Estudyante sa Iloilo nagpangi babaw sa NDRM rehiyonal nga paindis-indis SYUDAD SANG ILOILO, Hulyo 13 (PIA6) - - Nagpangibabaw si Princess Belle Otero sang Sto. Domingo Elementary School sang Division of Iloilo City sang ginlutos sini ang 17 ka iban pa nga mga estudyante sa elementarya nagikan sa nanuhaytuhay nga mga school division sa Nakatungdan Bisayas agud mangin rehiyonal nga tagdaug sa National Disaster Resilience Month (NDRM) 2018 poster-making contest.
Photo by: OCD Region 6
Nagpauli si Otero upod ang coach nga si Fergie Lyn Celiz dala ang medalya, plake sang pagkilala kag P5,000 nga premyo nga kas nga ginhatag sa iya ni Regional Disaster Risk Reduction and Management Council 6 Chairperson kag Office of Civil Defense 6 Direktor Jose Roberto Nuñez sa tion sang awarding ceremony nga ginhiwat pagkatapos sang paindis-indis sang Hulyo 7 sa Robinson’s Place. Automatiko nga na-qualify ang entry ni Otero para sa national award nga hatagan husay sa Hulyo 18, 2018. Natalana ang national awarding sa Hulyo 31 sa tion sang National Closing Ceremony para sa NDRM 2018. Nagpangaduha naman si Kenby Cabrestante sang Maao Sugar Central Elementary School nga gin-updan sang iya coach nga si Yolamie Alvarez, kag nagpangatlo si Hero de la Serna sang Silay North Elementary School upod ang coach nga si Jovita Magan. Nagbaton ang duha nga lunsay taga probinsiya sang Negros Occidental kada isa sang medalya, plake sang pagkilala kag P4,000 kag P3,000 nga cash prize. Ang sentral nga tema para sa pag-obserbar sang “Katatagan Sa Kalamidad ay Makakamtan Kapag laman sa Kahandaan” ang gingamit sa tion
NDRM 2018 nga Sapat ang Kaasang paindis-indis.
Suno kay Nuñez ang tema nagahatag sang pagtamod sa kinaalam natuhoy sa resiliency batuk sa kalamidad kag kalalat-an sa tanan nga oras. Gindugang ni Nuñez nga ang kumpetisyon nga ginpatigayon sa amo nga adlaw kalakip ang essay writing para sa mga estudyante sa high school ang pila lang sa ila mga pamaagi nga ginapatigayon agud mahibaluan ang level sang ihibalo sang mga kabataan natuhoy sa kahandaan batuk sa sa kalalat-an. Ginabug-usan sang mga katapo sang RDRRMC VI nagikan sa DepEd, PIA, OCD, DOST kag DILG ang Regional Panel of Judges. (JBG/laf/PIA6-Iloilo)
p1. Dried fish market boost through science and technology p2. DOST may extend research for Hybrid Trimaran Vessel project p.3 DOST gears up for biggest annual A&T event p.4 Region-6 ranks third in Nat’l Invention Contest p.5 New technology brings water to Murcia village p.6 DOST 6 rolls out complementary food in Hamtic, Antique p.7 DOST leads Food Safetty trainings in Boracay p.8 DOST trains Ilonggo minorities on STARBOOKS p.9 DOST launches 2 research centers in Iloilo university p.10 40 Iloilo MSMEs trained on packaging