Tígull 34.tbl 04. árg.

34. tbl. 04. árg. 5. - 11. október 2022

Loksins var haldið Lundaball

Nýr Þór til heimahafnar

Íþróttavika Evrópu #BeActive

Vel á fjórða hundrað manns fyllti Höllina á laugardaginn var þegar hið venjulega árlega Lundaball var loksins haldið. Tígull var á staðnum og smellti af nokkrum myndum.

Það var hátíðleg stund þegar nýtt björgunarskip okkar, Þór, kom til Vestmannaeyjahafnar sl. laugardag. Ljósmyndari Tíguls var að sjálfsögðu á staðnum

FÍV tók þátt í íþróttaviku Evrópu 2022. Markmiðið er að kynna íþróttir og almenna hreyfingu um alla Evrópu og sporna þannig við auknu hreyfingarleysi meðal almennings.

Á Leturstofunni bjóðum við upp á hönnun og umbrot á alls konar verkum.

Auglýsingar / logo / sálmaskrár umbúðir / fréttabréf nafnspjöld / boðskort bæklinga / límmiða og allt sem þér dettur í hug.

Vertu í sambandi við okkur og við förum yfir þetta í sameiningu. leturstofan@leturstofan.is

/leturstofan

/leturstofan

ÍÞRÓT TAVIKA EVRÓPU #BEACTIVE F R É T TA H O R N F Í V Framhaldsskólinn í Vestmannaeyjum tók þátt í íþróttaviku Evrópu 2022.

Markmið íþróttavikunnar er að kynna íþróttir og almenna hreyfingu um alla Evrópu og sporna þannig við auknu hreyfingarleysi meðal almennings. Íþróttavikan er ætluð öllum, óháð aldri, bakgrunni eða líkamlegu ástandi. Áhersla er lögð á að hvetja almenning til þess að hreyfa sig oftar og meira í sínu daglega lífi. Slagorð verkefnisins er #BeActive.

Fimmtudaginn 29. október tóku FÍV á móti gestum frá Lancaster Royal Grammar School í annað sinn. Það er að komast á sú hefð að nemendur okkar keppii í fótbolta við Bretana en að þessu sinni gátu Bretarnir einungis mannað karlalið. Það var hörku spennandi leikur í Eimskipshöllinni og glæsilegur árangur hjá okkar strákum en okkar lið FÍV fór með sigur af hólmi og endaði leikurinn 6-3. Fyrir leik var kynning á frisbígolfi og eftir leik bauð Vestmannaeyjabær öllum frítt í sund. Allir skemmtu sér mjög vel og ekki var að sjá á nemendunum frá Lancaster að þeir tækju tapinu illa, okkar lið var bara betra. Á mánudeginum 3. október var fyrirlesturinn „Þú sem vörumerki“ haldinn af Silju Úlfarsdóttur á sal skólans. Silja var fljótasta kona landsins í áratug og á enn þá Íslandsmetið í 200m innanhúshlaupi. Hún hefur þjálfað okkar helstu afreksmenn og mörg íþróttalið bæði í handbolta og fótbolta. Silja fræddi nemendur um hvernig hægt sé að ná markmiðum sínum og ná árangri.

TÍGULL

Lið Framhaldsskólans í Vestmannaeyjum

Lið Lancaster Royal Grammar School

Liðsfundur fyrir leik.

Dómararnir voru harðir í horn að taka.

Allir vinir að leik loknum.

Tígull kemur út vikulega í Vestmannaeyjum og er dreift frítt inn á öll heimili og fyrirtæki.

Ritstjórar & ábyrgðarmenn: Lind Hrafnsdóttir, Katrín Laufey Rúnarsdóttir & Sæþór Vídó.

DREIFING:

ÚTGÁFA:

SKIL Á AUGLÝSINGUM:

Dreifing fer fram á miðviku- og fimmtudögum og er dreift inn á öll heimili og fyrirtæki í Vestmannaeyjum. Einnig er hægt að skoða blaðið á vefsíðunni okkar: www.tigull.is

Hönnun: Lind Hrafnsdóttir lind@leturstofan.is Auglýsingar: Katrín Laufey katalaufey@tigull.is Prentun: Prentun.is

Auglýsingar sendist á: tigull@tigull.is Skil á auglýsingum er í hádeginu á mánudögum.

