Tenesteytar Kommunane har ansvar for ei lang rekkje tenester til innbyggjarane. Dei har ansvar for store samfunnsområde som barnehagar, grunnskolar, kultur, sosiale tenester, helse, sjukeheim og heimebaserte tenester. Men dei har òg ansvar for dei mindre, meir spesialiserte tenestene, til dømes barnevern, renovasjon, bibliotek, rusarbeid, veg, vatn og avløp. Fylkeskommunen har ansvar for vidaregåande opplæring, fagskuleutdanning, fylkesvegar og ferjer, kollektivtransport, tannhelsetenester, kultur og idrett, og dessutan regional planlegging og regional samfunnsutvikling.
Samfunnsutviklar For å skape berekraftig utvikling må verdssamfunnet arbeide på tre område: • Klima og miljø, • økonomi og • sosiale tilhøve. Den rolla kommunen og fylkeskommunen har som samfunnsutviklar, handlar om alle desse tre berekraftsdimensjonane, men òg om å samarbeide med andre myndigheiter, næringslivet og sivilsamfunnet. Samfunnsutviklinga handlar mellom anna om arealbruk og utbygging på lang sikt. Det handlar òg om utbygging av infrastruktur, stad- og sentrumsutvikling, næringsutvikling og miljø. Kommunen har òg ansvaret for oppvekstvilkår, grunnskule og folkehelse i vidaste forstand. der livet blir levd
17