Phek 2-na
SIPAI AW : VOL. XXII. NO. 15
DATE. 10.04.2011
Sipai Aw Agent
Editorial Board Editor Jt. Editor News Editor
Cir. Manager Production Manager
: V.L.Zarzokima : Lalthangmawia : Lalnunpuia Malsawma Zairemmawia F.Lalrinzama : K.Vanlalrinawma F.Lalhruaitluanga R.Lalrammuana
9862335842 9862405260 9436709326 9615555649 9862385654 9089532881 9612135330 9436350080 8014683836
: Lalduhsaki
9612857405
Editorial:
S.A..Y. CHANMARI WEST CORPS
1. Lalneihmawia 3. Peter Lalnunpuia 5. R.Lalhriatpuii 7. Lalramthara 9. Jennifer Lalrammalsawmi 10.Dominic Lallawmawma 11. Johny Ramnghahmawia
2. Lalruatdiki 4. Sangnunmawia 6. Zohmangaiha 8. Lalmuanzova
E-Mail : cwsaysipaiaw@gmail.com
Article :
ISUA PAW’N A DUH LOVANG Kumin 2011 thupui, “I din leh ang u” tih hi a tha hle mai a, hemi thu hmang hian sermon leh article pawh kan chhuah ta nual mai a, tih takzeta chhiartute chuan an hlawkpui ngei kan beisei a ni. Hetih lai mek hian kan Corps hian khawilaiah nge dinthar kan ngaih a engtiang kawngin nge kan din leh ang tih hi Pathian rawn chunga kan ngaihtuah a pawimawh tak zet zet a ni.Corps pum anga din kan ngaihna lai kawng khat chauh han tarlang ila. Corps hian a than zelna turah sum leh pai a mamawh tak zet mai. Thahnem pawh kan ngai a, a tha e. Chutihlai mek chuan sum leh paiah thahnem kan ngai lutuk ang a, thlarau thianghlim min kaihruaitu tur ber tan hian hmun kan kian lovin kan ti lungngai mai ang tih a hlauhawm hle a ni. Corps chhunga section hrang hrangte pawh hian tuna kan dinhmun mek hi ngun takin ngaihtuah ila.Hmasawn zel tur chuan ngaihtuahna kan hmanthiam a ngai ta hle mai. Hun vawndik chungchang tlem lo tarlang ila. Tun ang chuan mitinte kan buai tawh a. Mi thenkhatin hun kan vawndik loh chuan midangte tan harsatna kan siam rhin a ni tih i hria ang u. Hun engemaw kan hman dawn reng rengin tan hun darkar kan han ruahman thin a, mahse chumi hnu darkar khat dawn dawnah te kan han tan thei chauh mai thin hi chu a sipai zia lo thin em!! Sipai Pawl phei chu hun vawngdik leh zual tur kan nih mek laiin a vawng dik lo zawkah kan tang thin hi chu a tha lo hle mai a, a ringtu zia lo em em thin a ni.Sipaiten tan i la thar ang u. Heng kan sawi bakah pawh thil tam tak sawi tur a awm a, kan ziak seng lo a ni. Heng kan han tarlan takte khi section khat tan mai nilovin Corps pum tana han tarlan a ni a, rawngbawlna kawng hrang hranga kan kalpui mek lai hian ngaihtuah hmaih palh emaw kan tih tur tih loh emaw kan tih loh tur lo tihpalh a awm hlauh takin tiin kan han puak ve phawng phawng mai a ni e. SALVATION ARMY YOUTH
