Landsfundur 2022 KFUM Skótanir í Føroyum

Landsfundur 12 Mars 2022 Í KFUM í Tórshavn

INNIHALD

02

03

Inngangur

Tilmelding til landsfundin 2022

04

05

Skráin fyri landsfundin

Frágreiðing frá Landsnevndini

07

08

Frágreiðing frá selatraðsnevndini

Atkvøðurættur á Landsfundinum

09

10

Atkvøður hjá bólkunum

Frágreiðing frá virksemi hjá bólkum

11

Valevnir til landsfundin

12

Innkomin uppskot

Vælkomin á Landsfund 2022 ”Patrúljufundurin byrjaði. Fróði hevði eisini gjørt eina skattarenning til kvøldið. Patrúljan skuldi út at leita eftir nøkrum postum úti í býnum. Boðini á teimum vístu á eitt stað í býnum, har skatturin lá! Men fyrst ætlaði hann at greiða hinum í patrúljuni frá skótarørsluni. ” Hetta er brot úr bókini ”Gagnleikur” hjá Jón Magnus Joensen av Argjum. Hann hevur skriva eina góða bók um skótaarbeiðið sum lýsur hvat tað er vit gera, ella eiga at gera.

Nú eg skal skriva mín fyrsta inngang sum skótaovasti havi eg hugsa. Hvat skal man skriva? So rann bókin hjá Jón mær til hugs. ”Gagnleikur” heitið á bókini sigur akurát tað vit sum skótar gera ella eiga at gera.

Gagnleikur er tað vit vilja gera runt um í landinum, har vit vilja menna og styrkja okkara skótar til at blíva góðir samfelagsborgarar.

Vit mugu vera stolt at vera skótar. Vit hava eitt sera gott ungdómsarbeiði og mugu vit taka eitt tak fyri at vit kunnu blíva enn betur og at vit fáa vøkstur í skótarnar kring landið.

Eg vóni at vit á Landsfundinum, fara at kjakast og tosa opið og erligt um tær avbjóðingar vit hava runt um í landinum.

KFUM-skótarnir í Føroyum hava mist 100 limir síðan í fjør, og hetta merkist hjá tykkum bólkum og ikki minst landsfelagskapinum.

Lat okkum takað eitt orduligt tak nú í 2022 og fáa skótaarbeiðið at blóma, at vit øll lyfta í felag og flyta KFUM – skótarnir fram á leið.

Góðan Landsfund 2022 VER TIL REIÐAR !

Steinbjørn V. Olsen Skótaovasti

Síða 2

TILMELDING TIL LANDSFUNDIN 2022

KFUM Skótanir vilja fegin bjóða øllum við á Landsfundin 2022 12 MARS 2022 | 8:30- 18:00 Í KFUM Í TÓRSHAVN UM KVØLDI HAVA VIT EIN KVØLDHUGNA VIÐ MATI OG UNDIRHALDI. TILMELDING Á INFO@SKOTI.FO ÁÐRENN 5 MARS

Síða 3

Skrá fyri landsfundin 12 MARS 2022 • 8:30-18:00 • KFUM TÓRSHAVN 8:30

Morgunmatur

9:30

Landsfundurin verður settur - Val av fundastjóra og skrivara - Góðkenning av mynstringalistum og ásetan av gyldigum atkvøðum

10:00

Grannskoðaður roknskapur verður lagdur fram til góðkenningar

10:30

Frágreiðing frá landsnevndini - Spurningar og viðmerkingar til virksemi hjá landsnevndini seinasta árið.

11:00

Frágreiðing frá Selatraðsnevndini og útbúgvingar/tilfarsnevndini.

- Spurningar og viðmerkingar til virksemi seinasta árið

11:30

Heimasíðan hjá KFUM Skótinum í Føroyum

12:00

Døguri

13:00

Frágreiðingar um virksemi í bólkunum og fíggjarviðurskifti teirra

14:30

Innkomin mál

16:00

val av limun og tiltakslimun í landsnevndina

16:15

Ymiskt: Selatað, legur og tiltøk, limagjald, Skjaldrasvein, Lpk, Sjálvbjargni og dátaverndlógin

18:00

Kvøldhugni *Tíðurnar sum er hvítar eru vegleiðandi

"A week of camp life is worth six months of theoretical teaching in the meeting room."

