Buh Seng Hun a Liam Hunah

Jeremia 8:20

Buh Seng Hun A Liam Hunah Oswald J Smith

Lettu – Jean Ralte 1/1/1999

Buh seng hun a liam hunah…

Buh seng hun a liam hunah By: Oswald J.Smith

He thu behchhan hi Jeremia 8:20-ah in hmu ang. “Buhseng hun a liam ta, nipui a tawp ta, chhandamin kan la awm silo”. silo” Kum tam tak a liam ta, rawlthar mai la ni a, ka pianthar hlimin, Chalmer’s Presbeterian Church, Toronto-ah Bible ka zir a. Patling thenkhat titi atangin King Street – St. Mark’s Presbyterian Church-a an pastor thar rawngbawlnaa mipui tam tak hipkhawm annih thu hi ka hria a. Chu pastor chu Rev. J.D.Morrow-a, infiam mi, intlansiaknaah pawh lawmman tam tak huitu a ni.

Chawlhni zanah chuan St.Mark’s-ah chuan ka awm vang mai a. An Biak in chu a lian hle a, mipui chuan an rawn luah zung zung a, kil 2|P a g e

Buh seng hun a liam hunah…

tinah chuan nghahhlehna boruak leng vel hian ka hria. Hun reiloteah chuan, thutna awm zawng zawng chu an awh khat ta vek mai a. Pu Morrow-a pawh a rawn inlan a, inkhawm a kaihruai ta nghal a. A sam chu a sei a. A ni tak e, a dar vaw tawk vela sei a ni. A hmel chu a hlim sarh mai. Ka thlir lai chuan, mipui thunun thei, a thian tana thil tam tak hlen chhuahsak thei mi ka en tih ka inhria a.

Kan hla sak te chu chanchintha thehdarhna lam hla a ni. Hla un takte an ni hlawm. Amah Pu Morrow-a chuan zai a kaihhruai a, inkhawm boruak chu a zangkhaiin, a hlimawma, mi a hip hle mai. Ka thinlung naupang tak chu a dek zar mai.

Nimahsela, min hip bertu chu a thusawi kha a ni. Pu Morrow-a chuan, Jeremia 8:20 na, “Buh seng hun a liam ta, nipui a tawp ta, chhandamin kan la awm silo”, tih hi a thusawi behchhanah a thlang a. Chutah aw-nem takin, ngaithlatute chu Isua Krista, an tana thlangfel turin a sawm a.

Chu sawmna aw chu ka theihnghilh leh ngai tawh lovang, kum tam tak a liam tawh na in, ka la hrereng a ni. Ka thinlung man behin a awm a, a thusawi chu ngunthluk takin ka lo thlir kar mai. A awte chu a nemin a ngaihawm a ni. Mipui chuan ngawi thiapin, a aw-ka chhuak tinreng chu an ngaithla a ni. A thu behchhanna chu sawi nawn rengin – “Buh seng hun a liam ta, nipui a tawp ta, chhandamin kan la awmlo”, ka theihnghilh theih hauhloh boruak danglam tak leng vel a awm tlat a ni. Chu, mi thahnemngai, a tawngka chhuak tinrenga cheng tlat thusawi chu ka ngaithla miau a ni. Hnukchat mekin, hnukchat mekte hnena a sawi ang mai hian, a hmaa mipui tlim hmurte dinhmun phawrh chhuakin a sawm vel a ni.

A hre kher lovang Pu Morrow-a khan, rawlthar kum 18 mi lek, a thlachhang dawltu turin, khami zana a thusawi ka ngaithla kha. Pu 3|P a g e

Buh seng hun a liam hunah…

Morrow-a tawngka chhuak tinreng chuan min khawih hle mai, chutiang reng chuan ka la awm ngailo. Ka ngaihven hle nghal a ni. He mi hi ka zui tur, ka duh ang taka min kaihhruaitu tur, a thusawiin min hmin nghal thlap mai. Hun reitak a ni ta, kha zan ropui tak kha.

Mahse, a sermon thupui kha ka thinlungah a la cham reng mai, “buh buh lo”, a ni chuan a seng hun a liam ta, nipui a tawp ta, chhandamin kan la awm lo lawmman a hmu daih tawh a ni.