Vinsamlegast bókið tímalega.

Þitt fyrirtæki í aðalhlutverki Við höfum reynslu, réttu lausnirnar og ástríðu fyrir því að fyrirtækið þitt eigi stórleik á sínu sviði atvinnulífsins. islandsbanki.is

ERTU AÐ NÁLGAST BREYTINGARSKEIÐIÐ?

Breytingaskeiðið er náttúrulegt ferli sem tekur að meðaltali 5-7 ár og flestar konur byrja á milli 4550 ára. Á breytingaskeiði dregur úr framleiðslu á kvenhormónum, eggin hætta að þroskast og frjósemi minnkar. Þessar breytingar á hormónastarfsemi geta valdið ýmsum einkennum sem tengd eru við breytingskeiðið. Einkennin byrja yfirleitt nokkrum árum áður en blæðingum lýkur. Segja má að breytingarskeiðið sé tímabil aðlögunar þar sem líkaminn endurstillir ólík líkamskerfi að breyttu magni kynhormóna. Það er gott að vera meðvituð um breytingar á andlegri og líkamlegri líðan til að átta sig á hvort breytingaskeiðið sé mögulega hafið.

Margt hefur áhrif á hvernig konur upplifa þetta tímabil. Þar má nefna lifnaðarhætti, menningu og félagsstöðu ásamt erfðum.

Líðan á breytingaskeiði er afar einstaklingsbundin. Flestar konur finna einhver einkenni, sumar mikil einkenni og aðrar lítil einkenni.

Sumar konur upplifa breytingaskeiðið sem jákvæða reynslu. Þær finna meðal annars fyrir aukinni vellíðan og orku, góðri heilsu og upplifa sig hæfileikaríkari. Þær upplifa meira frjálsræði og sjá möguleika til framþróunar sem gerir þeim meðal annars kleift að standa með sjálfum sér. Enn aðrar upplifa aukið frelsi í kynlífi án blæðinga og þungunarhættu og sjá fram á rólegri og þægilegri tíma með meira jafnvægi og aukinni sálrænni vellíðan. Aðrar konur upplifa breytingaskeiðið sem neikvæða og erfiða reynslu.

Konur sem hafa jákvætt viðhorf til breytingaskeiðsins virðast

eiga auðveldara með að aðlagast þeim breytingum sem þær fara í gegnum. Mikilvægt er að temja sér velvild í eigin garð og ætla sér ekki um of. Félagslegur stuðningur og skilningur frá vinum og fjölskyldu getur hjálpað konum að takast á við einkennin og meiri líkur eru á vellíðan. Gott er að ræða málin opinskátt

fram skapsveiflur sem erfitt getur reynst að hafa stjórn á. Þessar skapsveiflur bitna gjarnan á nánustu fjölskyldu og vinum.

Hvernig veit ég? Það eru fyrst og fremst einkennin sem segja til um hvort breytingaskeiðið er hafið. Ef einkenni breytingaskeiðsins eru truflandi er um að gera að ræða málið við fagfólk sem getur aðstoðað þig.

Hægt er að mæla kynhormón í blóði en styrkur þeirra er svo sveiflukenndur að ekki er ráðlagt að taka blóðprufur til að meta hvort þú sért byrjuð á breytingaskeiði. Undantekning frá þessu eru konur undir 45 ára sem hafa einkenni sem bent geta til snemmkomins breytingaskeiðs.

Konur sem fá lítinn stuðning frá fjölskyldu á breytingaskeiði er hættara við þunglyndi. Því er mikilvægt að nánasta fjölskylda og vinir séu upplýstir um einkenni og líðan kvenna á þessu tímabili. Þannig má auka skilning og stuðning frá nánasta umhverfi.