- LORD ROBERT BADEN POWELL

Síða 4

Árfrágreiðing frá Landsnevndini Fyri tað allar fyrsta vil eg takkað øllum Leiðarum og øllum tykkum runt um í skótabólkunum, fyri tað stóra arbeiði tit gera hvønn dag úti í bólkunum. Uttan tykkum var einki skótaarbeiðið og tað er umráðandi at tit hava tað so gott sum tað ber til, og her eigur landsnevndin at stuðla tykkum sum best. Vit hava sett okkum fyri at koma út at vitja tykkum og har hava vit vitja nakrar bólkar, men so kom farsóttin enn einaferð og mangla vit nakrar, men teir kom vit til.

Tað fyrsta vit gjørdi sum LN var at fara suður til Botn har vit høvdu eitt sera gott arbeiðsvikuskiftið har vit settu okkum nøkur mál. Fyri árið og var nýggji kassameistarin við okkum. Hetta at fara sum ein nevnd er sera gott, so at vit beinaveg koma at kennað hvønn annan og vita hvar hvør annar stendur.

Skjaldrasveinur var á skránni í februar í Runavík og høvdu tey ein góða legu, var sjálvur og vitjaði og sá út til at úlvarnir hugnaðu sær óført. Havi sett mær fyri sum Skótaovasti at royna at vitja so nógv landstiltøk sum tað ber til.

LPK var hildin í Æðuvík og gekk hon bæði gott og væl, men tað er harmuligt at sýggja so fáar bólkar við.

Leiðararnir gera eitt stórt arbeiðið at fyriskipa LPKina. Lat okkum í ár standa saman um LPK og fáa nógvar skótar við. Í ár verður LPK á Selatrað.

Skóti í ein dag. Vit royndu at fáa allar bólkarnar í gongd í senn og gekk hetta bara heilt gott. Tað er nokk lættari summar dagar enn leygardag hjá nøkrum bólkum. Men er tað eisini heilt í lagið. Teir bólkarnir vit hava tosa við, lata væl at so hetta eigur at blíva ein fastur táttur hjá KFUMskótinum hvørt ár.

Riddari og krossriddari var í november í KFUK. Legan gekk gott, men tíðan verri setti Covid19 sínar skuggar yvir hana.

Nýggj heimasíða Bárður Johanesen arbeiðir við eini nýggjari heimasíðu og verður hon klár at vísa fram á Landsfundinum.

Paladin var mai. Gingið bleiv frá Sornfelli og út í Heinastovu, síðan gekk leiðin til Bogastovu. Ein góð og væleyðna Paladin.

Nýtt arbeiðstilfar/tillagingar av skótatilfarinum. Á síðsta Landsfundi var avgjørt at fara í holt við at gera nýtt tilfar til úlvarnar, skótarnar og ungdómsskótarnar. Hetta arbeiðið er nú byrja, og er ætlandi at vera komin á mál komandi landsfund 2023 og fáa samtikt venjingarnar so tær vera galdandi fyri KFUM-skótar bólkarnar kring landið.

Bólkarnir fáa venjingarnar til hoyringar áðrenn.

Síða 5

Leiðarabyrjan var í september og vóru 10 luttakarar, tey vóru frá Skótalið KFUM´s og Borgini. Tað er alt ov lítið! Tað er umráðandi at leiðarar koma á tey skeiðir sum vera fyriskipa. Tað liggur altíð ein orka at fyriskipa skeiðini, men so vit vóna at komandi leiðarabyrjan verður betur mannað.

Selatrað Landsnevndin og Selatraðnevndin høvdu ástaðarfund á Selatrað í desember, har vit bóru á málið at vit nú mugu seta eina kós og arbeiða eftir henni. Úrslitið hava tit longu sæð, vit eru nú liðug við matsalin. Okkara mál er, at vit gera eitt rúm LIÐUGT áðrenn vit fara til næsta rúm.

Tað sum var serstakt við hesum skeiðinum var at einki ”power point” var brúkt. Vit løgdu stóran dent á, at vit nú fara aftur til ”basic” hetta er eisini tað sum Lord Baden Powell tosar um í tí hann skrivar, vit mugu ikki missa røtrurnar men við skulu heldur ikki standa í stað. Men vit mugu ikki blíva eitt tilboð til ung sum bara er inni og fult av power point. Vit vóru í KFUM og so var leiðin eisini løgd út í Skótadeplin Millum Tjarna har postarenning var og vit yvir bálið tosaðu um trupulleikar og avbjóðingar sum vit sum leiðarar kunnu koma í. Vit høvdu skrálegging og hvat tað er vit mugu leggja stóran dent á.

