5 minute read
EXNER, UNA SIDRA DE CALIDÁ CON IMAXE DE CALIDÁ
Exner, una sidre de calidá con imaxe de calidá
Aspeutu en copa de la nuea sidre Exner.
Advertisement
El diseñu la botella, la etiqueta, les presentaciones comerciales, etc. son aspeutos de la imaxe de marca perimportantes a la hora d’ufiertar un productu nuevu o de calidá al mercáu y qu’aiden a dar un más altu valir lo mesmo al productu, qu’a la marca. Finca Gallinal xune too ello na so sidre Exner, que sacó al mercáu con un formatu de botella de terciu, nuevu diseñu d’etiqueta y tamién una nuea triba de presentación
Botellín de 33 cl de sidre Exner, a la mena de les sidres del Reinu Xuníu.
Exner ye una nuea sidre de botellín de terciu, que xurdió nel mercáu de magar la collaboración ente una familia de productores de mazana y otra de llagareros de los conceyos de Villaviciosa y Xixón,
Detalle de la etiqueta billingüe en castellán ya inglés.
Exner y Castañón, con una idega y una presentación que ruempen colo que fasta agora se venía faciendo na sidre asturiano, una sidre tradicional, ensin calistrar y en botellín.
Pasión por el pan y el hielo
PASCOMPAN - PASCOMPAN HIELO Carretera AS17 - San Miguel de la Barreda 33188 Pola de Siero - Asturias
T. 984 04 14 11 email: pedidos@pascompan.es
Interior de la caxa, col so conteníu de tres botelles, un caciplu y tres posavasos.
Masque seya verdá que’l conceutu tamién ruempe col de la sidre tradicional, porque tampoco la botella nun ye la tradicional, nin tampoco lo ye’l diseñu de la etiqueta, nin el vasu pal serviciu, que s’averen más al vezu de la sidre británico. Tamos énte una bébora producío por Gallinal Drinks SL, la marca comercial de sidre de Finca Gallinal, de la familia Exner, nel conceyu de Xixón, masque con un CIF d’empresa comercializaora de bébores ya domiciliu social allugaos na Rioxa, bien lloñe d’Asturies. Nes 30 hectárees de la Finca Gallinal, en Serín, cultívase mazana acoyía a la DOP. Sidre d’Asturies de les races regona, de la riega, verdialona, durona de Tresali, xuanina, raxao y Madiedo, empobinaes a la producción pa los llagares acoyíos a la denominación d’orixe y tamién pa lo so sidre, ellaborada nel llagar de Sidre Castañón, nel conceyu de Villaviciosa. Dicíemos nel entamu que la imaxe de marca y la so presentación son enforma estremaes a les de la sidre tradicional asturiano y que víemos nelles un enfotu pola imaxe personalizao y de productu de calidá, más averaos a los mercaos internacionales qu’a los llocales porque, como comentábemos, l’envás ye nun botellín cola fechura tradicional al vezu del Reinu Xuníu ya Irlanda, masque de terciu, y non de mediu llitru, como nes islles.
Tamién la etiqueta ye enforma estremada a los diseños a los que tamos avezaos nel nuesu país; un diseñu de calter ecolóxico y de sostenibilidá, cola imaxe d’una oveya sol fondu de la pumarada, en tonos de blanco y prieto, ensin otra que’l nome Exner yala descripción en inglés “craft apple cider”, que mos dexa bien nidio’l públicu que busquen na casa, arriendes d’una desplicación billingüe castellán ya inglés, masque non n’asturiano, de la sidre, la finca na que se cultiven les mazanes ya’l llagar nel que se fai, detalle perimportante porque nos países de tradición británico, cuando s’ufierta un productu d’una marca, pero que ta ellaboráu por un terceru, y si esti terceru ye una empresa afamada, ye de prestixu asoleyar el so nome. Y tamién estremáu asgaya ye’l caciplu col que presenten la sidre, nin vasu de sidre tradicional, nin copa vinu, nin xarra. El caciplu escoyíu ye una copa
Folletu de presentación de la sidre Exner que s’apurre dientru la caxa. de cerveza de boca ancha pa un bon abrir de los arumes de la sidre y, al empar, da-y un aspeutu de bébora que, ensin dexar de ser popular, asítiase coles de más altor. Too esto tien una simboloxía de la que falar, pero enantes de tratar d’ello vamos dedicá-y un párrafu a la presentación que vimos nós lloñe les llendes d’Asturies. Ye una presentación nuna caxa, asemeyando un cofre de madera, con tres botellinos, el caciplu, tres posavasos y un folletu desplicativu de la sidre que se vien de mercar. Lo que tamién, de sigo mesmo, forma parti d’una estratexa comercial na que’l veceru ve la oportunidá de facese cola bébora ya’l caciplu y tamién la oportunidá pa facer un regalu de calter enolóxicu. Poro dicíemos que tolos aspeutos de la presentación de la sidre Exner tienen una simboloxía, nesti casu publicitaria ya comercial, masque siempres, no que cinca al comerciu, tamién ye psicolóxico. Porque tamos viendo un productu empobinao a un mercáu enforma estremáu al de la sidrería tradicional. Solo pol aspeutu ya mos queda nidio que’l consumu nun va ser nel chigre. Invítamos más a que seya en casa, nuna cafetería, un pub o un restorán, masque non nel chigre. El botellín ye pal consumu individual del veceru sentáu en mesa, y non en barra. Y la copa, a la mena la cerveza, tamién mos diz muncho más, que sedrá una sidre pa un consumu tranquilu, a tragu curtiu, inclusive nuna xinta, masque siempres ensin priesa, y personal, ensin com-
Caxa de sidre Exner pa la venta nos comercios.
partir caciplu. Y ye asina como vemos lo que comentábemos nel entamu, l’apueste por un productu nuevu, pa un mercáu nuevu, que non siempres va tar nel país, sinon que de xuru va atopar más mercaos tres les nueses llendes porque, como productu nuevu, tampoco’l taste d’esta sidre ye al que tamos avezaos, muncho más dulce que’l de la nuesa sidre tradicional, ensin que’l nun tar calistrao seya torga dala, porque hai otros países nos que les sidres tradicionales tampoco nun tan calistraes, talamente como’l Reinu Xuníu o Alemaña, o como pol fechu de que tres de dexar les botelles posar un tiempu,
nun quede madre dientru la botella. Y, tolo contrario, pudiera ser, como vimos na presentación fecha en Logroño, una bébora perbona pa la fechura de cócteles. Testu y Semeyes: Donato X. Villoria Tablado
'LVWULEXFLRQHV /D6HURQGD6/ 9LQRV5RGUtJXH] 3ROtJRQR(O6XWXVQ7 GLVWULEXFLRQHVODVHURQGD#JPDLOFRP
