De Keieschiéter 2023

veurwaord vân ‘t bestuur

Keieschiéters en Keieschiéterinnekes , Ân mich, âs veurzitter vân Karnevalsvereniging “de Keieschiéters” wer de ieër ’t veurwaord te meuge schriéve vör ôzze moeëje kránt. ’t Is vörál dit jaor spesjaal, umdât we in ’n jubileumjaor zitte.

’t Jubileum vân de kránt is biezônder, mâr ôs vereniging is ok biezônder. We hebbe namelik wât reurige tieje achter de rug. ’t Begoos geliek nao de vastenaovend vân 2020. Corona kwaom in ieëne kieër hieël doeënbeej. ’t Waor unnen tiéd völ ônzekerhede, teggestrie-jighede, völ meininge zwart of wit. ’t Griéze gebied waor neet bereikbaar. Dit rizzulteerde, spiétig genôg, dât we tot ’t besloét mooste kômme um alle normale aktiviteite vör ’t seizoen 2020-2021 áf te gelaste. Evvel door völ inzet vân mínse áchter de scherme, hebbe we toch ’t ieën en ánder kunne organizere in de digitale sfere.

Nao dit diptepúnt broke al wât baetere tieje aan en ôndanks dât ’t völ vergaderoore kaoste, zoge we steeds dukker de griéze gebiede en zoge we meugelikhede um toch iets te gaon organizere vör ’t seizoen 2021/2022. We waore ’t mit allemán vlot éns dât we in ieder gevál de Kiénderkarneval, vör zoeëwiét meugelik door mooste laote gaon. Ánders waor d’r unne laeftiédsgroep, daen dit neet mei hâj kunne make. De jeugd is belangriék vör de toekôms vân de vereniging, mâr ok loge daor de meiste meugelikhede. Dit haet dân ok tot rizzultaat gehad dât ôs jeugd, de elders en ándere karnevalsvierders binne Ârce toch ’n moeëj en biezônder jaor hebbe meuge viére. Aerig biezônder waor dât völ mínse ziech, naodât we greun leech krege vân de aoverheid, ziech heejveur hebbe ôpgepak um mei te doon. Leeje mâr ok neet leeje. Âs-se beejveurbeeld kieks naor d’n ôptoch, waor d’r ok völ jeugd ôp de bieën, wât ôs âs bestuur ’n moeëj, gröts en waerem geveul goof. Ok de schoeël haet heerin ’n groeëte beejdrage geleverd, door mei te dínke in de meugelikhede zoeë-âs beejveurbeeld de prachtige miniatuurôptoch, daen vân d’n entree vân de schoeël naor d’n ingang vân de zaal ‘t MFA völ kleur en fleur goof, waordoor ’t karnevalsgeveul ônder de aandach waor beej de jeugd. En dât vônde die geweldig.

Ôs hoeëghede Jeugdprins Miel II en Dansmarietje Ieke, de Adjudánte Tim en Levi en sirremoniemeister Sem zien in dit moeëje en biezôndere jaor vól passie en plezeer veurôp gegaon. Dit is ’n jaor gewès um noeëjt mieër te vergaete.

’t Zien zeker gen gemekkelikke jaore gewès vör ’t bestuur, de leeje en alle mínse die de vereniging ’n waerem hârt toedrage. Evvel wil ik beej deze wâl benaodrukke, dât dit saort tieje ok zien positieve kánte haet. Me wört kreatief, we môtte ánders gaon dínke, me môt de toekôms ánders gaon indieële, me zukt naor ôplossinge. Ofwâl, d’r kômme völ ni-je ideeje en inisjatieve. Dât haet ok âs rizzultaat dât weej âs bestuur alle ivveneménte die we organizere us krities ônder de loep gaon neme. Wât hilt dât dân in? Weej âs bestuur wille gaer vörál kwalitatieve en moeëje moménte ân iederieën aanbieje. Dit kunne we evvel neet zônder oow, dus bliéf dit âsteblif ôndersteune. Bliéf mit ni-je inisjatieve kômme, zoeë-dât weej mit allemán nag lang vân ôzzen Ârcese karneval kunne geniete.

Mâr wât ôs ’t meis is ôpgevalle is de saamhuurigheid die nów lef binne ôs vereniging. ’n Moeëj veurbeeld heejvân zien de veurbereidinge vân de zittinge. Vân alle kemissies waore völ mínse ôppe bieën en waor ’t aerig gezellig. Dit is iets wât weej mieër binne de vereniging zeen en daor zien weej dân ok hieël gröts ôp. ’t Leeje-aantal is ok dit jaor wer gegrui-jd en we haope dât dit ’t kômmende jaor ok wer gebeurd. Weej wille âs bestuur via dizze waeg nag èns alle vreejwilligers en leeje bedánke vör eure geweldiggen inzet tiédes die ônzekere tieje, tiédes verni-jinge, tiédes mekaar ôndersteune en tiédes ôzze moeëje Karneval make vör Ârce. ’n Depe buuëging vör oow allemaol en nag èns hârtelik dánk heejveur.

Ârce Alaaf, Names ’t bestuur, Lars van Oostrum Veurzitter vân Karnevalsvereniging “de Keieschiéters”

programma vastenaovend 2023

Weej âs redaksie wínse oow names de res vân de karnevalsvereniging unnen hiële fijne Vastenaovend, völ plezeer, gôje zin en: háld ‘t leuk! Weej nuuëdige oow allemaol oét um ân dees ônderstaonde aktiviteite mej te doon.

Zaoterdig 11 fibberwarie Klein Vastenaovesbál in M.F.A. de Schans vânáf 20.30. Mit optraeje vân de “Jocus Hofkepèl’”. Bees-se alder âs 18, samewoënend of getrouwd, dân meug-se ôk binne. Entree € 11.-

Zaoterdig 18 fibberwarie Ôptoch vör de kiénder door de straote vân Ârce, um 14.00 oor. Resepsie vân Jeugdprins Thei I (Kenis) en Dansmarietje Seray (Mulders) mit de Adjudánte Sev (van Dijk) en Patrick (Vervoort) en sirremoniemeister Niels (van Os) nao de Kiénderôptoch in M.F.A. de Schans. Rônd 16.30 oor zulle we d’n tiéd neme um de priésoétreiking vân de Kiénderôptoch te doon. Nao de resepsie lekker swinge vör jônk en áld.

Zôndig 19 fibberwarie Plechtige Hoëgmis mit meiwaerking vân de Keuninklikke Hermenie um 11.30 oor. (alle kiénder meuge verkleid kômme)

Zing mei vân Ârce en dae Kei: in samewaeriking mit de OPA’s gezellig same zinge mit muziek vân toen. Vör alle aldere in M.F.A. de Schans, vân 15.11 wies 18.00 oor.

Drübelkesbál t/m groep 2 beej “De Maert” um 15.11 oor.

Karnevalsmiddig vör de jeugd vör alle blage vânáf groep drie t/m ách vân 15.11 wies 17.00 oor is d’r unne spelle-kermis in M.F.A. de Schans. Resepsie vân Príns Tom I (Imming) en Dansmarietje Britt (Peeters) um 20.11 oor in M.F.A. de Schans. Nao de resepsie zal de muzikale umliesting verzörrigd waere door “Greun Graas”, de bekende vastelaovesband oét Venlo.

Maondig 20 fibberwarie Groeëte karnevalsôptoch door ’t daörep um 14.00 oor.

Groeët Ôptochbál aansloétend ân d’n ôptoch in M.F.A. de Schans, waorbeej iederiën welkôm is. Rônd 18:30 oor zulle ok de priéze vân d’n ôptoch waere oétgereikt. Muziek vân de bend ‘Sjloetingstiéd’ n unnen DJ (wört nag bekend gemâk via Facebook).

Dínsdig 21 fibberwarie Tocht nao de Boétegeweste. De Route wört later via social media bekend gemak. Um 11 ovver 10 ’s aoves is d’r beej “Kefee de Maert” ballonne prikke, âs áfsloéting vân de Vastenaovend.

Woensdig 22 fibberwarie Aswoensdig. ‘t Is gedaon! De vlaage kunne waere gewasse en ôpgeruumd. Aovendmis en ’n assekruuske hale in de kaerik um 18.00 oor.

‘t waord vân de burgemeister

Leef Keieschiéters en Keieschiéterinnekes,

Op het moment dat ik deze woorden toevertrouw aan het papier realiseer ik mij hoe bijzonder dit vastelaovesseizoen gaat worden. We gaan een vastelaovend beleven met heel veel activiteiten die gelukkig weer georganiseerd mogen worden. Bovenal, er is weer een prins! Ik weet zeker dat de Vorst Edward een meer dan uitstekende keuze heeft gemaakt en dat de sleutel van Arcen tijdens vastelaovend in goede handen is. Ik wens de prins met zijn dansmarietje toe dat ze oren en ogen tekort zullen komen.

Vastelaovend zit diep in ons DNA en geeft de gemeente kleur en fleur. Ik kan mij deze gemeente zonder vastelaovend helemaal niet voorstellen. Toch moesten we er in 2021 aan geloven. Helemaal niks op een paar kleine thuisfeestjes na. En toch hebben we daar iets van geleerd. Ondanks het feit dat we helemaal teruggeworpen werden op onszelf is vooral toen de sfeer, identiteit en symboliek van de vastelaovend in onze harten gebleven.

Ik ben er trots op burgemeester te zijn van een gemeente waar zoveel verenigingen met zoveel vrijwilligers heel veel uren verzetten om de vastelaovend tot een succes te maken. Een feest waarbij honderden vastelaovesvierders arm in arm door straten van Arcen trekken en waar overal dezelfde liedjes worden gezongen. De Arcense vastelaovend: het is een feest van ons allemaal!

Afgelopen jaar heeft de manier waarop we vastelaovend moesten vieren ons ook nieuwe inzichten gegeven. Het werd het jaar van de spontane vastelaovend. Het kwam aan op de vindingrijkheid van ons allemaal. En wat hebben we ook hiervan genoten! Ik weet zeker dat die nieuwe inzichten ook een rol zullen spelen in de nabije en verre toekomst bij al die verenigingen die zoveel moois voor ons organiseren.

Ik wens u veel leesplezier toe met deze editie van De Keieschiéter waaraan heel hard is gewerkt. Complimenten voor dit mooie en harde werk!

Ik hoop u dit vastelaovesseizoen heel vaak te mogen ontmoeten.

Antoin Scholten Burgemeester

‘t waord vân pestoër

Verder kijken …

Terwijl ik dit artikel schrijf -het is de laatste dag van 2022- besef ik weer hoeveel er de laatste jaren is gebeurd. Zo vonden als gevolg van Corona vele activiteiten geen doorgang. Door de oorlog in Oekraine (al meer dan 300 dagen gaande) hebben we in Europa met tal van nieuwe problemen van doen. Naast de vele vluchtelingen zijn er de vele economische gevolgen. Dat alles mag ons somber stemmen. Mensen kunnen dan terugplooien op zichzelf.

Welnu, dat is nimmer een oplossing. Juist in een tijd als deze is het zaak solidair te zijn en te blijven. Carnaval nu vermag ons daarbij te helpen. Het brengt mensen weer samen en helpt ons onszelf te relativeren. Daarom tel je zegeningen en zie naar de kansen die er ook thans voor handen zijn. Door je open te stellen en met een zekere humor naar je zelf te kijken, kunnen we als mensen ons steentje bijdragen aan de gemeenschap, waarvan we deel uitmaken. Zaak is het steeds verder te kijken dan het hier en nu, en vooral oog te hebben voor wat wél kan, en niet zozeer te letten op wat niet (meer) kan.

Carnaval is het feest dat veel tussen haakjes zet, zonder dat het nu aan de ernst van het leven voorbij gaat. Dat maakt Carnaval ook zo bijzonder. Het feest mag de mens helpen met een zekere “gezonde” distantie naar zichzelf te kijken en naar de tijd waarin hij zich bevindt. Gaarne wens ik u allen dit toe, opdat Carnaval anno 2023 u mag verrijken, als mens én als gemeenschap.

Pastoor C. Müller

Kránt oét de alde doeës

Waord vân de redaksie

’n Waord van de redaksie hebbe weej nag noeëjt in de kánt gehad zult ge wal dínke. Mar we bestaon dan ok 5 X 11 jaor! Örges ánders in de kránt kunt geej heej ’n gáns artikel vân laeze.

Weej wille oow nów efkes laote wieëte dât de kránt d’r toch ’n bietje ánders oét zuút dân dât ge vân ôs gewend ziet. Gen fotopagina’s vân de groeëten ôptoch of de resepsie. Nae eigelijk bijna niks vân de vastenaovend vân ’t vörrig jaor vör de volwassenen . In dizze kránt vind geej hoofdzakelijk ivveneménte die mit de kiénderkarneval te make hebbe.

Geej wet ’t nag wâl: corona haet ôs root in ’t aete gegoeëjd en ivveneménte vör de volwassene waore d’r dân ok hieël weinig. Gelukkig hebbe we vân de ivveneménte vör de blage wâl ’t ieën en ánder vör oow kunne váslegge. Umdât we gen foto’s hebbe vân de zittinge vân ’t vörrig jaor, mâr wâl vân dit jaor kunt ge die ok al in dizze kránt bewôndere.

Ok zult ge alde fotopagina’s vân vroeger jaore kunne bekiéke; dit haet natuurlik te make mit ôs 5 X 11 jaörig bestaon.

Haopelik hebt geej mit dizze kránt net zoeë völ kiek- en laesplezeer âs ánder jaore.

Örste ivvenemént Klub vân 11x11

Dees biezôndere klub vân 11x11 is beej ‘t 66-jaörig jubileum ôpgereech. Mit dit inisiatief steunen de leeje vân dees Klub 11x11 de Keieschiéters ôp lange termién middels ’n jaorlikse kontribusie vân mâr €11,- vör unnen tiéd vân 11 jaor. Ovver 11 jaor giët de ôpbrengs vân de kontribusie naor de Keieschiéters ter gelaegenheid vân ‘t 77-jaörig bestaon vân Karnevalsvereniging “de Keieschiéters”. D’’n ôpbrengs kân dân bv gebroek waere vör ni-je klieër vör ’t geüniformiërde gediëlte of ándere groëte noëdzakelikke oégaves.

Mit völ belangstelling is d’r toen gehuuër ân gegaeve en we hebbe dân ok völ leeje meuge begroete beej de klub, die grötter is gewaore dân we veuráf verwách hâje. ’t Deut ôs deug dât zoëvöl mínse de Keieschiéters ’n waerem hârt toedrage!

Âs dánk vör eur ôndersteuning kriege de leeje heejveur ‘n 3-tál aktiviteite aangebaoje, die in samewaerking mit de Hertog Jan Brouwereej zulle waere georganizeerd. De Hertog Jan Brouwereej haet de Klub vân 11x11 umaermd en daormei geadopteerd, en zal vör dees drie aktiviteite garant staon, zoëdât de ôpbrengs ten gunste kân kômme ân de finansjele doelstelling vân de Klub vân 11x11.

I.v.m. de Coronapandemie hebbe we efkes môtte wáchte, mâr ôp 29 mei 2022 waor ’t dân eindelik zoewiét en waore de leeje vân de Klub vân 11x11 oétgenuuëdigd ôp ’t festivalterrein vân ’t Hertog Jan Spesjaal beer festival. Tiédes dit ivvenemént aöpent Hertog Jan eur deure vör de Nederlandse Brouwereejdaag, waorbeej vör de leeje vân de Klub vân 11x11 ’n spesjaal programma woord aangebaoje. Nao ôntvangs waor d’r gelaegenheid um mei te doon ân ’n spesjale rôndleiding, waor verschillende vaatgeriépte Grand Prestiges geprissenteerd woorde en d’r flink koos waere gepruf.

Nao de rôndleiding koos d’r gezellig waere naogeprot in de sfeervolle festivaltént.

Ônder de vrolikke klánke vân ’n meziekbendje koos me ziech

ôp ’t festivalterrein te good doon ân ’n keuze te aover ân verschillende beere en ok ’n ruúm aanbod vân aete in iën vân de verschillende aetgelaegenhede.

We waore ziër verheugd um unne groëte groep leeje te meuge begroete en kunne trugkiéke ôp ’n gelaagd ivvenemént.

Gaer wille we vân de gelaegenheid gebroek make um de Hertog Jan Brouwereej en natuurlik ál ôs leeje vân de Klub vân 11x11 hârtelik te bedánke vör eur ôndersteuning.

Daorbeej zien weej verheugd te kunne vertelle dât we nag ruumte hebbe vör ’n gelimiteerd aantal ekstra leeje. Dus meug ge dínke vân dees moeëje klub wil ik ok lid waere of hebt ge vraoge, dân kunt ge vör mieër info teraéch ôp de sait vân de Keieschiéters of ge kunt kontak ôpneme via: klub11-11@ keieschieters.nl Natuurlik kunt ge ok kontak ôpneme mit Ron Smits, Micha Peute of Roel van Giesen.

Kránt oét de alde doeës

De 33e Bônten hoephap vör:

john schinck

D’n Bônten Hoephap, vör d’n 33e kiër dit jaor door ’t bestuur vân Karnevalsvereniging “de Keieschiéters” oétgereikt ân eemus daen ziech belangeloos haet ingezatte vör de Ârcese Gemínschap ôp allerlei vlakke.

Hoephap stiët in ’t Nederlands vör hop: ‘n bôntgekleurd veugelke, dât ok in de bös vân Ârce veurkúmp. ’t Bôntgekleurde vân dit veugelke stiët simbolies vör de belangelozen inzet vân mínse vör ’t daörep Ârce en zien vereniginge. ’t Bíldje dât oétgereikt wört is ‘n weergave vân dae vogel en de simboliek daen d’r mei gepaard giët. D’n Bônten Hoephap is dit jaor oétgereikt ân John Schinck

John is al sins 2015 âs sikkretaris vân stichting Hartslag in de waer. ’n Stichting die mit eur vreejwilligers d’r vör zörrigt dât d’r in Ârce, Lômm en Vélde AED’s in elke buurt beschikbaar zien en vreejwilligers traint, die dân te haölep schete âs dât nuuëdig is. ’n Saort verzekering vör ôs allemaol dus.

John is ok aktief beej ôs eige voetbalklub D.E.V. Al 8 jaor zit haen dao in ’t bestuur en haet haen ’t sikkretariaat ôp ziech genaome. Daorveur waor haen 10 jaor aktief âs trainer beej de jeugd. Sins 2010 is John beej dees klub ok aktief âs lid vân de sponsorkemissie en haet haen d’r mei vör gezörrigd dât de klub ’n prachtig 90-jaörig en ‘n 100-jaörig jubileum koos viere.

