зоз хторима сом мала нагоду робиц и робим уж треци рок. У каждим наступу ше барз цешим, преживюєм з нїма и трему и радосц кед успишни наступ, ище баржей як кед я сама наступам. То наисце нє можем анї описац. Наздавам ше же будзем мац ище вельо нагоди дзелїц зоз танцошами тоти чувства. Яки маш плани за далєй? ҐС: За мнє, буц хореоґраф то заш лєм цошка нове, и уживам учиц вєдно з танцошами. А цо ше дотика планох за далєй, любела бим мац нагоду вецей виглєдац о фолклору при Руснацох у шицких других обласцох у котрих зме жили, и тераз жиєме, и вец то потим пренєсц новим танцошом.

ТЕОДОРА ИВКОВ И ЕМИЛИЯ ЧИЗМАР БЛОҐ У МАК-У (STUDENTSKIKUVAR.BLOGSPOT.COM)

Пелин нє алкогол, пелин лїк

Єдна товаришка ми гварела же у пелинковцу єст тельо рошлїни же ци вон 100% муши вилїчиц даяку хибу. И мнє то абсолутно мало смисла, понеже сом вше обачовала якушик нєзопераюцу подобносц з дзецинским сирупом процив кашлю. Шицки ше здогадуєце... гевтот целови, дакус “ґадни”, алє после ци будзе лєпше. З часом тото свойство прешло на шицку “жестину”.

Дацо сладке

Кед ци спаднє до води план же ше одаш за леґиня хтори зна вариц пудинґ, та нїґда нє будзеш мушиц звладац тот рецепт, єдноставно будзеш мушиц, як кажда еманципована дзивка нашей ґенерациї, вжац тот мещок до рукох, пречитац упутство и увариц го сама. Состойки: • Мещок пудинґу • Пол литри млєка • 4 ложички цукру Поступок: • Помишац пращок з мещка, цукер и дакус млєка у окремней судзини • Вариц остаток млєка, додац мишанїну спомнуту горе, и мишац док нє згушнє • Сервирац, лєбо єсц зоз шерпенї. Значи – єсц зоз шерпенї

Мож го пиц у трох вариянтох: • Пелин – за тих, мож повесц *алал вера* • Пелин, коло того вода – за нас хтори *знаме пиц* (то комплимент, толкованє за тих хторим потераз гуторели лєм же су красни и мудри) • Пелин, коло того кола – за смаркошох, хторим тот єден пелин, евентуално ещи єден, буду шицко цо попию, та им останє и на колу. Гоч цо... алє, єст и таких. Пошлїдки пелину рижнородни. Даєдним нє будзе нїч, даєдни ше однєю, руша дому на таксию, а вец заш лєм на пол драги риша же би волєли одрачковац по дом на шицких штирох, а даєдни на свадзби коло танцую так секси, як по теди нїхто нїґда нє танцовал коло... Каждому з нас познате бависко Наздраве! *Добре рано*

Смачного!