Við miklar hormónasveiflur geta konur fengið einkenni kvíða og þunglyndis sem er í raun afleiðing hormónaskorts. Best er að ráðfæra sig við fagfólk finni konur einkenni kvíða og þunglyndis.

Við hverju má ég búast?

Upplifun kvenna af breytingaskeiðinu er afar einstaklingsbundin. Einkennin eru fjölbreytt og stafa ekki af hormónabreytingum einum og sér. Lífsmáti, lífsreynsla og lífsviðhorf hafa áhrif á einkennin. Almennt er talað um að 80% kvenna finni fyrir einhverjum einkennum breytingarskeiðsins.

Andleg líðan Andleg vanlíðan eins og kvíði og þunglyndi eru algeng bæði hjá konum og körlum á miðjum aldri.

Frá kynþroska eru konur tvisvar sinnum líklegri til að þjást af þunglyndi en karlar.

Konur eru berskjaldaðri fyrir andlegum einkennum á breytingaskeiði og algengast að þær greinist með þunglyndi á þessum tíma lífsins. Einnig geta komið

Minnkað sjálfstraust getur einnig komið fram, sem getur lýst sér í því að konur verða litlar í sér og treysti sér ekki til að leysa verkefni sem þær áttu áður auðvelt með.

Breytingar á blæðingum Blæðingaróregla er oft fyrsta einkennið sem konur verða varar við.

Blæðingar geta orðið meiri eða minni og tíðahringurinn lengst eða styst. Eftir því sem tíðahvörfin nálgast líður lengra á milli blæðinga. Tíðahvörfin verða þegar 12 mánuðir eru liðnir frá síðustu blæðingum. Þær konur sem hafa ekki blæðingar til dæmis eftir legnám, eða þær sem nota getnaðarvarnir sem bæla blæðingar, verða ekki varar við blæðingaróreglu.

Aðrar konur upplifa svokallaða fossblæðingu í aðdraganda tíðarhvarfa og stundum getur það orsakað blóðleysi og/eða járnskort. Í þeim tilvikum þarf að leita til læknis.

Hita- og svitakóf Hita- og svitakóf eru algengasta einkenni breytingaskeiðsins og

vara að meðaltali í um 7 ár. Við tíðahvörf eru um 80-85% kvenna með einkenni hita- og svitakófa og þar af um 30% með mikil einkenni.

Einkennin byrja oft sem áköf hitatilfinning í andliti og efri hluta líkamans. Þeim getur fylgt roði og sviti og jafnvel svimi, hjartsláttarónot, ógleði eða kvíði. Hita- og svitakóf geta varað frá nokkrum sekúndum upp í mínútur og geta verið fáein upp í fjölmörg á sólarhring. Þau geta verið félagslega hamlandi og truflað nætursvefn, sem aftur getur ýtt undir önnur einkenni eins og þreytu, skapsveiflur og minnisvanda.

Hvað er til ráða?

• Heilbrigður lífsstíll þar sem tekið er á mataræði, hreyfingu, svefni og streitu getur dregið úr hita- og svitakófum • Hugræn atferlismeðferð (HAM) hefur sýnt góðan árangur • Dáleiðsla og nálastungur • Hormónameðferð er áhrifaríkasta meðferðin við hita- og svitakófum Hjartsláttaróregla Hjartsláttaróregla er með algengari einkennum breytingaskeiðs. Konur geta fundið fyrir bæði hröðum og þungum hjartslætti en einnig hægum hjartslætti eða að hjartað missi úr slög. Einkennin geta birst hvenær sem er og vara yfirleitt frá nokkrum sekúndum upp í fáeinar mínútur.

Algengasta ástæða hjartsláttaróreglu á breytingaskeiði eru sveiflur á kynhormónum. Streita og kvíði, koffín, níkótín og neysla fíkniefna getur einnig valdið óreglu í hjartslætti. Ef einkennin vara lengi eða eru mikil er ráðlegt að leita læknis. Útiloka þarf að um sjúkdóma sé að ræða.

