Þjóðhátíðarblað Vestmannaeyja 2023

ÞJÓÐHÁTÍÐARBLAÐ 2023 VESTMANNAEYJA

Allt klárt fyrir ferðalagið?

Við hjálpum ykkur að elta sólina um allt land með frábærri þjónustu og tilboðum. Við hlökkum til að sjá ykkur í sumar, hvort sem þið eruð að fylla á tankinn, hlaða geyminn eða fá ykkur eitthvað gott að borða!

Sjáumst í sumar!

440 1000 n1.is

Gleðilega þjóðhátíð

Djákninn, Strandvegi 47 - á móti Krónunni!

Opnunartími 3. ágúst

10:30 - 18:30 & 22:00 - 02:00

4. - 6. ágúst 10:30 - 21:00

Eigum gífurlegt úrval af nikótínpúðum & rafrettum á frábæru verði!

Fylgdu okkur á Snapchat. Aldrei að vita nema við verðum með tilboð í gangi! aðeins 695 kr. óháð magni

Þjóðhátíðarblað Vestmannaeyja 2023

Ritstjórn: Leturstofan

Hönnun, umbrot & auglýsingar: Leturstofan

Ljósmyndir:

Addi í London & einkasöfn

Forsíðumyndina tók Addi í London

Prentun: Prentun.is

Úgefandi: ÍBV Íþróttafélag

Þjóðhátíðarnefnd 2023:

Formaður: Jónas Guðbjörn Jónsson

Meðstjórnandi: Ellert Scheving

Meðstjórnandi: Sigríður Inga Kristmannsd.

Meðstjórnandi: Brynjar Karl Óskarsson

Meðstjórnandi: Guðrún María Þorsteinsdóttir

Meðstjórnandi: Haraldur Pálsson

Meðstjórnandi: Hjörleifur Davíðsson

Meðstjórnandi: Hildur Jóhannsdóttir

EFNISYFIRLIT:

Jónas Guðbjörn Jónsson - formaður þjóðhátíðarnefndar

90 ár frá fyrsta þjóðátíðarblaði Vestmannaeyja

Grétar Örvarsson lofar stjórnlausu stuði í Herjólfsdal

Lóa Baldursdóttir - Þjóðhátíð er hátíð gleði, glimmers, hamingju og ástar

Erpur Eyvindarson - Góður katalógur af grimmum þeytingi.

Þjóðhátíð á árum áður. Skyggnst inn í myndasafn Jóhanns Stígs Þorsteinssonar.

Eyja Bryngeirsdóttir - Þjóðhátíð mín.

Í minningu um Árna Johnsen

- Síðasti dansinn í dalnum

Dagur Arnarsson er einn af framlínupeyjum brennunnar,

Myndasyrpa frá Adda í London

Sara Björg Ágústsdóttir - þjóðhátíðin mín

Aníta Óðinsdóttir - þjóðhátíðin mín

Ásta Björt Júlísdóttir - þjóðhátíðin mín

Vitinn - fallegasta mannvirkið í dalnum

Myllan - fallegasta mannvirkið í dalnum

Þrír sigurvegarar í sömu fjölskyldu

Erna Ólöf Óladóttir - Yndislegt að vera við setninguna, hitta allt fólkið sem saman er komið í hátíðarskapi,

Kom fyrst fram á þjóðhátíð fyrir 20 árum - Sæþór Vídó

Katrín Helena Magnúsdóttir - þjóðhátíðin mín

Það er ósköp fátt sem mér finnst skemmtilegra en þjóðhátíð - Ellert Scheving framkvæmdarstjóri ÍBV

Takk fyrir mig yndislega Eyja, ég kem aftur til þín. Sjáumst í Herjólfsdal - Svava Kristín í spjalli.

Birgitta Karen Guðjónsdóttir - þjóðhátíðin mín

Lífið er yndislegt

eins og skáldið sagði. En sjaldan er það jafn yndislegt og á Þjóðhátíð í Eyjum.

Íslandsbanki óskar Eyjamönnum og gestum þeirra gleðilegrar hátíðar.

ÞJÓÐHÁTÍÐ VESTMANNAEYJA

JÓNAS FORMAÐUR ÞJÓÐHÁTÍÐARNEFNDAR ÍBV:

Nú þegar nálgast Þjóðhátíð verður spenningurinn meiri með hverjum deginum sem líður og fólk fer að huga að tjaldsúlum og tjaldinu. Í fyrra héldum við hátíðina eftir tveggja ára hlé sem tókst í alla staði vel, var fjölmenn og veðrið lék við okkur.

Á næsta ári verða liðin 150 ár frá því að við Eyjamenn héldum fyrstu hátíðina og á ég von á að það verði mikið til hennar lagt. ÍBV Íþróttafélag nýtur mikillar gæfu hve stór hópur fólks hefur verið tilbúin að leggja á sig gífurlega vinnu við undirbúningin og svo að störfum meðan hátíðin fer fram. Þessu fólki vil ég þakka sérstaklega fyrir óeigingjarnt starf, því án þeirra væri þetta ekki framkvæmanlegt. Til að hátíðin takist vel þarfnast hún mikils undirbúnings og byrjar sú vinna strax á haustdögum. Unnið er þétt

allan veturinn og svo stigmagnast vinnan þegar líður að vori og nær svo hámarki í júlí. Þjóðhátíð í Vestmannaeyjum er stærsta hátíðin á landinu og alltaf hefur verið lagður mikill metnaður í að gera hana sem flottasta. Bygging brekkusviðsins er dæmi um það og var það mikið gæfuspor fyrir hátíðina og gjörbreytti allri umgjörð á svæðinu, ekki bara fyrir listamenn því öll aðstaða fyrir sjoppur og fleira er miklu betri.

Ég vona svo sannarlega að gestir Þjóðhátíðar muni eiga frábærar stundir og eignist fullt af góðum minningum því eitt af því skemmtilegasta við hátíðina er allt fólkið sem maður hittir og allar sögurnar sem maður heyrir, gamlar og nýjar, um fólk sem fann maka sinn þar eða jafnvel nýja vini og margt fleira.

Þjóðhátíð er fyrst og fremst fjölskylduhátíð án kynslóðabils. Við skulum því vera góð fyrirmynd fyrir börnin okkar og sýna þeim tillitssemi og skemmta okkur með reglusemi að leiðarljósi. Sameiginlegt markmið allra gesta hlýtur að vera að skemmta sér og öðrum í sátt og samlyndi í gleði og gamni því maður er manns gaman.

Fyrir hönd þjóðhátíðarnefndar vil ég bjóða ykkur öll velkomin á Þjóðhátíð.

Verum öll vinir og göngum glöð í Dalinn okkar þar sem þúsund hjörtu slá í takt.

Jónas Guðbjörn Jónsson

Formaður Þjóðhátíðarnefndar ÍBV

Jónas, Helga Sigrún, María Sigrún dóttir þeirra og Þór Vilhjálmsson.

Við hjá Viking Tours erum snillingar að setja saman geggjaðar ferðir, vítt og breytt um Suðurland. Dagsferðir eða gistiferðir fyrir allar stærðir af hópum.

Við bjóðum sem dæmi uppá ferðir fyrir:

- Starfsmannafélög - Vinahópa - Saumaklúbba - Fyrirtæki - o.s.frv.

www.vikingferdir.is

90 ÁR FRÁ FYRSTA ÞJÓÐHÁTÍÐARBLAÐINU

Í ár eru níutíu ár síðan fyrst var gefið út blað tileinkað Þjóðhátíð Vestmannaeyja. Það bar þá nafnið Þjóðhátíðarblaðið. Það

kom svo aftur út á árunum 19351939. Síðar nefndist það Þjóðhátíðarblað Vestmannaeyja og hefur komið út síðan þá, þó með

mislöngum hléum. Við birtum hér til gamans forsíðuna úr þessu fyrsta þjóðhátíðarblaði sem taldi samtals átta síður.

Hlöðum batteríin

í Eyjum

Eyjamenn og gestir þeirra geta nú hlaðið rafbílana sína í hverfahleðslu við Ráðhúsið og í hraðhleðslu við Íþróttamiðstöðina, sem er fyrsta hraðhleðslustöðin í Vestmannaeyjum.

Hleðslunetið okkar þéttist stöðugt og léttir rafbílaeigendum lífið. Saman bætum við andrúmsloftið.

Náðu í ON-appið og byrjaðu að hlaða.

GRÉTAR ÖRVARSSON

VIÐ LOFUM STJÓRNLAUSU STUÐI Í HERJÓLFSDAL

Stjórnina kannast flestir Íslendingar við enda ein langstærsta hljómsveitin á Íslandi á tímabil.

Hljómsveitin hóf að spila saman árið 1988 og keppti fyrir hönd Íslands í Söngvakeppni evrópskra sjónvarpsstöðva 1990 með laginu Eitt lag enn. Þar enduðu þau í4. sæti af 22, með 124 stig. Fyrir hljómsveitinni fara tveir söngvarar þau Sigríður Beinteinsdóttir og Grétar Örvarsson sem einnig leikur á hljómborð. Stjórin mun koma fram á Þjóðhátíð í ár, nánar tiltekið kl. 22.15 á föstudagskvöldið, en hljómsveitin er þó alls ekki að koma fram í fyrsta skiptið í Herjólfsdal.

„Við spiluðum fyrst á Þjóðhátíð árið 1990 í kjölfar þess að við tókum þátt í Eurovision með „Eitt lag enn“ og vorum þá aðalhljómsveit hátíðarinnar,“

sagði Grétar Örvarsson í léttu spjalli. „Böllin voru löng og ströng og mig minnir að við höfum spilað frá miðnætti til hálffimm um nóttina.“

Það er einstök og ógleymanleg upplifun að spila fyrir fulla brekkuna af fólki á þjóðhátíð.

Grétar sagði mikinn spenning kominn í hljómsveitarmeðlimi fyrir hátíðinni í ár. „Já, svo sannarlega! Það er einstök og ógleymanleg upplifun að spila fyrir fulla brekkuna af fólki á þjóðhátíð.“

Síðast kom sveitina fram á hátíðinni 2019 og er Grétari minnisstætt hve dásamlegt veður var það kvöld. „Ég naut þess virki-

lega. Veðrið lék við okkur og stemningin var engu lík. Þá er gestrisni þjóðhátíðargesta eftirminnileg. Okkur var boðið í nokkur tjöld eftir að við höfðum lokið við að spila og var það virkilega skemmtilegt.“

Grétar segist hins vegar aldrei hafa mætt í Dalinn eingöngu sem gestur á hátíðinni. „Því miður hef ég ekki haft tækifæri til þess vegna vinnunnar. Stjórnin er alltaf að spila um þessa helgi.“

Stjórnin hefur aðeins einu sinni verið flytjandi Þjóðhátíðarlagsins. Var það á þeirra fyrstu hátíð árið 1990 þegar þau fluttu lagið Næturfjör eftir Ólafur M. Aðalsteinsson við ljóð Guðjóns Weihe.

En hvert skyldi vera uppáhalds Þjóðhátíðarlag Grétars?

„Lög Oddgeirs Kristjánssonar eru í miklu uppáhaldi hjá mér og

erfitt að gera upp á milli þeirra. „Ég veit þú kemur“ poppar þó fyrst upp í hugann þegar velja þarf eitt lag.“

Grétar segir nóg framundan hjá

Stjórninni sem fagnar 35 ára starfsafmæli í ár. „Við fögnum því með tvennum stórtónleikum í Háskólabíói dagana 29. og 30. September.

Annars erum við bara á fullu að undirbúa okkur fyrir Herjólfsdal og hlökkum mikið til að koma og upplifa ævintýrið og galdurinn sem fylgir því að vera í dalnum á Þjóðhátíð í Eyjum.

Við lofum stjórnlausu stuði í 45 mínútur! Við ætlum að flytja öll vinsælustu lög Stjórnarinnar ásamt því að flytja í fyrsta sinn á sviði nýja lagið okkar: „Stjórnlaus“. Það er gaman að geta frumflutt það á sviði fyrir gesti á Þjóðhátíð.

Gleðilega hátíð

H vað segja börnin um þjóðhátíðina?

Nafn: Baltasar Þór Davíðsson

Aldur: 4 ára

Foreldrar: Birna Vídó Þórsdóttir og

Davíð Þór Óskarsson

Hverju oft hefuru verið á þjóðhátíð: já mörgum sinnum.

Hvaða þjóðhátíðarlag er flottast? Sumarlagið.

Hvað gerir maður á þjóðhátíð? Fara í tjald og hafa svona ljós.

Hvernig heldur þú að þjóðhátíð hafi verið í gamla daga?

Veit ekki - bara ekkert.

Nafn: Rökkvi Daðason

Aldur: 4 ára

Foreldrar: Thelma Hrund og Daði Ólafsson

Hverju oft hefuru verið á þjóðhátíð: já tvisvar sinnum.

Hvað gerir maður á þjóðhátið? Borðar, kaupir dót og nammi.

Hvaða þjóðhátíðalag finnst þér skemmtilegast: Ég veit það ekki.

Hvernig heldur þú að þjóðhátíð hafi verið í gamla daga? Ég held að það hafi verið með einhyrningum og nammi og engu dóti.

Nafn: Arnaldur Sær Vignisson.

Aldur: 4 ára.

Foreldrar: Arndís Bára Ingimarsdóttir & Vignir Arnar Svafarssonr.

Hefur þú farið á þjóðhátíð? já.

Hvað gerir maður á þjóðhátíð?

Kveikir bara á brennunum eða þær kveikjast bara af sjálfur sér, svo fær maður dót.

Hvaða þjóðhátíðarlag finnst þér skemmtilegast?

Niðri í dal sem strákurinn syngur

Hvernig helduru að þjóðhátíðin hafi verið í gamla daga? Bara lítil þá náðiru svona í stóla og þá var ég með pela á þjóðhátíð.

GÆÐI - ALLA LEIÐ!

Í SÁTT VIÐ NÁTTÚRUNA

Fjölskyldurnar á Brúnastöðum eru hluti þeirra 900 bænda sem eiga SS. Af ást og alúð sinna þau bústörfunum í sátt við náttúruna. Með fyrsta flokks aðbúnaði tryggja þau að kjötið frá SS skilar sér í gæðum alla leið á diskinn þinn.

