Litli-Hver Desember 2018 12. tölublað

12. tbl. desember 2018

Geðheilsa er líka heilsa Gleðilega jólahátíð og farsælt komandi ár

Myndin hér að ofan er tekin á Evrópuráðstefnu klúbbhúsa sem haldin var í Álaborg í Danmörku dagana 26. til 28. nóvember síðastliðinn. Þetta var öflug ráðstefna þar sem saman kom fólk frá klúbbhúsum um allan heim eða 250 manns. Aðalþema ráðstefnunnar var helgað heilbrigðum lífsstíl og mikilvægi þess að geðheilbrigði yrði ekki aðskilið líkamlegri vellíðan og heilsusamlegu fæði. Klúbburinn Geysir stóð fyrir tveimur vinnustofum þar sem annars vegar var fjallað um tengsl félagslegrar dagskrár, ákvarðanatöku, ábyrgð og lífsstíl og hins vegar um leiðir til þess að efla vitneskju um klúbbhúsið og starfið í klúbbnum úti í samfélaginu. Félagar og starfsfólk klúbbsins óskar vinum aðstandendum og öðrum velunnurum gleðilegra jóla og farsældar á nýju ári.

Skipholti 29, 105 Reykjavík Sími: 551-5166, fax: 551-5136 Netfang: kgeysir@kgeysir.is Veffang: www.kgeysir.is Facebook: Klúbburinn Geysir

2

Þarf að taka minnihlutahópa út fyrir sviga?

Sigurður H. Álfhildarson Fyrir skemmstu fór framkvæmdastjórinn með fríðu föruneyti á Evrópuráðstefnu klúbbhúsa í Danmörku. Þar var vinnustofa sem bar titilinn “An Inclusive Community: LGBT? Religion?”. LGBT stendur fyrir samkynhneigða, tvíkynhneigða og transfólk. Það kom mér satt að segja verulega á óvart að á árinu 2018 þurfi að ræða sérstaklega þennan hóp fólks og jafnvel í samhengi við trúarbrögð líka. Nú er kannski rétt að taka það fram að sá sem þetta skrifar er samkynhneigður, og hann býr kannski svo vel að hafa ætíð verið viss um sína kynhneigð. Ég kom út úr skápnum árið 1997 og mikið vatn hefur runnið til sjávar síðan þá. Ég hef auðvitað upplifað mig sem minnihlutahóp, fordóma og aðkast í ýmsum myndum – og jafnvel má halda því fram að ástandið hafi ekkert breyst hvað varðar viðhorf fólks og fordóma. Viðhorf fólks breytist ekki þrátt fyrir lagasetningar og réttarvernd. Það sem ég hef upplifað er að fordómarnir hafa einfaldlega farið undir yfirborðið og eru minna sjáanlegir.

En er svona svakalega nauðsynlegt að taka minnihlutahóp út fyrir sviga, úr öðrum minnihlutahópi í þokkabót sem er fólk með geðræn vandamál? Ég segi nei, aldrei. Eftir að hafa bæði tekið þátt í starfi klúbbsins og verið

opinberlega samkynhneigður meira og minna allt mitt líf þá er það mín skoðun að það sé síst hinseginfólki og minnihluta trúarhópum til framdráttar í sinni réttindabaráttu. Af hverju? Við erum fólk af holdi og blóði, við erum fólk eins og allir aðrir. Í starfi mínu fyrir klúbbinn hef ég haft það viðhorf að mæta fólki á þeim stað sem það er, hvar sem það er. Við eigum að geta skilið annað fólk án þess að þurfa endilega að vera sammála því. Ég reyni að mæta öðrum á jafnréttisgrundvelli, ég vil vera einn af hópnum – eins og ég vona að aðrir vilja vera hluti af mínum hóp. Í kringum mig hefur aldrei þurft að tipla á tánum af því ég er samkynhneigður. Þjóðfélagið er

