ფინანსური ანგარიშგების საერთასორისო სტანდარტი-10

ფასს 10

ფინანსური ანგარიშგების საერთაშორისო სტანდარტი 10

კონსოლიდირებული ფინანსური ანგარიშგება მიზანი 1.

წინამდებარე სტანდარტის მიზანია, განსაზღვროს კონსოლიდირებული ფინანსური ანგარიშგების წარდგენისა და მომზადების პრინციპები ისეთი შემთხვევებისთვის, როდესაც საწარმო აკონტროლებს ერთ ან რამდენიმე სხვა საწარმოს.

მიზნის მიღწევა 2.

1-ელ პუნქტში ჩამოყალიბებული მიზნის მისაღწევად, წინამდებარე სტანდარტი: ა)

მოითხოვს, რომ საწარმომ (მშობელმა საწარმომ), რომელიც აკონტროლებს ერთ ან რამდენიმე სხვა საწარმოს (შვილობილ საწარმოს), წარადგინოს კონსოლიდირებული ფინანსური ანგარიშგება;

ბ)

განმარტავს კონტროლის პრინციპს და კონტროლის არსებობა განსაზღვრულია, როგორც კონსოლიდაციის საფუძველი;

გ)

განმარტავს, როგორ გამოიყენება კონტროლის პრინციპი იმის დასადგენად, აკონტროლებს თუ არა ინვესტორი ინვესტირებულ საწარმოს და, მაშასადამე, უნდა მოახდინოს თუ არა ინვესტორმა მისი კონსოლიდაცია;

დ) ადგენს ბუღალტრული აღრიცხვის მოთხოვნებს კონსოლიდირებული ფინანსური ანგარიშგების მოსამზადებლად; და ე) 3.

განმარტავს საინვესტიციო საწარმოს და ადგენს გარკვეულ გამონაკლისს საინვესტიციო საწარმოს ცალკეული შვილობილი საწარმოების კონსოლიდაციისთვის.

წინამდებარე სტანდარტი არ მოიცავს მოთხოვნებს, რომლებიც ეხება საწარმოთა გაერთიანების, მათ შორის, საწარმოთა გაერთიანების დროს წარმოქმნილი გუდვილის ბუღალტრულ აღრიცხვას და მათ გავლენას კონსოლიდაციაზე (იხ. ფასს 3 _ `საწარმოთა გაერთიანება~).

მოქმედების სფერო 4.

მშობელმა საწარმომ უნდა წარადგინოს კონსოლიდირებული ფინანსური ანგარიშგება. ეს სტანდარტი ვრცელდება ყველა მშობელ საწარმოზე, შემდეგის გარდა: ა)

მშობელი საწარმო ვალდებული არ არის, წარადგინოს კონსოლიდირებული ფინანსური ანგარიშგება, თუ ის აკმაყოფილებს ყველა ქვემოთ ჩამოთვლილ პირობას: (i)

მშობელი საწარმო თვითონ წარმოადგენს სხვა საწარმოს სრულ ან ნაწილობრივ საკუთრებაში მყოფ შვილობილ საწარმოს და მისი ყველა სხვა მესაკუთრე, მათ შორის ისინიც, რომლებიც არ არიან აღჭურვილნი ხმის უფლებით, ინფორმირებულნი იყვნენ, რომ მშობელი საწარმო არ წარადგენს კონსოლიდირებულ ფინანსურ ანგარიშგებას და ამის წინააღმდეგ არ წასულან;

(ii)

მშობელი საწარმოს სავალო ან წილობრივი ინსტრუმენტები არ იყიდება ფასიანი ქაღალდების საჯარო ბაზარზე (ადგილობრივი ან უცხოური საფონდო ბირჟა, ან არასაბირჟო ფასიანი ქაღალდების (მეორადი ბაზარი), როგორც ადგილობრივი, ისე რეგიონული);

(iii)

მშობელი საწარმო თავის ფინანსურ ანგარიშგებას ფასიანი ქაღალდების კომისიაში ან სხვა მარეგულირებელ ორგანოში არც ადრე წარადგენდა და არც ახლა იმყოფება წარდგენის პროცესში, ფასიანი ქაღალდების საჯარო ბაზარზე რაიმე სახის ფინანსური ინსტრუმენტების გამოშვების მიზნებისათვის; და

©

IFRS Foundation

1

Turn static files into dynamic content formats.

Create a flipbook