Beej ôs eige Karnevalsvereniging “de Keieschiéters” is John al vânáf 1996 lid en is haen geliek beej de kemissie kránt begoos, die later aoverging in de Stichting Steunfonds Culturele Activiteiten Arcen. Sins 2001 haet John de taak âs veurzitter vân dees kemissie ôp ziech genaome. John haet ziech ok verdinstelik gemâk in de PR-kemissie toen de vereniging ‘t 5 x 11 jaörig bestaon vierde.

Dit alles haet ’t bestuur vân Karnevalsvereniging “de Keieschiéters” doon besloéte ân John d’n Bônten Hoephap oét te reike. Dit jaor natuurlik wer âs ’n moeëj beeldje, mâr neet mieër vergezeld vân ’n medalie, mâr ’n moeëj spéldje, dât haen ôp de jas kân staeke.

vör alles en profiesjat mit ’t d’n Bônten Hoephap.

Ârce Alaaf, ‘t Bestuur

Plattegrônd vân “De keieschiéters” ârce

IÉREFUNKSIES

Iéreveurzitter

Wiel Rutten

Iérelid vân Verdinste

Ernst Rutten

Ger Peters

Pierre Hegger

Toon Drissen

Iérelid Frans Cup

Geert Brands

Geert Peeters

Geert Reivers

Ger Wijnhoven

Ger van Merkestijn

Harry Imming

Henk Rheiter †

Jeu van Giesen

John Hegger

Jos Wennekers

Kitty Wennekers

Paul van Boven †

Peter van ‘t Hof

Piet Arts

Roel van Megen

Ron Smits

Theo van Well

Thijs Reutelingsperger

Wiel Reivers

Wim Janssen

Lid vân Verdinste

Anita Hegger

Ed Hegger

Elly Peeters

Ferry van Swelm

Ger Schinck

Hans Siemes

Hay Peeters

Henk Clevis

John Schinck

John Imming

Jos Janssen

Lei Tangelder

Leon van Helden

Marij Drissen-Reivers

Max van Disseldorp

Paul Peters

Peter Reivers

Rene Lammerts

Roel van Giesen

Theo van Megen

Tiel Arts

Twan Fleuren

Twan Appeldoorn

GEUNIFORMIËRD GEDIËLTE

Bestuur

Jeroen Schell

Edward Cox

Lars van Oostrum

Ruud Welles

Ron Vousten

Jasper Reivers

Bram Reutelingsperger

Fons Janssen

Pascal Peeters

Raod vân Ellef

Bram Clevis

Edward Cox

Joost Reivers

Lennart Peters

Maik van de Stay

Rene Gooren

Rick Broeren

Robbie Woodford

Ron in ‘t Zandt

Ruud Welles

Tom Appeldoorn

Tom Imming

Prínsegarde

Anne Vousten

Britt Peeters

(Dansmarietje)

Demi Verdellen

Fleur Spee

Gina Verheijen

Isa Clevis

Josje Rijnen

Kiana Geelen

Kiki van Noort

Lieke Welles

Lise Clabbers

Livvy Vaessen

Maartje van Giesen

Sofie Greven

KEMISSIES

Kemissie Alde Wiéver

Diana Verrijt-Verhees

Fleur Hendrickx

Petrie Hendrickx-

Vullings

Steffie Feijen

Yvonne Hendrikx

Kemissie Horeca (zaal)

Andrea Dinnissen

Bert-Jan van de Mast

Frank Wijnhoven

Hans van Noort

Ineke van de Mast

Jos Wennekers

Lars van Oostrum

Leon Mans

Linda Peters

Mike Valckx

Nena Dinnissen

Petra van Noort

Rino Bruijnaers

Steffie Reivers

Yvon Wennekers

Kienkemissie

Bram Reutelingsperger

Steffie Raijer-Reivers

Thijs Reutelingsperger

Mariëlle van Keulen

Leida Reijmer-Geelen

Carla van Bronckhorst

Kiénder-Karneval

kemissie

Bianca Hovens

Elle Wijnhoven

Jeroen Schell

Linda Lommen

Melanie Lichteveld

Nicole Panneflek

Rene Gooren

Kliërkemissie

Melanie Lichteveld

Lotte Janssen-van

Rijswijck

Ôptochkemissie

Bart Geelen

Danielle Pingen

Dave Dinnissen

Fons Janssen

Jasper Reivers

Loes Rayer

Maik van de Stay

Martijn Schell

Techniese kemissie

wage

Chantal Rijnen-Peeters

Ed Hovens

Henk van Noort

Jan van Boven

John Imming

Joost Reivers

Michel van Lipzig

Rick Lemmen

Twan Appeldoorn

Kas kemissie

Marielle van Keulen

Maik van de Staij

Ron Smits (reserve)

Techniese kemissie

zaal

Barry Ketels

Bram Hoogveld

Ed Hegger

Edward Cox

Geert Peeters

Ger van Merkestijn

Hans Siemes

John Hegger

Jos Janssen

Leon van Helden

Marcel Simons

Peter Smits

Piet Arts

Ron in ‘t Zandt

Theo van Megen

Ouverture kemissie

Rick Broeren

Martijn Kenis

Irma Vullings

Robbie Woodford

Zittinge kemissie

Anita Hegger

Anne Knelissen

Daan Spee

Peter (Jakker) Engels

Wendy Schreven

Leidsters Prínsegarde

Audrey Reutelingsperger

-Appeldoorn

Jitske Cup

Lotte Janssen-van

Rijswijck

Marga Faber

Marit Kuijpers

Manon Heuvelmans

Dáns en Showdans

Prinsegarde

Lotte Hoogveld

Floor Simons

Irma Vullings

Carla van Bronckhorst

Klein Vastenaovendbál

kemissie

Henk van Noort

Jan van Boven

Roel Schreven

Leech/Geluid & Beeld kemissie

Edwin Ritt

Rob Imming

Robert Knelissen

Tom Appeldoorn

Nik Ritt

Ilja Paschke

Paul Hovens

Giel Cornelissen

Stefan van Bakel

Muziek kemissie:

Bram Clevis

Jasper Reivers

Groët Ôptoch Bál kemissie

Jip Reivers

Paul Troost

ALGEMEIN

Beheerder Keieloëds

Jeu van Giesen

PR & Kommunikasie

Ber Geurts

Bram Wennekers

Jessica Bongers

Joost Clevis

Karin Holla

Melissa Dorssers

Nina Dousen

Reneé Schinck

Roel van Megen

Sanne SchellOverdevest

Steffie Feijen

Wiel Reivers

Kránt/meiwaerikers

Bas van Giesen

Dave Drissen

Geert Reivers

John Schinck

Karin Holla

Lei Tangelder

Martijn Kenis

Micha Peute

Peter van Elk

Roel van Giesen

Ron Smits

Stijn Haelermans

Tom Imming

Toon Drissen

Wiel Reivers

`t Geüniformiërd gediëlte

Bestuur

Ruud Welles

(sirremoniemeister)

Fons Janssen

(1ste sikkretaris)

Ron Vousten

Jeroen Schell

Edward Cox (vorst)

Lars van Oostrum

(veurzitter)

Pascal Peeters

(1ste penningmeister)

Bram Reutelingsperger

(2de penningmeister)

Jasper Reivers

(2de sikkretaris)

Raod vân Ellef

Tom Imming (príns)

Edward Cox (vorst)

Ruud Welles

(sirremoniemeister)

Ron in ‘t Zandt

Robbie Woodford

Joost Reivers

Maik van de Stay

Tom Appeldoorn

Lennart Peters

Bram Clevis

Rick Broeren

Rene Gooren

Prínsegarde

Britt Peeters (Dansmarietje)

Kiki van Noort

Isa Clevis

Sofie Greven

Josje Rijnen

Demi Verdellen

Gina Verheijen

Anne Vousten

Lise Clabbers

Lieke Welles

Maartje van Giesen

Kiana Geelen

Livvy Vaessen

Fleur Spee

LOTTUM LOTTUM

Effe veurstelle: Jeroen schell

Ôp 4 november 2022 woord de jaorvergadering gehálde beej Alt Arce. In dees vergadering woorde o.a. de jubilarisse gehuldigd en de jaorverslage bespraoke. Zoeë-âs ellike vergadering woord d’r ok nów aandach bestaejd ân de bestuursfunksies. Jeroen Schell is dees vergadering gekaoze âs bestuurslid algemeine zake. ’t Zellefde âs vörrig zal ok in dees edisie vân de kránt ’t ni-je bestuurslid zichzellef veurstelle.

Waen is Jeroen?

Ik bin 34 jaor en woeën sinds groep 3 in Ârce. Ik bin getrouwd mit Sanne Schell-Overdevest en bin d’n trotse vader vân 2 daochters: Saar (9 jaor) en Bo (6 jaor). Ik zit al 26 jaor beej de voetbal- en tennisklub, bin 15 jaor lid beej de kemissie Kiénderkarneval en zit ôp dit momént 7 jaor beej de Raod vân Ellef.

In ’t dageliks laeve waerik ik beej Canon Production Printing Venlo, veurmalig Océ van der Grinten. Heej waerik ik âs inktdesigner in R&D ân de ôntwikkeling vân ni-je inktjet inkten die gebroek waere in hoeëg produktieve printsysteme, dink ân mieër dân 320 A4-tjes per minuut.

Wât duj ik zoeë-ál binne de vereniging?

Ik bin dus begoos in 2007 beej de kemissie Kiénderkarneval. In dees kemissie heb ik mich vörál bezig gehálde mit de begeleiding vân de kleine Raod vân Ellef. Sinds ’n paar jaor heb ik ok ’t penningmeisterschap ôp mich genaome zoeë-dât alle kids ’n frisje en wât te snoepe hebbe tiédes alle aktiviteite.

Ik bin sinds 2015 ok lid vân de Raod vân Ellef. Heej verzörrig ik, same mit Rick Broere de finansieje vân de Raod sinds ’n paar jaor. Umdât ik nów ni-j bestuurslid algemeine zake bin, zal ik mien take binne de kemissie Kiénderkarneval aoverdrage. Sanne is ok beej de Keieschiéters betrokke âs fotograaf.

Waorum dân nów ’n funksie in ’t bestuur? Nao 15 jaor Kiénderkarneval vônd ik ’t unne kieër tiéd um ân iets ánders mien aandach te gaon bestaeje binne de vereniging. Toen ’t bestuur mich benaderd haet vör ’n bestuursfunksie, heb ik dân ok vólmôndig jao gezág. Dât wât mich aerig aansprik in dees ni-j rol is dât ik baeter zich kriég ôp hoe de gánse vereniging funksioneert en waor nuuëdig ok mit ni-j inisiatieve kân kômme.

Âs slotwaord wil ik nag zegge dât ik aankômmend jaor good guj kiéke woej alles reilt en zeilt in de vereniging. Mien motto is alles zô soepel meugelik te laote verloeëpe binne de vereniging en same misschien tot moeëje inisiatieve te kômme. Ik heb aerig völ zin in mien ni-je rol en haopelik zi-j ik d’r völ vân oow tiédes de moeëje karnevalsaktiviteite die weej organizere âs vereniging.

Ârce Alaaf!

Kránt oét de alde doeës

Kránt oét de alde doeës

Ôs keieschiétersvlaag 3 x 11 jaor

Dit jaor wappert ôs keieschiétersvlaag al 3 x 11 jaor in Ârce. ’t Begoos klein, beej unne Príns in de straot en gruijde oét tot ’n groeët sukses, zoeë-âs we mit vastenaovend in de straote vân ôs keieschiétersdaörep kunne zeen.

’t Idee vör ’t make vân de örste vlaage is ônstaon toen vör d’n twedde kieër achter mekaar unne (groeëte) Príns vân de Laakweg oét de kei sprông. Mit ’t plezeer vân ’t krénse en de prínseresepsie vân 1989 vân Príns Pé I (Reivers) nag in herinnering, waor ’t entoesjasme natuurlik groeët toen we dât in 1990 beej Príns Hans I (Coenders) wer meugde belaeve. ’t Idee um vlaage te make waor gauw gebaore en dus ginge de dames vân de Laakwaeg ôp paad um stôf te koeëpe. De kels ginge ân de slaag vör ‘t krénse en völ ándere dames waore bezig mit de bleumkes en ’t make vân de gólde raegen.

Dames die mit de schieër en nald en draod hendig waore die begooste ân de vlaage. Vör ieder hoés ôp de Laakwaeg moos ’n vlaag gemâk waere en unne vlaagestok aangeschaft. De foto is gemâk beej Truus Troost (vân Kareltje vân de sni-jjer). Doe zuus Rie van ’t Hek, José van Giesen, Riem Timmermans, Truus Troost (ôp de rug), Marij Reivers, Truus Knelissen en Dien Cox.

Vorst Wiel Rutten waor d’r örs ni bliej mei, want de vereniging waor ok (oeëit) vân plan um vlaage te laote make. Dit gebeurde pas ’n paar jaor later. Toen koos ’t gánse daörep de vlaag oéthange. De örste vlaage evvel, die waore ôp de Laakwaeg te zeen ter gelaegenheid vân ’t prínsschap vân Príns Hans I, nów 33 jaor geleeje.

sponsoring Prínsemántel

Ok dit jaor haet sponsor Ger Schreven Parket wer beslaote um ’n ni-j kontrak aan te gaon vör de ni-je Prínsemántel. Al jaore is dit bedriéf de trouwe sponsor vân de mántel vân de groeëte Príns.

Iedere drie jaor hebbe weej de ieër unne ni-je mántel te meuge bestelle. Zoeë stieët de Príns d’r áltiéd moeëj gekleid ôp. Weej âs klub zien dân ok hieël gröts um same te meuge waerike mit Ger Schreven Parket.

Bedánk vör alles, names de Keieschiéters en haopelik meuge we dees samewaeriking nag lang veurtzette.

1000 + 1 materialen en gereedschappen voor in en om het huis

Weej weense iederiën enne f ijne carnaval en zet de bluumkes mar ‘s lekker buute

Chantal en Mario van Giesen, Raadhuisplein 17 ien Arcen

Intervjoew Áld-Prínse & Dansmarietjes

Unnen tiédlien vân steeds ellef jaor

Príns Chrit Haelermans †

Príns

Toon Drissen

Dansmarietje

Kitty Wennekers - Arts

Príns

Geert Brands

Dansmarietje

Kim Engelen

Príns

Jan Wennekers †

Dansmarietje

Riet Schreven - Broekmans

Príns

Pé Reivers

Dansmarietje

Yvonne Hendrikx - Stevens

Príns

Dirk Geurts

Dansmarietje

Natasja Pisarowitz

Jaomer genôg hebbe we áfscheid môtte neme vân Chrit Haelermans en Jan Wennekers. In 2022 hebbe we i.v.m. corona genne Príns en Dansmarietje gehad.

Vraog 1: Door waen ziet geej toen gevrog en woej is dât in zien waerik gegaon?

Riet Schreven-Broekmans: Toen ging ’t nag zoeë dât degene dae vör ’t twedde jaor beej de Prínsegarde waor, káns mâkte um Dansmarietje te waere. Ôp unnen traeningsaovend in de zaal beej de Smoes (Peters) kwaom vorst/veurzitter Piet Coenders en sikkretaris Piet Arts ôp bezeuk en krege we ’n drenkske in ’t kefee mit ’n brifke um te stemme ôp ’t Dansmarietje 1967. De stemme woorde geteld en ik, Riet Broekmans, waor de gelukkige. Daornao ginge we mit allemán naor mien elders um ’t ni-js te vertelle. Ze waore hieël verrast mâr ok hieël gröts. Nao völ oefene vör ’t dansje kwaom de örste zitting. Tielke Hendriks kwaom beej mich thoés um de pruuk ôp te zette. “Waen kump d’r oét de kei”? ’t Waor hieël spannend. Um ’n oor of twellef waor haen d’r dân. Príns Jan II (Wennekers). ’t Waor unne rustige Príns mit völ druuëgen humor, waor ik áltiéd aerig um moos lache.

Toon Drissen:

Ik bin gevrog door vorst/veurzitter Wiel Rutten. Wât mich is beejgebleve is dât we tiédes ’t oétstepke mit ’t bestuur naor ’n klub in Mönchengladbach, we unnen taksiesjofeur hebbe gevrog of eemus Piet vân Chries gezeen hâj, “Ein Mann mit einer dicken Zigarre im Mund”. Ze zeie allemaol dât ze zoeë eemus, mit die biezôndere kenmaerke ni gezeen hâje. Ze koosten eum ok ni gezeen hebbe, want weej wooste dât Piet daen aovend ôp unne verjaördig vân zien broor in Remund waor.

Âs örste de H. Mis âs formele aöpening vân de drie karnevalsdaag. Daordoor ok d’n örste Príns vân de Keieschiéters ôp de praekstool.

Kitty Wennekers - Arts:

In ozzen tied woor-se neet gevrog mâr koos-se aangaeve of se in aanmaerking wôjs kômme vör Dansmarietje. Ik wôj dit wâl, mâr moos dit natuurlik örs thoés vraoge ân mien elders of zeej dit ok good

vônde. Mien elders, karnevalliste in hârt en niere, vônde dit good en zoeë is ’t gegaon. In mien jaor waore d’r veer kandidate. Weej hâje ’n beej-ieënkôms beej de Inaborg mit ’t bestuur en daor krege we stembrifkes. Daegene dae volleges diech Dansmarietje moos waere kwaom baovenaan de lies en zoeë verder. ’t Bestuur en de leiding stemde ok mei. Daornao woorde de stemme geteld en kwaom ik âs Dansmarietje oét de bus. De stembrifkes meugde ik hálde en heb toen ok vör mich zellef ’n saort daagbook gemâk vân de ivveneménte vân dât jaor. De vollegenden daag kwaom Wiel Rutte vraoge of ik de stembrifkes nag hâj. Beej de totaaltelling vân de stemme doog haen dât d’r iets ni klopte. De brifkes woorde nag èns naogeteld en toen bleek gelukkig dât ik toch baovenaan stônd en ’t aantal stemme ok klopte. Waor nag wâl efkes spannend!

’t Spannendste is natuurlik de zitting en doe wees hieël gaer wieëte waen diene Príns wört. Dit waor Toon I (Drissen). Naodât haen oét de kei waor, waor dees spanning d’r ok vânáf en hebbe we, same mit Marij, ’n hieël gezellig karnevalsseizoen gehad.

Pé Reivers:

Wiel Rutten kwaom beej ôs ân de deur mit wât vraoge ovver de karnevalsliedjes. ’t Bleek áchteráf mâr ’n ekskuus te zien um wât gáns anders te vraoge, want toen haen wegging vroog haen mit de klink vân de veurdeur in de hand: “En wils doe neet de Príns van 1989 zien”? Ik hâj zoeëiets vân: laot dât ân mich veurbeej gaon, mâr toen begoos-ie ovver dât ôzze Joost ‘t ok waor gewès en dât zien vader dât toch ok wâl zuj môtte kunne. Ik zei dât ik ‘t d’r mit Marij ovver zuj hebbe en dân zuj ik ‘t eum laote wieëte.

