Pipiwharauroa

Tau kē! Te Whānau ā-Apanui

Whakanuia te Te Kapa Haka o Te Whānau ā-Apanui, me kii te nuinga o rātou ko rātou tonu, arā nō Ōmāio, nō Te Kaha nō te rāwhiti. Koianei te tuatoru e toanga i te Matatini i mua i te māpu 18,000 i Ngā Ana Wai i Te Matatini Herenga Waka Herenga Tangata 2023 i te marama kua taha ake.

Whakanuia hoki te kapa o te hau kāinga a Whāngārā Mai Tawhiti me Ngāti Whakaue arā, ōrite ki te whakataunga tuarua. I waenga i te tekau mā rua o ngā kapa i whakatū waewae i te tuatoru o ngā rā, ko te kōwhiringa, ko Waihirere nō Te Tairāwhiti me ngā rōpu katahi te tuatahitanga ki te uru mai ki ngā whakatae tae o Te Matatini, ko Angitu, ko Te Hekenga ā Rangi me Te Kapa Haka o Ngāti Whakaue.

I toa Te Whānau ā-Apanui i ngā tau 2005, 2015 tāpiri atu tēnei tau. Ahakoa ngā whakawhiu a Gabriel, tino harikoa ana ngā kaiwhakahaere o te Matatini i te putanga o te manomano tāngata ki te mātaki i ngā whakataetae, me te kaha mātakihia i te kāinga, te tūhonotanga atu i ngā tūmomo kaupapa tatau.

He Maimai Aroha

Pupū ake ana te aroha, te pouri nui ki te hunga i aituahia. Koutou te riro i te ringa kaha o aitua

Aroha mutunga kore ki a koutou. Ki ngā whānau pani Arohanui

Ahakoa ngā whakawhiu o te wā

Ka tū kaha tonu

Arohanui ki te whenua i haehaetia nei

Te kaha o parawhenuamea

Ka tū kaha tonu

Arohanui ki ngā pāmu, ngā pākihi, E kore e tāea te pēhea, ko ngā tohu o te wā.

Ka tū kaha tonu

Mangatū, Te Karaka, Waingake Ngā takiwā o te Rāwhiti, Te Wairoa

Ki te katoa o te motu

Ka tū kaha tonu

Arohanui

Me mihi hoki ki ngā kaiwhakawātea, Ngā kaimahi, ki te hunga takakai Tohatoha rawa, ki te rawakore

Ka tū kaha tonu Arohanui.