- Vanlalfawna A hmasain he article chhiartu zawng zawngte Isua Krista hmingin chibai ka buk a che u. Mahni ka han in en a, ka tlin lohzia leh ka fel lohzia te ka chiang em em a. mahse, hunrei tak ata ka lo vei em em thin hi chhiartu pakhat talin hlawkpuina an hmuh hlauh takin tiin mahni insit chungchung leh tawngkam thiam lo tak chungin ka han ziak ve tawp a ni. He khawvelah hian kohhran hrang hrangte kan awm hlawm a. Chu kohhran hrang hrangte chuan kan tum ber chu vanram kai hi a ni vek ti ila kan sawisual tam lovang. Eng kohhran hi nge tha ber a, tute kohhran rindan hi nge dik ber tih chu Pathian rel tur niin ka hria. Eng kohhran pawh ni ila vanram kan thlen theihna tur ber chu keimahni leh Pathian inkar a fel leh fel loh hi a ni zawk. Salvation Army kan ni a, Salvation Army kan nihna hi vanramah kan luhpui dawn lo. Pathianah piantharna dik tak kan neih leh neih loh hi vanrama kan luhna tur a ni zawk.Mihringte kan nundan tur leh piantharna dik leh dik lo chu Bible-ah a inziak vek (chhiar mai rawh). Ka sawi tum takah lut tawh ila. Kan Biak Ina thusawi tura lo inkhawm thin(Officer/Officer kher lo pawh) thenkhatte hian kohhran dang tih dan dik lo nia an hriatte Pulpit-ah an sawi chiam zel( a va tul lo tak em). Mike a rin that viau phei chuan ka lo tim uai uai thin. Pulpit te hi a zahawm zia leh thu ho mai mai sawina chi a ni lo tih hi kan hre ta lo thin emaw ni. Hetiang anga sawitu hi tam tak ka hre nual ta mai, kan Biak In kher lo-ah pawh. A pawi ka ti takzet a ni.Tu kohhran mah hi insawisel tur kan awm lo. Tam tak phei chuan kohhran dang unaute hi kan hmelma en emaw tih mai tur hian kan awm thin. An thiltih apiang kan sawisel a, Salvation tih ang deuh engenaw ti se kan style an la te kan ti mai mai zel, a tha nia an hriat chu duh leh copy rawh se engnge a pawina? Hetiang kohhran dang kan erna rilru hi setana min beihna mai mai a ni tih i hre thar ang u. Kohhran dang unaute nena rawngbawl duna, in unauna tha tak kan neih theih nan hian theihtawpa beidawng lova tan la zawk tur kan ni dawn lawm ni, chu chu Pathian duh dan a nih ngei ka ring. Chutiang ni lova kan in sawisel vak vak ringawt hian rah tha a chhuah lovang. Hawh u, keini Chanmari West Corps a mi te hi chuan kohhran dang unaute nena rawngbawlna tha tak kan neih theih nan theihtawpin tan la zawk ila, tu kohhran mah hi i sawisel lovang u. Kohhran dang sawisel thin hi, “Isua paw’n a duh lovang” tih hi i ring tlat ang u..
Engnge an sawi * “A hma aia tam Silaimu leh Missionary Fund petu chuan a hma aiin Lal Isua a hmangaih tawh zawk tihna a ni a, Pathian ram zauh a duh tawh zawk tihna a ni bawk”. - Lalnghakliana CS, Ramhlun Vengthar Corps * “Khawvel hian Salvation Army hi a recognised(A hrechiang) a. Kan puanzar pawh hi khawvel khawi hmunah pawh zar theih lohna reng a awm lo”. - TH Vanlalreia CS, Bazar Corps * “Pathian lehkhabu leh Pathian thu lam hawi(Kohhran chanchinbute) chhiar emaw ziak emaw te hi Amah Pathian aw kan hriat theihna leh Amah kan hnaihtheihna kawng a nih avangin setana chuan chutiang kan tih chu a phal lo em em a, chawplehchilhin hma a la nghal a. Tihtur tul zawk anga lang thildang ngaihtuah zawk turte a rawn chhawp ve nghal chat chat thin” - K.Laltanpuia CLS CHANMARI WEST CORPS
CENTRAL NORTH DIVISION