Achteraf waor ik toch wâl mieër verieërd mit de vraog dân dât ik hâj gedoog. Dus ‘t woord: Jao!

En dân begint ‘t stiekeme gedúns. Ik moos 6 jannewarie oétkômme en daags vör Kersmis storf ôzzen dirigent vân Mannekoeër Arch Luit plotseling. Weej zujje mit Arch Luit ok ôptraeje âs de Mainzer Hofsänger.

Dât waor natuurlik unnen groëten dômper en Wiel Rutte kwaom aan, um ‘n rundje mit d’n auto te rije um miene gemoodstoestand te preuve.

We stônde stil ôp d’n Dorperheidewaeg um wât te praote toen daor ôpèns mit groët vertoën unnen auto vân de douane ôp ôs áf kwaom rije. Wiel zaet nag tegge mich: “Âs d’r unnen Ârcese beej zit dân rens doe heej ‘t veld in”. Mâr dât veel gelukkig mei. We mooste ôs legitimere en ik hâj allieën ‘n bankpeske te bieje. Of ze ziech gedoog hâje smoekelers betrapt te hebbe, wieët ik neet. ‘t Waor gelukkig good en we woorde neet gearresteerd.

‘t Oétkômme waor ok ‘n hieële belaevenis. Alles moos vlot vlot want ik hâj daorveur nag gezônge ôp de bühne. ‘s-Aoves ginge we nao de zitting naor t hoeés vân Dansmarietje Yvonne (Stevens), waor ok ôs drie kiender naor toe kwaome. Toen waor ‘t ech allieën mâr koffiedrinke en zoeë ging dât d’n twedde zittingsdaag ok beej ôs thoes. Niks gen eier braoje of zoeë-iets. Allieën koffie!

Dât is volges mich teggewaorig wâl ánders.

Yvonne Hendrikx-Stevens

In d’n tiéd dât ik beej de Prínsegarde zoot woors-se ni gevrog, mâr koosse diech vân te veure ôpgaeve of se Dansmarietje wôjs waere. Dât woord dân ôpgeschreve en de res vân de Prínsegarde woos dât dân ok.

Ôp unnen aovend woord d’r dân gestemd. Âs d’r mâr ieëne waor, daen ziech kandidaat gesteld hâj dân koos-te veur, taege of neutraal stemme en âs d’r mieërdere name waore dân stemde ze ôp daen, daen doe gaer âs Dansmarietje hâjs.

Tiédes de verkiezing waor vorst Wiel Rutten en nag twieë ándere vân de Karnevalsvereniging aanwezig. Jao, en doe raojs ’t al; vör dât jaor woord ik gekaoze. Ik vônd ’t fantasties!

Geert Brands:

Dinsdig 16-11-1999 17.15 oor. Harry Imming ân d’n tillefoon. Ik hâj Harry ôp de Ouverture nag oétgebreid gespraoke en dooch, wât zuj daen vergaete zien um te vertelle?

Geert, ik gui diech ’n vraog stelle: “Wees diech Príns waere”? Daor wil ik toch wâl efkes ovver naodínke, zuus-se mich al staon mit die muts en dae knuppel? Karnaval vind ik keileuk, mâr laot mich mâr mit mien pilske lekker ân de hangtaffel staon. Ik hôf ni persé veurôp te loeëpe! Ik waor wâl verrast, umdât ik d’r nag noeëjt ovver naogedoog hâj dât ze mich zujje vraoge um Príns te waere. Eigelik waor ik d’r mit Jacqueline al vlot oét; doe kâns mâr ieëne kieër in dien laeve Príns waere en in ôs daörep is ’t toch wâl ’n ieër âs ze diech vraoge. Vriejdig 19-11-1999 um 14.30 oor, Harry gebeld. “Ik duj ‘t”. karneval kômmend jaor ôp ’n hieël ándere manier!!! Ik laot ’t ôp mich áfkômme. Teks vân Harry; dínk nao ovver de ônderschei-jing (natuurlik unne voetbalschoon), zwarte schoon, zwarte zök, vierkánte manzjetknuuëp, foto’s vân vroeger, 28 jannewarie 2000 örste zitting, 31 jannewarie 2000 foto’s make, wievöl kertjes nuuëdig vör de twedde zitting?

Aanmaete pak, enz. Ik zoot d’r ân vás…..

Kim Engelen:

’t Waor in ’t zaaltje vân kefee Raijer. Daor deeje we áltiéd mit de Prínsegarde oefene vör ôzzen dáns. Ik bin d.m.v. stemme gekaoze tot Dansmarietje. Ik wieët ni presies mieër waen d’r allemaol meugde stemme. In ieder geval de Prínsegarde zellef, de leiding volleges mich en ’t bestuur. Mâr dit wieët ik nimmer zoeë presies. Iederieën moos de naam ôp ’n brifke schriéve, waorvan haen vônd dât Dansmarietje moos waere dât jaor. De brifkes woorde in unnen hood gestop en vervolleges woorde de stemme d.m.v turve ôp ’n kriétbord bekend gemâk. En ôp daen woensdigaovend 6 oktoeëber 1999 kwaom miene naam âs meisgenumde naor veure en woord ik Dansmarietje vân Karneval 2000!

Dirk Geurts:

Ik woord ôp de zôndigmaerge nao de Oktoeëberfieëste door Ed Hegger gebeld. Ik waor nag zô blauw âs unnen tierelier en doog: “Wât môt daen nów zô vroeg”? Heej Dirk, heej Ed. Frans Cup môt diech wât vraoge. “Dirk, weej hebbe beslaote dâs diech hoeëgheid vân 2021 wörs”. “Jao, jao, tuurlik Cup, ik heb gennen tiéd, bin ân ’t verbouwe. Ik doog dât ’t ’n grepke waor. Dínk d’r mâr us ovver nao, zei Frans en dân belle we maondigaovend wâl trug. Ik bin wer rustig in slaop gevalle, want d’n Hertog Jan waor nag lang neet oét mien blood verdwene. ’s Middigs zeej ik Frans ôp ’t voetbalvéld en haen löt gaar niks maerike. Zuus-se nów wâl, doog ik beej mich zellef, ’t waor ’n grepke.

Maondig gui ik gewoeën waerike en d’n daag is zoeë um. ’s Aoves aete beej mien elders. Ik zit toch wâl ’n bietje mit ’n apârt geveul te aete. Zuj ’t ni toch….. mâr ’t wört 20.00 oor, 21.00 oor en d’r belt neemus. Ik doog nag: “Zuus-se wâl, ’t waor ’n grepke”. Wies um 21.45 oor d’n tillefoon gieët: Ed Hegger! Slik!!

Natasja Pisarowitz:

Vör Dansmarietje bin ik ni gevrog. We mooste âs lid vân de Prínsegarde unnen top 2 doorgaeve vân megjes die weej âs Dansmarietje zujje wille. Naodât we dit gedaon hâje kreeg de leiding de stembrifkes. Vânoét die stemming bekiekt ’t bestuur dân waen Dansmarietje wört. Beej mich is dit bekend gemâk in kefee de Gats d.m.v. unne kwis. Ik kreeg same mit wât ándere verschillende vraoge. Oét die vraoge kwaome nummers âs ántwaorde. Die nummers same vörmden ‘n 06-nummer. Ieën nummer vân volleges mich Frans Cup en de ándere waore verzônne. Dus nao alle vraoge beantwaord te hebbe, hâj ik ’t nummer vân Frans Cup te pakke.

Vraog 2: Wât waor d’r spesjaal of ôpmaerkelik aan oowen tiéd âs hoëghede?

Riet Schreven - Broekmans: De karnevalsdaag waore wâl ’t högtepúnt, weej hebbe unne ontzettend leuke karneval gehad, ok same mit toen nag zien vriendin, Truus Stevens, geweldig! Um mâr wât te neume: ’t bezeuk ân de kránke, daornao de Kiénderzitting, ’t getrouwdenbál waor ik naor toe meugde, ’t bezeuk ân Jông Ârce, bezeuk brouwereej, de sleutelaoverdrach ôp ’t gemíntehoés, de eige resepsie, ’t áfhale vân de Príns, d’n ôptoch en ni te vergaete d’n dínsdig mit de vrachwage vân Sjeng Arts.

Toon Drissen:

Ínkele biezôndere ervaringe: resepsie in de Oude Hoeve, bezeuk ân de Soos, verkenners, voetbalbál en ’t getrouwdenbál. Oétkômme in de Bieb, bezeuk ân de kránke in de verzörrigingshuús, ballonprikke mit ’t dansmarietje ôp ’t biljart in kèfee d’n Inaborg, unne marathon mit ’n geweldige Hofkèpel.

De boétegeweste waor nag ’n bezeuk woord gebraóch ân: Kèfee Kippers, Hotel Roland, Klein Vink, De Maasvallei (nou camping Spa), Severin (nów ‘n woëning ok ân de Daörperheidewaeg), Camping de Schans (nów Resort Arcen), kèfee Achten (nów ’n woëning), De Sport, Pannenkoekenhoés de Bosrand (toen femilie Stam).

Toen waore d’r in ’t daörep ok nag völ miër kèfees die woorde bezoóch: Maashotel (nów La Tour Meuse), Buitendijk (nów Alt Ârce) Jet en Frans Rayer, de Inaborg, ’t Pleintje (nów de Maert), de Oude Hoeve (nów Hotel Arcen) en zaal kèfee Elbersen (wies vör kôrt de Chinees).

Kitty Wennekers - Arts:

De Prínsegarde meugde ok áltiéd mit naor ’t koffiedrinke en ’t waor dân duk ’s náchs laat of ’s maerges vroeg, woej-se ’t ok wees neume, dât zeej naor hoés woorde gebraóch door de leeje vân de Raod vân Ellef. D’r waore toen elders die heer bezwaor taege mâkte. In ’n vergadering mit de elders is toen áfgespraoke dât de Prínsegarde um 01:00 oor zuj waere ôpgehaald mit unnen taxi en dân thoés gebraoch woorde. Âs weej dân ’n ivvenemént hâje stônd ôp ’t end Taxi Bér vör de deur, daen ôs netjes naor hoés braóch. ’t Lifs hâj-se dân dât haen örs de megjes naor hoés braóch die ’t wiétste weg woeënde, want dân koos-se nag wât langer in d’n taxi zitte dit waor wâl hiël gezellig.

Pé Reivers:

Dân bees-se Príns en âs Príns haes-se verplichtinge. Aldewiéverdaag kûmp en dât wört ôp de maert geaöpend. Weej hebbe âs Príns en dansmarietje de Keieloëds geaöpend. Die waor toen nog in de Steeg in de vroegere eierloëds. Resepsie in Lômm en Vélde en de resepsie vân de kleine Príns. Kleine Príns waor toen Martijn van Hoppe. Zien dansmarietje waor Janneke Gooren.

Mien eige Prínseresepsie vônd ik hiëlemaol geweldig. ’s Maerges hâje we de Heilige Mis gehad en ’s aoves dân de resepsie.

Waen daor allemaol kwaom: De Laakwaeg, de Volleybalklub, de gemínt, Arch Luit en vörál de femilie die ziech allemaol âs sprookjesfigure hâje verklei-jd. En dân allemaol die Ârcenaere die diech kômme felisitere. De kollega’s vân de gemínt hâje ziech ok wât leuks laote invalle. Alle dinge die ôp mien waerik vörbeej kwaome hâje ze oétgebeeld. Verkiezinge, jachtakte, trouwerij, gebaorte en doeëd gaon, militaire díns, vremdelinge. Ok de femilie vân Yvonne en de Koestraot gove “acte de présence”. ‘t Waor ’n bônt gezelschap. Waerkelik ’n fantastiese resepsie.

Dân wört ’t maondig en dân kûmp de gánse klub de Príns áfhale. ‘t Waor zon práchtig waer dât weej beej ôs áchter boéte kooste zitte. In dât zônaovergaote Ârce trok ’s middigs d’n ôptoch. Prachtig gewoën. Dínsdigs de boétegeweste. Ok ónder ’n straolend zûnke. En toen waor de áfsloéting um twellef oor beej kèfee d’n Inaborg ôp ’t biljart. Dân is ’t áfgeloëpe en keus-se hoeëgoét thoés nag koffie drínke.

Yvonne Hendrikx - Stevens:

Alles is spesjaal en ôpmaerkelik in dât jaor. ‘t Oétkômme ’n pracht momént. Spannend mâr ok spesjaal. De gardedans, de ôptochte, de resepsie, ’t same aete mit de Raod en iënen daag mit de Prínsegarde d’r beej. Doe wörs gelèf, ik wôj ’t zô gaer mitmake en unnen druuëm kwaom oét. Doe geniets daor dân ok ech vân. Wie Pé oét de kei kwaom waor ik ok ôpgeleuch. ’t Waor vör ôs allebei ’n ónvergaetelik jaor, dankzij hiël völ mínse, elders, femílie en vrínde vân ôs alletwië.

Geert Brands:

Taegevraog, wât is d’r ni spesjaal of ôpmaerkelik ân dien eige Prínse jaor?

Alles is spesjaal vân ’t tillefoontje vân Vorst Harry mit de vraog of-se Príns wees waere, wies zôndig 12 november 2000, Ouverture en áftraeje!!

Âs ik dân toch wât zake môt neume: Alle mínse binne de vereniging die ôp eur maniër alles doon um diech, (binne de vereniging unne “vremde”) unne geweldige vastenaovend te laote belaeve. D’n band daen al snel ôntstiët mit dansmarietje Kim en eur elders en femílie, echte karnevaliste!

De Raod vân Ellef, bestuur en Prínsegarde waor-se al daag mei ôp stap bees. ‘t Entoesjasme, de fellesitasies die-se kriegs vânoét ’t gánse daörep, ’t krénse door de Maasstraot!

Dâs-se nogal wât leuges meugs/môs vertelle vör ’t oétkômme. De verbazing vân mien elders en de geweldige reaksie vân mien femílie en ôzze karnevalsgroep de Leeberg Trippers. De ontmoeting en ’t ôntvange vân onderschei-jinge vân Príns

Leon I vân de Limburger Kangaroes oét Melbourne en vân Príns Con I vân de Wombats of Gippsland Traralgon Australië beej ’t inluúje ôp de brouwereej.

Kim Engelen:

Pffff dit zien vân die vraoge…..Eigelik waor alles spesjaal! Vânáf ’t momént dâs-se gekaoze wörs, de spannenden tiéd waorin-se neet wets waen diene Príns gieët waere, iederieën daen diech gieët zegge waen ’t waere zal. Zellefs ôp 1 jannewarie, wie ik ân ’t waerik waor beej Alt Ârce, heb ik ’n brifke gekrege vân Chris Reutelingsperger daen mich de naam vân de Príns hâj ôpgeschreve, umdât haen ’t zeker mende te wiëte. Ik meugde ’t pas nao ’t oétkômme vân de Príns laeze (wieët nimmer welleke naam d’r ôp stônd, ’t waor in ieder geval ni de gôje, haha). Mâr ok ’t oefene vân d’n dáns, dienen dáns, de zenuwe vör de örste zitting, giët d’n dáns wâl good? En dân de spanning vöráfgaond ân ’t oétkômme, waen zal ’t zien? ‘t Oétkômme zellef natuurlik, alle aktiviteite die daor ôp vollige, eier aete, ’t krense waor trouwes ok ’n super högtepúnt. ‘t Waor ’n gevalletje: “what happend at the akestreet, stays at the lakestreet ”.

Gelukkig waore d’r toen nag gen social media en mobieltjes mit fancy kamera’s d’r ôp. D’r wört nag steeds ovver gespraoke wies ôp d’n daag vân vândaag… Ik geluuëf zellefs dât vânáf ’t jaor daor ôp d’r wât regels aan ’t krense gehange zien. Mâr natuurlik ok de vastenaovend zellef, alle daag stuk vör stuk geniete. Mâr ’t belangriékste is dink ik wâl de superklik daen ik hâj mit miene Príns Geert Brands en zien vrouw Jacqueline! Wât unne moeëjen band bouw-se in zonne kôrten tiéd ôp. Dât is ech ónbeschriéfelik en ni mit ’n pen te beschriéve. Dus jao….högtepúnt….? Ik dink dât ’t vân begin oktoëber t/m begin mârt iën groët högtepúnt waor!!!!

Dirk Geurts: Eigelik waor ’t gánse Prínsejaor spesjaal. Dât zaet iederiën natuurlik mâr dât is ok zoë. ‘t Gebeurt diech iëne kiër in dien laeve en ik hâj d’r eigelik noeëjt beej stil gestaon dât ik oeëjt Príns zuj waere. Daordoor hâj ik d’r ok noeëjt ech ovver nao gedooch en ging alles eigelik vreej gemütlich. Ok vör Ed en Frans waor ’t d’n örste kier dât zeej unne Príns begeleide en dât ging ze hieël good áf. Eigelik pakte ziech dât vânáf de örste minuut. Nou ja, laote we zegge vânáf d’n daag dât ik ok begreep dât ik Príns zuj waere .

Natasja Pisarowitz:

Alles is eigelik wâl spesjaal âs-se Dansmarietje bees! Ik vônd ’t veurál hieël moeëj dât ik Dansmarietje waor, toen pap zien laeste jaor beej de Raod vân Ellef zoot. En wie Dirk oét de kei sprong hâj ik gen idee waen ’t waor, mâr gelukkig waor d’r enne gôje klik en hebbe we d’r ’n moeëj fiësje vân gemâk.

Vraog 3: Wât is oow ’t meiste beejgebleve vân oowen tiéd âs hoëghede?

Riet Schreven - Broekmans:

De boétegeweste en zeker ’t aertesoep aete ôp St Paul, ’t waor ieën groeëte Ârcese femílie. ’t Waor unne geweldige vastenaovend!!! In de zomer hâje we ok nag ’t bezeuk ân ’t Roeëje Kruuts Scheep en ân ’t Astma kamp. ‘t Waor ’n geweldig jaor vör mich âs dansmarietje, Príns Jan II en zien Truus.

