Hakihea 2019
l
l
Pipiwharauroa
Pukapuka: Rua Te Kau Ma Ono
Ko Taua Wā Anō! Kua puta ngā ihu! Kua tae mai anō te wā whakanui i ngā tauira o Tūranga Ararau. He tauira nō ngā mātā waka o te motu, nō ngā hau e whā, nō te wā kāinga hoki. Tau ana hoki i te taenga mai o ngā Kaiahuwhenua o Kahunungu ki Heretaunga, he peka hoki ki Tūranga Ararau. I whakarauika mai i te wiki kua pahure ki te marae o Pāhou, takahia atu ana te ātea tapu o Ngāti Maru, Tūmatauenga i runga i te reo rōreka o Thelma Karaitiana te rehe o Manutuke whānui. He maha i whakaeke, he maha kāre i runga i ngā whakaritenga mahi. Tau ana, ka tū mai ko Arthur Stewart hei whakarite i te wāhanga ki te hau kāinga, ka tū atu ko Matiu Hāwea ki te whakautu. Ko te manuhiri kauhau ko Meredith Akuhata-Brown, arā he wahine hīkoi i te ao tōrangapū. He kōtiro koi te hinengaro, pai ana hoki ki te tirohanga, te mumura o
Inside this month...
Page 3
Kōrero O Te WĀ
Panui: Tekau mā rua
Whakanuia te Rā Whānau ō Ihu Karaiti Me te ūnga mai o te tau hou
ana makawe, te rata hoki ki ngā tamariki o tēnei wā. Ko tāna, ko te whakatairanga, ko te hiki wairua, kia takahia te whakamā, kia ahu whakamua me te whakapono ahakoa te aha ka taea.
“Koia te aroha o te Atua ki te ao, hōmai ana e ia tana Tama kotahi, kia kore ai e ngaro te tangata e whakapono ana ki a ia. Engari kia whiwhi i te ora tonu”
Ko te wāhanga whai ake, ko te tuku i ngā tohu. Riro tonu mā ngā kaiako me te Kaiwhakahaere, a Sharon Maynard tēnei wāhanga e whakatau. Ko ngā tauira i eke ki ngā taumata whakahirahira i whakawhiwhia ki te taonga whakamaumahara ki a Jack Peneha ko Tahi Kiroki, ki te taonga whakamaumahara ki a Emma Koia ko Anaru Boyd ki te taonga o Barry Brown ko Lucas Westend, ko tō Tere Fitzgerald i tukua ki a Rona Mei Haig. Nā te hākari tēnei huinga nui i whakakapi. Nā mihi o te wā, Meri Kirihimete me ngā mihi nui mo te tau hōu.
Whakanuia te rā whānau ō Ihu Karaiti Whakanuia te ūnga mai o te tau hou Whakanuia i runga i te ngākau harikoa Whakanuia ā whānau Ūia mai koe ki ahau He aha te mea nui o te ao Māku e kii atu He tangata, he tangata. Nō reira Manaakitia ō tātou pākeke, kaumātua Ā tātou tamariki mokopuna Whāngaia te matekai Whakakākahutia te makariri Arohaina te rawakore. Kia tūpato i a koutou haereerenga Kaua e taraiwa haurangi Kia pai tētahi ki tētahi Ko tēnei te mihi atu Ki ngā uri kei ngā tōpito o te ao Ki te Tairāwhiti whānui Nā mihi nui ō te wā Nā Tūranga Ararau Tūranganui ā Kiwa
Pages 4-6
He RauMahara
Pages 7-9
Tūranganui Schools Māori Cultural Festival
Pages 10-12
Tao Matarau
Page 15
Tūranga Health