Ka naupan laia hla ka hriat thin a awm. D.L.Moody-a hunlaia sak thin a ni, rawngbawltu-ho inhmuhkhawmna hmuna sak fo thin, tunlai hlabu-ah chuan hmun a chang ta meuh lo. A thunawn hetianginBuh seng hun a liam hunah Nipui a tawp hunah chuan Isuan a sawm tawh ngailoh hunah Chu hla chu ka thinlungah a chamreng mai, mipui punkhawmnaa kan sak kha a rei tawh hle nachungin. Krista hnena thlaraubo hruaitu, fuihtu leh nawrtu hla thatak a ni. Buh seng chungchang sawiin, chu hun liamna ni lo thleng tur, nipui tawpna tur chungchangah min fuih a ni. Chatuan hnaihzia leh muanchan mai pawi tur zia a hril a ni.

A tlar hmasa pahnihte hian thuhril hnuhnungber kan hriattur leh tawngtai hun liam tur thu min hriattir a. Hetiangin – Buh seng hun a liam a, nipui a tawp hunah Thuhril leh tawngtai reng a awm tawh lovang.

A chang hnihna hian a nemnghet zual, VAUKHANNA A KENG TEL A Ni. A thu kalhmang chu – Khawngaihna thlipui tleh tawh lova,

4|P a g e

Buh seng hun a liam hunah‌

Chanchintha puanzar a nih tawhloh hunah; Misual, chu manganna avanga chiaina chu engtinnge i tuar zawh ang le?

Chu beidawnna zan chu i tuarzo an gem?

Vauna thu, min hrilh hre theitu a thunawnin a zawm leh a. Vawikhat hriat chuan theihnghilh ziazang a ni lo. Kawchhungah hian a rawn thum nawn tlut tlut mai a ni.

Buh seng hun a liam hunah, Nipui a tawp hunah chuan, Buh tak nge buh lem; Rorelna a lo thlen hunin, Aw, engtin tak ni zel ang maw?

Ka thian, heng hlate hi kan tunlai mamawh an ni, kan chhungril fanthei hla, min nawrtu leh chatuan hun lo thleng tur min hriattir thei hlate an ni. Tunlai kan Pathian hla tamzawkte hi chu zangkhai leh hahdam tak an ni. A dika dik chuan, a thente phei hi chu hlalenglawng ang mai an ni. Remchanna ni in min liam san zel thu min hrilh a, tichuan, Pathian khawngaihna huangchhunga kan luh vat loh chuan, hun a liam mai ang. Buh seng hun a liam dawn, Rorelna Ni a lo thleng tep tawh. Buh tak nge buh lem anga seng kan nih dawn tih chu kan thutluknaah a innghat a, chu chu a tawpna a ni. Chuvangin, mahni leh mahni inbum hman kan ni tawh lo. Kan chan tur Vanram leh, Hremhmun kan hnuchhawn tur a awm. Enge, a nih leh, ka tihtur ni ang le?

Buh seng chungchang nena inkaihhnawih thi chi-4 pawimawh tak tak sawi tur ka nei. Pakhat te tein lo thlir ila:-

5|P a g e

Buh seng hun a liam hunah‌

I. BUH SENG HUN HI A AWM BIK: Embro-ah mipa naupang mai ka la nih laiin, buhsengtu-ho, Canada ram khawthlang lam pan tur rela an thu hmur hi ka hmu thin a. He thil hi kumtinin, sana vawn tluka hunbi nei angin a thleng thin a, awmze ril tak min hmuhtir a ni. Kar tlemte chauh awh mahse, a hunchhung hian boruak a zangkhai thei hle thung.

Buh sengna tur bik rel te chu nitin kan khuaah dingin, patling rual an lut zut zut thin. Chungho chu Manitoba, Saskatchewan leh Alberta lamah buh hmin lawr turin an kal niin an sawi a. An kal vatloh phei chuan a riral mai ang. Chuvang chuan, pa awlthawng deuhte chu sumtuakna’n buh lawr turin an thawk chhuak thin a ni.