МАК 7-8/2015 • 19

ИВАНА КИШ, ШКОЛЯРКА МЕДИЦИНСКЕЙ ШКОЛИ ЕУТАНАЗИЯ

ЗА ЄДНИХ ГУМАНОСЦ, ЗА ДРУГИХ ГРИХ МИ НЄ ЖИЄМЕ У ЧАРНО-БИЛИМ ШВЕЦЕ. НАШ ШВЕТ ПРЕПОЛНИ З РОЗЛИЧНИМА ФАРБАМИ ХТОРИ НЄОДРЕДЗЕНИ, ТУ ПРЕПОЛНИ СПЕКТЕР У НУКАШНЬОСЦИ ГЕВТОГО ПОЗНАТОГО. ЄСТ ПРЕВЕЛЬО ТОГО ЗА ОДЛУЧОВАНЄ, А ЖЕ БИ ИСТЕ ТОТО ОДЛУЧЕНЕ БУЛО ПРЕДВИДЗЕНЕ ЗОЗ ЗАКОНОМ, ДРУЖТВЕНИМ МОРАЛОМ, БОН-ТОНОМ, ЕТИКУ... КАЖДИ ЖИВОТ ИНДИВИДУАЛНИ И ОКРЕМНИ, АЛЄ ТАКА И КАЖДА ШМЕРЦ. МИ, ЛЮДЗЕ, МОЖЕМЕ БУЦ И ГУМАНИСТИ. ТО МЕСТО НАС НЄ МОЖЕ БУЦ АНЇ ЄДНА ИНСТИТУЦИЯ. ШМЕРЦ ЧАСЦ ЖИВОТА И ЯК ТАКУ ТРЕБА ЖЕ БИЗМЕ Ю ПРИЛАПЕЛИ. И МИ ЄДНОГО ДНЯ УМРЕМЕ. И Я. А ТО ЖАДАМ ПОРОБИЦ ДОСТОЇНСТВЕНО, СВИДОМО И З ОШМИХОМ!

НО, ВШЕ ПОСТОЇ ГЕВТО “ЦО КЕД НЄ ТАК?!” ЦО ШЕ СЛУЧУЄ КЕД НАШО ЗАДУМКИ ПАДАЮ ДО ВОДИ, КЕД НЄ У НАШЕЙ МОЦИ ЖЕ БИ ШИЦКО ИШЛО ЯК ЗМЕ ЗАДУМАЛИ... ЄСТ ДВА МОЖЛЇВОСЦИ: ЦАЛКОМ ШЕ ПРЕПУЩИЦ ЦУДЗЕЙ И НЄПОЗНАТЕЙ ДРАГИ, АБО ВИБРАЦ ГЕВТУ, ХТОРА БЛЇЗША ГЕВТЕЙ ПРИМАРНЕЙ. ЕУТАНАЗИЯ, АБО ЗАБОЙСТВО ЗОЗ МИЛОСЦИ, ПО МОЇМ ДУМАНЮ ПРАВЕ ТОТО – ВИРАЗ МИЛОСЦИ. ОСОБИ КОТРА ПИТА ЖЕ БИ ШЕ ЄЙ ОЛЄГЧАЛО ТРАПЕЗИ, ТО ТРЕБА И ВИТВОРИЦ. ИНКВИЗИЦИЙНИ МЕТОДИ НЄСТАЛИ ЗОЗ ШТРЕДНЇМ ВИКОМ, 20 • МАК 7-8/2015

А НАГАНЯНЄ ОСОБИ КОТРА ВЕЦЕЙ НЄ МА НЇЯКУ КОНТРОЛУ НАД ВЛАСНИМ ЦЕЛОМ ЖЕ БИ ЖИЛА, А КОТРА СВИДОМА И ЗАРОБЕНА У НЇМ, ПРАВЕ ТО – ТРАПЕНЄ.

