Euskaraldia

EUsKARALdIA BEREZIA IZAN DA AURTENGOA

Azaroaren 20 eta Abenduaren 4aren artean ospatu genuen Euskaraldia. Euskaraldia 2018an ospatu zen lehenengo aldiz. beraz hau bigarren edizioa izan da. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. bizitzako beste esparruetan bezala, aurtengoa berezia izan da Covid-19ak sortu duen egoeraren ondorioz. Hala ere oso balorazioa positiboa egiten dugu ikastetxean Euskaraldiak izan duen oihartzunarekin.

Aurreko Euskaraldian bezala, pertsona bakoitzak Ahobizi edo belarriprest izateko aukera izan du. berrikuntza moduan, aurten Ariguneak sortu dira ikastetxean. Ariguneak entitate baten baitan ohiko dinamika duten eta kide guztiek gutxienez euskara ulertzen duten taldeak dira. Hauen helburu nagusia entitate horien harremanetan euskararen erabilera handitzea da. Horrela ikastetxean hamabost Arigune sortu dira.

Horretaz gain, ikastetxeko ikasle eta langileen artean “Egunean behin” lehiaketa antolatu dugu. Astebete iraun du lehiaketa honek eta bertan 66 ikasle eta 72 irakaslek hartu dute parte.ikasleen artean Julen Odriozola eta Aitor Villafafila izan dira irabazleak. irakasle saridunak, berriz, Unai Urkiola eta Jaione Telleria izan dira. Zorionak guztioi!!!