գործակալությունը թույլ է տալիս իր լրագրողներին, բացի մասնագիտական հաշվից, ունենալ մեկ այլ հաշիվ` չվկայակոչելով AFP-ում լրագրող լինելու փաստը, որը կօգտագործվի միայն անձնական շփման նպատակով: ԶԼՄ-ների մեծ մասը, խրախուսելով լրագրողների ակտիվությունը սոցցանցերում տեղեկություններ հավաքելու եւ տարածելու, քննարկումներին հետեւելու եւ հասցեագիրքը հարստացնելու առումով, այդուհանդերձ, դրանք համարում է հանրային, ոչ թե մասնավոր տարածք եւ հավասարեցնում ԶԼՄ-ի հետ: Հետեւաբար, համարում են, որ սոցցանցերում լրագրողների գործունեությունը պետք է ինքնակարգավորվի այնպես, ինչպես լրատվամիջոցում: Նույն «Ֆրանսպրեսը» համարում է, որ իրականում այն, ինչ հրապարակվում է Թվիթերում, Ֆեյսբուքում եւ մյուս սոցիալական կայքերում, անգամ անձնական էջում, դառնում է հանրային: Ուրեմն պետք է լիովին կիրառել գործակալության աշխատակցի ընդհանուր կանոնները եւ ցուցումները, հավատարիմ մնալ գործակալության էթիկային եւ արժեքներին, հավասարակշռություն պահպանելու հիմ նա րար սկզբունքին: Այդ հրահանգներին լրագրողները պետք է հետեւեն նաեւ ինտերնետ-ֆորումներին մասնակ ցության ժամանակ: «Ասոշիեյթեդ պրես»-ի ուղեցույցում գրված է. «Մի մատնանշեք Ձեր քաղաքական պատկանելությունը անձ նական տվյալներում եւ մի տեղադրեք այնպիսի նյութեր, որոնք կարող են կասկածի տակ դնել խմբագրության անկախությունը»:
78