Layjang Bulletin Jan-Jun, 2012 རྩོད་པ་བྱེད་པ་དེ་རྩོད་པའི་སྐབས་སུ་རྩོད་པ་རྩོད་རྐྱང་མ་ཡིན་པར་དེ་ལའང་གོ་བ་རྐྱང་པ་མ་ཡིན་པ་གོ་རིགས་ཟུང་སྦྲེལ་དུ་དགོས་
རྒྱུ་གལ་ཆེ་གསུངས་ཡོད། གོ་རྐྱང་ཞེས་པ་གཞུང་དོན་ལ་དེ་ཙམ་ཐུག་རྒྱུ་མེད་མཁན་རིགས་པ་རྐྱང་རྐྱང་གཏོང་མཁན་ཁ་ཤས་ཚ་ པོ་དེ་ལྟ་བུ་འདུག ཡིན་ཡང་སོ་སོས་གོ་བ་ཞིག་བླངས་ནས་རྒྱུག་འགྲོ་བ་ཞིག་རིགས་པ་བཏང་། གཞུང་དོན་དུ་མི་རིགས་པར་རྩོད་ པ་རིགས་པ་རྐྱང་པ་བྱས་ན་དོན་མེད། རིགས་པའི་དཔྱད་པ་མི་བཟོད་པའི་རིགས་ལམ་བཏང་ན་རྟགས་བསལ་བཏང་ན་ཆད་འགྲོ་བ་
གོ་བ་གཏིང་ཟབ་པོ་དེ་འདྲའང་དོན་མེད། དེར་གོ་རིམ་ཟུང་སྦྲེལ་ལུང་རིགས་སེངྒེའི་མཇིང་པ་བསྣོལ་བ་ལྟ་བུའམ་གོ་རིམ་རྡོ་རྗེ་རྒྱ་ གྲམ་དང་རིགས་པ་དེ་རྡོ་རྗེ་རྒྱ་གྲམ་རྒྱབ་པ་ཇི་བཞིན་ཚིག་དོན་གའུ་ཁ་སྦྱོར་ཟེར་བ་སོགས་ཡོད། ཚིག་རྒྱན་སྤྲས་མ་སྤྲས་ཀྱང་ལུང་ དང་རིགས་པ་ཟུང་དུ་སྦྲགས་པ་རིགས་པ་རྐྱང་པའང་མ་ཡིན་པ་གོ་བ་རྐྱང་པར་འགྲོ་དགོས་པ་དེ་ལྟ་བུ་མ་ཡིན་པ་ཞིག་དགོས། རྩོད་
པའི་སྐབས་སུ་ཚད་མ་རྣམ་འགྲེལ་ལ་སོགས་པ་རྩོད་པའི་གང་ཟག་དང་རྩོད་པའི་དུས་དང་། རྩོད་པའི་གནས་དང་རྩོད་པའི་ཚུལ་དང་
རྩོད་པའི་དཔང་པོ་ལ་སོགས་པ་མང་པོ་ཞིག་གསུངས་ཡོད་པ་དེ་དག་དང་མཐུན་པར་རྩོད་པ་བྱེད་སྟངས་དེ་སྐབས་དོན་དང་མཐུན་ པ་ཚིག་གི་ལམ་བྱང་བ། རྩོད་པའི་རང་བཞིན་གྱི་རྩོད་བྱ་གང་ཡིན་པ་བློ་ལ་ངེས་པའི་ཐོག་ནས་ཚིག་ལམ་བྱང་པོར་བཏང་། སྐབས་
དོན་གང་ཡིན་པ་དེའི་ཐོག་ཏུ་རྩོད་པ་རྩོད་དགོས། དེང་སང་རྩོད་པ་རྩོད་བ་དེ་ཕྲན་བུའི་རྣམ་འགྱུར་གྱི་ཐོག་ཏུ་དོ་སྣང་བྱེད་དགོས་རྒྱུ་ དང་མཚམས་མེད་ཚོད་མེད་བྱེད་པ་དང་། སྔོན་མ་གཉའ་བའི་སྒང་དུ་བཞོན་པ་སོགས་དང་། ང་ཚོས་རྩོད་པ་རྩོད་པའི་ཁོར་ཡུག་དེ་
སྔོན་མ་ཁ་ཤས་ཀྱིས་རྩོད་པ་མཐོང་མྱོང་མེད་མཁན་ཚོས་ཐོག་མར་རྩོད་པ་མཐོང་བའི་སྐབས་འཁྲུག་པ་ཤོར་བ་ཇི་བཞིན་གྱི་རྣམ་ འགྱུར་མཐོང་བཞིན་འདུག་ཟེར་བ་དང་། སྔོན་མ་རྒྱ་གར་དུ་དེ་ལྟ་བུའི་རྣམ་འགྱུར་ཡོད་པ་ཡིན་ནམ། པཎ་ཆེན་རིན་པོ་ཆེ་སྐུ་ཕྲེང་བཅུ་ པ་མཆོག་གི་སྐབས་དཀའ་ཆེན་བློ་བཟང་ཕུན་ཚོགས་ཀྱིས་བྲིས་གནང་བའི་རྒྱན་དྲུག་མཆོག་གཉིས་ཀྱི་ཐང་ག་དེ་བོད་དུ་ཁྱབ་རྒྱ་