Toon Drissen:

’t Vaat beer dât door Hay Schreven âs bühnemeister woord getapt beej ’t áfhale vân de Príns. ’t Waor dât jaor dât d’r ’n weddeschap haet plâtsgevônde waorin Vorst Wiel Rutten

maondigaovend nao ôntvangs beej mich thoés Hay Schreven duúdelik mâkte dât ’t vaat beer wât daen maondig beej mich thoés vertapt waor ni gáns laeg waor. Hay waor zeer ovvertuugd dât dit ni zoë waor. D’r woord áfgespraoke dât de volligende maerge um 08:00 oor dit bewuste vaat, wât nag ôp d’n tap zoot, gekontroleerd zuj waer door Harie Munten, dirigent vân de Hofkèpel um te kiéke waen d’r geliek zuj hebbe. Daezellefden aovend laat is Vorst Wiel naor de Oude Hoeve gegaon um daor ’n vaat te hale wât nag ni gáns laeg waor en dit beej ôs te wissele. Daen maerge stônd Hay al um 07:30 oor beej mich veur de deur um vör de zekerheid te kiéke of ’t bewuste vaat ech laeg waor. Haen waor wârschienlik toch ân ’t twiéfele geslage. Haen schrôk ziech woej haen konstateerde dât d’r nag zeker 10 liter in zoót. Hay koppelde ’t vaat áf en leep d’r mei naor boéte en leet d’n inhald in de rioolput loëpe waor ik beej waor. Wie um 08:00 oor Harie Munten kwaom vör de kontrole konstateerde haen natuurlik dât ’t vaat gáns laeg waor. Vorst Wiel ging naor Hay en zei dât haen 100 % zeker woos dât ’t vaat ni laeg waor. Hay reageerde mit de gevleugelde oétspraok, ik zeg nog iëne kiër: ÔP = ÔP en LAEG = LAEG! Dit waor d’n basis vör ’n lange periode vân ’n rollespel beej ’t áfhale vân de Príns tusse Bühnemeister Hay, Vorst Wiel en de Raod vân Ellef.

Hiël biezônder is de vríndschap die is bliéve bestaon mit dansmarietje Kitty en eur zeuster May en de biezôndere bánd mit eur elders Gonnie en Toon Arts.

Kitty Wennekers - Arts:

’t Waor ’n fantasties jaor. Mit völ högtepúnte. Hiël ánders dân dât ’t nów giët. Weej trokke door de straote mit de Hofkèpel vân kroeg naor kroeg (die waore d’r toen nag völ) en de boétegeweste waor ’n fiësje ân ziech. De áfsloéting vân de vastenaovend waor nag um 12:00 oor ’s náchs.

’t Waor ’t jaor dât de resepsie vör d’n örste kiër woord gehálde in de Oude Hoeve.

’t Verhaal wât mich áltiéd is beejgebleve is dât vân Hay Schreven.

Pé Reivers:

Ok ’n hiële leuke gebeurtenis mit nog ‘n “ôptraeje” vân Hay Schreven. Daen doóch ôs de stuúpe ôp ‘t liéf te kunne jage door mit unnen aerum in ’n verbánd te melde dât haen ônmeugelik zien taak âs sirremoniemeister koos vervulle. Wiel Rutten vroog eum wât d’r dân gebeurd waor en toen Hay dât vertelde zaet Wiel: “dân môs doe nao ’t ziekenhoés. Ik bel Bér Achten, daen brinkt diech wâl”. Dao schrôk Hay vân, want dât waor neet de bedoeling. Toch woord haen in de taksie gedowd en áfgevoerd. Haen waor nag neet ân ’t Lottums vaer, woej haen ’t verbánd d’r al áf hâj en trug wôj. Dât haet Bér toen ok mâr gedaon.

Ik volligde Henk Clevis ôp, daen toen de langste Príns waor en nag áfgetraoje is ôp de zitting vân ’t jaor daor ôp. Mâr ik waor d’n örste daen moos áftraeje ôp de ouverture in november. Zoë waor ik nao de langste Príns, de kortste Príns. Dât áftraeje haet de volleybalklub gedaon. In waerkelik unne geweldige wedstriéd tusse de gôje en de baetere woorde Yvonne en ik langzaam ôntdaon vân de versiersele die ôs tot Dansmarietje en Príns mâkte. Ôp ’n gólde hánd woorde weej daornao vân de bühn gedrage. Ik vônd ’t spektakulair.

Yvonne Hendrikx - Stevens:

De Gardedáns mit de ándere vrouwluuj en ’t oétkômme vân Pé. ’t Klikte geliék good, dus ôs karnevalsjaor koos beginne! Doe geniets ôprech vân alles wât d’r vörbeej kûmp. De karnevalsmis waor prachtig, ’t drübelkesbál beej d’n Inaborg, de ôptochte, de resepsies, toen nag de naam getrouwdenbál. Karneval ôp schoël. Alle ivveneménte laote ’n herinnering áchter vör áltiéd. Alles wât d’r veurbeej kûmp is spesjaal vör Pé en mich en vör de jeugdPríns, Dansmarietje, Adjudánte en Belleur (zoë numde ze eum toen, nów sirremoniemeister). Ik dink dât ik names iederiën meug spraeke, ’t waor Kei Gaaf. ’t Waor in iën waord geweldig. Ik hâj dât noeëjt wille misse.

Geert Brands:

Ik kân heer gen keuze in make, alles is mich beejgebleve!!!!

- ’t tillefoontje vân Vorst Harry mit de vraog of ik Príns wôj waere.

- Alle ontmoetinge/tillefoontjes mit Harry vör ’t oétkômme, pak passe, steek oétzeuke, enz.

- ôp 1 jannewarie ôp stap mit vrínde en Piet Engelen haet mich daen daag unne kiër of 6 verteld dât zien daochter dansmarietje zuj waere….(daezellefde Piet stônd ôp de zittingsaovend um 19:00 oor te pinne beej de Rabobank (ik waor nag aan ’t waerik) en vroog mich of ik vânaovend naor de zitting kwaom, nae dus, kertjes vör de 2de zitting, völ plezeer Piet, haop dât dien daochter enne leuke Príns kriég!!)

- De ônderschei-jing die oéteraard pas ôp d’n daag vân ’t oét kômme klaor is.

- Kertjes hale vör de 2de zitting, mit ôpmaerkinge dât daegene daen Príns zal waere pas laat kertjes môt hale, zoëdât haen d’r gen miër kân kriége vör de 1ste zitting. Ik heb toen aangegaeve dât ik pas laat waor en dus wârschienlik ‘n gôje káns hâj um Príns te waere……reaksie vân Theo van Well: al zujje ze diech vraoge, diech deus dât 100% zeker neet!!

- 24 jannewarie 2000 Bastianusmaondig, waors mit zoórmoos aete en mit de gánse zaal zinge vör de ni-je Príns daen nog ni oétgekômme waor, mâr misschien wâl in de zaal zit, hiël apârt.

- ’t oétkômme vriejdig 28 jannewarie 2000 (um 01:15 oor) ech geweldig de reaksie vân Kim, de zaal en de artieste.

- Alle reaksies nao ’t oétkômme.

- Krénse door de Maasstraot!

- Fieësaovend mit de Prínsewage bouwers.

- Karneval 2000, schoëlkarneval - inluúje - resepsie jeugdprins - sleutelaoverdrach - eige resepsie - ôptoch dân bees-se ech Príns - boétegeweste.

Kim Engelen:

Tja…wât môt ik heer nów nag miër ovver zegge?

Eigelik alles, iets um noeëjt te vergaete.

Dirk Geurts:

Wât mich ’t meiste is beejgebleve is dât miene vríndegroep inèns vastenaovend ging viére. Ze waore beej de zittinge, d’n ôptoch en zellefs beej ’t shoarma aete nao áfloëp. ’n Ánder moeëj momént waor beej de Sport waor weej ôp ’t biljart stônde mit de Príns vân Kölle (alias wijlen Jan van ’t Hek). Al mit al zien d’r zôvöl moeëje moménte dâs-se ‘n oneindige liés keus make.

Natasja Pisarowitz:

Ik vônd ’t prachtig um mit de vastenaovend veurôp te meuge gaon mit Dirk, we hebbe same völ gelache en gedáns. Vörál âs ’t nummer “Hello vân Martin Solveig & Dragonette “ veurbeej kwaom dân mooste we wâl gaon danse. Dit hebbe we iënen aovend beej de Gats volleges mich wâl 11 minute lang vólgehálde en ôndertusse gebroékte we de barkrukke âs trômme.

Áfsloétend ân de vraoge en ántwaorde die we hebbe binnegekrege wille weej de hoëghede vân 19561967 -1978 - 1989 - 2000 en 2011 bedánke vör de reaksies.

Samegesteld door:

Edward Cox en Ron Vousten

Bezoek de Hertog Jan brouwerij in Arcen

Reserveer direct op www.hertogjan.nl/brouwerij

Van authentieke koperen brouwketels tot een sfeervolle kelder met flessen Grand Prestige van diverse jaargangen. Tijdens een brouwerijbezoek volg je onder begeleiding van een ervaren gids het complete brouwproces. Je ruikt de hop, proeft de mout en natuurlijk... het bier. Na afloop breng je een bezoek aan de brouwerijwinkel en in Café de Hertog Jan Proeverij wordt je een heerlijk glas Hertog Jan Pilsener aangeboden. Je bent van harte welkom.*

* Nu ook op zondag geopend.

Met trots voor u gebrouwen. Geen 18, geen alcohol.

Weej, Príns Tom d’n Örste,

Beej de grasie vân de Raod vân Ellef.

Prins vân Ârce, zônder die vân Lômm en Vélde.

Groëtvors in de Orde vân d’n Ârcese Kei.

Kommandeur in de Orde vân d’n Hoephap.

Beschaeremhiër vân ‘t zwake geslách vân de Kaetelaers oét Steyl.

Zoën vân John en Els Imming en grötse pap vân Jaxx en Liv.

Keurvors in ’t verkoeëpe vân Sjalets of vakánsiehuús in de BeNeLux.

Groëtmeister in ’t make en verkoeëpe vân mienen eige parfum.

Ridder in de Orde vân vriendegroep “de Zomergengers” en zittingsgroep “Völ Plezeer”

Gouverneur in ’t belke slaon ôp de golfbaan.

Alzoë weej in ovverwaeging genaome hebbende, dât ‘t dinstig is um verordeninge te treffe in ‘t belang vân ôs ônderdane, gelet ôp artikel ellef vân ‘t vastenaovesriggelemént, verordene weej en doon te wieëte,

Ten örste: Dât ik haop dât de woeëninge ôp de Dunantstraot vlot klaor zulle zien en dât die woeëninge verdeild waere ônder eige jônge en alde bewoeëners vân Ârce, zoeë-dât Ârce ok Ârce bliéve kân.

Ten twedde: Dât ik net âs Príns Bart in 1994 anderhallef jaor miene mônd heb môtte hálde. Verschil is wâl dât ik én hoeëg water én corona heb meigemâk.

Ten derde: Dât ik vân meining bin dât ’t baeter is dât de busroete verplâts wört, mâr dât ik haop dât d’r ok wört gedooch ân mínse die slaech ter bieën zien, zoeëdât die neet mit d’n taksie naor de bus gebraoch hôvve te waere.

Ten verde: Dât ik ôntzettend bliej bin dât ôs waekbledje “De Maasdorpen” is aovergenaome en zoeë de mínse die genne kompjoéter hebbe toch ôp de högte kunne bliéve vân ’t wel en wieë in ôs prachtige daörep.

Ten viefde: Dât vörrig jaor, ôndánks de bepaerkinge door corona, tóch vör de jeugd unnen hoeëgheid is oétgerope en we zoeë ’t fieës der fieëste toch ’n bietje hebbe kunne viére.

Ten zesde: Dât ik de pagina “Arcen leeft” ôp facebook wâl ’n aanvulling vind, mâr dât ik neet kontinu hôf te wieëte waen zien kat kwiét is of waor ik ’t baeste zônnepanieële kân koeëpe.

Ten zivvende: Dât ’t ân Ârce, âs stadsdieël vân Groeët Venlo, de ieër waor um d’n Ôpstaeker te meuge ôntwaerepe. Ôs Iérelid Peter van ’t Hof haet d’r ’n karnevalleske oétveuring vân gemâk.

Ten achste: Laote we haope dât de wínter ni zô káld wört âs de zomer áfgeloeëpe jaor heit waor…..anders hálde we mit dees innerzjiepriéze nag gen géld mieër aover um same mit oow te prooste ôp de Vastenaovend.

Ten niggende: Dât ôzzen Aldewiéverdaag dit jaor vör de 55e kieër wört geörganizeerd. Ik roop via dizze waeg alle vrouwluuj vân Ârce ôp um mei te doon ân dit jubileumfieës ôp zôndig 5 fibberwarie aanstaonde.

Ten tiende: Dât ik bliej bin dât de sfeermaerte wer door kooste gaon áfgeloeëpe zomer. Nów nag wât laevende meziek ôp ’t plein wies ’n oor of 11 en alles is zoeë-âs ’t môt zien.

Ten ellefde: Dât Príns waere áltiéd unnen druuëm vân mich waor en dât ik same mit mien Dansmarietje Britt én same mit oow d’r unne fantastiese Karneval vân gui make.

Aldus gegaeve te Ârce 7 jannewarie 2023, Príns Tom d’n Örste

fijne carnaval!

FOTO’S OéT DE ALDE DOeËS

Wij vinden de beste kandidaat uit de regio

Venlo

Blerick

Tegelen

Reuver

Roermond

Panningen

Venray

De koffie staat voor jou klaar.

Werkt lokaal. Voor elkaar.

Diensten & branches

• Uitzenden

• Werving & selectie

• Selectie

• Vacature Service

• Talentpools

• Dedicated Service

• ABU, NEN, SNA

• Administratief

• Commercieel

• Industrieel

• Technisch

• L ogistiek

www.invitejobs.nl

Het barbecue seizoen is weer begonnen!

Heerlijke all-in barbecues van ambachtelijke kwaliteit uit Velden!

Compleet verzorgde barbecues met salades, sauzen, borden, bestek, stokbrood en kruidenboter.

Wij verzorgen zelfs de afwas!

D’n ôpstaeker 2023

D’n Ôpstaeker: klooneske trekpôp mit ’n knipögske

Zoë-âs geej waarschienlik al allemaol wet haet Peter van ‘t Hof dit jaor d’n ôpstaeker ôntwaorpe. Weej âs vereniging hebbe

Peter gevrog umdât haen ziech jaorelang ôp ’n hiël kreatieve maniër mit ôs vereniging haet bezig gehálde.

In vroeger jaore beschilderde haen al de rame vân de kefees mit allerlei karnevaleske figure. Haen stônd ân de wieg vân d’n örste Keieschiéter daen ôp de maert stiët, mâkte prínsewages en ôntworp decors vör ôs zittinge. Ok de revues die de Keieschiéters ôpvoerden stônde ônder zien leiding. Al mit al ’n groeëte kreatieve staot vân verdinste vör ôs klub. Daorum hebbe we vör

Peter gekaoze en haen haet d’r iets fens vân gemâk.

Peter zelf vônd ’t ’n iër um heej mei ân de slaag te gaon. Haen wôj ’t geveul verbeelde dât past beej unne vastenaovend daen eindelik wer gevierd kân waere, zoë-âs ’t huuërt. “Ik kwaom oét beej de alderwetse trekpôp, die al bestiët sinds 1700. Dât in kombinasie mit de kloon âs karnevalsfiguur beej oétstek, guf waer woej ik ’t zeej. ’t Motto vân dizzen ôpstaeker is: trek zellef us dínkbeeldig ân ’t tuiwke, zoë-dât ’t vastenaoves geveul wer giët broése en tíntele.”

Um d’r ’n ekstra joeksig tíntje ân te gaeve, goof haen de pôp mit kloonsgezeech ’n ballon in de hand. Vastenaovend of neet, in allebei de coronajaore is wâl d’n ôpstaeker oétgebraoch. D’n brosj is ’n inisjatief vân de stadsdiëlvereniginge Jocus (Venlo), de Wortelepin (Bliérick), D’n Oéles (Tegele), de Belhamels

Ôp de foto kunt ge ’t gánse gezelschap, mit Peter en Dolly, zeen tiédes d’n Ellefde vân d’n Ellefde beej ’t ôntvangs ôp ’t Stadhoés in Venlo.

Waen de spaeld köpt en drug löt daormei de betrokkenheid mit de vastenaovend in ôs gemínt en waardering vör de völ vreejwilligers die ziech heejveur inzette zeen. ’t Is ok bedoeld âs finansjelen “ôpstaeker” vör de aktiviteite die de Karnevalsvereniginge organizere.

Vör € 5,00 is haen beej alle ivveneménte vân de vereniging en beej de Spar te koeëp.

Kránt oét de alde doeës

“de keieschieters” ârce en de AVG

Sins 25 mei 2018 is de Algemeine Verordening Gegaevesbeschaerming (AGV) vân toepassing. Dât beteikent dât in de gánse Europese Unie (EU) dezellefde praivisiewetgaeving geldt. Dees verordening geldt vör alle organizasies, dus ok vör Karnevalsvereniging “de Keieschiéters”. De vereniging hecht völ waerd ân ’t beschaerme vân de persoënsgegaeves en um ân de ni-j wetgaeving te voldoon.

Wât hebbe weej gedaon um ân dees verordening te voldoon?

Zônder oow tevöl te belaste mit detais, hebbe we in ’t kort beschreve wât weej âs vereniging gedaon hebbe um ân dees verordening te voldoon.

In klein kommitee is bepaold wât d’n impekt vör de vereniging is en wellike maotregele genaome môtte waere um persoënsgegaeves te beschaerme vân ôs leeje, mâr ok vör ôs gaste en diëlnemers vân ôs ivveneménte.

Zoë hebbe we ’n zoëgenaamde “Privacy Policy” ôpgesteld en gepubliseerd ôp ôs websait. In dees praivesie pollesie wört hélder en transparánt waergegaeve woej weej âs Karnevalsvereniging “de Keieschiéters” umgaon mit de persoënsgegaeves binne ôs vereniging. Verder hebbe we krities gekeke of d’r ni te völ gegaeves ôpgeslage waere vân beejveurbeeld diëlnemers ân d’n ôptoch. Daor waor nuuëdig hebbe weej maotregele getroffe um te vörkômme dât te völ praivesie geveulige informasie wört bewaard.

Wât maerik-se âs gast/diëlnemer vân de maotregele?

Tiédes ôs ivveneménte make weej foto’s vör sfeerrapportaazjes. Dit wört ok kenbaar gemâk âs-se binnekeums beej de verschillende ivveneménte. Gemâkte foto’s zulle neet zônder oétdrukkelikke toestemming gediëld waere vör ándere doeleinde dân de sfeerrapportaazjes.

Âs-se âs gast vân ’n ivvenemént neet gefotografeerd wees waere, keus-se dit ân de fotograaf kenbaar make en daen zal owe wíns natuurlik respektere. Meugen d’r foto’s ôp de sait geplâts zien, waorbeej geej ‘n gegrônde raeje hebt dât die neet gepubliseerd meuge waere, hebt ge ’t rech de foto’s te laote verwijdere.