Engtizia nge an hmanhmawh viau? Engtizia nge muangmar deuh emaw hun dangah emaw an kal mai loh? Engvangin nge kum tin hunbi bik a awm? A chhan chu, hei mai hi a ni, khawthlang lama buh seng tura an kal vatloh chuan, buh hmin a til ang a, kumkhua atan hlohin a awm ang. Chuvangin, hun khawhral mai mai hman a ni lo.

Tunah lo chuan engtikah mah a ni mai.

Thiante u, hei ang chiah hi Thlarau sengkhawmna pawh hi a ni.

Lakkhawm ngai bawk a ni. Pathian Thlarau Thianghlimin thahnemngai taka a sawm hunlai a awm thin; Chanchintha hrilin a awm a, thlaraubote chhandam an ni thin; Thlarau Thianghlimin Krista mihringte mamawh a nihzia a hriattir a. Sawmna hun hawn laiin thutlukna siam a ni thin, chu hun hlu bawhpelh palh erawh chu hloh hlenna, chatuana boralna a ni si.

Kum zabi tamtak kaltaah khan chutiang hun chu a lo awm thin. Nova hunlai pawh khan tlawhna ni a awm. In hriat angin, kum 120 chhung 6|P a g e

Buh seng hun a liam hunah‌

thu hrilin, tuilian leh Pathian thinurna lo thleng tur laka inring turin mite a fuih a. Mahse an hawisan tlat. An ngaihsak lo. Ruahsur reng an la hmu ngai tlat lo. Chutiang thu chu an zeldin thiamlo. Tichuan, an nuihzat a, an deuhsawh anih kha. Nimahsela, Nova chuan thu a hril fan a, lawng tuk chung zelin; Midang zawng, a hlawhfa rawihte nen lam erawh chuan, a hrilhlawkna chu hawisanin, a thusawite an nuihsan a ni.

Mipuite chu sualin an nung a ni. Dawngdahna, eirukna, nunrawnna leh tharum thawhnain an mizia chu tarlan a ni, chungte chu Pathian tenzawng tak a ni si a. Nimahsela, eirukna leh nunrawnna kiltina a lengvel chung pawhin, Pathianin inlamletna hun a siamsak. Zawlnei Nova, hlauhawm lo thleng tur hrilhlawktu a tir a, mahse, an ngaihsak chuang si lo. Kalsanin an awm. Tlawhna ni a ni a, an hawisan si.

Thawklehkhatah hrilhlawk ang ngeiin, Rorelnain a nangching a, an chiai hle. Ruahpui vanawn a lo thawk a. Tuilian a sang tial tial. A tawpah chuan, tlang zawng zawng a chim pil zo ta hial a. Nova leh a chhungte chu lawngah him takin an awm a, kawngka khar a ni ta.

Midang hrilhlawkna bengkhawn duhlotute erawh chu lawng pawnah awmin, tuiliana chimralin an awm ta.

Tlawhna ni dang pawh a awm leh. Israel leh Juda hnamte chungchangah Zawlnei tam tak tirh an ni. Mipuite hrilhlawk an ni.

Remchanna tam tak siamsak an ni. Thawklehkhata thleng a ni lo.

Chhuan tam tak hnenah Pathianin a chhiahhlawhte hmangin ramdanga hruaibo annih tur thu a puang a, mahse, barah an khawn si lo. A tawpah Rorelna a lo thleng ta. Samaria hnehin a awm a, chutah Jerusalem. Mipuite chu ramdangah hruai bovin an awm.

Khawpuiahte tam nasa tak a tla a, nute’n an fa pawmlaite an ei hial a 7|P a g e

Buh seng hun a liam hunah…

ni. Kiltinah thisen a luang. Rapthlak tak a ni – chu Rorelna chu. Buh seng hun a liam ta!

Chu lo pawh, Tlawhna Ni a awm. Isua lokal laiin. Ani pawhin, Rorelna lo thleng tur a hril lawk, mahse, A thusawite chu bengngawng laka sawi ang mai a ni.”Aw Jerusalem, Jerusalem! Zawlneite that a, lunga lo denghlum thin tu, arpuiin a note a thla hnuaia a awpkhawm angin i fate vawi engzatnge awpkhawm ka tum kha! Nimahsela in duh si lo.

