Cha va balancher, cha va berloquer, in va étamper l'humain. Binde ed quinquins à s'mémére, cha va batiller, téquer, déringer, gruger, défreumer les articulations, leumer l'plache d'el Poterne et l'monde intier du coup, maronner aveuc el z'autes, claquer pou de faux, in va dévaler le pinaque et tout l'fourbi. Arquerquer ses batteries, s'raconter des carabistouilles, des étincelles plein s'tiéte. In aura des escoudées plus qu'il n'in faut, in va s'imballer pou les artistes. In s'ra bin, in s'ra contint à l'intérieur, émerveillé d'avoir zieuté l'dallache. Et ch'est où tout ch'tintoin? Ch'est au théâte ! Et l'théâte i-é à tertousse, toudis au même indroit. I-a même ed quoi chucher un jus ! Pou l'oseille ed cheux qui n'in n'ont point, in s'débrouille, in treuve toudis eune séquoi pou arringer l'bidule. I suffit ed démander. Cha va déquirer, t'as les prunelles ed tes mirettes qui débiroullent déjà. Arrête d'arnacler, ichi t'es à t'masonne, mouque tin nez et fait à t'mode. (Christophe Huysman et Guy Placard, printemps 2010)
www.lephenix.fr
saison 2010-2011