Kynlöngun og nánd Kynlöngun er mismikil hjá fólki og getur oft skapað vandamál í samböndum. Ótal margt spilar inn í kynlöngun. Góð samskipti og nánd hversdagsins eru lykilatriði. Með aldrinum dregur úr kynlöngun flestra og hún hefur oft minni þýðingu en á yngri árum.

Lækkun á kynhormónum á breytingarskeiðinu hefur áhrif á kynlöngun hjá um 40% kvenna.

Ástæður geta meðal annars verið: • Þurrkur í leggöngum • Sársauki við samfarir • Breytingar á sjálfsmynd • Erfiðleikar í samböndum • Að konur upplifa sig minna aðlaðandi en áður Nánd í parasambandi er mikilvægari en einkenni breytingaskeiðsins. Því meiri nánd við maka því meiri líkur á ánægju og virkni í kynlífi. Konur sem eru kynferðislega virkar eru almennt ánægðar með sitt kynlíf á breytingaskeiði. Í mörgum tilfellum eru pör að fara í gegnum miklar breytingar varðandi kynlöngun á þessu lífsskeiði. Því er mikilvægt fyrir þau að ræða þær væntingar sem þau hafa til kynlífs ásamt þeim breytingum sem þau finna fyrir.

Hvað er til ráða?

• Gott getur verið að ræða opinskátt við maka sinn um þær væntingar sem þú hefur til kynlífs ásamt þeim breytingum sem þú finnur fyrir • Pör geta þurft að finna nýjar leiðir til að viðhalda nánd og neista • Ef þurrkur er í leggöngum getur sleipiefni hjálpað • Hormónameðferð getur gagnast konum til að viðhalda og efla kynlöngun Minni og einbeiting Margar konur upplifa erfiðleika með að einbeita sér að daglegum athöfnum og verkefnum á breytingaskeiði. Gleymska, heilaþoka og erfiðleikar með að viðhalda athygli eru algeng einkenni. Þetta getur valdið erfiðleikum í einkalífi og dregið úr afköstum í leik og starfi.

Svefn Svefnvandamál aukast með aldrinum. Konur eru næmari fyrir svefnvandamálum og talið er að yfir 50% kvenna finni fyrir þeim á breytingaskeiði. Ástæðan er lækkun kynhormóna en einnig geta önnur einkenni breytingaskeiðs eins og nætursviti, hitakóf, hjartsláttartruflanir og streita hafa neikvæð áhrif á svefninn.

Hvað er til ráða?

Mikilvægt er að skoða svefnvenj-

ur sínar á breytingaskeiði og finna leiðir til að bæta svefngæði og minnka líkur á langvinnum svefnvanda. Það má til dæmis gera með því að minnka streitu, breyta lífsstíl og svefnvenjum.

Hugræn atferlismeðferð (HAM) virkar vel við svefnleysi og er aðferð sem getur virkað ævilangt.

Hormónameðferð getur einnig hjálpað sumum konum til að bæta svefninn. Ekki er mælt með svefnlyfjum nema í takmarkaðan tíma og þá eingöngu til að stöðva vítahring svefnleysis.

Verkir Höfuðverkur og mígreni eru fremur algeng á breytingaskeiði. Konur þjást fremur af mígreni er karlar og er ástæðan meðal annars sveiflur í kynhormónum. Þar sem estrógen sveiflast mikið á breytingaskeiði geta konur orðið varar við versnun á mígreni og tíðari mígrenisköst. Þetta á sér í lagi við um mígreni með fyrirboða.

Verkir í liðum og vöðvum eru algengir á breytingaskeiði. Kynhormón draga úr bólgum og gegna mikilvægu hlutverki fyrir liði og vefi. Því getur lækkun á þeim orsakað verki í stoðkerfi á breytingaskeiði. Svefntruflanir og svefnleysi, sér í lagi skortur á djúpsvefni getur lækkað sársaukaþröskuldinn og gert konur næmari fyrir verkjum almennt.