ОСОБИ КОТРИ ЦАЛКОМ ОДНЯТИ, МОЖУ ЖИЦ РОКАМИ, ДЕЦЕНИЯМИ, АЛЄ ЦАЛИ ТОТ ПЕРИОД ВОНИ ШЕ ТРАПЯ, ЧИ ШЕ ВАМ ТО ПАЧИ, АБО НЄ. ЯКА ПОЕНТА ЖИВОТА КЕД ШИ НЄ ГОДЗЕН СТАНУЦ ЗОЗ ПОСЦЕЛЇ, КЕД ШЕ НЄ МОЖЕШ САМ ПРЕШЕЙТАЦ, КЕД ШЕ НЄ МОЖЕШ ЩИРО НАШМЕЯЦ, ТАНЦОВАЦ, ВОДЗИЦ ЛЮБОВ, АБО ГОЛЄМ НАЙЄДНОСТАВНЄЙШЕ УДИХНУЦ ВОЗДУХ, ЗАТРИМАЦ ГО ГЛЇБОКО У СВОЇХ ПЛЮЦОХ И ВИДИХНУЦ? ЯКА ПОЕНТА ЖИВОТА КЕД, У СТВАРИ, НЄ ЖИЄШ? НЄ ОБВИНЮЄМ ОСОБИ КОТРИ ОТРИМУЮ СВОЇХ НАЙМИЛШИХ У ЖИВОЦЕ, ВОНИ ШЕ БОЯ ОД ТРАЦЕНЯ ТЕЙ ОСОБИ, АБО ЄДНОСТАВНО ПОБЕДЗИ ГЕВТОТ ДОБРЕ ПОЗНАТИ НАПРЯМ – ВИРА. ПРАВЕ ТОТА ВИРА ТО И ЗАБОЙСТВО САМЕЙ МИЛОСЦИ, БО И ГЕВТА НАЙМЕНША ВИРА, ВИРА ЖЕ ТОТА ИСТА ОСОБА ЄДНОГО ДНЯ СТАНЄ З ПОСЦЕЛЇ И БУДЗЕ ГЕВТА ИСТА ОСОБА ЯК ПРЕД ТИМ, ДОСТАТОЧНА ПРИЧИНА ЖЕ БИ ЕУТАНАЗИЯ БУЛА ОДРУЦЕНА ЯК ПРЕДКЛАД ВИХОДУ. ПРОЦЕС ЛЕҐАЛИЗАЦИЇ ЕУТАНАЗИЇ ЗАПОЧАЛ У ГОЛАНДИЇ, КЕД ҐЕРТУДА ПОСТМА УШМЕРЦЕЛА СВОЮ ВЛАСНУ МАЦЕР З ВИЯВУ: “НЄ МОГЛА СОМ ВЕЦЕЙ

ПАТРИЦ НА МОЮ МИЛЄНКУ ЯК ШЕ ПРЕТВАРЯ ДО ЧЛОВЕЧЕЙ ШКАРУПИНИ.” ДВА РОКИ ПОЗНЄЙШЕ, ТОТА “РОБОТНЯ” ЛЕҐАЛИЗОВАНА У СПОМНУТЕЙ ЖЕМИ. У СЕРБИЇ ЕУТАНАЗИЯ НЄ ДОШЛЄБОДЗЕНА И ТРИМА ШЕ ЯК ЗАБОЙСТВО. НЄ ДОПУЩИЦ ДАКОМУ ЖЕ БИ УМАР, КЕД ЖЕ ВОН ТО, НОРМАЛНО, ЖАДА, А КЕД ТОТ ЖИВОТ ПРИ ТИМ СТРАЦЕЛ КАЖДИ СУБЄКТИВНИ СМИСЕЛ И ОБЄКТИВНУ ВРЕДНОСЦ, ЖИВОТ ХТОРОМУ ОДНЯТИ КАЖДИ КВАЛИТЕТ, ЗА МНЄ ТО УЖ НАСИЛСТВО... МОРАЛНО НЄ МОЖЕМЕ ОПРАВДАЦ НАСИЛНЕ ЗАБОЙСТВО ЛЮДЗОХ ПРОЦИВ ЇХ ЖАДАНЯ. ТИЖ ТАК, НЄ МОЖЕМЕ МОРАЛНО ОПРАВДАЦ АНЇ ЗАБОЙСТВО ЛЮДЗОХ ПРОЦИВ ЇХ ЖАДАНЯ И КЕД БИ ТО ЗА НЇХ ЗНАЧЕЛО ДАЦО ДОБРЕ. З ТАКИМ ПОСТУПКОМ ШЕ ПОТУПЮЄ ЧЛОВЕКОВО ПРАВА, ЦО ПРОЦИВНЕ ПРАВДИ. МЕДЗИТИМ, ШИЦКИ ДРУГИ ФАЙТИ ЕУТАНАЗИЇ ДАКЕДИ СОГЛАСНИ ЗОЗ ПРАВДУ И МИЛОСЕРДИЙОМ. НО, НЄ ШМЕМЕ ЗАБУЦ УСЛОВИЄ КОТРЕ НОШИ САМА ДЕФИНИЦИЯ ЕУТАНАЗИЇ, А ТО ЖЕ ВОНА ПОСТУПОК ЗОЗ ХТОРИМ ШЕ ПОМАГА ГЕВТОМУ ЦО УМЕРА.