Íslenska sveitin og SS - fyrir þig

Fjölskyldan saman komin í hvíta tjaldinu á setningarkaffinu

LÓA BALDVINSDÓTTIR:

MUNUM AÐ ÞJÓÐHÁTÍÐ ER HÁTÍÐ GLEÐI, GLIMMERS, HAMINGJU OG ÁSTAR

Lóa Baldvinsdóttir Andersen glimmergella okkar Eyjamanna er samkvæmt fjölskyldu hennar þjóðhátíðarsjúk – meira svona hugfangin. Hún telur niður í hátíðina allt árið og erfitt er að finna hressari og skemmtilegri stelpukonu í dalnum þessa helgi. Lóa sagði okkur aðeins frá uppáhalds hátíðinni sinni og fór yfir það hvað þjóðhátíð er fyrir henni.

Heppin með dásamlega fjölskyldu Lóa er dóttir kennarahjónanna Baldvins Kristjánssonar og Höllu Júlíu Andersen. Lóa er trúlofuð ljúfasta manni Eyjanna honum Gumma Eyberg. Hún er mjög rík af dásamlegu fólki, en hún á tvær dætur þær Kamillu Rún og Emmu Rakel og síðan tengdasoninn knáa Bjarka. Uppháhöldin hennar eru síðan ömmustelpan Bríet Lóa og loðboltinn Máni.

Ég hef eflaust verið vinsælli en þennan föstudag á þjóðhátíð 1983

Spjallið hefst á fyrstu minningu Lóu frá þjóðhátíð og segir hún: ,,Ég veit ekki hvort ég man þetta eða hvort það sé búið að segja mér þessa sögu svo oft að ég held að ég muni hana. En mamma og pabbi eru kennarar og eðli málsins samkvæmt voru þau ekki ríkasta fólk heims en engu að síður þá gáfu þau litlu stelpunni sinni gasblöðru á setningu Þjóðhátíðar. Á þessum tíma kostuðu gasblöðrur afar mikið og því var þetta mikil ákvörðun og miklir peningar sem fóru í að gleðja litlu konuna. Blaðran var keypt, tekin 10 skref frá skransölunni og þá auðvitað sleppti ég bara blöðrunni og mamma og pabbi sáu hálfs mánaðar laun svífa yfir Herjólfsdal. Ég hef eflaust verið vinsælli en þennan föstudag á Þjóðhátíð 1983“.

Elskar blysin hans Bibba frænda Lóu finnst allt skemmtilegt í

kringum þjóðhátíðina en hápunktur hátíðarinnar að hennar mati eru blysin. ,,Ég ELSKA blysin hans Bibba frænda á miðnætti á sunnudeginum“. Fyrir Lóu er þetta hennar ævintýra og hamingjustund og segist hún alltaf fá mikla gæsahúð og fari alltaf aðeins að gráta. Hún segir að það sé eitthvað ótrúlega magnað við þessa stund og hún einhvern veginn fangi stemmningu og anda Þjóðhátíðarinnar sem er að klárast og gefur fyrirheit um þá næstu sem er eftir ,,bara“ eitt ár.

Allir á sínum forsendum á Þjóðhátíð Flestar fjölskyldur hafa myndað sér ákveðnar hefðir í kringum hátíðina og segir Lóa að það sé líka þannig hjá sér og sinni fjölskyldu. Hins vegar er hefðin þeirra ekki flókin og í raun og veru sú besta sem þau hefðu getað haft. Það er að allir eru á Þjóðhátíð á sínum forsendum og þau séu öll löngu

hætt að flýta sér við allt og reka á eftir hvert öðru. Lóa segir að Þjóðhátíðin eigi bara að vera skemmtileg og full af gleði og eftir að við tókum ákvörðun um þetta fyrir all mörgum árum að festa sig ekki í viðjum vanans þá hefur upplifunin og gleðin margfaldast.

Síðasti dansinn uppáhalds þjóðhátíðarlagið

Spurningin um uppáhalds þjóðhátíðarlagið var ekki flókin fyrir okkar konu. Síðasti dansinn er hennar lag og hefur verið frá því það kom út. Ekkert flóknara en það!

Þjóðhátíðin verður haldin hvort sem ,,allt“ er komið eða ekki Þjóðhátíðarvikan er besti tími ársins að mati Lóu. Hún segir að tíminn sem fari í að græja og gera með fiðrildi í maganum fyrir helginni og ævintýrum hennar ásamt nettri taugaveiklun um hvernig veðrið verður og voninni að hann hangi nú þurr. Hún segir einnig að það sé ekkert sem sé ómissandi því Þjóðhátíð verður haldin hvort sem ,,allt“ sé komið eða ekki.

Hvítt tjald í dalnum gerir allt miklu skemmtilegra

Stórfjölskyldan á Heiðó og fylgifiskar eru alltaf saman með tjald. Það sé svo mismunandi hversu margir eru mættir hverju sinni

en tjaldið hefur alltaf farið upp fyrir utan einhver 2 ár þegar Erla systir Lóu var erlendis og foreldrar hennar líka og hún sjálf ekki nennt að tjalda. En Þjóðhátíð án tjalds er bara ekki nærri eins skemmtileg og Þjóðhátíð með tjaldi segir Lóa.

Finnst agalegt að ekki megi spila lengur en til 4 á nóttunni

Spjallinu víkur að því hvar sé nú skemmtilegast að dansa, á litla eða stóra danspallinum. ,,Ég er alveg team litli pallurinn og hreinlega elska að vera þar. Þjóðhátíð er ekki Þjóðhátíð nema ég hafi slúttað henni með fólkinu mínu á litla pallinum á mánudagsmorgninum“. Hún bendir líka á að henni finnist agalega leiðinlegt að ekki megi spila lengur en til 4 á nóttunni og saknar þess mikið þegar dansað var til 7 á mánudagsmorgninum og að það mætti nú alveg lengja spilunartímann svona síðasta kvöldið.

Þjóðhátíð hefur alltaf verið mikil fjölskylduhátíð í minni fjölskyldu Í huga Lóu er Þjóðhátíðin fyrst og fremst hátíð þar sem fólk kemur saman til að eiga gleðilegar stundir með fólkinu sínu. Þetta hefur alltaf verið mikil fjölskylduhátíð hjá hennar fjölskyldu og samveran er mikil. Allir í fjölskyldunni taki þátt og tíminn fram að miðnætti sé tími barna og fjölskyldunnar og nóttin sé

svo fyrir fullorðna fólkið. ,,Ég er afar þakklát að hafa fengist að alast upp þar sem Þjóðhátíðin skipar stóran sess í lífi okkar fjölskyldunnar og börnin okkar Erlu systur eru öll forfallin Þjóðhátíðarelskendur og vilja hvergi annars staðar vera fyrstu helgina í ágúst en akkúrat í Herjólfsdal“.

Oft mikið drama og spenna í kringum búningana hér áður fyrr Hér áður fyrr var búningakeppnin mjög vinsæl hjá vinkonu og vinahópum og voru Lóa og vinkonur hennar alltaf í búningum. Það hafi verið mikil spenna í kringum það og stundum smá drama líka. ,,Hjörtur, mágur minn, kemur inn í klanið þegar ég er 17 ára og hann gerir mikið grín af mér enn í dag því hann segir að vikurnar fyrir Þjóðhátíð hafi einkennst af miklum æsingi, taugaveiklun og gráti þegar búningamálin voru komin í skrúfuna“. Það hafi hins vegar alltaf blessast að lokum og þær vinkonurnar alltaf labbað glaðar og kátar inn í Dal í búningunum sínum á föstudeginum og allt drama gleymt.

Ógerlegt að velja á milli hvaða hátíð stendur upp úr

Lóa segir að ekki sé hægt að velja eina Þjóðhátíð sem standi upp úr, það sé eins og að biðja hana að velja milli barnanna sinna, sem er ógerlegt. Hún á ekki neina uppáhalds Þjóðhátíð en frekar minningar frá einstökum Þjóðhátíðum sem gleðja þegar hugurinn leitar þangað. Hún er afar spennt fyrir hátíðinni í ár þar sem Bríet Lóa ömmustelpan hennar er að fara að upplifa sína fyrstu ,,alvöru“ Þjóðhátíð rúmlega eins árs. ,,Hún var fimm vikna á síðustu hátíð og mætti að sjálfsögðu í Dalinn en núna fær þessi litla stemmningskona að vera meira með og Amma Lóa getur ekki beðið eftir að sjá hana upplifa öll ljósin, allt fólkið og tónlistina“.

Minnisstætt þegar okkar besta kona gekk án þess að hika að besta stæðinu á Skvísusundi og negldi þar niður fyrir tjaldinu okkar Hægt er að rifja upp endalausar

skemmtilegar minningar þegar kemur að Þjóðhátíð segir Lóa, og rifjar upp þá sögu þegar verið var að hlaupa og slást um stæði fyrir hvítu tjöldin, sem blessunarlega er hætt, þá var hún alltaf í keng fyrir þessu því henni fannst þetta alltaf svo hallærislegt og langaði núll að gera þetta. En Frú Andersen, mamma hennar ákvað eitt árið að taka þetta að sér. ,,Með mikilli ró rölti mamma af stað með sleggjuna, staur og band þegar flautað var til leiks og ég get svarið það að fólksfjöldinn opnaðist eins og Rauðahafið fyrir Móses og okkar besta kona gekk að besta stæðinu á Skvísusundi og negldi þar niður fyrir tjaldinu okkar“. Ári seinna hætti sem betur fer, þessi vitleysa og við hentum okkur inn í nútímann og getum nú pantað okkur stæði á netinu.

Pössum upp á hvort annað og ekki vera fávitar

Að lokum óskar Lóa öllum gleðilegrar hátíðar. Minnir á að Þjóðhátíð er hátíð gleði, glimmers, hamingju og ástar og það sé mikilvægt að við leggjum okkur milljón prósent fram við að gera hana að bestu hátíð sem við höfum átt. ,,Pössum upp á hvert annað og ekki vera fávitar“.

Lóa ásamt vinkonuhópnum á Þjóðhátíð.

Lóa með dætrum sínum í hvíta tjaldinu.

V E R I Ð velkomin velkomin

Þið finnið okkur á Vesturvegi 5

Fimmtudagur: 1 0:00-22:00

Föstudagur: 1 0:00-17:00

Laugardagur: 11:00-17:00

Sunnudagur: 11:00-17:00

Mánudagur: 11:00-22:00

Úr myndasafni Adda í London

GÓÐUR KATALÓGUR AF GRIMMUM ÞEYSINGI

Það er óhætt að segja að viðmælandi okkar Erpur Eyvindarson sé kunnugur staðháttum í Herjólfsdal enda margoft mætt í Dalinn bæði sem skemmtikraftur og sem óbreyttur gestur. „Já þetta er orðinn góður katalógur af grimmum þeysingi,“ sagði Erpur í spjalli við blaðamann Þjóðhátíðarblaðsins.

Erpur hefur borið mörg listamannanöfn í gegnum tíðina en er líklega þekktastur sem Blaz Roca og Johnny National. Á hátíðinni í ár kemur hann hinsvegar fram sem liðsmaður hljómsveitarinnar XXX Rottweilerhundar en það var einmitt með þeim sem hann hóf Þjóðhátíðarferilinn. „Árið 2001 kem ég fyrst, með xxxRottweiler, sem listamaður og villigrís, á sviðinu og í hvítu tjöldunum.“

Erpur segir mikinn spenning kominn í „hundana” en hann var einmitt staddur í hljóðveri með þeim þegar við náðum tali af honum. „Rosalegur spenningur yfir daginn og spennufall í lok dags, menn á yfirsnúningi og svo slitnar viftureiminn. Nú verður þetta að fara að gerast sko,“ sagði Erpur og fullur eftirvæntingar. „Djöfull hlakka ég til að svoleiðis þeysa á gleðigrís gegnum Dalinn. Hallelújah alhamdulillah sko.“

Þegar innt var eftir hans bestu minningu frá Þjóðhátíð kom löng þögn. „Hún er mjög góð, en ég man hana ekki,“ sagði hann og hló. Og uppáhalds Þjóðhátíðarlagið? „Allir eru að fá sér.“

Annars sagði Erpur mikið framundan hjá honum í tónlistinni. „Ég er að gigga eins og göltur, BlazRoca, ClanRoca og xxxRottweiler. Afmæli xxxR er síðan á næsta leyti, ný tónlist og allskonar brenglun og fínerí.“

Erpur sagði fólk mega eiga von á miklu stuði hjá XXX Rottweiler hundunum sem koma fram kl. 1.00 á aðfaranótt laugardags á hátíðinni í ár. „Kraftmestu framkomunni með prógrammi sem er alltaf eins og sniðið að því sem er að gerast í Dalnum, glussinu og tjöldunum. Og settu það upp í þig meistari.“

Erpur.

JÓHANN STÍGUR ÞORSTEINSSON

er frá Brekkum í Mýrdal. Hann var verkamaður og afkastamikill ljósmyndari. Hann fæddist árið 1897 og lést 1970. Jóhann flutti til Vestmannaeyja 1923. Hans aðalstarf voru sjómannsstörf. Hann eignaðist þrjú börn með konu sinni Kristínu Filippíu Guðmundsdóttur. Jóhann hafði gott auga á myndefni en hér fáum við að sjá myndir eftir Jóhann Stíg sem hann tók á þjóðhátíð í kringum 1950.

Þjóðhátíð á árum áður...

H vað segja börnin um þjóðhátíðina?

Nafn: Ester Lóa Ágústsdóttir

Aldur: 4 ára

Foreldrar: Fríða Hrönn Halldórsdóttir og Ágúst Sævar Einarsson.

Hefur þú farið á þjóðhátíð: mhmm.

Hvað gerir maður á þjóðhátið?

Kaupir nammi og dót.

Hvaða þjóðhátíðalag finnst þér skemmtilegast: Þúsund hjörtu.

Hvernig heldur þú að þjóðhátíð hafi verið í gamla daga?

Veit það ekki, eitthvað öðruvísi.

Nafn: Þór Albertsson

Aldur: 11

Foreldrar: Katrín Laufey og Jón Helgi.

Hefur þú farið oft á þjóðhátíð? Já mjög oft.

Hvað gerir þú vanalega á þjóðhátið og hvað finnst þér skemmtilegast? Situr í brekkunni, syngur lög, sumir hafa tjald, horfa á brennuna, leikum okkur.