Verkir í brjóstum á breytingaskeiði eru oftast vegna breytilegs styrks á estrógeni. Verkirnir eru oftast á framanverðum brjóstum. Joðskortur getur einnig verið ástæða fyrir verkjum í brjóstum. Mikilvægt er að þreifa og skoða brjóst sín reglulega til að meta mögulegar breytingar.

Með sjálfsskoðun ásamt reglulegri brjóstaskimun má greina brjóstakrabbamein á byrjunarstigi sem eykur batahorfur verulega.

Hvað er til ráða?

• Ef verkir eru til staðar er rétt að leita til læknis og greina ástæðu þeirra.

• Hér eru góð ráð þegar fólk er með langvinna verki.

• Hormónameðferð getur dregið úr verkjum í liðum sem eru tilkomnir vegna hormónabreytinga.

Nánar á heilsuvera.is

Listamennirnir sem taka þátt fyrir hönd Íslands f.v.: Gíslína Dögg Bjarkadóttir, Guðmundur Ármann Sigurjónsson, Viktor Pétur Hannesson, Daði Guðbjörnsson, Laura Valentino, Valgerður Björnsdóttir, Iréne Jensen, Aðalheiður Valgeirsdóttir, Anna Líndal og Soffía Sæmundsdóttir.

GÍSLÍNA TEKUR ÞÁTT Í VERKEFNINU SOLANDER 250 Sendiráð Svíþjóðar og félagið Íslensk grafík hafa, ásamt fleirum íslenskum samstarfsaðilum, ​​ sett af stað verkefni innblásið af leiðangri Solander og félögum sem fór fram árið 1772 á Íslandi.

Samvinnuverkefnið inniheldur samræður á milli Íslands og Svíþjóðar í gegnum söguna, líffræði, jarðfræði, mannfræði og menningu sem hefur spannað yfir margar aldir.

Verkefnið fjallar um sameiginlega fortíð okkar, nútíð og framtíð. Mannkynssagan. Þetta einstaka verkefni hófst í ágúst 2022 og mun standa í eitt og hálft ár. En að lokum flyst sýningin frá Íslandi til Norður – Svíþjóð, Pedeo heimabæjar Solander.

Listasýning í samstarfi við Íslensk Grafik er hornsteinn hátíðarhaldanna þar sem 10 íslenskir listamenn sækja innblástur í leiðangurinn og ævi Daníel Solander.

Hvað getur þú sagt okkur um verkefnið?

Sýningin Solander 250: Bréf frá Íslandi er sett upp til að minnast þess að í ár eru 250 ár frá því að sænski náttúrufræðingurinn Daniel Solander kom hingað til lands í vísindaleiðangur. Solander skrásetti og safnaði margs konar fróðleik um náttúru Íslands, menningu, siði og klæðaburð þjóðarinnar. Á sýningunni erum við 10 íslenskir listamenn úr félaginu Íslensk

grafík sem túlkum þessa atburði og þær breytingar sem hafa orðið á landi og þjóð síðan.

Samhliða er svo verið að kynna sýninguna Paradise Lost – Daniel Solander’s Legacy, þar sem minnst er ferðar Solanders til Kyrrahafsins árið 1769. Þar eru sýnd verk tíu listamanna frá Kyrrahafssvæðinu en Solander.

Veg og vanda að þessari sýningu á sænska sendiráðið á Íslandi og í raun má segja að sendiherrann sjálfur Pär Ahlberger sé aðal driffjöðurinn, enda er hann ákaflega áhugasamur um land og þjóð og einstaklega drífandi karakter þar á ferðinni.

Hvernig kom það til að þú ert að taka þátt í verkefninu? Ég var valin úr hópi íslenskra grafíklistamanna á Íslandi, en það var stjórn Íslenskrar grafíkur sem valdi fólk til að taka þátt. Ég ákvað að þiggja boðið og við tók mikil rannsóknar og undirbúningsvinna, sem ég gerði mér svo sem ekki alveg grein fyrir í upphafi að yrði svona mikil.