3

svo margbreytilegt að það eru miklu fleiri en ég og mínir líkir sem þurfa sitt svigrúm og sinn skilning. Ég vil sem félagi að aðrir félagar líti ekki á mig hver ég er – heldur miklu frekar hvað ég hef að bjóða. Ég er eins og aðrir, með mín lífsviðhorf, siðferðisvitund og markmið í lífinu og tilverunni. Ég er ekkert öðruvísi en aðrir, ég tek þátt í lífi og starfi eins og allir aðrir. Ég vil fyrst og síðast vera metinn sem manneskja, en ekki sem samkynhneigður. Ég vil að fólk geti gengið að mér út frá því sem ég hef upp á að bjóða – ég vil ekki að fólk reyni að þóknast mér af því ég er samkynhneigður. Því þegar öllu er á botninn hvolft þá hef ég lært það í gegnum mínar andlegu krísur að það er alveg sama hversu óþolandi samfélagið er, hversu ósanngjarnt fólk getur verið – þá verða vandamálin aldrei stærri eða verri heldur en maður sjálfur vill að þau verði. Með það lífsviðhorf í farteskinu getum við sigrað slatta af andlegum vandamálum sem við höfum og það eitt og sér er nóg. Að flokka mann svo út úr því mengi sem hinsegin persóna, þá væntanlega með geðræn vandamál líka er ekki það sem ég vil. Ég vil að klúbbnum auðnist það að bjóða alla velkomna og mæta þeim á þeim stað þar sem þeir eru. Það hefur klúbburinn gert gagnvart mér alla tíð – og þannig á það að vera áfram.

Sigurður H.Álfhildarson.

Höfundur er félagi og fyrrum stjónramaður í Klúbbnum Geysi.

Geðræktarjólanámskeið Fjölmenntar Að vanda hefur Fjölmennt boðið upp á stutt jólatengd námskeið.

Námskeiðin sem í boði eru að þessu sinn: Gómsætt jólagott, Slökun í vatni fyrir jólin og Stemning á aðventu– Undur íslenskrar náttúru. Námsekiðin verða vikuna 10. til 14. desember. Umsóknarfrestur er til 6. desember. Sjá nánar á heimasíðu Fjölmenntar: http:// www.fjolmennt.is/is/namskeid/ flokkur/jolanamskeid-2018gedraekt

Jólaveislan 6. desember

Húsið opnað kl. 18.00 Borðhald hefst kl. 19.00 Kór Klúbbsins Geysis undir stjórn Cristina Catalan mun syngja nokkur lög. Minnum svo á jólahappdrættið sem alltaf hefur skapað jólaeftirvæntingu með spennandi vinningum.

Hlökkum til að sjá ykkur og að eiga hátíðlega stund saman.

Afmælisveisla

fyrir félaga sem eiga afmæli í desember verður fimmtudaginn 27. desember kl. 14:00

4

Matseðill fyrir desember 2018 Matseðill birtur með fyrirvara um breytingar

Mán.

Þri.

Mið.

Fim.

Fös.

Lau.

3.

4.

5.

7.

8.

Ommelleta

Plokkfiskur

Kjuklingabaunaborgari

6.

Pylsa og Brauð Jólaveisla

10.

11.

12.

13.

14.

15.

Austurlandssupa

Grjonagrautur

Kjuklinganuðlur með grænmeti

Hlaðborð

Píta með hakki og grænmeti

Litlu jólin.

Hangikjöt með öllu.

17.

18.

19.

20.

21.

22.

Tomatsupa

Soðinn Fiskur

Ritzkex kjotbollur

Hlaðborð

Skötuveisla

24.

25.

26.

27.

28.

Opið hus Lambalæri

LOKAÐ

Opið hus Jolakaffi

Hlaðborð

Biximatur

31.

1.

2.

3.

4.

Opið hus Mexíkosupa

LOKAÐ

Pasta salat

Steiktur Fiskur

Bjugu

Hefur þú tillögur að skemmtilegri matseld og hugmyndir um að fjörga matseðil Klúbbsins Geysis. Mættu þá á eldhúsfund kl. 10:30 síðasta mánudag hvers mánaðar og taktu þátt í að móta heilsusamlegan og fjölbreyttan matseðil.

Hlaðborð

29.

