Bæklingur um íþróttir barna og unglinga. Bæklingurinn er saminn með tilliti til nýrrar stefnu í þessum málaflokki sem endurskoðuð var á Íþróttaþingi ÍSÍ 2015.
Helstu breytingar sem gerðar voru á stefnunni eru að aldursskiptingu var breytt og nú er talað um aldurshópinn fimm ára og yngri en var áður átta ára og yngri. Þá er miðað við sjálfræðisaldur eða 18 ár í stað 19.
Framsetning stefnunnar hefur verið einfölduð og sett upp í töflu svo að auðveldara sé að lesa úr henni.
Innihald stefnunnar hefur tekið nokkrum breytingum en mikil áhersla er lögð á að íþróttir eigi að vera fyrir alla, þær þurfi að vera skemmtilegar og þar ætti leikurinn að skipa stóran sess. Einnig hefur verið bætt inn þætti sem er mælikvarði á árangur, sem gefur til kynna hvernig mögulegt er að mæla árangur íþróttaþátttöku með ólíkum hætti eftir aldri.