En teh u, in in chu aruaka hnutchhiah che uin a awm ta”, tiin A tap a ni. (Mathaia 23:37-38) A.D.70 khan rorelna a lo thleng a, aw, a rapthlak zia kha! An tuar nasa in, neksawr an va ni em! An khawpui kawtthlerte chu thisenin a bual a ni. Kraws sang chuang a tlar put mai. Josephus-a sawi ang in – ramhnuai ang mai a ni, kraws tina misual thi mai tur khai anga a lan thlengin. Mahni mihring puite ei duh hialna thlarauvin khawpui a man bet tlat a. Chutah, khawvel hmuntina darhna a lo thleng a – darhna, tunthlenga la thleng, mipuite’n Pathian Tlawhna Ni hre duh lova suala an awm reng avangin. Buh seng hun a liam leh ta, nipui a tawp a, chhandam an ni lo. Aw! Chhiatna rapthlak tak a ni!

Keini pawh tlawhin kan awm. Tun hun ang reng a Chanchintha puandarhna nasa hi khawvel hun tawngah hian a la awm ngai lovang.

Han ngaihtuah mah teh, kum za chuang kaltaa Chanchintha puandarhna kha. England ram khan tluchhe mek chungin French Revolution a hmachhawn a. Chutih laiin, Pathianin John Wesley-a, George Whitfield leh Charles Wesley-a te chawikangin, Chanchintha a puandarh tir a. Zirtirte hun liam hnua khawvelin Tlawhna Ni a tawn ropui ber a ni. Chutiang ang reng a la awm ngailo. Wesley-a thuhrilin khawvel a dengchhuak. Pastor ni mai lovin, harhtharlehna – Isua 8|P a g e

Buh seng hun a liam hunah…

Krista hnena thlarau tam tak thlen thei Chanchintha a puangchhuak a ni. Pathianin Methodism hmangin mite a thawt lawk a, inlamlet tulzia thua nawrin.

Chutah, America lamah – Finney-a leh Moody-a kan nei a. Anni rawngbawlna hmang hian Harhtharlehna leh thuhrilna, englai maha America ramin a la hriat ngailoh a thleng a ni. Sang tam tak chhandamin an awm; nimahsela, chutichung chuan mi tam takin Pathian khawngaihna thlawnpek hnarin A tlawhna an ngaihsak lo.

Spurgeon-a, Sunday-a leh Gypsy Smith-a te Pathianin a tir leh a.

Mipuite sim tulzia thuin an kar a, inlamleta Krista pawm turin.

Tlawhna Ni bawk a ni, hmun tinrenga mihring boral mekte hnena Pathian au-na; mahse, sang tam tak ten A sawmna hawisanin A chhandamna an la hnar si.

Tunah, hun hnuhnung lamah Billy Graham-a, hnam pumpuite hnena tap chunga Pathian ngaiha fela inlan tura auchhuak kan nei leh a.

Englai mahin hriatpuitu tel lovin Pathian a awm ngailo. Rorelna lo thlen hmain khawngaihna kawng A hawng hmasa ziah a ni. Mahse, a engemaw zawk chauh hi – Khawngaihna emaw Rorelna emaw. A ni kawp theilo. Ka thian, Pathian khawngaihna i dawn duhloh chuan, Rorelna i hmachhawn a ngai. A thlan kawp theihloh; a engemaw zawk zawk a ngai. Ani, keini chhuante hi Tlawhna Ni kan tawng a ni. Hmun tinah Pathian zawlneite’n mipuite sim turin an fuih a, an hriat duhloh chuan thiam lohvin an awm ang.

“Vantirhkohten thil an tihsual lai khan Pathianin a zuah lova, hremhmunah a paih a, rorelsaka khek turin khuarkhurum thimah a khung zawk si a; tin, amah ngaihsak lote awmna khawvelah khan tui tiletin hmanlai khawvel chu a zuah lova, nimahsela Nova, felna 9|P a g e