Vit arbeiða so leingi játtan er. Hevur alt ov leingi veri, at arbeitt er við øllum og ongum.

Tí síggja vit eisini ein depil sum harliga treingir til eina kerðliga hond. Men nú skulu hugsa um at fáa ting liðug og ikki byggja nýtt, okkara avbjóðing er at onkur skal arbeiða og viðlíkahalda alt, og tað eru jú alt sjálvboðið arbeiðið.

FSR Føroya Skótaráð hevur nú ábyrgdina av norðurlenska skótaarbeiðinum. Hetta er eitt stórt tak. Tey í mannað FSR frá okkum eru, Bogi Sigurstein, Skótalið KFUM´s og Steinbjørn V. Olsen, skótaovasti. Elin Maria Olsen hevur veri okkara umboð, men yngsti at sleppa frá í desember, vit takkað Elin Mariu fyri arbeiði í FSR. Gongd á nevndirnar aftur.

Landsnevndin hevur uppskot um at seta Útbúgvingar- og Tilfarsnevndina formelt á stovn aftur. Vit hava uppskot at kalla hana fyri menningarnevndin av tí hon bæði hevur útbúgving og tilfar sum arbeiðs setning.

Virknisnevndin má setast á stovn aftur.

Landsnevndin hevur ongan møguleika at taka sær av øllum, vit eru jú øll sjálvboðin og tað SKAL virðast.

Ein stór tøkk til Selatraðnevndina og Bárður P. og Arna fyri arbeiðið á Selatrað teir hava gjørt. Bárður og Arni fyri nýggja projekti sum sum er komi undir land og Selatraðnevndina fyri at vera um deplin viku eftir viku.

Tí vilja vit eisini seta Selatrað á skrá í ár til Landsfundin, hvat vilja vit við Skótadeplinum og hvussu skal hann virka og síggja út. Nú hava bólkarnir møguleika at koma við hugskotum og øll tey vilja, tað er nú ”luftast” skal út.

Skrivstovan Vit avgjørdu at fáa okkum skrivstovuna aftur, og fingu vit gomlu hølini á ”hjørninum” vit hava skrivstovutíð týskvøld kl: 18:30 – 20:00. tá er altíð ein Landsnevndarlimur til staðar.

So vil at eg enda vi at takkað tykkum øllum leiðarum og bólkaleiðarum runt um í landinum fyri gott samstarv og gott arbeiðið tit gera.

Eisini ein takk til landsnevndina fyri sera gott arbeiðsstev, stuttligt at sita í nevnd tá øll tuga líka nógv í árarnar.

Góðan Landsfund Vegna KFUM – skótarnir í Føroyum Steinbjørn V. Olsen Skótaovasti

Síða 6

Frágreiðing frá Selatraðsnevndini Smátturnar Smátturnar eru nú við at vera lidnar. Tær eru sera snotiligar og verður spennandi at síggja hvussu tað fer at rigga, vit gleða okkum.

Matarsalurin Matarsalurin bleiv umvaldur fyri nøkrum árum síðan men bleiv ongantíð 100% liðugt.

Nú er man enduliga komin á mál

Brúgvin um Sandá Brúgvin er nú komin um Sandá og er tað sera vakurt og ikki minst hylurin sum er gjørdur, hetta verður eitt satt ævintrýrland fyri Selatrað.

Hoyløgan Hoyløgan bleiv umvæld í summar 2021 har klædningur og annað bleiv skift út. Nú manglar takið eftir at skiftast. Í summar verður fari í gongd at byggja út undir hoyløgnui har tað kemur at verða eitt verkstað og eitt lagur fyri útgerð hjá skótinum

Hvítu Húsini Hvítu húsini eru nú klødd og vindeygu skift. Hetta arbeiði hevur tikið longri tíð enn ætlað, men nú eru vit so við at vera komin á mál.

Terrassan Á terrassuni er tað blivi sett upp ein rimagarður. so nú er tað hugnaligari og tryggari at vera á terrassuni

Arbeiðsvikuskiftir Tað kemur at vera ymisk arbeiðsvikuskiftir har vit koma at hava brúk fyri fólki.