Weej vertrouwe d’r ôp oow heejmei genôg geïnformeerd te hebbe.

Gelegenheidskleding

Telefoon: 077 323 08 20

e-mail: info@joseduckers.nl

Bij ons vindt u gegarandeerd de gepaste kledij voor iedere feestelijke gelegenheid. Van een exclusieve gala- of cocktailjurk, een stijlvol smoking of jacquet tot en met smokinghemden, lakschoenen, strikjes, stropdassen, bretels, strepenbroeken, petten, hoge hoeden en manchetknopen. www.joseduckers.nl

Baarlosestraat 128, 5923 AP Venlo

5 x 11 jaor alde wiéverdaag

‘t Is fibberwarie 2022: éch fiëste meug nag ni, mâr veurzichtig viért ’n aantal vrouwluuj in Ârce alwèr Aldewiéverdaag. ’t Kefee is aope, mâr doew môs diech nag wâl aan wât regeltjes hálde. Netjes ôp de kruk bliéve zitte, beejveurbeeld, wât nao ’n aantal borreltjes steeds moeilikker wört. Nao miër dân twië jaor lockdowns, maotregels en quarantaines kump dân gelukkig ’t verlossende waord: Vastenaovend is ’t örste fiësje vân 2022 dât wer éch good geviérd meug waere.

Áchter de scherme kump ok de Aldewiéver kemissie wer beej-iën. De tiéd vân gezellig beejkletse mit versgebakke appeltaart is vörbeej: d’r is waerik ân de winkel. Want hé: 2023, is dât ni ôs jubileumjaor?! Weej hebbe twië jaor lang ónderoétgezakt kunne áfwáchte wies de lockdown ôpgeheve woord en nao ’n völ te lange pauze môt d’r ’n spetterende jubileum- edisie gepland waere. De kemissie graaft in de archieve: wât vör leuke veurstelle haet vrouwelik Ârce in de jaore veur Corona aangedrage beej de vergaderinge? We kieze dit jubileumjaor vör ’t idee wât in 2019 genûmd is….

Weej âs kemissie Aldewiéver hebbe ôs baes gedaon um vân dit jubileum d’r iëntje te make um noeëjt te vergaete. Neet alliën umdât we bliej zien dit gezellige fiës al 5x11 jaor te meuge viére, mâr vörál umdât we ’t same danse en zinge twië jaor hebbe môtte misse. Daorum stiët dit jaor iën ding centraal: gezellig samezien en zoë dit moeëje jubileum mit allemán te viére.

Weej zujje pagina’s vól kunne schriéve ovver ’t viére vân d’n Aldewiéverdaag mâr umdât we druk doende zien mit de organizasie, hebbe we wât trouwe Aldewiéver gevraog ’n stukske te schriéve aover woej zeej d’n daag belaeve en d’r invulling ân gaeve.

Ôp nao ’n fantastisch jubileumjaor, weej zegge alvès Proost!

Fleur, names de Kemissie Aldewiéver

bianca hovens

Kemissie Aldewiéver haet ôs gevraog um ’n stukske te schriéve ovver ôs belaevinge tiédes d’n Aldewiéverdaag. Nou, waor zujje we us gaon beginne?

Örges in ôs jonge jaore zien we begoós mit diëlneme ân d’n Aldewiéverdaag. Vraog ôs nimmer wanniër dât precies waor want dât is te lang geleeje vör de meiste vân ôs. D’n daag beginne we áltiéd mit ’n ôntbijt beej immus thoés. Veurhin ginge de gruupkes nag los vâniën ôntbijte, teggewaordig doon weej dât same.

Nao ’n stevig ôntbijt bestaonde oét bruuëdjes, eier mit spek, allerhande broëdbeleg, koffie, thië en jus d’orange volligt al gauw d’n örste borrel. Daornao tradisjoneel ’n foto make en ôp naor ’t daörep. Meistal kômme we daor nét ôp tiéd of nét te laat aan vör ’t offisjele gediëlte. Vroeger waore d’r miërdere kroege waor we naor toe ginge. Jaomer genôg is daor nou ni völ miër vân aover.

oét de alde wiéver doeës

Mâr wât hebbe weej áltiéd völ gelache. Enne greep oét ôs belaevinge: boéte picknicke beej de Preuvereej, ’n ôptraeje vân de zingende paósbezörriger oét Vélde, ôptraeje vân Miel Verstappen beej “de Inaborg” en âs áfsloéting vân d’n daag swinge beej “de Gats”.

D’n toch te voot naor de verschillende kroege woord áltiéd begeleid mit allerlei borrels (ónder ándere eiges gemâkte vlierbessen rum) en hepkes.

’t Aantal kefees dât we vroeger bezoóchte is drastiés gekrômpe mâr ’t plezeer is d’r ni minder ôp gewaore. Iën vân de Aldewiéver haet áltiéd wât ludieks beej ziech. Zoë-âs spelletjes, ’n douchemuts, nepsigarette die we dân boéte staon te roëke (mit âs kommentaar vân de ándere Aldewiéver of ôs kels wâl wiëte dât weej aan ’t roëke zien), kertjes mit gekke bekke die we ân ôs neus hange en ’n môndverband (veuroétzeende blik naor Corona?)

Kôrtum, Aldewiéverdaag is vör ôs áltiéd ennen daag vân lol en plezeer hebbe mit mekaar.

Weej zien aerig beneejd wât de kômmende Aldewiéverdaag ôs zal brenge, mâr we zulle de sfeer zellef môtte make en daor hebbe weej gen meujte mei!

Ârce Alaaf names de Aldewiéver vân de Oelewappers, vân Kei Neuchter en Ireen, Marian en Carla.

Dolly van ‘t hof

Aldewiéver, al vânáf ’t begin echte “Diehards”

De Balleklub waor de ânleiding. Marianne, Miets, Marlies, Nel, Fietje, Karin, Dolly en Henny waore de veurloëpers. De kels braochte ruúm 25 jaor lang komiese akts tiédes de zittinge en de vrouwluuj zörrigde vör passende kliér, attribute en schmiénk. Glorietiéd vör kefee de “de Gouden Snor” want daor woord alles bekokstooft. Dink ân de glijbaan vör alliën de Aldewiéver. Boéte de trap ôp, in de vissemónd en dân glijend ’t kefee binne. ’t Gruupke woord ’n váste klub mit áf en toe fikse aanwas, te wiëte: Maria, Marije, Annie, Corrie, Netty, Lotty, José, Jeannie, Ada en Annemiek. Mej vele d’r áf mâr ni-j vrouwluuj kwaome d’r ok wer beej.

’t Begoos mit ’n stevig ôntbijt in de vroege urkes waorveur de kels ôppen tiéd oét de vaere mooste. Taffels woorde prachtig ingedek en d’r woord nao hârtelus versiert. Heud en zwarte panty’s hinge in de hoéskamer ân de plafonds. Um 11:00 oor naor de maert vör de offisjele aöpening. Teggewaordig is ’t ôntbijt enne lunch gewaore mâr dât schriéve we toe ân de laeftiéd vân nou.

De veurgenaome ideeje vân ’s maerges kômme meistal ni oét, mâr de lachspiere daor in taege waerike nog prima. ’t Leuke is, Aldewiéver taege te kômme die me allang nimmer haet gezeen. Köstelikke verhale, leuke anekdotes verdwiéne dân in ’n schriftje wât ieder jaor verni-jd en vól geschreve wört en waor iederiën in meug schriéve. De leukste verhale staon d’r in en ’t is kiër ôp kiër wer geweldig um ’t door te laeze. Mâr eigelik môsse d’rbeej betrôkke zien gewès um die moménte te kunne veule.

miër oét de alde wiéver doeës

Weej waere alder mâr… ân ’t dánse is dât ni te maerike, we hôvve wâl nimmer naor de griem want de rimpels passe d’r good beej. ’n Leuk momént doon we oét de deúk: de spruútjes vân Els. Twië spruútjes woorde vân ’t lánd geplôkke en ôp twië prikkers gezatte. Els haet d’r d’n gánsen daag gröts mit róndgeloëpe wies dât ’t oéteindelik blui-jende ruskes woorde. Boekpien vân ’t lache, beej ’n inzinking efkes rúste, de klompedans, Elvis, Wiel Vestjes en ni te vergaete “Weej Dreej” waor we vân genaote! Weej hebbe ’t al mit gemâk.

Beej Jeanne Rayer wört áltiéd áfgeslaote. Efkes klasjenere mit de jôngere die ni begriépe dât weej dit nag leuk vinde en vól hálde. Langzaam wört de groep klender, d’n iëne wört ôpgehaald, d’n ándere löpt naor hoés want loëpe is gezónd. Alliën de “Diehards” bliéve nag aover. Weej wille gen name neume mâr diegene zien wâl bekend. ’t Schrift kân toew, moeëje moménte zien wer vásgelág en beschreve, foto’s vulle de laege plekskes, enne prachtige basis vör ’t volligende jaor, waorveur ’t ni-je schrift alwèr in de steigers stiet.

Alle jônge en ni-je Aldewiéver, völ lol en plezeer en wies gauw. Dolly

IRMA VULLINGS

Aldewiéverdaag, unnen daag vól gezelligheid en plezeer. D’n örste kiër Aldewiéverdaag waor d’r enne um noeëjt te vergaete. Same mit oma veur ’t örs de kroeg in um Aldewiéverdaag te viére. Daornao steeds mit unne gezellige groep mei. In de maerge same ôntbijte um vervolliges same verschillende kroege in Ârce áf te gaon. Âs ni-jelinge in de groep mâkte weej al gauw kennis mit ’t bukske vân d’n Aldewiéverdaag binne de groep: “ff alde bette”. In dit bukske waore allemaol verhale te laeze ovver d’n Aldewiéverdaag vân de áfgeloëpe jaore. Kei leuk um dit trug te laeze en d’r wât beej te schriéve.

In de Coronatiéd mooste we kreatief zien. Twië jaor lang koos iën vân de gezelligste daag vân ’t jaor ni doorgaon. Daor hebbe weej naotuurlik alternatieve veur bedoóch. ’t Örste Coronajaor zien we same mit de vrouwluuj vân de femilie ôs huús áfgegaon. Örs same ôntbete beej ’t iëne adres um vervolliges door te gaon naor ’t volligende hoés vör ’n fiësje. Mit âs iën vân de högtepúnte: Tom de Kunder daen efkes kump kiéke woej ôzzen Aldewiéverdaag verlöpt.

Ok ’t jaor daornao koos d’n normalen Aldewiéverdaag ni doorgaon. Gelukkig meugde ôp dât momént wâl de kroege aope. Same mit ’n gezellig klubke hebbe weej beej kefee De Maert geluncht en ’n zittend fiësje gebouwd.

Iederen Aldewiéverdaag is d’r iëne um noeëjt te vergaete. Kômmend jaor gaon we d’r mit allemán en ’t ff alde bette bukske ’n knallend jubileumfiësje vân make.

Irma

Kránt oét de alde doeës

Kránt oét de alde doeës

ivveneménte

Klein Vastenaovendbal: zaoterdig 11 fibberwarie

Dit jaor organizere weej wer, zoeë wie áltiéd, ’t klein vastenaovendbál. Ôp ‘t programma stieët de “Jocus Hofkepèl”. Dees bend speult boéte Venloose karnevalshits hieël völ fieëstelikke kovvers. Verder bestieët eur speullies oét klessiks, Nederlands- en Duitstalig, Limburgs dialek en aktuele hits. Dizzen absoluten topper hoef verder gen oétleg, zeej hebbe al dukker vör oow ôpgetraoje.

De zaal is aope vânáf 20.00 oor en d’n entree bedrug € 11,-. Dus bees-se 18 jaor of alder, getrouwd of samewoënend, dân meug-se ’t Klein Vastenaovesbál zeker neet misse!

Resepsie kleine Príns THEI d’n 1ste : zaoterig 18 fibberwarie

Weej nuuëdige iederieën vân hârte oét um ôs hoeëghede Príns Thei I en zien dansmarietje Seray mit de Adjudánte Sev en Patrick en sirremoniemeister Niels ‘n hendje te kômme gaeve. De reseptie start nao áfloeëp vân d’n ôptoch vör de Kiénder (rônd 16:00 oor).

Resepsie Príns TOM d’n 1e: zôndig 19 fibberwarie

Weej nuuëdige iederieën vân hârte oét um ôs hoëghede vân 2023 Príns Tom I en zien dansmarietje Britt ’n hendje te kômme gaeve. Aanvang 20:11 in MFA ‘De Schans’.

Nao de resepsie vân ôzzen hoeëgheid en zien dansmarietje wille weej same de vastenaovend viere.

Nao de resepsie zal de muzikale umliesting verzörrigd waere door “Greun Graas” ‘n bekende vastelaovesband oét Venlo. Ze staeke alde vastenaovesliedjes in ’n ni-j jeske. Ge kent ze waarschienlik nag vân de ouverture.

Groët ôptochbál: maondig 20 fibberwarie

Aansloétend ân d’n ôptoch mit allemán Karneval viére: Jônk en áld in MFA de Schans!!!

Ônder ándere zulle dizze middig de priésoétreikinge vân d’n ôptoch plâtsvínde en zulle weej ôs jeugdig viéftal: Príns Thei, Dansmarietje Seray, de Adjundánte Sev en Patrick, en sirremoniemeister Niels mit gevollig oétzwaaie.

Dit jaor zal vör ôs ôptraeje ôp os Groeët Ôptochbál: “Fieëstband Sjloetingstiéd’’

“Fieëstband Sjloetingstied” is: sfeer, interaksie, ambiance, fun, óngehoebeldj,…maar vörál Fieës mit ‘n hoofdletter. Dees bend brink unne miks ân fieësnummers vân o.a. Rowwen Hêze, Brings (Kölle) en BZB, enz. Iederieën is welkôm: jônk en áld, groeët en klein um same vastenaovend te viére!

D’n entree is gratis!!

zittinge 2023

Verleng de levensduur van uw dak, signaleer problemen op tijd!

Bij Jacobs Dakbedekkingen kunt u terecht voor alle soorten dakbedekking voor platte daken en hellende daken, daglicht toepassingen, zonnepanelen, dakonderhoud en dakveiligheid. Neem gerust contact met ons op voor professioneel advies!

Jacobs Dakbedekkingen • Stayerhofweg 7 • 5861 EJ Wanssum (0478) 53 17 95

• info@jacobsdak.nl • www.jacobsdak.nl

Jacobs Dakbedekkingen uit Wanssum is een familiebedrijf dat zich sinds 1945 heeft ontwikkeld tot het meest veelzijdige dakbedekkingbedrijf in de regio Noord Limburg en Oost Brabant. Een goed dak beschermt u en uw bezittingen tegen de grillen van het weer. U kunt uw dak toevertrouwen aan onze vakmensen en uw project tot in de puntjes laten verzorgen.

Waar u ook verzekerd bent, wij regelen uw complete uitvaart!

Uitvaartbegeleiding

Een passend afscheid met oog voor detail.

Bel bij overlijden: 06-11848760

www.nuance-uitvaartbegeleiding.nl

Britt

twieë kieër kiene

Weej wínse gáns Ârce, vân jônk wies áld unnen hieële fijne karneval!

Ok wínse weej Príns Tom I, Dansmarietje Britt en ’t kleine Viéftal unne fijne karneval!

Vânoét Zorglandgoed ’t Hogveld wínse weej in ’t biezônder de OPA’s en oma ’ s unnen hieële fijne karneval

Roobeek Group & Zorglandgoed 't Hogveld

Kránt oét de alde doeës

In memoriam Henk Rheiter

Zôndig 2 oktoëber 2022 is unnen echte karnevallist ovverleeje. Henk waor unnen echte Keieschiéter. Unnen enerzjieke kârtrekker, vól humor.

Haen waor vânáf 1994 lid lid vân ôs klub. In 2008 Prins vân ôs vereniging mit Eline Frissen âs Dansmarietje ân zien ziej. Henk waor vân 1994 wies 1999 Vorst vân ôs vereniging, waor veurzitter vân de Joekskemissie, Lid vân de Raod vân Ellef, artiest, zenger, lid vân de OPA’s en zoot in verschillende kemissies, zoeë-âs de klieërkemissie en Karneval in Konsert beej ‘t 5x11 jaörig bestaon van ôs vereniging.

De meiste mínse zulle ziech Henk evvel herinnere âs presentator vân de kiénderzittinge die haen ôp zien eige maniër tot iets unieks woos te make.

Door de vereniging is Henk vör ziene groëten inzet benump, örs in 1999 tot Lid vân Verdinste en in 2017 tot Iérelid. Ok meugde haen in 2010 d’n Bônten Hoephap in ôntvangs neme, vör ziene belangelozen inzet ôp verschillende frônte vör de Ârcese gemínschap.

Henk, bedánk vör wâs-se vör ôs Keieschiéters beteikend haes.

In memoriam Paul van Boven

Ôp 13 december 2022 is ôs aldste lid vân de vereniging Paul van Boven ovverleeje.

Paul waor vânáf 1955 beej de klub en haet beej de Keieschiéters zien spaore wâl verdind. Paul waor in de beginjaore vân ôs vereniging al beej de Raod vân Ellef, waor Príns in 1961, mit ân zien ziej Dansmarietje Maria van Rijswijck, waor âs dageliks bestuurslid sikkretaris en haet in verschillende kemissies gezaete: de Ôptochkemissie, Kemissie Kiénderkarneval en wies kort haet haen nag zien beejdrage geleverd in de Technische kemissie zaal.

Ok haet Paul jaorelang mit Toos de bônneverkoeëp verzörrigd en hâje ze thoés d’n ôpslaag vân de karnevalsklieër vân o.a. ’t geüniformiërde gediëlte. Âs lid vân de OPA’s haet Paul alle jaore acte de presence gegaeve.

In 1988 haet haen de BCL ônderschei-jing gekrege. In 1983 woord haen lid vân Verdinste en mit zien 55-jaörig lidmaatschap woord haen iérelid vân Karnevalsvereniging “de Keieschiéters”. In 2021 waor Paul 6x11 jaor lid vân ôs vereniging. Paul haet in 1996 d’n Bônten Hoephap ôntvange vör ziene belangelozen inzet ôp allelei gebiede vör de Ârcese gemínschap.

Paul, bedánkt vör ál ’t waerik dâs-se vör d’n Ârcese Vastenaovend haes gedaon!

keieschiéters bekenne kleur

Guus Muyres ôp de legendariese Stelviopas en in Nieuw-Zeeland ôp de Tongariro Alpine Crossing.

Áld bestuur bekent kleur in Kölle

Dees Keieschiéters hebbe kleur bekend!

Wees diech ôk in de karnevalskránt mit de Ârcese Keieschiétersvlaag kleur bekenne? Dât kân!