Hvaða þjóðhátíðalag finnst þér skemmtilegast? Lundinn kemur.

Hvernig heldur þú að þjóðhátíð hafi verið í gamla daga? Það hafi bara verið að syngja lög og setja upp tjöld.

Nafn: Sigurbjörg Anna Guðbjartsdóttir

Aldur: 4 ára.

Foreldrar: Selma Rut Sigurbjörnsdóttir og Guðbjartur Logi Gunnþórsson.

Hefur þú farið á þjóðhátíð? já.

Hvað gerir maður þjóðhátíð?

Situr, horfir á og fer svo í afmælið sitt.

Hvaða þjóðhátíðarlag finnst þér skemmtilegast? Þúsund hjörtu.

Hvernig helduru að þjóðhátíðin hafi verið í gamla daga? Tjöldin voru blá.

Bergur ehf.

Gleðilega hátíð

ÞJÓÐHÁTÍÐIN

MÍN

EYJA BRYNGEIRSDÓTTIR

ÁRGANGUR 1973

Fjölskylda: Ég er gift Kristjáni Þór Jónssyni. Samtals eigum við 4 börn, 4 tengdabörn og 3 barnabörn.

Starf: Ég er skólastjóri í Kirkjugerði

Hver er fysta minning þín á þjóðhátíð?

Lagið „Sólbrúnir vangar“ hljómandi um dalinn þegar við systur gengum prúðbúnar í heimasaumuðum fötum í dalinn með mömmu og pabba. Við fengum alltaf ný heimasaumuð föt fyrir þjóðhátíð. Mamma að hella uppá kaffi í tjaldinu og að leggja sýrópsbrauð og samlokur á borð. Spenningurinn í hámarki þar sem allt var svo hátíðlegt og oft voru gestir á Dverghamrinum og yfirleitt fengum við systur nammi eða annað góðgæti.

En besta minningin?

Ég á svo margar góðar minningar frá þjóðhátíð en sú besta er brúðkaup okkar Kidda árið 2017. Við giftum okkur í Landakirkju á föstudeginum og vorum með veislu í garðinum hjá mömmu og pabba á Dverghamrinum, veislutjald í garðinum og öllu tjaldað til. Við vorum með um 90 gesti víðsvegar að úr heiminum, margir höfðu aldrei komið á þjóðhátíð og sumir aldrei komið til Eyja. Veðrið var dásamlegt alla helgina, sól og blíða og eyjarnar skörtuðu sínu fegursta. Við vorum með þriggja daga veislu þar sem gestunum var boðið í hefðbundna brúðkaupsveislu á föstudeginum, á laugardeginum buðum við uppá kjötsúpu áður en allir fóru í dalinn og á sunnudeginum var grillað og fólkið okkar borðaði saman áður en haldið var í brekkusönginn.

Uppáhalds þjóðhátíðarlag?

Öll gömlu lögin eru í uppáhaldi hjá mér, sérstaklega: Bjartar vonir vakna, Ég vildi geta sungið þér, Sólbrúnir vangar og fleiri lög frá þessum tíma, ég er lögnu byrjuð að hlusta á þau. Af nýrri lögunum eru það:

Hjónin á setningunni.

Þar sem hjartað slær, Lífið er yndislegt og svo finnst mér nýjasta lagið Þúsund hjörtu, geggjað gott.

Stóri eða litli pallurinn? Litli, allan daginn.

Hvað er hápunktur þjóðhátíðarinnar?

Mér finnst setningin alltaf svo hátíðleg og missi aldrei af henni. Á föstudeginum eftir setningu höldum við hjónin uppá brúðkaupsafmælið okkar í tjaldinu. Þá er skálað í freyðivíni, vinir koma saman og hátíðin er formlega sett. Hvert kvöld hefur svo sinn sjarma, mér finnst erfitt að gera uppá milli þeirra. Í gegnum árin hefur söngvakeppni barnanna verið í uppáhaldi þar sem Birta mín söng að ég held samfleitt í 10 ár.

Ef þú mættir skipuleggja þjóðhátíðina eitt árið, hvernig myndir þú hafa hana og hvaða tónlistarfólk fengir þú til að skemmta?

Mér þykir hátíðin alltaf mjög flott og dagskráin fjölbreytt og fyrir alla aldurshópa. Ég tel það ekki gerlegt að hafa dagskrána við allra hæfi allan tímann en, allir finna á einhverjum tímapunkti eitthvað við sitt hæfi. En eitthvað gamalt og gott í bland við það sem er að gerast á hverjum tíma.

Eitt myndi ég vilja og það er að fá einhverja útgáfu af bekkjarbílum sem myndu fara hægt um bæinn og inn í dal, þannig að komandi kynslóðir fái að upplifa það. Jafnvel traktor með kerru í byrjun kvölds.

Hvað er möst í hvíta tjaldið?

Þjóðhátíðarsnúðarnir sem ég baka alltaf og margir bíða spenntir eftir, skinkuhornin sem eru álíka vinsæl og snúðarnir, kakó og stroh sem er alltaf í boði í tjaldinu. Við erum með leik eftir miðnætti á föstudeginum sem heitir nannanuts, þá blöndum við kakó og stroh fyrir alla sem eru í tjaldinu og yfirleitt komast færri að en vilja. Í eitt glasið fer hneta og sá sem fær hnetuna er nanna nuts og fær nafnið sitt á skjöld sem hangir uppi í tjaldinu. Við höfum haft þennan leik síðan 2014 og það verður þá 9 nafnið sem fer á skjöldin eftir þessa hátíðina. Þetta er ekki ósvipað möndlugrautnum á jólunum.

Svo eru það auðvitað vinirnir og fjölskyldan sem gera þetta allt saman ómissandi og skapa minningarnar með okkur, gítarinn, söngurinn og góða skapið.

Fjölskyldan í hvíta tjaldinu á föstudegi eftir setningu.

Bónorð í brekkunni.

Mæðgur og Bryngeir mætt í brekkuna.

Árni Johnsen. Ljósmynd/Addi í London

SÍÐASTI DANSINN Í DALNUM

Þegar hugsað er til og rætt um Þjóðhátíð Vestmannaeyja er nafn Árna Johnsen aldrei langt undan. Enda átti Árni stóran þátt í því að móta dagskrá Þjóðhátíðar eins hún er í dag.

Árni og gítarinn voru ekki ókunnir þjóðhátíðargestum þegar hann tók við hlutverki kynnis árið 1977. En hann hafði stundum haft það hlutverk að kynna og tengja saman dagskráliði með söng á kvöldvöku hátíðarinnar. Árið 1977 tók hann hins vegar við hlutverki þular á þessari fyrstu Þjóðhátíð í Herjólfsdal eftir gosið 1973.

„Það gerðist þannig að Stebbi pól sem í áratugi var þulur á þjóðhátíð féll frá. Það var tveimur eða þremur vikum fyrir Þjóðhátíðina 1977. Viku fyrir Þjóðhátíð kemur Biggi Gauja til mín og spyr hvort ég sé tilbúinn að taka við af Stebba sem þulur í Dalnum. Ég hef alltaf verið frekar bóngóður og sagði auðvitað já. Það fylgdi í kjölfarið að spá í ýmsa hluti og þá datt mér í hug að byggja upp brekkusönginn. Ég gerði þetta strax mjög skipulega og var með 100 laga prógramm. Allar tegundir tónlistar sem fólk kunni eða átti auðvelt með að læra. Erlend lög í algjörum undantekningum og þetta byggðist órtúlega hratt upp. Á þessum árum var sunnudagurinn algjör afgangsstærð og svona til að sópa og laga til í tjaldinu og Dalnum. Það leið þó ekki á löngu fyrr en sunnudagurinn fór fram úr öllu því brekkusöngurinn virkaði svo vel, “ sagði Árni Johnsen

Í viðtali við Ómar Garðarsson í Eyjafréttum 2. ágúst 2017. „Það var skemmtilegt að sjá hvern-

ig þessu var tekið og alltaf var eitthvað verið að útfæra en svo komst þetta í mjög fastar skorður. Strákarnir voru mættir með brettin og bílana, skelltu varðeldinum upp. Það var fast lið sem sá um þetta, Gullbergskóngurinn, hann spilaði stórt hlutverk, Biggi Gauja, Jói í Laufási og lið með þeim. Þetta varð að ganga mjög smurt allt saman. Prinsippatriði hvenær átti að byrja og hætta alltaf um miðnætti.“

Úr varð einn vinsælasti dagskrárliður Þjóðhátíðar frá upphafi, brekkusöngurinn. Honum stjórnaði Árni, ásamt því að vera kynnir hátíðarinnar, næstu áratugina. Hann var nú kannski ekki alltaf óumdeildur, hvorki söngurinn né maðurinn, en alltaf söng fólkið í brekkunni hástöfum með. „Það er nú þannig þegar maður er að syngja brekkusönginn að maður þarf að gæta þess að vera ekki atriði heldur einn af röddunum, syngja með fólkinu en ekki fyrir

það. Þetta byggist á þeim karakter sem er að stjórna brekkusöngnum. Það þarf svo hann gangi eitthvað karma eða sjarma eins og sumir segja og að syngja með öllum,“ sagði Árni í viðtalinu.

Þjóðlög og þjóðhátíðar Árni var alla tíð ötull í því að halda lífi í gömlum íslenskum þjóðlögum og ekki síst Eyjalögunum og á mikinn heiður skilinn fyrir. Hann söng þó alls ekki bara lög eftir aðra heldur samdi fjölmörg lög sjálfur og sér í lag texta. Þar á meðal eru fjögur Þjóðhátíðarlög og er hann í sjötta sæti yfir þá höfunda sem komið hafa að flestum Þjóðhátíðarlögum. Það má segja að Árni hafi haldið hefðinni um Þjóðhátíðarlag gangandi eftir fráfall Oddgeirs Kristjánssonar. Því næstu tvö árin átti Árni ljóðið við lögin. Árið 1969 samdi hann ljóð við lag Þorgeirs Guðmundssonar, Draumblóm þjóðhátíðarnætur.

Í MINNINGU ÁRNA JOHNSEN

Árni er ótvíræður kóngur brekkusöngsins og stýrði honum vel á fjórða áratug.

Ég bíð þér að ganga í drauminn minn og dansa með mér í nótt um undraheima í hamrasal og hamingjan vaggar þér ótt. Nætur og dagar líða þar við lokkandi söngva klið frá fólki við bjargið og fuglum við brún og fagnandi hafsins nið.

Þannig hljómar fyrsta erindi ljóðsins og dans Árna við Þjóðhátíð hafinn. Ári síðar voru þeir kumpánar aftur á ferðinni með lagið Bros þitt.

Þú átt líf mitt og ljóð þú átt æskunnar glóð

öll þín spor fylgja þrá minni úr hlaði. Hver sem vegur minn er vaki hamingjan þér og þér fylgja vorhljómurinn glaði.

Árni var svo aftur á ferðinni með þjóðhátíðarlag 1973, í miðju eldgosi á Heimaey, en hátíðin var þá haldin á Breiðarbakka og stóð aðeins einn dag. Árni steig þá upp á ný til að halda skipinu á floti og samdi ljóð og einnig lag en naut þar aðstoðar Arnþórs Helgasonar, Við höldum Þjóðhátíð.

Við höldum þjóðhátíð, þrátt fyrir böl og stríð, við höldum þjóðhátíð í dag. Við gleymum öskuhríð, gerumst ljúf og blíð, við syngjum saman lítið lag.

Síðasta og jafnframt fallegasta Þjóðhátíðarljóð Árna kom hins vegar 1987 við lag Kristins Svavarssonar, Síðasti dansinn.

„Þetta er ofboðslega fallegt lag og ég hef aldrei verið eins lengi að semja texta eins og þennan. Kristinn er náfrændi Oddgeirs. Það var þannig að ég fékk tvö lög frá Kristni þar sem ég var staddur í fríi á Flórída með henni Dóru minni. Ég mixaði þau saman þó lagið væri hans. Dóra var flug-

Árni syngur með börnum á Þjóðhátíð á Breiðabakka. Mynd/Guðmundur Sigfússon.

freyja og ég leyfði flugfreyju hópnum að heyra lagið út við sundlaug. Spurði þær hvernig texta ég ætti að hafa og hvaða stemningu? Þá sagði ein flugfreyjan, -þetta á að vera svona síðasti dans og þar með var línan komin á textann.“

Það kvöldar við bergið og blær fer um strönd.

það brimar í hjarta og hlý er mín hönd.

Hljóðlát fer nóttin um hlíðar og grund og helgar okkar fund.

Ég finn að við elskum hvort annað svo heitt.

Eitthvað í hjartanu er orðið breytt.

Við vöggum í dansi við draumanna nið og dalsins fuglaklið.

Við syngjum saman þennan söng, því hann er minn og þinn.

Við göngum götuna mót gæfu, sem er þín og mín.

Og dansinn dunar enn.

Síðasti dansinn senn.

Við eigum stjörnu á næturhimni. Ástin mín ein.

Það titrar í brjóstum af brennandi þrá, og brosið þitt segir mér allt sem má. Á djúpbláum himninum dillar sér ský uns dagar enn á ný.

Ævintýraveröld æskunnar Árni fæddist í Vestmannaeyjum 1. mars 1944. Faðir hans var Poul C. Kanélas, bandarískur hermaður af grískum ættum og móðir hans var Ingibjörg Johnsen, kaupmaður. Fósturfaðir hans var Bjarnhéðinn Elíasson, skipstjóri

og útgerðarmaður. Hann átti þrjú systkini Margréti Áslaugu, Þröst og Elías Bjarnhéðinn.