Buh seng hun a liam hunah‌

thuhriltu chu,midang pasarih nen a chhandam ta a; tin, Sodom leh Gomorra khuate chu amah ngaihsaklo la awm turte entirnaah a hmang a, vuta chantirin, tiboralin thiamloh a chantir ta a; tin, Lot-a, mi fel, misualte awmdan hur tak avanga lungngai em ema chu a chhandam ta a; (chu mi fel chu an zinga awmin, a mitin a hmu a, a bengin a hria a, dan lo ang a an thiltihte chuan a rilru fel chu nitin a intina em em si thin a;) Lalpa chuan amah ngaihsaktute chu thlemna ata chhan chhuah dan leh fel lote chu rorel ni atan chuan hrem chunga khek dan a hria�. (II Petera 2:4-9) Thu dengkhawng tak an ni, rorelna leh thiamloh chantirna lo thleng tur sawinate. A! mi tam tak, Pathian hmangaihna uar taka sawi an awm, heng hmangaihna chungchanga thuhrilte hi tha ka ti, Pathian chu hmangaihna a ni si a, a khawngaihna lantir hi a lawmzawng tak a ni reng a; amaherawhchu, Pathian rorelna lo thleng tur hi kan theihnghilh hauh tur a ni lo. Kal thui lutuk hi thil theih a ni. A hmangaihna chungchangah ngaihdan kan lo siam ve ngawt tur a ni lo.

Zahngaihna hun hawn zawhah hian rorelna a awm ngei ngei dawn tih hi kan hrereng tur a ni. Ka thian, Pathian zahngaihna chu i dawng duhlo anih chuan, A rorelna i hmachhan ngei dawn a ni. Vantirhkohte mah a zuah lo anih chuan, mihringte A zuah i ring emi? Pathian dawhtheihna hi a zuai mai lovang maw? A Fapa kan hnawl fo hi Pathianin rem a ti meuh ang maw? Bible-ah hian Rorelna leh Chhiatna rapthlak eltiang lo thleng tur hi engvanga sawi nawn fo hlawh nge maw ni le?

Ka thian, buh seng hi hunbi nei a ni. Pathian Tlawhna Ni tia sawi a ni.

Pathianin a kan tawh che em? A kan mawlh mai che. Vawi tam tak chhandamna thu hriattir i ni tawh. A zawlneite’n an tlawh fo tawh che. A kohna che i hre tawh. A thawt lawkna che pawh i ngaithla 10 | P a g e

Buh seng hun a liam hunah…

tawh. Chhuanlam tur reng i nei lo. Hmanlai Israelte anga Pathian Thlarau Tlawhna Ni i haider lui anih chuan, i chungah enge lo thleng ang, han ngaihtuah teh? I chung thu-ah chuan, tunah anih loh vek leh engtikah mah a ni mai. A nih chuan, i nunna atan tlanchhuak thuai rawh. Chhiatna rapthlak lo thleng tur chu tlan bosan rawh.

II. PATHIAN THU LO CHUAN BUH SENG HUN A AWM THEILO: Mihringin tihtheih kan neih tlem zia hi fiah taka tarlan ka duh a ni.

Kan phun a, tuiin kan chawm thin; a than tirtu erawh chu Pathian chauh a ni. Thu hrila zirtir te, hrilh lawka zilhhaute, sawma ngente an awm thin. Pathian nena inrema awm tura mite thahnemngai taka hrilhtu an awm thin. Nimahsela, mihringin a theihtawp a chhuah tawh chuan, a thanna lam chu Pathian thu a ni thung, Pathian chauhvin mihringte a chhandam thei.

Johana 6:44-a Lalpa Isua thusawi kha i la hria em? – ‘Pa mi tirtuin a hip loh chuan tumah ka hnenah an lo kal thei lovang,’ a tih kha. Ka thian, hei hi Pathian thua kan hmuh, a pawimawh ber zinga mi a ni. I duh hun huna chhandam ni theihah i inngai a ni ang e. I inpeih hun apiangah Krista chu pawm mai theiah i inngai ang e. Thil theih a nih lohzia sawi ka duh. Tlawhna Ni, i thinlunga Thlarau Thianghlimin hna a thawh lai ngeiin isua Krista i pawm a ngai a ni. Mite’n an zawn lai, harhtharna thlen lai ngeiin Pathian lamah i inlamlet tur a ni. Thliin a len bova huntha i hloh mai chuan, a tlai lutuk ang.