ЦЕЦИЛИЯ НАДЬ ЛЄТО, СЛУНКО И ЙОГО ДЇЙСТВО

ЖРИДЛО ЕНЕРҐИЇ, АЛЄ И СПРИЧИНЬОВАЧ ХОРОТОХ ОСТАТНЇ РОКИ ШЕ ВШЕ ВЕЦЕЙ ДАВА ЗНАЧНОСЦ ЧКОДЛЇВИМ ЕФЕКТОМ СЛУНКА, ПРЕТО ЖЕ ПРЕВЕРШЕНА ВИЛОЖЕНОСЦ СКОРИ ОХАБЯ ОЗБИЛЬНИ ДЛУГОРОЧНИ ПОШЛЇДКИ. ЯК ГВАРЯ ФАХОВЦИ, ЧАСЦ СЛУНКОВОГО ЗАРЙОВАНЯ ХТОРЕ ШЕ НАВОЛУЄ УЛТРАЛИЛОВЕ (УЛТРАВИОЛЕТНЕ, ЛЄБО УВ) ЗАРЙОВАНЄ ЧКОДЗИ ШИЦКИМ ОСОБОМ, А ОКРЕМЕ ДЗЕЦОМ И МЛАДЕЖИ. ПРИ МЛАДИХ НЄШКА БАРЗ ПОПУЛАРНЕ И ХОДЗЕНЄ ДО СОЛАРИЮМУ, А ДАЄДНИ ЗНАЮ АЖ И ПРЕВЕРШИЦ И ПОСТАЦ ЗАВИСНИ ОД ХОДЗЕНЯ ДО ТИХ САЛОНОХ.

– Беби и дзеци до трох рокох нїяк нє треба викладац директному слунковому зарйованю, старши дзеци и одроснути треба же би керовали директни контакт од 10 до 16 годзин, кед слунко наймоцнєйше. На одкрити часци скори треба масциц крему зоз високим защитним фактором СПФ 50+. Масценє креми треба повторйовац после купаня, гоч слово и о водоодпорних кремох, а тиж нє треба забуц защициц и уста, уха, нос и верхню часц талпи – гвари дохторка Татяна Рош, зоз Клинїки за скорово и венерични хороти Клинїчкого центру Войводини и додава же слунко може буц и хасновите, бо дїйствує на розположенє, а УВ зарї оможлївую синтезу витамину Д у скори.

же ше нє слункуєм по наймоцнєйшим слунку. Нє ходзим до солариюму, а и другим так совитуєм. Почарнїц по найгоршу цену, вшелїяк же вообще нє хасновите – наглашує Ивана. Ивица Няради заш лєм гвари же вон нє хаснує креми як превентиву.

– Кед моцне слунко, меркуєм же бим ше нє спекол, а уж кед придзе до того, похаснуєм масц процив опеклїнох же би ше скора лєпше и швидше обновела. Думам же моцне слунко нє добре за скору, бо вона церпи кед ше спече – гвари вон.

Ивана Ловас гвари же вше водзи рахунку о своєй скори кед ше слункує и же нє ходзи до солариюму, бо є свидома його пошлїдкох.

Нєшкайши тренд, а и найшвидши способ доставаня почарнєтого тену то одход до солариюму. Як першу причину прецо солариюми чкодлїви, дохторка Рош видвоєла УВ зарї од хторих ше скора бранї так же почарнї и загрубнє, односно чарнєнє то защитни механїзем скори.