Árni ólst upp í ofanbyggjarabyggðinni í Vestmannaeyjum, nánar tiltekið í Suðurgarði. „Hérna var ótrúleg ævintýraveröld. Það var búskapur, sjósókn frá Stórhöfða á árabátum, það var fuglatek í úteyjum, bæði egg, lundi, svartfugl, súla og fýll. Maður lærði að vinna með þessu öllu og verka það,“ sagði Árni í viðtali við Helga Jónsson og Friðþjóf Helgason fyrir sjónvarpsstöðina N1. En viðtalið má finna á TindurTV á Youtube. „Hérna í Suðurgarði var afi minn, Árni Johnsen, með gróðurhús, ræktaði tómata, rósir og vínber. Þetta var mín veröld, það voru mikil hlunnindi.“ Árni ólst því upp í mjög fjölbreyttu umhverfi og við ótrúlega fegurð. Hérna úr ofanbyggjara byggðinni er svo vítt til veggja að það er t.a.m. bein lína í suðvesturs til Brasilíu og ekkert land á milli. Bein lína á Suðurskautið í suðsuðvestur og ekkert land á milli. Bein lína í suður til Asóreyja og ekkert land á milli. Maður er alin upp við þessar víddir og það veldur því að maður fær ákveðið sjónarmið að það séu allstaðar möguleikar, það sé alltaf ein leið enn.“ Það má með sanni segja að Árni hafi lifað eftir þessu því á æviskeiði sínu fór hann ávallt sínar leiðir og oftar en ekki leiðir sem aðrir ekki sáu.

„Þegar maður veltir því fyrir sér hvernig maður er stemmdur, hvernig maður er gerður, þá kemur auðvitað margt til. Sumir hafa kallað mig náttúrubarn, sumir villiman. Sjálfur er ég byltingamaður og geng til verka hispurslaust og tvínóna ekkert við það.“

Lærði hjá Oddgeiri

Eins og fyrr segir ólst Árni að mestu upp í Suðurgarði hjá afa sínum og nafna Árna Johnsen og ömmu, Margréti Jónsdóttur. „Þau voru stórkostleg, voru tónlistar-

fólk. Afi spilaði á orgel og amma á nikku og gítar, samdi lög og þau voru mikið söngfólk. Afi stjórnaði forsöng í Þórði kakala á þjóðhátíð í fjörutíu ár. “

Tónlistin heillaði Árna ungur og var Elvis Presley hans helsta fyrirmynd í þeim efnum. Hann lærði ungu á gítar hjá Oddgeiri Kristjánssyni, guðföður þjóðhátíðarlaganna og gaf út nokkrar hljómplötur á æviskeiði sínu. Að loknum grunnskóla fór Árni í Kennaraskólann þaðan sem hann útskrifaðist 1966. Kenndi hann um tíma bæði hér í Eyjum og í Reykjavík en skömmu fyrir útskrift hóf hann störf sem blaðamaður hjá Morgunblaðinu þar sem hann starfaði í 24 ár ásamt því að stunda dagskrárgerð í útvarpi og sjónvarpi.

Þingferill Árna hófst árið 1983 er hann náði kjöri fyrir Sjálfstæðisflokkinn í Suðurkjördæmi og stóð, þó með hléum, til ársins 2013. Á Alþingi líkt og annars staðar voru Eyjarætur Árna í fyrirrúmi og einkenndu störf hans í hvívetna.

Árni var tvígiftur. Fyrri eiginkona hans var Margrét Oddsdóttir og áttu þau tvær dætur, Helgu Brá og Þórunni Dögg. Síðari eiginkona Árna, til 52 ára, var Halldóra Filippusdóttir, áttu þau saman soninn Breka.

Afkastamestu höfundar þjóðhátíðarlaganna

1. ODDGEIR KRISTJÁNSSON er óumdeildur kóngur þjóðhátíðarlaganna og forsprakki þeirra. Samdi samtals 25 lög.

2. ÁSI Í BÆ

Samdi flest ljóðanna við lög Oddgeirs eða 11 talsins. Sjálfur samdi hann svo einnig 4 lög.

3. ÁRNI ÚR EYJUM

Samdi fyrstu 10 ljóðin við lög Oddgeirs.

4. GUÐJÓN WEIHE

samdi ljóð við 8 þjóðhátíðarlög. Öll valin í samkeppni um lagið.

5. HREIMUR ÖRN HEIMISSON

hefur samið 4 þjóðhátíðarlög og 5 texta.

6. ÁRNI JOHNSEN forsprakki brekkusöngs á Íslandi, á texta við 4 þjóðhátíðarlög.

Síðasti dansinn

Árið 2019, rúmlega fjörutíu árum frá upphafinu, stýrði Árni brekkunni í söng í hinsta sinn með þjóðsöng Íslands. Þann 6. júní síðastliðinn, 79 ára að aldri, steig Árni svo sinn síðasta dans og kvaddi jarðneska veröld. Minning hans mun þó áfram lifa og rödd hans hljóma í brekkusöng í Herjólfsdal ár hvert.

Takk fyrir þitt framlag Árni!

Árni Johnsen 1944 - 2023

ÞAÐ AÐ HITTA PEYJANA Á KVÖLDIN OG VINNA VIÐ GERÐ BRENNUNNAR ER ALLTAF SKEMMTILEGT

Dagur Arnarsson er einn af framlínupeyjum brennunnar. Við fengum hann til að veita okkur innsýninn í aðdraganda hennar.

Hver er saga Brennunnar? Ég er ekki með söguna alveg á hreinu en er enn þá að heyra hetjusögur frá tímum Týs og Þórs. Þá voru tvö gengi sem sáu um þetta annað hvert ár og metingurinn mikill þar á milli.

Hvenær tók handboltinn það að sér að vera með brennuna? Síðan ég man eftir mér þá hefur handboltinn séð um brennuna og fótboltinn sér um að setja upp girðinguna.

Hverjar eru helstu áskoranirnar við að stafla brennuna?

Já þetta er ekki auðvelt verkefni, þetta er að taka nokkur kvöld í júlí þar sem við mætum og vinnum í nokkra tíma í senn. Það að hanga utan á brennunni er ekki auðvelt ásamt því að þurfa að lyfta brettum upp fyrir haus er ekki alltaf auðvelt. En það eru alltaf verkefni fyrir alla, ég byrjaði sjálfur mjög ungur þar sem mitt hlutverk var bara að negla nagla og því öll hjálp sem við fáum er mjög vel þegin.

Hvernig er ferlið við að byggja svona flott brennu?

Við byrjum á því að græja jarðveginn undir brennunni til þess að hafa hana eins stöðuga og við getum. Mjölbretti eru fyrstu lögin

í brennunni en á eftir þeim koma „euro“ bretti. Við erum svo með hóp af peyjum sem eru að negla brettin saman til að auka öryggi okkar og gera brennuna þannig stöðuga þegar staðið er ofan á henni. Við fáum svo lánaðan lyftara til að auðvelda verkið mikið þegar komið er í mikla hæð. Þegar brennan er klár allan hringinn þá vírbindum við brennuna sem gerir það að verkum að meiri líkur séu á að hún falli inn í sig þegar hún er að brenna.

Frá bæjardyrum áhorfandans er það gríðarlega áhættusamt að skvetta á brennuna og miðað við hvað hitinn er mikill í dalnum má gera ráð fyrir að skvettugengið sé að kafna úr hita. Hvernig fari þið að þessu? Er þetta ekkert erfitt? Hitinn er gífurlegur

svona nálægt brennunni eins og þú segir. Viðhittumst um tíu leitið og byrjum að græja olíu á brennuna, klæðum okkur í nokkur lög af fötum ásamt því að undirbúa nýja menn. Við erum í málningargöllum, hönskum og með hjálma með gleri sem ver andlitið. Nokkrum mínútum fyrir brennu mökum við vaselíni í andlitið sem hjálpar okkur að finna ekki fyrir hitanum. Svo má ekki gleyma aðalmönnunum þegar kemur að því að verja okkur en það eru mennirnir á slökkvitækjunum sem sjá um að bleyta okkur milli skvetta.

Hvað er skemmtilegast við allt þetta brennustúss? Þegar við byrjum á brennunni þá veit maður að það er stutt í Þjóðhátíð og tilhlökkunin verður meiri fyrir vikið. Það að hitta peyjana á kvöldin og vinna við gerð brennunnar er alltaf skemmtilegt. Svo er há-

punkturinn á föstudagskvöldinu á þjóðhátíð hjá mér persónulega þegar maður skvettir svo á brennuna.

Eitthvað að lokum? Við viljum þakka öllum þeim sem hjálpa

Einsi Kaldi & starfsfólk óska ykkur gleðilegrar þjóðhátíðar.

Opið 14 00 - 19 00 föstudag, laugardag & sunnudag.

okkur við gerð brennunnar hvort sem það er lán á tækjum sem er okkur mjög mikilvægt, efni í brennuna og þá velunnara sem hjálpa okkur við stöflun. Síðast en ekki síst, góða skemmtun.

ADDI Í LONDON HEFUR MYNDAÐ STEMNINGUNA Í HVÍTU TJÖLDUNUM UNDANFARIN ÁR.

HÉR MÁ SJÁ BROT AF MYNDUM SEM HANN HEFUR TEKIÐ Í GEGNUM ÁRIN.

H vað segja börnin um þjóðhátíðina?

Nafn: Bjartey Ósk Smáradóttir

Aldur: 13 ára.

Foreldrar: Sigurlína Guðjónsdóttir og Smári Harðarsson

Hversu oft hefuru verið á þjóðhátíð: Ég hef verið svona 9 sinnum á þjóðhátíð.

Hvað gerir þú vanalega á þjóðhátið og hvað finnst þér skemmtilegast?

Borða mat inn í tjaldi, fara í brekkuna, og svo margt fleira. Skemmtilegast finnst mér að vera í brekkunni og hlusta á tónlist.

Hvaða þjóðhátíðalag finnst þér skemmtilegast:

Nýja þjóðhátíðarlagið hjá FM95blö þetta árið.

Hvernig heldur þú að þjóðhátíð hafi verið í gamla daga?

Örugglega mjög skemmtileg en pottþétt mikið minni.

Hvað finnst þér mikilvægt að hafa í hvíta tjaldinu?

Mat, drykki og skraut.

Nafn: Rómeó Máni van der Linden

Aldur: 13 ára.

Foreldrar: Lind Hrafnsdóttir og Jón Örvar van der Linden.

Hversu oft hefuru verið á þjóðhátíð: 13 sinnum með þessari sem er í ár, en svo í covid var ekki þjóðhátíð en það var svona heimahátíð og ég tel það með. Ég var 2 mánaða á minni fyrstu þjóðhátíð.

Hvað gerir þú vanalega á þjóðhátið og hvað finnst þér skemmtilegast?

Vera með fjölskyldunni og mér finnst gaman að fylgjast með brennunni og syngja í brekkunni.

Hvaða þjóðhátíðalag finnst þér skemmtilegast: Ástin á sér stað.

Hvernig heldur þú að þjóðhátíð hafi verið í gamla daga?

Held það hafi ekki verið eins margir á þjóðhátíð í þá daga, gömul lög og held það hafi ekki verið svona hvít tjöld.

Hvað finnst þér mikilvægt að hafa í hvíta tjaldinu? Fjölskylduna mína, góða skapið og hafa gaman.

Af mat myndi ég vilja hafa pizzusnúða sem Lea frænka gerir, nammi, kaffi fyrir alla sem drekka kaffi, muffins, tertu.

Gleðilega þjóðhátíð

Opið alla hátíðina á Lundanum!

BÚSLÓÐIN

Í TJALDIÐ

Búslóðaflutningar

leyfðir

9:00 - 11:30

SETNING ÞJÓÐHÁTÍÐAR

/ Þjóðhátíð sett - Sæunn Magnúsdóttir formaður ÍBV

/ Hátíðarræða: Ólafur Jóhann

Borgþórsson / Hugvekja / Kór Landakirkju / Lúðrasveit Vestmannaeyja / Bjargsig: Helgi Birkis Huginsson / Kaffihlé

LÉTT LÖG Í DALNUM

/ Emmsjé Gauti / Leikfélag Vestmannaeyja / JóiP x Króli

/ Friðrik Dór / Leikfélag Vestm.eyja / Söngkeppni barna

14:30 9:00 10:30 10:30 16:00 16:00 14:00 21:00 19:00 19:00 21:00

LÉTT LÖG Í DALNUM

/ Sylvía - bestu lög barnanna / Páll Óskar / Söngkeppni barna

/ Una Torfa / Una og Sara Renee / Diljá / Emmsjé Gauti - frumflutningur / Stjórnin Herra Hnetusmjör

Klara Elías Jóhanna Guðrún, og Elísabet Ormslev / Vinir vors og blóma / Friðrik Dór / FM95BLÖ / Sigurv. Söngvakeppni / Bríet / Jón Ólafs og vinir

Eyfi, Björn Jörundur, Daníel Ágúst, Hildur

Kynnir hátíðarinnar: Bjarni Ólafur Guðmundsson / Dagskrá Þjóðhátíðar 2023 er birt

KVÖLDVAKA

DAGSKRÁ

Renee á Þjóðhátíðarlaginu 2023

Hnetusmjör

Guðrún, Stefanía Svavars Ormslev blóma

Söngvakeppni

vinir

Jörundur, Hildur Vala

Magnús Kjartan

MIÐNÆTUR TÓNLEIKAR / Emmsjé Gauti

Á TJARNARSVIÐI / Brimnes / Memm

MIÐNÆTUR TÓNLEIKAR / Dj Muscleboy

+ Doctor Victor

+ Manswess

+ Yohanna

DANSLEIKUR

/ XXX Rotweiler hundar / Sprite Zero klan / Jói P x Króli / Húgó / Big sexý / Háski / Lil Curly

DANSLEIKUR / Vinir vors og blóma / Bandmenn

MIÐNÆTUR TÓNLEIKAR / Birnir / Páll Óskar

Á TJARNARSVIÐI / Bandmenn / Brimnes

DANSLEIKUR / Stuðlabandið

FRÁR VE 78

ÞJÓÐHÁTÍÐIN MÍN

SARA BJÖRG ÁGÚSTSDÓTTIR

GLIMMER DROTTNING MEÐ MEIRU

ÁRGANGUR 1984

Fjölskylda: Gift Adólfi Sigurjónssyni og saman eigum við Aþenu Ýr 12 ára og Kamillu Ýr 8 ára.

Starf: Starfa í N1 Friðarhöfn.

Hver er fyrsta minningin þín á þjóðhátíð? Mín fyrsta þjóðhátíð var árið 2001. Að vísu fór ég fyrst 3ja mánaða árið 1984 en man að sjálfsögðu ekkert eftir því. Það er erfitt að toppa þjóðhátíðina 2001. Ég tjáði foreldrum mínum það að nú ætlaði ég að vera á þjóðhátíð og þau gætu ekkert breytt því. „Lífið er yndislegt“ var þjóðhátíðarlag hátíðarinnar og fyrir 17 ára unglingsstúlku að fá að upplifa sínu fyrstu hátíð í sól og blíðu með öllum sínum bestu vinum er ógleymanlegt.