I duh hun huna inlamlet thei turah inngai lul suh. Ka sawi nawn leh teh ang, Pathian zahngaihna hian chin tawk a nei ngei dawn.

Pathianin huntha a siamsak che a, chu huntha i bawhpelh hlauh

11 | P a g e

Buh seng hun a liam hunah…

erawh chuan i tan Pa pan chu theihloh tawp a ni dah ange. Pathianin a hip che a ngai. Isua sawi ang khan.

‘Vantirhkohten thil an tihsual lai khan Pathianin a zuah lova, hremhmunah a paih a, rorelsaka khek turin khuarkhurum thimah a khung zawk si a; tin, amah ngaihsak lote awmna khawvelah khan tui tiletin hmanlai khawvel chu a zuah lova, nimahsela Nova, felna thu hriltu chu, midang pasarih nen a chhandam ta a; tin, Sodom leh Gomorra khuate chu amah ngaihsak lo, la awm turte entirnaah a hmang a, vuta chantirin, tiboralin thiam loh a chanter ta a. Lota, mi fel mi sualte awm dan hur tak avanga lungngai em ema chu a chhandam ta; (chu mi fel chu an zinga a awmin, a mitin a hmu a, a bengin a hria a, dan lo anga an thiltihte chuan a rilru fel chu nitin a intina em em si thin a;) Lalpa chuan amah ngaihsaktute chu thlemna ata chhan chhuah dan leh fel lote chu rorel ni atan chuan hrem chunga khek dan a hria.’ (II Peter2:4-9) Hei hi ka han zawt leh ang che – Thlarau Thianghlimin a rim che awm i hre tawh reng em? I chhandamtu atan isua Krista pawm duhna i nei ngai em? Chhandam nih – pianthar chaka i awm awm reng i hria em?

I thlarau chhandamna lungkhamin i lungngai tawh em? Sual entir kawnga Thlarau Thianghlim thiltihtheihna hi i hmelhriat tawh reng em?

Ka thian, i lo hre tawh thin a nih chuan, Pathian aw hre tawh i ni.

Pathian ngeiin i hnenah thu a sawi a ni. Thlarau Thianghlimin inlamleta chhandam ni turin a sawm a che. Chumi hun tak chu thutlukna i siamna hun tur chu a ni. Tunah chuan, i thinlung a lo sak in, pianthar chakna reng i nei lo a ni thei. Thlarau hriattirna a lo dal zo tawh a, a kian san tawh che a, Pathian hawisan hnu i ni thei. A duh 12 | P a g e

Buh seng hun a liam hunah…

vang reng ni lovin, Pathianin chutiangin mi a kalsan mai ngai lo, an ngaihsak nganglo a nih loh chuan. Amaherawhchu, Thlarau Thianghlim sawmna i hawisan zel a, Pathian nen inremna in neih loh chuan, ngaihna thinlung i put leh hunah pawh i tan pawm mai a harsa ngei ang. I hnawl apiangin, a dawtleh chu a harsa sauh zel ang. ‘Ni love’ i tih khan, ‘ka pawm e’ tih i harhsat telh telh ang.

Ka sawi leh teh ang, Pathian thlarauvin mite a tlawh hun, Thlarau Thianghlim chet lai, Pathianin mi a hip a, a sawm hun hi a awm thin.

Amah chauhvin thlarau A chhandam thei, A thawh loh chuan engmah tihtheih a awm lo, Pathian thu lo chuan buh seng hun a awm thei tlat si lova.

Thawk chhuak theiah inngai suh. Mihring thahnem ngaihnaa Crusade huaihawtin, thusawitu leh zaithiam sawm khawmin, Pathian hna thawk tura thu pek theiah i lo ngaihruat ngawt ange. A mite tawngtaina Pathian in a chhan chauhvin Thlarau in hna a thawk thin, chumi hunah chuan thlaraute chhandam an ni thin. Thil hriatthiam harsa tak a ni lo, Mihring in a duh hun hunah Pathian a pan thei lo, Thlarauvin a hruai dan ang zel chauhvin a ni. Ka thian, A kan lai che i lo hawisan a nih hlauh zawngin, chhandamtu pan i thei lo mai ang.