Vónandi tíma fleiri at koma og hjálpa nú tá man sær broytingar og ein kós sett.

Vegna Selatraðsnevndina Sóley Mikkelsen

Síða 7

ATKVØÐURÆTTUR Á

LANDSFUNDINUM

Atkvøðurætt hevur hvør bólkur við trimum atkvøðum fyri fyrstu 50 limirnar og síðan eina atkvøðu fyri hvørjar byrjaðar 25 limir

Limatalið verður ásett eftir tali á teimum limum, sum eru skrásettir í limaskipanini hjá samskipanini tann 31.12.2021.

Sami persónur kann i mesta lagi atkvøða við trimum atkvøðum.

Mynstringarlistin, sum er sendur bólkaleiðaranum, skal fyllast út eftir skrásetta limatalinum 31.12.2021 við nøvnum og bústaðum á teimum persónum, sum kunnu atkvøða fyri bólkin á Landsfundinum.

Mynstringarlistin skal latast inn í seinasta lagi, tá ið Landsfundurin byrjar Landsnevndarlimir hava eina atkvøðu í part.

Somuleiðis hava tey, sum av Landsnevndini eru útnevnd til ávísar uppgávur, atkvøðurætt á tí øki, uppgávan fevnir um.

Brævatkvøður til Landsfundin kunnu ikki góðkennast.

Síða 8

18

Atkvøður hjá Bólkunum Skótabólkurin Magnus Heinason

3 Atkvøður

Skótabólkurin Gullbrandur

3 Atkvøður

Skótabólkurin Leirvíks Páll

3+1 Atkvøður

KFUM Skótanir við Løkin

3 Atkvøður

Skótabólkurin Borgin

3 Atkvøður

Skótabólkurin Túgvan

3 Atkvøður

KFUM Skótanir í Kvívík

3 Atkvøður

Skótalið KFUM´S

3+3 Atkvøður

Skótabólkurin Royndin

3+1 Atkvøður

Atkvøður tilsamans

32 Atkvøður

Síða 9

FRÁGREIÐING FRÁ BÓLKUM Á Landsfundinum er tíð sett av til bólkarnar at greiða frá arbeiði og fíggjarviðurskiftum sínum. Hetta er ein týðandi partur av Landsfundinum og eru tveir tímar settir av til endamálið.

Umráðandi er, at hvør einstakur bólkur fyrireikar sína framløgu væl og hvør bólkur fær 8 minuttir til framløgu sína. Ein stutt frágreiðing skal gevast, sum lýsir dagliga arbeiðið í bólkinum og serstøk tiltøk, sum bólkurin hevur fyriskipað. Eisini verður greitt frá fíggjarviðurskiftum hjá bólkinum. Tað er serliga áhugavert at hoyra um ymisk tiltøk, sum bólkurin hevur skipað fyri ella hevur luttikið á hesi seinastu tvey árini. Umframt hetta er spennandi at vita, hvussu dagliga arbeiðið í einstøku liðunum verður skipað.

Møguleiki er fyri at nýta Power Point o.t. til framløguna. Best er, um frágreiðingin eisini er á skrift og kann handast skrivaranum á Landsfundinum, so at tað skjótt og lætt kann setast inn í fundarfrásøgnina.

Síða 10

VALEVNIR TIL LANDSNEVNDINA Á Landsfundinum skal nýggj Landsnevnd veljast fyri tey næstu tvey árini.

Eftir Grundlógini §14 skulu tveir limir og tveir tiltakslimir veljast í Landsnevndina. 3 landsnevndslimir vera sitandi eftir.

TEY, IÐ HAVA ÁHUGA AT STILLA UPP TIL LANDSNEVNDINA KUNNA SENDA TELDUPOST TIL INFO@SKOTI.FO Hoydalarvegur 6 | FO-100 Tórshavn | Skoti.fo | 751075

Síða 11

INNKOMIN UPPSKOT Í ÁR ERU TAÐ 6 INNKOMIN UPPSKOT TIL LANDSFUNDIN YVIRLIT YVIR UPPSKOT 1. Virknisnevnd 2. Menningarnevnd 3. Landsfundurin 4. Landsfundurin 5. Landsfundurin 6. Landsfundurin

Viðtøka Viðtøka Reglugerð Reglugerð Reglugerð Reglugerð

Nýtt Nýtt §15 stk 2 §15 stk 4-5 §15 stk 6 §15 stk 3

Síða 12

Uppskot 1

Evni: Virkisnevndin Stillari: Landsnevndin

Landsnevndin leggur fram uppskot um at stovna Virkisnevnd

Verandi Einki

Nýtt Virknisnevndin 1. Í virknisnevndini sita í minsta lagi 3.limir, harav ein úr landsnevndini, sum eigur at vera nevndarformaður/kvinna.

2. Formaðurin/kvinnan er høvðuskappingarleiðari hjá samskipanini.

3. Tað áliggur virknisnevndini at virka fyri, at mál hjá landsnevndini og endamáli og arbeiðsgrundreglur hjá samskipanini vera framd í mest møguligan mun.

4. Virknisnevndin leggur eina arbeiðsætlan fyri landsnevndina til góðkenningar hvørt ár í apríl mána.

5. Virknisnevndin hevur í minsta lagið 4 reguligar fundir um árið.

6. Virknisnevndin kann seta arbeiðsbólkar til ávísar uppgávur 7. Uppgávur: Leggja tilrættis og fremja ávíst virksemi, so sum LPK – Skjaldrasveinur – Krossriddara – Paladin – úlvadag og Skóti í ein dag.

8. Høvðuskappingarleiðarin tekur endaliga avgerð í øllum spurningum viðvíkjandi LPK-kappingini.

9. Taka sær av uppgávum, sum landsnevndin áleggur nevndini.

10. Fundarfrásøgn verður skriva fyri hvønn fund og senda liminum í virknisnevndini og landsnevndini.

Viðmerking:

Síða 13

Uppskot 2

Evni: Menningarnevnd Stillari: Landsnevndin

Landsnevndin leggur fram uppskot um at stovna Menningarnevnd

Verandi Einki

Nýtt Menningarnevnd.

1. Í Menningarnevndini sita í minsta lagi 3.limir, harav ein úr landsnevndini, sum eigur at vera nevndarformaður/kvinna.

2. Fyri at vera formaður/kvinna er neyðugt at viðkomandi er Gilwell-skóti.

3. Formaðurin í menningarnevndini er útbúgvingarleiðari hjá samskipanini.

4. Tað áliggur menningarnevndini at virka fyri, at mál hjá landsnevndini og endamáli og arbeiðsgrundreglur hjá samskipanini vera framd í mest møguligan mun.

5. 5.Menningarnevndin leggur eina arbeiðsætlan fyri landsnevndina til góðkenningar.

6. Menningarnevndin kann seta arbeiðsbólkar til ávísar uppgávur.

7. Uppgávur: Leggja tilrættis venjingar, skeið og onnur útbúgvingartiltøk fyri patruljuførarar, ungdómsskótar, leiðarar og bólkaráðslimir. Seta skeiðleiðslu, sum hevur neyðugu útbúgving, til tey einstøku tiltøkini menningarnevndin stendur fyri. Við millumbili endurskoða útbúgvingarskipanina hjá samskipanini, so útbúgving samsvarar við tey mál, sum landsnevndin hevur sett fyri arbeiði hjá samskipanini. Taka sær av uppgávum, sum landsnevndin áleggur menningarnevndini.

8. PF-venjing (ólíka ár) – US-venjing (líka ár) – Leiðarabyrjan – Serskeið. eru ábyrgd hjá menningarnevndini at skipa fyri.

9. Alt arbeiðstilfar er ábyrgd hjá menningarnevndini.

10. Útbúgvingarleiðarin hevur ábyrgd av, at útbúgvingarskipanin hjá samskipanini til eina og hvørja tíð er á hædd við tað, sum altjóða viðurkenning krevur.

11. Fundarfrásøgn verður skriva fyri hvønn fund og senda liminum í menningarnevndini og landsnevndini.

Viðmerking:

Síða 14

Uppskot 3

Evni: Landsfundurin Stillari: Landsnevndin

Landsnevndin leggur fram uppskot um hvør kann atkvøða á lanndsfundinum.