– Хаснуєм креми зоз високим защитним фактором. Нє спекла сом ше давно прето

– Тиж так, солариюми у нашей жеми доступни шицким, без огляду на старосц и

прихильносц ґу охорйованю скори. Заняти у салонох нє маю здравствене едукованє, та анї нє муша водзиц рахунку о тих ризикох. Нє постої законска реґулатива з хтору би ше контроловало исправносц апаратох, прето же ше часто увожи половни солариюми, и вони ище баржей грожа скори и орґанизму – визначує Рошова. Но, гоч то и так, и гоч велї свидоми же солариюми можу буц барз опасни и же чкодза скори, заш лєм, ходза до нїх.

– До солариюму ходзим даскельо раз пред лєтом, прето же мам бляди тен, та ше вец на моцним слунку спечем. Пред солариюмом нє кладзем нїяку крему, алє идзем без шминки. Млєко за цело хаснуєм кед ше отуширам, кед прейдзе найменєй два годзини после слункованя – обяшнює Милица Миланков.

МАК 7-8/2015 • 21

ГЕВИ ВОК

“ДАЙ И ТИ СВОЮ РУКУ” И “PACT ON”

МЛАДИ КОЦУРСКЕ ЗДРУЖЕНЄ МЛАДИХ (КУМ) ОД 24. ПО 26. ЮЛИЙ ОРҐАНИЗОВАЛО УЖ ТРАДИЦИЙНУ АКЦИЮ “ДАЙ И ТИ СВОЮ РУКУ”, НА ХТОРЕЙ УЧАСТВОВАЛИ КОЛО 120 МЛАДИ З ЦАЛЕЙ СЕРБИЇ. АКЦИЯШЕ УШОРЙОВАЛИ ЯВНИ ПОВЕРХНОСЦИ У КОЦУРЕ, САДЗЕЛИ ДРЕВКА, А ЄДНА ЧАСЦ ПОМАГАЛА ПО ОБИСЦОХ СТАРИМ И НЄМОЦНИМ. НА ОТВЕРАНЮ АКЦИЇ ПРЕМИЄРНО ВИВЕДЗЕНА И ПРЕДСТАВА ДРАМСКЕЙ СЕКЦИЇ КУМ “ПРЕОСТАЛЕ ПУСТОЛОВИНЕ”, ПО ТЕКСТУ И У РЕЖИЇ ИҐОРА ПУШКАША, А ОРҐАНИЗОВАНИ И РОК-КОНЦЕРТ НА ХТОРИМ УЧАСТВОВАЛИ ДОМАШНЇ СОСТАВ ДЕМИҐОД, DIRECT DRIVE ЗОЗ ЗРЕНЯНИНУ И ГЕВИ ВОК З КУЛИ. З ТИМ КОНЦЕРТОМ ОТВОРЕНА И ПРЕД САМУ АКЦИЮ РЕНОВИРАНА БИНА. ПРОЄКТ АДАПТАЦИЇ КООРДИНОВАЛ ВЕРБАСКИ ЕДУКАТИВНИ ЦЕНТЕР, А СОТРУДНЇК У КООРДИНАЦИЇ БУЛ И ПРЕДСИДАТЕЛЬ КУМ СТЕВАН САМОЧЕТА. АКЦИЯШЕ

22 • МАК 7-8/2015

NEVERMIND

MАРИНА И САШКА

И ЛЄТО МАЛИ И РИЖНИ РОБОТНЇ, ТА ШЛЄБОДНИ СПОРТСКИ, КУЛТУРНИ, ЕДУКАТИВНИ И ЗАБАВНИ АКТИВНОСЦИ.