Uppáhalds þjóðhátíðarlag? „Þar sem hjartað slær“, „Ljúft að vera til“ og „Á sama tíma, á sama stað“.

En besta minningin? Mjög erfið spurning….eftir þjóðhátíð 2001 birtist ég í myndbandi við lagið „Án Þín“ sem Sverrir Bergmann gerði ódauðlegt og segi fólki óspart frá því frægðarspori. Einnig kemur upp í hugann þjóðhátíð 2007 - Rottweiler á stóra pallinum og vinkona mín búin að hoppa og skoppa þegar hún áttaði sig á því að hún var með glerflöskur í bakpokanum sem míglak yfir hana og allur bjórinn horfinn. Það skipti engu því við vorum að syngja með XXX Rottweiler hundum. Mér finnst magnað að upplifa þjóðhátíð í gegnum dætur okkar. Það er eitthvað stórfenglegt við þá gleði og fyrir okkur er þetta fjölskylduhátíð sem allir fá að taka þátt í og skilyrðið er að hafa gaman saman.

Stóri eða litli pallurinn? Oftast byrjum við á stóra og endum á litla. Ef það er

Fjölskyldan saman í brekkunni. Adolf, Aþena Ýr,

Kamilla Ýr og Sara.

dætrum sínum, Kamillu og Aþenu.

eitthvað sem við fílum ekki á stóra þá förum við á litla. Ég hef aldrei skilið það að eyða þessari frábæru helgi inni í hvítu tjaldi allar nætur. Ég vil dansa fram á morgun og hitta alls konar skemmtilegt fólk í leiðinni.

Hver er hápunktur þjóðhátíðarinnar? Ég elska flugelda og því stendur flugeldasýningin á laugardagskvöldinu alltaf upp úr. Ég fæ gæsahúð við tilhugsunina að heyra drunurnar í klettunum og ljósashow-ið í loftinu. Og svo þegar allir klappa í lokin, Vá, geggjað! Frumflutningur þjóðhátíðarlagsins er líka ómissandi.

Ef þú mættir skipuleggja þjóðhátíðina eitt árið, hvernig myndir þú hafa hana og hvaða tónlistarfólk fengir þú til að skemmta? Ég myndi bara hafa hana eins og hún er. Hvað varðar tónlistarfólk þá hefur mér þótt þetta flott síðustu ár, það er eitthvað fyrir alla öll kvöldin og ef dagskráin fer eitthvað fyrir brjóstið á fólki ætti það bara ekkert að sækja hátíðina. Við höfum öll val um að hafa gaman eða vera grautur og hanga heima í fýlu. Ég vel alltaf það fyrra og það hefur ekki klikkað. Hvað er möst í hvíta tjaldið? Roastbeeflangloka með remma, skinkusamlokur og flatkökur með hangikjöti. Sírópsbrauðið hjá tengdó klikkar seint. Svo er ALDREI nóg af glimmeri og skrauti….munið það !

Gleðilega

Ekki láta springa á þér!

H vað segja börnin um þjóðhátíðina?

Nafn: Magdalena Jónasdóttir

Aldur: 15 ára.

Foreldrar: Esther Torfadóttir og Jónas Logi Ómarsson

Hversu oft hefuru verið á þjóðhátíð: Ég hef farið 9 sinnum á þjóðhátíð í ár er 10. skiptið.

Hvað gerir þú vanalega á þjóðhátið og hvað finnst þér skemmtilegast?

Ég fer á viðburðina sem eru á daginn og svo fáum við okkur kaffi og kökur í hvíta tjaldinu. Förum heim að græja okkur fyrir kvöldskemmtunina. Mér finnst kvöldin skemmtilegust, brekkan með fjölskyldunni og að vera með vinum á dansgólfinu og syngja við lögin.

Hvaða þjóðhátíðalag finnst þér skemmtilegast: Þar sem hjartað slær.

Hvernig heldur þú að þjóðhátíð hafi verið í gamla daga?

Held hún hafi verið minni og ekki eins mikið af fólki ofan af landi og er núna en örugglega alveg jafn skemmtileg.

Hvað finnst þér mikilvægt að hafa í hvíta tjaldinu?

Góðan mat og skreyta tjaldið vel.

Átt þú eitthvað ákveðið hlutverk sem þú sérð um fyrir

þjóðhátíðina? Nei, sé bara um að halda stemningunni uppi.

Nafn: Klara Káradóttir

Aldur: 15 ára.

Foreldrar: Kári Kristján Kristjánsson og Kristjana Ingibergsdóttir.

Hversu oft hefur þú verið á Þjóðhátíð? Úff, ég man það ekki nákvæmlega en mjög oft.

Hvað gerir þú vanalega á Þjóðhátíðinni og hvað finnst þér skemmtilegast? Ég hjálpa til við að tjalda, græja veitingar og vinna. Mér finnst skemmtilegast að vera með vinum mínum og fjölskyldu.

Hvaða þjóðhátíðarlag finnst þér skemmtilegast? Mér finnst gömlu lögin eins og Síðasti dansinn, Lífið er yndislegt og þar sem hjartað slær rosalega flott.

Síðan finnst mér nýja lagið Þúsund hjörtu alveg vera stöngin inn. Lögin með FM95BLÖ eru líka mjög skemmtileg.

Hvernig heldur þú að Þjóðhátíð hafi verið í gamla daga? Ég held að það hafi verið meira af Eyjafólki sem fór á Þjóðhátíðina. Í dag finnst mér vera meira af fólki ofan af landi.

Hvað finnst þér mikilvægt að hafa í hvíta tjaldinu? Það er ekkert sérstakt sem mér finnst mikilvægt þegar kemur að veitingum, mér finnst allt gott. Mér finnst líka gaman að hafa tjaldið fallega skreytt og breyta um þema á hverju ári og skipuleggja það. Átt þú eitthvað ákveðið hlutverk sem þú sérð um fyrir Þjóðhátíðina? Nei ekki beint, ég er að vinna á fullu í Tvistinum og stundum passa ég Kidda litla bróður minn.

Salka Verslun

ÞJÓÐHÁTÍÐIN MÍN

ANÍTA ÓÐINSDÓTTIR

ÁRGANGUR 1987

Fjölskylda:

Gift Guðmundi Inga Guðmundssyni og eigum við þrjá stráka, Guðmund Huginn, Gabríel Gauta og Óðinn Inga.

Starf:

Lífeyrissjóður Vestmannaeyja

Hver er fyrsta minning þín á þjóðhátíð?

Lífið er yndislegt

En besta minningin?

Þegar við vinkonurnar unnum búningakeppnina 2006.

Uppáhaldsþjóðhátíðarlag?

Þar sem hjartað slær og Vinátta.

Hvað er ómissandi á þjóðhátíð?

Maturinn heima hjá mömmu og pabba og að sjálfsögðu vitinn sem vísar veginn.

Stóri eða litli pallurinn?

Bæði, fer eftir hver spilar hverju sinni.

Hvað er hápunktur þjóðhátíðarinnar? Blysin.

Ef þú mættir skipuleggja þjóðhátíðina eitt árið, hvernig myndir þú hafa hana og hvaða tónlistarfólk fengir þú til að skemmta?

Mér finnst þeir sem hafa skipulegt hátíðina alltaf hafa staðið sig vel og treysti ég þeim 100%. En Sálin og Stjórnin eru uppáhalds.

Hvað er möst í hvíta tjaldið?

Allt fólkið mitt.

í brekkunni.

Gleðilega

ÞJÓÐHÁTÍÐIN MÍN

ÁSTA BJÖRT JÚLÍUSDÓTTIR ÁRGANGUR 1999

Hver er fyrsta minning þín á þjóðhátíð?

Fyrsta þjóðhátíðar minningin sem kemur upp í hugann er þegar ég tók ákvörðun að syngja í söngvakeppninni örugglega svona 6-7 ára gömul, eftir þá ákvörðun var ekki aftur snúið og var það orðin fastur liður og guð minn góður lagavalið er eitthvað sem ég mun seint gleyma. T.d. tók ég einu sinni syrpuna hans Árna Johnsen Olei Olei, Bjarna staðar beljurnar og Ólafía hvar er Vigga og var svo steinhissa að ég vann aldrei.

En besta minningin?

Besta minningin er frá því í fyrra þegar ég kynntist Badda mínum. Ég vissi að eitt árið myndi ég finna ástina í dalnum, eða meira ég treysti á það og það tókst.

Uppáhaldsþjóðhátíðarlag?

Ég á nokkur uppáhalds þjóðhátíðarlög, þrjú sem eru í eldri kantinum og koma af uppáhalds geisladisknum mínum sem heitir Eyjalögin sívinsælu. Lögin heita: Í brekkunni, Sumarnótt og Í dalnum. Síðan eru það svona seinnitíðarlög eins og: Takk fyrir mig, Þar sem hjartað slær og Ástin á sér stað.

Hvað er ómissandi á þjóðhátíð?

Ætli það sé ekki pulsupartýið í tjaldinu hjá Einar Birni og Bryndísi á miðnætti á laugardeginum, það er eitthvað extra gott við þær pulsur.

Stóri eða litli pallurinn?

Ég er alltaf team litli pallurinn seinni hlutann af nóttinni sérstaklega, en það fer rosa eftir því hver er að spila á stóra pallinum hvort ég nenni honum. Annars elska ég líka að flakka á milli í hvítu tjaldanna og finna mér gítarpartý, held ég fíli þau mest af öllu.

Ef þú mættir skipuleggja þjóðhátíðina eitt árið, hvernig myndir þú hafa hana? Vá ég held að ég sé með enga skoðun eða hugdettu um breytingar á hátíðinni, það er allt svo skemmtilegt við hana. Við fáum tónlistarfólk sem hentar öllum á sinn hátt og svo er auðvitað misjafn smekkur manna. Ef ég mætti ráða tónlistarfólki

þá væri ég með Sálina hans Jóns míns, Írafár, Í svörtum fötum, Bubba Mortens, Stuðlabandið, Aron Can, Herra Hnetusmjör, BlazRoca, Fm95blö, Hugó og ég gæti nefnt endalaust fleiri, við eigum svo sjúklega marga góða listamenn á þessu landi.

Hvað er möst í hvíta tjaldið?

Það sem er möst í tjaldið eru lefsurnar hennar mömmu, þær eru bara alveg guðdómlega góðar og alveg sérstaklega svona á miðnætti og eftir miðnætti. En svo auðvitað líka pizzasnúðar og skinkuhorn en ég vex seint upp úr því.

Á leið í dalinn.

OG MYND HLJÓÐ - LJÓS

VIÐ HÖFUM VERIÐ PARTUR AF ÞJÓÐHÁTÍÐ FRÁ ÁRINU 2014

Gleðilega Þjóðhátíð

VITINN – FALLEGASTA MANNVIRKIÐ Í

Sögu Vitans má rekja aftur til ársins 1989 þegar tveir stórhuga menn úr Svarta genginu, þeir Geiri múr og Deddi á Búr, fengu þá flugu í hausinn hvort ekki vantaði nýtt mannvirki í Herjólfsdal, á hólinn þar sem austurlenska hofið hafði áður staðið. Svo varð úr að Vitinn var reistur það sama ár í fyrsta sinn, settur saman úr timbri að mestu fyrstu árin og klambraður saman á staðnum. Veður og vindar léku timbrið grátt næstu árin á eftir og að lokum fór svo að timburvitinn hrundi undan óveðri og þá voru góð ráð dýr. Formönnum Vita- og hafnarmála bárust til eyrna sögur af því að Óskar á Háeyri væri að láta breyta bátnum sínum töluvert, Frá VE, og í góðmennsku sinni lagði Óskar til gömlu gálgana af Frá sem Svarta gengið smíðaði svo í undirstöður nýs Vita. 1998 var síðan smíðaður nýr toppur á Vitann sem enn er í notkun í dag.

Árið 2005, eftir áralangan farsælan feril með Vitann, ákvað Svarta gengið að setjast í helgan stein og seldi Vinum Ketils Bónda mannvirkið. Vita- og hafnarmál færðust því yfir í umsjá VKB og er Vitinn enn í höndum þeirra í dag. Árið 2015 hófst vinna við hönnun og smíðar á nýjum undirstöðum fyrir Vitann, enda gömlu gálgarnir af Frá VE orðnir heldur ryðgaðir og veðurbarðir. Helgi forseti Ólafsson hafði yfirumsjón með hönnun átthyrnda botnsins og var stálið soðið saman af þeim Þóri Ólafssyni og Hannesi Kristni Eiríkssyni. Niðurstaðan var stórkostleg og hefur Vitinn hvorki nokkurn tímann staðið á traustari né fallegri fótum en akkúrat nú.

Vitinn er það mannvirki í dalnum sem allir leita til og vísar hann Þjóðhátíðargestum leiðina inn í gleðina með ljósi sínu, ljóma og yndisþokka. Ef ekki væri fyrir Vitaljósið er ólíklegt að fjöldi Þjóðhátíðargesta í Herjólfsdal næði að slefa mikið yfir 2.000 manns. Vitinn er fallegasta mannvirkið í dalnum, útnefndur svo og merktur af fyrrverandi bæjarstjóra Vestmannaeyja, Elliða Vignissyni við hátíðlega athöfn árið 2009.

Vitinn fær yfirleitt að standa uppi örlítið lengur eftir Þjóðhátíð heldur en önnur mannvirki í Herjólfsdal, einfaldlega vegna þess hve mikil náttúruprýði hann er. Aðdráttarafl Vitans er óumdeilanlegt og setningar eins og „Wow, what a magnificent Viti!“ og „I have never seen a more beautiful Viti in my whole life!“ heyrast ósjaldan síðsumars frá erlendum ferðamönnum sem bera Vitann augum í fyrsta sinni. Fólk tekur andköf í lotningu, kiknar í hnjám og missir fóta. Eðlilega. Vitinn lengi lifi!

7 STAÐREYNDIR UM VITANN

1. Vitinn reis fyrst árið 1989.

2. Fyrsti Vitavörður í Herjólfsdal var Gísli Magnússon.

3. VKB keypti Vitann af Svarta genginu árið 2005. Kaupverðið var 100 krónur.

4. Vitinn hefur alltaf staðið á sama stað í Herjólfsdal.

5. Það hefur aldrei kviknað í Vitanum.