ཆེན་པོ་ཞིག་བྱུང་ཡོད་དེའི་ནང་གི་ཕྱོགས་གླང་དང་ཆོས་གྲགས་དེ་དག་ཞེད་སྣང་ཆེ་ཞིང་ཨམ་གཙིགས་བསྡམས་པ་ཇི་བཞིན་བྲིས་ འདུག རྒྱུས་མེད་མཁན་ཞིག་གིས་མཇལ་ན་ཁོང་ཁྲོ་ཅན་དང་ངར་ལང་པོ་ཞིག་ཡོད་པ་ཞིག་སྙམ་པ་འདུག
།ཕྱོགས་གླང་ཆོས་
གྲགས་ཞི་ཞིང་དུལ་བ་ཞིག་ཡོད་ཀྱི་རེད་མ་གཏོགས་དེ་འདྲའི་ཨམ་གཙིགས་བསྡམས་མཁན་ཞེད་སྣང་ཚ་པོ་ཨེ་ཡོད་དམ། ང་ཚོས་ རྩོད་པ་བྱེད་ཅེས་ངར་པོ་ཞིག་དང་ཁོང་ཁྲོ་ལངས་པའི་རྣམ་འགྱུར་དགོས་སྣང་ཤར་གྱི་འདུག
དེ་རིགས་མི་དགོས་པར་དེར་ཚད་
ཅིག་དགོས་རྒྱུ་ཡིན། རྩོད་པ་ལའང་བྱ་ཚུལ་གྱི་ཚད་ཅིག་དགོས་མ་གཏོགས་ཚོད་མེད་ཀྱིས་ལ་ལས་སྤྱོད་ལམ་གྱི་རྣམ་འགྱུར་དྲག་ ཅིང་རྩུབ་པ་དེ་རིགས་ཡག་པོ་མིན། ལུས་ཀྱི་སྤྱོད་པ་མཐུན་ཚུལ་བཞིན་དགོས་རྒྱུ་དང་། ངག་གི་ཚིག་དང་ང་རོ་དེ་དག་ཀྱང་མི་སྙན་ པ་མེད་པ་ཚིག་རྩུབ་མི་ཤོར་བ།
ལ་ལས་ལྟས་ངན་ཟེར་བ་དང་ལ་ལས་ཚིག་རྩུབ་ཆ་ཚང་ཤོད་པ་དེ་ཉེན་ཁ་ཚབས་ཆེན་ཞིག་རེད།
ཁོང་ཁྲོ་ཟ་ནས་བཤད་པ་ཡིན་དང་། བྱང་ཆུབ་སེམས་དཔའ་གང་དུ་ཡོད་ཤེས་ཀྱི་མེད་བྱང་ཆུབ་སེམས་དཔའ་ཡིན་ན་ཚིག་རྩུབ་འདྲ་
མིན་སྨྲས་ན་ལེགས་པོ་མིན། སྙིང་ཐག་པ་ནས་ཡིན་ན་གནས་ཚུལ་ཐ་དད་དང་། སྙིང་ཐག་པ་ནས་མིན་ཡང་དེ་ཡག་པོ་མིན། ཁ་ནས་ ཚིག་རྩུབ་ཤོད་པ་དེ་འགྲིག་མེད། ཆོས་ཀྱི་རྩོད་པ་བྱེད་ཀྱི་ཡོད་མ་གཏོགས་འཇིག་རྟེན་གྱི་ཁ་རྩོད་ཤོར་མེད། ཁ་རྩོད་ཤོར་ན་ཕ་རོ་ཟ་
ཞེས་གཅིག་གཉིས་བརྗོད་ཀྱང་འགྲིག ཁ་རྩོད་དང་ཆོས་རྩོད་གཉིས་དེ་ཁྱད་པར་ཡོད་དགོས། དོན་དུ་ལུང་རིགས་སྒྲོ་འདོགས་གཅོད་ ཀྱི་ཡོད་པས་ངེས་པར་ལྟས་ངན་ཞེས་མ་བརྗོད་ན་ལུང་རིགས་སྒྲོ་འདོགས་མི་ཆོད་པའི་གནད་དོན་གང་ཡང་མིན། ང་ཚོས་དུས་རྒྱུན་ ཁོས་བཟོ་ལྟ་བཟོས་སོང་ཟེར་བ་ཞིག་ཡོད་དེར་མནོ་བསམ་གཏོང་དགོས་པ་ཞིག་ཡིན། རྟགས་མེད་པ་མཚོན་ཆ་ཁྲི་འགྱོགས་ལྟ་བུ།
སེལ་བ་མེད་པ་རྨ་བྱ་དུག་འཇོམས་ལྟ་བུ། ཁྱབ་པ་མེད་པ་དཔའ་བོ་ལག་རྡུམ་ལྟ་བུའི་དཔེ་དེའི་འགྲེལ་བཤད་བྱེད་དཀའ་བ་ཞིག་དང་ མཚོན་ཆ་ཁྲི་མགྱོགས་དང་དཔའ་བོ་ལག་རྡུམ་རྨ་བྱ་དུག་འཇོམས་མ་ཞེས་པ་དེ་ལྟ་བུ་མེད་པར་ལན་འདེབས་པའི་སྐབས་སུ་དེའི་
ལན་འདེབས་སུ། འདོད་རྟགས་མ་གྲུབ་ཁྱབ་པ་མེད། །ཁྱབ་པ་འགལ་དང་ཐེ་ཚོམ་ཅན། །དེ་ལྟར་གསུངས་པ་ཇི་བཞིན་ལན་འདེབས་ བཀའ་སློབ་གསེར་གྱི་ཐུར་མ།
89