59
Aspeutu de les sidres, ciders industriales y refrescos d’estremaes fasteres d’Europa.
nía de les desplicaciones que nuna d’eses multinacionales ufríen pa distinguir el so productu industrial de les nueses sidres naturales y equí foi onde los voceros del fabricante nun tuvieren otra que dicir en voz alta lo que yá sabíemos toos; la sidre, lo mesmo que’l vinu, son bébores de temporada, son bébores que se faen solo nun momentu del añu, empecipiando’l procesu d’ellaboración en cuantes fina la collecha de la mazana, o de la uva nel casu del vinu. Ye equí onde ta l’orixe de tol discutiniu. Los nueos ciders nun tienen temporada. Nun tienen dependencia de la collecha. Pa la so fechura mérquense mazanes, o direutamente zusmiu, de cualesquiera fasteres productores, desendolcando’l procesu de formentación en cualquier momentu l’añu, pa lo qu’en dalgunos casos lleguen a usase lleldos trayíos d’otros seutores estremaos al de la sidre. Asina fuere como en dellos países europeos tastiemos sidres que mos recordaben asgaya’l saborgu de
la cerveza, arriendes de les que tamién pudimos conocer en dalgunos países de Centru Europa nes que la corona d’espluma que yos quedaba penriba tamién mos recordare a la de los esplumantes de la industria cervecera. Pa finar, y como remate, vamos comentar que ye un vezu de nós facer toles vueltes artículos sobro les sidres de botellín y les sidres enfrescantes, nos que siempres tratamos el tema d’una mena abierta, averándoles al veceru según la triba de xente, les hores del so consumu o l’ámbetu nel que mos atopemos. Y lo mesmo queríemos facer equí, desplicar al veceru en cuatru pallabres lo estremao de les sidres que yá conocíemos y los nueos ciders industriales, pa según seya un sidreru avezáu o un veceru pocu desixente; mentanto que no que cinca a les bébores ensin alcohol, lo que tamos viendo anguaño nel mundiu la mazana son refrescos más modernos y d’ellaboración cada vegada más curiada. Testu y Semeyes: Donato X. Villoria Tablado
Xunu 2018