6. Vitinn er 1,8 tonn að þyngd, brúttó.

7. Vitinn er fallegasta mannvirkið í dalnum.

Vinir Ketils Bónda við Vitann.

Gleðilega þjóðhátíð kæru Eyjamenn og gestir. Sjáumst í dalnum!

Þjóðhátíð

NÆTURSALA

Erum að Heiðarvegi 5 BÓAS

TIL KL.04.00 Á FIMMTUDAG OPIÐ fimmtudag 12-04 fös-sun 10:30-20 mánudag 10:30-22

og sunnudag

481-1567 ( Sendum heim ATH! tilboð ekki í gildi fimmtudag - mánudags

MYLLAN – FALLEGASTA MANNVIRKIÐ Í DALNUM

Fyrsta Myllan var sett upp fyrir mjög löngu síðan. Það man enginn alveg hvenær það var. Alltaf á Þórsþjóðhátíðum. Myllan mun víst upphaflega hafa verið þar sem Hofið er nú. Árið 1978 setur Bragi Steingrímsson upp nýja Myllu og þá var hún staðsett þar sem hún var lengi við bílastæðið fyrir aftan Litla Pallinn. Það er síðan árið 1997 sem að Jóhann Pétursson og Magnús Bragason ákveða að halda uppsetningu Myllunnar áfram. Magnús var mjög jákvæður 1997 en hefur ekki sést síðan. En nú hefur Myllan sem sagt farið upp árlega á þjóðhátíðum ÍBV Íþróttafélags og

árið í ár er því 27 árið í röð sem Myllan fer upp frá því ÍBV íþróttafélag var stofnað og tók við af Þór og Tý. Myllan er eina mannvirkið sem hefur farið upp öll árin og er vígsla Myllunnar eitt vinsælasta atriðið á Þjóðhátíð og múgur og margmenni mæta á hana. Síðan hreyfast mylluspaðarnir tignarlega alla Þjóðhátíðina og setja hátíðlega svip á hátíðina. Enginn getur hugsað sé Þjóðhátíð án Myllunnar. Myllan lengi lifi!

7 STAÐREYNDIR UM MYLLUNA

1. Myllan er eina mannvirkið í Dalnum sem hefur alltaf farið upp, líka þegar að Þjóðhátíð var aflýst vegna Covid.

2. Myllan er eina mannvirkið með sér Myllusöng.

3. Gústi rafvirki hefur starfað við Mylluna lengst allra eða frá því hún var fyrst sett upp 1978.

4. Myllan var hækkuð fyrir ca. 20 árum en það var gert sakir þrábeiðni Þjóðhátíðargesta til að sjá Mylluna betur.

5. Myllan er eina mannvirkið sem hreyfist.

6. Vígsla Myllunnar er eitt vinsælasta atriðið á Þjóðhátíð og er á fimmtudagskvöldin ca. kl. 22:30. Gæti stundum verið aðeins fyrr. Mæta stundvíslega.

7. Myllan hefur alltaf verið kosið fallegasta mannvirkið í Dalnum.

Jóhann Pétursson við ræðuhöld við hina árlegu víglu Myllunnar.

ÞRÍR SIGURVEGARAR Í SÖMU FJÖLSKYLDU

Fjölskyldan á þjóðhátíð; Sæþór Vídó, Dagur, Halldór Björn, Elías Orri og kristín.

Söngvakeppni barna er fyrir löngu orðinn órjúfanlegur partur af dagskrá Þjóðhátíðar allt frá því 1991 þegar hún sást fyrst á dagskrá, þá aðeins fyrir 8-12 ára í umsjón Jóns Ólafssonar og Eyjólfs Kristjánssonar og fór að öllu leyti fram á föstudegi hátíðarinnar. Eyjahljómsveitin Dans á rósum tók við keppninni árið 1999 og sá um hana næstu áratugina. Keppnin óx og dafnaði vel í þeirra traustu höndum og er á dagskrá alla daga hátíðarinnar. Keppnin er í dag tvískipt eftir aldri, annarsvegar átta ára og yngri og svo níu til þrettán ára og er í umsjón hljómsveitar Gísla Stefánssonar. Keppnin er alltaf jafn vinsæl og er til að mynda töluverður biðlisti í báða aldursflokkana í ár.

Á síðasta ári sigruðu tvíburarnir Ólíver Elí og Ísak Leví Gíslasynir í eldri hópnum með frábærum flutningi á Metallica laginu Nothing else matters. Þar sem þeir léku sjálfir á gítar og bassa. Í yngri hópnum bar sigur úr bítum Elías Orri Sæþórsson er hann flutti þjóðhátíðarlag Klöru Elías, frá því í fyrra, Eyjanótt. Elías Orri sagðist í léttu spjalli hafa fundist mjög skemmtilegt að taka þátt í keppninni og veigraði sér ekkert við að syngja fyrir 15.000 manns í brekkunni sem öll söng með er hann flutti sigurlagið á kvöldskemmtun sunndags hátíðarinnar í fyrra. Hann sagði þetta ekkert mál en fannst mjög gaman að heyra alla brekkuna syngja með. Hann ætlar þó ekki að taka þátt

í keppninni í ár, hefur engan áhuga á að leggja sönginn fyrir sig að atvinnu og langar ekkert að læra á hljóðfæri. En hver veit hvað framtíðin ber í skauti sér.

Elías Orri er þó langt frá því að vera eini í fjölskyldunni sinni sem sigrað hefur keppnina því síðasti sigurvegari yngri hópsins á undan honum var einmitt eldri bróðir hans Dagur en hann sigraði keppnina árið 2019. Hann söng, líkt og Elías Orri, þjóðhátíðarlag, Þar sem hjartað slær sem Sverrir Bergman söng árið 2012 ásamt Fjallabræðrum.

Dagur segist lítið muna eftir þessu en hann var sex ára gamall þegar hann tók þátt. „Ég man samt að þegar ég frétti að ég hefði unnið þá fannst mér þetta vera besti dagur lífs míns.”

Dagur segir það skemmtilegast við Þjóðhátíðin að sitja með fjölskyldunni uppi í brekku á kvöldskemmtuninni. „Mér finnst barnadagskráin aðeins of barnaleg nema kannski BMX-brós, þeir eru mjög skemmtilegir. Svo er líka alltaf gaman að setjast aðeins inn í tjald en það er samt langskemmtilegast í brekkunni.“

Þar með er sagan ekki öll sögð því móðir drengjanna, Kristín Halldórsdóttir, sigraði einnig Söngvakeppni barna er hún söng Minning um mann. „Þetta var mjög líkega 1996. Er þó ekki alveg viss. Tók þátt fyrst og söng lagið "Þúsund eldar" og minnir að það hafi verið ´95 og árið á eftir hafi ég sungið "Minning um mann" og vann þá keppni,“ sagði Kristín sem man lítið eftir því að flytja vinningslagið. „Nei eiginlega ekki. Var örugglega að drepast úr stressi eins og alltaf þegar ég syng. Ég man bara eftir honum Tóta mínum sem var stoð og stytta fyrir krakkana, leiddi mig inn á svið og hughreisti mig

þegar ég var alveg að guggna á þessu.“ Það var aðeins annað snið á keppninni þá og aðeins einn aldursflokkur. „Þá voru bara nokkrir kallaðir uppá svið í einu, keppnin var þá á stóra sviðinu. Síðan sungu allir og vinningshafinn var kynntur að keppni lokinni. Þá söng sigurvegari vinningslagið.Í minningunni voru þetta ekkert rosalega margir, kannski 15-20 krakkar,“ sagði Kristín að lokum.

Gleðilega þjóðhátíð!

Dagur og Sverrir Bergmann.

Elías Orri og Klara.

ERNA ÓLÖF ÓLADÓTTIR

YNDISLEGT

AÐ VERA VIÐ SETNINGUNA, HITTA ALLT

FÓLKIÐ SEM KOMIÐ ER SAMAN Í HÁTÍÐASKAPI

Þrátt fyrir að hafa flutt frá Eyjum fyrir 24 árum síðan togar Þjóðhátíðin alltaf fast í Ernu Ólöfu Óladóttur og fjölskyldu. Í dag býr

hún í Mjóafirði og lætur ekki rúmlega 400 km stoppa sig til þess að taka þátt í gleðinni. Við ræddum aðeins við Ernu Ólöfu og fengum

hana til að segja okkur hvað það er sem gerir Þjóðhátíðina svona dásamlega í hennar huga.

Fyrsta Þjóðhátíðin var á

Breiðabakka árið 1974

Erna Ólöf flutti frá Eyjum vorið 1999 ásamt þremur dætrum austur í Mjóafjörð þar sem Sævar Egilsson maðurinn hennar er borinn og barnfæddur. Elsta dóttirin varð eftir í Eyjum. Sævar átti fyrir tvo drengi og saman eiga þau eina dóttur og dágóðan hóp af barnabörnum, svo hópurinn þeirra er nokkuð stór. Fyrsta Þjóðhátíð Ernu var á Breiðabakka árið 1974 og fyrir utan hátíðirnar tvær sem voru ekki vegna heimsfaraldursins þá hefur hún aðeins sleppt fimm Þjóðhátíðum.

Samveran með fjölskyldunni dásamleg

Erna Ólöf segir að samveran með fjölskyldunni sé fyrst og fremst ástæðan fyrir því að hún mætir ár eftir ár. Einnig sé dásamlegt að hitta vini og kunningja og njóta samverunnar. Hún segir að það sé alltaf gaman á Þjóðhátíð og engin ein hátíð í meira uppáhaldi en önnur, hver Þjóðhátíð hefur sinn sjarma og sínar minningar. Hins vegar hafi hátíðin árið 1982 hafi verið mjög eftirminnileg. Þá var verið að taka um myndina Með allt á hreinu og allt var tekið upp í mígandi rigningu. Það lét enginn veðrið stoppa sig og það hafi verið einstakt að hoppa gegn blautur í svörtum ruslapoka fyrir framan sviðið.

Rigning almennt á Þjóðhátíð var einmitt ein af fyrstu minningum Ernu frá Þjóðhátíð og þá sérstaklega á Breiðabakka ,, Minningin er þannig að það hafi ringt mikið þær Þjóðhátíðir“. Hápunktur hátíðarinnar að mati Ernu er upphaf og endir Þjóðhá-

tíðar. Hún segir að það sé yndislegt að vera við setninguna, hitta allt fólkið sem komið er saman prúðbúið og í hátíðaskapi. Einnig nefnir hún brekkusönginn og blysin á sunnudagskvöldinu sem einstaka upplifun hátíðarinnar. Þá er lífið yndislegt. Það stóð ekki á svörum þegar talið barst að uppáhalds þjóðhátíðarlaginu en Erna segir að lagið Kveikjum eldana sé hennar uppáhald og þegar kemur að því að taka snúninginn sé það án efa litli danspallurinn sem verði fyrir valinu.

Alltaf hnjásúpa á laugardagskvöldinu

Margar hefðir hafa skapast í kringum Ernu og fjölskyldu hennar. ,,Við mætum prúðbúin á setningu þjóðhátíðar og kaffisamvera í tjaldinu á eftir. Lengi borðuðum við reykta lundann í tjaldinu á föstudagskvöldið en eftir að barnabörnum fjölgaði og við eldumst höfum við borðað heima. það er ekki lengur reyktur lundi í matinn heldur reyktur svartfugl

sem við veiðum og verkum í Mjóafirði. Svo er alltaf hnjásúpa á laugardagskvöldið og undanfarin ár höfum við verið með hreindýrabuff með gráðostasveppum og sætkartöflumús á sunnudagskvöldið. Svo eftir kvöldvökur eru hitaðar pylsur í tjaldinu áður en horft er á brennuna og flugeldana. Það er mikil stemmning fyrir barnabörnin“.

Mesta stressið að redda Herjólfsferðunum

Undirbúningur fyrir Þjóðhátíð er mjög mismunandi eftir fjölskyldum og segir Erna að mesta stressið hjá henni sé að redda Herjólfsferðunum. Oftar en ekki er eitthvað klúður og hefur það komið fyrir oftar en einu sinni að pantað er frá Eyjum fyrir Þjóðhátíð en ekki til Eyja, það gerðist einmitt núna í ár. ,,Það þyrfti að vera forsala fyrir fastagesti sem lélegir eru í tölvubókunum“.

Sennilega með minnsta tjaldið í dalnum

Eins og flestir er Erna og fjölskylda með hvítt tjald í dalnum og segir hún að það sennilega eitt minnsta tjaldið í dalnum. Eyrún dóttir hennar og fjölskylda eru einnig með tjald og reyna þau að tjalda hlið við hlið. Ómissandi í tjaldið sé að hafa falleg blóm á borðinu, randalínu og rjómatertu. Erna segist vera mjög ánægð með fyrirkomulagið sem er á tjölduninni í dag, gamla fyrirkomulagið hafi verið allt of stressandi. ,,Viljum við sérstaklega þakka Agli Egilssyni fyrir alla hjálpina með tjaldið og dótið í gegnum tíðina. Takk elsku Egill og fjölskylda“.

Að lokum óskar Erna Ólöf öllum gleðilega þjóðhátíð og leggur áherslu á: ,, Við viljum enga bleika fíla“.

Erna Ólöf og Sævar.

Þjóðhátíðarlagið

2023 ÞÚSUND HJÖRTU

Lag og texti: Gauti Þeyr Másson og Þormóður Eiríksson

( Capó á 1. bandi fyrir upprunalega tóntegund )

F C Dm Bb F

F

Ég er með vorboða í vasanum

C Dm

Þegar ég rölti af stað með þér

Ég elsk’að hlað’í minningar

Bb F

Með því að gleyma mér með þér

F Hvað er betra en kvöldin C

Þegar kæruleysið tók völdin

Dm C Bb

Það er stundin sem ég fæ aðeins með þér

Bb C F

Þegar þúsund hjörtu slá í takt

Bb C F

Að þú sért hjá mér, það er allt

Bb C F C/E Dm

Þó að nóttin mæti verður aftur bjart

Bb C F

Þegar þúsund hjörtu slá í takt

F C Ég finn orkuna magnast, margfaldast Dm

dagur kveður sólin sest Bb

Þúsund andlit allt í kringum mig F

En þitt bros gerir mest

Hvað er betra en höndin C

Þegar nóttin, kemur köld-in Dm C Bb

Ég er þú og ég get svarið að þú ert ég

Þegar þúsund hjörtu slá í takt ...