5

Jóladagskrá Klúbbsins Geysis Að vanda verður hefðbundin jóladagskrá í klúbbnum. Til þess að félagar geti nú tekið frá þá daga sem hvað vinsælastir eru fer það hér á eftir: Fimmtudaginn 6. desember verður jólaveislan með mat og happdrætti og tónlist.

Laugardaginn 15. desember verða Litlu jólin með pökkum og hangikjöti frá kl. 11.00 til 15.00 Föstudaginn 21. desember verður skötuveislan.

Mánudaginn 24. desember verður opið frá kl. 10.00 til 14.00 Miðvikudaginn 26. desember verður jólakaffi frá kl. 13.00 til 15.00.

Mánudag 31. desember/ Gamlársdag verður opið frá kl.

10.00 til 14.00.

Úrvinnslufundur með Cristinu Fimmtudaginn 17. janúar 2019 verður haldinn úrvinnlsufundur á niðurstöðum skemmtilegs fundar sem Cristina hvatti til og haldinn var 15. nóvember síðastliðinn. Sá fundur fjallaði um að virkja félaga og heyra óskir þeirra um hvernig auka megi fjölbreytni í verkefnum og starfi klúbbsins. Hvetjum félaga til að mæta og móta fjölþætta starfsáætlun.

Óskað eftir fleiri félögum í 20 ára afmælisnefnd

Eins og öllum er nú ljóst mun Klúbburinn Geysir fagna 20 ára afmæli árið 2019. Í tilefni þess er óskað eftir félögum í framkvæmdanefnd afmælisins.

Verkefni hennar er að vinna að kynningu klúbbsins á afmælisárinu og forma dagskrá afmælisdagsins 6. september 2019. Hvetjum félaga til að taka þátt og efla starf klúbbsins í leiðinni.

Dagskrárgerð Vel hefur gengið að fá félaga til þess að taka þátt í dagskrárgerð fyrir hlaðvarp Klúbbsins Geysis (ÚG). Efni fyrir hlaðvarpið er unnið alla vikuna, það klippt saman á fimmtudögum og föstudögum og sett á netið í hádeginu á föstudögum.

En það er alltaf pláss fyrir fleiri sem kynnu að luma á áhugaverðu efni og tilbúnir að flytja í útvarpi. Við hvetjum því áhugasama félaga til að setja sig í samband við Þorkel, Árna, Gulla eða Benna.

6

Það er korter í jól Spjallað við Þórhall Leósson „Það er korter í jól“, svo ég vitni í Þórhall Leósson félaga í Klúbbnum Geysi. Þórhallur Leóson hefur verið félagi í klúbbnum síðan í vor. Þórhallur er meðal þeirra fyrstu sem mæta í klúbbinn á morgnana og er duglegur að skjótast í Bónus og versla í matinn, og halda þrifalegu fyrir frama klúbbhúsið okkar, auk margs annars sem fellur til. Þórhalli líkar mjög vel í Geysi. Þórhallur er á vinnumarkaði og er í starfi hjá Grænu skátunum upp á Höfða við taka á móti og flokka dósir og plastflöskur. „En oft slæðist hitt og þetta með dósunum,“ segir Þórhallur. Til dæmis hefur hann dottið niðrá úldinn hafragraut og fleira. Þórhallur bjó í sveit í nærri 35 ár áður en hann flutti í bæinn þann 19. desember 2017 , en þá hefur Þórhallur verið eitt ár í bænum og búinn að koma undir sig fótunum í Reykjavík. Þórhallur bjó í Stekkjarhollti í Skagafirði og ólst þar upp. Þórhallur er búinn að vera í strembnum tannlækna tímum og er meðal annars kominn með nýjan efri góm og það er verið að vinna í neðri gómnum hægt og bítandi og vonast hann til að það klárist það fyrir jól. Þórhallur er hrifinn af góðum bíómyndum en hann á heljarinnar safn af þeim. Honum finnst Glæpahneigð á RÚV sá sjónvarpsþáttur sem hann fylgist

Þorhallur sposkur og íhugull í senn

helst með og svo fer hann reglulega í bíó með bræðrum sínum. Þórhallur gengur venjulega í Geysi og tekur það hann um það bil 45 mínútur að ganga aðra leið og hefur gert það síðan 12 maí.