Hvaða þýðingu hefur það fyrir þig að taka þátt? Ég er tiltölulega ný byrjuð í grafík eða hef verið í henni í 5 ár og þess vegna er það vissulega mikil heiður að fá að vera með í þessu stóra verkefni.

Gíslína Dögg Bjarkadóttir og verk hennar á sýningunni.

Hvað er svo framundan hjá listakonunni Gíslínu Dögg? Í sumar vorum við Jóna Heiða Sigurlásdóttir með námskeið listasmiðja náttúrunar fyrir krakka hérna í eyjum. Þar fengu krakkarnir kynningu á sænska náttúrufræðingnum Solander og byggðu þau list sína á verkum hans. Krakkarnir verða með í Solander 250 Bréf frá Íslandi opnuninni í eldheimum 20. október og sjáum við Jóna Heiða um að setja hana upp. Ég verð með sýningu í maí í Lofoten í Noregi ásamt 2 íslenskum listakonum og 3 norskum listakonum. Við verðum svo saman í 3 vikur þar sem við vinnum saman að listsköpun okkar. Svo er sýningin “Konur í sjávarsamfélagi” einnig á dagskrá næsta haust hérna í Eyjum þar sem einblínt verður á konur í sjávarsamfélögum.

Svo kemur alltaf eitthvað upp sem maður getur ekki séð fyrir.

Myndefni mitt í þessu verki er Sigríður Magnúsdóttir Amtmanssfrú í Sviðholti á Álftanesi. En í Íslandsleiðangri Banks og Solander var teiknuð mynd af Sigríði sem ég nota í tréristuna, enda hef ég í verkum mínum lengi verið að vinna með konur en þó einkum nafnlausar hversdagshetjur fortíðarinnar.

Sigríður klæðist faldbúningi sem er elsta gerð þjóðbúnings á Íslandi, en skautbúningurinn sem Sigurður Guðmundsson málari hannaði var unnin uppúr faldbúningnum á 6.áratug 19. aldar og líklegt má telja að Sigurður hafi einmitt notað myndina af Sigríði Amtmanssfrú við hönnun sína ásamt öðru. Sigurður teiknaði jafnframt skreytingar á skautbúninginn og sótti fyrirmyndirnar í íslenska jurtaríkið í uppdráttum sínum.

Munstur Sigurðar hef ég notað í málverkum og grafík, en þó tekið mér það bessaleyfi að breyta þeim eins og hentar hverju sinni og það einmitt það sem ég hef gert í þessu verki líka.

Valgerður Björnsdóttir, Gíslína Dögg og Soffía Sæmundsdóttir.

Ég valdi að vinna verkið í tréristu því það er með elstu prentaðferðum í grafík, en þó hef ég blandað þessari gömlu tækni við nútímatækni í gegnum leiserskurðstækni í Fablab og notaðist við fjórar tréristur í verkinu.

Fyrir það sem mestu máli skiptir Meiri vernd og meira svigrúm til að lifa lífinu til fulls. Kynntu þér líf- og heilsutryggingar TM á tm.is.

Líf- og heilsutryggingar

UPPSKRIFT VIKUNNAR Ljúffeng eplabaka Hráefni: Epli – Hráefni: 6 epli, skorin í sneiðar 1/4 bolli púðursykur 2 tsk. kanill 1/2 tsk. salt safi úr 1/2 sítrónu Kaka – Hráefni: 2 bollar hveiti 1/2 bolli sykur

2 tsk. lyftiduft 1/2 tsk. salt 115 smjör, kalt, skorið í teninga 1/2 bolli rjómi 1 stórt egg, þeytt 1 egg hrært saman við 1 msk. mjólk sykur, til að strá yfir

Aðferð: Hitið ofninn í 175°C. Blandið eplum, púðursykri, kanil, salti og sítrónusafa saman í skál og leyfið þessu að hvíla í korter. Blandið hveiti, sykri, lyftidufti og salti saman í annarri skál.

Vinnið smjörið saman við hveitiblönduna þar til hún lítur út eins og mulningur. Hrærið síðan rjóma og eggi saman við. Hellið eplunum í stórt, eldfast mót og dreifið mulningnum yfir. Penslið með eggja- og mjólkurblöndunni og stráið sykri yfir. Bakið í um 1 klukkustund.