Maak ’n foto mit de vlaag, ’t mâkt neet oét waor en alles kân, zôlang de kleure vân de Keieschiéters mâr oétgedrage waere en ’t ‘n moeëj verhaal is.

Steur dien foto naor: krant@keieschieters.nl

De famílie Hoogveld in de Dolomieten ter iére vân ‘t 25 jaörig huwelik van Bram en Karin

Tom Imming en Dieuwe Geurts beej de Ronde vân Vlaanderen

De famílie Cox in Les Mathes, Frankriék

stichting pallum

Karnevalsvereniging “de Keieschiéters” Ârce stiët ellik jaor in ôs spesjale karnevalsmis stil beej ’n good doel. Ok dit jaor wer giët de ôpbrengs vân de kollekte naor de stichting Pallum in Berending in Gambia. Berending is ’n klein daörepke, 5 kilomaeter vân d’n hoofwaeg. ’t Laeve is d’r sober en de mínse laeve hoofzakelik vân de lándbouw. De femílies waere gesteund door die, die waerik boéteshoés hebbe. De kiénder môtte smaerges duk mit laege maag unne lange waeg nao schoeël áflegge.

De kontakpersoeën vân die stichting, áld Ârcenaar Marga van de Staij, schreef ôs unnen breef waorin ze ôs bedankt vör de sjek daen we eur kooste ovverhandige, zoë-dât de kiénder beej eur kooste geniete vân ’n bruuëdje en limonade. Ok leet ze ôs wieëte dât ok ’t coronavirus beej eur in 2020 en 2021 haet toegeslage. Net wie heer woorde ok in Gambia schoeële en aopenbare gebouwe geslaote. Ze schrief dât ’t vör eur ok moeilik waor um naor Ârce te kômme. Heej is gelukkig in de loeëp vân áfgeloeëpe jaor wer verandering in gekômme en koos Marga de sjek vân Karnevalsvereniging “de Keieschiéters” in ôntvangs neme. De ônderstaonde foto’s laote de dankbaarheid en verbôndenheid vân de stichting mit de Karnevalsvereniging zeen.

Weej haope dit jaor wer ’n moeëje beejdrage vör dees stichting te meuge inzamele um de kiénder in Berending, Gambia ôp dees maniër

Hotline: 0 800 - 801 901 0 (gebührenfrei) www.herbrand.de

VOOR ECHT VAKMANSCHAP KIEST U VOOR AL UW STUCADOOR- EN TEGELWERKEN ONDER 1 DAK

KLEIN BEDRIJF, 3 GENERATIES VAKMANSCHAP.

• ALLE SOORTEN STUKWERK

• TEXWERK

• COMPLETE BADKAMERS

• ALLE VOORKOMENDE TEGELWERKEN

ED SCHROEMBGES

KRUISSTRAAT 41

5856 AD WELLERLOOI

TEL: 0478-692859

MOBIEL: 06-53395411

EMAIL: SCHROEMBGES-STUC-TEGEL@HETNET.NL

5 x 11 jaor kemissie kránt

Alde garde haalt herinneringe ôp

’t Is al wer 55 jaor geleeje dât de Keieschiéters euren örste karnevalskrant hebbe oétgegaeve. Aanleiding waore ni-j mutse vör de Raod vân Ellef. Piet vân Kries (Reutelingsperger) waor toen de penningmeister en d’r waor gen géld vör die mutse te koëpe. Ernst Rutten en Wiel vân de Smoes (Peters) hâje toen ’t lumineuze idee um unne krant oét te gaeve en heej dât géld mit beejiën te schrape. Heejmei waor de kemissie krant ’n feit.

De krant is in de loeëp vân de jaore oétgegruíjd tot dé finansjele steunpilaor vân de vereniging. Dankzij de groeëten inzet vân völ meiwaerikers kunne we nag steeds ellik jaor zonne prachtige krant graties en vör niks ân de bevolleking vân Ârce aanbieje. Ok dankzij mínse âs Ger Kepser, Karel Achten, Jan Riteco, Hans Coenders, Leo Mans en Jan Schinck die ôs helaas al allemaol zien ôntvalle, haet de krant beejgedrage ân ’n finansjeel gezônde vereniging, die heerdoor o.a. de keieloëds haet aan kunne schaffe, mâr ok de Ârcese karneval mit uniforme en ándere ôndersteuning, ôp ’t hoeëge nivo vân vândaag d’n daag haet kunne brenge. Volleges Max vân Disseldorp is de kemissie kránt áltiéd ’n hieël boeiende klub gewès, waorin de meiste leeje völ jaore zitting hebbe (gehad). ‘t Staerike d’r ân is de saamhuurigheid. Suksés is en waor áltiéd unnen draif um door te gaon.

Ôp 17 december 2022 kwaom de alde garde mit de huidige kemissie beej mekaar um herinneringe ôp te hale en anekdotes te vertelle.

Zoeë vertelt Ernst Rutten dât, behalleve de mutse die al besteld waore en waorveur gen géld waor, de bookhálding vân Piet vân Kries (Reutelingsperger), gewoeën ôp d’n áchterkánt vân ’n sigaredoeës stônd. Toen de Smoes (Wiel Peters), âs zaalhalder, nag gen géld hâj vân de vereniging, zei Piet vân Kries: “Gaef mâr ’n rundje, dân haet ziech dât”. En zoeë geschiedde! De Smoes goof ’n rundje en koos fluite naor zien géld.

Verder vertelt Ernst: “In de beginjaore hebbe we de kránt beej allerlei drukkers laote drukke. Ôp ’n gegaeve momént waore we aerig ônder d’n indruk vân de krant daen beej ’t Dagblad vân Noord-Limburg gedrukt weerd. Beej dizze krant waerikte unne vader, waorvân de zoën ôp ’t Thomascollege in de stad nao schoël ging. Wât gebeurde d’r in 1971? De karnevalskránt woord ´s náchs beej ’t dagblad gedrukt, want ôp de veurpagina kwaom de ni-je Príns te staon. Dât moos dus allemaol in ’t geheim gebeure.

Dao ôp unne nách noom dae vader de kránt mei nao hoés en leet eum thoés ôp de keuketaffel ligge en ging nao bed. De vollegende maerge ôntdekte dae zoën de kránt en zoog dât de Príns daen ôp de veurpagina stônd oét Ârce kwaom. Haen kende oét zien klas ok eemus daen oét Ârce kwaom, dus woord de krant in de tas gestopt en meigenaome nao schoël. Heej aangekômme ging-ie drek nao ziene klasgenoët oét Ârce en leet eum de veurpagina zeen. Dae jông oét Ârce koos de Príns hiël good, want ’t waor zienen oëme Sjaak (Beeker). De foto ging mei nao Ârce um ân mam te laote kiéke. Die herkende eur broor natuurlik geliek en trok beej ôzze veurzitter Piet

Coenders zaliger ân de bel. Toen waor d’r dus ech paniek! Weej hebbe daen Ârcese jông ’t zwiége kunne ôplegge. Natuurlik is eum wât zwiéggéld aangebaoje en is ’t toch ’n geheim gebleve, waen Príns Karneval 1971 zuj waere in Ârce”.

René Lammerts dínkt duk trug ân de kránt woej daen nag in de drukkerij vân de WAA gemâk woord: “Toen woord de kránt nag ôp alde perse mit drukplate gemâk. ‘t Hándwaerik, ’t rape, vouwe, niete en sni-je woord allemaol door vreejwilligers vân de Keieschiéters gedaon in Bliérick. Woej d’r ôngevaer 100 kránte klaor waore kump Ger Kepser in alle staote binne: Schei d’r mâr mei oét, want d’r stiët ’n groëte fout in de kránt! Wât waor ’t geval? De naam vân ’t Dansmarietje stônd ôp ’t boéteblaad ánders dân ôp ’t binneblaad. De wettige vader wôj de naam veranderd hebbe zoeë-âs dât wettig waor.

Gôje raod waor deur en oéteindelik woord beslaote dân toch mâr de naam, daen de vader wôj, te drukke en ’t binneblaad te verni-je. Dât waor d’n aovend vördât de donateursaksie waor. De 100 kránte die al klaor waore moost oétriën gehaald waere en d’r mooste 1200 binneblaar ôp de veur- en d’n áchterkánt opni-jt gedruk waere. Beej ’t drukke woord toen nag witte poejer ôp de blaar gestruid um vlekke te veurkômme. Umdât d’n ínk daen aovend nag aerig vers waor, woord d’r ekstra völ poejer gebroek mit ’t gevollig dât iederiën d’r woej ’n spoeëk oétzoog. D’r woord de gánse nách doorgewaerik, gestaerikt mit wât alkohol en bruuëdjes. Mit ‘n paar oor vertraging koos de donateursaksie beginne. Waen schetst ôs verbazing, mit d’n ôptoch bleek dees katastraofe nag ’n stertje te hebbe. Vrouw Mulder leep in d’n ôptoch mit ’n spierwit gezeeg en ’n wit lake um mit d’n teks: ik bin kránk vân de kránt. Allieën ingewijden wooste waor dât aover ging”.

Ger vân de Smoes herinnert ziech in ’t biezônder d’n hoëgwaterkránt in 1994.

“Woej Ârce ônder water stônd, kwaom haen Jan Riteco taege daen vroog of ze neet same ân de krant kooste beginne, want âs Ârce wer druuëg zuj zien zujje de mínse wâl vastenaovend wille viere en daor waor géld vör nuuëdig. Mâr zônder kránt gen géld! Ger stopte akuut mit zándzek vulle en die twië zien ân de kránt begoos. Niks digitaal woej nów, nae alles knippe en plekke mit de schiër en pleksel.

Ieën probleem waor evvel dât d’r nag völ materiaal beej de kemissie-leeje thoés loog en die huus stônde ok nag allemaol blank. Beej Ernst Rutten ôp kantoër kooste ze teraech en dao is daag áchterieën gefröbeld en geplek. Foto´s woorden in de graasj gemâk mit ’n wit lake ôp d’n áchtergrônd. Door de fam. Rutte woord iederiën good verzörrigd. ’t Waor unne biezônderen tiéd…..”

We herinnere ôs ok nag de zoeëgenaamde raapaovende, umdat de gedrukte kránte âs losse velle woorde aangeleverd, mooste ál die pagina’s in de gôje volligorde waere geraapt. Heejveur woorde steevás de dames vân de Prínsegarde en de dames vân de kemissieleeje gesjarterd. Ok dit waore steeds biezôndere aovende.

Wies ân ’t digitale tiédpaerik is de krant door Jan, Paul en Ger en nag ’n paar ándere iniëngeplek. Gelukkig kwaom toen de kompjoéter en heej hebbe we âs kemissie gretig gebroek vân gemâk. In de begintiéd haet Peter Kallen ’n hieële groeëte beejdrage geleverd ân ’t totstándkômme vân d’n digitale kránt. Nów is dit groëtendiëls in hand vân Geert en Wiel Reivers, Bas vân Giesen en Karin Holla, gehaolepe door ’n paar ándere oét de kemissie.

Ger Smoes vertelt verder:

“Waor we ok völ ân te dánke hâje, waor de femílie Kraft. Zeej waore váste gaste ôp Camping de Schans en ze hâje ’n drukkereej. Jaorelang hebbe zeej de kránt belangeloos gedrukt, mit âs taegeprestasie dât ’t geüniformiërde gediëlte de karneval in eur woeënplâts kwaom ôpluustere”.

Paul (Peters) wet nag ’t momént dât haen beej de kránt kwaom. Dât waor beej gelaegenheid vân ‘t 22-jaörig jubileum. Nevve de reguliere kránt kwaom d’r toen ’n extra edisie oét, zônder adverténsies. In die ekstra kránt woord ân de hand vân intervjoews en foto’s trug gekeke ôp de regeerperiode vân alle prínse die d’r toet dân toe waore gewès. Dât waor hieël biezônder. Beej ‘t 33-jaörig jubileum woord d’n allerörste kránt nag us herdrukt en âs beejlage beej de reguliere kránt verspreid.

De jaorelange hoffotograaf Lei Tangelder herinnert ziech de völ moeëje moménte die haen in ál die jaore mit zien fototoestel ôp de geveulige plaat haet meuge váslegge. De meis biezôndere moménte vônd haen áltiéd ’t geheime treffe mit de ni-je Príns örges in de bös.

In 2005 is de krántekemissie aovergegaon in de Stichting Culturele Activiteiten Arcen. Dees stichting ôndersteunt in ’t biezônder de Karnevalsvereniging ôp finansjeel gebied mit de ôpbrengste oét de krant.

Karnevalsvereniging “de Keieschiéters” wil eur kemissie kránt vân hârte fillesitere mit eur 5 x 11 jaörig jubileum en hopt dât ze zoeë nag in lengte vân jaore door kân gaon.

Profiesjat!

Kránt oét de alde doeës

Weej winse iederieën en spesjaal alle Jetjes vân Ârce unnen hieële fijne Vastenaovend!

ouverture 2.0

Eindelik meugden we wer. Nao ’n paar jaor vân verplichte raös um bekende raeje, vônd ôp zôndig 13 november ’t veurspel vân de vastenaovend plâts: Ôs Ouverture 2.0. Ônder zoeë-wât de letste zônnestraole vân ’t jaor 2022 die hinderlik nao binne schene, ging ’t rônd 14.11 oor vân start in ’t MFA. De organizasie hâj gemènd de indieëling vân de fwajee te môtte umgoeëje. D’r waor ’n ekstra podium gebouwd, waorôp alle plichtpleginge ginge gebeure. Dit podium stônd vör d’n hoofdingang, zoë-dât we door de noeëdingang ôp de kopse kánt nao binne woorde geleid. Dit waor oéteraard gen probleem en pakte good oét. Ok de vitterane vân DEV leete ziech wer vân euren baeste kánt zeen en zörrigden dât iederieën tiédig vörzeen woord vân ’n drenkske.

Door Vorst Edward woord iederieën welkom geheite en ’t jeugdviéftal vân 2022 woord nag ieëne kieër oétgerope. Bliej âs de vereniging mit eur waor, want ôndanks de corona dae begin dât jaor nag rôndwaarde ovver de werreld, hâj ’t bestuur toch gemènd ’n jeugdviéftal oét te kieze. En die keuze bleek good! Hebbe we toch nag ân de vastenaovend 2022 meuge preuve. Daornao waor ’t ok vör eur aover en sloéte. De veurzitter vân de kiénderkarneval René Gooren noom vakkundig ’t waord aover vân de Vorst en bedánkte ’t viéftal vör euren oétzônderlikken inbreng in dit rare karnevalsjaor. Príns Miel d’n Twedde en Dansmarietje Ieke nome ok nag efkes ’t waord en bedánkte ok names de Adjudánte Levi en Tim en sirremoniemeister Sem de aanwezige vör ’n toffe ervaring. Naodât ze ôntdaon waore vân eur versiersele woorde ze via unne lange slinger door de fwajee oétgezwaaid.

Dao waor mínse áfscheid neme, kômme ok wer ni-je. Zoeë wört al ’n paar jaor de ni-je jeugd sirremoniemeister gow genôg ôp dezellefde middig bekend gemâk, zoë-dât dae ziech good kân veurbereide ôp ’t kômmende seizoen. Naodât de ni-je jeugdraod ziech persoeënlik hâj veurgesteld ân de aanwezigen, woord middels ’t ôpzette vân de sirremoniemeister-steek bekend dât Niels van Ôs de vastenaovend âs sirremoniemeister zal begeleide.

Toen woord ’t tiéd vör ’n stukske laifmeziek door Carla, Jasper, Steffie en ni-j beej dit gezelschap: Myrthe. Door ’t zinge vân bekende karnevalsslagers kwaom de stemming d’r al good in.

Vervolleges noom veurzitter Lars ’t waord um bekend te make wae in eur oeëge ’n waardering verdinde vör zien of eur beejdrage ân de Ârcese samelaeving. D’n Bônten Hoephap, zoeë-âs we die waardering

neume, kwaom volledig teraech in hand vân John Schinck. Mieër heejaover kunt örges ánders in dees krant laeze.

Umdât ald-Príns Micha en zien Dansmarietje Marit al ieërder dit jaor áfscheid hâje genaome vân eur prinselikke rillekwieje en ok Micha al waor ôpgenaome beej de Opa’s, ônbrook dit stukske in de programmering dit jaor.

Nao wer ’n intermezzo door de Schlagerkompeneej waore we zoeëdoende al aangekômme beej ’t bekend make vân ’t kleine en groeëte Dansmarietje, die al stônde te trappele vân ôngedúld achter de koeliese. Jaomer genôg zônder laevende meziek vân de hofkapèl, mâr ônder ôpzwepende meziek vân d’n DJ woorde de dames ieën vör ieën naor ’t midde vân de fwajee begeleid, waornao ze door Vorst Edward geprissenteerd woorde. Klein Dansmarietje is gewaore Seray Mulders en beej de groeëte gieët Britt Peeters veurôp in ’t seizoen 2023.

Drek daornao begoos ôp ’t groeëte podium de Karnevalsbénd “Greun Graas”, mit in eur geledere âs zangeres ’n Ârces megje (Floor Simons), te speule. Zeej zörrigden d’r veur dât de vutjes vân de vloer ginge en dât dizze middig perfekt woord áfgeslaote. Eindelik meugden we wer……..

matinee Binnesteboéte Kroegetoch &

jaorverslaag verenigingsjaor 2021-2022

’t Verenigingsjaor dât löpt vân 01-09-’21 wies 31-08-’22

Algemein

Per 01-09-2021 bestond de vereniging oét 162 aktieve leeje, 14 aspirántleeje, 4 Iéreleeje vân Verdínste, 21 Iéreleeje en 22 leeje vân Verdinste.

Áfgemeld per 31-08-2011; Suus Beerkens, Step Hermans, Kaylee Hofmans, Johan Hovens, Lina Rothoff, Floor Simons, Iris Smits, Renée Smits, Luuk Timmermans en Mira Vullings.

Helaas ovverleeje: Riet Fleuren-Drissen en Jos Pisarowiz.

Per 01-09-2021: zien de naovollegende leeje

aangemeld: Lise Clabbers, Kiana Geelen, Maartje van Giesen, Sofie Greven, Kiki van Noort, Lennart Peters, Josje Rijnen, Fleur Spee, Livvy Vaessen, Demi Verdellen, Leida Reijmer-Geelen en Carla vân Bronckhorst.