Jólin leggjast mjög vel í Þórhall og hann eyðir þeim í faðmi fjölskyldunnar. Þórhallur hlustar mest á jólatónlist eins og vera ber um jólin en það er engin önnur sérstök tónlist sem hann hlustar á.

Að lokum þá er Þórhallur sáttur með að vera kominn með vinnu og húsnæði og lítur björtum augum á framtíðina. Og nei Þórhallur er ekki á facebook.

Viðtal:Arnar Laufeyjarson

7

Myndir frá Evrópuráðstefnunni í Álaborg

Jólagetraun Litla-hvers

Að vanda efnir ritsjórn Litla-hvers til árlegrar jólagetraunar. Í ár hefur verið komið fyrir kertum víðs vegar í blaðinu. Eina sem þarf að gera er að telja þau saman, setja niðurstöðuna á blað með nafni og síma og setja í kassa í móttöku klúbbsins.

Vegleg verðlaun í boði. Dregið verður úr innsendum lausnum á Litlu jólunum sem verða laugardaginn 15. desember.

Gleðileg jól og gangi ykkur vel

Óskum eftir félögum til að leiðbeina í tölvuverinu Tölvuver er í boði fyrir félaga í Klúbbnum Geysi á þriðjudögum frá kl.

11:15 til 12:15. Þar geta félagar fengið aðstoð og leiðbeiningar í notkun ýmissa forrita, eins og Word, Publisher og interneti og þeim forritum sem unnið er með í klúbbnum. Einnig óskum við eftir áhugasömum félögum (mentorum) sem eru fúsir til að leiðbeina öðrum félögum í tölvuverinu. Félagar eru hvattir til að kynna sér aðstöðuna og taka þátt.

8

Félagsleg dagskrá í desember 2018 Starfsmannamat Árlegt mat félaga á starfsmönnum Klúbbsins Geysis hófst í vikunni. Við hvetjum félaga til þess að taka þátt og fylla út starfsmannamatsformið sem hægt er að nálgast á skrifstofu klúbbsins. Matið er mikilvægt fyrir félaga til að meta starf og framgang launaðra starfsmanna. Matið er einnig til þess að fullnægja viðmiðunarreglu 30 fyrir klúbbhús og fjallar um að hlutlægt mat fari fram á framkvæmd starfseminnar. Niðurstaða matsins er svo notað til þess að starfsmenn geti vaxið og bætt sig í sínum mikilvægu störfum.´ Vikuna 3. til 7. desember er Grace metin og vikuna 10. til 14. desember verður Guðlaugur metinn.

Yfir jólin verður svo tekin pása og aðrir starfsmenn metnir fyrstu vikurnar á nýju ári 2019.

Fimmtudagur 6. desember Jólaveisla Fimmtudagur 13. desember Bíóferð Laugardagur 15. desember Litlu Jólin Fimmtudagur 20. desember Jólaganga Fimmtudagur 27. desember Opið hús Fimmtudagur 4. janúar 2019 Þrettándagleði

Símakönnunin Símakönnunin sem hefur verið í gangi í Klúbbnum Geysi annað hvert ár er nú lokið að þessu sinni Í könnuninni var hringt í félaga og þeir beðnir að svara nokkrum spurningum varðandi stöðu þeirra í samfélaginu. Könnunin gekk mjög vel og kunnum við öllum bestu þakkir sem komu að henni, jafnt úthringjendum sem svarendum. Nú verður farið í að vinna úr svörunum og vonandi verða niðurstöður ljósar í byrjun árs.

Klúbburinn Geysir er opinn alla virka daga frá kl. 8:30 - 16:00, nema föstudaga er opið frá 8:30 15:00.

Húsfundir

Húsfundir eru miðvikudaga kl.14:30. Þar er rétti staðurinn fyrir félaga til að koma skoðunum sínum á framfæri og taka þátt í opnum umræðum .

Allir að mæta!

Deildarfundir

Fundir í deildum eru haldnir á hverjum degi kl. 9:15 og 13:15. Þar er farið yfir verkefni sem liggja fyrir hverju sinni. Æskilegt er að félagar mæti á deildarfundina.

Tökum ábyrgð og ræktum vináttuböndin.