AQSTARS

И МЛАДЕЖСКА ОРҐАНИЗАЦИЯ “ПАКТ РУТЕНОРУМ” 24. ЮЛИЯ НА БАЗЕНУ У РУСКИМ КЕРЕСТУРЕ ОРҐАНИЗОВАЛА ЛЄТНЮ ЖУРКУ НА ОТВОРЕНИМ “PACT ON”. НА ЖУРКИ ШЕ ПРЕДСТАВЕЛИ ДВА НОВООСНОВАНИ КЕРЕСТУРСКИ ҐРУПИ – AQSTARS И NEVERMIND, ХТОРУ ТВОРЯ МЛАДИ МУЗИЧАРЕ, А НАСТУПАЛИ И МЛАДИ МУЗИЧАРКИ АЛЕКСАНДРА РУСКОВСКИ И МАРИНА РОМАН. ПОСЛЕ НЇХ, НАЩИВИТЕЛЬОХ, КОТРИХ НА ЖУРКИ БУЛО КОЛО 500 З РИЖНИХ МЕСТОХ, ЗАБАВЯЛИ УЖ АФИРМОВАНИ ДИДЖЕЙОВЕ БОЗНЕ И РОКСТЕР З DROP SENSEI. МЛАДИХ ПРЕЗ ЛЄТО ЧЕКАЮ ИЩЕ ДВА ЗБУВАНЯ – ВОЛОНТЕРСКИ КАМП У КЕРЕСТУРЕ, ХТОРИ БУДЗЕ ОД 17. ПО 30. АВҐУСТ, А 6. АВҐУСТА И “ГАВАЇ ПАРТИ” У ДЮРДЬОВЕ. ФОТО: ТАНИТА ХОДАК И ЙОВАН ЖИВКОВИЧ

БОЗНЕ И РОКСТЕР МАК 7-8/2015 • 23

ОЛЯ РАҐАЇ

НИКОЛИНА БАБИЧ

ДЗЕКУЄМ

ПОДЛИ ТРАПЕЗ

После ошмиху широкого, и того рана, нїґда потераз видзеного ставам и дзекуєм.

Спадла сом з карсцеля вчера вечар. Припознавам, нє случело ше першираз. Болї на шицки боки, а боль нє мож обкеровац. Нєпреривно чуєм гласи споза хрибта як ми шептаю: “Нє гомбай ше, бо спаднєш. Одлуч же хтори карсцель вибереш.” Твардоглава сом, шедзим и розпатрам. На старим карсцелю ше гомбам, а нови ми улїва довириє. Кед ше одлучим премесциц на нови ножки, можебуц вони маю подли шрубик, лєбо ище горше, можебуц вообще анї нє маю шрубик. Розпатрам, штудирам и вше сом збунєтша. Одлучно ставам и злучуєм карсцелї. Сиґурнєйша сом на двох як на єдним. Ознова чуєм гласи споза хрибта: “Нє шедз на двох карсцельох, бо спаднєш.” Керуєм их, я знам найлєпше. Намесцаюци ше, вишмикла сом ше и стропощала на жем. Чом ми то требало? Од ютра шедзим лєм на лавочки, вони и так прибити до жеми.

На твари ми видно єдну стару правду. Красни дзень ми шлїдзи, то одлука тварда! Гей, урядово ставам оглядам ше, глїбоко дихам, найкрасши думки себе давам, и того рана складни дзень порихтам. За здравє, мир и гармонию щиро ци дзекуєм. За шицки думки цо щесце вишию, и того дня животу ше радуєм. Верим же шицко цо посилаш за мнє добре и праве так треба. Од позитивней енерґиї ти нє одуставаш. Дзекуєм за шицко цо ми даваш. Кед и тот дзень прейдзе, Будзем щешлїва, бо лєм так жадам и кед уж сон на очи придзе повем животу дзекуєм!

НАТАША ШОВШ

НЄПОЗНАТИ ШВЕТ Ходзим по нєпознатих улїцох, Коло нєпознатих людзох, Ниа, ту сом, далєко У нєпознатих крайох. Коло мнє преходза якишик людзе, Нєпознати людзе А кажде з нїх ма по єдну маску на своєй твари, А на нїх розлични фарби.

Тоти фарби даваю єдну красоту швета, Нє приказую чежкосц, Скриваю стварносц, Даваю сам добри бок живота. Алє под кажду чловекову маску Скриваю ше бриґи, Думки Хтори нас цагаю до родного краю.