04-11-2021, Leejevergadering

In verband mit de Corona maotregels is beslaote de leejevergadering te laote plâtsvinde in MFA De Schans. ’n Biezôndere vergadering umdât heerbeej twië verenigingsjaore behandeld mooste waere. De leejevergadering vân 2020 is in zien gehiël kômme te vervalle i.v.m. de Coronapandemie. Mit hullep vân ’n oétgebrei-jde prìzentásie woord duúdelik aoverzich gegaeve vân ‘t vörbeeje jaor en unnen indruk gegaeve vân ’t jaor wât giët kômme. Jaomer genôg woord dees vergadering ni druk bezooch en waore d’r völ áfmeldinge.

Ok woorde tiédes de leejevergadering de jubilarisse gehuldigd vân alle twië de jaore. Spesjaal vör dees gelaegenheid waor ’n áfvaardiging vân ’t BCL ânwezig um May Arts (2020) en Peter Reivers (2021) te ônderschei-je mit de 3x11 leeje-orde vân ’t BCL. Fons Janssen woord door ’t bestuur veurgesteld âs ni-j bestuurslid. Heerveur woord net vör de pauze ’n stemronde gehálde waorbeej me koos ângaeve um Fons âs ni-j bestuurslid te beneume vân de vereniging. Fons woord unaniem in ’t bestuur gekaoze.

Zôndig 14-11-2021, Inschete en Ouverture 2.0 Jaomer genôg mooste we net vör dit weekend besloéte um ’t inschete en de Ouverture áf te lasse. Zal ’t wer ’n seizoen waere waorbeej ôs ’t vastenaovend viére ônmeugelik wört gemâk? Hebbe we wer ’n seizoen zónder hoëghede en bliéve de hoëghede vân 2020 nag ’n jaor langer ân de mach? Daor leek ’t efkes wâl ôp.

Toch hebbe we âs vereniging gedoóch ’t seizoen in te schete zoëdât we veur de hoëghede vân 2020 ok ’n áfscheid kooste realizere. Ok bleef d’r ôp dees maniër de káns um ni-je hoëghede oét te rope vör ’t seizoen 2022, zujje de Corona maotregels dit meugelik make?

De loods woord gereed gemâk um ’t áftraeje vân Príns Milo I, Dánsmarietje Carice, Adjudánte Maciej en Max en Sirremoniemeister Wout te realizere. Mit de kleine Prínsewage ôp d’n áchtergrond en vör alle gezinne ’n hangtaffel ôp 1,5 maeter áfstand woorde de blage ôntdaon vân eur versiersele en woorde de nuuëdige bedankjes oétgespraoke. Dit alles woord vásgelág ôp beeld en vânáf 9 jannewarie 2022 aopenbaar gemâk.

Ok hebbe we áfscheid genaome vân Príns Micha I en Dánsmarietje Marit. Ôp d’n ôprit beej Marit thoés woorde ok heer de nuuëdige dánkwördje oétgespraoke en de hoëghede ôntdaon vân de versiersele. Mit unne toost ôp ’t seizoen 2020 koos waere truggekeke ôp ’n geweldig seizoen mit in ’t biezônder ‘n ekstra jaörke d’rbeej door de vervaelende Coronapandemie.

Doordât we áfscheid hâje genaome vân de “alde” hoëghede goof dit ok wer kánse vör de ni-je hoëghede. Helaas woord ’t gánse lánd net veur Kersmis alwèr in lockdown gezatte en zoot ’t d’r neet in um ni-je hoëghede oét te rope tiédes de zittinge, die door de maotregels nimmer realizeerbaar waore. Welleke aktiviteite waore wâl nag meugelik? Wât doon we mit de blage vân Ârce? Âs we heer nou gen hoëghede oét rope zuj dât beteikene dât d’r enne gánse groep dit gebeure neet zuj mitmake. Ut idee woord ge-ôpperd um kontakt te legge mit de basisschoël um vân heeroét ôpni-j de meugelikhede te bekiéke. En gelukkig, die waore d’r.

Ok ’t oétreike vân d’n Bônten Hoephap kwaom door de áfgelasting vân de Ouverture te vervalle. Toch hebbe weej gemend dit ôp gepaste wiés ôp te pakke door ôp 18 jannewarie Bér Geurts d’n Bônten Hoephap 2021 te ovverhandige i.v.m. oétgebrei-jd vreejwilligerswaerik. ’n Wâlverdinde erkenning vân zien völheid ân waerikzaamhede. Haen begoos in Ârce mit zien vreejwilligerswaerik in de medezeggeschapsraod ôp basisschoël ’t Wijdtveld. Heerbeej waor haen medeorganisator vân de sportdaag ôp schoël. Ok is haen aktief gewès in de gemínteraod vân Ârce en Vélde. Âs aktief voetballer vân DEV waor ’t enne kleine stap naor ’t bestuur. Naodât haen heer mei

gestop waor zoot Bér zeker neet stil, want nou is haen nag steeds verantwaordelik vör de elftal foto’s en de inzameling vân ’t áld pepeer. Ok waor Bér vreejwilliger beej de stichting kruuze en kapelle. Ôp dit momént is haen nog lid vân de PR-Kemissie en verschillende kiekjes in ôzze kránt zien door eum gemâk. Nog unne kiër bedánk vör alle waerikzaamhede.

Zôndig 23 jannewarie 2022 stônd gepland um de ni-je hoëghede vân de Kiénderkarneval 2022 oét te rope. Echter sloog de Corona wer toe. ’n Groët gediëlte vân de blage die ziech kandidaat hâje gesteld zote mit Corona thoés. ’t Bestuur besloot de bekendmaking ’n waek ôp te schuúve. Ôp zôndig 30 jannewarie 2022 mit ‘n prachtig zûnke in de loóch woord in de maerge de jeugd Prínsewage de loods oétgetrokke en klaor gezatte ôp ’t parkiërterrein vân de tennisbaan. Mit unne gas hangtaffels ôp veilige 1,5 maeter áfstand waore alle zaes de megjes vân de Prínsegarde mit eur elders, brurkes en of zuskes oétgenuuëdigd um ânwezig te zien beej ’t bekendmake vân ’t dansmarietje. Rond de klok vân 10:30 oor woord Ieke Reutelingsperger âs klein dansmarietje 2022 bekend gemâk. Ze woord mit völ applaus ôntvange door de ânwezige.

Naodât ’t dansmarietje bekend waor, woord ’t teniël gereed gemâk vör de bekendmaking vân de sirremoniemeister, adjudánte en naotuurlik de hoëgheid vân 2022. Um 12:00 oor mooste alle Raod vân Ellef leeje aangeklei-jd thoés áfwáchte of d’r immus vân ’t bestuur aan de deur kwaom um ân te gaeve dât ze ziech meugde melde in de Keieloods same mit eur elders, brurkes en of zuskes. Nag gen keteer later waor ’t gezelschap kompleet en kooste de rolle verdiëld waere. Âs örste woord sirremoniemeister Sem van der Coelen bekend gemâk. De örste taak veur Sem waor um de keie mit de adjudánte en d’n hoëgheid vânoét de loods te begeleide naor de parkiërplâts. Naodât hoëgheid Miel II (Clabbers) oét de kei sprong waor ’t ok de beurt ân de adjudánte Tim (Lommen) en Levy (Jacobs) ziech te prìzentere. Naodât de nuuëdige felisitasies in ôntvangs waore genaome en de örste foto’s gemâk waore mooste ze ziech klaor make um de Keieschiéter ôp de maert te ônthulle. D’r hâje ziech al ’n flink aantal belangstellende verzameld um ’t kersverse viéftal te bewondere. Nao ’n klein wördje

vân Vorst Edward woord de örste offisjele handeling verreéch.

Dínsdig 15-02-2022

Vör de vastenaovend 2022 waor dit unnen daag um neet te vergaete. In de perskonferensie um 19:00 oor woord ângekondigd dât d’r ten tiéje vân ’t vastenaoveswiekend gen maotregels miër zujje gelde, behalve âs d’r miër dân 500 bezeukers beejiën kwaome. ’t Bestuur hâj naor aanleiding vân iërdere bereéchte ôp dizzen aovend ’n bestuursvergadering gepland. Plan A en plan B stônde ôp d’n agenda, inkluzief de beejbehuuërende aksies die genaome mooste waere. Al vreej snel woord beslaote vör plan B te gaon, waorbeej drie daag mit aktiviteite ingevuld zujje waere. Ok woord d’r vreejwâl metiën mit de schoël geschakeld woej um te gaon mit de planne die weej veuráf bespraoke hâje.

Dônderdig 17, vriedig 18 en zaoterdig

19 fibberwarie, Donateursaksie

Net âs veurgaonde jaor woorde ’n waek vöráfgaond aan de donateursaksie unne envelop mit breef hoés aan hoés áfgegaeve waorin ’t belang vân de donateursaksie stônd ângegaeve. ’t Waor gelukt dit jaor wâl wer unne kránt oét te brenge dae we gratis kooste aanbieje, inklusief pooster. Door de gulle gifte haet dees aksie de klub wer de meugelikheid gegaeve um ekstra aktiviteite te ônderneme.

Maondig 21-02-2022

Vorst Edward Cox en veurzitter Lars van Oostrum bezeuke alle groepe ôp de basisschoël en gaeve oétleg aover vastenaovend en d’n ôptoch in ’t biezônder. Doordât de basisschoël beslaote hâj um âs thema vör de vastenaovend d’n ôptoch te kieze, woord d’r stevig gewaerikt ân d’n “binne” ôptoch. Dit hâj âs resultaat dât de stoet begoós beej d’n ingang vân de schoël en zô lánk waor dât de laeste wage taege d’n ingang stônd vân de zaal vân ’t MFA. De schoël hâj ok alle liërlinge ’n kleurplaat gegaeve die ze thoés kooste inkleure. De kleurplaat koos me inlevere beej “De Spar”. Oét de 50 inzendinge woorde Levin oét groep 1B, 4 jaor, Faas Hegger oét groep 2B, 6 jaor, Stein Cox oét groep 3, 6 jaor, Sarah Peute oét groep 4, 8 jaor en Jinthe oét groep 5, 8 jaor âs winnaars getrokke en krege ôp vriedig 2502-2022 unne snoepzak en de ieëwige roem vör de moeëje inzendinge.

Vriedig 25-02-2022

Um 8:00 oor stônde weej ôp ’t Raodhoésplein de vlaag te hijse. Zôwâl ’t viéftal mit eur elders en ’n áfvaardiging vân ’t bestuur trotsere de raegen um ’t seizoen te aöpene. Ânsloétend woord ’t viéftal

naor schoël gebraoch waor de schoël karneval in ângepaste vaörem koos beginne. Heerbeej koos de kleine Prínsegarde zellefs drie kiër ’t dansje laote zeen waor zô hârd vör gewaerikt waor. Naodât ’t bestuur genaote hâj vân ’n ôntbijt, meugde zeej same mit de elders ânsloéte beej de schoël karneval. Ônderschei-jinge woorden oétgereikt en ôntvange. Ok de priéswinnaars vân de kleurwedstriëd kregen euren felbegeerde priés.

Nao ’t genôt vân ’n hepke woord d’r nag un urke gehost in de zaal. Same mit de meisters en juffe woord nag efkes naogenaote beej de Maert.

Zaoterdig 26-02-2022

Umdât d’r gen vergunning woord áfgegaeve vör d’n ôptoch ôntstônd ’t idee um enne toch te organizere waorbeej weej same mit belangstellende ’t dansmarietje Ieke áfhale en vervolliges Príns Miel thoés ôp te hale. Nao ’n inventarisasie vân de ôptochkemissie bleek dât d’r mâr lifs 120 diëlnemers waore, die ieder ôp eur eige maniër heerôp ’n invulling zujje wille gaeve. Mit twië cabrio’s die ter beschikking gesteld waore door Mark Peeters waor ’t enne prachtige toch en ’n geweldige ervaring. Ângekômme ôp de parkiërplâts vân ’t MFA waor d’r gelaegenheid de diëlnemers te bedánke en ‘t sloek te goeëje vânoét ’n steiger wât spesjaal heerveur waor geplâts.

In ’t MFA koos de resepsie beginne. ’t Vastenaovesgeveul begoós al langzaam te kômme want de resepsie waor good bezoóch en aerig gezellig. Mit Miel en Ieke in ’t middelpunt waor ’t nag ’n super fiës.

Zôndig 27-02-2022

Âs innige in de gemínte Venlo hâje weej de iër um toch ’n sleutelaoverdrách te organizere. D’n ôpzet waor wâliswaor iets ánders dân normaal mâr we meugde heerbeej Locoburgemeister dhr. Schatorjé ôntvange um names de gemínte Venlo dit heugelikke feit in gôje bane te leide. Mit ’n wördje vân vorst Edward, príns Miel II en Locoburgemeister Schatorjé en same mit ’t geuniformiërd gediëlte en de elders vân de hoëghede waor ’t ’n gezellige samekôms.

Naodât de sleutel in ôntvangs waor genaome koos ’t matinee beginne. Vör de jeugd waor d’r in ’t hoés vân de wiék unne spellekermis georganizeerd. Dizze woord good bezoóch.

Vânáf 15:00 oor waor ’t MFA aope vör ’t matinee. De aöpening heervân woord gedaon door de hoëghede Miel en Ieke. Vör de meziek waor gezörrigd en later in de middig nog ’n gastôptraeje. De zaal waor good gevuld en we kunne heermei trugkiéke ôp wer unne

geslaagden daag. Heer kwaom echter ok ’n end ân de regeerperiode vân príns Miel II en dansmarietje Ieke. ’t Áfscheid vân de Kiénderkarneval woord ingezatte. Nao ’n waord vân dank woorde príns Miel II en Ieke, adjudánte Tim Lommen en Levy Jacobs en sirremoniemeister Sem van der Coelen en alle leeje vân de Raod vân Ellef en Prínsegarde door ’n lang lint vân mínse naor de kliëdruúmte geleid.

Maondig 28-02-2022

Dit jaor wer gennen ôptoch door de straote vân Ârce. Ok gen groët ôptochbál mâr wâl unne binnesteboéte Ârcese kroegetoch. Dit heelt in dât ’t geuniformiërd gediëlte ’n veertal kroege langs ging en dât iedere vastenaovesvierder daen mei wôj ziech aan koos sloéte. We begoóste beej d’n Ârcese Herberg ôp d’n Lingsforterwaeg. Heer koos me al gauw zeen dât d’r miër dân voldoende behoefte waor um d’r wer us ôp oét te trekke. Mit ’n straolend zûnke woord de toch veurtgezatte richting ’t MFA. Heer kreeg de Prínsegarde nag iëne kiër de kans um euren dans te laote zeen.

Vervolliges woord d’r ’n bezeuk gebraoch ân kefee Rayer. Mit völ zang wât spontaan waor ôpgepak woorde we ôntvange in ’t kefee. Alderwets gezellig mit ennen hoëp Ârcese schlagers.

De toch woord áfgeslaote beej de Maert. Heer waor ni ’t gebroékelikke ballonprikke mâr vör de gelaegenheid waor de vergaderruúmte gevuld mit ballonne die door de Kiénderkarneval geprik kooste waere. Veuráf waor d’r nag un wördje vân vorst Edward um iederiën te bedánke daen in dizze kôrten tiéd ’n beejdrage geleverd haet um alles te kunne organizere. Weej kunne heermei trugkiéke naor ’n wâliswaor lastig mâr geslaagd seizoen.

Woensdig 02-03-2022

Dizzen daag stiët vörál in ’t teiken vân trug dinke ân de veurgaonde dolle daag, wasse en alle rômmel ôpruúme dae is bliéve ligge. Vlage meuge wer trug de kás in en beej de hoëghede meug alles wer ôpgeruúmd waere. ’s Aoves waore weej te gast in de kaerik um ’t assekruuske in ôntvangs te neme. Heernao stônd d’r vör die, die nag ni genôg hâje gehad ’n gleske beer klaor. Same mit de hiéringslaat en unnen hiéring woord d’r nag wât naogeprot ovver de daag die vörbeej waore gevlaoge.

Zaoterdig 24-04-2022

’t Seizoen waor nag ni vörbeej. Doordât ’t neet meugelik waor de 4x11 kienaovend tradisjoneel te hálde ôp de zaoterdig veur Kersmis waor dizzen

oétgesteld naor 24-04-2022. De zaal waor klaor gemâk en de völle priéze waore door de kemissie verzameld. De prìzentásie loog in hánd vân áld príns Micha en de nummers woorde bekend gemâk door áld dansmarietje Marit. D’n hoofpriés (Bosch staofzuúger) waor vör Britt Peeters en d’n ekstra hoofpriés (Philips 50” tv) vör Ralf Reutelingsperger. Alletwië beschikbaar gesteld door “Electroworld Cup Arcen”.

Zôndig 29-05-2022 Klub 11-11

Tiédes ’t jubileumjaor is de klub vân 11-11 ôpgereech. De leeje vân dees klub hebbe de verplichting 11 jaor lang ’n kontribusie te betale vân slaechs €11,00. Mit völ belangstelling is heer destiéds gehuuër aan gegaeve en de klub is gröter gewaore dân dât weej veuráf hâje verwách.

De leeje vân de klub vân 11-11 zujje heerveur ’n aantal aktiviteite trugkriége die in samewaerking mit brouwereej Hertog Jan zujje waere georganizeerd.

I.v.m. de Coronapandemie hebbe weej môtte wáchte wies ’t veurjaor vân 2022. Ôp zôndig 2905-2022 waore de klub leeje oétgenuuëdigd um naor de “grandprestige” daag te kômme. Tiédes dees daag waor d’r de gelaegenheid um diël te neme aan ’n spesjale rôndleiding waor oéteraard de “grandprestige” woord geprìzenteerd en waor gepruf koos waere. Nao áfloëp koos d’r nag waere naogeprot in de tent en waor d’r gelaegenheid um wât te aete in iën vân de aetgelaegenhede ôp de parkiërplâts vân de brouwereej. Kôrtum de örste aktiviteit vân de klub vân 11-11 waor ’n feit en we kunne trugkiéke ôp ’n geslaagde edisie.

Kôrt wördje ovver ôs Viéftal Ôs Viéftal beej de blage vân Ârce, bestaonde oét Miel II (Clabbers), dansmarietje Ieke (Reutelingsperger), de adjudánte Tim (Lommen) en Levy (Jacobs) en sirremoniemeister Sem (van der Coelen) hebben

d’r same unne prachtige vastenaovend 2022 vân gemâk. Same mit de Raod vân Ellef, Prínsegarde, kemissie Kiénderkarneval, elders, brurkes en zuskes kunne zeej trugkiéke ôp ’n ervaring die ze noeëjt miër zulle vergaete.

Dit jaor hebbe weej ok aandach geschônke ân: Lintje vör iéreveurzitter Wiel Rutten en Wim Janssen, jubileumresepsie DEV Ârce 100 jaor.

Helaas hâje we ok wer lás vân de maotregels i.v.m. ’t Covid19 virus waordoor ’t aerig lastig waor iets te organizere. Zellefs ’t samekômme um te vergadere waor heerbeej lastig.