Verandi

§ 15 2. Atkvøðurætt hevur hvør bólkur við trimum atkvøðum fyri fyrstu 50 limirnar og síðan eina atkvøðu fyri hvørjar byrjaðar 25 limir. Sami luttakari kann hægst atkvøða við trimum atkvøðum.

Brævatkvøður til landsfundin kunnu ikki góðkennast.

Nýtt

§15 2. Atkvøðurætt hevur hvør bólkur við trimum atkvøðum fyri fyrstu 50 limirnar og síðan eina atkvøðu fyri hvørjar byrjaðar 25 limir. Sami luttakari kann hægst atkvøða við trimum atkvøðum.

Fyri at kunna atkvøða á Landsfundinum, skal ein vera limur í KFUM-skótinum í Føroyum.

Brævatkvøður til landsfundin kunnu ikki góðkennast.

Viðmerking:

Síða 15

Uppskot 4

Evni: Landsfundurin Stillari: Landsnevndin

Landsnevndin leggur fram uppskot um broytingar við innkalling til landsfundin Verandi

Nýtt

§ 15 Landsfundurin 4. Landsfundurin verður lýstur í minsta lagi 12 vikur áðrenn við skrivligum boðum til teir ymsu bólkarnar, har dagsskráin verður greiniliga lýst.

§15 Landsfundurin 4. Landsfundurin verður lýstur í minsta lagi 8 vikur áðrenn við telduposti til bólkaleiðaran og bólkaráðsformannin hjá ymsu bólkunum. Har dagsskráin verðurlýst.

Eisini verður lýst á heimasíðuni og øðrum sosialum miðlum hjá KFUM-skótinum í Føroyum.

5. Mál, ið ynskjast viðgjørd á landsfundinum, mugu vera landsnevndini í hendi í seinasta lagi 4 vikur áðrenn fundin. Innkomin mál, saman við dagsskránni. verða lýst 3 vikur áðrenn fundin.

5. Mál, ið ynskjast viðgjørd á landsfundinum, mugu vera landsnevndini í hendi í seinasta lagi 8 vikur áðrenn fundin. Innkomin mál, saman við dagsskránni, roknskapinum fyri tvey tey seinastu árini og fíggjarætlanini fyri komandi ár, verða lýst 4 vikur áðrenn fundin.

Viðmerking:

Síða 16

Uppskot 5

Evni: Landsfundurin Stillari: Landsnevndin

Landsnevndin leggur fram uppskot um broytingar við tíðarfreist til uppskot til valevni í landsnevndina Verandi

Nýtt

§15 Landsfundurin 6. Uppskot til valevni í landsnevndina skal vera landsnevndarformanninum í hendi í seinasta lagi 8 vikur áðrenn fundin. Tó kunnu undantøk gerast, um ikki nøktandi tal av uppstillaðum eru. Valbæri hevur ein og hvør limur í samskipanini, ið hevur fylt 18 ár og hevur undirskrivað leiðaraváttan ella í sambandi við valið undirskrivar slíka.

Uppskot til valevni verða kunngjørd saman við dagsskránni.

§ 15 Landsfundurin 6. Uppskot til valevni í landsnevndina skal vera landsnevndarformanninum í hendi í seinasta lagi 4 vikur áðrenn fundin. Tó kunnu undantøk gerast, um ikki nøktandi tal av uppstillaðum eru. Valbæri hevur ein og hvør limur í samskipanini, ið hevur fylt 18 ár og hevur undirskrivað leiðaraváttan ella í sambandi við valið undirskrivar slíka.

Uppskot til valevni verða kunngjørd saman við dagsskránni.

Viðmerking:

Síða 17

Uppskot 6

Evni: Landsfundurin

Stillari: Landsnevndin

Landsnevndin leggur fram uppskot um broytingar til hvør kann atkvøða hjá nevndinum Verandi

Nýtt § 15 Landsfundurin 3. Landsnevndarlimur hevur eina atkvøðu.

§ 15 Landsfundurin 3. Somuleiðis hava teir, sum av landsnevndini eru útnevndir til ávísar uppgávur, atkvøðurætt

3.1 Tey sum av Landsnevndini eru formenn/kvinna í eini nevnd undir Landsnevndini hava eina atkvøðu. Hetta um tað er atkvøðugreiðsla sum sipar til arbeiðið í viðkomandi nevnd.

Viðmerking:

Síða 18

VÆLKOMIN Á LANDSFUND 2022