”Oh kam saga manusiyah, magmataw kam ma Tuhan bi, ya bai magpapanjari makaam min dikayuh manusiyah (ADAM) saltah pinapanjarihan eh Tuhan limbang (Hawwa) min sabab sigma duwa pina niyah eh Allah sa hekaheka kalallahan maka kadendaha; mag mataw kam ma Allah saltah nunay parsugpatan maka kasilasa. Bunnal bunnal toongan kaniyaan Allahutaala sangat ngan jagahan kaam.“ (4:1) O kaam saga Muslimin! Mag mataw kam ma Mahasutsi Allah saltah mag taat kam maiya, saltah maka dawhat kam mamumfaatan makakasannangan maitu ma duniya maka ma ellaw akhirat. Bang sidja tahati bi, mura-murahan kam ni anughara-an eh Allah kaaseh na, kalnah kawajiban ma Ata Tuhan subai nuntut Elmuh pag Tuhan, elmuh agama Islam ma bai pina sampai eh Rasul . Farman Allah ma deyom Qur’an:
“Bang sayyan-sayyan ngandaut agama saddi min agama Islam: nah, mbal tinaimah eh Tuhan; saltah ma ellaw akhirat; lamud iya ma manusiyah ma deyom kalugi-an.” (3:85) Farman Allah ma deyom Qur’an:
“Kasannangan min Mahasutsi mahatinggi Allah, mahapangasi.” (36:58) Saga danakan ku Lalla maka Danda mulliya ma agama Islam! Ma waktu batinaan landuh likkas tomo-an na makaling duniya, bang ni bista saltah pinag sibuh itungan na, jama’a Muslimin (Islam) patinggil min diyatah halam na niyah maka diyatah min iya mag heka-an manusiyah labi aulana talukis ma U.S mak BREAT BRITAIN. O kaam saga bar-iman! Hatihun bi min barakat Mahasutsi Allah, Tuhan iya makatilinggal alam, bai kitabi sonohoh mogbog saltah lungbus, pag sod tabi ma agama Islam. Supaya kitabi mag paruntungan ma nihmat bai pinaturun eh Allahutaa’la nihmat bai pina panjari saltah mura-murahan tahati eh tabi ayyan ellaw akhirat. Farman Allah ma deyom Qur’an:
“ kaam saga mag paparatsaya! Tabus langkapun bi pag sod ma agama Islam (ikhlas) maka ebot-ebot daa kam meyah ma hungai-hungai sassat saitan; kalnah ya saitan lu banta bi satampal-tampal.” (2:208)
148 | Khutba Bai Tapeneh: Padduman Ni Kasambuhan Ma Kallum Saga Kawman Kamusliman Ma Pilipinas