Hebbe Gijs Hocks, Seppe Schel en Boaz Broeren ’n rômpertje ôntvange ter gelaegenheid vân eur gebaorte. En hebbe we helaas áfscheid môtte neme vân Jos Pisarowitz en áld Prínse Henk Rheiter en Jan Wennekers.

Verder zien d’r nag drie vergaderinge gewès mit de viéf stadsdiël vereniginge en ’t hállefjaorlikse ovverleg mit ôs zeustervereniginge oét Lômm en Vélde. Âs bestuur kiéke weej in ieder gevál trug ôp wer ’n geslaagd jaor. Weej zien gröts ôp de Ârcese vastenaovesvierders dât zeej dit same mit ôs meugelik hebbe gemâk.

Ârce Alaaf!!!!!

Aldus ôpgemâk ôp de leejevergadering vân 4 november 2022 door d’n örste sikkretaris. Ron Vousten

Roel van Megen 2x 11 jaor lid

Roel van Giesen 2x 11 jaor lid

Theo van Megen 4x 11 jaor lid

Eefje Valckx 1x 11 jaor lid

Rob Imming 1x 11 jaor lid

Bas van Giesen Comm. id orde vd Ârcense Kei 1x 11 jaor lid

Ciel Feijen BCL Ledenorde 3x 11 jaor lid

Robbie Woodford 1x 11 jaor lid

Elle Wijnhoven 1x 11 jaor lid

Ger Schreven Parket

L. Voncken Dierenkliniek Velden

Vilgert

Schans 3, Arcen

Noorderpoort 39, Venlo

Kruisweg 44, Arcen

51, Velden

Boerenweg 7, Arcen

kolofon

Sinds medio september 2005 waere de inkômste oét de karnevalskránt “de Keieschiéter” beheert door de stichting: “Steunfonds Culturele Activiteiten Arcen.” Dees stichting haet âs doel ’t ôndersteune vân vereniginge in finansjeel en materieel ôpzicht. En in ’t kader heejvân haet de Karnevalsvereniging al miërdere kiére ’n beejdrage meuge ôntvange. Heejônder kunt ge laeze woej de taakverdeiling is binne de stichting:

Akwiesisie en ôndersteuning:

Dave Drissen Toon Drissen

Stijn Haelermans Tom Imming

Martijn Kenis

John Schinck

Micha Peute Ron Smits

Peter van Elk Roel van Giesen

Vaöremgaeving:

Wiel Reivers Karin van Dijck-Holla

Bas van Giesen Geert Reivers

Vertaling tekste: Wiel Reivers Steffie Feijen

Fotografie:

Karin van Dijck-Holla Melissa Dorssers

Liane Peeters Reneé Schinck

Jessica Bongers Bèr Geurts

Sanne Schell-Overdevest

Druk: Drukkereej Knoops

Oétgave: Hoés ân hoés vör niks

Korrespondénsie: krant@keieschieters.nl

Fotografie en vertaling vân de tekste wört verzörrigd door de kemissie PR & kommunikasie

Örste eksemplaar karnevalskránt 2022

adverteerdersindex

A

A+G Transport 44

ABC Hekwerk Zuid-Oost 18

Aerdts, Jan 42

A la Mier 115

Alice Kapsalon 57

Alt Arce, Cafe-Restaurant 2

Makelaardij Ankie 97

Arcense Herberg, De 105

Arcener Bakhuys 40

Art of Beauty 76

B

Bellefleur, La 26

Beleef Arcen 120

Bol Administratie 62

Gijs Boss Transport 114

Bosrand, De 114

Brauwers Fleischerei 58

Brandt, Ruud van den 26

Brilliant Detailing 116

Goldschmiede Brimmers 64

Brinc Beveiliging 89

Pedicure Britt 48

Brueren & Keetels 25

Bruedje ut 58

BVB Substrates-Euroveen 98

Blue Workx 118

C Caféclub 49

Centrum, Cafetaria ‘t 86

Chateau de Thomas 40

Chinese Muur, De 81

Clevers IJssalon 110

Cosmos 116

Crowe 104+113

Cup Arcen 4

D Dierenkliniek Velden 113

Duckers, José 49

E Engelsen den 12

Elderen van 88

Elpé Interieurboetiek 73

Haus Eyckmann 48

F

Fisc-Account 71

Fish Plaza Seafood 6

Fitten Velden 48

Fitten, Ger 76

Fransman 94

Fudge-World 5

Fysio Vitae 27

Fysio Stalberg 73

G

Gasservice Venlo 86

Getränken Gelderman 87

Gerits Electro 120

Gipmans 104

Bureau Groenveld 59

H

Haca Algoed 94

Healthcare Bad Arcen 42

Van Hees Stucadoorswerken 69

Timmerbedrijf Hegger 26

Herbrand 86

Hertog Jan Bierbrouwerij 37+113

Hermkes 18

Hoefnagels, Pieter 96

Glenn van den Hoek 94

Hof, Hoed van ‘t 73

Hombergh Lomm 2

Hoogewerf 19

Hout-vast 2

Hurkmans Pallets Maastricht 77

I

Graanbranderij de IJsvogel 88

In de Vlinderkes 71

Inductus 27 en 72

Inther Logistics 4

Invite 42

IRF Venlo 118

J

Jacobs Dakbedekkingen 68

Jans Tentverhuur 110

Janssen-Limburg VOF 49

Jet Fashion & More 96

Jetten 27

Jenniskens 49

K

Kasteeltuinen Arcen 25

Wilfred Kessels 89

Ramon Koolen Kapsalon 77

KL Interim Finance 115

Kratz Graveertechniek 63

Klep, café de 71

Drukkerij Knoops 70

L

La coupe Yvonne 19

Kees Labrijn 110

Linden Renée van der 116

Lemmen Tweewielers 57

Lipzig van Metaaltechniek 87

Rob Lucassen Stucadoorswerken 89

M

Maas Media Plus 63

Hotel-Restaurant de Maasparel 69+113

Café de Maert 87

Market 2

Marloes Living Dreams 96

Meertens Vastgoed 24

Mertens BV 98

Mulder Ind.Movements 43

Motivz 97

Mola 40

Munckhof 88

N

Noorderpoort Autobedrijf 117

Nuance Uitvaartbegeleiding 69 O

Oude Hoeve 95

P

PKF/POST pallets 88

Paulus Veerbedrijf, Ton 76

Peeters Arcen 14

Peeters Autobedrijf 14

Bouwservice Peeters 97

Percom Automatisering 71

Leon Peters 115

Café de Proeverij 77

R Café Rayer 57

Reivers Timmerwerken 95

Van Rens IJzerwaren 26

Resort Arcen 111

REW 96

Rit Banden 48

Rivierdael Notarissen 98

Roobeek Group ’t Hogveld 80

Roompot vakanties 81

Rustique 62

Rutten Volvo 58

S

Schraven wasserij 117

Schreven, Juwelier-Optiek 48

Ger Schreven Parket 113

Schroembges Stucadoorsbedr. 89

Seacon Logistics 99

Siemes en ZN 12

Sjef restaurant 62

Smeets autogroep 44

De Smid Wellerlooi 118

Smits, P.E.J. 18

Smits, Ralf 76

Spar 72

Stephaudt van 19

Stipt Online 105

Straten Schilderwerken 111

Stadion Uitzenden 94

Syben Optik 96

T

Tante Sien 65

Terraq 63

Texacars 24

Theewen, Koeltechniek 96

Rik Thijssen 73

Timmermans Reifen 63

Tom’s Carwash 116

Truck Support 6

V

De Verfzaak Backes & Boels 105

Versboerderij, van Helden 114

Vissers & Vissers 7

W

Wapen van Velden 120

Wash Drive-in 6

West Plant Group 47

Wijnhoven Installatiebedrijf 115

Wilde De 89

Willems Bouwbedrijf 62

WIVO 68

Y

YouDog 4

Z

Bouwbedrijf in ‘t Zandt 59

‘t Zoete Genot 25

Ik gui dit noeëjt mieër vergaete!

Iederieën super bedánk ’t vör dizze geweldigge karneval!

WAUW,,WAUW,,WAUW!

de zaal…. Dit gui ik noeëjt mieër vergaete.

Hup ôp de nek vân pap, dât deeje we alle viéf; ôp de nek door

En dân….jaomer, ‘t pekske môt oét….mâr….

geniete.

Âs áfsloéter wer ôzze moeëjen dáns. Zoë biezônder, zoë

vân Pizza, daen waor tof!

Daornao de spellekermis, ok wer zô leuk. Vörál de megataore

De sleutelaoverdrach, leuk dât we heej beej meugden zien.

Karnevalszôndig:

biezônder mit de vlaag zwaaje en ôp de nek vân pap.

áfsloéting mit z’n viéve ôp de nek vân ôs vaders! Kiepevael….

Zô spesjaal dât we heej ok ôzzen dáns meugde doon. Âs

Daornao de resepsie. Wât ’n drukte en ’n verwennerij.

d’n ôptoch mit ’t viéftal snoep goeëje, ôp ’n spesjaal steiger.

Same d’n ôptoch loeëpe, hieël káld, mâr super leuk. Nao

Karnevalszaoterdig:

Maud en Meis. Toppers ziet geej.

dizzen daag….super spesjaal.

oma Vélde. Wât woorde we verwend en woej spesjaal waor

vân Príns Miel en vân sirremoniemeister Sem en mien eige

bringe ân ôs aovergroeëtelders. De aovergroeët opa en oma

Hoe biezônder dât weej âs 5-tal dit jaor ’n bezeuk meugden

Bezeuk ân de aldere 19 fibberwarie:

noeëjt te vergaete!

kwaome Bjorn en Mieke!!! Wauw, zoë tof! Unnen daag um

gezellig! D’r woord gezônge en gedanst. Âs groeëte verrassing

Iederieën kreeg genog te aete en te drínke en wât waor ’t

Wauw! Wât ’n fieës! Ôs hoés waor super, super moeëj versierd.

Krénse 12 fibberwarie:

Super leuk en gezellig 5-tal.

Tim en Levi en sirremoniemeister Sem bekend gemâk. ’n

Geliek dezellefden daag woorde ok Príns Miel, de Adjudánte

Super, super bliej!

Zoë gehopt, mâr noeëjt gedoog dât ik ’t hudje ôp zuj kriége.

keieloeëds meugde Carice ’t ni-je Dansmarietje bekend make.

mei meugden. Wât waor ’t leuk en oooh zô spannend. In de

keieloeëds. Super fijn dât pap en mam en Tieme en Jelle ok

de Prínsegarde beej-ieën kômme ôp de parkeerplâts vân de

meugden we ôs pekskes aan en meugde weej 6 megjes vân

Daor waor 30 jannewarie! Unne kalden daag, mâr eindelik

Oétrope:

’t

ging ’t good. Zoë gröts ôp mien vriendinne Florien, Femke, Isa,

kieër ôzzen dáns laote zeen. Zô spannend en zô leuk! Wât

beginne. Weej âs Prínsegarde meugden eindelik vör d’n örste

Örs ’s maerges de vlaag hijse en dân kân d’n echte karneval

En dân is ’t eindelik zoëwiét. KARNEVAL!

Schoeëlkarneval:

iedere woensdig ’n fieësje vân gemâk.

hâje we d’r zin in! Elle en Nicole waore leef en we hebbe d’r

Dit jaor waor de kleine Prínsegarde mâr mit 6 meide, mâr wât

D’n dáns oefene:

Mien meis biezônder herinneringe:

genaote. Wât ’n kadoos en fillesitasies!

nao d’n ôptoch waor dao de resepsie. Wât heb ik dao ook vân

goeëje. Gelukkig, want heej hâje we ôs ech ôp verheugd! En

Nao d’n ôptoch meugde we mit ’t viéftal toch nag snoep

en mam deeje ok mei mit d’n ôptoch. Super leuk!!

de cabrio hale. Mien gánse famílie en de vriendegroep vân pap

D’r waor unne loeëptocht georganizeerd. Ze kwaome mich mit

Ârce Alaaf

Príns Miel II

Ik wil iederieën super bedánke vör alles!

trug drei-je!”

miene pap en mien mam zei: “Koos ik d’n tiéd nag mâr efkes

noeëjt mieër te vergaete. ’t Waor zô leuk dât ik lets tegge

karnevalstiéd gehad. Ik kiék d’r ôp trug âs unnen tiéd um

Ôndanks ’t coronajaor hebbe we toch nag unne super leuke

viéftal.

pap en mam gebleve wies ’t end. Same mit de ándere vân ’t

of alles ech wâl door koos gaon.

coronaregels weg! Net ôp tiéd, want ’t waor nag wâl spannend

Toen brook eindelik de karneval aan en waore eindelik alle

gezelligen daag!

versierd en natuurlik ok ’t hoés! ’t Waor unnen echte super

’t Krénse waor ok geweldig! Wât hâj de straot toch moeëj

meikiéke via d’n tillefoon.

mam woosten ’t natuurlik al, dus ze kooste vân ’n áfstandje

Jos kooste mich oét de kei zeen kômme. Miene pap en mien

broor Quinn koos ni mei. Dus allieën mien zeuster Lise en opa

zien, want die zoote in karantaene mit corona. En ok mien

groeëte Príns.

Ôp maondig waor ’t jaorlikse balloneprikke. Ik bin same mit

neme vân Groeët Venlo. Dit is normaal gespraoke vör de

Ôp zôndig meugde ik âs jeugdpríns de sleutel in ôntvangs

de coronatiéd. Miene pap en mien mam kooste d’r neet beej

Oétrope begoos al ôp ’n aparte manieër, want we zoote in

Same mit Ieke, Tim Levi en Sem heb ik völ lol gehad. ’t

Minitentoeënstelling

DE KIÉNDERRESEPSIE

Wat ik later waere wiL Voetballer of YouTuber (neet vör

Hobbies Geeme, voetballe, ’n ei ôppe kop tikke, schâtse, vân miene stool valle

Breurs (brurkes)-Zeusters (zuskes) Tom en Bram

Mien Mama en Papa zien Niek en Jessica

Gebaortedatum 15 fibberwarie 2012

Adres ’t Wijdtveld 39

Naam Niels van Os

Wat ik later waere wiL profvoetballer, pliesie of sjefkok

Hobbies voetballe geeme & kaoke

Breurs (brurkes)-Zeusters (zuskes) Dani

Mien Mama en Papa zien Dennis en Annemarie

Gebaortedatum 2 mei 2012

Adres Lingsforterwaeg 105

Naam Sev van Dijk

Wat ik later waere wiL gen idee

Hobbies Geeme, Magneet visse en boéte speule

Breurs (brurkes)-Zeusters (zuskes) Sander en Ingrid

Mien Mama en Papa zien Kim en Bas

Gebaortedatum 15 Oktober

Adres Dominee Kingstraot 25

Naam Patrick Vervoort

’t géld, mâr umdât ’t leuk

Wat ik later waere wiL beroemd

Hobbies dánse, TikTok, boéte speule

Breurs (brurkes)-Zeusters (zuskes) Dhin

Mien Mama en Papa zien Kiwi en Aisha

Gebaortedatum 13-09-2011

Adres Kruúswaeg 30

Naam Seray Mulders

Wat ik later waere wiL Dât wieët ik nag ni

Hobbies trômme, voetballe, geeme, magneetvisse

Breurs (brurkes)-Zeusters (zuskes) Sef

Mien Mama en Papa zien Martijn en Gertie

23 september 2012

Príns Thei d’n Örste

8 jannewarie 2023

Aldus gegaeve

Weej, Príns Thei d’n Örste, haope en vertrouwe dât ôs veurschrifte trouw en prômp waere naogekômme en oétgeveurd.

Seray en mien Adjudánte Sev en Patrick en sirremoniemeister Niels d’r unne kei leuken tiéd vân gui make.

Ten zivvende: Dât ik same mit mien Dansmarietje

tiéd waere.

Ten zesde: Dât ’t alwèr 40 jaor geleeje is dât d’r unne Kenis ovver ’t keieriék heej heerste. ’t Zuj wer us

tiéd wil ik gaer allieën cola, sjips en pannekeuk.

Ten viefde: Dât mien mam thieë verkôp vind ik prima, mâr de kômmenden

steeds zuuj dât de stoeptegels oét de speulplâts waere gehaald en ’t hekwaerik wört gesloopt. Laote we d’r same vör zörrige dât dit neet mieër gebeurt.

Ten verde: Dât ik net âs miene veurgenger nag

Ten derde: Dât ik ’t jaomer vind, dât Frans Cup ziene wínkel haet veránderd, want…. waor môt ik nów hin vör mien speulgood te hale?

vör jônk en áld.

DEV eindelik zien 100 jaörig jubileum haet kunne viére

Ten twedde: Dât ’t mich deug deut dât mien klub

Ten örste: Dât ik bliej bin Príns te meuge zien nao dae gekken tiéd, ofwâl coronatiéd.

doon te wiëte:

veurschrifte te gaeve ân alle kiezelstiën vân Ârce, en

Alzoë weej meine dât ‘t ônder ôs regering nuuëdig is um

kompjoéter of ôp ‘t tablet, Ridder in de Orde vân ’t tamboerkorps vân Ârce.

Hofmeister in ’t speule vân Roblox of Mine Craft ôp miene

Beschaeremhiër vân alle bewoëners vân de Maasstraot,

of in de speultuin,

Beschaeremhiër vân basisschoël de Weiert, Ridder in de Orde vân groep 7 vân de juffe Yvonne en Lynn , Groëtmeister in ’t voetballe beej DEV JO 11-1, Kommandeur in ’t boéte speule ân de Maas

Príns vân alle snôtneuze vân Ârce,

Beej de grasie vân de kleine Raod vân Ellef,

proklamasie Weej, Prins Thei d’n Örste

Ân alle jônges en megjes vân Ârce: Alaaf!

Lissa van Oostrum. Neet ôp de foto: Duke Sanders.

Joske Knelissen, Amy Jakobs, Joaney Hermkes, Kyra

Rongen, Janneke van Heel, Maud Nijveld, Sanne van Dijck, Phileine Uithol,

Zittend vân línks naor raechs:

Femke van Geenen, Isa Geurts.

Nio van der Meer, Ties Reutelingsperger, Daan Geurts, Teun van Heel, James Wekenborg, Jelle Reutelingsperger, Kacper Kus,

Niels van Os (sirremoniemeister), Seray Mulders (dansmarietje), Patrick Vervoort (adjudánt), Thei Kenis (príns), Sev van Dijk (adjudánt),

Silke Reijmer, Shenna Janssen, Liam Raijmakers, Kane van de Staij, Pip Beelen, Regi Reutelingsperger, Noud Raijer, Joulz Ritter,

Staond vân línks naor raechs: