88
Inaciu Iglesias “Apoyanos unos a otros y mirar polo nuestro”
El Conseyeru Delegáu de Cartonaxes Vir manda un mensaxe perimportante: namás portándonos bien colos nuestros, colos de casa y colos nuestros vecinos y veceros, vamos facer bien les coses. Si anecio en comprar -o vender- productos asturianos, munchos van dicir que soi un provincianu, un paletu, un enemigu del llibre mercáu. Pero si argumento con reforzar sinerxes, implementar networking, consorciar proyectos, entamar collaboraciones multiactor publico-privao, concurrir en neighbour-clusters o fidelizar local-partners, bien d’ellos –seique los mesmos- van contar que toi a la última y soi un profesional presentable y bien preparáu. Seique nun van entender la metá de les palabres que sintieron, pero too ello va sona-yos mui moderno, mui internacional y mui competitivo. Por más qu’uno y otro seya lo mesmo: que comprar asturiano y fidelizar localpartners seya lo mesmo, que tirar pola tierra y concurrir en neighbour-clusters seya lo mesmo, y qu’implementar networking y tratar colos de casa seya lo mesmo. Y ye lo mesmo porque lo de siempre ye siempre lo mesmo: porque namás portándonos bien colos nuestros, colos de casa y colos nuestros vecinos y veceros, vamos facer bien les coses. Sobremanera los negocios. Tener palabra nun ye fácil; pero ye de lo poco polo que trai cuenta esmolecese: por tener y caltener un buen nome. Sobremanera como profesionales. Mirando pa lo más nuestro, pa la nuestra sidra, pa la sidra asturiano, tarán conmigo en qu’anguañu tien buena palabra; tien nome: tien marca. Nun nos queda mui claro si ye una marca-país o un coste-oportunidá o qué ye lo que ye. Pero ta nidio qu’equí tamos falando de dalgo más qu’un 218
refrescu; dalgo más qu’una bébora. dalgo más qu’un negociu ensin más. Tamos énte un mundu enteru, con munchu de simbólicu; énte la expresión d’una identidá: énte una cultura centenaria a la que, si seguimos curiando enforma, respetando como lo merez y mirando bien por ella, va devolvenos multiplicáu por munchu tolo quey tengamos dao y queramos siguir dando-y. Como toles coses, ye cuestión de perres. Toca entós echar cuentes y analizalo con perspectiva porque, a la de mirar los costos y los retornos d’inversión de cualisquier sector, ye conveniente garrar fuelgu y altor. Pongo por casu: si, por dicir, atendemos pal plásticu como solución, hailos que van mirar namás pa lo barato que ye. Y tienen razón si namás atendemos pal preciu. O, pa ser más precisos, si namás miramos pal preciu venta públicu por unidá de productu. Porque si damos un pasu p’atrás, y facemos por ver tol cuadru completu, vamos decatanos de lo caro que sal -a tol mundu- reciclar, reutilizar y desfacenos de tanto plásticu como tenemos ya espardío pel planeta. Esa ye la cuenta. Seique abulta baratu pal que namás mira polo suyo. Pero ye increyiblemente caru pa tolos que miramos pol común: pa tolos que facemos parte d’esti planeta nuestru. Que, por ciertu, nun tenemos otru. Nun hai plan b; nun hai planeta b: esti ye l’únicu que tenemos y con ello con-