Chuvangin, hei hi ka ngen chiam a che, ngun takin i nun han bih la, thlarauvin eng ang chiahin nge a kaihhruai che? Chhandam nih duhna te i nei reng em? I thlarau chhandamna atan i ngaihven em? A chhan chu, ka sawi leh ang, Pathian thu lo chuan buh seng hun hi a awm thei lo. ‘Pa mi tirtuin a hip loh chuan tumah ka hnenah an lo kal thei lovang’.

13 | P a g e

Buh seng hun a liam hunah‌

III. A HMIN LAI TAKIN BUH AN SENG THIN: Mi tam zawk te kum 25 an tlin hmain chhandamna an chang a, kum 35 ral kai tawh chhandamna chang an tlem hle tih hi i ngaihtuah ngai em? Thudik tak a ni, mipui pungkhawm ka zawh atang pawhin, mi tam berte chu an vanglaia chhandamna chang an ni tih ka hria. Ka thian, hei hi thudik a la ni reng. Kum 30 ral kai hnu tlem azawng chhandamna chang an awm a, a tam zawk chu an vanglai in; nang enge i dinhmun ve le? Kum 30 ral i kai tawh em? A nih chuan i dinhmun a chhe hle. I vanglai hun chen mek i ni em? A nih chuan, Isua Krista tana thutlukna siam tam berte zingah i tel a, i chan a la tha deuh.

Buh a hmin lai tak hian a ni, an seng thin ni. A hmin vanglai tak a ni tur a ni. Nula leh tlangval an vanglai hun hmang mekte chungah hian Pathian thlarau nasa takin a thawk thin. An lo do let chuan, an thinlung a sak a, zawi zawi in an harsa telh telh; an kum a lo tam zel a, an chawlawl zo thin. A sang tela Krista pawmtute zingah ni lovin, pakhat-pahnih-a pheuh pheuha chhandamna chang ta mial te zingah an vanneih hlauh chuan an awm ta thin a ni.

Sualin a ti chawlawl a ni thei. An chin than an ching dawklak zo tawh a. Kum a tlem deuh lai chuan sim mai a harsa hran lo, mahse la zai a lo inzem kual hneh deuh hnu chuan pawh-chhum a harsa thin. Sual tihtluka i awm hmasak ber tum leh a hnua i awm dan i la hria em?

Tumkhat naah kha chuan inthiamlohna i nei anih kha. Sana chiri-ri ngaithla duh lova i in leh-san fo chuan, eng hunah emaw chuan sana chiri-ri reng i hre hauh lovang. Chutiang chiah chu sual chungchang pawh a ni. A hnuaia a kun tir theih hma che chu, a man bet tlat thin che a ni. Sana chiri-ri a awm tawh lo – i hre ngai tlat si lova.

14 | P a g e

Buh seng hun a liam hunah…

Chutiang chuan suala awm rengin Pathian thlarau i hawisan a. Sualin a man beh tawh che avangin i thlauhthla thei tawh lo; a salah tangin a thuhnuaiah i kun ta thin a ni. Inthiamlohna reng nei hauh lova Thlarau Thianghlim hmun i kian lo anih ngat chuan, a kum telin i lut thuk telh telh ang a, Isua Krista pawm tura nun han her danglam chu i thei tawh lo mai ang.

Chuvangin i vanglaia chhandam i nih loh ngat zawngin, chhandamna chan theihna kawng i tan a zim hle ang. Tar-kun hnua chhandamna chang ta mial pawh an awm ngei mai, thil thleng zen zen lo a ni thung. Chhandamte zinga tam ber hi chu an vanglaia chhandam an ni.

A kum telin hun tha i hloh a, tar hnua Krista hmuh phei chu thilmak a tling hial ang.

Naupan laiin a sang tel chhandamna chang an awm thin. Krista hnena naupang hruai hi a awl ber. Chin dawklak thalo an la nei lova. An thinlung a harhvang tha a, naupangte nih laia chhandamna chan hi a ropui a ni. Thlarau chhandamna chan mai bakah nun a tluang thin.

Isuan he thu a lo sawi pawh hi a mak love, ‘Naupang tete ka hnenah han kaltir ula, hnar suh u’.

