| 11 | Ecumenical Institute for Labor Education and Research (EILER)
matagumpay na transport caravan noong Marso na nananawagan para sa pagbaba ng presyo ng langis na pinangunahan din ng mga miyembro ng PISTON. Hamon sa gobyernong Aquino ngayong 2012:
Mula sa www.arkibongbayan.org
Sa nakaraang taon, idinadahilan ng mga kumpanya ng langis ang malawakang krisis pampulitika sa Libya bilang pangunahing salik sa pagmahal ng krudo sa pandaigdigang pamilihan. Di umano, ang nagaganap na digmaang sibil dito ang pumipigil sa suplay ng langis na nagreresulta naman sa pagtaas ng presyo nito. Ngunit sa ating bansa, tiyak at lantad na ang sunud-sunod na pagtaas ng presyo ng langis ay krisis na dulot ng deregulasyon. Sa ganitong lagay, hindi mapipigilan ang mga kumpanya ng langis kung gugustuhin nilang itaas ang presyo ng mga produktong petrolyo anuman ang kanilang maging mga batayan. Binibigyang laya ng Oil Deregulation Law ang mga kumpanya ng langis na ipatupad ang overpricing, na pilit na itinatanggi ng gobyernong Aquino. Bilang tugon sa walang hanggang pagkagahaman sa tubo ng mga kumpanya ng langis, kabi-kabila ang mga inilunsad na protesta ng mga mamamayan mula sa iba’t ibang sektor na pinangunahan naman ng PISTON. Kasama ang mga manggagawa, magsasaka, mangingisda, kabataan, kababaihan, maralita, at mga kawani ng gobyerno, ipinanawagan ang pagpigil sa pagtaas ng presyo ng langis, VAT sa langis, at ang pagbabasura sa Oil Deregulation Law. Naging matagumpay din ang malawakang tigil-pasada na kanilang inilunsad noong Setyembre 19 sa iba’t ibang rehiyon sa bansa. Mula NCR, nagtigil-pasada rin sa Timog Katagalugan, Bicol, at halos kalakhan ng mga lungsod sa Mindanao.
Ngunit sa kabila ng mga panawagang ito, nananatiling hindi natitinag ang gobyerno at sa halip ay nagpatupad lamang ng programang nagbibigay ng barya-baryang pang-agapay sa mga tsuper, ang “Pantawid Pasada.” Ipinatupad ito matapos ang
Sa panibagong taong ito, nararapat na tugunan na ng gobyerno ang panawagan hindi lamang ng mga tsuper kundi pati ng lahat ng mamamayan na alisin ang VAT sa langis at tuluyang pagbasura sa Oil Deregulation Law upang matigil ang walang-ampat na pagtataas ng presyo nito. Nariyan ding dinggin ang panawagang isabansa ang industriya ng langis upang hindi na umasa pa sa pag-angkat sa pandaigdigang pamilihan na lalong nagbibigay-ganansya sa mga mapangabusong kartel ng langis sa bansa. Pambansang welga sa Nigeria laban sa pagsirit ng presyo ng langis
Sampu-sampung libo ang nagprotesta sa iba’t ibang panig ng Nigeria (West Africa) matapos bumirit ang presyo ng petrolyo nito lamang bagong taon. Dumoble ang presyo ng langis patungong $3.50 kada galon noong nakaraang buwan sa naturang bansa matapos alisin ng gobyerno ang subsidyo sa langis. Mabilis na kumalat ang protesta bilang tugon. Inokupahan ng mga mamamayan ang mga mayor na lansangan para igiit ang ibaba ang presyo ng langis. Matapos ang ilang araw ng welga, napilitan ang gobyerno na ibalik ang subsidyo sa langis para pansamantalang ibaba ang presyo ng mga produktong petrolyo.