[ Millispil: F C Dm Bb ]

Gm C

Ég er bergið, þú ert mosinn

Dm F

Þú ert eldfim, ég er blossinn

Bb C F

Þarf að segja meir?

Gm C

Þegar við hverfum, inn í hópinn

Am Dm

Þá gleypir okkur nóttin Bb C F

annað kvöld á Heimaey

Þegar þúsund hjörtu slá í takt ....

Skannaðu til að sjá myndbandið

Emmsjé Gauti flytjandi lagsins.

Við óskum Eyjamönnum og gestum gleðilegrar Þjóðhátíðar

Óskum ÍBV góðs gengis

WATT EHF

í baráttunni í sumar

FURUNO SKIPATÆKI

J ón Gísli Ólason

Rafmagnsiðnfræðingur sími: 695 2925

TANNLÆKNASTOFAN

Aukin verðmæti í Auðlindagarði

Bílaverkstæði

HS Orka á og rekur tvær virkjanir á Reykjanesi sem eru grundvöllur Auðlindagarðs hvað markmiðið er að ekkert fari til spillis.

www.hsorka.is

KOM FYRST FRAM Á ÞJÓÐHÁTÍÐ FYRIR 20 ÁRUM

Þjóðhátíðarhefðirnar eru margar og mismunandi. Sumar þeirra eru algjörlega ómissandi hjá fólki eins og t.d. kaffisamsæti á setningunni, sérstakir innanstokks munir og skraut í tjaldinu, sveittur borgari í veitingatjaldinu.

Aðrar hefðir eru svo öðrum ríkari og mikilvægari, sér í lagi þær sem snúa að dagskrá hátíðarinnar, s.s. Brenna á miðnætti föstudags, flugeldar á laugardegi og brekkusöngur og blys á sunnudegi. Þá eru hefðir í byggingum og skrauti í Dalnum einnig þó nokkrar, myllan, brúin, vitinn, hofið. Svo er eitt og annað sem er ekki beint hefð en hefur einhvern veginn bara alltaf verið þarna. Það mætti svo sem segja um hljómsveitina Brimnes og dansleik þeirra á Tjarnarsviði. Við heyrðum aðeins hljóðið í forsöngvara sveitarinnar

Sæþóri Vídó sem kom fyrst fram á hátíðinni fyrir tuttugu árum.

„Já, þú segir nokkuð. Ég veit ekki alveg hvort hægt sé að segja að við séum orðin hefð eða einhver ómissandi partur af hátíðinni. Ég er nokkuð viss um að hún yrði bara hin ágætasta þótt við værum ekki á dagskránni. Hún væri

bara ekki eins skemmtileg,“ sagði Sæþór og hló.

„En jú, það er rétt. Maður hefur staðið á Tjarnarsviðinu þessa helgina ansi lengi. Ég kom, að ég held, fyrst fram þar, a.m.k. sem partur af auglýstri dagskrá, árið 2003. Þá sem gítarleikari Hippabandsins sem lék á pallinum til móts við Dans á rósum þá hátíðina. Hin hljómsveitin mín þá, Tríkot, lék svo í pásunum hjá báðum sveitinum. Reyndar leysti ég líka Tóta af í Dans á rósum að einhverju leyti þessa hátíð. Held hins vegar að það hafi bara verið í barnadagskránni.

Við í Tríkot mættum svo aftur nokkrum árum seinna, líklega 2008 og lékum fyrir dansi til móts við Dans á rósum á Tjarnarsviði og þar hef ég verið síðan, um verslunarmannahelgi, nú með hljómsveitinni Brimnes.“

Sæþór segir þetta alltaf jafn skemmtilegt. „Annars stæði maður nú líklega ekki í þessu. Maður hefur upplifað mörg skemmtileg augnablik þarna á sviðinu. Við endum allar hátíðir á því að leika lag hátíðarinnar það árið og það verður oft til eitthvað kyngi-

magnað augnablik þá. Snemma á mánudagsmorgni, fólk að kreista síðustu dropana úr hátíðinn, ekki alveg tilbúið að fara heim. Sólin risin og gyllir syngjandi andlit fólks. Magnað!

Þá ert oft ansi gestkvæmt á pallinum þegar líður á mánudagsmorgun. Þetta eru ekkert endilega alltaf tónlistarfólk, þó það sé nú oftast. Ég man t.d. eftir því þegar ég leit við í einu laginu og bardagakappinn Gunnar Nelson og Ásgeir Kolbeins, landsliðsmaður í fótbolta, stóðu mér við lið og sungu hástöfum. Þá er einnig eftirminnilegt þegar Sálin hans jóns mín mætti til okkar á pallinn og fékk að taka lagið eitt árið. Þá töluðu þeir einmitt um hvað það væri miklu skemmtilegra að spila á þessu svið en því stóra. Nándin við áhorfendur væri miklu meiri. Það er einmitt það sem gerir þetta svo skemmtilegt, þessi nánd við fólkið, gesti hátíðarinnar. Það eru allir mættir til þess að hafa gaman, skemmta sér og ekki síst öðrum, með því að klæða sig upp í hin ýmsu gervi og búninga. Ég held einmitt að það sé eina hefðin sem í raun skiptir máli. Hugarfar þjóðhátíðargesta að fólk mæti á Þjóðhátíð til að skemmta sér og öðrum. Um leið og þetta hugarfar breytist er hætt við því að Þjóðhátíðin breytist.“

Aðspurður um hversu mörg ár í viðbót Brimnes hugsi sér að skemmta á Þjóðhátíð sagði Sæþór það óvíst. „Á meðan hátíðin vill okkur og þá í sér í lagi á meðan okkur finnst þetta skemmtileg þá erum við til í slaginn. Hversu lengi það endist verður tíminn bara að leiða í ljós,“ sagði Sæþór að lokum og bætti við. „Við eigum a.m.k. langt í land með að slá Dans á rósum við sem stóð vaktina sleitulaust í ein 20 ár.“

Portapartý

Sjáumst í Portapartý Nova á 900 Grillhúsi alla helgina!

Frítt Stö

Mundu e ir Nova appinu og njóttu allra frábæru fríðindanna!

www.stracta.is er stutt í allar helstu náttúruperlur Suðurlands.

Á hótelinu er Bistro veitingastaður sem býður upp á fjölbreytt úrval rétta.

ÞJÓÐHÁTÍÐIN MÍN

KATRÍN HELENA MAGNÚSDÓTTIR

ÁRGANGUR 1995

Fjölskylda:

Pabbi/Magnús Mamma/Kristín, Díana Dögg, Sæunn og Sveinn, Sædís og Svanur og Sara Dröfn litla frænka mín. Og svo bónus fjölskyldan mín Setta, Helgi, Guðbjörg og Hjalli og Co.

Hvað gerir þú vanalega á þjóðhátíð og hvað finnst þér skemmtilegast?

Fæ mér Pepsi max og kökur í tjaldinu eftir setninguna. Er í brekkunni á kvöldvökunni, horfi á brennuna og flugeldanna, syng í brekkusöngnum og missi aldrei af Páli Óskari þegar hann er að skemmta. Ég heimsæki líka alltaf Settu og Helga í tjaldið þeirra. Skemmtilegast er að fá súkkulaðiköku í hvíta tjaldinu og hlusta á og sjá Pál Óskar.

Hvert er uppáhalds þjóðhátíðarlagið þitt? La Dolce Vita með Páli Óskari og svo Lífið er yndislegt.

Hver er besta minningin þín á þjóðhátíð? Kökuboðið í tjaldinu með fjölskyldunni eftir setningu.

Hvað finnst þér best að borða í hvíta tjaldinu? Súkkulaðiköku.

Með hverjum er skemmtilegast að vera á þjóðhátíð? Með fjölskyldunni.

Katrín Helena ásamt fjölskyldu sinni.

Katrín Helena ásamt móður sinni, Kristínu.

Karl Kristmanns

Umboðs - og heildverslun ehf.

Gleðilega hátíð

Gleðilega Þjóðhátíð

ÞAÐ ER ÓSKÖP FÁTT SEM MÉR FINNST SKEMMTILEGRA EN ÞJÓÐHÁTÍÐ

Ellert Scheving Pálsson var ráðinn framkvæmdarstjóri ÍBV íþróttafélags í lok maí sl. Við fengum Ellert í smá spjall um nýju vinnuna, þjóðhátíðina og annað skemmtilegt.

Ég heiti Ellert Scheving Pálsson, ég er giftur og á tvö börn. Daníel Gauta 10 ára og Söru Sól 19 mánaða.

Hvernig kom það til að þú sóttir um vinnu sem framkvæmdarstjóri ÍBV ?

Þetta byrjaði nú þannig að ég var svona eitthvað að íhuga það að fara að koma í land. Hafði verið tæp 10 ár á sjó og fannst þetta farið að verða komið gott. Um leið og ég fór svo mikið sem að íhuga það þá fékk ég skilaboð frá félaga mínum sem spurði mig hvort ég hefði ekki áhuga á því að taka að mér stöðu framkvæmdastjóra handknattleiksdeildarinnar. Mér fannst það mjög spennandi þar

Ellert ásamt fjölskyldunni á setningarkaffinu.

sem ég er auðvitað mikill áhugamaður um íþróttir og það heillaði að fara að vinna við eitthvað sem ég hef áhuga á.

Ég var nú ekki búinn að vera neitt rosalega lengi í því starfi þegar mér bauðst að taka við sem framkvæmdastjóri ÍBV-íþróttafélag. Það var auðvitað svolítið sérstakt en heppnaðist allt saman vel á endanum. Fyrir mig var mjög erfitt að segja nei við þessu starfi og í raun jafn erfitt að hætta hjá handknattleiksdeildinni því þar er gott og kraftmikið fólk sem keyrir hlutina áfram.

Hefur þú alltaf verið mikið viðloðinn íþróttir?

Já, allt frá blautu barnsbeini. Það má segja að lífið hafi snúist í kringum íþróttir. Ég er alinn upp í Hafnarfirði og lék bæði handbolta og knattspyrnu með FH. Við fjölskyldan fluttum svo til eyja árið 2001 og ég spilaði upp alla

flokka í báðum greinum með ÍBV. Annars er ég forfallinn íþróttaáhugamaður. Það skiptir svo sem engu hvaða íþrótt það er, ég get horft á næstum allt. Ég hef staðið sjálfan mig að því að horfa á Evrópumót í hraðklifri.

Hvernig leggst starfið í þig? Eitthvað sem kom þér á óvart?

Starfið leggst bara ágætlega í mig. Ég byrja sennilega á mesta álagstímanum í kringum mót og þjóðhátíð svo þetta hefur verið svolítið bratt en gaman. Það er svo sem fátt sem kemur mér á óvart. Ég vissi svona nokkurn veginn út í hvað ég var að fara. Faðir minn gegndi þessu starfi í fleiri ár og maður fylgdist með úr fjarska.

Nú er eflaust allt á fullu við undirbúning fyrir þjóðhátíðina, hvernig leggst hún í þig? Þjóðhátíðin leggst bara mjög vel

í mig. Ég er búinn að biðja æðri máttarvöld um gott veður en hef ekki enn fengið svör. Þetta er þó í fyrsta skiptið sem ég er í þjóðhátíðarnefnd svo ég er enn að læra og það er nóg að læra. Þetta er umfangsmikil hátíð. Ég nýt þó góðs af því að í nefndinni er afar öflugt fólk sem hefur gert þetta nokkrum sinnum áður.

Ert þú mikill þjóðhátíðarmaður? Ég er mikill þjóðhátíðarmaður. Það er ósköp fátt sem mér finnst skemmtilegra en þjóðhátíð. Undirbúningurinn og hátíðin sjálf, þetta er allt skemmtilegt.

Hvað er þitt uppáhalds við hátíðina?

Ég hafði afskaplega gaman af því þegar fólk hljóp til að ná stæði fyrir hvítt tjald. Það var eitthvað við það. Sérstaklega þegar urðu örlitlir pústrar. Ég hafði mjög gaman af því að hlusta á fullorðið fólk rífast um eitthvað jafn kjánalegt eins og hvort það myndi tjalda á Veltusundi 14 eða 16. Annars hefur mér bara alltaf þótt rosalega gaman að öllu sem tengist hátíðinni, fólkið, dagskráin, að rölta um hvítu tjöldin og margt fleira. Í seinni tíð hefur mér þótt gaman að vera í brekkunni með syni mínum. Hann hefur einstaklega gaman að þessu öllu saman. Sem er auðvitað ekkert nema jákvætt.

Hver er þín besta minning frá þjóðhátíð?

Þær eru nú bara allt of margar. Það bætist alltaf eitthvað nýtt við hverja hátíð. Ég hugsa oft um þjóðhátíðina 2005. Þá var ég meira og minna einn heima. Mamma fór með systkini mín erlendis og pabbi var í þjóðhátíðarnefnd svo hann sást ekki. Þá hátíð var afar gott veður og við vinirnir sátum mikið úti á palli og hlustuðum á góða tónlist og nutum þess að vera ungir og vitlausir.

Ellert ásamt syni sínum.

Uppáhalds þjóðhátíðarlag?

Ég veit þú kemur er mitt uppáhalds lag en ég er mjög hrifinn af nýja þjóðhátíðarlaginu, Þúsund Hjörtu, það hefur burði til að verða klassík.

Litli eða stóri pallurinn?

Fer allt eftir stemmningu, ég ætla þó að vera hreinskilinn og segja að ég sé „stóra palls“ maður.

Eitthvað að lokum?

Ég vil óska öllum þjóðhátíðargestum góðrar skemmtunar. Við skulum samt muna að vera vakandi og hafa það í huga að þetta er fjölskylduhátíð, það er hellingur af börnum í brekkunni. Munum það og pössum upp á hvort annað.

Gleðilega þjóðhátíð

SVAVA KRISTÍN GRÉTARSDÓTTIR:

TAKK FYRIR MIG YNDISLEGA EYJA, ÉG KEM ALLTAF AFTUR TIL ÞÍN. SJÁUMST Í HERJÓLFSDAL!