Ka thian, nang ve le? I vanglai hun i hmang mek nge, naupang mai i la ni? A tlai luat hma ngei hian Lalpa isua Krista chu i chhandamtu atan pawm thuai rawh. Anih loh leh, i vanglai pel in, tar lam i pan mek zawk em ni? In veng rawh, hun tha i nei tlem tawh ania. Kum ral tinin harsatna a belhchhah zel ang. Pathian thu hi a mak love, ‘Tun hi hun lawmawm a ni a; ngaiteh, tun hi chhandamna ni chu a ni’. Anih chuan, lungmuang mai suh. Tunah ngei hian thlang fel rawh. I vanglai hun i pel thuai dawn e. I thaw lak tin hian chatuan hun a hnaih tir che, tlai luat hian pawina a nei a nia.

15 | P a g e

Buh seng hun a liam hunah…

IV. BUH SENG HUN HI A ZO THIN: A tawpah chuan, ‘Buh seng hun a liam a, nipui a tawp ta’. Anih leh, ‘Chhandamin kan awm si lo’, ti ho zingah hian i tel hram dawn em ni? A va rapthlak em! Buh seng luh ve tak lohte chunga lo thleng kha i hria em? Lo-ah hnutchhiahin an awm a, an riral mai anih kha. Chu chu i tuar tur a ni ang em? I boral mai dawn em ni? A va lungchhiat thlak em!

Ka thian, beng lo chhi teh. Pathian thlarau ngawrh taka a thawh tawh loh chuan, i tan buh seng hun a liam a ni ang. Harhtharna hun a tawp a, suala i la awm cheu anih chuan, i tan buh seng hun a liam a ni.

Manganna leh lungkham reng nei lova i ring i la tikhawng tlat anih chuan, i tan buh seng hun a liam ta. Thlarau hawisan, Pathian ngaihthah, thinlung sak leh thip pu tlat i nih chuan, i tan buh seng hun a liam ta tih ka sawi e.

Pathian thu hi i hria em? ‘Ka thlarau chuan mihring chu kumkhuain a beifo lovang’, tih hi. Pathian thlarauvin a beih loh hun hi a lo thleng thin reng a, a beihna zawng zawng i do let thin vang a ni. A Thlarau Thianghlin i hnawl a, hna a thawh nasat tehlul nen, i rawn pan si lo. I tan hei hi ka sawi a ni, buh seng hun a liam a, nipui a tawp ta. Tunah chuan a tlai lu ta.

Mahse, ka thian, a tlai lutuk lo thei. Tunah mai hian Krista chu i pawm a, i vawn tlat chuan, i tlai lovang. Amaherawhchu, i ring i la tikhawng tlat anih chuan, ‘Buh seng hun a liam ta, nipui a tawp ta, chhandamin kan la awm si lo’, ti-a chiau vawng vawngte zingah, rorelna ni lo thleng turah chuan i tel ve ngei ang. Chu chu i chan tur em ni dawn? A ni kher lovang. Mahse, tun ang reng i nih chuan, i chan tur a ni miau si.

‘Zilhhau fo pawha ring tikhawng tlat chu, vawilehkhatah tihtliahin a 16 | P a g e

Buh seng hun a liam hunah…

awm ang a, tihdamna a awm lovang’. (Thufingte 29:1) Anih chuan, lo kal la, Krista pawmin, a chhandamna chang rawh. I duh em? Tunah ngei hian rawn pan nghal rawh.

‘Khawvel puma Chanchintha puandarh hi Pathian thupek anih a, RAMTHiM tan engmah i thawh ve lo anih si chuan, Pathian remruat dodaltu i ni ang.’(Oswald J Smith)

17 | P a g e

Buh seng hun a liam hunah…

1999

Buh Seng Hun A Liam Hunah Oswald J Smith ‘Zilhhau fo pawha ring tikhawng tlat chu, vawilehkhatah tihtliahin a awm ang a, tihdamna a awm lovang’. (Thufingte 29:1) Anih chuan, lo kal la, Krista pawmin, a chhandamna chang rawh. I duh em? Tunah ngei hian rawn pan nghal rawh.

Lettu – Jean Ralte 18 | P a g e Jeremia 8:20 1/1/1999