Leyfið kökunni að kólna í um 10 mínútur áður en hún er borin fram með ís eða rjóma.

HEIMAGATA 24 Fundir eru sem hér segir:

Er kominn tími á að skipta um tímareim?

Eða að smyrja bílinn?

Bókaðu tíma fyrir bílinn þinn í síma

481 1216

Sunnudaga kl. 11.00 Mánudaga kl. 20.30 PPG bókarfundur Miðvikudaga kl 20.30

AL-ANON

Þriðjudaga kl. 20.30 NÝLIÐAR VELKOMNIR HÁLFTÍMA FYRIR FUNDI

Opnunartímar: Mánudagur - lokað Þriðjudagur - 13.00 til 17.30 Miðvikudagur - 13.00 til 17.30 Fimmtudagur - 13.00 til 17.30 Föstudagur - 13.00 til 17.30 Laugardagur - 12.00 til 15.00 Sunnudagur - lokað

LOKSINS VAR HALDIÐ LUNDABALL Vel á fjórða hundrað manns fyllti Höllina á laugardaginn var þegar hið venjulega árlega Lundaball var loksins haldið.

Einar Björn Árnason, matreiðslumeistari í Höllinni, sagðist í samtali við Tígul vera í skýjunum eftir helgina enda Lundaballið hans uppáhalds veisla. „Við höfðum hlaðborðið alveg extra grand til að vinna upp síðustu ár og buðum upp á tólf rétta villibráðahlaðborð.“ Aðspurður um vinsælasta rétt kvöldsins sagði Einar Björn ómögulegt að segja til, þeir hafi allir slegið í gegn.

Heimatilbúin skemmtiatriði Brandara þóttu stórskemmtileg og stóðu veislustjórarnir sig með stakri prýði. Á miðnætti var svo boðið uppá sjávarréttasúpu að hætti Einsa kalda. Það var svo hljómsveitin Kókos sem lék fyrir dansi fram eftir nóttu.

Tígull var á staðnum og smellti af nokkrum myndum.

Hólmfríður og Ásta María brostu sínu blíðasta.

Veislustjórarnir og Brandararnir Gunnar Friðfinnsson og Þorbjörn Víglundson stóðu sig með prýði.

Þær voru blómlegar á ballinu Guðný, Helga og Þóra.

Helga Björk, Ásta Steinunn, Íris og Margrét skemmtu sér vel á borði Álseyinga.

Stebbi Geir, Sigrún og Siggi voru í essinu sínu.

AFMÆLI?

ÞAÐ ER FRÁBÆR SKEMMTUN AÐ HALDA AFMÆLI Í BÍÓ AFMÆLIN FARA FRAM Á OPNUM VENJULEGUM SÝNINGUM, NEMA UM ANNAÐ HAFI VERIÐ SAMIÐ. ATHUGIÐ AÐ AUKA GJALD KANN AÐ VERA TEKIÐ FYRIR ÞAÐ.

KYNNTU ÞÉR MÁLIÐ Á EYJABIO.IS/AFMÆLI EÐA HAFÐU SAMBAND VIÐ OKKUR Á FACEBOOK

ALZHEIMERKAFFI Þriðjudaginn 11. október Kvika – félagsheimilið við Heiðarveg upp á 3. hæð kl. 17.00 Alda Jóhanna segir frá sinni reynslu að eiga foreldra sem báðir voru með heilabilun.

Stúlknakór eldri borgara kemur og syngur nokkur vel valin lög

Kaffi og kræsingar 500 kr kaffigjald

PASSAMYNDIR Í ÖLL SKILRÍKI! Passamyndir fyrir öll íslensk skilríki: Við tökum passamyndir fyrir ökuskírteini, nafnskírteini, debetkort, ýmis réttindi, leyfi, skírteini, umsóknir og félagsmiðla.