Svövu Kristínu þarf varla að kynna fyrir okkur Eyjamönnum en hún hefur birst okkur á skjánum í íþróttafréttunum síðastliðin ár með sinni einstöku fagmennsku. Í kringum Svövu Kristínu er alltaf gleði og fjör og erfitt er að finna aðra eins þjóðhátíðar gleðisprengju og hana. Það var því tilvalið að fá hana í smá viðtal til þess að segja okkur hvað það er sem gerir þjóðhátíðina svona merkilega í hennar huga.

Svava Kristín Gretarsdóttir er dóttir Kristnýjar Tryggva og Gretars Sævalds. Hún á því ekki langt að sækja það að vilja hafa líf og fjör í kringum sig, enda einstaklega hress og skemmtileg fjölskylda þarna á ferðinni.

Bekkjabílarnir voru geggjaðir!

Bekkjabílarnir eru klárlega mín fyrsta minning af þjóðhátíðinni segir Svava. ,,Mamma og pabbi þurftu alltaf að fara með okkur í bekkjabílana og helst auka hring“. Hún segir að auðvitað sé hún líka með sterkar minningar frá Skraninu, draga pabba sinn þangað að kaupa einhverjar byssur handa sér og Kristgeiri bróðir. Svava segist alla tíð hafa verið mikil stráka-stelpa, átti bara stráka vini sem barn og lék sér þ.a.l bara með byssur og bolta.

Hápunkturinn fyrir mér er öll hátíðin frá A-Ö

Svava Kristín segist vera mjög rómantísk þegar kemur að Þjóðhátíð. Fyrir henni er þetta stórkostlegasti viðburður í heimi og að fá að upplifa hann ár hvert heima í Eyjum sé einstakt. ,,Hápunkturinn fyrir mér er öll hátíð-

in frá A-Ö. Hver dagur hefur sinn sjarma. Að vakna upp á mánudeginum fyrir Þjóðhátíð þá finnur maður andrúmsloftið breytast í bænum, eftirvæntingin byggist upp dag frá degi og svo hefst þetta á miðvikudegi fyrir mér. Þá er loka undirbúningur, bærinn orðin fullur af fólki og allt að bresta á“.

Fjölskyldan hennar eru með Lundaveisluna alltaf á fimmtudeginum svo allir geti notið þess að borða besta matinn saman þar sem það getur verið erfitt að ná öllum saman þessa helgina. Eftir matinn fylgist hún með Jóa Pé toppa fimmtudaginn með Myllu-vígslunni eftir að hún og mamma hennar eru búnar að

skreyta tjaldið þeirra. Svava Kristín talar um gæsahúðar mómentið á föstudeginum sem er þegar hún labbar inn í dal í gegnum hliðið og þegar mannhafið blasi við henni í brekkunni, þá loksins er Þjóðhátíðin byrjuð aftur. Laugardagurinn segir hún að sé einn stór hápunktur út af fyrir sig, en síðustu ár hefur FM95blö verið hápunkturinn hjá henni þar sem hún öskur syngur allan tímann með þeim, enda þeir í miklu uppáhaldi. Að lokum að það auðvitað brekkusöngurinn, hann er alltaf jafn fallegur og skemmtilegur. ,,Að sitja með öllu þínu fólki, stór fjölskyldunni, vinum og vandamönnum, þekkir svo mörg andlit út um alla brekku og fá að njóta

Við erum betri saman

þess að loka þessari dásamlegu helgi með þeim eru algjör forréttindi. Svo er engan hápunkt að finna á mánudeginum“.

Höldum í hefðina hennar ömmu Svövu

Hefðirnar í kringum Svövu Kristínu og fjölskyldu hennar eru nokkrar. Á föstudeginum situr hún alltaf í brekkunni fyrir ofan veitingatjaldið og horfi þar á brennuna með Daða Magg vini sínum og alltaf fylgi þeim góður hópur af fólki. Þau fjölskyldan halda svo í hefðina hennar ömmu Svövu og hafa pylsur eftir brennu upp í tjaldi. Á laugardeginum horfir fjölskyldan alltaf á laugardagstónleikana við hljóðskúrinn, þetta byrjaði fyrir mörgum árum síðan bara hún og pabbi hennar en nú mætir öll fjölskyldan og oftast einhverjir vinir þeirra systkina þangað líka. Á sunnudeginum reynir mamma hennar að keyra smá orku í fjölskyldu meðlimi með sterkri og góðri súpu áður en haldið er af stað í loka daginn. Svo á miðnætti fer Svava Kristín alltaf úr brekkusöngnum í næst síðasta laginu, stendur til hliðar við brekkuna

fyrir ofan hvítu tjöldin, heyri þar óminn af 20. Þúsund manns syngja þjóðsönginn, fylgist þaðan með blysunum og sér allan Herjólfsdal í sinni fallegustu mynd. Á mörg uppáhölds

þjóðhátíðarlög

Svava Kristín segist vera með ákveðna reglu þegar kemur að þjóðhátíðarlögunum. Það er að hún hlustar ekki á Þjóðhátíðarlög fyrr en búið er að gefa út nýja lagið, þá hlustar hún á nýja

lagið og setur síðan Þjóðhátíðar listann á Spotify á. „Ég byrja samt ekki að hlusta á öll lögin, því ég leyfi mér ekki að hlusta á gömlu Þjóðhátíðarlögin fyrr en um Goslok. Ástæðan er sú að það eru lögin sem eru almennt ekki í spilun og gefur mér alltaf gæsahúð þegar ég heyra þau í fyrsta skiptið á hverju ári“.

Uppáhaldslögin hennar eru mörg en þau sem standa algjörlega upp úr eru: Í dalnum með þér sem Ágúst Emil bróðir hennar samdi þegar hann var 12 ára og strákarnir í Brimnes tóku svo upp fyrir hann. Ævintýraþrá, eitt af þessum gömlu góðu sem eru bara svo falleg. Á sama tíma – á sama stað, þessi texti á svo vel við hjá bræðrunum, því að eitt er víst, þú finnur mig þar, alveg sama hvað. Að lokum er það Takk fyrir mig, lag sem hefur aldrei fengið að hljóma í Herjólfsdal en er eitt allra fallegasta Eyja lagið.

Hátíðin byrjar sama hvað á eftir að gera – eina sem er ómissandi ert þú inni í Herjólfsdal með fólkinu þínu

Svava Kristín segir að það sé mikilvægt að fara vel með sig þessa stóru helgi til þess að verða hreinlega ekki veikur og muna að ekkert er ómissandi. ,,Ef þú gleymdir að baka eða smyrja í tjaldið, ekkert mál það er seldur matur inn í dal. Gleymdirðu að fara í ríkið? Ekkert mál það er selt áfengi inn í dal. Gleymdirðu að fara í búð? Ekkert mál það er opið á morgun. Hátíðin byrjar sama hvað, eina sem er ómissandi ert þú inn í Herjólfsdal með fólkinu þínu“.

Drottningin hún mamma alltaf með nóg af mönsi í tjaldinu Árið 2019 fékk litla fjölskyldan sér loksins hvítt tjald, en aðeins notað það tvisvar vegna heimsfaraldurs. Upphaflega voru systkini pabba hennar öll saman í tjaldi en fjölskyldurnar stækka og

Vinirnir Anton, Sara Dögg, Daði og Svava Kristín.

Svava Kristín á þjóðhátíð.

tjöldin ekki með svo nú erum þau komin í sér tjald sem Svava Kristín segir að sé geggjað. ,,þá getum við alltaf boðið vinum okkar upp í tjald þar sem drottningin hún mamma er oftast að taka á móti fólki með smá uppistand og nóg af mönsi“.

Stóri pallurinn skemmtilegri en litli alltaf sjarmerandi

Þegar talið berst að tónlistinni segir Svava að hún pæli almennt mikið í tónlist að þá sæki hún meira í stóra danspallinn en henni finnst litli pallurinn alltaf sjarmerandi. Hún segist alltaf fara á stóra pallinn eftir miðnætti þegar að stóru böndin eru enn að spila, svo fer hún á röltið um hvítu tjöldin en segir samt að vissulega endi hún stundum á litla þegar búið er að kveikja ljósin í dalnum.

Tom Raider var sturlaður búningur

Spjallið berst að þeirri skemmtilegu hefð þegar margir vinahópar klæddu sig upp í hina ýmsu búninga og var nefnd sem kaus síðan besta búning hátíðarinnar. Svava Kristín segist alltaf haft mjög gaman af búningunum.,, Ég var bara tvisvar í búningum, annars vegar í Baywatch sem var mjög flott en síðan voru við Lara Croft, Tomb Raider. Það var sturl-

aður búningur. Skil ekki ennþá hvernig við unnum ekki keppnina það árið. Það var endalaust verið að biðja um myndir af sér með manni, ég man að það endaði með því að vinkona mín setti mig í regnstakk á leiðinni heim eina nóttina því hún nennti ekki lengur að stoppa fyrir myndatökur, athyglissýkin í mér elskaði þetta samt“. Hún nefnir þó í þessu samhengi að mamma hennar hafi ekkert verið sérstaklega stolt af henni þegar hún var í Baywatch búningnum að bjarga fólki úr tjörninni. ,,Þarna var ég einn morguninn að hlaupa út í, fella fólk sem var í tjörninni og bjarga þeim frá drukknun, ég tók baðvarðarstarfinu mjög alvarlega“.

Þetta er fjölskylduhátíð – stolt okkar Eyjamanna Uppáhalds þjóðhátíðin hennar Svövu Kristínar var árið 2019 . Það hafi verið stórkostleg hátíð, veðrið geggjað og allt upp á 10. Hún leggur hins vegar mikla áherslu á mikilvægi hátíðarinnar fyrir sér, hvaða ár sem það er. ,,Þetta er fjölskylduhátíð, stolt okkar Eyjamanna. Ég verð alltaf hálf meyr snemma kvölds í brekkunni þegar

ég sit umkringd öllu mínu besta fólki og horfi á þessa náttúrufegurð sem blasir við manni. Ég hef sagt það margoft, ég myndi aldrei missa af Þjóðhátíð, það er ekkert sem toppar þessa hátíð fyrir mér“.

Verður gengin 17 vikur á leið með sitt fyrsta barn á þjóðhátíðinni í ár Þjóðhátíðin í ár er svolítið spennandi hjá Svövu Kristínu og verður með breyttu sniði. ,,Þetta verður fyrsta edrú hátíðin mín á fullorðins árum. Ég verð gengin 17 vikur á leið með mitt fyrsta barn, mikil eftirvænting fyrir því verkefni en ég er líka mjög spennt að upplifa núna Þjóðhátíð í öðru ljósi. Ég móðgast þegar að ég er spurð hvort ég ætli að vera á Þjóðhátíð í ár, eins og að það sé ekki hægt að skemmta sér á Þjóðhátíð edrú? Þvílík vitleysa. Ég er á besta tíma meðgöngunnar til að skemmta mér konunglega í Herjólfsdal og ætla ekki að breyta neinu, ég verð all-in frá fimmtudegi til mánudagsmorgun“. Takk fyrir mig yndislega Eyja, ég kem alltaf aftur til þín. Sjáumst í Herjólfsdal!

Vinkonur á þjóðhátíð, Bjartey og Svava Kristín.

Eigðu stund með Ása í Bæ

„Hér gleðjast allir, takast hönd í hönd með hýrri brá því það er gamall siður að láta dægurþrasið lönd og strönd, við leggjumst bara í grasið mjúka niður

og njótum þess að vaka og vera til, í vina hópi, gista klettasalinn, á meðan sólin gyllir þessi þil og þjóðhátíðarstemning fyllir Dalinn.“

Herjólfsdalur 77 - Lag og ljóð: Ási í Bæ

GLEÐILEGA HÁTÍÐ!

Skipalyftan óskar

Eyjafólki & gestum gleðilegrar þjóðhátíðar!

ADDI Í LONDON HEFUR MYNDAÐ STEMNINGUNA Á ÞJÓÐHÁTÍÐ UNDANFARIN ÁR.

HÉR MÁ SJÁ BROT AF MYNDUM SEM HANN HEFUR TEKIÐ Í GEGNUM ÁRIN.

ÞJÓÐHÁTÍÐIN MÍN

BIRGITTA KAREN

GUÐJÓNSDÓTTIR

ÁRGANGUR 1980

Fjölskylda:

Gift Kristni og eigum við 4 uppkomin börn, 3 tengdadætur og 5 barnabörn.

Starf?

Blómaval.

Hver er fyrsta minning þín á þjóðhátíð?

Fór á mína fyrstu þjóðhátíð 2010 þegar ég flutti til eyja og hendi mér bara beint í vinnu bæði í gæslu og teknó tjaldið og það var reyndar bara geggjað að upplifa þjóðhátíð þarna megin líka, maður sér hlutina allt öðruvísi, mæli með að allir prófa að taka einhverskonar einhverntímann vinnu í dalnum yfir þjóðhátíð. Annars stóð upp úr 2011 þegar ég upplifði blysin í brekkunni á sunnudagskvöldinu fæ alltaf gæsahúð.

En besta minningin?

Að vera í brekkunni með fjölskyldunni og vinum og horfa á blysin... magnað show.

Uppáhaldsþjóðhátíðarlag?

Þar sem hjartað slær.. það er alltaf gott eins og mörg önnur.

Hvað er hápunktur þjóðhátíðarinnar?

Byrjunin setningar kaffið og endirinn brekkusöngurinn.

Stóri eða litli pallurinn?

Litli pallur nema ef það er einhver hljómsveit á stóra sviði sem mig langar að hlusta á t.d í ár verður það xxx rottweiler

Ef þú mættir skipuleggja þjóðhátíðina eitt árið, hvernig myndir þú hafa hana? þjóðhátíðarnefnd stendur sig bara mjög vel í að skippuleggja þjóðhátíð myndi bara pottþétt herma eftir þeim. Svo væri geggjað að fá t.d Ham, Quarashi og Skálmöld

Hvað er möst í hvíta tjaldið? Irish coffee, samlokur og spegill.

Birgitta ásamt Svövu dóttur sinni.

Vinkonur á þjóðhátíð.

Gleðilega þjóðhátíð!

Páll elskar endurgreiðslur. Þess vegna er hann hjá Sjóvá.

Á hverju ári fá þúsundir tjónlausra viðskiptavina Sjóvá Stofnendurgreiðslu. Þannig hefur það verið í rúm 25 ár. Sjóvá | Bárustíg 15 | 440 2000 | sudurland@sjova.is