Auðkennismyndir - ID: Myndir fyrir ýmiskonar auðkenni svo sem erlendar vegabréfsáritanir, Visa, starfsmannamyndir, ýmis skilríki, öryggisog aðgangsskort ásamt fleiru.

6 útprentaðar myndir.

Verð: 4.900 kr.

VEGNA MIKILLAR SÖLU VANTAR ALLAR TEGUNDIR EIGNA Á SKRÁ FAGLEG OG PERSÓNULEG ÞJÓNUSTA // LÁG SÖLUPRÓSENTA „Fyrirtækið okkar Eyjagisting ehf fékk frábæra þjónustu hjá Dóru við kaup á Hótel Eyjar í Vestmannaeyjum, öll samskipti við hana voru fagleg og vinnubrögðin mjög góð.

Mæli heilshugar með henni og við eigum eftir að eiga fleiri viðskipti við hana.“ Guðjón Pétur Lýðsson

WWW.EYJAEIGNIR.IS HALLDÓRA KRISTÍN ÁGÚSTSDÓTTIR

- viðskiptafræðingur og löggiltur fasteigna- og skipasali * dora@husfasteign.is // ( 861-1105

Strandvegur 43a

ÞRAUTIR

SAMFESTINGUR HRINGUR ENDURFUNDUR

FRAMTÍÐARDRAUMAR BRÚÐARKJÓLL SÓL

FERÐALÖG MENNTUN

GAGNFRÆÐIPRÓF MÁLARI

NÝR ÞÓR TIL HEIMAHAFNAR Það var hátíðleg stund þegar nýja björgunarskipið okkar, Þór, kom til Vestmannaeyjahafnar sl. laugardag.

Skipið er það fyrst af þremur sem Landsbjörg hefur látið smíða, hvert að andvirði 285 milljóna króna. Þá greiðir ríkið helming kaupverðsins.

Arnór Arnórsson, formaður BV, sagðist vera mjög þakklátur þeim sem styrkt hafi kaupin til þessa og komu færandi hendi á laugardaginn enn sé þó langt í land.

Auk styrkjanna sem nefndir eru hér að neðan styrkti Verðandi kaupin um 1,5 milljónir.

Sigríður Vala Halldórsdóttir, fjármálastjóri Sjóvá sem gefur 142 milljónir í bátana þrjá.

Fulltrúar Landsbjargar á bryggjunni við móttökuna á bátnum á laugardaginn.

Sr. Guðmundur blessar skipið með aðstoð Kjartans Vídó í hlutverki hljóðnemastands.

Erlingur Guðbjörnsson færði félaginu styrk uppá 35 milljónir frá hafnarsjóði.

Ármann Höskuldsson færði félaginu kíki í nýja skipið frá skátafélaginu Faxa.

Elín Ólafsdóttir, fyrir hönd Eykyndils, kom færandi hendi með milljón króna styrk.

Tómas Sveinsson færði félaginu eina milljón Jón Helgi Sveinsson, fyrir hönd Skeljungs, færði félaginu inneign á 2000 lítra af olíu. frá Kiwanisklúbbnum Helgafell.

Íris Róbertsdóttir, bæjarstjóri, afhenti félaginu blóm og hamingjuóskir f.h. bæjarins.

Landsbjörg

Til hamingju Vestmanneyjar Slysavarnafélagið Landsbjörg hefur ráðist í endurnýjun allra 13 björgunarskipa samtakanna. Með tilkomu nýju skipanna batnar aðbúnaður til muna og viðbragðstími styttist um allt að helming. Í fyrsta fasa verkefnisins verða smíðuð 3 skip sem hvert um sig kostar 285 milljónir króna. Sjóvá leggur 142, 5 milljónir til þessa fyrsta verkþáttar. Það er okkur mikil ánægja að styðja við verkefnið sem tryggir stóraukið öryggi, bæði á sjó og landi.

Fyrsta björgunarskipið er komið til landsins og hefur hlotið nafnið Þór. Formleg sjósetning fór fram í Vestmannaeyjum sl. laugardag en tvö skip eru væntanleg á næstu mánuðum.